الجمعة، 20 فبراير 2009

أريدكم معى

بما أننا أحباء فى الله ونريد أن نصعد سوياً إلى سلم السعادة المؤدى إلى رضا الله عز وجل . لذلك أردت مشاركتكم معى لتطبيق أفضل الأعمال عند الله عز وجل.
بداية سأطرح هذا السؤال:
متى آخر مرة صمت فيها؟
(جاوب دلؤتى بينك وبين نفسك).
بقى لك كتير اوى على فكرة.

إيه رأيك لو تختار يوم فى الأسبوع الجاى وتصوم فيه. سواء اتنين أو خميس أو أى يوم تانى عدا الجمعة(لانه ماينفعش تصوم الجمعة لوحده)؟. لك مطلق الحرية فى اختيار اليوم المناسب لك.

ها ايه رأيك؟ طبعا مش محتاجة تفكير. أكيد موافق .

إيه يعنى لما توهب اليوم ده لله. ماهو أنت بتاكل طول الوقت وبتتفرج على التليفزيون على طول مش هيحصل حاجة يعنى لما تاخد أجازة فى اليوم ده.

وبعدين احنا دلؤتى فى الشتا يعنى فرصة لا تعوض اليوم قصير والجو برد يعنى مش هتشعر بالعطش.(مالكش حِجة)

إنوى انت بس وربنا هيقويك.

موافق؟؟

جميل ماهو أنت لازم توافق.

عايزين يبقى صيام بجد.

يعنى مش هنصوم عن الأكل والشرب بس لأ ده احنا اليوم ده عايزين ناخد ثواب فى كل حاجة من أول مانصحى من النوم"الحمد لله الذى أحيانا بعد ما أماتنا وإليه النشور". هنتوضا "اللهم اجعلنى من التوابين واجعلنى من المتطهرين"هنصلى الضحى وما فيها من إفادة عظيمة لنا. هنروح الشغل وهنأديه على أعلى مستوى. واذا نرفزك حد قل "اللهم إنى صائم"وهنركب المواصلة"سبحان الذى سخر لنا هذا وما كنا له مقرنين وإنا إلى ربنا لمنقلبون" واذا قابلت أحد فصافحه"ما من مسلمين يتقابلا فيتصافحا إلا تساقطت ذنوبهما" وتصدق على كل من تقابل ولو بالإبتسامة"تبسمك فى وجه أخيك صدقة"هنبتعد تماما عن الغيبة والنميمة ولنجعل لساننا رطباً بذكر الله ولا ننسى الدعاء"فللصائم دعوة عند فطره لا ترد" وأيضا الصلاة فى أول الوقت. وطبعا غض البصر والأخلاق الطيبة ده العادى بتاعنا.

وممكن كمان نصل رحمنا ولو حتى برسالة على الموبايل. ولو فيه مريض ممكن نزوره. ولو فيه تشييع جنازة. يعنى مانتأخرش عن فعل الخير. ماهو اليوم ده احنا متفقين من البداية إنه لله.

هنتظركم على باب الريان ما تتأخروش.

*******************

على الهامش: رجاء خاص بأن تدعولى أن ربنا ينصرنى ويرضى عنى.

أدعوكم لقراءة هذه المواضيع القيمة:"بفكرني :) " و "بفكرني تاني :) ".













هناك 76 تعليقًا:

أميرة يقول...

يارب يكرمك و يجازيكي خير ويحققلك كل اللي بتتمنيه

بس متنسيناش من دعائك :)

ودي ان شاء الله ساعة اجابة :) يارب

:: Salma Emad :: يقول...

السلام عليكم ،،

ما شاء الله عليكي ربنا يبارك فيكي و يجعل كل من يصوم بسبب البوست دا
في ميزان حسناتك

ربنا يكرمك يا رب

انا الحمد لله بصوم الاتنين و الخميس
يعني بحاول اني انتظم و بقالي فتره الحمد لله منتظمه

ربنا يكرمك يا حبيبتي
ياربتلو فعلا كل واحد بيعمل عمل خير يدعوا الناس علشان ياخدوا ثواب هما كمان

كان زمان حلنا مش نفس الحال

ربنا يكرمك يا حبيبتي
و هاعيلك ان شاء الله لما اصوم

الفقيرة إلى الله أم البنات يقول...

آخر مرة ...ياكسوفى التاسع والعاشر ن محرم

وبخصوص الصوم موافقه..الاتنين ماشى الحال


صلة الرحم حاضر بالموبايل جميل وسهل برضه علشان الوقت اللى بياكلنا

ربنا يجازيك عنا خير وعلى التذكرة
يارب ينصرك ويفرج كربك ويرضى عنك ويراضيك ويجعلك من عباده المخلصين المقربين
ويسخر لك كل جنوده لطاعته

بحبك فى الله وجزيت الفردوس الأعلى على التذكرة
بجد ربنا يكرمك

ميرا ( وومن ) يقول...

ربنا يجازيكي خير إن شاء الله معاكي

Kiara يقول...

والله برافو عليكي اخدتيها من علي لسانى

جزاكى الله خيراااااااااا

dramaqueen يقول...

الله على الكلام

جزاكى الله كل خير

وان شاء الله نصوم

سلام

علي محـمــــــد يقول...

السلام عليكم

دعوه جميله يا اختي الكريمه ..
والحلو فيها انك سردتي احداث اليوم من الصباح الى المساء بكل الأدله الحافزه على فعل كل اللي ذكرتينا فيه ..
بالمناسبه الدال على الخير كفاعله وهذا بخصوص المواضيع بتاعت اليس ..
انا سعيد اني دخلت هذي المدونه :)

جزاك الله خير وفي امان الله

محمد يقول...

السلام عليكم ورحمة الله وبركاته

الأخت موناليزا ...
رائع وجميل ما تقومين به فهذا من باب أن نكون أخلاء متعاونين علي الطاعة والتقوي وفعل الخيرات ... وليكن غدا كما قال الله الأخلاء بعضهم لبعض عدو إلا المتقين فبارك الله لك ذلك الخير الذي تدعين إليه ... ومن ناحية إقتراحك أنا موافق بالثلث ... وع فكره أنا آخر يوم صمته كان امبارح الحمدلله.
خالص شكري وتقديري

SHAPE YOUR LIFE (ABOALI) يقول...

