السبت، 6 يونيو 2009

الحياة الزوجية

الزوجة: نصحوك بإيه قبل الزواج؟.
الزوج: ولا حاجة.
الزوجة: يعنى والدك مثلاً مانصحكش بأى حاجة خالص؟.
الزوج: لأ .
الزوجة: طيب إيه حقوق الزوجة فى الإسلام؟.
صمت الزوج بُرهة وهو يحاول أن يخفى جهله بالإجابة ومفاجأته بهذه الأسئلة ولكنه أراد أن يغير من الوضع ويصبح هو من يطرح الأسئلة.
فرد عليها قائلاً: يعنى أنتِ مش عارفة؟.
الزوجة: أنا بسألك.
رد عليها بضيق قائلاً: وأنا عارف أنك عارفة كل حاجة.
الزوجة: للأسف كان كل اهتمامى قبل الزواج أنى أعرف حقوق الزوج عشان ماقصرش معاك أبداً. والحمدلله أنت بنفسك شهدت بكده. ومازلت بحاول أطبق تعاليم الإسلام كاملة. وكنت أظن إنك أكيد هتفكر مثلى وتهتم تعرف حقوق الزوجة برضه عشان ماتقصرش معايا.
نظر لها بغضب وأراد أن ينهى الحوار سريعاً قائلاً: يعنى تقصدى أنى مقصر معاكِ طيب أنا هدخل أنام واعرفى أنى غضبان عليكِ والحقى نفسك بقى وصالحينى.
وتركها وانصرف.
قد يحدث هذا الحوار بين زوجين حديثى الزواج. ولذلك أقترح أن يتم وضع شرط فى عقد الزواج أن يحضرا الزوجين محاضرة أو دورة تدريبية تبين حقوق وواجبات كلاً منهما وتكون موثقة كما الشهادة الطبية فأهميتهما واحدة.
وهنا تذكرت الوصايا العشر التى كنا ندرسها فى ثانوى الذى توصى فيها الأم ابنتها قبل زواجها والذى حفظناها عن ظهر قلب وكان بالطبع يدرسها الطلبة والطالبات وليست الطالبات فقط فهل هذا ساعد الأزواج على أن يأخذوا دائما حقوقهم ويطالبون بها ولا يفكرون بواجباتهم تجاه زوجاتهم. وأتسائل أين وصايا الأب لابنه؟؟؟.
فالزواج من وجهة نظرى مشروع إجتماعى يتم بموافقة الطرفين وتكافؤ العائلتين على أن يكون للزوجين الحق الكامل فى الإدارة ويحتل منصب رئيس مجلس الإدارة الزوج ونائب الرئيس الزوجة.
ولذلك يجب أن تتزوج من تتحدث معه فى كل شئ وأى شئ دون خجل.
ومن يسمعك تتحدث معه فى كل شئ وأى شئ دون ملل.
ويجب أيضاً أن يوجد بينكما قاسم مشترك وهدف موحد لكى تجدا ما يجبركما على مشاركة بعضكما لبعض شئ تحبانه ومن ثم يوجد حياة وحتى لو لم يوجد حب فى بداية الزواج فالهدف الموحد كفيل باقتراب المشاعر بينكما.
أدعوا جميع الأزواج لقراءة هذا الموضوع: ما يغضب الزوجات .
وأدعوا جميع الزوجات لقراءة هذا الموضوع:ما يغضب الأزواج .
===
سؤال جانبى:* متى تتوقع عدم تكملة زيجة معينة؟.
* متى تنصح بعدم تكملة زيجة معينة؟.





هناك 63 تعليقًا:

محمد يقول...

السلام عليكم ورحمة الله وبركاته


أختي العزيزة

جزيت خيرا علي إثارتك هذه الموضوعات الجيدة

التي من الممكن أن تأخذ بيد مجتمعاتنا ناحية الأمن والإستقرار إذا ما تم مراعاتها ....... أما عن موضوع الدورات التدريبية ففعلا من المفروض أن يتم ذلك لكل الشباب في مرحلة عمرية معينة ولقد قرأت عن مثل هذا التصور في احدي روايات تصور الحياة المقبلة للخلافة الإسلامية الراشدة ....... أما متي لا يتم اتمام زواج معين ..... أعتقد في الوقت الذي لا يوجد فيه مكان للتفاهم والنقاش بين الزوجين ولا يصبح شعارهما

انه قلب الحياة ألا تري لنفسك فضلا


رزقنا الله وإياكم الحياة الهادئة المستقرة

ورزقنا ايضا الزواج الصالح الذي نحقق فيه للإسلام ما يرجوه الله فيعطينا الله ما نرجوه من الزواج


خالص مودتي وصادق دعائي

ومازلتُ أتعلم يقول...

جزاكِ الله خير جزاء موناليزا
موضوع متميز جداً جداً
ومعنديش إضافات فوق اللى اتكتب
مش هطول عليكى ياحبيبتى
بارك الله فيكِ

MOHAMMED ELBANNA يقول...

موناليزا
بعد التحيه
هذا الموضوع هو من اكثر المواضيع التى تؤرق المجتمع .
فالحياه الزوجيه الفاشله هي من الاسباب الرئيسيه لتدمير المجتمعات ، وبالاخص عندما ينشأ طفل في هذا الجو المسمم بالانانيه وعدم فهم الطرفان للأخر تكون النتيجه هي جيل مشوه من الابناء والبنات منعدمي الرؤيه وقليلي الحب و السمو الاخلاقي .
وبالفعل يجب على الازواج والزوجات قبل الارتباط ان يدرسوا فن التعامل مع الاخر ، فهذه الدراسات توفر كثيراً من الوقت والمجهود والتجارب الفاشله .
وكم من بيوت انهدمت واطفال شردت بسبب عدم القدره على التواصل والحوار الناجح .
واحب بمناسبه هذا الموضوع ان اطرح هذه الابيات المتميزه عن الزواج وكيفية اختيار الزوج والزوجه للشيخ الالباني رحمه الله عليه.
ــــــــــــــــــ
الله يغنيه وسيعاً فضله
فهوالغني عطاؤه مشكور
أمر النبي بذات دينٍ زوجة
فاظفر بذات الدين هن الحور
المال يفنى والجمـال وديعة
والجاه يبلى كل ذاك غرور
الباقيات الصالحـات ذخيرة
مذخورة ونعيمها موفور
ليس الزواج لشهوةٍ وغريزةٍ
إن الزواج تعفف وطهور
ليس الزواج ستار أطماعٍ وما
تغني عن اللب الشهي قشور
ليس الزواج لنزوة عابرة
ذاك انفعالٌ فتنة تغرير
إن الزواج وظيفة ومهمة
ورعاية وتحمــل وصغـيـر
إن الزواج تصبرٌ وتجلــد
وعناية ما حقها التقصير
إن الأبوة خدمة وقيادة
وتودد وتعـقل وأمــور
أمر بكل فضيلة في أهله
للمكرمات يقودهم ويسير
إن الأمومة عطفها لا ينقضـي
ومقامها في التضحيات كبير
كان النبي معلماً في أهله
وهو الرسول مبشر ونذير
خير الأنام وخيرهم في أهلـه
في خدمة لعياله مشهور
يرعى صغيرهم ويحفظ عهدهم
خلقٌ بفرقان الهدى مسطور
يحمي النساء يصونهن عفافـه
وهو الأنيس المؤنس الستير
فرض الحجاب وقاية وحمايـة
ومن النفوس رقابة وضمير
وسع النساء بحلمه وأناته
والحلم طبعٌ في الرسول شهير
زوجاته نبع الفضائل والتقى
الطاهرات وزوجهن النور
للطيبين الطيبات وللألى
خبثو خبيثات لهن شرور
الله طهــر آل بيت محمــدٍ
بيت النبوة روضة وعطور
ـــــــــــــــــــــ

