الجمعة، 1 مايو 2009

جوجو وزمردة (5)

كانت "زمردة" مع شقيقها "جوجو" يفكران ماذا يلعبا. واقترحت "زمردة" لعبة جديدة تعلمتها من صديقتها وتريد أن تعلمها "لجوجو" ليلعباها سوياً.
- النهاردة "بندقة" صاحبتى علمتنى لعبة جديدة. هعلمهالك ونلعبها سوا.
- "بندقة"تانى؟؟؟ هو مفيش غير "بندقة" اللى تلعبى معاها؟
- مالها "بندقة"؟ أنت ناسى أنها صاحبتى .
- لأ مش ناسى. بس أنا وماما حذرناكِ منها قبل كده.
- ليه طيب؟ هى عملت إيه؟. أنا ماشوفتش منها أى حاجة وحشة قبل كده. وكفاية أنك لما بتكون مش موجود معايا وبروحلها عشان نلعب بتوافق على طول رغم انها عارفة انى مابروحلهاش إلا لو أنت مش فاضى.
- بس إحنا بقى مابنرتاحلهاش.
- بس أنا بحبها. يبقى أخاصمها ازاى وليه؟.
- مش بنقولك تخاصميها بس العلاقة تبقى محدودة. يعنى زيها زى أى واحدة تانية.
- مقدرش أخليها تبقى عادية واساويها بأى واحدة .
- أنتِ مابتسمعيش الكلام ليه؟ ماتعرفيش تقولى حاضر وخلاص.
- لأ معرفش. "قالتها بضيق واستردت بعِند قائلة:ومش هعلمك اللعبة كمان. شوف بقى هنلعب إيه.
******
دعوة للمناقشة
ـــــــــــــــــــــــــــــــ
* هل من الممكن أن تتنازل عن صداقتك حتى ترضى أهلك فقط؟.
* إذا كنت فى موقف أهل زمردة كيف تقنع ابنك بإنهاء صداقة مع شخص لاترتاح إليه؟.
=========

بناء على طلب أختى الحبيبة "نور" صاحبة مدونة رهف قلبي أدعوكم لقراءة هذا الموضوع الحب الحقيقى.

هناك 51 تعليقًا:

romansy يقول...

الصداقه من اجمل الاشياء فى الوجود
ولكن من ليس له خير فى اهله ليس له فى اى شئخر فى الوجود

Unknown يقول...

لا زم أوريه حاجة منه علشان أقنعه لكن مجرد كلام مش راح ينفع مع طفل شايف صاحبه مش وحش

أما عني فربما يحدث ذلك لا أدري محتاج اختبار فعلي

صمت الحنين يقول...

موضوع مهم واعتقد انه منتشر اوى بس من المفروض على الاباء لما يطلبوا من ابنائهم انهم يتنازلوا عن اى صديق لهم لازم يبقى فيه اسباب ويقنعوا اولادهم بالاسباب دى علشان يتركوهم عن اقتناع وان مكنش فى اى اسباب يبقى ابنائهم يقنعوهم بان الاشخاص دول كويسين
وفى غالب الاحيان بيكون الاباء على حق لانهم فاهمين الحياة اكتر
بس فى الاول والاخر لازم حد يقنع التانى

دمتى بكل خير امة الله

موناليزا يقول...

رومانسى
ــــــــــ
اهلا بيك يا فندم
اشكرك جدا لمشاركتك
دمت طيبا ولمدونتى زائرا






********************************






احمد تاك
ــــــــــــ
اهلا بيك استاذ احمد
اشكرك جدا لرايك ولمشاركتك
دمت طيبا ولمدونتى زائرا





********************************




صمت الحنين
ـــــــــــ
اختى الحبيبة:اشكرك جدا لرايك ولمشاركتك
نورتينى حبيبتى ودمتِ بخير

شمس النهار يقول...

في السن الصغير اللي كلنا مرينا بيه بنصادق اصدقاء مش مناسبين وبخبرت الاهل بيعرفوا ده بدري عننا
بس احنا مابنكنش مقتنعين الي ان تثبت التجربه عكس هذا
ننجرح ونندم واول حاجه بنقولها ده انا زعلت اهلي عشان احافظ علي صديقي
المفروض نثق في كلام الاهل ونسمعه عشان ماحدش بيخاف علي مصلحتنا زيهم

salma mohamed يقول...

تقريبا الاخت صمت قالت اللي كنت هقوله,
الاقناع من اهم السبل لتحقيق نجاح اي حاجه,
لازم يكون في اسباب مقنعة الاهل يبدوها للابناء لترك صديق او صديقة,لان مثلا لو هما شايفين فيهم صفات سيئة وحتى لو امتثل الابناء لامرهم المره دي هيقعوا في نفس المشكلة تاني,
انما لو اتضحت لهم الاسباب واقتنعوا عرفوا ان الشخص المرفوض مرفوض لها ويبقى هيطبق اللي عرفه على الباقي,
اما حتة انهم يامروا وينهوا من غير اقناع فده اسلوب غير سليم وغالبا غير مجدي,
اما بقى موقفي لو كنت مكانهم فده امر صعب جدا لاني بعتز جدا باصحابي ولو حد طلب مني اسيبهم من غير ابداء اسباب مقنعة فوقتها هكون بين نارين,وبصراحة مش عارفه هعمل ايه وقتها؟!!