يوم لله
تعرف فيه فضله عليك
و قد ايه حبه ليك
وكل حاجة فرضها عليك
ثوابها ليك مش عليك
يوم لله
تعيش فيه مسلم
يمكن فى يوم تبقى مؤمن
يوم لله
تتذوق فيه الرحيق
معاملات وصدق اكيد
يوم لله
تاخد من رحمته
وعلى وشك بسمته
يوم لله
تشحن فيه قلبك
وترضى فيه ربك
يوم لله
حبيبك مستنى
عند الكوثر مَدد ايديه
اشرب منه وصلى عليه
يوم لله
يقبلك وتشوفه وتمتع بيه
وانت فى الجنه امام عينيه
يوم لله


جزاكى الله كل الخير

وربنا يوفقك وينصرك ان شاء الله

شامخة يقول...

السلام عليكم

ربنا يكرمك أختى عالفكرة الرائعة دى
أوعدك باذن الله انى انفذها أنا واصحابى

الحرامي يقول...

معاكي والله
فعلا فكره جميله بس ربنا يقدرنا انا رغم اني حرامي
الا اني اخر يوم صمته كان











مش فاكر

ســـــــهــــــــــر يقول...

اللهم انصرها و ااجرها و اثبها و ارضى عنها

اللهم لا تحرمنا الصيام لك و لا تحرمنا اجره

اقولك ايه

برتاح اوى اما باجى عندك
ربنا يزيدك

مجداوية يقول...

السلام عليكم

دعوة جميلة وان شاء الله نعملها قريب جدا

وندعو لك دائما بأن ينصرك الله على من ظلمك وقولي دائما إني مغلوب فانتصر

جزاك الله خيرا على التذكرة

ماء تشرين يقول...

اكيد معاكى
وانت كمان ادعيلنا
بارك الله فيكى

د/عرفه يقول...

شكرا على دعوتك والله انا بقالى فتره كده كل اسبوع بنوى اصوم بس مبيحصلش
ان شاء الله نصوم باه الاسبوع ده
وشكرا لدعوتك للصيام



اسمحلى أختى ادعو الناس لزياره المدونه الجديده بتاعتى علشان اتيح ليهم الاعلان عن المدونات بتاعتهم
وارشح لهم الموضوعات اللى تعجبنى كمان منتظر زيارتك واقتراحاتك
http://advsarab.blogspot.com/

jonoon 3aqel يقول...

جزاك الله خير...

ان شاء الله.... على فكره..في كم حاجه كمان كده الواحد بنسى انه ماعملهاش من زمان..يعني
قراءة القرآن...صدقه...

الله يديكِ على قد نيتك..

تحياتي
جنون عاقل

kmt يقول...

السلام عليكم ورحمة الله وبركاته

جزاكِ الله خيرا على التذكرة
ويارب فعلا نتقابل على باب الريان
وتحت عرش الرحمن كمان
لاني بحبك في الله

تحياتي
الى اللقاء

EMMY BABY يقول...

بجد والله ربنا يكرمك يااااارب

ويجازيكى ير عن كل واحد هينفذ اللى فى البوست

تحياتى

ايمى

GiGi world يقول...

ربنا يباركلك ويارب يكرمك وكرم كبير قوي يارب
انا معاكى

موناليزا يقول...

اليس فى بلاد العجائب
ـــــــــــــــــــــــ
اختى الحبيبة:يارب انا وانتى:)
اشكرك جدا لمشاركتك
نورتينى حبيبتى ودمتى بخير


********************************


سلمى عماد
ـــــــــــــ
وعليكم السلام ورحمة الله وبركاته
اختى الحبيبة:اهلا بيكى فى زيارتك الاولى
ربنا يكرمك ويتقبل دعائك اللهم امين
ماشاء الله ربنا يثبتك ويتقبل منا ومنكم صالح الاعمال
فعلا ياحبيبتى وده أمر نبوى على فكرة"لا يؤمن أحدكم حتى يحب لأخيه ما يحب لنفسه"
اشكرك جدا لمشاركتك
ويارب تفتكرى تدعيلى:)
نورتى مدونتى وارجو دوام التواصل


*********************************


الفقيرة الى الله ام البنات
ــــــــــــــــــــــــ
اختى الحبيبة:ربنا يقدرك ويذكرك بالصيام
ربنا يعزك ويبارك فيكى على موافقتك
الله مااجمل دعائك
ربنا يسعدك كما اسعدتينى به ويتقبله منك اللهم امين
أحبك الذى احببتنى فيه:)
وأحبك فى الله غاليتى
اشكرك جدا لمشاركتك
نورتينى حبيبتى ودمتى بخير


********************************


وومن
ــــــــ
اختى الحبيبة:ربنا يسعدك يارب
مبسوطة بجد انك وافقتى
نورتينى حبيبتى ودمتى بخير


********************************


كيارا
ــــــــــ
اختى الحبيبة:ماهى دى ذى مدونتك برضه يعنى كأنها فكرتك:)
ربنا يكرمك وجزاكم مثله
نورتينى حبيبتى ودمتى بخير


**********************************


دراما كوين
ــــــــــــــ
اختى الحبيبة:ربنا يقدرك ويذكرك يارب
ربنا يكرمك وجزاكم مثله
نورتينى حبيبتى ودمتى بخير


********************************



على محمد
ـــــــــ
وعليكم السلام ورحمة الله وبركاته
اهلا بيك استاذ محمد
الله يكرمك فماتوفيقى الا بالله
وانا اسعد لاهتمامك وقراءة هذه المواضيع
جزانا واياكم يافندم
واشكرك جدا لمشاركتك
دمت طيبا ولمدونتى زائرا


**********************************


هذه حياتى
ـــــــــــ
وعليكم السلام ورحمة الله وبركاته
اهلا بيك يافندم
الحمدلله فماتوفيقى الا بالله
ربنا يكرمك ويسعدك كما اسعدتنى بموافقتك
وانا كمان اخر يوم صمته كان امبارح:)
تقبل الله منا ومنكم صالح الاعمال
اشكرك جدا لمشاركتك
دمت طيبا ولمدونتى زائرا


