الثلاثاء، 5 يوليو 2011

كانت بلد شهادات


حصلت على شهادة جامعية وتزوجته
وهو حاصل على تعليم متوسط لكن لديه شقة تمليك بالإضافة لعمله بإحدى الدول العربية الذى تتيح له مستوى معيشة يتمناه أى شاب.
وفى أول مشاجرة بينهما عايرته الزوجه قائلة: إحمد ربنا أنى وافقت عليك وأنا واحدة تعليمها عالى.
- غريبة أمال ليه ماعلموكيش إزاى تكلمى زوجك.
- أنا غلطانة أنى اتجوزتك.. أنا ليسانس(...).
- وأنتِ عاملة لى بيه إيه الليسانس ده؟؟ زيك زى أى واحدة قاعدة فى البيت ومستنية اللى يصرف عليها.. والتعليم دلؤتى بيلم وكل الناس بقى معاها شهادات لكن كام واحد يقدر يعيشك فى المستوى اللى أنا معيشهولك.
- وأنا مش قاعدة لك فى البيت.

الزوجة : تعمل إيه لو عرفت إنى ضحكت عليك وإنى مش بكالوريوس ولا حاجة ويادوب بعرف أفك الخط بالعافية.
الزوج: بس ده يبقى غش وتدليس.. أنا ممكن أودى أبوكِ فى داهية.
تفاجئت الزوجة من ردة فعل زوجها لأنه يعلم جيدأ أنها تمزح فهى قبل الزواج كانت تعمل بشهاداتها فى مكان مرموق.
فقالت له: ياسلام !! ده بجد؟؟.. وهى شهادتى تفرق معاك فى إيه؟.
الزوج: طبعاً تفرق.. المهر والشبكة الغاليين كانوا عشان الشهادة.
اتصدمت الزوجة وقالت: ياريتك مااتكلمت.
----------------------
من الجميل أن يكون هناك توافق بين الزوجين فى كل شئ بما فيهم التعليم ولكن الأجمل أن يكون هناك توافق من الناحية العقلية والبيئية فليس كل مُتعلم لديه القدرة على إدارة حوار أو اختيار ألفاظه أو إدراكه أن لكل مقام مقال وعنده الذكاء الذى يجعله لايخسر من حوله..
لاننكر أهمية التعليم فى حياتنا ولكن الأدب والأخلاق والاحترام المتبادل بين الطرفين أهم بكثير .

نصيحة:
يوم ماتتجوز اتجوز حد انت مالى عينيه بغض النظر عن مؤهلك العلمى.. الكلام للرجل والمرأة.



سؤال جانبى:
ـــــــــــــــــــــ
هل توافق مستوى التعليمى لشريك حياتك شرط أساسى لنجاح الزواج؟.

هناك 24 تعليقًا:

مصطفى سيف الدين يقول...

اجابة لسؤالك
المستوى العلمي ليس شرطا لنجاح الزواج
اغلب امهاتنا من ربات البيوت الذين لم يكملوا تعليمهم لكنهم يعرفون كيف يحافظون على اسرتهم
شكرا لنصيحتك الغالية
ودوما يحمل قلمك نبض العقول وتحاولين ان تكشفي لنا عيوب المجتمع
تحياتي لكي

كريمة سندي يقول...

لا أعتقد ذلك فالشهادة ليست مقياس وإنما الأخلاق والتربية والمنبت الحسن هو الأهم ارق التحايا

shoshta_ joker يقول...

السلام عليكم....

اول مرة اعمل كومنت عندك هنا فى المدونة او ادخل بس منووووورة انا كتيررر طبعا
هههههههه

ان شاء الله حاجة دايما

حلو اوووووى البوست

ومن رايى مش فى كل الاحيان فى ناس بتبقى
شخصيتهم قوية وذو ثقافة وخبرة وهما مش لديهم تعليم عالى

الامر بيرجع للتوافق النفسى والثقافى والاجتماعى والتفاهم والاحترام...

دومتى بخير
فى رعايةالله
shemo

رشيد أمديون يقول...

