الأربعاء، 9 يوليو 2008

فرشى التراب


مررت بلحظة ضعف غير عادية جعلتنى أتمنى الموت إعتقاداً منى أنى هدخل الجنة لو مت على حالتى هذه التى تعانى من الظلم والصبر-وكأنى أمنت مكر الله- كان كل تفكيرى إن اللى ظلمونى هيفرحوا لموتى لأن مش فى دماغهم انى مش مسمحاهم أو أن الأفضل ليهم أنهم يردوا لى مظلمتى ويطلبوا منى السماح.
وأتذكر أنى مازلت على قيد الحياة ووقتها مخاوفى تزداد لًيقل صبرى أو أفقده ووقتها أبقى فقدت كل شئ.
"اللهم رضنى بقضائك وصبرنى على طاعتك".
وحينما أفيق من غيبوبة ضعفى وإنهزامى أجد ضرورة شحن بطارية إيمانى مجدداً ودعم إمكانياتى النفسية حتى أستطيع الصمود والوقوف مجدداً.
وجاء فى مخيلتى مشهد نفسى وأنا ادعو بهذا الدعاء.
"اللهم أمتنى اذا كانت الحياة شرا لى وأبقنى اذا كانت الحياة خيرا لى".
هل الموت بهذه البساطة الذى أتخيلها وأتمناها فى لحظة ضعفى!!!.
كان دائما يشغل تفكيرى لحظات ٌغسلى وتكفينى ومَن سيقمن بهذا. وهل هٌن أمناء على جسدى .وكيف سيصبح جسدى بين يديهم هكذا دون حراك وأنا فى حياتى لاأبدل ملابسى أمام أحداً.
ومن سيحمل جسدى ويضعه فى التراب هل هم محارمى أم أن الحانوتى سيتطوع بهذه الخدمة!!
وماذا سيٌفعل بجسدى بعد الموت! وهل سيتم دفنه بأمان أم سيعبثون به لأى سبب من الأسباب!
وكنت أوهم نفسى بأن مرحلة الدفن ودخول القبر أهون بكثير من مرحلة الغسل والكفن على إعتبار أن وجودى بين يدى الله افضل عندى من وجودى بين يدى أى إنسان!!!!
ولكن رؤيتى للوحة السابقة نبهنى إلى حقيقة مؤكدة لاجدال فيها وهى حالى فى القبر!!
فكيف سيتحمل جسدى ضمة القبر وسيدنا رسول الله صلى الله عليه وسلم كان يخشى على السيدة عائشة من ضمة القبر
فكيف بى أنا الفقيرة الذليلة الى الله!!.
وكيف سأتحمل أكل الدود لوجهى ولا أستطيع إبعاده عنى!.
كيف سيصبح حالى بعد ان يضمنى القبر ويوارينى التراب وأصبح مجرد تراب وبقايا عظام!.
هل سيكون قبرى روضة من رياض الجنة أم حفرة من حفر جهنم!.
وماذا سيكون حالى بين يدى الملكين وهل سأستطيع الإجابة كما فى حياتى أم أن الوضع سيكون مختلفا تماما !.-أخشى من هول الموقف أن أفقد النطق ولا أستطيع التفوة ببنت كلمة-.
ووجدتنى أتسائل: هل من تضع مساحيق التجميل على وجهها خارج المنزل ولغير محارمها تدرى هذه الحقيقة المخيفة وبأن هذا الوجه الذى كانت تغضب به الله هو أول ماسيأكله الدود!.
هل من تتباهى بجمالها تدرى بأنه جمال زائل!.
هل العصاه والمذنبون يدركون حال جسدهم بعد الموت!!.
ياااااااااااااااااااااااااااااااااااالله
اللهم أنى أعوذ بك من عذاب القبر.
اللهم أنى أعوذ بك من عذاب القبر.
اللهم أنى أعوذ بك من عذاب القبر.





هناك 40 تعليقًا:

mohra يقول...