د. ياسر عمر عبد الفتاح يقول...

هل من الممكن أن تتنازل عن صداقتك حتى ترضى أهلك فقط؟.

مش عارف
عمرها ما حصلت معايا
بس مظنش .. لازم يبقي فيه أسباب واضحة

* إذا كنت فى موقف أهل زمردة كيف تقنع ابنك بإنهاء صداقة مع شخص لاترتاح إليه؟.

إني أفهمه السبب
لازم يبقي فيه سبب معين

ومازلتُ أتعلم يقول...

يااااااااه ياموناليزا
الموضوع ده مشكلة وقبلتنى كتير
وصعب جدا انى اتنازل عن حد من اصدقائى بسهولة..رغم ان اهلى غلبوا معايا قبل كده علشان ابعد عن واحدة صحبتى

بس على فكرة الاهل بيبقى ليهم وجهة نظر برده
لكن ساعات بيقى الواحد شايف ان صديقه ده كويس ومش وحش
بس ديما لما بتحصل بينهم مشاكل بيروح يشتكى لاهله
وبالتالى الاهل مش بيسمعه عنه غير الوحش
ومن هنا تبدأتتكون الفكرة السلبية عن صديق الابن او البنت
ويبدا الاحساس بانه مش كويس

بس برده الاهل لازم يخلو بالهم اووى
ولو حسوا بخطر على ابنهم
يقنعوه بالراحة وباسباب طبعاً
بس اوعى اوعى
يربوا عنده وسوسة من اصدقاؤه والناس حواليه

تحياتى موناليزا حبيبتى

المعتصم يقول...

بسم الله الرحمن الرحيم
السلام عليكم ورحمة الله وبركاته
اختنا الكريمه
موناليزا
تحياتى
فعلا الموضوع ده بيتكرر كتيييير جدا من الاهل
بس انا شخصيا مكنتش بسمع الكلام الا لما اشوف من الصديق ده حاجه وحشه تخلينى اقطع العلاقه معاه
وفيه ناس كتير لسه علاقتى بيهم مستمرة لغاية دلوقتى على الرغم من تحذيرات الاهل واللى بعد ماكبرنا وافقوا على الصداقه دى مش عارف ليه
ههههههههههههه
موضوع جميل
تحياتى ودمتِ بكل خير وود
والسلام عليكم ورحمة الله وبركاته

ستيتة يقول...

الست الوالدة ربنا يديها الصحة كانت اللي تحس بخوف منها او مش مرتاحة ليها لا تكلمني ولا تستثير عنادي

هي تشغلني في حاجات كتير بحيث اني معرفش اروح ولا اجي من عندها وتدي البنت وش ابلكاش من ورايا
ومتتكلمش ابدا بشيء وحش عليها ولا تقنع ولا الكلام ده كله

يعني كانت بتتصرف لأن عارفة ان العقول الصغيرة تكره النصح وتمل جدا من المناقشات

تحياتي

Kiara يقول...

بصراحه حتي لو اهلي رافضين هخلي بالي لكن طالما مش اتاذيت خلاث

اما لو في موقف الاهل
هحذر وتابع من بعيد

لان ابني او بنتي لازم يجربوا عشان يتعلموا

أم أحمد المصرية يقول...

ايه السؤال الصعب ده :))
كإنسانة لا أظن اني اتخلي عن صديقة بلا سبب لكن يجب ان احذر منها و اتابع تصرفاتها لو نصحني ذلك من اثق بحسن رايه و من اصدق من الام او الاخ

اما كأم فأنا لن امل من مناقشة ابني في تصرفات صديقه لو رأيتها خطأ و اظل اتاع معه الي ان يقتنع هو او اقتنع انا لكن دون شدة حتي لا يتوقف عن الحديث معي و قد افعل موقف شديد لو كان الصديق سيء لدرجة قد تؤذي ابني او تدفعه لطريق سيء

الفقيرة إلى الله أم البنات يقول...

المشكله يا مونى انه ازاى تقنعى..ومينفعش تطلبى بدون اظهار الاسباب
يعنى طالما هى متمسكه بصديقتها
يبقى نراقب عن قرب ونحاول نوجه نظرها للعيوب من غير عنف
ويستحسن ارسال رسائل
هو صحيح هى عملت كده ليه ...ايه المقصود
فلان عمل كذا
محاولات مش مباشره واظهار العيب قى كل مناسبه تتاح بشكل غير مباشر


ان اترك صديقتى إرضاء لاهلى..مش عارفه
محصلش وانا صغيرة
ودلوقت لو زوجى رفض حد ..بحاول اقلل علاقتى بيه ..واكون فقط على اتصال للاطمئنان
بس رفض زوجى لحد بيكون لانه حاسس ان الحد
ده بيستغلنى...