*********************************


ابو على
ــــــــــ
اهلا اهلا بصاحب التعليقات المتميزة
ربنا يعزك يارب على هذه الكلمات الجميلة وجعلها الله فى ميزان حسناتك
جزانا واياكم وربنا يتقبل دعائك
اشكرك جدا لمشاركتك
دمت طيبا ولمدونتى زائرا


*********************************



شامخة
ـــــــ
وعليكم السلام ورحمة الله وبركاته
اختى الحبيبة:اهلا بيكى فى زيارتك الاولى
ربنا يعزك يارب ويبارك فيكى
ولاتنسونى من صالح دعائكم
اشكرك جدا لمشاركتك
نورتى مدونتى وارجو دوام التواصل


*******************************



الحرامى
ـــــــــــ
اهلا بيك يافندم
ربنا يقدرك ويذكرك
اشكرك جدا لمشاركتك
دمت طيبا ولمدونتى زائرا


*********************************


سهر
ـــــــ
اختى الحبيبة:اهلا اهلا بالقمر بعد طول غياب
:) ربنا يسعدك ويتقبل دعائك ويريح قلبك يارب
نورتينى حبيبتى واسعدتنى زيارتك


********************************


مجداوية
ــــــــ
وعليكم السلام ورحمة الله وبركاته
اختى الحبيبة:ربنا يعزك ويبارك فيكى
ويعيننا على طاعة الله ورضاه
ربنا يتقبل دعائك
رب انى مغلوب فانتصر رب انى مغلوب فانتصر رب انى مغلوب فانتصر
جزاكم الله خيرا لتذكيرى بهذا الدعاء الجميل
نورتينى حبيبتى ودمتى بخير


*********************************


ماء تشرين
ـــــــــــــ
اختى الحبيبة:مبسوطة انك موافقة
(طب كنتى قولى تحبى ادعيلك بايه)
ربنا يعزك ويسعدك ويرضى عنك
نورتينى حبيبتى ودمتى بخير


*********************************


د/ عرفة
ـــــــــــ
اهلا بيك يادكتور
ان شاء الله يادكتور ربنا يذكرك ويقدرك للصيام هذا الاسبوع

دهوة مقبولة ويسعدنى زيارتك وسأكون هناك فى اقرب فرصة باذن الله
دمت طيبا ولمدونتى زائرا


*******************************


ميبى سوون
ـــــــــــ
اهلا بيك يافندم
ربنا يذكرك دايما بطاعته ويعينك على ذكره وشكره وحسن عبادته
قل هذا الدعاء دائما بعد كل صلاة"اللهم أعنى على ذكرك وشكرك وحسن عبادتك"3 مرات
اشكرك جدا لمشاركتك
دمت طيبا ولمدونتى زائرا


**********************************


كيمت
ـــــــــ
وعليكم السلام ورحمة الله وبركاته
اختى الحبيبة: اسعدتينى حقا بتعليقك
ربنا يعزك ويسعدك ويبارك فيكى
أحبك الذى أحببتنى فيه:)
وانا ايضا أحبك فى الله
(كده عرفنا مكاننا خلاص):)
اشكرك جدا لمشاركتك
نورتينى حبيبتى ودمتى بخير


**********************************


ايمى بيبى
ـــــــــــ
اختى الحبيبة:ربنا يسعدك يارب ويتقبل دعائك وكل اللى يقرأ الموضوع ينفذه اللهم امين
اشكرك جدا لمشاركتك
نورتينى حبيبتى ودمتى بخير


*********************************


جيجى
ـــــــ
اختى الحبيبة:ربنا يسعدك ويتقبل دعائك
مبسوطة انك معايا:)
اللهم اجمعنى بك فى ظل الرحمن يوم العرض العظيم وندخل سويا الجنة من باب الريان
نورتينى حبيبتى ودمتى بخير

ريمان يقول...

السلام عليكم

دايما بحب مواضيعك يا قمر

بس يعنى هو لازم اجاوب على السؤال بتاعك؟


ممممممممممممم


طب بس مش تقولى لحد يعنى

ها

اتفقنا

انا فى الغالب بصوم كل الاسبوع ماعدا الخميس والجمعه

لان يوم الخميس ببقى معزومه عند خالتى والجمعه عشان ده اليوم الوحيد اللى بتجمع فيه مع اخواتى على الغدا

يعنى الحمد لله انا اصلا برتاح نفسيا جدا اما بصوم ولو عدا تلات ايام من غير ما اكون صومت فيهم يوم بيبقى مزاجى وحش اوى

ربنا يجازيكى خير يا رب على مووضوعك ده

ريمان يقول...

اه نسيبت اجاوب ع السؤال الاجبارى


اخر مره صومت فيها كانت اول البارح

حياتى نغم يقول...

جزاك الله خيراً ووفقك للخير دائماً .

لجين أبو الدهب يقول...

ما شاء الله ..

دعوتك هذهحبيبتى ذكرتنى بسنواتمرت ..

فعلت مثل هذه الدعوة فى فصلى .. وكان يوم ناجح كثيرا ..

اتفقنا جميعا سنصوم يوم كذا ولا تؤذى فلانة الفلانية معلمتنا وسنحرص كل الحرص على نجاح اليوم..

وتم الحمد لله وجميع معلماتنا شهدوا بهذا اليوم وكان عددنا 73 طالبة بالفصل ..

ان شاء الله معاكم ..

جزاكِ الله كل خير ..

وأدام الله قلمك له ..

أحبك جدا فى الله ..

دُمتِ بخير ..

الازهرى يقول...

جزاك الله خيرا على موضوعاتك القيمة وما فيها من خير

انا من عادتى الصيام ومن الممكن القول اننى تعودته للغاية

تحياتى دوما

Butterfly يقول...

ربنا يوفقك ويثبتك
ويجازيكى كل خير :)

KHALED يقول...

ربنا ينصرك و يعوضك خير
أنا بقى باصوم رمضان بالعافية
شفتى صراحة ووضوح اكتر من كدة


ربنا يكرمك و يجذيكى الخير

مسدس صغير يقول...