تقبلي تحياتي على مواضيعك الهادفه .
لا أطفأ الله لكي شمساً .
محمــد
طريق النجاح

حمـــــــــــــــــــــة يقول...

السلام عليكم ورحمة الله وبركاته
أشرتي الى نقطة هامة و هي وصايا الأب لأبنه قبل الزواج
في الحقيقة شبه مفقودا الحوار بين الأب و الإبن في هكذا موضوع
غالبا يأخذ الدور أناس آخرين كالأصدقاء و الأقارب و عادة التركيز على نقاط معينة تصب كلها في حقوق الزوج و ليست الزوجة
هنا من الواضح تأثير البيئة و الإرث الثقيل .....عبارة عن خرافات لا غير
و حتى المرأة هنالك جوانب سلبية للغايةعادة تكون سرية كالشعوذة وووووو...............
شخصيا من خلال تجربتي البسيطة
أرى للتعليم و الثافة دورا هاما
كما لا أرى أنه لا بد من كسر الإطار الموروث و هذا لا يتم إلا بعزيمة فلاذية من الشاب والبنت معا
و لا ننسى ضرورة الإستقلالية لضمان إتخاذ القرار الصائب في الوقت المناسب
--------------------
ما يعيق الزيجات هو إكتشاف خللا كبيرا في الآخر تعمد إخفاءه منذ البداية لذلك ليس ضروريا المواصلة فكما يقال من فم الئر و لا من قاعه.........

وحي القلم يقول...

السلام عليكم

الحياة الزوجية هي أحلى حياة اذا اتسمت

بمراعة الله في كل الامور

تقبلي مروري

abdo يقول...

جزاكم الله خيرا فعلا الموضوع جميل
وماأجمل أن تقوم الأسرة على تعاليم الاسلام وأن يكون كل فرد على علم بما له وقبل ذلك بما عليه
لأن بناء بيت مسلم من الأهمية بمكان أن نعطيه كل اهتمامنا

ماء تشرين يقول...

موضوع جميل جدا

عارف ياامه الله هى المشكله انو الزواج دلوقتى بقه مجرد اشباع للغريزة او لخلفه الولاد مبقاش في اسا القرانى الموده والرحمه هما فكرين انه الحب هو الحل السحرى لاستمرار الجواز مع انو لو حل سحرى كان ذكر في القان لكن الحل السحرى الموده والرحمه المشكله انو مجتمعتنا مش بتاعت قراءه وتثقيف وده سبب ارتفاع نسب الطلاق لانهم مش عارفين ياعنى ايه زواج حقوق ووجبات مش حقوق بس ومش واجبات بس

احييك على طرح الموضوع ده

تقبلى مرورى

Unknown يقول...

السلام عليكم ورحمة الله.....

قال تعالى{وَلَهُنَّ مِثْلُ الَّذِي عَلَيْهِنَّ بِالْمَعْرُوفِ}؛

وقال بن عباس ايضاً{إني لأتزين للمرأة كما أحب أن تتزين لي};

- ومن هنا أكيد نقدر نعرف انه زى م احنا (كرجال) لينا حق والمفروض الزوجة تكون عارفاه زى م وضحتى ف كلامك لاحقاً, بردة الزوجة ليها نفس الحق, والمفروووض بردة احنا (كرجال) منغفلش عنه.
- دة كلام ربنا سبحانه وتعالى ومن بعدة الرسول(ص) والصحابة الكرام.

* أظن بعد كلام ربنا والنبى والصحابة مفيش كلام تانى يتقال*

-كلام جميل ومهم جداً لأى اتنين مقبلين ع الزواج (وقريب ان شاء الله أكون واحد منهم), دعواتك

مع خالص تحياتى.....

MaNoOoSh يقول...

الزواج هو مشروع العمر ورحلة للسعادةفى الدنيا وطريق للجنه بإذن الله.

الزواج لازم فيه الانسان يكون بيتقى الله.. وعنده صبر كبير وحكمة فى معالجة المواقف.. وعنده قدرة على العطاء وحنان كبير يقدر بيه يحتوي الطرف الاخر.. واحترام للطرف الاخر واختلافاتنا معاه.. وتفاهم يخلي المشاكل تعدي فى هدوء ومتبقاش أعاصير.

الانسان لازم قبل ما يحب وقبل ما يتجوز لازم الأول يكون ليه وقفة مع نفسه.. يعرف هو شخصيته عاملة ازاى ويعرف احتياجاته من الطرف الاخر.. ويقدر يقدم ايه للطرف الاخر.

ولما الطرف الاخر يتوجد لازم بقى يكون فيه قبول وتفاهم فى الطباع حتى لو اختلفت.. واحترام يخلي الاتنين غاليين فى قلب بعض.. وصبر يعدوا بيه مشاكل الحياة.. لو كل دة توفر يبقى ان شاء الله المودة والسكن اللي يخلوا السعادة تملأ الحياة تكون موجودة فى الزواج ببركة ربنا.

أم أحمد المصرية يقول...

موضوع مهم جدا يا موناليزا المفروض الحوار ده يدور ايام الخطوبة مش بعد الزواج لأن الخطيب عنده استعداد يسمع اكتر من الزوج
دمت بخير

Kiara يقول...

