الخميس، 17 يونيو 2010

إختيار مصير

تعرضت الباخرة لغرق مُحقق ولذلك قام الِسفن باستخدام قوارب الإنقاذ, وأمر أن يتم نقل السيدات والأطفال أولاً.وحينما جاء الدور عليها بأن تصعد إلى قارب الإنقاذ- فهى على سطح الباخرة - رفضت بشدة أن تترك زوجها الحبيب فأخيراً تم شملهما وهم يقضون شهر العسل سوياً فى هذه الباخرة التى كانت فكرتها منذ البداية والتى اعترض الجميع على هذه الفكرة ولكنه احتراماً لرغبتها وحباً فيها وافق.
أفاقت من شرودها على صوته : اذهبى معهم وأنا سألحق بكِ سريعاً.
صمتت وفى عينيها رفض محقق ثم قالت بإصرار: مش هسيبك.
قال لها بحزم مصطنع وعيون مليئة بالخوف والقلق فهو يعلم جيداً بأن الوقت لن يسعف لإنقاذ الرجال: لو بتحبينى روحى معاهم.. يلا بسرعة مفيش وقت.. مش معقول كل السيدات تنزل وأنتِ الوحيدة اللى تفضلى مع كل الرجال هنا.
وأخذ بيدها سريعاً وسلمها إلى المنقذ فوضعت قدمها اليمنى فى القارب ثم قدمها اليسرى واستدارت سريعا وهى واقفة تنظر إليه غير مستوعبة ما يحدث والقارب يهبط من أعلى الباخرة إلى الأسفل ماراً بالأدوار السفلى من الباخرة فى اتجاه البحر وعينيها مُعلقة به وقلبها تتسارع دقاته وبداخلها تقول: مش قادرة أسيبك .. مش قادرة.
وبالفعل اتخذت القرار سريعاً وقامت بتنفيذه فقد قفزت من القارب إلى الدور الأول من الباخرة وقبل نزول القارب إلى البحر بدقائق معدودة وصعدت الباخرة فى الدور الأول وأخذت تصعد على السلالم سريعاً وهى تتخبط فى كل من حولها فالموقف أصعب من أن يكون فيه نظام فالباخرة فى حالة هرج ومرج وصراخ بالإضافة لامتلائها بالماء من كل الأرجاء. وهنا لمحها وهى تقفز من القارب فقد كان يتابعها بعينيه ورآها وهى تعود إلى الباخرة مجدداً.. ذهب مسرعاً إليها وتقابلا أخيراً وتم عناق حاراً بينهما مفعم بالشوق واللهفة.
نظر فى عينيها بحب قائلاً: ليه عملتى كده؟.
قالت: خيرونى بين موتى أوموتك وأختارت أموت معاك ولا أن أحيا بدونك.. إزاى أعيش فى دنيا أنت مش فيها.. الدنيا من غيرك هتفقد أحلى معانيها.
ضمها إليه بكل حنان فى انتظار مصيرهما المحتوم فالماء داخل الباخرة قد وصلت حد الأعناق.
- تمت-.
------------
# إذا أحبت المرأة ضحت بحياتها ولا تبالى.


سؤال جانبى
ـــــــــــــــــــــ
مين أكتر حد فى الدنيا ممكن تضحى علشانه بحياتك عن طيب خاطر؟.

هناك 23 تعليقًا:

أنا - الريس يقول...

القصة من حيث الصيغة والحبكة .. ممتازة
ومن حيث الشريعة غير جائزة ..
انا عارف اني بقول رأي غريب ..
بس ما دام بيحبوا بعض وحصلوا علي السعادة .. يبقي خلاص
مش مهم بقي عاشوا خمس دقايق ولا خمسين سنة
الجملة الأخيرة مش من عندي ..

----------
سؤال أنا غلبا من هضحي لاني بخاف ، لكن لو الموضوع اجباري .. فهواا أحمد طه صديقي الصدوق .

Single Mummy يقول...

عزيزتى مونى
اما انتى عليكى حاجات يا شيخة!!!
نفسى تكتبى البوست دة بس يكون الزوج هو اللى المفروض ينزل الاول..ممكن؟
اما بالنسبة لسؤالك الشخص دة هو حمزة ابنى طبعااا

تحياتى وقبلاتى

ميرا ( وومن ) يقول...

أزيك يا مونا

عارفة البوست دة بجد هايل و رومانسي قوي قوي

و لو اني مش متخيله انه يحصل كدة في الحقيقة

بس السؤال جامد قوي وخلاني أفكر دلوقتي
وبما إني سنجل لا زوج ولا أبناء

فالوحيدون اللي يستحقوا بالتضحية بحياتي علشانهم بابا وماما واخواتي وولادهم

انا عارفة انك سألتني عن واحد بس كلهم عندي واحد واهم ناس في حياتي

حمـــــــــــــــــــــة يقول...

