الخميس، 17 يوليو 2008

بسمة أمل

علاقتى به بدأت منذ ولادته فقد كنت أول حضن له فى هذه الحياة.
ومنذ هذه اللحظة وأنا اعتبره ابنى فلم أمِل قط من النظر إلى وجهه الملائكى وكان فى عينى أجمل طفل فى الدنيا.
(اللهم أرزقنى لذة النظر إلى وجهك الكريم)
وحينما آتت لحظة سفرى كان لم يتجاوز ثلاثة أشهر-ياسلام لو ينفع تيجى معايا إن شاالله حتى أفضيلك مكان فى الشنطة-
وكنت فى غربتى أشتاق دائما إليه وحينما يتصل بى أخى أقوله:كلم كوكى عنى. ماتخليهوش ينسانى. فرجه على صورى عشان لما يشوفنى يعرفنى-وكأنى كنت أشعر بسرعة عودتى-.
ّورجعت من السفر وهو لايتجاوز عامه الأول وظل ينظر إلىّ -وكأنه يتذكرنى-.
وفجاة أتى لى وحده دون أي مبادرة منى-وكم كانت سعادتى-
-وهذه نصيحة لمن يرى طفل لأول مرة :لاتحاول الإقتراب منه أو تأخذه عنوة ودون رغبته
اعطيه الأمان بابتسامتك له وتحدثك مع من يحمله-
ابن أخى الحبيب وجوده فى حياتى علمنى الكثير.فقد صرنا أصدقاء -رغم عدم تجاوزه العامان-
صرنا نتشارك أشياء عدة فلا يأكل حتى أأكل أولا. وأوقات يفضل أن يؤكلنى بنفسه كما أفعل معه قائلا لى :هَم
أصبح مرتبط بى أكتر من والدته. وأصبحت لنا لغة خاصة لايفهمها سوانا وأيضا نظراتنا.
قد علمنى بأن الأمس قد مات ولا يجوز التفكير به فإنه لايفيد.
وأن غداً لم يأتِ بعد حتى نسأل عنه أو نشغل أنفسنا به.
ولكن اليوم هو مانملكه فلنستمتع بوقتنا ونستفيد منه.
جعلنى أنظر إلى عظيم خلق الله وقدرة الخالق وبأن الدنيا تتغير من يوم إلى يوم ولا يفضل شئ على حاله من خلال تعلمه مهارات مختلفة .
وبأن كل يوم يعلمنا الجديد فى هذه الحياة ويجعلنا أقوى.
وإذا وقع مرة يقوم سريعا حتى لايراه أحد ويتعلم أن ياخد باله حتى لايقع ثانية.
وما أجمل إبتسامته التى تطل من بين الدموع حينما يتحقق مراده. فكما أنه لاتوجد سعادة دائمة أيضاً لاتوجد دموع دائمة.
وما أجمل مشاركته لى فى كل شئ وكأنه لايريدنى أن أكون وحدى أو أن أستسلم للصمت والحزن.
أردت أن أذكر هذا لأن وجوده فى حياتى من نِعم الله علىّ.
ياربنا لك الحمد كما ينبغى لجلال وجهك ولعظيم سلطانك.
ربنا يحميك ويبارك فيك ياقلب عمتو.



هناك 66 تعليقًا:

امل يقول...

السلام عليكم
مش مصدقه أنا كمان منزلة النهاردة بوست بس عن ابن أختى الصغنون وبرضه عشت معاه حاجات مشابهة للي انتي حكيتيها بس فضل معايا فترة أطول لأنه باباه كان مسافر وكانت مامته قاعده معانا حقيقي دول أجمل حاجة في الدنيا
تحياتي ودمتي بكل خير ان شاء الله

غير معرف يقول...

ربنا يحميه و تفرحوا بيه
بحب الاطفال جدا

رحــــيـل يقول...

الاطفال بجد حاجه عسل قوى

ربنا يخليهولك ويملى عليكى حياتك بهجه وسعاده على طووووول


مودتى وحبى لكى

snohe يقول...

تعرفى ان كلامك فكرنى بناس كتير محرومين من اولادهم بسبب خلافات او طلاق
الله يكون فى عون الجميع
كلامك هيتعب ناس كتير
اولهم انا
-------

HANY YASSIN يقول...

ربنا يخلي
الاطفال اجمل مخلوقات فى العالم
يارب يبقى احسن حد ف الدنيا

zOzO يقول...

ربما يخليه ليكي يارب
الاطفال دول احلي حاجه ف الدنيا

انا عندي رانيا برده نفس الحكايه
لان باباها مسافر السعوديه
وهما بيسافروا ليه بس بيعدوا هنا شويه عشان طفلين قريبين ف السن وكده


فقاعدين عند جدهم اللي هو عمي
وبيتهم جبنا يعني طول الوقت عندنا تقريبا


انا وهي بنقعد نتكلم وكانها قدي
ربنا يخلي الاطفال
كلهم

حمامة يقول...