طبعا الفكره انا موافقاكي عليها

* متى تتوقع عدم تكملة زيجة معينة؟.

لما يكون الطرفين موش بيحترموا بعض ولا كينونه بعض

* متى تنصح بعدم تكملة زيجة معينة؟.

لما يزول الاحترام

سلوى يقول...

موضوع مهم لأبعد مدى
بس محتاج نوايا خالصه وصافيه
مش محتاج الأنانيه

ياريت الناس تعمل به من نفسها من غير إشارة للأمر في عقد

ياريت يبحثوا من نفسهم على طريقه إسعاد الطرف الآخر ومعرفه حقوقه

بالنسبه لسؤالك
لا أحد يستطيع الجزم
وليس هناك شئ مضمون

دمتى بكل الخير

د.خالدأمين يقول...

جزاكي اله خيرا علي مواضيعك الجميله


بالطبع العلاقه الزوجيه واي علاقه القائمه علي الاشياء الماديه وفقط...زهي من اتوقع لها بل وانصح بعدم اتمامها

على خطى الحبيب يقول...

السلام عليكم ورحمة الله.....
معلش دخلت لتانى مرة, بس المرة دى عشان اصلح غلطة, انا صاحب تعليق (3obd) بردة, لكن التعليق التانى كان من على حساب(جى ميل) وانا مخدتش بالى بس, عذرااااَ..
تقبلى مرورى.. وخالص تحياتى

kimo يقول...

السلام عليكم ورحمه الله
موضوع رائع
بارك الله فيك
ونفع بك
تقبلي مروري

شيماء زايد يقول...

موناليزا بتطرحي مواضيع فعاله من صميم حياتنا اليوميه
فعلا انا بحب اتابع مواضيعك وتفاعلات الناس وردودهم
تحياتي

ويكا يقول...

موناليزا
انا مضطر اخبطكم تعليق يطفشكم من المدونه بس بصراحه انا عايز اكتبه ، وبصراحه مش هحرم نفسى.
استعنى على الشقا بالله :
قلت:

قبل ان ابدأ اسمحوا لى ان اسأل عن بعض الامور التى نفتقدها بالوراثه ، حتى اصبحت هى الطبيعيه والبديهيه من شدة تعودنا عليها وتوارثنا اياها، .لماذا يكون دائما ثوران الحب والمشاعر وبراكينه المتدفقه الملتهبه فى فترات الارتباط ما قبل الزواج ، وسرعان ما هى ان تبدأ فى الخمود والخمول مع بداية الارتباط الرسمى (الخطوبه) ثم للاسف بعد الزواج ، ثم ما تلبث ان تلفظ انفاسها الاخيره مع نهايات شهر العسل بالتمام والكمال؟!!
مع اننا لو نظرنا نظره بسيطه ومتأنيه لوجدنا انه كان من الطبيعى والبديهى ، العكس هو الصحيح .فالارتباط الرسمى والشرعى هو بمثابة اشارة البدأ والاذن ببداية المشوار الطويل ،والحياه التى لا تنتهى الا بأنتهاء العمر.لقد توارث الابناء ميراثاُ ناقصاً تم توارثه بحكاوى( الف ليله وليله والافلام الرومانسيه )التى لا تبدأ فقط من (نظره فكلمه فموعد فلقاء) فالفلم او القصه وينتهى (بانهم اتجوزوا وعاشوا فى تبات ونبات وخلفوا صبيان وبنات) هل الذى لم ينجب صبياناً وبناتاً لن يعيش فى تبات ونبات ؟! والذى خلف كيف سيعيش ؟!!اين الكتيب الارشادى والكتالوج؟!!كيف سيعيشوا فى تبات ونبات . لقد اذهب السلف من معليمينا سواءاً كانوا كتاباً ام كانوا اباءاً فى وصف تفاصيل العلاقه الحالمه الرومانسيه الجميله التى تجمع بين الحبيبين بكل تفاصيلها الدقيقه ، فمن ثم علمنا جيدا ماذا سنفعل حين نحب ، فلقد وضع ، السلف،اقدامنا ليس فقط على بداية الطريق فقط ، بل وعلى الطريق كله ايضاً لكن (الا حته ) (ما بعد الزواج) (وهو ده الطريق كله اساسا) لقد سقطت هذه المرحله سهواً منهم وكأنها لا تعنيهم ولا تعنينا . فخلَف هذا انطباع لدينا فى اللاوعى انها مرحلة تتسم بالعمليه البحته ومعارك الحياه الجمه ولا يتسع فيها المقام ولا المقال ولو لبعض من الرومانسيه .لقد ورثنا الاباء ميراثاً ناقصاً خاطئً ، ظالمٌ جائر . ولم يدلونا على الطريق .قالوا لنا دون ان يقصدوا ان اقصى درجات الحب وثورتة وفورته فقط فى ما قبل الزواج . ولم يقولوا ان حلاوته لن تذاق ولن تستملح الا بعد الزواج.لا اذكر ابداً انى رأيت يوما مسلسلاً او فيلماً او حتى قصه تحدثت عن جمال وروعة الحب بين اثنان متزوجان.اللهم الا قصه بيخه عن زوج وزوجه يجمعهم النصيب بعد قصة حب لمدة خمس دقائق فى اول الفيلم ليموت الزوج مقتولاً على يد اعدائه فتقوم المرأه بالانتقام او العكس، او عن حتى (كيف تم افساد علاقتهم عن طريق حماته المفتريه)مع انهم (كانوا)بيحبوا بعض يا حرام.ان البيت العربى مُحتاج لنماذج من الحياه الواقعيه او حتى الخياليه للزوج المحب الحنون والزوجه المحبه الولهانه ، انه فى اشد وامس الاحتياج لتلك التجربه المثيره. انه محتاجٌ لأحد يفك عقال لسانه ويرفع عنه الحرج فى ان يقول لزوجته( انا بحبك) من اعماق قلبه. ان الرجل العربى و المرأه العربيه يستحيان بعد الزواج ان يقولا لبعضهما البعض (انا بحبك)وكأن احدهما سيتهم الاخر بأنه ضعيف ومعدوم الشخصيه (وهيبقى دلدول لو قال ان بحبك(وقد يكون هذا الجوع هو من الاسباب الرئيسيه والقويه لنجاح ذلك المسلسل التركى الذى لا احب ان اشاهده على الاطلاق (مسلسل نور ومهند) فكما علمت من بعض الاصدقاء انه يصف علاقة رجل بزوجته وكيف يختلفوا وكيف يتحايلوا لان يصطلحوا مره اخرى.انى ارى انه هنا فعلا , فى الزواج، نستطيع ان نجد دفء المشاعر الجميله العفيفه الحقيقيه المباركه من رب العباد لرضاه عنها لما لا استطيع ان اقول بكل ثقه وبدون خجل" .انا احب زوجتى من اعماق قلبى ، فهى من اختارتنى ووافقت عليَ رغم عيوبى" فانه انتقاص لنفسى اذا ما لم ارضى عنها.هى اول من سيكون بجوارى فى حالة سقوطى ، بل من الممكن ان تسقط معى بكامل ارادتها اذا ما لم استطع انا ان اقوم او هى تنقذنى او تنتشلنى.انها رفيق دربى ولن يتزن ميزان حياتى بدونها وبدون اولادى .انى اريد الان وبكل قوة وصدق ان اعيد النصاب والميزان لوضعه الطبيعى بدلا من ذلك الوضع المقلوب . فالحب اولى ان يكون بين الزوج والزوجه وليس قبل ذلك. اما قبل ذلك فهو فقط للدراسه والتأنى واحكام العقل فى الآخر حتى يحسن الاختيار (وما يندبش) (اما لو اندبينا خلاص ، فولات حين مناص) سبق السيف العزل.هنا اكيد انا بحبها مدام اخترتها.احبك يا زوجتى من اعماق قلبى فلا تزعجى ذلك الحب بأفكار غريبه ملهاش اساس.