السلام عليكم

إن النموذجين اللذان طرحتهما هنا اضحكاني جدا.. خاصة الثاني.
في الحقيقة هي معضلة أن يكون الانساد بمستوى ثقافي عالي ويفتقد الحكمة أو الترجيح أو العقلانية، أو حتى حسن الخلق، كان العلماء قديما أو المثقفون يأخذون العلم مع الأدب والحكمة، حتى يوازن بين الأمور فلست الثقافة وحدها تكفي لممارسة الحياة وحدي صعابها بل العقل والحكمة وهما ما قد يتوفر عليها من ليس له أي مؤهل علمي...
ثم إن التوافق بين طرفاي الزواج مهم جدا كما تفضلتِ..

لا ليس شرطا لنجاح الزواج هو توافق المستوى التعلمي بل الشرط هو الاخلاص والتفاهم.

فارس عبدالفتاح يقول...

سلام عليكم

هناك فرق بين المستوى التعليمي بمقارنة الشهادات العلمية التي يحصل عليها الفرد وبين القاعدة المعرفية الخاصة بالافراد

فالقاعدة شيء والاجازة / الشهادة / التعليمية شيء اخر

فقد يكون الفرد حاصل على اعلى المرتبات التعليمية ولكنه ليس لديه قاعدة معرفية سليمة

كذلك الفكر الانساني والاخلاق شيء والشهادة التعليمية شيء اخر

ولكن هناك حركة جديلية بين المعرفة السليمة للفكر الانساني السليم للفرد وبين الاخلاق

لان من الحتمية والضرورة ان المعرفة تزيد القيم الانسانية وتؤصلها اذا كانت موجوده اصلا

وكذلك قد قد تفرض على الانسان ان يتخلق بخلق ليس في اصل ذاته ولكن بحكم مدى المعرفة الذي حصل عليها قد يفرض عليه ذلك لصحة وسلامة القاعدة المعرفية الخاصة به

والمعرفة نسبية بين البشر فهناك متعلمين ولكن اجهل من الدواب واضل من الهوام لان مدى الوعي والادراك لديهم والذي هو ادوات للفكر الانساني في الاستشراف والاستنباط والتحليل مختل لانه بني على قاعدة ذاتية وليس موضوعية

وعلى العكس هناك اناس لديهم فكر سليم ناتج عن ادراك ووعي سليم ولكن تنقصهم المعرفة

ولكن في اسوء الحالات فان اؤلك الناس احسن فكرا وحالا من تلكم الذين يحملون شهادات تعليمية ولكن مع الاسف الفكر لديهم مختل

نسرين شرباتي "أم سما" يقول...

هههههههههههههه
مش عارفة ضحكت ليه
حلو جملة ان التعليم دلوئتي بيلم وكل الناس بقى معاها شهادات
ههههههههههههههه
طيب وانت مخدتش شهادات ليـــــــه؟؟؟؟؟؟؟؟؟؟؟

بجد الشباب بيغيظوكي أحياناً بجواباتهم اللي متدخلش لا عقل ولا منطق
لا ولسا لما قلها ان دفع فيها فلوس علشان شهادتها
عليه العوض ومنه العوض
ههههههههههههههههه
،،،،،،،،،،،،،،،،،،،،،،،،
بجد مش عارفة اعلّق
،،،،،،،،،،،،،
أما بالنسبة للسؤال:
أنا برأيي الشهادة مهمة
لكن برضه المدرسة أكبر حياة
بصراحة شهادة من غير فلوس مش حتمشي معايا
انا مش مادية لا
لكن الحياة متطلباتها كبيرة أوي
يمكن ينفعش تعيشي انتي وراجل من غير فلوس تاكلو حب بس
لكن لما يجوا العيال حتأكلوهم منين؟
محدش يقلي العيل بيجي وبتيجي رزقته معاه
محبيتش أكون مثالية
لكن اتكلمت بصراحة
:)

برأيي كل حالة بتختلف عن التانية
وده بيرجع لشخصية الراجل والست نفسهم
يعني مش معقولة دكتورة أد الدنيا ترتبط بسباك، مع انها بتحصل يعني
ومع إن الدكتور بيرتبط بالأقل منه تعليماً وشفتها بعيني كتير :)
يمكن رغيت كتير بس موضوعك جميل

،،،،،،،،،،،،،،،،،،،،
يعني النسبة الأغلب ان توافق التعليم مش شرط أساسي لنجاح الزواج :)

،،،،،،،،،،،،،،،
وبالنسبة لنصيحتك
فهيا مية مية
لازم يكون زوجك أفضل راجل في عينك
والعكس تمام :)
علشان متنفعش الحياة إلا كده
والرضا مطلوووووووب

مها البنا يقول...