ربنا يخليهولكوا يارب

ويباركلكوا فيه وتشوفيه عريس :)

فاتيما يقول...

مون مون
البوست دا فيه حاجات فكرتنى قوى بيوسف فى آخر مرة شوفته
مكنش لازم اخضه و إستنى لما يطمن لوحده و ييجى ؟؟
مش عارفة
ربنا يخليلك روح عمتو
أنا حبيت البوست دا قوى
فيه كلام كبير و عميق رغم بساطته زى حكاية نقوم تانى و الامس و الفرحة اللى من بين الدموع ...
تحياتى ليكى يا حبيبتى

Yuki يقول...

ربنا يباركلكوا فيه و يجعله لكم قرة عين في الدنيا و الآخرة يارب

نور الدين (محمد الجيزاوى) يقول...

ربنا يخليهولك ياستى يارب ويحفظه
واروع ما عجبنى هو الانحمل هم الغد لانه لم ياتى ولكن هذا لا يعنى الا نفكر به
افتقدناك ايتها العزيزة الفاضلة
اسال الله ان تكونى بكل خير
...........
نور الدين محمود

Mahmoud البطراوى يقول...

اكبر نعمه من ربنا نعمه انك تشوف طفل يضحك لك

بتحس ساعتها انك نقى اوى رغم انك متاكد انك مش كده
بتخاف على نقائه اوى لدرجه بتخليك تحس انك كده

بوسيهولى بوسه جامده

Unknown يقول...

ماشاء الله
الله يحفظة يارب ويخليه لك
عقبال ما تجيبى اولاد قمرات

برضة لما انزل المنصورة ممكن نتقابل ؟؟
قولى لى فى مدونتى لو تحبى ؟
اوك

ادم المصرى يقول...

الاطفال نعمة

ربنا يخليه ليكى


بجد مدونتك رائعه

دمتى فى حفظ الله

اتمنى ان تزورى مدونتى

عدنان أحمد يقول...

السلام عليكم

بارك الله لكم فيه و بارك له فيكم
ربنا يفرحكم به ويكون صالحا ان شاء الله

تحياتي
عدنان

أميرة يقول...

كانك بتحكي عن سليم وسيف ولاد اخويا:)

ربنا يخليهم لينا ياااااارب ويبارك فيهم و يجعلهم من عباده الصالحين :)

والله الاطفال دول نعمه جميلة ربنا يحفظهم ..

بيوجدوا اماكن بمساحات كبيرة اوي في قلوبنا من غير ما يكون لينا يد ف كده :) سبحان من بينزل حبهم في قلوبنا و يجعلهم احب الناس لقلوبنا :)

عقبال ما تفرحي باولادك ان شاء الله :)

semsem يقول...

ده شكله عسوووووووول خالص
ربنا يحميه

همس الاحباب يقول...

ربنا يخليكوا لبعض
وتفرحى بيه دايما
وربنا يكرمك وتشوفى اولادك
الاطفال فى السن دى بيبقوا زى الملايكة يتحبوا ويشدوا الانتباه
يلا ستى بكرة يقولك يا عمتو كلى هم يا جمل
تحياتى

موناليزا يقول...