واعدوا بالعافيه
امممممه

ELMASRYA - MRS WRITER يقول...

حبيبتي الغالية والمميزة موناليزا

موضوعك مهم جدا إن الأزواج يهتموا بيه

إحنا فعلا درسنا وصية أم لإبنتها عند زواجها

ولم يدرسوا لنا نصيحة الأب لإبنه عند الزواج

لكن أنا نزلتهم في موضوع بمدونة للنساء فقط

للإجابة على أسئلتك :
ـــــــــــــــــــــــ

أساس الزواج التفاهم ومنه ينبع الإحترام والحب

وبالتالي إنتفاء التفاهم رغم كل المحاولات ينهي الزيجة بسهولة

دمتي سالمة بحفظ الرحمن وأمنه

د. ياسر عمر عبد الفتاح يقول...

جزاكِ الله خيراً
طرح قيم جداً

salma mohamed يقول...

ربنا يكرمك ويجازيكِ خير موناليزتي
كلام مهم ومفروض ما فيش حد سواء ذكر او انثى يقدم على خطوة الزواج الا وهو عارف ايه واجباته زي ما بيكون عارف تمام ايه حقوقه,
وكبعا اجابة السؤالين واحده,
وهي ان امور كتير بتخلي الزيجة ما تكتملش واهمها طبعا ان يكون احد طرفيها مش بيراعي ربنا في التاني,
وطبعا الكلمة دي بيندرج تحتيها حاجات كتير اوي
لان ببساطة اللي عارف ربنا عارف ان من واجباته اللي هيسأل عنها في الآخرة واجباته تجاه الآخرين وطبعا الازواج او الزوجات بصفة خاصة,
أسأل الله أن يرزقنا وشباب وفتيات المسلمين بزيجات موفقة تكون سببا في سعادتهم في الدنيا والآخرة.

ذكرى رحيل قلم يقول...

السلام عليكم
اختي اسمحي لي ان هذا الحوار يجب ان يكون قبل الزواج اي ايام الخطوبة والتعارف اما الوصايا العشر نجاهدفي فعلها لاننا لسنا ملائكة
انا انصح الازواج ان لا يناموا غير مسامحين مهما حدث فيجب التسامح فلانعلم غدا ماذا يحدث فيه
اذا سمعت اغاني
انصح بعدم تكملة الزيجة الخالية من الدين والاحترام او ذات الاخلاق الفاسدة
اما اي شيء اخر اتمني المسامحة والتحمل واخذ الاجر من الله مرتين وذلك حتي لا تضيع الاولاد
تحياتي

المهم انت بتذكري كويس في المواضيع ديه
عايزة اتفرج عليكي بعد الزواج هتكتبي لنا ايه يا قمر

Butterfly يقول...

أنا كنت بحب الموضوع بتاع الوصايا العشر ده أوى
بس تفتكرى ان فى حد لسه بيعمل كده دلوقتى
كل فى واد وخصوصا بعد مرور السنين
وبتبقى الحياه ممله أكتر
وأكتر المتطضررين الأولاد !!!

ستيتة يقول...

يعني الزوجة مستنية تدخل بيت العدل علشان تعمل الإختبار؟
ده وقت الإمتحان خلص واتسلمت اوراق الإجابة خلاص

امال الخطوبة اتعملت ليه؟
اتعملت علشان كل اتنين يشوفوا قيمهم وفكرهم ماشي في اتجاه واحد والا كل منهما في وادي

اثناء الخطوبة لا تكمل الزيجة لميت سبب أولهم النصيب والقسمة

اما بعد الزواج فلا أتمنى اني اشوف بيت متفشكل الا لأسباب جوهرية جدا واساسية جدا يستحيل تعديلها او قبولها

واحد عرفت مراته ان رزقه حرام ومش ناوي يتوب
ده سبب جيد جدا للطلاق
اتنين اختفى بينهم الإحترام واصبحت لغة السخرية والتجريح هي الاسلوب الوحيد المتبع وزهق من التدخل حكام عدول .. ممكن يحدث طلاق

لكن فيه حاجات كتير الستات بتفتكر ساعة حدوثها انها نهاية العالم ولما تصبر شوية وتسايس شوية وتدعي ربنا كتير كل العواصف بتمر ويبقى الحب ان شاء الله

طولت عليكي؟ قولي مطولتيش
تحياتي

موناليزا يقول...