الله الله
رائعة
و كانها فصل من "تيتانيك"
أما عن :
سؤال جانبىـــــــــــــــــــــمين أكتر حد فى الدنيا ممكن تضحى علشانه بحياتك عن طيب خاطر؟.
التضحية ليس فيها خاطرا
يستحق ---------> بدون تفكير و حتى الإنتظار لا يحتمل
كيف نقتنع بذلك؟
كل شخص له قناعاته و يعرف كيف يحافظ عليها

العلم نور يقول...

قصة جميلة وكلها مشاعر إنسانية أما عن سؤالك .. فأبنائي هم من أضحي لهم وبطيب خاطر.

السلام عليكم ..

فلسطين والعالم العربي .. وليس مصر وحسب فكل فلسطين تئن والعرب بالطبع الحكومات وليس الشعوب يستمرون في اللامبالاة.

موضوع قيم .. ولكن أرجوا تغميق الخط وتكبيره قليلا حتى يكون واضح أكثر.

بارك الله فيك.


أرجوا المساهمة في دعم الحملة لو تكرمتم

(حملة الجسد الواحد)

أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!

صورة الشعار .. في مدونتي أعقل مجنونة في الوجود .. ويكتبون فوقها ..

(حملة الجـسد الواحـد)

رابط المدونة

http://dndanh111.blogspot.com/2010/06/blog-post_14.html

جعله الله في ميزان حسناتكم .. آمين

الزهرة البرية (Joudy) يقول...

حلوة القصة جدا يامونى معناها حلو جدا فى أحاسيس جميلة مش بعيدة عن الانسان اللى قلبه بيحب بجد تسلمى عليها ياقمراية


أما سؤالك بقى فأظن إنى ممكن أضحى بحياتى علشان كل واحد فى عيلتى الكبيرة مش بس الصغيرة

دمتى بكل الخير والحب والسعادة

AHMED SAMIR يقول...

فعلا موقف مؤثر يارب محدش يقع فيه

blue-wave يقول...

والدتى
بس.

رفقة عمر يقول...

قصه جميلة قوى
لو انا فى نفس الموقف هعمل نفس موقف بطلة القصه بس بشرط اكون باحبه ويكون يستاهل انى اضحى علشانه

بس لو عندى اولاد يبقى اكيد ولادى هاضحى علشانهم

سجود يقول...

السلام عليكم
يعني ماتوا ولا ايه
عموما يلا ربنا يرحمهم عايشين او ميتين
انا مستعده اضحي عشان اختي وامي وابي
وناس كتير الحمد لله

Punny_Punny يقول...

صياغة القصة جميييييييلة.
بس بصراحة أنا مش شايفة دي تضحية أنا شايفاها إنتحار ؛ في رأيي تعتبر تضحية لو هي ماتت عشان هو يعيش, لكن كده هم الإتنين ماتوا بدون فايدة . و كأنها تيأس من رحمة الله بعد ممات زوجها.
أما ممكن أضحي عشان مين :- أنا مليش غير بابا و ماما و إخواتي.

غير معرف يقول...

مش عارفة

(لحظة شرود) مع سرحان

مها ميهوووو

جنّي يقول...

السلام عليكم

منتهى الايثار والتضحية وقمة الحب ..

سأضحي من اجل ديني اولا ثم وطني ثم اسرتي..

تحيتي

كلمات من نور يقول...

الله على الحب والتفاني

مش أي حد يعمل كده يا موناليزتي


اما للسؤال الهام فأنا ممكن أضحي علشان كتير بس مش بحياتي علشان حياتي بيد الله تعالى ...بس احيانا الإنسان ممكن يعمل شيء يفدي أي عزيز بروحه وهو بيحميه من شيء خطير زي لما يكون اتنين بيعدوا الشارع ومرة واحده تعدي جنبهم عربيه بسرعه تلاقي واحد منهم بيحميه بجسمه ..فهماني يا قمرايه؟

موناليزا يقول...

مستر بريزيدنت
ــــــــــــــ
أهلا بيك يافندم
أشكرك لرأيك فى القصة من حيث الحبكة
....
.....
أشكرك جدا لمشاركتك
يسعدنا دوام التواصل


**********************************


سنجل مامى
ــــــــــــ
أهلا اهلا بالقمر
:)
ما بلاش أنا:)

أشكرك جدا لمشاركتك وربنا يباركلك فيه ياحبيبتى
نورتينى ياجميلة واسعدنى تواجدك



*********************************


ميرا وومن
ـــــــــــ
أهلا اهلا بالقمر
أنا الحمدلله بخير ماتحرمش من سؤالك ياحبيبتى
:)
لأ ممكن .. لو البطلة بتحب بجد هضحى بحياتها عن طيب خاطر وهتفضل الموت على انها تعيش من غيره.