امل
وعليكم السلام ورحمة الله وبركاته
اختى الحبيبة:سبحان الله لسة مقراتش بوستك بس كده انتى شوقتينى ليه هروح اقراه حالا
كوكى مازال معى لاننا فى بيت واحد وبجد وجوده نعمة غالية اوى من ربنا علينا
عقبال مانشوف ولادنا يارب
نورتينى حبيبتى ودمتى بخير
***********************************
ketchup
اهلا بيك يافندم
ربنا يكرمك وعقبال ماتشوف ولادك يارب
دمت طيبا ولمدونتى زائرا
*********************************
رحيل
اختى الحبيبة:فعلا والله دول نعمة كبيرة من ربنا
ربنا يكرمك وعقبال ماتشوفى ولادك يارب
نورتينى حبيبتى ودمتى بخير
*********************************
snohe
اهلا بيك يافندم
اعتذر اخى الكريم لم اقصد هذا
واسمحلى اقولك حاجة
مهما كانت شدة الخلافات الابناء ملهاش ذنب فانت مازلت مسئول عنهم على الاقل امام الله وستسال عنهم وسيلوموك حينما يكبروا لعدم سؤالك عنهم او بعدك عنهم ولاتنسى انهم مازلوا يحملون اسمك
يارب تشوفهم قريب وماتتحرمش منهم ابدا وتزول كل الخلافات
ارجو الا اكون سببت ليك اى ازعاج
دمت طيبا ولمدونتى زائرا
***********************************
hany yassin
اهلا بيك استاذ هانى
ربنا يكرمك وعقبال ماتشوف ولادك يارب
دمت طيبا ولمدونتى زائرا
**********************************
zozo
اختى الحبيبة:ماتحرمش ياقمر عقبال ماتشوفى ولادك
وفعلا لما تتكلمى معاهم بتحسى كانك قدهم وبتعيشى طفولتك للمرة التانية معاهم
ربنا يحمى اطفال المسلمين
نورتينى حبيبتى ودمتى بخير
***********************************
حمامة
اختى الحبيبة:ماتحرمش منك وعقبال ماتشوفى ولادك يارب
نورتينى حبيبتى ودمتى بخير
***********************************
فاتيما
ام يوسف الغالية:بجد انا مبسوطة جدا بزيارتك وان البوست ده فكرك بيوسف
ربنا يسعدك يارب ويرجع يوسف لحضنك تانى ومايسيبكيش تانى ابدا قريب ان شاء الله
نورتينى حبيبتى ودمتى بالف خير
**********************************
yuki
اختى الحبيبة:اهلا اهلا فينك ياقمر من زمان
ماتحرمش منك حبيبتى وعقبال ماتشوفى ولادك انتى وبونجو سلامى ليها
نورتينى حبيبتى ودمتى بخير
**********************************
نور الدين
اهلا بيك استاذ نور
ربنا يكرمك وعقبال ماتشوف ولادك يارب
اشكرك جدا لتفقدى والحمدلله انا بخير
ربنا يسعدك وييسرلك جميع امورك
دمت طيبا ولمدونتى زائرا
***********************************
بطوط حبوب
اهلا بيك يادكتور
صدقت والله ده شعور مختلف تماما وبتحس انها رحمة من ربنا ان طفل برئ يبتسم لك
وهو جنبى ووصلتله الامانة اي خدمة
عقبال ماتشوف ولادك يارب
دمت طيبا ولمدونتى زائرا
***********************************
نهر الحب
اختى الحبيبة:ربنا يكرمك ويارب نشوف ولادنا قريب ونفرح بيهم ونلعب معاهم كمان
طبعا حبيبتى ممكن اوى ده شئ يسعدنى عرفينى انتى بس
ومتنسيش انا عاملة خاصية الاشراف يعنى قولى التفاصيل ذى ماانتى عاوزة
نورتينى ياريحانة ياجميلة ودمتى بخير
***********************************
همس الاحساس
اختى الحبيبة:ربنا يكرمك وعقبال ماتشوفى ولادك
اشكرك جدا لرايك وتسعدنى زيارتك
نورتينى حبيبتى ودمتى بخير
***********************************
اسير حبيبتى
وعليكم السلام ورحمة الله وبركاته
اهلا بيك استاذ عدنان
ربنا يكرمك ويرزقك بالزوجة الصالحة والذرية الطيبة اللهم امين
دمت طيبا ولمدونتى زائرا
***********************************
اليس فى بلاد العجائب
اختى الحبيبة:سبحان الله الاطفال كلهم تصرفاتهم تقريبا واحدة وبتلقائية جميلة ربنا يحميهم ويبارك فيهم
يارب ياحبيبتى اشوف ولادى وانتى كمان تشوفى ولادك قريبا ان شاء الله
نورتينى ياجميلة ودمتى بخير
**********************************
semsem
اختى الحبيبة:هو احلى من كده كمان ربنا يحميه وعقبال مانشوف ولادنا يارب
نورتينى سمسومة ودمتى بخير
***********************************
همس الاحباب
اهلا بيك استاذ خالد
ربنا يكرمك وعقبال ماتفرح بهمس يارب وتجيبلها اخ صغنون يلعب معاها ولما يكبر ياخد باله منها
يارب نفسى والله يقول جملة على بعضها
دمت طيبا ولمدونتى زائرا

عـــفـــراء يقول...

السلام عليكم
حبيبتى بارك الله لكما فية
فهما البسمة البريئة والقلب الحنون الطاهر والدافع للحياة
بل وهما اجمل شموع الحياة
فيكفى النظر اليهم وكاننا نرى الحياة تمتلئ بالورود
دمتى بكل الخير ..

رحيق الحياة يقول...

ربنا يخليهولك و هو كان حافزا كي تعيشي في الغربة فقد تتذكرينه و قد تنتظرين يوم العودة لضمه إلي صدرك

ياااااه وصفك رائع و ربنا يخليلك ابن اخوكي و يحفظه من كل شر

GiGi world يقول...

الله على عالم الاطفال ده
بجد عالم نقى وصافى وجميل وصادق جدا
ربنا يرزقنا الذريه الصالحه وحسن تربيتهم يارب

نعكشة يقول...

ماشاء الله

يا جميلة

ربنا يخليه لأخوكي و يخليه لوالدته و يخليهولك
و تدومو صحاب للأبد
يا الله

:D

ماشاء الله

دمتي سالمة و سعيدة

سلامٌ عليكي

mohra يقول...

جميل ان نتعلم من الجميع
ربنا بيعمل كل شيئ لسبب يعنى كلمه او تصرف من طفل صغير ممكن تغير حاجات كتير جوانا
ربنا يخليكوا لبعض و يرزقك ابن او ابنه يكونوا جنبك فى كل مكان

أثمن من اللآلئ يقول...