حـــــدوتـــــة يقول...

السلام عليكم

اختى الغالية اخبارك ايه
والله مدونتك وحشتنى جدا

موضوعك ده مهم اوى وصعب
عشان الاصدقاء دول بيأثروا فى الواحد غصب عنه
وطبعا المرء على دين خليله
بس المشكله لو انتى حاسه ان ابنك مثلا اصحابه مش كويسين
هيبقى صعب تبعديه عنهم
ولو واحد مش مستريح لصحبات خطيبته او مراته هيبقى برضو الموضوع صعب
عشان كده لازم الواحد يتعامل مع الموضوع بحكمه وهدوء

سلالالالالالالالالالالالالالالالالالالالالالالالالالام

Tamer Nabil Moussa يقول...

السلام عليكم

الصديق وقت الضيق والصداقة بجد كنز لاغنى عنة

لكن فى موضوعك ونظرة الاهل للصديقة دى اكيد هما شافين فيها حاجات الصغيرة لاتراها

وان لم تبتعد عنها لعدم صدور منها اى شىء ناحيتها

فالحذر مطلوب

تحياتى

موناليزا يقول...

شمس النهار
ــــــــــــ
اختى الحبيبة:مع احترامى الشديد لرأيك مش فى كل الاحوال الاهل بيكونوا صح يعنى مثلا انا اعرف ناس كانوا بينصحوا ابنهم بانه يلعب مع صديق معين وابنهم ماكانش بيحبه والنتيجة ان احساس الابن الصغير كان صح وان هذا الصاحب المزعوم ماكنش اهل للثقة ولا حاجة!
نورتينى حبيبتى ودمتِ بخير








*********************************






سلمى محمد
ـــــــــــ
اختى الحبيبة:هو فيه حد يقدر يقنع الاطفال اصلا بحاجة هما مش عايزينها؟:)
اشكرك جدا لمشاركاتك
نورتينى سلمى الجميلة ودمتِ بخير







**********************************





د. ياسر عبدالفتاح
ــــــــــــــــــــ
اهلا بيك يادكتور
اشكرك جدا لاجابتك ولمشاركتك
دمت طيبا ولمدونتى زائرا







********************************




ومازلت أتعلم
ـــــــــــــ
اختى الحبيبة:اشكرك جدا لمشاركتك
تعرفى انك نبهتينى لحاجة مهمة اوى وهى ان اى حد بتشتكيله من حد معين فى وقت زعلك بيفضل فاكر كل التفاصيل وحتى لو انتِ نسيتى هو بيرجع يفكرك وعشان كده لازم نحاول نكون محضر خير زى مابيقولوا:)
نورتينى حبيبتى ودمتِ بخير







********************************







المعتصم
ــــــــــــ
وعليكم السلام ورحمة الله وبركاته
اهلا بيك يافندم
اشكرك جدا لرايك ولمشاركتك
دمت طيبا ولمدونتى زائرا






**********************************





ستيتة حسب الله الحمش
ــــــــــــــــــــــ
اختى الحبيبة:عاجبنى جدا تصرفها:) ربنا يخليهالك ويجازيها عنك كل خير
نورتينى حبيبتى ودمتِ بخير







***********************************






كيارا
ـــــــــ
اختى الحبيبة: اهلا اهلا بالقمر بعد طول غياب
اشكرك جدا لمشاركتك
نورتينى كيارا الجميلة ودمتِ بخير






*********************************





ام احمد المصرية
ــــــــــــــــ
اختى الحبيبة:اشكرك جدا لرايك ولمشاركتك
نورتينى حبيبتى ودمتِ بخير







*********************************







الفقيرة الى الله ام البنات
ــــــــــــــــــــــــــ
اختى الحبيبة:عاجبنى اوى فكرة الرسائل الغير مباشرةدى رغم ان فيه اطفال كتير مش بيفهموا الطريقة دى:)
اشكرك جدا لمشاركتك
نورتينى حبيبتى ودمتِ بخير







*********************************




حدوتة
ــــــــ
وعليكم السلام ورحمة الله وبركاته
اهلا بيك يافندم
انا الحمدلله بخير فينك اخى الكريم من زمان لعل مانع التأخير كان خير
اشكرك جدا لرايك ولمشاركتك
دمت طيبا ولمدونتى زائرا






*********************************







تامر نبيل
ـــــــــــــ
وعليكم السلام ورحمة الله وبركاته
اهلا بيك استاذ تامر
اشكرك جدا لمشاركتك
دمت طيبا ولمدونتى زائرا

غير معرف يقول...

