من كتاباتي (41)

1- كان أقصى أمانيها معه أن تُخفيه بداخلها كأم تضم وليدها.

------------------

2- تنثر وضعيات عرائسها الفرو الصغيرة في أركان الغرفة؛

لعلها تتدثر بدفء الونس المنشود.

----------------------------

3- هي كانت بتدور على الحلال

بس الحلال مكنش بيدور عليها

-------------------------

4-اللي بيحب التاني أكتر هو اللي بيحاول يسعده

هو اللي بيهتم بتفاصيله

--------------------------

5- لم يكن يوما مُلهما لها، ولهذا لم تستطع أن تكتب عنه شيئا.

--------------------------

6- أمنياتها كانت بسيطة

أبسط من أنها تتحقق

---------------------

7- النت حياة للي مالوش حياة.

------------------------

8- الحجاب رمز إسلامي فأرجوكي ما تسيئيش ليه.

--------------------------

9- مش كل الفن عُري.

--------------------------

10- الجنة مش هيكون فيها تراب ولا حشرات

الجنة هتكون نضيفة أكيد

-------------------------

11- المنتقبة لما بتنزل صور ليها مُغرية..

 سواء بحركة أو برسمة عين أو بتاتو على الإيد مثلا

بحسها عايزة توصل رسالة

"مش معنى أني لابسة نقاب أني وحشة"

------------------------------

12- مش كل مُدرس مادة بيفهم فيها.

--------------------

13- عالم القصص ده عالم عجيب

ممكن قصة تكون بسيطة جدا لكن تعلم مع القارئ وتأثر فيه ويفضل فاكرها

وممكن قصة تتكتب بأسلوب أدبي فخم ومرادفات مبهرة،

 وفلسفة عميقة والقارئ مايفهمش منها حاجة،

 ولا يفتكر حتى عنوانها كان ايه!

-------------------------------

14- وفي لحظة بتهون علينا الحياة.

-------------------------

15-عن كاتب بياخد استاتيوهات مشهورة كوبي من غير حتى مايكتب منقول

إيه يا أخي ده أنت في الكار وعارف الحركة دي بتحرق الدم ازاي.