الاثنين، 25 يوليو، 2016

من كتاباتي (49)






1- ماينفعش تنتظر من حد مريض (نفسيا أو جسديا) أنه يسأل عليك.

هو هيكون مُتلقي لابأس به لكن رفقا لا تتوقع المزيد.

-----------



2-لا تهتك ستر أحد حتى لا يُهتك سترك.

لا تفشي سر أحد حتى لا يُفشى سرك.

ماتفعله سيرد لك عاجلا أم آجلا؛ فاحذر.

-------------

3- لما حد يقولك أن الظروف كانت أقوى منه

صدقه

لأنه وقتها كان أضعف بكتييير مما أنت متخيل.

------------

4- من حق ولادك عليك إنك تدعمهم نفسيا

ده اجباري على فكرة مش اختياري.

------------

5- ومين فينا ماحبش حد لمجرد أنه شبه حد بنحبه أو كنا بنحبه زمان.

-----------


6- أنتي عارفة أن حبيب البنت اللي مغرقة الفيس عن جدعنته

 ورجولته وحبه ليها ومفاجأته الحلوة ليها واعتمادها الكلي عليه

 يبقى هو نفس الشخص اللي طلع واطي مع بنت تانية!


--------------


7- رسالة للمحامين: أنتوا ناس تم استئمانكم على قضايا الموكلين

 ومن العبث بعد انتهاء تلك القضايا ان تبيعوا الورق

 لبائع فول وطعمية أو لمقلة لب و ترموها ..

 عيب لما حد يقرأ تفاصيل حياة حد وهو بيشيل الطعمية من القرطاس!

حطوها في مفرمة ورق أو احرقوها.

------------

8- الأوغاد في انتشار هذه حقيقة مفيهاش إنكار.

--------

9- لبس البنطلون للمرأة - تحت الملابس- ستر.

------------

10- حضن الحبيب دوا.

-----------

11- معاملة الأطفال فعلا تكفير ذنوب.

-----------

12- الوحدة مميتة والفراغ قاتل.

---------------

13- الرجل لا يفشي سرا ولا يحنث عهدا ولا يقسم كذبا.

------------

14- أنت متخيل انك ممكن تأذي حد وأنت ماتعرفوش أصلا.

------------

15- الأطفال كائنات صعب السيطرة عليها.

-----------

16- طلاق البنت بيكسرها

فماتكونش مع الدنيا عليها

---------------

17- الكتابة بالنسبة لي حالة وليست احتراف.

--------------

18- من بنت لأبوها: اعتبرني خطيبتك يا أخي.

-------------

19- طبطبوا على بعض

وخصوصا لو حد جاي يشكيلك حتى لو معندكش له حل.

----------

20- 

كل ماوجعك زاد بسببهم

كل ما انتقام ربنا فيهم هيكون أكبر وأكبر








هناك تعليق واحد:

سفروتة يقول...

حضن الحبيب دوا

الله :)