السلام عليكم
بداية

انا مش هفرط فى صاحب لمجرد كلام يتقالى

ولو حتى من أهلى

لأنى بختار أصحابى كويس

وكمان مش هفرض رأيى على حد فى بيتى

فى اختيار اصحابه

بس هقوله اعرفه كويس الاول

تحيتى

ELMASRYA - MRS WRITER يقول...

حبيبتي موناليزا

موضوع مهم جدا وخصوصا لأولادنالأنهم بيزعلوا قوي لما بتكون لينا وجهة نظر في أصدقائهم

أنا رأيي إن لو الأهل رافضين صداقة لازم الأبناء يطيعوهم لأن هما أكبر وخبرتهم أعمق ونظرتهم بتكون صحيحة ونابعة من خوفهم على أبنائهم

وبالنسبة للتعامل مع الأبناء يكون باللين والتفاهم والحوار لكن لو صمموا واتخذوا طريق العناد إذن لابد من اللجوء للشدة لأن مصلحتهم أهم من أي شيء

دمتي سالمة بحفظ الرحمن

أحبك في الله

منى يقول...

الموقف ده حصل معايا فعلا وانا فى ثالثه ثانوى
اكتشفت ان فيه واحده زميلتى بيتها قريب اوى مننا وعرضت عليه نروح المدرسه سوا
وبعد فتره واحده جارتنا قالت لماما متخليش منى تمشى مع البنت دى
وماما قالت لى
انا مشفتش من البنت دى حاجه من اللى الست قالته بس اكتشفت انى تغيرت شويه بقى ممكن صوتى يعلى او اضحك وانا فى الشارع معاها وانا
عمرى ما كنت كده حسيت ان عندهم حق وخليت العلاقه من بعيد لبعيد

المهم ان يكون علاقه الاهل طيبه مع ابنائهم من البدايه عشان العند ميبوظش الدنيا

تحياتى

كفايـة طيبـة يقول...

انا فى موقف الاهل دلوقتى
فى واحد صاحب اخويال الصغير دايما احذره منه
واحاول اقنعه بالعقل لان اخويا من الطبع العندي
بس انا ملاحظة ان الولد صاحبه مش كويس من طريقة دخوله البيت عندنا ... وكذا حاجة لاحظتها
بس اخويا الصغير نظرا لسنّه طبعا مش مقتنع وبيتمسك به اكتر كل ما اقوله كدة

انما بالنسبة انى ابقي فى نفس الموقف
طبعا كنت فى نفس الموقف ووالدتى حذرتنى من كذا صاحبة ليا
وحكّمت عقلى فى الموضوع وكنت فعلا ببعد عن الحد اللى والدتى بتفتحلى عينيا على مواقف او حركات معينة مش ببقي واخدة بالى منها ومن مغزاها

اصل انا دايما بفترض حسن النية ومش عندي خبرة زي والدتى
:)
بس خلاص الكلام ده كان زمان
دلوقتى انا حد شورير D:

بحب مدونتك عشان بتخليني افكر دايما فى الدنيا ماشية ازاى
وبتخليني اتجاوب فى النقاش
وخاصة العيال جوجو وزمردة دول D:

الفراشة الصغيرة يقول...

اكيد الصداقه جميله جدا

بس دايما الاب والام عندهم حق

لن خبراتهم فى الحياه وريتهم حاجات كتير

بس اكيد المناقشه والحوار
ممكن نتفاهم بيهم
بدل من الاوامر والشخط
لان الجيل بتاعنا عنيد جدا

salwa يقول...

السلام عليكم اخت موناليزا
صراحة لا اتنازل عن صداقتي اكراما لاهلي,لكن لسبب مقنع
رب اخ لك لم تلده امك,الصداقة الحقيقية بنظري اكسير الحياة
دائما يجب ان يكون الحوار و البرهان
لتحصل النتيجة المطلوبة
سلمت يدك
سلام

موناليزا يقول...

عرفة فاروق السيوطى
ـــــــــــــــــــــ
وعليكم السلام ورحمة الله وبركاته
اهلا بيك استاذ عرفة
اشكرك جدا لرايك ولمشاركتك
دمت طيبا ولمدونتى زائرا






*********************************




المصرية مسز رايتر
ــــــــــــــــــ
اختى الحبيبة:اشكرك جدا لرايك ولمشاركتك
نورتينى حبيبتى ودمتِ بخير







*********************************






منى
ـــــــــ
اختى الحبيبة:اهلا اهلا بالقمر
اشكرك جدا لمشاركتك
نورتينى منمونة الجميلة ودمتِ بخير