جزاكم الله خيرا يا موناليزا وربنا يكتبلك اعمالك وبوستاتك فى ميزان حسناتك ان شاء الله

وربنا ينصرك ويثبتك..

وان شاء الله ربنا يسهل ونصوم يوم الاسبوع الجاى ان شاء الله بس ادعيلى..

محمد فوزي يقول...

ربنا يكرمك إن شاء الله وينصرك ويأيدك ويرضيكي ,, تقبل الله منك هذه الدعوه الطيبه ويقدرنا نعمل بيها على الشكل اللي طرحتيه ويكون يوم مثالي في كل شيء من إمتناع عن الكل والشرب فقط

تحياتي

المعتصم يقول...

بسم الله الرحمن الرحيم
السلام عليكم ورحمة الله وبركاته
أختى الكريمه موناليزا
تحياتى وتقديرى
كما هى العاده بوست جميل وموضوع رائع وطبعا ثوابه عظيم
مش جديد عليكى
دايما موضوعاتك هادفه وجميله وفى نفس الوقت تنفيذها بسيط جدا ومش شاق او متعب
ربنا يكرمك ويفرح قلبك ويراضيكى ويرزقك بكل خير ويسعدك ويحققلك كل ماتتمنى
ان شاء الله على نيه وربنا يكرمنا ونقدر نوفى
اختى الكريمة اعلمى ان مجرد مرورى بمدونتك الجميلة يسعدنى
تقبلى مرورى وتحياتى
ودمتى بكل خير وود وسعاده بإذن الله
والسلام عليكم ورحمة الله وبركاته

لجين أبو الدهب يقول...

انا كنت معلقة ..

مش عارفة ما وصلش و لا انتى لسه ما وافقتش عليه :(

دعاء مواجهات يقول...

ان شاء الله معاكى

وربنا يعيننا جميعا يارب

تحياتى ومودتى

كفايـة طيبـة يقول...

ربنا يرضي ويعفو عنك وينصرك يارب ياحبيبتى :)

تمام

ممم ممكن الاتنين ان شاء الله
عشان يبقي سنة بالمرة
بس طيب وبعدين
جه اليوم وصمناه
هتعملى بوست كل اسبوع تقوليلنا نعمل حاجة
مش تنزلى جدول بالحاجات D:

على العموم خليها خطوة خطوة :)

ربنا يكرمك يارب

الفراشة الصغيرة يقول...

ربنا يجازيكى خيرا
ان شاء الله
الواحد يعمل كده

بنوتة يقول...

السلام عليكم
ماشاء الله عليكى
ربنا يكرمك وينصرك ويرضى عنك ويرحمك
ويجعل دعوتك للخير في ميزان حسناتك
تحياتى ليكى

salwa يقول...

السلام عليكم
الله يكرمك و يجازيكي بافضل اعمالك
و يجعل دعائك مقبول و ذنبك مغفور
دائما منك كل الفائدة
سلام

على عبدالله يقول...

السلام عليكم

جزاك الله خيرا

لا تنسينا من دعائك

rovy يقول...

الله يكرمك يا موناليزا و ينصرك يارب على من ظلمك و يأخذ بثأرك .. امين
جزاكى الرحمن كل الخير حبيبتى على تذكرتك الغاليه و ادعوا الرحمن ان يجعلها فى ميزان حسناتك و ان نلتقى حقا على باب الريان صحبه و احباب فى الله ..
دمتى بكل خير و دامت كلماتك الغاليه

ودى و تحياتى

همس الاحباب يقول...

جزاكى الله خيرا
والفكرة جميلة جدا
والدعوةالى عمل الخير من سمات حضرتك دائما
فتحياتى وتقديرى لشخصك الكريم
على فكرة انا مقصر مع حضرتك الفترة الماضية جدا
بس عامة رجعت للخلف وشفت كل البوستات اللى فاتتنى
وكل سنة وانتى ومدونتك بخير وسعادة
ودايما منورانا بكلماتك وتوجيهاتك الرائعة
دمتى بكل خير
تحياتى

salma mohamed يقول...

موناليزا الحبيبة:
ربنا يتقبل منك ويجعله في ميزان حسناك,
بجد دعوة جميله ربنا يكرمك وياجرك عليها,
وربنا يقدرنا نعمل بيها.

موناليزا يقول...

ريمان
ـــــــــ
وعليكم السلام ورحمة الله وبركاته
اختى الحبيبة:وانا دايما بحب وجودك عندى:)
ماشاء الله ربنا يثبتك يارب
ويتقبل منا ومنكم صالح الاعمال
ماتنسينيش بدعائك وخاصة ساعة الفطار
نورتينى حبيبتى ودمتى بخير


**********************************


حياتى نغم
ــــــــــــ
اختى الحبيبة:جزانا واياكم ياجميلة
والحمدلله فماتوفيقى الا بالله
نورتينى حبيبتى ودمتى بخير


*********************************


لجين ابو الدهب
ـــــــــــــــ
اختى الحبيبة: ماشاء الله ربنا يجعله فى ميزان حسناتك ويرزقنا فى هذا الاسبوع قبول الصيام من ناس كتييير
ربنا يسعدك ويتقبل دعائك
ومبسوطة جدا انك معايا:)
أحبك الذى احببتنى فيه
وانا ايضا بحبك فى الله
نورتينى حبيبتى ودمتى بخير


**********************************


الازهرى
ــــــــــ
اهلا بيك يافندم
جزانا واياكم فماتوفيقى الا بالله
تقبل الله منا ومنكم صالح الاعمال
ماشاء الله ربنا يثبتك
لاتنسانى من صالح دعائك
دمت طيبا ولمدونتى زائرا


********************************


بترفلاى
ـــــــــ
اختى الحبيبة: ربنا يسعدك ويتقبل دعائك
نورتينى حبيبتى ودمتى بخير


*********************************


خالد
ــــــــ
اهلا بيك استاذ خالد
ربنا يكرمك ويتقبل دعائك اللهم امين
:)بصراحة برضه شوفت كتير
بس ممكن اعرف ليه بتصومه بالعافية؟
الثواب كبير اوى وماينفعش تسيبه
اعتبر نفسك فى رمضان
وبعدين ده باليوم ده هتبعد عن جهنم 70خريف بحالهم حد يطول بقى فرصة ذى دى
استاذ خالد نداء من اختك الصغيرة هنتظرك عند باب الريان برجاء عدم التأخير:)