هذه حياتى
ــــــــــــ
وعليكم السلام ورحمة الله وبركاته
اهلا بيك يافندم
ربنا يكرمك فما توفيقى الا بالله
"انه قلب الحياة ألا تري لنفسك فضلا"
جميل الشعار ده
وكويس والله ان فيه ناس فكرت قبل منى بموضوع الدورات:) بس المهم التنفيذ
ربنا يتقبل دعائك واشكرك جدا لمشاركتك



********************************


ومازلت أتعلم
ـــــــــــــ
اختى الحبيبة:ربنا يكرمك واشكرك جدا لتواجدك
نورتينى ياجميلة وفى انتظارك دائماً



**********************************


محمد البنا
ـــــــــــ
اهلا بيك استاذ محمد
صح جدا تخيل انت بقى كل من يحمل اللقب يشعر بعقدة داخلية معينة سواء كان ظالم أو مظلوم تفتكر هينتجوا ايه للمجتمع!
والله يافندم هو فعلا ده المفروض لكن هتقول لمين الرجال بالذات بيعتبروا ده انتقاص من رجولتهم عكس البنات مثلاً بيبقى عندهم حب المعرفة بلا خجل او شعور بالدونية
الله يكرمك ومشكوور جدا على هذه القصيدة الجميلة
ربنا يعزك وماحرمنى الله من تعليقكم القيم




*********************************



هاما
ــــــــ
وعليكم السلام ورحمة الله وبركاته
اهلا بيك يافندم
قد تحدثت بواقعية شديدة
اشكرك جدا لمشاركتك ولتعليقك



*******************************


مصعب صلاح
ـــــــــــ
وعليكم السلام ورحمة الله وبركاته
اهلا بيك استاذ مصعب
الله عليك جبت الخلاصة
اشكرك جدا لتعليقك



******************************


عبده
ــــــــ
اهلا بيك استاذ عبده
ربنا يكرمك فماتوفيقى الا بالله
الله عليك أصبت الحقيقة فعلا
نورت مدونتى واشكرك جدا لمشاركتك



********************************


ماء تشرين
ـــــــــــ
اختى الحبيبة:اشكرك جدا لرايك
وفعلا مفهوم الزواج تغير تماماً عن ذى قبل وليت الجميع يدرس فقه الزواج
نورتينى ياجميلة وفى انتظارك دائما



*******************************


عبد
ـــــــ
وعليكم السلام ورحمة الله وبركاته
اهلا بيك يافندم
كلام جميل طبعا بس مين بينفذ ده السؤال
الا من رحم ربى
ربنا يسعدك ويرزقك بالزوجة الصالحة وتتقوا ربنا فى بعض
اشكرك جدا لمشاركتك


*****************************



منوش
ــــــــ
اختى الحبيبة:تعليقك جميل اوى:) أحييكِ عليه
نورتينى منوش الجميلة وسعيدة بتواجدك


********************************


أم احمد المصرية
ــــــــــــــ
اختى الحبيبة:اشكرك جدا لرايك
وتنبيه فى محله فعلا
نورتينى حبيبتى وسعيدة بتواجدك


*******************************

كيارا
ــــــــ
اختى الحبيبة:جميل بدأنا نكسب أصوات:)
مبسوطة باجابتك وبمشاركتك
نورتينى ياجميلة واشكرك جدا لتعليقك


********************************


سلوى
ــــــــ
اختى الحبيبة: هو فعلا ده المفروض ولكن الواقع ان معدلات الطلاق فى ازدياد نتيجة جهل كلاً منهما بحقوقه وواجباته
نورتينى سلوتى الجميلة واشكرك جدا لمشاركتك


*****************************

موناليزا يقول...

د. خالد أمين
ـــــــــــــ
اهلا بيك يادكتور
ربنا يكرمك فماتوفيقى الا بالله
معاك حق
اشكرك جدا لمشاركتك



*******************************

على حطى الحبيب
ـــــــــــــــ
وعليكم السلام ورحمة الله وبركاته
اهلا بيك يافندم
يافندم سيادتك تنورنى دايما وبأى أكونت
مشكور جدا للتوضيح


********************************


كيمو
ــــــ
وعليكم السلام ورحمة الله وبركاته
اهلا بيك يافندم
ربنا يكرمك واشكرك جدا على رايك فماتوفيقى الا بالله


******************************


شيماء زايد
ـــــــــــ
اختى الحبيبة:اهلا اهلا بالقمر
تعليقك هذا اسعدنى وزيارتك اشرقت مدونتى


****************************


ويكا
ـــــــ
اهلا بيك يافندم
علق براحتك فنحن نحب ان نسمع جميع الاراء
زى ماقلت بنفسك دى هى الثقافة المتاحة
ولذلك اتعجب من شاب مثلا يرفض ابو العروسة ان تخرج معاه لوحدهم وتبقى خناقة وسبحان الله بعد الزواج_ ده لو الزيجة اكتملت يعنى ومافسخوش الخطوبة بالسبب ده_ مايفكرش انه يخرجها ويفسحها!!
عاجبنى اوى رسالتك لزوجتك وليت جميع الازواج يعوها
اشكرك جدا لمشاركتك


********************************


المصرية مسلمة لله
ـــــــــــــــ
اختى الحبيبة:انا فعلا قريته عندك بس ياترى الرجال والازواج قرأوه ايضا:)
اشكرك جدا لمشاركتك ولاجابتك على أسئلتى
منورانى دايما وسعيدة بتواجدك



*****************************

د. ياسر عبد الفتاح
ــــــــــــــــــــ
اهلا بيك يادكتور
ربنا يكرمك واشكرك جدا لرايك



*******************************


سلمى محمد
ـــــــــ
اختى الحبيبة:ربنا يعزك يارب
اشكرك جدا لمشاركتك وسعيدة اكتر بتواجدك


********************************


ذكرى رحيل قلم
ــــــــــــــ
اختى الحبيبة:اشكرك جدا لمشاركتك
تعرفى انى مذاكرة الحاجات دى من وانا قى ثانوى وفاكرة ان بابا اشترى لى كتاب وانا فى المدرسة يعنى قبل ماادخل الجامعة بس مش فاكرة كنت فى سنة كام وكان اسمه"كيف تسعدين زوجك" ودايما كان يدينى فى وصايا لغاية لما بجد حفظت المنهج:)
نورتينى حبيبتى وسعيدة بتواجدك


*****************************


بيترفلاى
ـــــــــ
اختى الحبيبة:اكيد اللى بيتقى ربنا بيعرف يتعامل كويس مهما طال الزمن
نورتينى ياجميلة وسعيدة بتواجدك


*********************************



ستيتة حسب الله الحمش
ــــــــــــــــــ
اختى الحبيبة:طولتى ايه بس!!
طب اقولك حاجة انتِ من ضمن ناس كتير بستنى تعليقهم لانه بيفيدنى جداً
نورتينى ياجميلة وسعيدة جدا بتواجدك

مسدس صغير يقول...

الاسلام فيه دستور لنجاح اى زيجة
اذا التزم الازواج بالدين بارك الله لهما فى بعضهما وفى ذريتهما.
جزاكم الله خيرا

شموع يقول...