*********************************





كفاية طيبة
ــــــــــــ
اختى الحبيبة:مش مصدقة حكاية انك بقيتى شوريرة دى:) أصل الطيبة دى طبع وماظنش انها بتتغير وبعدين انا حاولت كذا مرة ابقى شريرة ومعرفتش يبقى انتى اتحولتى كدة ازاى:)؟
تعرفى بقى ان مدونتى وصاحبتها بيحبوكى جدا وبينتظروا تعليقك ومشاركتك على أحر من الجمر
وجوجو وزمردة باعتينلك سلام كبير على فكرة:)
نورتينى حبيبتى واسعدتينى بتواجدك








*******************************





الفراشة الصغيرة
ــــــــــــــــــ
اختى الحبيبة:صدقتِ غاليتى العِند بقى منتشر جدا مع الكل والله كبار وصغيرين:)
نورتينى ياجميلة واشكرك جدا لمشاركتك








********************************





سلوى
ــــــــــــ
وعليكم السلام ورحمة الله وبركاته
اختى الحبيبة:اشكرك جدا لمشاركتك
نورتينى سلوى الجميلة ودمتِ بخير

جنّي يقول...

السلام عليكم

بالطبع مطلوب التوازن بين الاهل والاصدقاء ولو هناك اختيار اوحد اختار اهلي اولا ..

وبالاقناع اولا وقبل كل شئ يتم التوجيه من الاسرة واظن ان دا واجب الاسرة وخاصة في السن الصغير ..

لجين أبو الدهب يقول...

اممممم..

اتنازل عن صداقة من اجل اهلى ..

هو واحنا صغيرين كان طبعا بنفذ ومت غير حتى ما نسأل ..

ماما قالت لى ما تكلميش البنت دى .. خلاص اخاصمها علشان ماما قالت لى ما تكلمهاش D:

انما لما كبرنا ممكن ماما وبابا يكون لهم وجهة نظر فى بنت وانا مش شايفها كنت بدوام على صداقتى بس على تقليل المعاملة صراحة ..
وفعلا بعد فترة اكتشف ان الكلام اللى قاله ماما وبابا كان صح ..

وقبل كده حصلت وتركت من اجل البر فقط لان الاهل كانوا بيتضايقوا من مجرد ذكر اسمها..

وبالنسبة للأولاد يعينى هحاول اقنعهم ان شاء الله ولو لقيت الصديق فى منه ضرر كبير وهيأثر عليهم هأمر بمقاطعته ..

موناليزا حبيبتى جزاكِ الله خير على الافكار النيرة دى بجد ..

دمتِ بخير ..

MOHAMMED ELBANNA يقول...

موناليزا
انا شايف ان من الممكن اقطع علاقتي بواحد لو اهلي عايزين كدة .بس بشروط ....
وهي ان هذا الشخص يكون فعلاً مش كويس وهما شيفين فيه عيوب واضحه جداَ ممكن تؤثر عليا وعلى اخلاقي .
والمهم ان احنا نقعد ونتحاور ونتناقش في الامر والاصوب هو اللي هيقنع التاني .
وبالفعل مشاكل الاطفال مع الاصدقاء والاباء هي مشاكل اسمعها كثيراً فى دوراتي التي ادرب فيها الاباء والامهات على معاملة الابناء وكيفيه تربيتهم، واجد ان كثيراً من الاباء غير راضيين عن صداقات ابنائهم .
واني ارى انه اذا اردنا ان نقنع طفل بقطع علاقته بصديقه( على اعتبار ان هذا الصديق سيئ )فمن وجهه نظري يجب :
-ان نوضح له مدى ضرر هذا الصديق به .
- نبحث عن بديل لهذا الصديق ( حيث الصديق هو انجاز للطفل ومن الصعب علية ان يتركة )
- نبحث عن شخص يثق فيه الطفل ويحبه (مدرس - اخ اكبر -....) ليخبره بمدى اهمية الامر واهتمامه بأختيار اصدقائه .
والاحسن من كل ده هو :
-اذا كان بأمكاننا ان نصلح من هذا الصديق فما المانع ( سوف نكسب فية ثواب ).
- اذا كان الطفل بارع فى علاقته مع اصدقائه نقنعه ايضاً ان يحاول من اصلاح صديقه حتى تستمر هذه الصداقه ونخبرة انه اذا لم يستطع اصلاح صديقه فيجب ان يقطع هذه العلاقه لضررها .
- نعلم اطفالنا كيف يختاروا وينتقوا اصدقائهم وعلى اي اساس تكون الصداقه الجيده .
آآآآآآآسف على الاطاله .
موضوع جميل.
تقبلي مروري وتحياتي .
محمـــد.
طريق النجاح .

ادم المصرى يقول...

الصداقه شيئ اساسى فى حياتنا ولكن لها حدود لا تتع دى

Nostor Azzuro يقول...

ايك عاملة ايه؟؟
بالنسبة للاسئلة
انا معنديش صحاب مش فارقة معايا
عمر ما كان ليا صاحب حقيقى

وردة يقول...