دمت طيبا ولمدونتى زائرا


**********************************


مسدس صغير
ـــــــــــ
اهلا بيك يافندم
ربنا يعزك يارب ويتقبل دعائك
ربنا يذكرك ويقدرك على الصيام
أقوللك على حاجة تخليك تفتكر
افتكر ان باليوم ده هتاخد ثواب كبير اوى وهتبعد عن جهنم 70 خريف
ربنا يعينك على طاعته
دمت طيبا ولمدونتى زائرا


**********************************


محمد فوزى
ــــــــــ
اهلا بيك استاذ محمد
ربنا يسعدك ويتقبل دعائك اللهم امين
وتقبل الله منا ومنكم صالح الاعمال
ولاتنسانى من صالح دعائك
دمت طيبا ولمدونتى زائرا


*******************************


المعتصم
ــــــــــ
وعليكم السلام ورحمة الله وبركاته
اهلا بيك يافندم
ربنا يكرمك أخجلتم تواضعنا فماتوفيقى الا بالله
مش عارفة اقولك ايه بجد على دعواتك الجميلة دى:) غير ربنا يتقبل ولك بالمثل ان شاء الله
ربنا يقدرك ويذكرك ونتقابل جميعا عند باب الريان
تعليقك وزيارتك دائما تسعدنى
دمت طيبا ولمدونتى زائرا


**********************************


لجين ابو الدهب
ــــــــــــــــ
اختى الحبيبة:اعتذر جدا للتأخير فى النشر والرد
نورتينى حبيبتى واسعدتينى بمتابعتك


*********************************


دعاء مواجهات
ـــــــــــــــ
اختى الحبيبة:ربنا يسعدك كما اسعدتينى بموافقتك
ربنا يعزك ويبارك فيكى
نورتينى حبيبتى ودمتى بخير


*********************************


كفاية طيبة
ــــــــــــــ
اختى الحبيبة: ربنا يتقبل دعائك ياااارب
ربنا يقدرك يارب ويذكرك وماتنسينيش من دعائك
فكرتك جميلة بجد
وايه رايك نمشيها كل شهر حاجة
جزاكم الله خير
نورتينى حبيبتى ودمتى بخير


**********************************



الفراشة الصغيرة
ـــــــــــــــــــ
اختى الحبيبة:جزانا واياكم
وفى انتظارك عند باب الريان
نورتينى حبيبتى ودمتى بخير


*********************************



بنوتة
ــــــــــ
وعليكم السلام ورحمة الله وبركاته
اختى الحبيبة: الله مااجمل دعائك لى
ربنا يتقبل ولكى بالمثل ان شاء الله
نورتينى حبيبتى ودمتى بخير


**********************************



سلوى
ــــــــ
وعليكم السلام ورحمة الله وبركاته
اختى الحبيبة:ربنا يعزك ويرضى عنك ويتقبل دعائك
الحمدلله فماتوفيقى الا بالله
نورتينى حبيبتى ودمتى بخير


*******************************



على عبدالله
ــــــــــــ
وعليكم السلام ورحمة الله وبركاته
اهلا بيك استاذ على
جزانا واياكم
(مش كنت تحدد دعاء معين)
ربنا يرضى عنك ويبارك فيك
دمت طيبا ولمدونتى زائرا


********************************


روفى
ـــــــــ
اختى الحبيبة:ربنا يسمع منك ويتقبل دعائك عاجلا غير اجلا اللهم امين
ربنا يسعدك ويتقبل دعائك ويرزقك بكل الخير
نورتينى حبيبتى ودمتى فى امان الله ورعايته


********************************


همس الاحباب
ـــــــــــــ
اهلا بيك استاذ خالد بعد طول غياب
اشكرك جدا فماتوفيقى الا بالله
كان الله فى العون اخى الكريم
نورتنى واسعدتنى بمتابعتك مواضيعى السابقة
وكل عام وانت من زوارى الكرام
دمت طيبا ولمدونتى زائرا


********************************


سلمى محمد
ــــــــــ
اختى الحبيبة: ربنا يتقبل دعائك
ويبارك فيكى ويذكرك ويعينك على طاعة الله وحسن عبادته اللهم امين
أحبك فى الله
نورتينى حبيبتى ودمتى بخير

شمس النهار يقول...

ماشاء الله البوست جميل
ربنا يوهبك ثوابه
الصيام من اخلص العبادات

حاجات جوايا يقول...

سبحانك يارب
ده أنا لسه كنت بقول لنفسى كده النهارده وكنت ناوية اصوم الاتنين الجاى ان شاء الله

ربنا يكرمك ويبارك فيكى يارب وينصرك ويفك كربك ويهديكى

ghorBty يقول...

السلام عليكم

جزاك الله خيرا كثيرا يا موناليزا

وربنا ينصرك ويرضي عنك ونحن معك بحوله وقوته

تعرفي قول الرسول عليه الصلاة والسلام
خذ من صحتك لمرضك ومن شبابك لهرمك

الواحد بيستغل انه الحمد لله بصحه وفي شباب وسهل جدا انه يصوم دي فرصه كبيره جدا لازم الكل يستغلها ويكفي قول الله تعالي الا الصيام فانه لي وانا اجزي به ربنا يجزينا خير ويعينا علي طاعته والحمد لله الذي هدانا لهذا وما كنا لنهتدي لولا ان هدانا الله

غربتي

Unknown يقول...

السلام عليكم ورحمة
الله تعالى وبركاته
ماااااااااااااااشى
يامونى ربنا يقدرنى ونصوم
الاثنين القادم عن الطعام والشراب والكلاماللى مش تمام واللى مش بيضيف
لميزان حسناتنا شىء بل بالعكس بياخد
منها !

موناليزا يقول...

