الأربعاء، 28 يناير، 2015

من كتاباتي (32)





1- لما تكون عايز تتكلم مع حد وحسيته بيقفل معاك في الكلام..

 احترم رغبته لأن لو ده ماحصلش هتسمع منه كلام في الغالب مش هيعجبك.

------------------------

2- ابتعد كي لا يؤذيهم غضبي؛ ليتهم يدركون ذلك.

------------------

3- يعني بعد ما تلاقي كل اللي عملته فيها بيتردلك

 مافكرتش للحظة تبعت تقولها "آسف"!

مافكرتش أن ده ذنبها وبيخلص منك علشان تطلب منها تسامحك!

----------------------

4- أن يبقى عندك في حياتك حد يخاف عليك ده بالدنيا ومافيها.

-------------------------


5- أنا عايزاه يحس بالذنب

عايزة ندمه ماينيموش

--------------------

6- 

الكل خذلها 

وخنثوا وعودهم لها

الكل باعها

ورقصوا على رفاتها

-----------------------

7- كنت أعلم أنك أجبن من أن تظهر على الفيس بوك باسمك الحقيقي.

-----------------------------


8- الحب قيد؛فتحرروا.

------------------------------


9- أحرقتني بقربك وأنا الزهرة الندية؛ فلا تتأفف من وريقاتي المشوهة.

-------------------------


10- لا أفضل التعامل مع المصابون بداء "الفضول".

-------------------------


11- لابد من موقف يبان فيه مشاعرهم تجاهك..

غير كده فما أسهل الكلمات والمجاملات.

-------------------------------


12- رسالة للآباء: معاملتك لولدك منذ الصغر

 هي من ستحدد شخصيته وكيفية اختيار مستقبله.

-----------------------------


13- نعمة من ربنا أن يكون عندك حد بيفكرك بذكر الله

 حتى لو مجرد تاج في صورة إسلامية.

----------------------------------


14- تعرف أنت لو بطلت تخنقها بأوامرك وتحاصرها بأسئلتك؟

هي هتيجي تحكيلك كل حاجة حصلت في يومها من غير ما أنت تسأل.

------------------------------

15- لا تتغر بطاعتك فقد يرن الله على قلبك فتصبح من الغافلين.

--------------------------


16- يوما ما ستتحقق كل الأحلام، كن على يقين بذلك.

------------------------


17- يعني إيه صحبة صالحة؟

يعني لما تكوني معاهم والآذان يأذن ياخدوك معاهم وتصلوا سوا.

----------------------

18- حين اختفت ضحكتي التي اشتهرت بها دومًا

 علمت بأنني قد بلغت من العمر عتيا.

---------------------------


19- 
الناس بتتغير هذه حقيقة ثابتة،

وأنت كمان بتتغير حتى لو مش حاسس ودي حقيقة مؤكدة.

-------------------


20- نصيحة للآباء:

 لما ابنك تطلع في دماغه فكرة (لا هتضره ولا هتأذي غيره)

شجعه يعملها وماتموتش الحماس جواه.

----------------------------------------

21- متلازمة أنك تكرر الجملة 3 مرات علشان تبقى واضحة

 واللي قدامك يستوعب أو يحفظ اللي أنت قلته علشان ينفذه صح.

--------------------

22- 
كلام الناس حاجة وحشة أوي

إوعى تمشي وراه

أو تعمل حاجة مخصوص بس علشان كلامهم

في الآخر محدش هيعيش حياتك غيرك.

---------------------------

23- 

أنا آخر واحدة ممكن حد يمارس عليها دور المرشد النفسي.
ليه بقى؟
لأن ماينفعش تبيع الميه في حارة السقايين.

-----------------------

24-
بلاش تتعامل مع الناس وتحكم عليهم من خلال خبرتك القليلة

فمش معنى أن في حاجة حصلتلهم وماحصلتلكش أو حتى ماسمعتش

عنها أنها مش معقول تحصل!

------------------------------
ر.

25- 
في كل مرة كنت هتتزحلق فيها وتقع مكسور وربنا نجاك 

محتاج تشكر ربنا وتحمده كتير أوي لأن دي لوحدها نعمة كبيرة جدا.

---------------------

26- 
هناك من لا يستحق المواساة

هناك من إذا رأيتيه يحترق جهزي كاميرتك الخاصة سريعا

لتصويره في أوضاع مختلفة لتذكرك بأن الله لا يترك مظلمة ولا 

ينسى دعوة مظلوم.








هناك تعليق واحد:

محمد سلامة يقول...

يوما ما ستتحقق الأحلام دايما بقولها بس بغير يقين حاسس إنه كلام فاضى
لا تنتظرى إنهم يقولوا أسف لأنه مش حيقولوا عشان مانشمتش فيهم ومهما كانت عيشتهم زبالة مش حيحسسك إنه ندمان
تصويره وهو يحترق ليس كافيا بل يجب مساعدته بقليل من البنزين :)
تحياتى المعطرة