أشكر لكِ مرورك أختى الفاضلة
وما شاء الله على طرحك الطيب
وإتارتك لهذا الموضوع .
فالشباب والشابات محتاجين بالفعل لمن يبصرهم بواجب وحقوق الزو والزوجة فى الإشسلام والملاحظ أن كثير من الشباب الآن
ينظرون للزواج بأنه مجرد إشباع رغبة ليس أكثر لذلك زادت حالات الطلاق بين الشباب المتزوجين حديثاً فى الفترة الآخيرة
متابع معكِ إن شاء الله
ودمت بكل الخير

لاسع افندى يقول...

اتوقع عدم تكملة الزيجه عندما ارى خلافاتهم على اتفه الاسباب معناها انهم لم يعودوا متحملين اقل الاخطاء وان الحب اللى بيبلع الزلط مش موجود


تحياتى

بنت أبيها يقول...

متى تتوقع عدم تكملة زيجة معينة؟.

لما اشوف الطرفين بيرموا ودانهم للغير ومستمعين ليهم اوي


متى تنصح بعدم تكملة زيجة معينة؟.


اذا فقد الأمل في رجوع الاحترام بينهم ...وتطاولت الالسن وبدأ كل منهم في تجريح الطرف الآخر

سبهللة يقول...

جزاكى الله خيرا على ما قلتيه
وحلو اوى موضوع الدورة التدريبية دى
بالنسبة للسؤالين
اولا انا اتوقع عدم تكملة زيجة معينة
لو لم يتق الله كل طرف فى الطرف الاخر
ثانيا انصح بعدم تكلمة زيجة معينة فى حال اختلاف التربية البيئية بين الزوجين وفارق المستوى الاجتماعى والدينى
انا مؤمنة جدا ان التكافوء المادى والاجتماعى والثقافى والدينى مهم جدا لاقامة علاقة زوجية مستمرة

Ramy Wasel يقول...

موضوع رائع
ومخم جدا
لانه للاسف الكثير من الازواج والزوجات لا يقدرون معنى الزواج
ولا يعرفون ما لهم وما عليهم

ولذلك ارتفعت معدلات الطلاق

متى تتوقع عدم تكملة زيجة معينة؟.

المفروض الا يخدث الا فى اضيق الظروف

قالطلاق هو ابغض الحلال
ومن يصبر على شريكه فى الحياه يجازيه الله خيرا فى الدنيا والاخره

لانه ابتلاء من الله

* متى تنصح بعدم تكملة زيجة معينة؟.

لا استطيع ابدا ان انصح احد بأنهاء زواج

ونقول فى الامثال يا بخت من وفق راسين فى الحلال
كما ان مسأله انهاء الزواج ليست بالامر الهين
والتى نستطيع ان نجزم بمسائل معينه للتطليق
فلكل شخص ظروفه وقدرته على التحمل
واسلوب فى التفكير والحياه

شكرا مره تانيه على الموضوع الرائع

تحياتى

رامى واصل

حاول تفتكرنى يقول...

عندما يسود الصمت

ولا أعتقد انه يوجد طرفي علاقة فى الوجد يشعر بأنه قال كل ما عنده

تحياتي

تأثير الفراشة يقول...

الموضوع جميل جدا، و عجبنى قوى طرحك له ، و قرأت الموضوعين التانيين اللى أشرتى لهم
و كلامك سليم تماما، و حتى إذا كان فيه صعوبة فى نقطة إن يكون ده شرط فى العقد، فمن المفترض إنهم يتفقوا على ده خلال فترة الخطوبة، و للأسف ناس كتير مش بتقدر أهمية الفترة دى، و فاكرينها فترة للتجمل، و لكنها فى الحقيقة فترة للدراسة و علشان كل واحد يشارك تصوره للحياة الزوجية مع الطرف الآخر، و يتوصلوا لرؤية مشتركة لحياتهم المستقبلية

أحييكى مرة أخرى يا موناليزا على موضوعاتك الجميلة

بالتوفيق لكى دائما

موناليزا يقول...

مسدس صغير
ــــــــــ
اهلا بيك يافندم
ربنا يبارك فيك جبت الخلاصة
اشكرك جدا لمشاركتك


***********************************


شموع
ــــــ
اهلا بيك يافندم فى زيارتك الاولى
ربنا يكرمك على رايك فماتوفيقى الا بالله
اشكرك جدا لمشاركتك
نورت مدونتى وفى انتظارك دائما


*********************************


لاسع افندى
ـــــــــــ
اهلا بيك يافندم فى زيارتك الاولى
صح جدا ومتفقة معاك
نورت مدونتى واشكرك جدا لمشاركتك



******************************



بنت أبيها
ــــــــــــ
اختى الحبيبة:اشكرك جدا لمشاركتك
نورتينى ياجميلة وسعيدة بتواجدك



*****************************



سبهللة
ــــــــــ
اختى الحبيبة:ربنا يكرمك فماتوفيقى الا بالله
اشكرك جدا لمشاركتك وجميل انك متفقة معايا على موضوع الدورة التدريبية يمكن ياخدوا بها وينفذوها فعلا:)
نورتينى ياجميلة وسعيدة بتواجدك


******************************



رامى واصل
ــــــــــــ
اهلا بيك استاذ رامى
اشكرك جدا لرايك ولمشاركتك
نورتنى وسعيدة بزيارتك


**********************************




حاول تفتكرنى
ــــــــــــــ
اهلا بيك يافندم
متفقة معاك
اشكرك جدا لمشاركتك



*********************************




تأثير الفراشة
ــــــــــــــ
اختى الحبيبة:ربنا يكرمك انا سعيدة جدا برأيك وباهتمامك بما أكتب:)
تعرفى ان فيه دلؤتى ناس بتلغى فترة الخطوبة وعايزين يتجوزوا بسرعة وخلاص!!
اشكرك جدا لتعليقك
نورتينى حبيبتى واسعدتينى بتواجدك

Unknown يقول...

وده إللي أنا بعمله دلوقتي

شكرا لكي

منى يقول...

السلام عليكم
ازيك يا حبيبتى عامله ايه؟
يا رب تكونى بخيردايما

الموضوع فعلا مهم اوى

بس بصراحه مش عارفه اجاوب على السؤالين اللى فى الاخر
يمكن عشان بتختلف الحكايه من شخص لاخر ومن حاله لحاله
انا هروح اقرا اللينكات
سلام يا قمر

mahasen saber يقول...