موناليزا
مشاعرك كتير طيبة ... وصفك للطفل رائع
الله يخليكي ليه ويخليه لكِ ... بوست رائع
انا بحب اولاد اختي كتيييييييييير

ويارب يرزقني بأولاد مثلهم تمام
هههههههههه
وانتوا كمان لو حبيين هعهعهع

تحياتي

Ghada , Rofayda يقول...

ربنا يحميه ويعز بيه الاسلام...

وصدقتِ....فكثير من القيم والسلوكيات نتعلمها من الاطفال ....

تحياااااتي.....

دمـــتِ بخيــر....

Asmaa Rabie يقول...

ربنا يخليكي ليه ويخليه ليكي
علميه زي ما تحبي تعلمي أولادك
الطفل بيتعلم من الناس اللي بيحبهم كل حاجة الحلوة والوحشة فحافظي على تصرفاتك معاه وكوني له نعم الصديفقة والمعلمة وأكيد طبعا ً العمة
ممكن تزوريني في المدونة بتاعتي هي لسه في البداية ويارب تعجبك
http://cupofcoffee-islamnoor.blogspot.com/

بنت أبيها يقول...

مفيش احلى من الاطفال

بكل البراءة اللى فيهم

بيودكي لعالم تاني

حـــــدوتـــــة يقول...

السلام عليكم

يا سيتى ربنا يخليكو لبعض
وعقبال ما تشوفى ابنك وتحبيه زيه واكتر

سلالالالالالالالالالالالالالالالالالالالالالام

منى يقول...

الحمد لله الذى منحك البسمه
اسفه جدا اتاخرت عليكى
بس والله غصب عنى مكنتش عايزه ادخل النت وانا مكتئبه استنيت لما روقت شويه
تعرفى لما اتضايق بعمل حاجتين العب مع طفل او اروح مكان كله هوا
ربنا يبارك فيه
ويوعدك باللى يعوضك
تحياتى وحبى

موناليزا يقول...

عفراء
وعليكم السلام ورحمة الله وبركاته
اختى الحبيبة:فعلا والله معاكى حق
ربنا يكرمك وعقبال ماتشوفى ولادك
نورتينى حبيبتى ودمتى بخير
**********************************
رحيق الحياة
اختى الحبيبة:بالعكس ماكنش حافز ليا على قد ماكان بيفكرنى انى ممكن ماشوفوش تانى لانى مكنتش حاسة انى هرجع بلدى تانى
ربنا يكرمك ويارب وعقبال ماتشوفى ولادك
نورتينى حبيبتى ودمتى بخير
*********************************
gigi
اختى الحبيبة:ربنا يكرمك ويتقبل دعائك ونشوف ولادنا قريب
نورتينى حبيبتى ودمتى بخير
***********************************
نعكشة
اختى الحبيبة:ربنا يكرمك وتشوفى ولادك قريب ان شاء الله
نورتينى حبيبتى ودمتى بخير
***********************************
mohra
اختى الحبيبة:ربنا يكرمك يارب ويتقبل دعائك وتشوفى انتى كمان ولادك قريب ان شاء الله
نورتينى حبيبتى ودمتى بخير
***********************************
اثمن من اللالئ
اهلا بيك يافندم
ربنا يكرمك وان شاء الله تشوف ولادك قريب
**********************************
ghada&rofayda
اختى الحبيبة:ربنا يكرمك ويتقبل دعائك وعقبال ماتشوفى ولادك قريب ان شاء الله
نورتينى حبيبتى ودمتى بخير
**********************************
اسلام نور
اختى الحبيبة:اهلا بيكى
اشكرك جدا لمشاركتك والحمدلله هذا مااتبعه معه
نورتي مدونتى وتسعدنى زيارتك
**********************************
بنت ابيها
اختى الحبيبة:ده اجمل عالم
عقبال ماتشوفى ولادك
نورتينى حبيبتى ودمتى بخير
***********************************
حدوتة
وعليكم السلام ورحمة الله وبركاته
اهلا بيك يافندم
ربنا يكرمك ويتقبل دعائك
دمت طيبا ولمدونتى زائرا
********************************
منى
اختى الحبيبة:مالك ياقمر
خير ياحبيبتى طمنينى ايه سبب الاكتئاب ؟
ويارب يكون انتهى خلاص
ربنا يكرمك ويسعدك
ماتنسيش لو حبيتى تفضفضى كلى آذان صاغية هنا او على الماسنجر براحتك
نورتينى حبيبتى ودمتى بخير

blue-wave يقول...

بالفعل
الأطفال هم ملائكة الله فى ارضه
ربنا يخليهولك

Mony يقول...

ربنا يخليهولكم و تفرحوا بيه
ويقر اعينكم بيه و يجعله من الصالحين


آآآآآآآآآميييييييييين


الاطفال فعلا اجمل حاجة في الدنيا

ســمـــر احمد يقول...