وانا صغيرة وغير مدركة كان العند ممكن يخليني مش شايفة غير رأيي
وبنفذ كلام اهلي مرغمة
ولما كبرت جربت النقاش ساعات بقتنع وساعات لاء
بس الحمد لله من ساعة ما كبرت اختياري لاصحابي كان موفق بنسبة95% ومكنش في تدخل كبير
بس التدخل في الصغر مهم جداا
الولاد وقتها مش بيفهم بس لما بيكبرو بيفهمو اكيد
ربنا يكرمك
البوست مهم ومفيد
سلام

موناليزا يقول...

جنى
ــــــ
وعليكم السلام ورحمة الله وبركاته
اهلا بيك استاذ سعيد
اشكرك جدا لمشاركتك
دمت طيبا ولمدونتى زائرا





********************************






لجين ابو الدهب
ــــــــــــــ
اختى الحبيبة:انتى جميلة اوى على فكرة:)
ياريت كل الاطفال يسمعوا الكلام كده:)
سعيدة جدا بتواجدك وبرأيك
وربنا يهيئلك كل الخير
نورتينى لوجى الجميلة








*********************************






محمد البنا
ــــــــــــ
اهلا بيك استاذ محمد
الله عليك
إطالة ايه بس اللى بتتأسف عليها!!
انا بشكرك جدا على مشاركتك القيمة وحقا نصايح غالية ربنا يكرمك عليها
دمت طيبا ولمدونتى زائرا








********************************





ادم المصرى
ـــــــــــــــ
اهلا بيك استاذ ادم
اشكرك جدا لتعليقك
ولكن ماهى حدود الصداقة؟
دمت طيبا ولمدونتى زائرا






***********************************




نوستور ازور
ــــــــــــــــ
اهلا بيك يافندم
انا الحمدلله بخير اشكرك لسؤالك
الصديق الحقيقى ندر وجوده فى هذا الزمن
دمت طيبا ولمدونتى زائرا








********************************





وردة
ــــــــ
اختى الحبيبة:اشكرك جدا لرايك ولمشاركتك
نورتينى وردتى الجميلة ودمتِ بخير

عاشقة القمر يقول...

ازيك واحشتني جدااااااااااااااااااااااااااااااااااا

طوبه فضه وطوبه دهب يقول...

اوقات كتير الاهل بنظرتهم للامور بيقدروا يشوفوا حاجات احنا مش شيفنها خالص عشان كدا لازم نطعهم ونعمل اللى يرضيهم لانهم اولا واخيرا لايريدوا لنا الا كل مافيه خير لنا تسلم ايدك

نسيبه يقول...

السلام عليكم ورحمة الله وبركاته

طبعا الصداقه شىء جميل جدا بس رأي الأم والأب والأخ مهم جدا وبالذات لو لهم نظرة لأن رأي الأهل مهم جدا فمش هنقول هاسيب صاحبتي عشان اهلي لا عشان هي مش كويسه ولو في حوار هيبقي شىء جميل نتكلم ونقرر سوا وهو ده الأساس
جزاك الله خيرا

مصعب رجب يقول...

حقيقة :
أنا لن أتنازل عن صداقتي من أجل أهلى .

إلا إذا :
إلا إذا أقنعوني بأسباب أبتعد من أجلها وبالتأكيد لن يكون بينها :
مش مستريحين له .
أو
أنا أبوك وأدرى بمصلحتك ولازم تسمع كلامي .

-----------
ولكن هذا الكلام يكون صالحا للتطبيق حينما تكون الحياة فقط أبيض وأسود ولكن الواقع أن الحياة درجات والمساحة الرمادية فيها كبيرة جدا ويمكن بشكل من الأشكال أن يكون هناك حلول وسط كثيرة .

مثلا : أصاحبه آه ، أعزمه عندي في البيت لأ .
أو أصاحبه آه ، أتكلم عنه في البيت لأ .

كده يعني

ودمتم

KHALED يقول...

طبعا ممكن أتخلى عن حد من أصدقائى بناء على طلب من أهلى ..
بس دة لحد سن معين يعنى لحد الثانوية مثلا .. بعد كدة أعتقد إنى من المفروض أقدر أقيم كل الناس

arsenalwy يقول...

اكيد هقعد مع اهلى واتناقش معاهم ويا يقنعونى ياقنعهم

ولكن لو هما مصممين وانا مش مقتنع فهحاول انفذ كلامهم فهم الابقى والاحق بالطاعة

موضوع جميل واكرك لطرحه

موناليزا يقول...