كل واحد يعرف حقوق التانى عليه ايه

كل واحد يتقى ربنا فى التانى

ويعرف ربنا شرع لكل منهم ايه

الحياه هتمشى لما يعجزوا مع بعض ويكونوا سبب فى دخول بعض الجنه كمان

اما لو الاحترام انعدم وكل واحد معرفش ان الحياه الزوجيه امانه لازم يتقى ربنا فيها

يبقى الانفصال افضل واحسن

محمد عبد الباسط يقول...

حقا ...اشكركم على هذا الموضوع الهادف

بورك فيكم

حلم كبير

موناليزا يقول...

أحمد تاك
ــــــــــ
اهلا بيك استاذ احمد
بالتوفيق ان شاء الله
سعيدة جدا بتعليقك




********************************




منى
ـــــــ
وعليكم السلام ورحمةالله وبركاته
اختى الحبيبة:اهلا اهلا بالقمر
انا الحمدلله بخير ماتحرمش من سؤالك
سعيدة جدا بتواجدك
نورتينى حبيبتى



****************************





محاسن صابر
ـــــــــــــ
اختى الحبيبة:الله يفتح عليكِ
نورتينى سونا الجميلة واشكرك جدا لمشاركتك




*******************************



محمد عبد الباسط
ـــــــــــــــ
اهلا بيك استاذ محمد
الشكر لله يافندم فماتوفيقنا الا بالله
اشكرك جدا لرايك

Unknown يقول...

السلام عليكم ورحمة
الله تعالى وبركاته
وللاسف سبقنا الغرب
فى عمل مثل هذه المحاضرات
لاجل ما يفهموا الشباب هناك
المسئوليات المنوطة بالزواج .
اما عن سؤالك الاول:متى تتوقع عدم تكملة زيجة معينة؟لما بيكون الخلافات
العائلية بادئة من اول الزيجة !
والثانى:متى تنصح بعدم تكملة زيجة معينة؟برضه وبصراحة لما بيكون هناك
اخلاف للوعود والتعهدات من بداية الزواج.
تسلم ايدك يامونى

المعتصم يقول...

على فكرة عاجبنى تعليق ويكا قووووى

Sweet Violet يقول...

لما الواحد يعرف اللى ليه بس و مايعترفش باللى عليه

و لما ينعدم الاحترام و الحوار

اعتقد وقتها الحياة هتكون شبة مستحيلة و ان استمرت ستكون بلا روح

Unknown يقول...

السلام عليكم ورحمة الله وبركاتة
موضوع جميل اوى حبيبتى
وفعلا احيانا يقصر الزوج
واحيانا بردوا الزوجة
والزواج كما قلتى شركة
شركة الساعدة وهنا كلة
اما متى اتوقع عدم تكملة الزيجة
عندما يفقدوا احترام بعضهما لبعض
وفقدان الحب والمودة والسكن والاستقرار
والظلم لاحدى الطرفين
اما متى ينصح بعدم تكملة الزيجة
اذا وجدت الظواهر السابقة +بتأثير سلبى على الاولاد
حفظنا الله واياكِ حبيبتى من كل سوء وعكننة
دمت بالف استقرار وسعادة

GiGi world يقول...

هاى يامونى الاول انتى وحشتينى جدا
ثانيا فى علماء قال ان خطبه النكاح اللى بتقال فى وقت عقد الزواج ده شرط من شروط الزواج وبالتالى زي مابقولك فى شرط عند بعض الائمه ان لازم تقال خطبه النكاح
ثالثا دى مشكلتنا فى مجتمعنا فقطالبنت عارفه وبترضع منوهى صغيره اهميه الرجل ايا كان صفته وانها لازم تكون وتعمل وشويه الكلام ده
اما الولد فهو هرقل يكفى انه ولد
رابعا امتى الزواج مايكملش لما نغلب مصالح شخصيه على مصالح الاسره
خامسا امتى انصح انه ينتهى لما الزوجين يفقدوا الموده والرحمه اللى هما بلغتنا الحب والاحترام
تحياتى على المواضيع الرائعه

موناليزا يقول...

نوراهاتى
ـــــــــــ
وعليكم السلام ورحمة الله وبركاته
اختى الحبيبة:ده حقيقى ولذلك تجدى من يقبلون على الزواج هناك بيكونوا مقتنعين تماما بالفكرة وبالحياة الزوجية.
عاجبنى جدا اجابتك
نورتينى ياجميلة وسعيدة بتواجدك




********************************




المعتصم
ـــــــ
اهلا بيك يافندم
أولا: أشكرك جدا لمشاركتك ولردك
ثانيا: عاجزين عن الشكر فى متابعتى وتصليح غلطاتى المطبعية:) ودمت لنا متابعا جيدا وماحرمنا الله من تواجدكم الطيب
ثالثا: وده المهم أنا عاوزة جلاكسى:)
سعيدة بزيارتك وياريت الغيبة ماطولش




*******************************



سويت فيوليت
ـــــــــــــــ
اختى الحبيبة:صح جدا الله ينور عليكِ
نورتينى ياجميلة واشكرك جدا لمشاركتك



********************************






حتى تشرق الشمس
ـــــــــــــــ
وعليكم السلام ورحمة الله وبركاته
اختى الحبيبة:ولذلك كان منصب رئيس مجلس الادارة من نصيب الزوج عشان لو الزوجة قصرت الزوج يوجهها وينبهها لكن تبقى وحشة اوى فى حق رئيس مجلس الادارة انه يقصر والزوجة هى اللى توجهه
عاجبانى اجابتك الواقعية
نورتينى ياجميلة وسعيدة بتواجدك






********************************




جيجى وورلد
ـــــــ
اختى الحبيبة: اهلا اهلا بالقمر بعد طول غياب وحشتينى حبيبتى وايه اخبار الامتحانات عاوزة رسالة بكل التفاصيل:)

ثانيا:بالنسبة لخطبة النكاح فمحدش بيبقى فايق يومها خالص على فكرة _ده لو كانت بتتقال يعنى-لكن لو اتاخدت قبلها بفترة وكانوا العروسين عندهم استعداد نفسى للاستماع اكيد ده هيفرق معاهم

ثالثا: ده حقيقى
اشكرك جدا لمشاركتك ولرايك
نورتينى حبيبتى وسعيدة جدا بتواجدك

الفراغ يقول...