شمس النهار
ـــــــــــــ
اختى الحبيبة:الحمدلله فماتوفيقى الا بالله
ربنا يكرمك ويتقبل دعائك
نورتينى حبيبتى ودمتى بخير


********************************


حاجات جوايا
ـــــــــــــ
اختى الحبيبة:يبقى هنصوم جماعة ان شاء الله:)
ربنا يسعدك ويتقبل دعائك
نورتينى حبيبتى ودمتى بخير


*********************************


غربتى
ــــــــــ
وعليكم السلام ورحمة الله وبركاته
اختى الحبيبة:ربنا يكرمك يارب ويتقبل دعائك
الله عليكى ونعم القِول
نورتينى حبيبتى ودمتى بخير


*****************************


نوراهاتى
ــــــــــــ
وعليكم السلام ورحمة الله وبركاته
اختى الحبيبة: ونحن فى انتظارك وليكن يوما لله
نورتينى حبيبتى ودمتى بخير

أميرة يقول...

ايه رايك تخلي الدعوة مش ليكي

يعني ادعي ان ربنا يستجيب أدعية اخواتك من المسلمين :)

والملائكة هتتولي امر التأمين عليه و تقولك وإياكِ

يعني دعائك مستجاب بإذن الله و هتكسبي الدعاء لاخيك بظهر الغيب والله اعلم


مجرد اقتراح:)

Gannah يقول...

موناليزا
خير الناس من يذكرك بالله
جزاكِ الله خيرا
وجعلنا ممن يصمتون ويصومون
ورزقنا واياكِ الجنة
جميل جدا اشارتك لتدوينات أليس فى بلاد العجائب
ده اكبر دليل على روحك الجميلة
تحياتى

د. ياسر عمر عبد الفتاح يقول...

ربنا ينصرك ويرضى عنك
وإن شاء الله نطبق كلنا الفكرة دى
ومش بس الأسبوع ده
ياري يبقى كل اتنين وخميس

جزاكم الله خيراً
وربنا يجعله فى ميزان حسناتك

dodda يقول...

حاضر

بـسـمـــة صـــــلاح يقول...

جزاك الله كل خير
ربنا يكتر من امثالك
انا بصوم الخميس والتنين دايما
الحمد لله
ربنا يسعدك
دمت بكل ود
تحيـــــــاتي(:

عـــفـــراء يقول...

السلام عليكم
منى ..ازيك يارب تكونى بكل خير وسعاده
عذرا حبيبتى عن تأخيرى معلش مامتى كانت تعبانة شوية ودة اكيد بيعجزنى عن فعل اى شئ ...سامحينى !!
بشعر براحه نفسية جدا لما امر عليك
وكأنى بفتقد شئ حتى لو كان لمجرد تذكرة
اللى اكيد ربنا هيجازيكى عنها كل الخير
ربنا يكرمك دايما وموفقة فيما تعرضية لنا
خالص تقديرى لكى ......

أميرة الجنة يقول...

ربنا يكرمك ويجعله فى ميزان حسناتك
ومتنسيناش من الدعاء
تقبلى تحياتى

منى يقول...

هكذا دائما انتى
تذكرينا برفق
وتاخذين معك لحساب النفس
وعمل الخير
دمتى لنا بكل الخير
اللهم انصرها ورد اليها حقها
واغفر لها واعفو عنها
وارزقها الخير كله ونجيها من الشر كله ثم رضها بقضائك يا ارحم الراحمين
كل الحب

غير معرف يقول...

السلام عليكم

وفقك الله وسدد خطاك وألهمك الثواب ورزقك الخير فى دنياك وآخرتك وزاحم كتفك مع كتف الرسول وجعلك من الحور وسقاك من خمر الجنة وحوض المختار
وحشرك مع الابرار وجعلك تحت ظل الرحمن
وهداك ورفع مقامك وعلاك

ألى بمثلها

موناليزا يقول...

اليس فى بلاد العجائب
ــــــــــــــــــــــــ
اختى الحبيبة:اقتراح جميل
تعرفى انى بعمل كده دايما لدرجة انى ممكن انسى ادعى لنفسى واعتمد على تأمين الملائكة لدعائى:)
اشكرك جدا لاهتمامك
ربنا يسعدك وينولك اللى فى بالك ويجمعنى بكى تحت ظل عرش الرحمن فى يوم لا ظل فيه الا ظله
نورتينى حبيبتى واسعدتينى بمشاركتك


*******************************


جنة
ـــــــــ
اختى الحبيبة:ربنا يسعدك ويتقبل دعائك اللهم امين
انتى اللى جميلة غاليتى
مواضيع اليس تستاهل بجد ولو كنت اقدر انشرها اكتر من كده كنت نشرتها
ربنا يستخدمنا يارب ويثبتنا على طاعته
قلتلك انى بحبك قبل كده صح؟
نورتينى جنتى الجميلة ودمتى بكل الخير


*******************************


د. ياسر عبدالفتاح
ـــــــــــــــــ
اهلا بيك يادكتور
ربنا يكرمك ويتقبل دعائك اللهم امين

خلاص اتفقنا :)
جزانا واياكم ولا تنسانى من صالح دعائك
دمت طيبا ولمدونتى زائرا


********************************


دودا
ــــــــ
اختى الحبيبة:ربى يسعدك ويحضر لك الخير
نورتينى ودمتى بخير


*********************************


بسمة صلاح
ـــــــــــ
اختى الحبيبة:ربنا يكرمك ويرضى عنك ويتقبل دعائك ويتقبل منا ومنكم صالح الاعمال اللهم امين
نورتينى حبيبتى ودمتى بخير


******************************


عفراء
ـــــــــ
وعليكم السلام ورحمة الله وبركاته
اختى الحبيبة:انا الحمدلله بخير اشكرك جدا لسؤالك
والف سلامة على مامتك ربنا يشفيها يارب ويخفف عنها سلامى ليها كتير(اوعى تنسى)
ياحبيبتى ربنا يريح قلبك ويتقبل دعائك ولكى بالمثل ان شاء الله
نورتينى حبيبتى واسعدتينى بزيارتك


**********************************



اميرة الجنة
ـــــــــــــ
اختى الحبيبة:ربنا يسعدك ويرضى عنك ويتقبل دعائك اللهم امين
نورتينى حبيبتى ودمتى بخير


********************************



منى
ـــــــــ
اختى الحبيبة:ربنا يسعدك يارب اخجلتم تواضعنا فماتوفيقى الا بالله
مش عارفة بجد اقول ايه بعد دعائك الجميل ده غير جزاكم الله خيرا:)
اللهم اجمعنى بك فى ظل عرش الرحمن فى يوم لا ظل فيه الا ظله
نورتينى غاليتى ودمتى فى امان الله


**********************************


المحارب المتيم
ــــــــــــــ
وعليكم السلام ورحمة الله وبركاته
اهلا بيك يافندم بعد طول غياب
ما اجمل دعائك
ربنا يسعدك كما اسعدتنى بدعائك ويتقبله منك ولك بالمثل ان شاء الله
دمت طيبا ولمدونتى زائرا

Heba Sayed يقول...