عاشقة القمر
ـــــــــــــــ
اختى الحبيبة:اهلا اهلا بالقمر
فينك من زمان
انا الحمدلله بخير ازيك انتى ياحبيبتى
وحشتينى ياجميلة ويارب دايما تكونى بخير





********************************





طوبة ذهب وطوبة فضة
ـــــــــــــــــــــ
اختى الحبيبة:اشكرك جدا لرايك ولمشاركتك
نورتينى حبيبتى ودمتِ بخير






*********************************




نسيبة
ـــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يكرمك واشكرك جدا لمشاركتك
نورتينى حبيبتى ودمتِ بخير






*******************************





ابو اسامة
ــــــــــــ
اهلا بيك يافندم
عاجبنى نظرتك للامور
اشكرك جدا لمشاركتك
دمت طيبا ولمدونتى زائرا





********************************





خالد
ــــــــ
اهلا بيك استاذ خالد
اشكرك جدا لرايك ولمشاركتك
بس عايزاك تجاوب على السؤال الثانى وماموقفك كأب:)
دمت طيبا ولمدونتى زائرا






*********************************





ارسينلاوى
ــــــــــــ
اهلا بيك يافندم
اشكرك جدا لرايك ولمشاركتك
دمت طيبا ولمدونتى زائرا

Abo 7anf يقول...

السلام عليكم
اكيد الاهل ليهم وجهه نظر
وشيفنها
من الاجمل انهم يقولوا اسباب رفض الصديق
علشان الشخص يبقى مقتنع هيسيبه ليه
و ميبقاش مجرد فرض راى
علشان منعدمش شخصيه الفرد

jonoon 3aqel يقول...

السلام عليكم و رحمة الله و بركاته

* هل من الممكن أن تتنازل عن صداقتك حتى ترضى أهلك فقط؟

لأ...لكن ممكن أوقف كلام عنه قدامهم...ممكن اقلل نوعا ما من اتصالاتي..اقابله ف مكان مش ف بيتنا...بمعنى آخر...
اذا انا شايفه كويس...ف مش هقطع علاقتي معاه...لكن مش هزعج اهلي بقصصي وياه..


* إذا كنت فى موقف أهل زمردة كيف تقنع ابنك بإنهاء صداقة مع شخص لاترتاح إليه؟

اذا انا كنت مقتنع بأهمية قطع العلاقة..اذا لا بد أن أكون عادل في هذا و يكون السبب وجيه..و هذا ماسأبينه لأبني و أحاول اقناعه بوجهة نظري..و ربما ربما...سأستعمل اسلوب الجبر مع اني ضده..لكن ما عساي ان افعل اذا كان على ابني خطر..!!

جزاك المولى خير الجزاء

تحياتي

momken يقول...

شوفى مافيش شك ان اهلى هما اكتر ناس بتحبنى وتخاف عليا

بس اصحابى هما اخواتى الى ربنا وفقنى واخترتهم بنفسى

انا ممكن اسمع رائى اهلى فى اصدقائى واوزنه هل هما صح ولا لاء؟

لانهم ممكن يكون حكمهم نتيجه لموروث ثقافى او اجتماعى

لكن مافيش حاجه اسمها حاضر وخلاص
الا لو عرفوا حاجه مكسوفين يصرحونى بيها


فهمانى طبعا


تحياتى

الربان يقول...

تحياتي

اعتقد انه لا يجب ان ننهي عن شيء دون ان يكون هناك اسباب كافيه...او تبرير
مقنع....لاننا اذا اردنا ان نطاع..علينا ان نقنع الاخرين بوجهة نظرنا...

احيانا الاهل خوفهم علينا بيكون زيادة شوية....و هذا نحترمه و نقدرة لكن ايضا واجب عليهم ان يشرحوا لماذا؟


تحياتي و تقديري

blue-wave يقول...

مفيش حاجه تيجى كدا بدون اسباب
لازم يكون فيه سبب وسبب مقنع
وتربى طفلك على كدا
زعلان بقى
مش بتزورينى ليه؟:((((

ريمان يقول...

هو بصراحه الموقف صعب

يعنى صاحبتى ولا رضا اهلى؟


مش عارفه بجد

موناليزا يقول...

ابوحنف
ـــــــــ
وعليكم السلام ورحمة الله وبركاته
اهلا بيك يافندم
اشكرك جدا لمشاركتك
دمت طيبا ولمدونتى زائرا





*******************************






جنون عاقل
ـــــــــــــ
وعليكم السلام ورحمة الله وبركاته
اهلا بيك يافندم
ربنا يكرمك واشكرك جدا لرايك ولمشاركتك
دمت طيبا ولمدونتى زائرا





*******************************





ممكن
ــــــ
اهلا بيك يافندم
رغم انى مش فاهمة ايه اللى الاهل ممكن يعرفوه ومايرضوش يقولوه لابنهم!!
لكن اشكرك جدا لمشاركتك
دمت طيبا ولمدونتى زائرا





*********************************






الربان
ــــــــــ
اهلا بيك يافندم
اشكرك جدا لرايك ولمشاركتك
دمت طيبا ولمدونتى زائرا






**********************************





بلو واف
ـــــــــــ
اهلا بيك يادكتور بعد طول غياب
ازاى بس ده انا فكرت حضرتك اللى زعلان من مدونتى
انا مداومة على الزيارة على فكرة يمكن اكون مُقلة فى التعليقات لكن زياراتى مستمرة:)

اشكرك جدا لمشاركتك
دمت طيبا ولمدونتى زائرا






********************************





ريمان
ــــــ
اختى الحبيبة:اهلا اهلا بالقمر
حيرتك فى محلها
اشكرك لتواجدك
نورتينى ريمو الجميلة ودمتِ بخير

بـِصَمتـِـ أميرة ــــى يقول...