بوست جميل يا موناليزا

عجبتنى قوى النصيحه اللى فى الأخر .. فليس للجميع القدره على التكلم .. لأنه ببساطه موهبه.

بالنسبه للسؤال .. التوافق العلمى قد يساهم فى إنجاح زيجة ما فعلا .. ولكنه ليس شرط ( أساسى) فى العموم.

تحياتى

سواح في ملك اللــــــــــــــــــه- يقول...

التكافؤ من شروط الزواج الصحيح

تحيتي ياامة الله

Unknown يقول...

موناليزا وحشتيني :)
بصي يا مونا و أنا لسه في الكليه كنت بستغرب ان مكتب التنسيق بيتدخل في إختيارتنا للحب و الزواج و كنت فاهمه ان أهم حاجه الحب ثم الحب ثم الحب لكن بعد كده إكتشفت إني ممكن أعجب بحد أقل أو أكتر مني لكن صعب أتفاهم معاه و صعب يبقى في مشروع حياه بين اتنين مش متكافئين لكن طبعاً لكل قاعده شواذ,
موضوع مهم و جميل كالعاده
تحياتي الخالصه ليكي

ليلى الصباحى.. lolocat يقول...

السلام عليكم

تعرفى ياموناليزا اشعر انك (جدتى) هههه لك خبرة فى الحياة غريبة ومواضيعك رائعة واختياراتك طيبة كتير

والله حبيبتى كل ده بيحصل فى الحياة للاسف لكن مين يتعظ ومين يفهم
لاحول ولاقوة الا بالله

تحياتى وتقديرى

Mahmoud Ahmed يقول...

الزوجة : تعمل إيه لو عرفت إنى ضحكت عليك وإنى مش بكالوريوس ولا حاجة ويادوب بعرف أفك الخط بالعافية.
الزوج: بس ده يبقى غش وتدليس.. أنا ممكن أودى أبوكِ فى داهية.
تفاجئت الزوجة من ردة فعل زوجها لأنه يعلم جيدأ أنها تمزح فهى قبل الزواج كانت تعمل بشهاداتها فى مكان مرموق.
فقالت له: ياسلام !! ده بجد؟؟.. وهى شهادتى تفرق معاك فى إيه؟.
الزوج: طبعاً تفرق.. المهر والشبكة الغاليين كانوا عشان الشهادة.
اتصدمت الزوجة وقالت: ياريتك مااتكلمت.



بغض النظر عن المغزي
بس عجبتني قوي قوي
هههههههههههههههههه
هههههههههههههههههههههههههههه

reemaas يقول...

نصيحة غاليه


اه اعتقد ان لازم يبقى فيه تقارب وخصوصا لو جواز صالونات علشان يبقى فيه حوار

وخصوصا عند البنت ماينفعش تبقى اعلىمن الولد ده بيعقدهم

Bent Men ElZman Da !! يقول...

جامده النصيحه بجد
مش شرط اوافق على حد مستواه التعليمى زيى عشان احس ان هيبقى فى بينا توافق
المستوى مش بس بالتعليم ما ياما فى ناس متعلمه تعليم كويس وفى مراكز كويسه
بس مش بيعرفوا يتعاملوا كويس مع غيرهم اصلا
يهمنى ان حد يبقى متفاهم معايا عقلياَ عشان نقدر نتفاهم
احنا مش هنتفاهم بالشهادات
المشكله كلها ان فى رجاله مش بتتقبل ان الست تبقى اعلى منهم فى المستوى التعليمى وبيسببلهم عقده

موضوعك مهم اووى

ابراهيم رزق يقول...

هتستغربى من كلامى لكنه حقيقى

انا لا اعترف بالشهادات
يعنى ايه شهادة اخدها من مذكرة اقراها قبل الامتحان بيوم و يوم الامتحان الصبح و بعد الامتحان لا اتذكر شيئا
يعنى ايه شهادة و انا لا اعرف صلاح عبد الصبور و جاهين و امل دنقل و احمد شوقى
يعنى ايه شهادة و انا لا اعرف مولير و شكسبير و البرتو مورافيا
مش مصدقانى اذهبى الى جامعة القاهرة و اسالى الف طالب من هو صلاح عبد الصبور و اتحداكى لو عشرة عرفوه
الشهادات مش معناها التكافؤ
اهم حاجة الانسان و لو مالوش عنوان
اسف على الاطالة
تحياتى

غير معرف يقول...