انا مهما غضبت او يئست فلا يمكن ان افكر فى الموت... لا لسبب الا انى اشك ان يكون مصيرى الجنه
الصحابه كانوا يخشوا الموت خوفا من العذاب فكيف نطمئن نحن؟؟؟
اصبرى و ادعى الله كثيرا يفرج همك باذن الله

R-H-S يقول...

اللهم احسن خاتمتنا

KHALED يقول...
أزال المؤلف هذا التعليق.
Unknown يقول...

شكرا حبى على الملحوظة
اقرأ وارجع لك حالا

Unknown يقول...

اللهم قنا عذابك يوم تبعث عبادك
اللهم اقبضنا على عمل صالح
وثبتنا يارب العالمين
بوست رائع كالعادة
ماشاء الله عليك
بارك الله فيك
موناليزااا

نور الدين (محمد الجيزاوى) يقول...

الاخت الفاضلة موناليزا
اولا اسال الله ان تكونى بكل خير ....
....
اما عنتمنى الموت ومن ظلمك فاساكحيهم واعفى عنهم لعل بعفوك اذا قدرتى يجعل الرب القهار يعفو عنك وهو عليك قادر
...
اما عن الجسد وقبرك واكل الدود جسدك كله لا وجهك الطريم فحسب
فتصبرى اختاه بانه اما روضة واما حفرة
فما يضيرك اذا كانت روحك فى علياء القدس السماوى تحدوها يد الملائكة ساعتها لن يضر الشاة سلخها ......
وجزاك الله خيرا على تذكيرك تلك اللواتى يفرطن بحق الله ويخرجن كاسيات عاريات بانه سياتى يوم يدفعن فيه الثمن وكم هو باهظ وربى .
اسال الله حسن الخاتمة لنا ولكم
وانى لارى بجميل الظن ما الله صانع
......
نور الدين محمود

موناليزا يقول...

mohra
اختى الحبيبة:ربنا يسعدك يارب ولا تمرى بما مررت به ابدا لانه فوق تحمل البشر
وكما قلت حبيبتى فكان هذا فى لحظة ضعف شديدة وحينما افقت استوعبت حجم الموت وخفت لمصيرى ايضا
اشكرك على النصيحة فليس لى الا الصبر منقذ ومع ذلك ادعو دائما
اللهم ارزقنى صبرا جميلا
نورتينى حبيبتى واعاذنا الله جميعا من عذاب القبر
**********************************
gehad
اهلا بيك استاذ جهاد
ربنا يتقبل دعائك ويقينا من عذاب القبر
دمت طيبا ولمدونتى زائرا
**********************************
khaled farag
اهلا بيك استاذ خالد
بداية اشكرك جدا على اللوحة فهى ملهمتى ومن شجعتنى على الكتابة فانت حقا فنان رائع وتملك ريشة جميلة تجبرنى دائما على الوقوف امامها فلك منى خالص تقديرى وامتنانى
والحمدلله ان عباراتى وصفت ماقصدت التعبير عنه كنت اخشى غير ذلك ولكن تعليقك طمنى فلك منى خالص شكرى واحترامى
اخى الفاضل ربنا يكرمك ويسعدك ويحقق لك كل ماتتمنى ويتقبل دعائك يارب
دمت طيبا ولمدونتى زائرا
***********************************
نهر الحب
اختى الحبيبة:انا بعد كده هقولك قبلها على فكرة... بس بجد منورانى ويسعدنى دايما وجودك وتعليقك مهما كان رقمه
ربنا يكرمك ويتقبل دعائك ويحقق لك كل ماتتمنى ويجعل اخر كلامنا لا اله الا الله
نورتينى حبيبتى ودمتى بخير وسعادة
*********************************
نور الدين
اهلا بيك استاذ نور
اشكرك لسؤالك وانا الحمدلله بخير وفى فضل ونعمة من الله
لا استطيع ان اسامحهم وانا فى موقف الضعف واتمنى ان اصبح فى موقف القوة حتى اعفو عند المقدرة لكن الان يصبح انهزام
واسلامنا لم يأمرنا بهذا
معك حق اخى الفاضل فلن يضر الشاه سلخها بعد ذبحها ولكنى لا اعلم هل مصيرى الجنة ام لا وهل سيعاملنى الله برحمته ام سيعاملنى بعملى
ولذلك اردت ان اذكر نفسى بان علىّ الاجتهاد فى العبادة اكثر
والدعاء الدائم بان يعاملنى الله بما هو اهلا له وليس بما انا اهلا له
ربنا يكرمك يارب ووالله انى لاخشى عليهم من عذاب الله فلعلهم يفيقوا ويستغفروا
اشكرك جدا لمشاركتك واللهم اجعل اخر كلامنا لا اله الا الله
اللهم قنا عذابك يوم تبعث عبادك
دمت طيبا ولمدونتى زائرا