دلوقتى ماحدش بيستغنى عن صديقه بسهوله على فكرة
اللسان طول
والعين قوت كدة وبقى يتقال ده من حقى وده لزم يحصل
بجد التوبيك هايل
دومتى مبدعه يا امة الله
يا جميلة
يا وحشانى
تقبلى مرورى

ملكة بحجابى

ghorBty يقول...

السلام عليكم

جزاك الله خيرا موناليزا

حق الوالدين وطاعتهم جعلها الله تعالي مرتبه تانيه بعد عبادته سبحانه

وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا

يعني طاعة الوالدين والاحسان اٍليهم اهم شئ ...

اما السؤال الثاني فيجب طرح الاسباب والاقناع كذلك فالموضوع ليس امر وبس
ودا كمان اكيد هيكسبهم خبره في الحكم علي الاشخاص لان الوالدين ماروا بخبرات وتعلموا من الحياه حاجات ربما لم نتعلمها نحن ...

تركناك فضعنا..! فهل من عودة؟ يقول...

السلام عليكم ورحمة الله وبركاته

أولا جزاكي الله كل خير ط

ثانيا دي أول زيارة لي بمدونتك وأبدي إعجابي بها

ثالثا إجابة السؤال الأول

لا

رابعا ردا علي الإستفسار

أولا أعمل علي إحتواء الإبن بمعني أنا عاوز أخلي إبني لا يشاهد الأفلام الغير هادفة

أبداء بإحتوائه بتبديل المكان أي بإدخال البديل شيئا فشيئا.

ثانيا لابد من الحوار المتدرج:
بمعني
لا يصلح أن أجعلك تترك صديقك بدون حوار عقلي فكري يكون في الإقناع هو السيف القاطع الذي لا يرد.

ثم المتابعة فقد أحتويك لفترة ثم أتركك وبذلك لن أستطيع إحتوائك من بعد ذلك بل أتابع معك لأعلمك أني معك بديلا عن الأخر.

بارك الله فيك

المستقبل لهذا الدين

غير معرف يقول...

الصداقة المفيدة شىء مفيد
ودايما نصايح الاهل بتيجى فى صورة اوامر
ودى بيعمل نتائج عكسية خاصة مع جيل الايام ديه انا بناتى لم يتعبونى فى هذه النقطة لكن ابنى تعبنى خالص بل مش بيسمع خالص ولانملك الا الدعاء بالصحبة الصالحة
وعجبنى اوى تصرف ام ستيتة فى النصيحة
بس نرجع ونقول فى اغلب الاحيان الاهل عندهم حق لانهم بيخافوا على اولادهم اكثر من انفسهم
اصل الصاحب ساحب
وتقبلى مرورى الاول على مدونتك
وتحياتى على البوست الرائع

موناليزا يقول...

ملكة بحجابى
ــــــــــــــ
أختى الحبيبة:اهلا اهلا بالقمر
اشكرك جدا لرايك ولمشاركتك
على فكرة أنى أحبك فى الله ومبسوطة بجد بالتعرف عليكِ
نورتينى ياجميلة ودمتِ بخير






*********************************






غربتى
ـــــــــ
وعليكم السلام ورحمة الله وبركاته
أختى الحبيبة:ربنا يكرمك واشكرك جدا لرايك ولمشاركتك
نورتينى حبيبتى ودمتِ بخير






*******************************






تركناك فضعنا فهل من عودة
ـــــــــــــــــــــــــ
وعليكم السلام ورحمة الله وبركاته
اهلا بيك يافندم فى زيارتك الاولى
ربنا يكرمك واشكرك جدا لرايك ولمشاركتك
نورت مدونتى وارجو دوام التواصل






*********************************





أم مالك
ــــــــــ
اختى الحبيبة:ربنا يحميلك بناتك ويحفظلك ابنك ويبعد عنهم اى مكروه اللهم امين
اشكرك جدا لرايك ولمشاركتك
نورتينى ياحبيبتى ودمتِ بخير

KHALED يقول...

بالحوار العاقل و إظهار عيوب الشخصية المرفوضة
الحوار الهادىء لة مفعول السحر

أى خدعة

موناليزا يقول...

خالد
ــــــــ
اهلا بيك استاذ خالد
اشكرك جدا لعودتك ولإجابتك
نجاملك فى الافرح ان شاء الله:)
دمت طيبا ولمدونتى زائرا