الأربعاء، 12 أكتوبر 2011

مخنوقة


كل ما أقول خلاص نسيت تحصل حاجة تفكرنى..حسبى الله ونعم الوكيل.. على كل ظالم يارب.
أنا عايزة أفهم المحامى وظيفته إيه!!!.
يا جماعة أنا المظلومة.. يعنى الظالمين هما اللى المفروض يحصلهم كده.
يعنى إيه اتبهدل فى المحاكم والجانى هربان.. أنا المجنى عليهااااا..
يعنى إيه الجانى مايدخلش ولا حتى قسم بوليس وأنا اللى أدخل!!.
ياااااااااااااااارب
ياااااااااااارب
أنا آسفة يارب بس أنا بجد تعبت.. عايزة الحدوتة دى تخلص بقى..أنا ماعملتش حاجة..أنا مظلوووووووومة يارب وأنت شاهد.
يااارب سامحنى واغفر لى وارضى عنى وصبرنى وثبتنى وقوينى.. يارب أنا مابعترضتش أنا بس خايفة لأسقط فى اختبارك ليا وصبرى يقل وأقول أى حاجة فى لحظة ضعف تزعلك منى.. وأنا مش هستحمل ده..الموت عندى أهون من أنى أحيا وأنا حاسة إنى سقطت فى اختبارك ليا أو إنك غضبان عليا.. يارب أنا ضعيفة أوى وماليش غيرك..ياااارب قوينى ورجع لى حقى..يارب أنا مش هتنازل عن حقى ولا هستسلم بس أنا نفسى ماعدتش طويل بعد كل السنين دى..يارب أنا كبرت وطاقتى بدأت تقل مابقتش عارفة اعافر زى الأول..عايزة أعيش حياة طبيعية خالية من أبغض المشاوير إلى قلبى..يارب أسألك بعزتك وذلى وبقوتك وضعفى وغناك وفقرى أن ترحمنى وترجع لى حقى وتنتقم لى من اللى ظلمونى عاجلاً يارب غير آجلاً.. آمين.



أسألكم الدعاء أن ينصرنى الله على من ظلمونى عاجلاً غير آجلاً.

هناك 27 تعليقًا:

سواح في ملك اللــــــــــــــــــه- يقول...

ياامة الله

ندعوواالله لكي ان يفك كربك ويزيل عنكي همك اللهم امين

ابشرك خيرا بتذكيرك باية الله

((ان بعد العسر يسر ))

تحيتي اختي

ريــــمــــاس يقول...

صباح الغاردينيا موناليزا
وتأكدي ان رب العالمين يمهل ولا يهمل
وسـ ينصركِ على من ظلمكِ بإذن الله
كوني بخير "
؛؛
؛
لروحك عبق الغاردينيا
كانت هنا
reemaas

مها البنا يقول...

موناليزا حبيبتى

والله كلامك وجعنى قوى .. يمكن عشان شخصياً بمر بنفس الشعور .. مع فرق بسيط .. مش حاسه رغم كل ده إن أنا ضعيفه ،، وواثقه إن ربنا هيردلى حقى أكيد طال الوقت أم قصر ..

أختى إستبشرى بقول رسول الله صلى الله عليه وسلم
" ثلاث أقسم عليهن وأحدثكم حديثا فاحفظوه قال ما نقص مال عبد من صدقة ولا ظلم عبد مظلمة صبر عليها إلا زاده الله عزا فاعفوا يعزكم الله ولا فتح عبد باب مسألة إلا فتح الله عليه باب فقر"

الراوي: أبو كبشة الأنماري المحدث: المنذري - المصدر: الترغيب والترهيب - الصفحة أو الرقم: 3/285
خلاصة حكم المحدث: [إسناده صحيح أو حسن أو ما قاربهما]

إصبرى وإحتسبى .. وعزة جلال الله لينصرنك الله ولو بعد حين .. فقط عليكى بالدعاء .. اليس هو القائل عز وجل على لسان رسوله صلى الله عليه وسلم
"اتقوا دعوة المظلوم فإنها تحمل على الغمام يقول الله – عز وجل – وعزتي وجلالي لأنصرنك ولو بعد حين"

الراوي: خزيمة بن ثابت المحدث: السفاريني الحنبلي - المصدر: شرح كتاب الشهاب - الصفحة أو الرقم: 369
خلاصة حكم المحدث: إسناده صحيح

أسفه على الإطاله .. لكن وعزة جلال الله كل شئ هينتهى على خير ما ترضى .. لأنه سبحانه وتعالى أحن علينا من الأم على وليدها .. وأنا على يقين من هذا ،، ويارب أسمع عنك أخبار طيبه يا قمر :)




الطائر الحزين يقول...