الله ينور عليكي
نصيحة جات في وقتها..

شكرا

Alaasalim2 يقول...

السلام عليكم

موضوع جميل ومميز بالفعل وأتفق معاكي في الرأي تماماً
فالأهم من مسمى الشهاده أو درجتها هي درجة الوعي والثقافة والمعرفة
وهذه أيشاء لا ترتبط بالضرورة بالشهادة العلمية
فالعقاد لم يكن معه إلا الإبتدائية
وهناك من يحملون أعلى الشهادات وهم أميون في الواقع
وإبراهيم ناجي كان طبيباً ولكن نبوغه كان في الشعر وليس في الطب
وهناك الكثير من هذه الأمثلة

فشخصية الإنسان تساوي ما حصله في حياته من خبرات ومعرفه سواء كانت من التعليم أو من الحياة

موناليزا يقول...

مصطفى سيف
ــــــــــ
أهلا بيك يادكتور
عندك حق.. بس يمكن أمهاتنا حافظوا على بيوتهم لأن ظاهرة الطلاق لم تكن منتشرة بهذه الدرجة.. ويمكن كمان لأن الأخلاق كانت سيدة الموقف قبل أى شئ

أشكرك جدا لتعليقك ولمشاركتك
ولرأيك فى قلمى

يسعدنا دوام التواصل


*******************************

كريمة سندى
ـــــــــــ
أهلا بيكِ يا كريمة
أشكرك جدا لمشاركتك
وفى انتظارك دايما


****************************

شيمو جوكر
ــــــــــ
وعليكم السلام ورحمة الله وبركاته
أهلا بيكِ يا شيمو فى زيارتك الأولى

طبعاً يا حبيبتى منورة وهستناكِ دايما

أشكرك جدا لمشاركتك ولتغليقك
أسعدنى وجودك


*******************************

أبو حسام الدين
ـــــــــــــ
وعليكم السلام ورحمة الله وبركاته
أهلا بيك أستاذ رشيد
:)
أشكرك جدا لمشاركتك
ويسعدنا دوام التواصل


*********************************

فارس عبدالفتاح
ــــــــــــــــ
وعليكم السلام ورحمة الله وبركاته
أهلا بيك أستاذ فارس
أشكرك جدا لمشاركتك

يسعدنا دوام التواصل


*******************************

نيسرينا
ـــــــــــ
أهلا بيكِ يا نيسو
:)
عادى أكيد ماحبش يضيع وقته:)

أما اللى دفع في زوجته فلوس فبتحصل على فكرة:)
-----
أحييكِ جدا على صراحتك وده فعلا كلام منطقى

وفعلا فى الواقع يا ما بنشوف والنصيب غلاب زى ما بيقولوا:)

أشكرك جدا لتعليقك ولمشاركتك
وفى انتظارك دائما


*******************************

مها البنا
ـــــــــ
أهلا بيكِ يا مها
أشكرك جدا لرأيك ولتعليقك
ولمشاركتك
نورتينى حبيبتى وأسعدنى وجودك


*******************************

سواح فى ملك الله
ـــــــــــــــ
أهلا بيك أستاذ خالد
ده حقيقى فعلا
أشكرك جدا لتعليقك
:)
يسعدنا دوام التواصل


*****************************

شيرين سامى
ـــــــــــــ
أهلا بيكِ يا شيرين
وأنتِ أكتر يا حبيبتى:)
بس فى الغالب تدخله بييجى بفايدة لو سمحت ظروف الطرفين

أشكرك جدا لرأيك ولمشاركتك
نورتينى حبيبتى وفى انتظارك دائما


******************************

أم هريرة
ــــــــــــ
وعليكم السلام ورحمة الله وبركاته
أهلا بيكِ يا لولو
ههههههه تشبيه جديد أول مرة حد يقولهولى
ربنا يكرمك يا حبيبتى فهذا من فضل ربى

أشكرك جدا لمشاركتك
وفى انتظارك دايما

******************************

سبايدر مان
ــــــــــــ
أهلا بيك يا دكتور
:)
الغريب انى ضحكت على ضحكك

أشكرك لوجودك
ويسعدنا دوام التواصل


********************************

ريماس
ـــــــــ
أهلا بيكِ يا نور
أشكرك جدا لرأيك ولمشاركتك
نورتينى حبيبتى وأسعدنى وجودك