نعكشة يقول...

لا إله إلا الله
ربنا يرزقنا حبه و
يرضينا بقضاؤه
ويعفو عنا
ويرحمنا إذا ما غسلونا و كفنونا و حملونا علي الاعناق وواروا علينا التراب

ربنا يرحمنا
ربنا يهدينا
ربنا يهديني
ويهدي كل المسلمين

اللهم فرج كربك يا رب
و فرج همك
و اشرح صدرك
وصدري للإيمان
آمين

دعوات :(

سلامٌ عليكي

جنّي يقول...

السلام عليكم

من اراد واعظا فالموت يكفية

يظن الكثير من الناس انهم بمنأى عن الموت طالما يرفلون في صحة وعافية ..
ولا يعلمون انه اقرب اليهم من شراك نعالهم ..
اللهم انك عفو تحب العفو فاعفو عنا
اللهم قنا سكرات الموت وقنا عذاب القبر .. اللهم آمبن

اثابك الله خيرا على التذكرة

فزلوكة يقول...

جزاكم الله خيرا على هذه التذكرة

فعلا لابد أن نفكر دائما , كيف سيكون حالنا بعد الموت؟؟

ربنا يثبتك يارب, ويرزقك الصبر والطمأنينة
ويرزقنا جميعا

امل يقول...

السلام عليكم
نفس الأفكار اللي كنت بفكر فيها في محنتي بس كنت بفكر ان المخرج الوحيد لي هو الموت وكنت بدعي بدعاء اللهم احيني ما علمت الحياة خير لي وتوفني ما علمت الموت راحة لي فقط لعلمي بكراهية تمنى الموت والآن احمد الله الذي نجاني من الغم واسبغ علي نعمه ورزقني من حيث لا أحتسب وأدعوه أن يحسن خاتمتي وأن يغفر لي أية لحظه شككت فيها بالفرج أو تمنيت الموت هروبا من هموم الدنيا .. جزاك الله خيرا على التذكرة ورزقك من فضله ولا تنسي الاستغفار فمن لزم الاستغفار جعل الله له من كل هم فرجا ومن كل ضيق مخرجا وأتته الدنيا وهي راغمة

blue-wave يقول...

امين يا رب
بجد ربنا يكرمك على تذكيرنا بالموت

zOzO يقول...

عايزه تموتي ليه بس ؟
بعدي الشر عنك
وخليكي واثقه ان ربنا مش بيسيب حق حد ابدا
والله عن امثله كتيره قدامي
يارب تكوني بقيتي احسن
ومش تياسي الموضوع هيبقي صعب
لكن ان شاء الله وقت وهيعدي

محمود حسن العدل يقول...

كتر اللة من امثالك انتى كلامك فاكرنا بالموت اللى احيانا بنكون ناسينة او بنتعمد اننا ننسة .
وعذاب القبر يارب ابعدنا عنة واجعلنا من اهل الجنة احنا وكل المسلمين
بوست هادف ورائع احيكى كل التحية والتقدير.
بارك اللة لنا فيكى يااختى الغالية .
ياريت الكل يكتب بوست يفكر كل اخوانا بالدار الاخرة زى انتى ماعملتى كدة
تحياتى

عايش... ولكن !!!! يقول...

اللهم اكرمنا ولا تهنا
وعلى طاعتك اعنا
ومن شرار خلقك سلمنا

اللهم احسن خاتمتنا
وارزقنا الوفاء والاخلاص فى اعمالنا
وقنا عذاب القبر

تحياتى
علاء

موناليزا يقول...