ر بنا يخليلك حبيب عمتو ويبارك فيه و يجعله قرة عين لوالديه ولعمته و يخليلى روح قلب عمتها اللى فعلا كانت طوق نجاتى و بسمتى الوحيدة فى الدنيا وصحيح حضنها صغنن بس بيساع خوفى وصعفى ويدينى قوة و ارادة

يارب تشوفى ولادك و تفرحى بيهم يارب

Lyssandra يقول...

ربنا يكرمكم بيه ويسعد قلوبكم يارب

تحياتي يا مونا

عارفه

أحلي حاجه في الدنيا انك تنسي كل حاجه وانتي مع طفل

لا هموم ولا حزن ولا تعب

كل شئ بيبقي نقي جدا
سعيد ومبهج

ربنا يسعد قلبك

سلاااام

lyssandra

_**( قلب الأسد )**_ يقول...

الاطفال نعمة لابد ان نشكر الله علية فى كل لحظة.
اللهم احفظة وبارك فية واجعله من جمود الدعوة اللهم امين.
تقبلى تحياتى

oRiGiNaL HeArT يقول...

وأوقات يفضل أن يؤكلنى بنفسه كما أفعل معه قائلا لى :هَم
:p:ربنا يخليهولكو ياااارب ويبارك فيه ويكون شاب صالح


قد علمنى بأن الأمس قد مات ولا يجوز التفكير به فإنه لايفيد.
وأن غداً لم يأتِ بعد حتى نسأل عنه أو نشغل أنفسنا به.
ولكن اليوم هو مانملكه فلنستمتع بوقتنا ونستفيد منه.

مشاء الله على كدة دة استاذ شاطر :)

Abo-Harees يقول...

السلام عليكم ورحمة الله وبركاته
احتى الكريمه
مدونه جميله ويارب فى زياده وإلى افضل
الطفوله تساوى البراءة
الطفوله تساوى النقاء
الطفوله تساوى السعادة
الطفوله تساوى زينة الحياة
الطفوله هى المستقبل
الطفوله هى كل حاجه حلوه فى حياتنا

كم أحسست بألم بداخلى وشوق
كم اشتقت لأن احتضن ابنا او بنتا لى
كم تمنيت ان اتزوج لأنجب لا هدف اخر

وفى النهاية نتعلم من الإطفال ويتعلمون منا

الراعى

موناليزا يقول...

blue_wave
اهلا بيك يادكتور
ربنا يكرمك وعقبال ماتشوف ولادك
دمت طيبا ولمدونتى زائرا
***********************************
mony
اختى الحبيبة:ربنا يكرمك ويتقبل دعائك
ويارب تفرحى باولادك وتشوفيهم احسن الناس
نورتينى حبيبتى ودمتى بخير
**********************************
سمر احمد
اختى الحبيبة:اهلا اهلا بالقمر
ربنا يسعدك ويتقبل دعائك وتشوفى انتى كمان ولادك قريب ان شاء الله
نورتينى حبيبتى ودمتى بخير
***********************************
lyssandra
اختى الحبيبة:مبسوطة جدا بزيارتك وبتعليقاتك ربنا يسعدك ويبارك فيكى
معاكى حق الاطفال نعمة وعالم تانى جميل
عقبال يارب ماتشوفى ولادك قريب ان شاء الله
نورتينى حبيبتى ودمتى بخير وسعادة
***********************************
قلب الاسد
اهلا بيك يافندم
ربنا يكرمك ويتقبل دعائك ويزقك بالذرية الطيبة اللهم امين
دمت طيبا ولمدونتى زائرا
**********************************
original heart
اختى الحبيبة:ربنا يكرمك ويتقبل دعائك وعقبال يارب ماتشوفى ولادك
كل حاجة حوالينا تعتبر معلم رائع لينا المهم احنا ناخد بالنا ونعرف ناخد المعلومة
نورتينى حبيبتى ودمتى بخير
***********************************
abo harees
وعليكم السلام ورحمة الله وبركاته
اهلا بيك يافندم
ربنا يكرمك فهذا من فضل ربى
رزقك الله بالزوجة الصالحة والذرية الطيبة عاجلا غير اجلا اللهم امين
دمت طيبا ولمدونتى زائرا

واد غلبان يقول...

لا اعرف لماذا يعشق كل الناس الاطفال هكذا
والقطط
والزهور
والسماء الزرقاء الصافية
وهواء البحر المنعش
ونسمة الفجر الصيفية
ربما لاننا لولا جمال الحياة ما احتملنا سوءها
تحياتى

bastokka طهقانة يقول...

جميل قوي الدعاء اللي على الشمال
اللهم امين


ربنا يخليكم لبعض و يبارك فيه و فيكي و تشوفيه كاحسن ما يكون

تحياتي

كيكى عوووووو يقول...