ربنا ينصرك ان شاء الله

=====

ياريت لو فيه اى مساعدة ممكن نقدمها لحضرتك تتفضلى وفقكم الله

سبايدرمان يقول...

ربنا يفك كربك يارب
و يقيكي من كل ضيق و شده

دايما اذكري ربنا و صلي و خليكي قريبه من ربنا

مصطفى سيف الدين يقول...

الصبر عند الابتلاء قد يصل بك الى درجة الصديقين
صبرا اختي العزيزة وان فرج الله قريب
قدر الله لا يأتي الا بالخير وسبحانه رحيم بعباده ودعوة المظلوم ليس بينها وبينه حجاب
فارفعي يديك نحو السماء واطلبي منه كشف الضر وبدعائه يرفع البلاء ان شاء الله
اتمنى ان يكون البوست القادم اكثر اشراقا
تحياتي لكي

مدونة رحلة حياه يقول...

السلام عليكم اختى
اصبرى فالابتلاء لمن احبه الله
اللهم يا فارج الهم يا كاشف الغم يا مجيب دعوة المضطرين يا رحمان الدنيا والاخرة ورحيمهما انت ترحمها فارحمها برحمة تغنيها بك عن رحمة من سواك
دومتى بخير

حفيدة عرابى يقول...

الف سلامة عليكِ من الخنقة يامونى
فصبر جميل ياجميلة:)
وربنا سبحانه وتعالى بيدينا الخير فى ميعاده انت عارفة
ربنا يصبرك ويعوضك خير ويفرح قلبك دنيا واخرة
( ان مع العسر يسرا )

ابراهيم رزق يقول...

قال تعالى
و لا تحسبن الله غافلا عما يعمل الظالمون انما يؤخرهم ليوم تشخص فيه الابصار
صدق الله العظيم

اللهم فك كربك و انصرك على من ظلمك

تحساتى و تقديرى

reemaas يقول...

حبيبتى ربنا يفك قربك ويقويكى على اجتاز المحن بس الضعف والاحساس بيه عند البلاء مش سقوط فى امتحان ربنا
كل ماتحسى بده ادعى ربنا بقوة اكتر بكل قوتك

لبنى أحمد نور يقول...

ربنا يقويكي وينصرك ويكتب لك الخير في كل أمورك

لأني بحب كلمة معلش ومقتنعة بإن الحياة الزائلة اللي احنا فيها كلها كده على بعضها معلش، وإن كله يهون لو ربنا راضي عنا
بقولك: "معلش"

ربنا يرضى عنك ويرضيكي يا رب

افكار مبعثرة يقول...

يا رب يفك كربك و يريح قلبك و ينصرك و يفرحك ياااااااااارب
تحياتي ليكي اختي

فاتيما يقول...

انا حاسة بكل حرف انكتب
وعارفة وجعه
و شايفة تعبك
وعارفة انك خلاص مبقتيش قادرة تتحملى
والموجع اكتر
ان اللى مفروض يتعذب ..
مبيتعذبش بالمرة ...

معلش
اللى عاوزه ربنا بيكون
وتوقيته غير توقيتنا
وهوه اللى خلقنا
ولا خير ولا شر غير بإذنه
وقادر يرد الظلم دا
ويخلص العذابات دى كلها
بس لسه مجاش الأوان

معلش يا زهر

والله لينصرنك ولو بعد حين ياحبيبتى

اثبتى يا مومونتى
كان نفسى تكونى قصادى دلوقتى
عشان احضنك

نيللى يقول...

ربنا يفك كربك يارب أمين

وجع البنفسج يقول...

إن مع العسر يسرا .. ربنا يفرجها عليك ويخفف عنك مصابك ويهون أمورك عليك وينصرك على من عاداك ِ.. امين يارب العالمين.

شمس النهار يقول...

مش هقولك غير قولي يارب واقري سورة سيدنا يوسف
ان شاء الله خير
الدنيا والدين علمتني ان ربنا مابيعملش غير الخير

الشاعر الفنان أحمد فتحى فؤاد يقول...

ربنا يخفف عنك باذن الله

ربنا رؤوف رحيم بعباده

و انت من خير العباد

فرج الله قريب

و الله

فليطمئن قلبك

قلبي معك

نسرين شرباتي "أم سما" يقول...

ربنا يفرج همممممممممممممممممممممك يا رب

EMA يقول...

حبيبتى ان شاء الله خير و تذكري ان ربنا معاكي دايما و مش هيتخلى عنك

و الضيق دا هو بداية الفرج ان شاء الله

خلي ايمانك بربنا قوى و انتى كدة فعلا

ربنا يزيح عنك الهم

ماجد القاضي يقول...

السلام عليكم

يحز في نفسي والله أن أراك أختنا الكريمة في مثل هذه الحال...!!!