نعكشة
اختى الحبيبة:اهلا بيكى فى زيارتك الاولى
ربنا يكرمك ويبارك فيكى ويتقبل دعائك
نورتى مدونتى واشكرك جدا لمشاركتك
***********************************
جنى
وعليكم السلام ورحمة الله وبركاته
اهلا بيك استاذ سيد
فعلا الموت لواعظ ولكن من يتعظ اخى الفاضل فالكثير الان يفسدون فى الارض وكأنهم أمنوا مكر الله
اللهم قنا عذابك يوم تبعث عبادك
اللهم يامقلب القلوب ثبت قلوبنا على دينك
ربنا يكرمك ويتقبل دعائك
دمت طيبا ولمدونتى زائرا
**********************************
فزلوكة
اختى الحبيبة:نعم حبيبتى يجب ان نذكر دائما هادم اللذات كما امرنا رسول الله صلى الله عليه وسلم
ربنا يسعدك ويتقبل دعائك
نورتينى ياقمر واشكرك لمشاركتك
**********************************
امل
وعليكم السلام ورحمة الله وبركاته
اختى الحبيبة:ربنا يبعد عنك كل مكروه ولا تعلمى تعليقك دعمنى نفسيا ازاى
ولكنى لم اتمنى الموت هروبا ولكنه خوفا من فقدان صبرى او قلة ايمانى
ولكن الحمدلله الذى نبهنى لضرورة ان اعمل صالحا وان الزم الدعاء حتى يعاملنى الله برحمته وليس بعملى
وجزاكم الله خيرا على تذكرتى بلزوم الاستغفار
نورتينى حبيبتى واشكرك جدا لمشاركتك
ودمتى بخير وسعادة
**********************************
blue wave
اهلا بيك يادكتور
الحمدلله الذى هدانى الى هذا وماكنت لاهتدى لولا ان هدانى الله
نورتنى يافندم واشكرك لمشاركتك
**********************************
zozo
اختى الحبيبة:ربنا يخليكى ليا ياقمر ودى ياستى كانت لحظة ضعف شديدة ارجو من الله عدم تكرارها
وانا الحمدلله واثقة جدا فى ربنا لانه رحيم وكريم اوى
وماتحرمش منك ياحبيبتى كلامك قدايه جميل وترك اثر طيب فى نفسى وزادنى اطمئنان
ربنا يسعدك ويفرح قلبك يارب ويرزقك بكل الخير
نورتينى زوزو الجميلة ودمتى بخير وسعادة
***********************************
محمود حسن العدل
اهلا بيك استاذ محمود
ربنا يكرمك وماتوفيقى الا بالله
وهذا البوست امتثالا لامر من اوامر رسولنا الحبيب صلوات الله وسلامه عليه حين قال اكثروا من ذكر هادم اللذات
وقانا الله جميعا من عذاب الموت وعذاب القبر
نورتنى يافندم واشكرك جدا لمشاركتك
*********************************
عايش ولكن
اهلا بيك استاذ علاء
ربنا يكرمك ويتقبل دعائك
نورتنى يافندم واشكرك جدا لمشاركتك

همس الاحباب يقول...

اختى العزيزة
اسف لتقصيرى خلال الفترة الماضية ولكنها ظروف خارجة عن ارادتى
وجزاكى الله خيرا على تلك التذكرة

اللهم أنى أعوذ بك من عذاب القبر.
ربنا يكرمنا واياكى وينجنا من عذاب القبر
ويجعلنا مما يستمعون القول فيتبعون احسنه
تحياتى

عـــفـــراء يقول...

السلام عليكم
عزيزتى اتمنى ان تكونى بالف خير وفى احسن حال
وعذرا على تاخرى عنكى وعن كل من لن اترك تعليقى الدائم لهم
اللهم ارحمنا من عذاب القبر فهو اولى درجات العذاب بمقابلة احدى الملكين
اللهم هون علينا وعلى كل المسلمين اجمعين
فالموت لنا ودائما الحساب بة
هون عليكى حبيبتى وعلى المسلمين فى كل مكان
دائما متميزه بكلماتك التى نعتبرها عظة
كل التقدير

و القادم....أجمل يقول...