عوووووووووووووووووووووووووووو
انا جيت اتخديتى
..........................
الله الله بجد
انا حاسة
كلاااااااااااااامك
اووووووووووووووووووووووووووووى
لانى بعملوا مع اولاد خلتىىىىىىىىىىى
بموووووووووووووووووووووووووت
فيهم بجد
..........................
الاطفال نعمة..
واد اية ملايكة..وطاهرين اوووووووووووووى
فعلا هم بسمة امل فى حياتنا
......................
ربنا يخليكى ويسعدك على طولللللللللللل الخط
عوووووووووووووووووووووووو

ghoneem يقول...

السلام عليكم

ربنا يبارك فيه ويفرحك بيه وبوجوده في حياتك

جميلة اللغة الخاصة اللي بتبقي بينكم دي وبتبقي فعلاً متعة لما تحسي انه فاهمك

أنا بحب اللغة دي جداً مع الأطفال وبموت في ذكائهم وفهم للواحد وسبحان الله

فيه تنوع في مواضيعك من فترة وده كويس جدا جدا وبالذات مع حرارة الصيف

دوماً موفقة والي الأمام

تحياتي وخالص تقديري

بالتوفيق...................

مؤمنه يقول...

السلام عليكم ورحمة الله وبركاته
اول زياره
وانشاء الله ما تكونش الاخيره
ربنا يخليهولك
حلوة اوى الممشاعر دى لما تكون موجوده
ربنا يخليهولكم وتفرحوا بيه كلكم ان شاء الله
سلامى ليه
دومتى بخير
والسلام عليكم ورحمة الله وبركاته

*الطالبة عفو الله *زوزو يقول...

ما شاء الله هنيئا لك ثم هنيئا لك بهذه النعمة
فعلا الاطفال نعمة عظيمة من المولى عز و جل يجب ان نحمد الله عليها صباحا مساءا
ربنا يخليلك ابن اخوكي و يحفظه و يرعاه امين يا رب و يرزقنا و اياكم الذرية الصالحة امين يا رب

جنّي يقول...

إخواني أخواتي الأعزاء

السلام عليكم ورحمة الله وبركاته

استودعكم الله الذي لا تضيع ودائعه

إجازة من التدوين ...

ولكني سأكون على تواصل معكم بزيارة مدوناتكم ...

أرجو أن تسامحوني على تقصيري في حقكم ...

وتفضلوا بقراءة البوست الأخير ...

إلى اللقاء والسلام عليكم ورحمة الله وبركاته

أخوكم

said

ahmed_k يقول...

قد يصبح الطفل فجأه معلما
الم يمنع الطفل امه من التردد عن القاء نفسها في النار في قصة اصحاب الأخدود عندما اخبرها انها علي الحق
فالأطفال احباب الرحمن
مرفوع عنهم القلم
ابتسابتهم تجعل للحياة بهجه

بارك الله ابن اخيكي
وادام عليكم السعاده

وتقبلي خالص تحياتي

mohamed ghalia يقول...

ربنا يحفظه ليكى ويخليكم لبعض
تحياتى

ســـــــهــــــــــر يقول...

الطفوله
براءه ... شفافيه .. منطقة طهر لم تدنس

هذا الطفل بكل هذه الصفات الرائعه ياخذنا معه الى باحات نورانيه من النقاء فيذكرنا بخلق الله و نعم الله .. و يهدينا لفطرتنا ( ان جاز القول ) او يرشدنا اليها


موناليزا الجميله
مقصره انا ف حق نفسى مش ف حقك لما حرمت نفسى من جميل و برىء قلمك بس غصب عنى

Omnia يقول...

بجد جسمي أقشعر بكلماتك الجميلة التي تصل للقلب بلا مساعدة
احبك في الله
:) وفرحانة أني جيت هنا

عاشــــــ النقاب ـقــــة"نونو" يقول...

يارب بارك يارب خلي ويحميه ويرزقك باللي يخطفك منه
الابن بقى لا يضاهي حبه احد وابقي افكرك
تحياتي

غير معرف يقول...

عقيال ولادك يارب
انتي انسانه حلوة اوي و ان شاء الله ربنا هيكرمك باللي يستاهلك لانك تستاهلي كل خير حبيبه قلبي
يارب يرزقني و يرزقك بالزوج الصالح اللي يشرح قلبك و يقر عينك و باولاد حلوين يفرحوا قلبك يااااااااااااااارب

موناليزا يقول...