ومن عادتي في مثل هذه النوعية من البوستات ألا أعلق بنصائح؛ لأن صاحب البوست غالبا يحتاج في هذه اللحظات من يسمعه ويشاركه همه أكثر من أن يسمع نصائح غالبا هو يعرفها، أو على الأقل لم يطلبها في هذه اللحظات...

وغاية ما يجب أن أفعله أن أدعو المولى عز وجل أن يخفف كربك ويزيح همك وينصرك على من ظلمك...

لكن والله مضطرا.. ولأني أخاطب أمة الله -التي أظنها على صلة دائمة بالله ولا أزكيها عليه سبحانه - ومن باب (وذكر) أحب أن أسألك أختي الكريمة: وماذا لو لم تأخذي حقك في الدنيا؟ ماذا لو أن الله لم يقدر - لحكمة هو مريدها - أن يخذل ظالمك؟!!
ماذا أنت فاعلة؟ بل ماذا أي منا فاعل في مثل هذا الموقف؟!!!

ليس لنا إلا أن نشكر الله أيضا لأن كل قصائه خير وإن لم ندرك بعقولنا القاصرة.. وليس لنا أن نشترط على الله.. والله لا أقصد أنك تفكرين هكذا.. لكن أقصد أن نغلق على الشيطان أبوابا يأتينا منها...

فلنلجأ من قضاء الله إلى قضاء الله.. ولنقل له بلسان المقال ولسان الحال: مهما قدرت ربنا.. فنحن راضين بحكمك..

هل أنا أفعل ذلك دائما؟ قطعا لا.. وقطعا يغلبني الهم أحيانا.. بل أحايين.. وتتخبطني الأفكار السوداء.. لكني أذكرك اليوم لتذكريني غدا.. وهذا هو مصدر قوتنا أمام الشيطان ووساوسه.. ألا نتركه يتفرد بأحدنا.

أرجو أن يصل ما أردته.. وأن يكون لديك من هدوء القلب والنفس في هذه اللحظات ما يدفعك إلى تقبله.. آمين.

AHMED SAMIR يقول...

ان بعد العسر يسرا
سدق الله العظيم

آخر العنقود يقول...

ربنا ينصرك على من ظلمك
ويفك كربك ويدخل السرور لقلبك
ويرد لك حقك ويهنئ قلبك به

" وبشر الصابرين "

Carmen يقول...

بس قولي يارب وهو مش هيقدرلنا شر ابدا :)

موناليزا يقول...

جزاكم الله خيراً على مساندتكم لى والدعاء لى
وحقاً أشكر وجودكم فى حياتى
قرائى الأعزاء بجد أنا غنية أوى بيكم
وماحرمنى الله من مشاركتكم الدائمة لى

نورتونى جميعا
وفى انتظاركم دائما

Bent Men ElZman Da !! يقول...

ربنا يصبرك ويهديلك الحال يارب
وان شاء الله تعدى ازمتك على خير
وتنجحى فى الاختبار اللى ربنا كتبهولك
ربنا معاكى

bombona يقول...

ولو انى كنت مش عايزه اعلق هنا تانى بعد ماضايقتينى اخر مره لكن يا ستى عفا الله عما سلف
انا والله حاسه بكل كلمة بتقوليها لانى مظلومه وموجوعه زيك فى حاجات كتير وحااسه يعنى ايه تبقى صابره صابره وفى لحظه تزهقى وتحسى ان ربنا مش حاسس بيكى او ماطبقشى عدله لكن والله يا موناليزا ربنا عادل بيرجع يثبت لى انه كان حاسس بيا وسامعنى وبياخد لى حقى وارجع اتكسف من نفسى تانى انى فكرت فيه كده فعلا توقيته غير توقيتنا هايخد لك حقك وهايزيح عنك ولو بعد حين (وتذكرى قول لا اله الا انت سبحانك انى كنت من الظالمين )وان شاء الله ربنا على الظالم ويفك كربك وكرب المسلمين كلهم

محمد محمود عمارة يقول...

بسم الله الرحمن الرحيم
"وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ
أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ" (البقرة:155- 157)

"وَاللَّهُ يُحِبُّ الصَّابِرِينَ" (آل عمران: من الآية146)

" إنه من يتق و يصبر فإن الله لا يضيع أجر المحسنين"

" وَالْمَلائِكَةُ يَدْخُلُونَ عَلَيْهِمْ مِنْ كُلِّ بَاب * سَلامٌ عَلَيْكُمْ بِمَا صَبَرْتُمْ فَنِعْمَ عُقْبَى الدَّار"ِ(الرعد)

صدق الله العظيم

اصبري فأنت في اختبار فلا تتعجلي تسليم ورقة الإجابة