جزاك ِ الله خير الجزاء

على التذكرة

اللهم أنى أعوذ بك من عذاب القبر.

اللهم إحسن خاتمتنا جميعا يارب العالمين

آمين

semsem يقول...

الله قنا عذاب القبر
يارب
بجد يا منواليزا
انا بحب اجى هنا
جزاك الله عنا كل خير

rommantic يقول...

امه الله جزاك الله خير عن هذا الكلام المليئ بالحسنات
سلام

بنت الصالحين يقول...

اللهم احسن خاتمتنا

انتي بتدخلي امتي الايميل
مش بلاقيكي خالص

فارس بلا جواد يقول...

موناليزا
بجد
جزاكى الله خيرا
بوست هايل جدااااااا
اللهم قنا عذاب النار
تحياتى العطره

رحــــيـل يقول...

موناليزا

جزاك الله خيرا عن تذكرتك هذه
بجد التفكير فى الموت اكتر حاجه بتفوق الواحد احيانا من كل اللى هو فى

ربنا يهونه علينا
امييييييين

تحياتى وتقديرى

عدنان أحمد يقول...

السلام عليكم

الموضوع دة بيتكرر معايا كثير اوي
بجد الانسان كائن ضعيف جدا
مايستحملش اي حاجة من دي
ربنا يستر علينا
و فعلا مش مهم الجسد هيتصرفوا فيه ازاي
المهم لحظة دخول القبر و ما بعد ذلك

اللهم قنا من اهوال القبر
و اجرنا من عذابه

بارك الله فيكي اختي الكريمه
و زادك منه خشية و قربا و حبا
و نفعنا الله بما تقدمين من علم قيم
و جعله في ميزان حسناتك

تحياتي
عدنان

NilE_QueeN يقول...

متعرفيش حجم الرعب اللى حسيت بيه لما قرءت الموضوع دا

انا كمان بتمني الموت كتير بس برجع افكر بعمق واخاف من اللى هامر بيه

طول ماحنا عايشين ف الدنيا بيكون قدامنا فرصه


اللهم احسن ختامنا

موناليزا يقول...

همس الاحباب
اهلا بيك استاذ خالد فى اى وقت فزيارتك تسعدنى دائما كان الله فى العون وربنا ييسرلك جميع امورك
اشكرك جدالمشاركتك وربنا يكرمك ويتقبل دعائك
دمت طيبا ولمدونتى زائرا
***********************************
عفراء
وعليكم السلام ورحمة الله وبركاته
اختى الحبيبة:عذرك معاكى ولعل المانع كان خيرا واشكرك لسؤالك فانا الحمدلله بخير
ربنا يكرمك ويتقبل دعائك
اللهم اجعل اخر كلامنا لا اله الا الله
اللهم قنا عذاب القبر
اللهم لاتؤاخذنى بمايقولون واغفرلى مالايعلمون واجعلنى خيرا مما يظنون
نورتينى حبيبتى ودمتى بخير
*********************************
والقادم اجمل
اختى الحبيبة:ربنا يكرمك وجزاكم مثله
وربنا يتقبل دعائك
نورتينى حبيبتى ودمتى بخير
***********************************
semsem
اختى الحبيبة:الحمدلله انك تحبين مدونتى فهذا شئ يسعدنى وانتظر زيارتك دائما
والحمدلله الذى جمع قلوبنا على حب الله
ربنا يكرمك ويتقبل دعائك ويحقق لك كل ماتتمنى
نورتينى سمسومة الجميلة ودمتى بخير
***********************************
rommantic
اهلا بيك استاذ محمد
ربنا يكرمك وجزاكم مثله
نورت مدونتى واشكرك لمشاركتك
*********************************
عاشقة الفردوس
اختى الحبيبة:ربنا يكرمك ويتقبل دعائك
للاسف انا ماليش ميعاد محدد عموما
انا هدخل الان ويارب نتقابل
نورتينى حبيبتى ودمتى بخير
**********************************
فارس بلا جواد
اهلا بيك يافندم
ربنا يكرمك وجزاكم مثله
نورتنى واشكرك لمشاركتك
دمت طيبا ولمدونتى زائرا
*********************************
رحيل
اختى الحبيبة:وجزاكم مثله وربنا يتقبل دعائك
تعرفى لو ذكرنا الموت دائما هتهون علينا الدنيا وهنستصغرها اوى
نورتينى حبيبتى ودمتى بخير
**********************************
اسير حبيبتى
وعليكم السلام ورحمة الله وبركاته
اهلا بيك استاذ عدنان
صدقت اخى الكريم ان للقبر لاهوال ربنا ينجينا جميعا منها
ربنا يتقبل دعائك ولك بالمثل ان شاء الله
ماحرمنى الله من دعواتك الغالية ربنا يبارك فيك ويسعدك
نورتنى واشكرك لمشاركتك
دمت طيبا ولمدونتى زائرا
***********************************
nile quieen
اختى الحبيبة:لكى حق غاليتى فالموت مرعب حقا وخاصة اذا كنا لانعلم مصيرنا بعده
ولذلك ندعوا الله دائما
اللهم قنا عذاب الموت وعذاب القبر وعذاب جهنم
اعاذنا الله جميعا من جميع الشرور
نورتينى حبيبتى ودمتى بخير