ياحبيبتى ربنا يخليكم لبعض وماتتحرموش من بعض ابدا
نورتينى ميرا الجميلة واسعدنى تواجدك



**********************************


هاما
ــــــــ
أهلا بيك يافندم
:)
أشكرك جدا لرأيك

قصدك تقول ان مفيش حد يستاهل انك تضحى علشانه ولا انا فهمت غلط؟

يسعدنا دوام التواصل



***********************************


أم الخلود
ــــــــــ
أهلا اهلا بالقمر
أشكرك جدا لرأيك ولمشاركتك
ربنا يخليهوملك ياحبيبتى ويباركلك فيهم

وعليكم السلام ورحمة الله وبركاته
مش فاهمة ايه دخل فلسطين فى البوست ده!!!
اما عن الخط فلو كبرته اكتر من كده هيبقى الكلام فوق بعضه

أما عن حملة الجسد الواحد فسأتكلم عن هذا الفحوى قريبا فى بوست

نورتينى واسعدنى تواجدك



*********************************



الزهرة البرية
ـــــــــــــ
أهلا اهلا بالقمر
أشكرك جدا لرأيك تسلميلى حبيبتى

دمتِ جميلة دائما ومحبة للآخرين
نورتينى جودى الغالية واسعدنى تواجدك



*********************************


أحمد سمير
ـــــــــ
أهلا بيك أستاذ أحمد
أشكرك لتعليقك
يسعدنا دوام التواصل



********************************


بلو واف
ــــــــــ
أهلا بيك يادكتور
أشكرك جدا لمشاركتك
يسعدنا دوام التواصل



********************************


رفقة عمر
ـــــــــــ
أهلا اهلا بالقمر
أشكرك جدا لرأيك
لو المرأة حبت هتضحى بحياتها بجد وعن طيب خاطر
ربنا يرزقك ياحبيبتى بالزوج الصالح والذرية الطيبة اللهم امين
نورتينى ياجميلة واسعدنى تواجدك



*********************************


سجود
ـــــــ
وعليكم السلام ورحمة الله وبركاته
أهلا اهلا بالقمر
لكِ مطلق الحرية فى تخيل النهاية:)

ربنا يخليهوملك ياحبيبتى
نورتينى ياجميلة واسعدنى تواجدك



**********************************


أحسن تستاهل
ــــــــــــــ
أهلا اهلا بمهاميهو القمر بعد طول غياب
:)
خدى وقتك وفكرى براحتك

نورتينى ياحبيبتى وبتوحشينى بجد



*********************************


بنى بنى
ــــــــ
أهلا اهلا بالقمر
أشكرك جدا لرأيك
هى اكيد مافكرتش انه انتحار.. مش يمكن كان عندها إحساس انها حتى لو هتموت يبقى تموت معاه بدل ما كل واحد يموت فى مكان بعيد عن التانى وخصوصا ان زورق النجاة استحالة ينقذ جميع العدد

ربنا يخليهوملك ياحبيبتى
نورتينى ياجميلة واسعدنى تواجدك



***********************************


جنى
ـــــــ
وعليكم السلام ورحمة الله وبركاته
أهلا بيك استاذ سعيد
أشكرك جدا لرأيك ولمشاركتك
يسعدنا دوام التواصل



********************************


كلمات من نور
ـــــــــــــ
أهلا اهلا بالغالية
فعلا مش اى حد اللى بتحب وبس:)

ايوة طبعا وده المقصود
تسلميلى حبيبتى وتسعدينى دايما بتواجدك المميز

د/على خميس يقول...

السلام عليكم و رحمة الله و بركاته
قصة مؤثرة جدا
ما شاء الله أسلوب حضرتك رائع ...
مع انها كده ممكن تعتبر منتحرة ... هى تضحى لو ماتت علشان هو يعيش ... لكن تموت معاه ؟؟؟؟!!!!
أنا ممكن أضحى علشان ناس كثير ... الله أعلم عند الجد!!
بارك الله فيك
تحياتى

Unknown يقول...

السلام عليكم

هذه تعتبر من الناحية الفنية أقصوصة (أصغر من القصة القصيرة)... موقف واحد.. أحداث سريعة.. عبارات قصيرة.. وصف مركز.. مشاعر واضحة..

موقف يدعو للتأمل.. ماذا لو عشتُ هذا الموقف؟! ما اختياراتي؟!