السلام عليكم

جزاكى الله خيرا ياقمر


وجعله بميزان حسناتك

الحمدلله بنصوم :D

دمتى بخير

Unknown يقول...

ربنا يرزقك ما تتمنى
ويوفقك
وينصرك يارب العالمين

فى قلبى نور يقول...

جزاك الله عزوجل خيرا كثيرا جعلك الله عزوجل صحبة صالحة لكل من يلقاك

محمود ابوالعزم يقول...

ربنا يكرمك على الدعوة الجميله دي
انا معاكم ان شاء الله
واتممنى فعلا نتقابل على باب الريان
ان شاء الله
منذ زمن لم تنيري مدونتي المتواضعة بزيارتك
اتمنى تشرفيني

z!zOoOo يقول...

السلام عليكم

ازيك يا موناليزا يارب تكوني بخير

موضوع جميل جدا يارب يجعله في ميزان حسناتك

أـمني من الجميع التسامح والصدق والود ما بين بعض

والاهم صدق العباده والمحاوله تقليل التقصير في العبادات

دمتي بكل ود

وفي رعايه الله

الربان يقول...

تحياتي

جزاك الله خير الجزاء...و رزقنا جميعا الرفقة في الجنة ....


اسال الله العظيم رب العرش العظيم ان ينصرك ...وان يجعل ثارك علي من ظلمك...و ان يرضي عنك و يرضيكي حتي ترضي.... وان يجعلك من عباده الذين قال فيهم:
﴿ أَلاَ إِنَّ أَوْلِيَاءَ اللَّهِ لاَ خَوْفٌ عَلَيْهِمْ وَلاَ هُمْ يَحْزَنُونَ ، الَّذِينَ آمَنُوا وَكَانُوا يَتَّقُونَ ، لَهُمْ الْبُشْرَى فِي الْحَيَاةِ الدُّنْيَا وَفِي الْآخِرَةِ لاَ تَبْدِيلَ لِكَلِمَاتِ اللَّهِ ذَلِكَ هُوَ الْفَوْزُ الْعَظِيمُ ﴾ [يونس].

نسأل الله ان يجمعنا في محبته و علي طاعته
وان يرزقنا العفاف و التقي و الغني.


تحياتي و تقديري و دمتي بالف خير.

أم فريده يقول...

سلام الله عليكى ودعواتى ليكى الدائمة

هقولك الصراحة

انا طول عمرى مش بحب بينى وبين ربنا وسيط يعنى لما بحب اعمل سنة من السنن
بحب اعملها من نفسى مش دعوة من حد

بس اسلوبك فى الدعوة للخير فى راحة وحب للناس والخير


جزاك الله خير ونور طريقك وينولك مراد وهى الجنة ان شاء الله

Safwat Rabea يقول...

السلام عليكم

Tamer Nabil Moussa يقول...

دعوة اكثر من رائعة

جزاكى الله خير


وربنا يوفق الجميع يارب

تحياتى

ahmed_k يقول...

بارك الله فيكي يا موناليزا
وجعله في ميزان حسناتك
والداعي إلى الخير كفاعله

دمتي داعية للخير

سلوى يقول...

ربنا يكرمك
ويجازيكي كل الخير :)

موناليزا يقول...

هبة سيد
ـــــــــ
وهليكم السلام ورحمة الله وبركاته
اختى الحبيبة:تقبل الله منا ومنكم صالح الاعمال
نورتينى هبة الجميلة ودمتى بخير


*******************************


نهر الحب
ـــــــــ
اختى الحبيبة:ربنا يسعدك ويتقبل دعائك اللهم امين
نورتينى ياجميلة ودمتى بخير


*********************************


فى قلبى نور
ـــــــــــــ
اختى الحبيبة: ما اجمل دعائك
ربنا يتقبل ولك بالمثل ان شاء الله
نورتينى حبيبتى ودمتى بخير


*********************************


محمود ابو العزم
ــــــــــــــــــ
اهلا بيك استاذ محمود
اشكرك جدا فماتوفيقى لا بالله
ربنا يتقبل منك يارب وان شاء الله موعدنا عند باب الريان
اعتذر جدا لتقصيرى وتسعدنى زيارتك
دمت طيبا ولمدونتى زائرا


*********************************



زيزو
ـــــــــ
وعليكم السلام ورحمة الله وبركاته
اهلا بيك يافندم بعد طول غياب
انا الحمدلله بخير اشكرك جدا لسؤالك
اشكرك جدا لرايك ولامنيتك الطيبة ونحن معك نتمنى هذا ايضا
دمت طيبا ولمدونتى زائرا


*********************************



الربان
ــــــــــ
اهلا بيك يافندم
جزاك الله عنى خير الجزاء
استبشرت جدا بتعليقك:) ربنا يسعدك ويرضى عنك اللهم امين
دمت طيبا ولمدونتى زائرا


**********************************


زوجة عنيدة جدا
ـــــــــــــــ
وعليكم السلام ورحمة الله وبركاته
اختى الحبيبة:اهلا بيكى فى زيارتك الاولى
كلنا كده على فكرة بس ده مايمنعش ان من ان لاخر نذكر بعض:)
اقوللك على حاجة او اعتبريه طلب ممكن لما تيجى تطبقى سُنة من السنن تقوليلى قبلها عشان نعملها سوا وندخل الجنة مع بعض؟ :)
ربنا يرضى عنك ويتقبل دعائك اللهم امين
نورتينى حبيبتى وارجو دوام التواصل


********************************


ابوعمار السويفى
ــــــــــــــــــ
وعليكم السلام ورحمة الله وبركاته



************************


تامر نبيل
ــــــــــــــ
اهلا بيك استاذ تامر
اشكرك جدا لرايك ولدعائك فماتوفيقى الا بالله
فى انتظار تطبيق الفكرة معنا
دمت طيبا ولمدونتى زائرا


*********************************


احمد-ك
ـــــــــ
اهلا بيك استاذ احمد
ربنا يكرمك ويتقبل دعائك ولك بالمثل ان شاء الله
دمت طيبا ولمدونتى زائرا


******************************


سلوى
ــــــــــــ
اختى الحبيبة:جزانا واياكى ياجميلة
فى انتظارك ماتتأخريش:)
نورتينى سلوتى ودمتى بخير

شبه إنسانه .....( سهوره ) يقول...

