1- أكتر واحد بيتعامل بنصاحة
هو أكتر واحد سهل يتنصب عليه
-----------------
2- تدهور أخلاقي وقيم في طريقها للزوال
والكل يرفع شعار "ملناش دعوة"
---------------------
3- عايز تعرف أنت في نعمة ولا لأ؟
تخيل نفسك محروم تماما من كل حاجة أنت فيها
-----------------------
4- رسالة لعمال النظافة:
مشكورين أفرغتم صندوق القمامة ولكن من الواضح
أنكم لم تنتبهوا لما حوله من قاذورات منثورة.. لذا وجب التنبيه.
-------------------
5- وليه اكتب لربنا جواب
لما ممكن أرفع إيدي وأناجيه وأدعيه واتكلم معاه براحتي
وبيني وبينه كمان من غير ما حد يسمعني
أو يطلع على أسراري وضعفي و... و...
تكتب الرسائل للبعيد ولكنه أقرب إلينا من حبل الوريد.
--------------------
6- انثروا الأمل على الجباه التعيسة عسى أن تشرق البسمة على وجوههم.
-------------------
7- لحظة متعة لا تتعدى الدقيقة الواحدة يصاحبها شعور بالذل والهوان
لأيام كثيرة ربما تمتد لشهور.
-----------------------
8- تعرف الفرق بين لما تقرأ كلمات أغنية وبين لما تغنيها
وتبقى حاسس معانيها أوي لدرجة أنك تقولها بنفس اللحن
وتمد وتقف وتتنهد وتبقى مستمتع بعد ما تخلصها بأنك قلتها صح
زي ما بتتغنى
ومابتبقاش قابل فكرة أن حد يغنيها ويغلط في كلمة ولا حرف ولا حتى لحنها..
أهو ده بالظبط الفرق بين أنك تقرأ القرآن عادي وبين أنك تجوده.
------------------
9- الدنيا أخد وعطا على فكرة
ماتطلبش مني حاجة أنت نفسك ما بتعملهاليش
-------------------
10- لما يكون عندك فرح وعمال تظبط له ويوم الحنة جاركم يموت
فممكن جدا تستغنى عن السماعات اللي في الشارع
وتكتفي بتشغيل أغاني جوه بيتك وتهيص وتنبسط براحتك
من غير ماتجرح حد ولا تأذي شعور ناس مكلومة.
-------------------------
11- الحب مش في أنك تتكلم طول الوقت؛ لكن في أنك تدي مساحة للآخر
أن هو كمان يتكلم وأنت تسمعه.
-------------------------
12- متخيل يعني إيه تيجي محطتك وأنت ماتنزلش!
-------------------------------
13- في بلادنا العربي نمشي بمبدأ
" حبيبك يبلعلك الزلط وعدوك يتمنى لك الغلط"
----------------------------
14- سبحان من أخرج حبه من قلبي.
ليست هناك تعليقات:
إرسال تعليق