واد غلبان
اهلا بيك يافندم
واسمحلى اسألك وهل انت لاتعشق مثل هذه الاشياء!!!
اخى الكريم مثل هذه الاشياء تذكرنا بقدرة الخالق ولانملك وقتها وحين نستمتع بها سوى ان نقول سبحان الله
نورتنى واشكرك لمشاركتك
**********************************
طهقانة
اختى الحبيبة:وحشتينى ياقمر فينك من زمان
ربنا يكرمك ويتقبل هذا الدعاء لنا ولجميع المسلمين اللهم امين
ويارب تفرحى بولادك وتشوفيهم احسن الناس
نورتينى حبيبتى ودمتى بخير
***********************************
كيكى
اختى الحبيبة:ايه يابنتى الرعب ده هههههه
ربنا يكرمك وعقبال ماتشوفى ولادك وتلعبى معاهم براحتك
نورتينى حبيبتى ودمتى بخير
***********************************
ghoneem
وعليكم السلام ورحمة الله وبركاته
اهلا بيك يادكتور
ربنا يكرمك وعقبال ماتشوف ولادك ان شاء الله قريب
اشكرك لرايك فى تنوع مواضيعى والحمدلله ان نالت الاستحسان من جانبكم
دمت طيبا ولمدونتى زائرا
***********************************
مؤمنة
وعليكم السلام ورحمة الله وبركاته
اختى الحبيبة:اهلا بيكى وفى انتظارك دائما
ربنا يكرمك وعقبال ماتشوفى ولادك ان شاء الله
نورتى مدونتى ودمتى بخير
**********************************
zozo
اختى الحبيبة:اهلا بيكى
ربنا يكرمك ويتقبل دعائك ويرزقنا الزوج الصالح والذرية الطيبة قريبا ان شاء الله
نورتى مدونتى واسعدتنى زيارتك
**********************************
جنى
وعليكم السلام ورحمة الله وبركاته
اهلا بيك استاذ سيد
فى امان الله واستودع الله امانتك وخواتيم اعمالك وحفظك من كل مكروه
دمت طيبا ولمدونتى زائرا
***********************************
ahmed_k
اهلا بيك استاذ احمد
ربنا يكرمك وانا اعتبر وجود الاطفال فى حياتنا منح ربانية تعيننا على اشياء عدة
رزقك الله بالذرية الطيبة ان شاء الله
دمت طيبا ولمدونتى زائرا
**********************************
mohamed ghalia
اهلا بيك استاذ محمد
ربنا يكرمك ويتقبل دعائك ويرزقك بالذرية الطيبة اللهم امين
نورت مدونتى
*********************************
سهر
اختى الحبيبة:اهلا اهلا وحشتينى ياقمر ويارب تكونى بخير
ربنا يهيئلك كل الخير ويرزقك بالسعادة وبالذرية الطيبة اللهم امين
نورتينى حبيبتى ودمتى بخير
***********************************
omnia
اختى الحبيبة:مبسوطة بزيارتك وباطرائك لكلماتى
رزقكى الله بالذرية الطيبة وهيئ لك الخير اينما تكونى
نورتى مدونتى وفى انتظارك دائما
*********************************
نونو
اختى الحبيبة:اهلا اهلا فينك من زمان ياجميلة وحشتينى ويارب تكونى بخير
ربنا يكرمك ويتقبل دعائك واشوف ولادى قريب ان شاء الله
ربنا يفرحك بولادك ويباركلك فيهم
نورتينى حبيبتى ودمتى بخير
**********************************
عاشقة الجنة
اختى الحبيبة:اذيك ياجميلة وحشتينى
ما اجمل تعليقك ومافيه من ادعية جميلة
ربنا يسعدك ويتقبل دعائك ويرزقنا بالزوج الصالح والذرية الطيبة قريبا ان شاء الله
نورتينى حبيبتى ودمتى بخير

semsema يقول...

ربنا يخليكم لبعض

تحياتى

د. إيمان مكاوي يقول...

حبيبتي..أنا أحببته من كلامك ..ربنا يخليه لكم وتفرحوا بيه
اللهم إجعله قرة عين لأهله

canary يقول...

كلامك عن الطفل جميل اوى
ربنا يخليه لكم
ويرزقك ان شاء الله طفل حلو كدة زيه

ابو صهيب ( الجمعاوي الاصيل)سابقاً يقول...

بارك الله لكما فيه وجعله من المخلصين الذين يكونوا سبب في نصرة هذه الامة

والله اجعله باراً بكم

آخر العنقود يقول...

مشاعر جميلة وحساسة قوى
ربنا يكرمك ويبارك فيكى وفيه
بجد مفيش أحلى من الحاجات اللى بنتعلمها منهم ومن عيونهم وبرائتهم
كلمات جميلة جدا

دمت محبة ومتميزة أخيتى

فى القلب يقول...

ربنا يخليلكو السكر الصغنن حبيب عمتو

وعن قريب يرزق عمتووتبقى ماما

غير معرف يقول...

الله يا منمن
احساسك حلو اوي
ولسه لما تقعدوا تتكلموا سوا
بموت في الاطفال اصلا

مها ميهوووو

funckydoctor يقول...

أنا لسه باكتب عن ابن اختى
عموما ربنا يخليكو لبعض
امين

و القادم....أجمل يقول...