طبعا من الناحية الشرعية لا يوجد ما يسمى بالتضحية بالنفس من أجل شخص إلا رسول الله صلى الله عليه وسلم.. إنما يجوز أن يموت المسلم باختياره إن كان في ذلك مصلحة عامة مؤكدة للمسلمين ولنصرة الدين، كالعمليات الفدائية أثناء قتال الأعداء..

لا أريد أن أفلسف الأمور، لكن كل ما هنالك أن الأدب أوالفن لكي يكون إسلاميا -وأحسبك تبغين ذلك في كتاباتك- يجب أن يكون منضبطا بضوابط الشرع، بمعنى أبسط ألا يخالف قاعدة من قواعد الدين أو يدعو إلى ما نهى عنه الدين.

آسف على الإطالة.. وتحياتي.

حمـــــــــــــــــــــة يقول...

لا لا
لم أقصد ذلك
ولكن أحتار في الإختيار
بحق
أحب الجميع حتى من لا يحبني في النهاية هو مخطئ و سيأتي يوما يراجع تفسه
و الحمد لله 
قد يبدو لك غريبا بعض الشيء و لكن تلك هذا ما يحدث معي ............

داليـ ـ ـ ـ ـ ـ ــــا يقول...

فكرتينى بفيلم تيتانك
فيلم تيتانك نفس القصه بالظبط لو مش شفتيه من قبل اتفرجى عليه هيعجبك اوى
هو فيلم أجنبى

جميله القصه اوى

بالنسبه للتضحيه
ناس كتير
ماما وكل أخواتى وأصدقائى

تحياتى

Unknown يقول...

عندي مشكلة حقيقية في تحليل الحب و المشاعر :)
عن التضحية ..
اعلاء كلمة الله هي اهم سبب للتضحية :)

nado يقول...

جمليه وجساسه وحزينه بس توصل للقلب وانا راى ان الحب الحقبقى تضحيه دومتى كعادتك مبدعه

Unknown يقول...

السلام عليكم ورحمة الله وبركاتة
ياااااااااااااااااااااا جميلة اووووووووووووووووووووووى بجد
ما شاء الله عليك
ممكن اضى بنفسى علشان
القدس
زوجى وابنتى
اخواتى
وقبل كل دا
ماما الله يرحمها
بل وتمنيت دا كتير
انى اموت وماما تعيش لخواتى ويعوضوها عنى
بس مفيش حد يعوضنى عنها
رحمة الله عليها
دمت بالف خير

موناليزا يقول...

د/ على خميس
ـــــــــــــ
وعليكم السلام ورحمة الله وبركاته
أهلا بيك يا دكتور
ربنا يكرمك أشكرك جدا لرأيك
:) هكذا هى المرأة حينما تحب

أشكرك جدا لمشاركتك
يسعدنا دوام التواصل



*******************************


ماجد القاضى
ـــــــــــــ
وعليكم السلام ورحمة الله وبركاته
أهلا بيك أستاذ ماجد
أشكرك جدا لتوضيح مفهوم الأقصوصة (أول مرة أعرفه)

أشكرك جدا لمشاركتك ولملاحظتك القيمة
ولكن البطلة فى مثل هذا الموقف ستغرق سواء معه أو من غيره فإمكانية الانقاذ فى هذا الزورق ضئيلة ولذلك فلتختار المكان المحبب لها
وفى قصصى عموما اركز على الجانب النفسى للأبطال
وتبقى ملاحظتك موضع للتقدير

يسعدنا دوام التواصل



*********************************


هاما
ـــــــ
أهلا بعودتك يافندم
فعلا غريب أن يكون عندك احتمالية ان تضحى بنفسك من اجل شخص تعلم أنه لا يحبك

أشكرك جدا لمشاركتك
فى انتظارك دائما



********************************


داليا
ــــــــ
أهلا اهلا بالقمر
شوفته ياحبيبتى وفعلا القصة مشابهة ولكن فى الفيلم البطلة هى من نجت والبطل مات

ربنا يخليهوملك ياجميلة
نورتينى يا داليا واسعدنى تواجدك




*******************************



قهوة بالفانيليا
ــــــــــــــــــ
أهلا اهلا بالقمر
:) انتى عكسى تماما فى النقطة دى

وما اجمل مشاركتك واختيارك
نورتينى شيمو الجميلة واسعدنى تواجدك



********************************


نادو
ـــــــ
أهلا اهلا بالقمر بعد طول غياب
ربنا يكرمك وأشكرك جدا لرأيك ولتعليقك
نورتينى نادو الجميلة واسعدنى تواجدك



**********************************


حتى تشرق الشمس
ـــــــــــــــ
وعليكم السلام ورحمة الله وبركاته
أهلا اهلا بالقمر
ربنا يعزك يارب اشكرك جدا لرأيك

ربنا يخليلك أسرتك ويرحم والدتك
نورتينى ياجميلة واسعدنى تواجدك