الخميس، 21 مارس 2013

الثبات


من الجميل أن يكون للإنسان مبدأً والأجمل أن يظل ثابتاً عليه.

مثال: بتصلي فى المسجد, بتصلي أول الوقت، ما بتاخدش رشوة,مابتحضرش أفراح مختلطة, مابترقصش فى الحفلات, بتحترم مواعيدك, مابتسمعش أغانى, ما بتستخدمش ألفاظ بذيئة , لا تكذب حتى وإن كنت مازحاً, لا تجادل حتى وإن كنت محقاً , لا تخلف وعدك, لا تخون الأمانة , تضع الله دائماً أمام ناظريك ، ما بتصاحبيش شباب , ما بتصافحش نساء, مابتهزريش بالإيد، مابتعاكسش بنات، ما بتحطيش صورك على النت, مش بتضيفي شباب أوتضيف بنات على بروفيلك أو على إيميلك, ما بتحطيش ماكياج , ما بتلبسيش بناطيل . ما بترسميش حواجبك، وهكذا...
أى حاجة ممكن تكون بالنسبة للى حواليك عادية وأنت مقرر من جواك وعن اقتناع تام إنك مش ممكن تعملها ..فاوعى تعملها من منطق إنه عادى وإيه يعنى.. لو سمعت كلام نفسك وقتها هترجع تندم بعدين لإنك هتنزل من عين نفسك قبل أى حد تانى.

أعلم جيداً أن هناك لحظات ضعف قد تأتي على حين غفلة.. وقتها عليك بعدم الاستسلام  بإنك تفكر نفسك ياترى يوم ما أخدت القرار ده أخدته ليه!!.
بعضاً من التفكير قبل القيام بأى فعل لن يضير؛ فقط سيثبتك.




 الشيطان شاطر وشياطين الإنس كتير ولذلك لو كان عندك مبدأ وحسيت أنه بيتهز ابعد فوراً عن الصُحبة  اللى أنت معاها وارجع لنفسك سريعاً.
واعرف أن التنازل بيبدأ بخطوة وإن الثوب الأبيض بيبان فيه أوى النقطة السوداء حتى لو كان حجمها صغير.

نصيحة : اكتب مبادئك في ورقة واقرأها دائماً حتى لا تنساها مع متغيرات الحياة.



سؤال جانبى:
ــــــــــــــــــــــ
- ما أكثر خُلق تشتهر به وسط من يتعاملون معك  ؟

هناك 16 تعليقًا:

ليلى الصباحى.. lolocat يقول...

الشيطان شاطر وشياطين الإنس كتير ولذلك لو كان عندك مبدأ وحسيت أنه بيتهز ابعد فوراً عن الصُحبة اللى أنت معاها وارجع لنفسك سريعاً.
واعرف أن التنازل بيبدأ بخطوة وإن الثوب الأبيض بيبان فيه أوى النقطة السوداء حتى لو كان حجمها صغير.


نصيحة غالية وقيمة ودائما تهدينا من الخير اعلاه يامنى بارك الله فيك وجزاك خيرا حبيبتى


نصيحة : اكتب مبادئك في ورقة واقرأها دائماً حتى لا تنساها مع متغيرات الحياة.

افضل ان تحفر مبادئى على جدار قلبى وعقلى وروحى حتى لاتضيع منى يوما ما الورقة فتضيع مبادئى معها

فمن شب على شىء شاب عليه وليس هناك افضل من ان يشب الانسان على قيم مبادىء اسلامية طيبة


جزيت خيرا يامنى وبارك الله فيك
وتحياتى لك بحجم السماء

Mahmoud Bahgat يقول...

اللهم انى اعوذ بك من شياطين الإنس و الجن
ربنا يبارك فيك هو فعلا الاخلاق لابد بالقبض عليها و هى كالقابض على الجمر لانها من صلب الدين
الانسان مش بيعرف صفاته ايه و لكن اعتقد ان من اكثر الصفات اللى بشوف اصحابى بيوصفونى بها إنى طيب مش عارف هى صفة فى كل الاوقات و لا برده بيجى على الواحد اوقات بنبقى أشرار فيها 

غير معرف يقول...