ما شاء الله
ربنا يحفظه يارب
و عقبالك يا قمر

الأطفال دول براءة و نقاء
و تلقائية جمييييييلة جداااااا


ربنا يحفظهم جميعا يارب

:)

mostafa rayan يقول...

ربنا يكرمكوا فيه
ويرزقك بالخير كله

فارس بلا جواد يقول...

موناليزا
ازيك
بوست مميز
ربنا ما يحرمنا من بوستاتك

تحياتى

.:.-=- ELGaZaLy-=-.:. يقول...

وهذه نصيحة لمن يرى طفل لأول مرة :لاتحاول الإقتراب منه أو تأخذه عنوة ودون رغبته
اعطيه الأمان بابتسامتك له وتحدثك مع من يحمله
--------------------

بسم الله ما شاء الله ربنا يحفظة بجد مش عارف اوصفلك انا مبتسم ازاى فكرتينى بحد عزيز عليا اوى.. ربنا يحفظة يارب ...

rovy يقول...

السلام عليكم اختى الحبيبه
بارك الله لكى فى ابن اخيكى الحبيب و حفظه و حفظكى له ..
ادعوا الله ان تكتبى لنا قريبا عن ابنك او ابنتك التى اتمنى ان ينعم الرحمن عليكى بهما قريبا بعد ان يرزقكى السعاده مع زوج صالح يطرح لكى فيه الرحمن البركه و الامان .. امين

اسفه على تأخيرى فقد مررت بيومين عصيبين و اتمهما انى تعبت قليلا فعذرا لتقصيرى ..
دمتى بكل خير و حب و امل و سعاده فى رعاية الرحمن ..
كل الود و التقدير

تحياتى

موناليزا يقول...

semsema
اختى الحبيبة:ربنا يكرمك ويتقبل دعائك وعقبال ماتشوفى ولادك يارب
نورتينى ياسمسمة ودمتى بخير
*********************************
ايما
اختى الحبيبة:ربنا يكرمك ويتقبل دعائك ويفرحك بالبنين يارب وتشوفيهم احسن الناس
نورتينى حبيبتى ودمتى بخير
***********************************
canary
اختى الحبيبة:ربنا يكرمك ويتقبل دعائك ويرزقك انتى كمان بالذرية الطيبة ان شاء الله
نورتينى حبيبتى ودمتى بخير
***********************************
الجمعاوى الاصيل
اهلا بيك يافندم
ربنا يكرمك ويتقبل دعائك ورزقك الله بالذرية الطيبة ان شاء الله
دمت طيبا ولمدونتى زائرا
***********************************
اخر العنقود
اختى الحبيبة:ربنا يسعدك ويهيئلك كل الخير ويرزقك بالذرية الطيبة اللهم امين
نورتينى حبيبتى ودمتى بخير
**********************************
فى القلب
اختى الحبيبة:اهلا بيكى
ربنا يسمع منك ويتقبل دعائك ويرزقك بكل الخير يارب
نورتى مدونتى وارجو دوام التواصل
*********************************
احسن تستاهل
اختى الحبيبة: ربنا يكرمك وعقبال ماتشوفى ولادك يارب بجد الاطفال متعة تانية خالص
نورتينى مهمايهو الجميلة ودمتى بخير
**********************************
funckydoctor
اهلا بيك يادكتور
ربنا يكرمك وفى انتظار بوستك الجديد
دمت طيبا ولمدونتى زائرا
**********************************
والقادم اجمل
اختى الحبيبة:ربنا يكرمك ويتقبل دعائك وربنا يرزقك بالذرية الطيبة اللهم امين
نورتينى ياجميلة ودمتى بخير
**********************************
mostafa rayan
اهلا بيك استاذ مصطفى
ربنا يسعدك ويتقبل دعائك ويرزقك بالذرية الطيبة اللهم امين
دمت طيبا ولمدونتى زائرا
***********************************
فارس بلا جواد
اهلا بيك يافندم
اشكرك لسؤالك وانا الحمدلله بخير
ربنا يكرمك واشكرك جدا لهذا الاطراء ويارب اكون عند حسن ظنكم دايما
دمت طيبا ولمدونتى زائرا
***********************************
elgazaly
اهلا بيك استاذ محمد
ربنا يكرمك وانا مبسوطة جدا ان موضوعى استطاع ان يرسم بسمة على وجهك
ربنا يسعدك ويرزقك بالذرية الطيبة اللهم امين
دمت طيبا ولمدونتى زائرا
***********************************
rovy
وعليكم السلام ورحمة الله وبركاته
اختى الحبيبة:ربنا يكرمك ويتقبل دعائك وتفرحى ببناتك يارب
بعيد الشر عنك ياغالية الف سلامة عليكى كده يبقى انا اللى مقصرة فى حقك سامحينى ويارب دلؤتى تكونى احسن
ربنا يمتعك بصحتك ابدا ماحييتى
تمنياتى بالشفاء العاجل
نورتينى حبيبتى ودمتى بخير وسعادة وحفظ الرحمن