جزاكى الله خرا يا قمر
على هذا الاقتراح
وانا معكى فى الفكره
عسى الله ان يتقبل منا
وياريت تشرفنى فى مدونتى

سهر

حاول تفتكرنى يقول...

دائما نجيب على أسئلتك ، ودائما نفعلها أن كانت الإجابة لا ترضى

تملكين أدوات عديدة تجعلنا ننظر إلى أنفسنا نظرة إيجابية

ربك ينصرنكِ ويرضى عنكِ

تحياتي

موناليزا يقول...

شبه انسانه تحاول الاقتراب
ــــــــــــــــــــــــ
اختى الحبيبة:اهلا بيكى فى زيارتك الاولى
اشكرك جدا لرايك ولمشاركتك
وتقبل الله منا ومنكم صالح الاعمال
قبلت دعوتك و تسعدنى زيارتك
نورتى مدونتى سهر الجميلة وارجو دوام التواصل


********************************


حاول تفتكرنى
ــــــــــــــــ
اهلا بيك يافندم
ربنا يسعدك ويرضى عنك كما اسعدتنى بكلماتك هذه وبدعائك ايضا
الحمدلله فماتوفيقى الا بالله
وفى انتظارك اخى الفاضل عند باب الريان
دمت طيبا ولمدونتى زائرا

fL0weR-giRL يقول...

السلام عليكم

جزاك الله الف خير

لك كل الشكر والتقدير

^_^

رحلتنا في الحياة يقول...

جزاكى الله خيرا ربنا يجعله فى ميزان حسناتك يارب
وربنا يكرمك دايما يارب

المعتصم يقول...

بسم الله الرحمن الرحيم
السلام عليكم ورحمة الله وبركاته
اختى الكريمة موناليزا
تحياتى
طبعا طبعا انا حسيت ان القصيده عجبتك قوووووووووى وفهمتيها خالص
علشان كده انا بهديكى القصيده دى (اختها الصغيرة):-
تدفق في البـطـحـاء بعد تبهطل = وقعقع في البيداء غير مزركلِ
وســار بأركان العقيش مقرنصاً = وهام بكل القارطات بشنكــلِ
يقول وما بال البـحاط مـقرطماً ِ = ويسعى دواماً بين هك وهنكـلِ
إذا أقـبـل البعـراط طاح بهمةٍ = وإن أقرط المحطوش ناء بكلكلِ
يكاد على فرط الحطيـف يبقبـق = ويضرب ما بين الهماط وكندلِ
فيا أيها البغقوش لسـت بقاعـدٍ = ولا أنت في كل البحيص بطنبلِ
وطبعا بما انك متمكنه فى اللغه العربيه مش هكتب معانى المفردات
هههههههههههههههههههههههههههه
على فكره فيه مواضيع كتير مكتوبه فى المدونة (قبل كده)عجبتنى مش بس اول موضوع اللى رديتى على تعليقى عليه بس مش بحب اكتر من التعليقات علشان مبقاش رخم
تحياتى ودمتى بكل خير وود
والسلام عليكم ورحمة الله وبركاته

ملكة في بيتي يقول...

السلام عليكم ورحمة الله وبركاته

هداكي الله لك ما يحب ويرضى وجعلك سبب لمن اهتدى

كل الي يصوم ما ينساناش من الدعاء

وربنا يجعله في ميزان حسناتك

موناليزا يقول...

فلور جيرل
ــــــــــــ
وعليكم السلام ورحمة الله وبركاته
اختى الحبيبة:جزانا واياكم
والحمدلله الذى هدانا الى هذا
فى انتظارك عند باب الريان
نورتينى حبيبتى ودمتى بخير


***********************************


ايوشة
ـــــــــ
اختى الحبيبة:ربنا يتقبل دعائك ولك بالمثل ان شاء الله
نورتى مدونتى وارجو دوام التواصل


******************************


المعتصم
ــــــــ
وعليكم السلام ورحمة الله وبركاته
اهلا بيك يافندم
:) ايه الهدايا الجميلة دى بس ليه تكلف نفسك :) ياراجل احنا اخوات هدايا ايه بس اللى بينا:)
ده كتير عليا والله يعنى طبق حلويات وعلبة حلاوة وكمان قصيدة جايبهالى من الصحراء مخصوص:)
لا ياراجل معانى مفردات ايه اللى تكتبها ده حتى القصيدة واضحة جدا ويراها اى كفيف:) ههههههه

ربنا يسعدك ده بس من ذوقك طيب مش تعلق عليهم عشان ترفع من روحى المعنوية:)
ترخم ايه بس !!!!
علق براحتك خالص ولو فيه اى انتقادات على اى موضوع ولو فيه موضوع مش عاجبك كله على بعضه عرفنى
"رحم الله رجلا اهدى الى عيوبى"

نورتنى وتسعدنى دائما بزيارتك
ربنا يسعدك ويهيئلك كل خير
دمت طيبا ولمدونتى زائرا


*********************************


ملكة فى بيتى
ــــــــــــــ
وعليكم السلام ورحمة الله وبركاته
اختى الحبيبة:ربنا يكرمك ويتقبل دعائك ولك بالمثل ان شاء الله
خلاص اتفقنا دعوات بيننا متبادلة:)
نورتينى حبيبتى ودمتى بخير