****************************

بنت من الزمن ده
ــــــــــــــــــ
أهلا بيكِ حبيبتى
أشكرك جدا لرأيك ولمشاركتك

نورتينى حبيبتى وأسعدنى وجودك


******************************

ابراهيم رزق
ــــــــــــــ
أهلا بيك أستاذ ابراهيم
مش مستغربة على فكرة
أنا نفسى ماكنتش اعرف مين صلاح عبد الصبور غير لما حضرتك قلت دلؤتى

طول براحتك يافندم فتعليقاتكم تثرى الموضوع

أشكرك جداً لمشاركتك
ويسعدنا دوام التواصل


********************************

ماشى بنور الله
ــــــــــــــ
أهلا بيك يافندم
:)
أى خدمة

أشكرك جدا لتعليقك
ويسعدنا دوام التواصل


********************************

علاء سالم
ــــــــــ
وعليكم السلام ورحمة الله وبركاته
أهلا بيك أستاذ علاء بعد طول غياب
أشكرك جدا لرأيك
ولمشاركتك
ويسعدنا دوام التواصل

Butterfly يقول...

لا طبعا الشهادة مش مهمه اوى المهم طريقة التفكير
بس كمان فى نفس الوقت يبقى معاه شهادة جامعيه على الأقل مش دبلوم ولا معهد
على الأقل علشان منتعرضش لموقف زى اللى انتى قولتيه ده

أم يقول...

بارك الله ووفقك موضوع جدا شيق

rack-yourminds يقول...

بصراحه انا شايف انه الحب والتفاهم قد يغني عن شرط المستوي التعليمي,يا ما فيه ناس متعلمه تعليم عالي ومع ذلك تصرفاتهم كفيله بفشل العلاقه الزوجيه

Carmen يقول...

المستوى العلمى غير خبرة الحياة الناس زمان ما كانش عندهم تعليم عالى كتير رغم ان حياتهم كانت احسن مننا كتير

اعتقد الخبرة الاجتماعية هى الاهم

http://karmenhome.blogspot.com/2011/07/4.html

http://karmenhome.blogspot.com/2011/07/3.html

http://karmenhome.blogspot.com/2011/07/blog-post.html

http://karmenhome.blogspot.com/2011/07/2.html

لك هدية روح استلمها :D

موناليزا يقول...

بيترفلاى
ــــــــ
أهلا بيكِ حبيبتى
أشكرك جدا لمشاركتك
وفى انتظارك دايما


******************************

أم
ــــــ
أهلا بيكِ حبيبتى
ربنما يكرمك
أشكرك جدا لرأيك
فى انتظارك دايما


******************************

راك يور مايند
ــــــــــــــ
أهلا بيك يافندم
أشكرك جدا لمشاركتك
يسعدنا دوام التواصل


*******************************

كارمن
ــــــــ
أهلا بيكِ يا سمسمة
أشكرك جدا لمشاركتك

تسلميلى حبيبتى على هديتك الجميلة
وخدتها يا حبيبتى خلاص:)

نورتينى وفى انتظارك دايما

Dr. Ibrahim يقول...

هو يجب التوافق وميبقاش فرق كبير دا بالنسبة لنظرة الناس الحالية..
ولكن عند النظرة الحق..
فبالنسبة للرجل:
فقال رسول الله صلى الله عليه وسلم"إذا أتاكم من ترضون دينه وخلقه ؛ فأنكحوه ؛ إلا تفعلوه تكن فتنة في الأرض ، وفساد كبير ، قالوا يا رسول الله ! وإن كان فيه ؟ ! قال : إذا جاءكم من ترضون دينه وخلقه فأنكحوه – ثلاث مرات"
وحديث أخر بالنسبة للمرآة:-
عن جابر بن عبدالله عن رسول الله صلى الله عليه وسلم "إن المرأة تنكح لدينها و مالها و جمالها ، فعليك بذات الدين تربت يداك"
لو طبقنا هذين الحديثين لاحسنا الاختيار

زينب علي حبيب يقول...

لا طبعاً مستحيل يكون شرط أساسي خالص ... دا انا بشوف مستواه التعليمي حاجة عشان اغيظ بعض الناس لا غير مش حاجة تقيد إختياري و تحصرو !


المثال الأول بكره أوي الستات اللي كداااااا