اللهم يامقلب القلوب ثبت قلوبنا علي دينك
نصائح قيمه جداا
جزاك الله خيرا

ظلالي البيضاء يقول...

وقفت هنا طويلاً .. وطويلاً جداً ..
لأن القلب ملييييييءبما يدفعني للبوح به ..
لكنني أبيت عليه ذلك ..
واكتفيت من ذلك بتسجيل شكري ..
جزاكم المولى الخير ..

aya mohamed يقول...

اللهم ارنا الحق حق وارزقنا اتباعه
بوست جميل جدا يا مونى
ربنا يثبتنا جميعا يارب

شمس النهار يقول...

التمسك بالدين

الحل كله في التمسك بالدين

حديث صغير فيه كل المعاني (اعطاء الطريق حقه)
لو تمسكنا بيه وبعمق معناه هيصبح الشارع في غاية النظام والنظافه

النسر المهاجر يقول...

أنتى تتحدثين عن الشخص المثالى الأقرب للملائكه حتى وإن توافرت كلها فى شخص واحد إلا أن الإنسان بطبعه له زلات ليس هناك إنسان يطبق كل تعاليم الإسلام فى المطلق فقد يكون مثلا يغض البصر وقد يغلبه شيطانه فيخرج عن القاعده للحظات فوجب عليه الإستغفار . الله خلق الإنسان يخطئ لكى يعود الى ربه ويستغفر ولكن هذا ليس معناه أن نعتبر ذلك مبرر للخطأ . " إن أكرمك عند الله أتقاكم "


شكرا على موضوعك الجميل والشيق فى ذات الوقت

eng_semsem يقول...

اللهم ثبت قلوبنا على الحق واهدينا لصالح الاعمال
تحياتي

زينب علي حبيب يقول...

اللهم ثبتنا على الحق واجعلنا محبين له يا أرحم الراحمين وتولنا وأنت راضٍ عنّا ...

كلامك أعجبني وهو مفيد حقاً ... وفقكِ الله عزّ وجل لكل خير

Unknown يقول...

المبادئ والأخلاق مش كل الناس بتقدر تلتزم بيها..
ده سر عذابات الجزء اللي بيلتزم بيها أصلا.. في الأساس.
ربنا كبير :)

هناء محمود يقول...

نسأل الله الثبات في الدنيا والآخرة ,, تدوينة رائعة

رؤى عليوة يقول...

تسلم ايدك موناليزا
الاخلاق مع انها المفروض تكون زى الهوا
الا ان الناس دلوقتى وبكل صدق محتاجة كتير عشان ترجع
فيه متهاه واخدانا بجد
زمان كنت بحب اركب مواصلات عشان اسمع من الناس الاخبار والقصص
دلوقتى بقيت اخاف عشان بكتئب وبحزن اوى فوق حزنى

ربنا يعافينا
فيه كلمة دايما بقولها يارب خدنى ليك فى الدنيا والاخرة
مش معناها اموت :)

يارب نكون فعلا على الخلق اللى يرضى ربنا


دمت بخير

أسماء فتحي يقول...

ربنا يثبتنا يارب
بوست جميل
جزاكي الله خيرا

تحيـــــــــاتي
كانت هنا ورحلت
Asmaa Fathy

رذاذ المطر يقول...

اللهم يا مقلب القلوب والأبصار ثبت قلوبنا على دينك ، اللهم يا مصرف القلوب والأبصار صرفنا إلى طاعتك

بارك الله فيك يا منى وحفظك
مدونة قيمة

حاول تفتكرنى يقول...

صراحة موضوع مميز جدا ، قرأته اكترمن مرة ، واخذت افكر في كلحروفه محاولا تذكر مواقف الثباتفيحياتي والمواقف المضادة له

تحياتي

موناليزا يقول...

أهلا وسهلا بكم جميعا
أشكركم جدا لتواجدكم المميز
ولمشاركتكم التى تضيف للتدوينة الكثير
فى انتظاركم دائما