رئـــــيسـة حزب الأحلام يقول...

لحظات الضعف تخيلى أختى الكريمه الموضوع دة كان فى دماغى وكنت بفكر فيه لما بنتعرض للحظات ضعف انسانى ولو فكرنا فى هذة اللحظه ماسنكون به عند الموت ولكن عندما تأتينا لحظات الضعف يصبح نظرنا ضعيف لا نستطيع رؤثه ما سنبقى عليه يوم اللقاء
الف تحيه لكى

Unknown يقول...

اللهم ارحمنا إذا اشتدت بنا السكرات وفاضت العبرات وتكشفت القوى والقدرات فلا منجى ولا ملجأ من الله الا الى الله

اللهم أمتنا على طاعه وأحسن خاتمتنا فى الأمور كلها

اللهم ارحم موتانا وموتى المسلمين

آمين


شكرا لأنك أتحت لنا الدعاء وذكرتينا بما هو آت

مصطفى

المستنصر بالله يقول...

ربنا يرزقنا حسن الخاتمه اللهم امين
نعوذب بالله من عذاب القبر وضمته

منى يقول...

موناليزا الحبيبه
لا اعاد الله تلك اللحظه ابدا
ومتعك بخير ما فى الدنيا من الحلال الطيب
واكرمك بما فى الجنه مما اعده الله للصابرين

ونعوذ بالله جميعا من عذاب جهنم
ومن عذاب القبر

موناليزا يقول...

رئيسة حزب الاحلام
اختى الحبيبة:ما اقسى لحظات الضعف البشرى ومايترتب عليها من افعال اعاذنا الله من افعالنا التى قد تؤدى الى هلاكنا
نورتينى حبيبتى ودمتى بخير
**********************************
egyboy
اهلا بيك يافندم
اكرمك الله وتقبل دعائك اللهم امين
الشكر لله فهذا من فضل ربى
نورتنى واشكرك لمشاركتك
***********************************
المستنصر بالله
اهلا بيك يافندم
ربنا يتقبل دعائك اللهم امين
نورتنى واشكرك لمشاركتك
***********************************
منى
اختى الحبيبة:ربنا يسعدك ويتقبل دعائك
وياريت تدعيلى دايما يامنمن الله وحده يعلم انا فى امس الحاجة للدعاء بظهر الغيب قد ايه
ربنا يكرمك ويحقق لك كل الخير
نورتينى حبيبتى ودمتى بخير وسعادة

ياسر سليم يقول...

قليل ان الواحد يقرأ تدوينة يحس انها مكتوبة من القلب

والاحساس ده حسيتة فعلاً وانا بقرأ البوست ده

موناليزا يقول...

ياسر سليم
اهلا بيك استاذ ياسر
ربنا يكرمك والحمدلله ان تشعر بصدق ما اقول
اللهم قنا عذابك يوم تبعث عبادك
نورت مدونتى واشكرك لمشاركتك

Mony يقول...

اللهم اني اعوذ بك من عذاب القبر

و الله الموضوع ده في بالي علي طول يا موناليزا

انابأه مش بفكر في القبر
لا لا
انا لسة ماوصلتش لحد القبر
كل اللي مخوفني لما الملايكة يجو ياخدوا روحي هل هيبشروني بالجنة ولا بالنار

و هيجيبولي معاهم حنوط من الجنة ولا من النار

هو ده كل همي

جزاك الله خيرا للتذكرة

موناليزا يقول...

mony
اختى الحبيبة:سبحان الله كل مرة بفكر فى الموت بطريقة مختلفة عن سابقتها
ولكنى لم افكر ابدا بخروج الروح رغم صعوبة خروجها وتشبيهها بانها كالصبار الذى يخرج من الحلق
ياااااااااالله
اللهم انا نعوذ بك من عذاب الموت وعذاب القبر وعذاب جهنم
نورتى مدونتى وارجو دوام التواصل

أميرة يقول...

السلام عليكم

سبحان الله ما كتبتيه يدور في بالي كثيرا و دايما دايما بفتكره لما بسمع ان في حد توفاه الله .. بحط نفسي مكانه و بيجيلي انهيار في تفكيري من هول اللحظات دي

اللي بيفكرني بدا كمان قصيدة ليس الغريب .. بجد مؤثرة اوي و خصوصا لما بسمعها اكتر ما بقرأها ..

لو اتفتحت في الموضوع دا مش هعرف اسكت روحي ومش عايزة ادوشك .. انا كنت كتبت فيه مرة والكلام فيه يوجعني اوي:(

يارب لا تمتنا الا وانت راضي عنا
اللهم انا نعوذ بك من عذاب القبر
ونستغيث برحمتك من عذاب جهنم

ربنا يعزك يا اختي ,, جزاكي الله خيرا علي التذكرة لعلي اتعظ :(

موناليزا يقول...

اليس فى بلاد العجائب
وعليكم السلام ورحمة الله وبركاته
اختى الحبيبة:مين قال انك بتدوشينى !! انا مستمتعة جدا بتعليقك وخاصة لاننا نقوم بتنفيذ امر رسولنا الحبيب صلوات الله وسلامه عليه حينما قال"اكثروا من ذكر هادم اللذات"
ربنا يكرمك ويتقبل دعائك ويجعل قبرنا روضة من رياض الجنة
نورتي مدونتى وارجو دوام التواصل

Abo-Harees يقول...

السلام عليكم اختى الكريمه
أجارنا الله وإياكى من عذاب القبر وضمته
اللهم أنى اسألك سئل الأنبياء والمرسلين ومحمد نبيك الصادق الأمين أن ترحمنا بكامل رحمتك وتحفظنا بكامل حفظك
اللهم استجب

شكرا ليكى على تذكيرك إيانا لعذاب مقيم وتشويقك إيانا لنعيم مقيم

والموت قادم لا محاله فماذا صنعنا لأجله
وماذا أعددنا لغد فى الأخرة قادم
وماذا اعددنا لنقدمه بين يدى الله ورسوله
ماذا اعددنا لنستحق رحمة الله وشفاعة الرسول الكريم

الله احسن أعمالنا وتب علينا واجعلنا فى الأخرة من الآمنين

الراعى

موناليزا يقول...

abo_harees
وعليكم السلام ورحمة الله وبركاته
اهلا بيك يافندم
ربنا يكرمك ويتقبل دعائك ويجعل قبرنا روضة من رياض الجنة
الشكر لله اخى الكريم فماتوفيقى الا بالله
اللهم ارزقنا قبل الموت توبة وعند الموت شهادة وبعد الموت رحمة ومغفرة اللهم امين
نورت مدونتى واشكرك جدا لمشاركتك