كنا زمان فعلا لا نلتفت لحوار الاب والابن
وذلك لان الرجال كانو بطبيعة العصر مخلصين لبيوتهم وازواجهم وفاهمين يعنى ايه بيت ومسؤليه
وكنا نطبق الوصايا العشر بعد زواجنا
لنسعدالزوج والبيت والاطفال
لكن دلوقتى فعلا الزوج محتاج يتعلم زى البنت تمام
جزاك الله خيرا موضوع مهم جدا
اما عن اجابة السؤال

فانصح بعدم تكملة زيجه معينه
فى حالتين
السبب الاول... غرور احد الطرفين
والسبب التانى...ان احد الاطراف مايكونش مالى عين التانى

mnoon يقول...

موناليزا
جزاكى الله كل خير
من أكتر الحاجات اللى بتغظينى إن أشوف واحد أو واحده بيتجوز علشان ده المفروض
لا بيحط أهداف من خطوته دى
ولا بيحدد نيته من الزواج
ولا عارف هو رايح فين بالظبط
يعنى نادر ياموناليزا لما تلاقى زوجين عارفين حقوق بعض
مش فى دماغهم أصلاً
ربنا يهدى
وأعتقد إن من دورنا توعيه أصحابنا وأخوتنا بالمرحله اللى هم مقبلين عليها
زى ما إنتى عملتى كده فى إثارتك للموضوع فى مدونتك
جزاكى الله خير
أما بالنسبه للسؤال

متى تتوقع عدم تكملة زيجة معينة؟
أعتقد لو مفيش توافق بين الطرفين من البدايه
توافق بمعنى تفاهم
يعنى مثلاً
كتير بيقولوا إحنا بنحب بعض
وده كفايه بالنسبه لهم
رغم إختلافهم على شئ
وبعد الزواج الحب بيتركن على جنب وبيبدأ الخلاف فى الظهور

أنصح بعدم تكمله زيجه أمتى؟؟؟؟
لما يكون أحد الطرفين مش قد مسئوليه الزواج

وبس:)

ريمان يقول...

المشكله فعلا انهم بيهتموا بنصيحه كل بنت قبل الزواج من حقوق زوجها اللى عليها


لكن مين اللى ينصح الزوج؟


نادر جداااااااا للاسف

موناليزا يقول...

الفراغ
ــــــــ
اختى الحبيبة:ربنا يكرمك على رايك ومشاركتك
نورتينى حبيبتى وأسعدتينى بتواجدك






***********************************






منون
ــــــــ
اختى الحبيبة:ربنا يكرمك على رايك
واشكرك جدا لمشاركتك
نورتينى منونة الجميلة واسعدتينى بتواجدك







*********************************






ريمان
ـــــــ
اختى الحبيبة:ده حقيقى ولذلك أردت التنبيه:)
نورتينى ريمو الجملة ودمتِ بخير

KHALED يقول...

لية بس مالطيب أحسن

مجرد مدونة يقول...

فعلا ينبغى ان اى حد مقبل على زواج يتعلم كويس جدا واجباته قبل حقوقه عشان يبقى زواج مستقر إن شاء الله

موناليزا يقول...

خالد
ـــــــ
اهلا بيك استاذ خالد بعد طول غياب
ماهو علشان الطيب أحسن يبقى لازم تجاوب على الأسئلة:)
سعيدة بتواجدك وفى انتظار مشاركتك







********************************





مجرد مدونة
ــــــــــ
اهلا بيك يافندم
ليت الجميع يقتنعوا بهذا
اشكرك جدا لتعليقك

Unknown يقول...

السلام عليكم
ادام الله عزكم
ويسر امركم
ان هذا الموضوع من اجمل المواضيع التي قراتها ،جعل الله ثوابها في ميزان حسناتك
فان الحياة الزوجية لا تستقيم الا اذا عرف كلا من الزوجين الحقوق والواجبات الواجبة علي كل منهما ,,,,,,,,,,,,
ونأسف علي التعليق
بغير استاذان

بـِصَمتـِـ أميرة ــــى يقول...

انصح بعدم تكملة زيجة معينة
إمممممممممممممم
عندما يكون البعد اهون الف مرة من العيش فى ظل الجحيم سواء جحيم المهانة او الخيانة
غير كدة الزوجة
تقعد متستته كدة وتدعى ربنا يهدى بعلها
حلووووووو اووووووووى التوبيك
دومتى مبدعه
وحشتينى والله

:)
تقبلى مرورى
(ملكة بحجابى )

وردة يقول...

دايما موضوعاتك هادفة ومفيدة
بس تفتكري احنا وصلنا لدرجة ممكن ان العريس والعروسة يروحو دورات
اي نعم في ناس كتييير مثقفة وواعية بس لسه برضوو في جزء مغيب تماما عن الواقع
وجزء اخر غير مؤمن بتلك المحاضرات
يعني ملا لو جت بنت بتتجوز وقالت لمامتها حروح اخد دورات في الحياة الزوجية حتقولها ده كلام فارغ الحياة تجربة ومتعقديش نفسك بالكلام الفاضي ده وهلما جره
ممكن نأخد الموضوع درجة درجة
يعني قبل ما نطلب من الناس تروح دورات نروح ليهم احنا لغاية بيوتهم
نذيع ندوات زي ديه في التليفزيون والاذاعة نساعد الناس ونشدهم
وبالتاليس حيكون عندهم حافز انهم يثقفو نفسهم لانجاح حياتهم
اشكرك علي الموضوع الرائع ده
ربنا يكرمك
سلام

salwa يقول...

السلام عليكم اخت موناليزا
لو عرف كل شخص حدوده ووقف عندها
وواجباته و اداها,وخاف ربه
كنا حللنا غالبية المشاكل
لكن المشكلة تكمن في عدم التطبيق الصحيح.
الف شكر لكي ادراج مفيد
سلام

موناليزا يقول...

عبدالروؤف
ـــــــــــــ
اهلا بيك يافندم فى زيارتك الاولى
ربنا يكرمك على رايك وتعليقك
لماذا تتأسف سيادتك نورت مدونتى وارجو دوام التواصل





********************************





ملكة بحجابى
ـــــــــــــ
اختى الحبيبة:اهلا اهلا بالقمر
نصيحة فى محلها:)
اشكرك جدا لرايك ولمشاركتك
نورتينى حبيبتى الجميلة واسعدتينى بتواجدك
بحبك فى الله






**********************************




وردة
ـــــــ
اختى الحبيبة:ربنا يكرمك فماتوفيقى الا بالله اشكرك جدا لرايك
مع احترامى الشديد لرايك الواقعى انا شايفة ان الناس كده كده مفيش حاجة هتعجبها والدليل على كلامى ان حتى الشهادة الطبية اللى المفروض بتتعمل قبل الزواج كانت زمان محدش بيرضى يعملها لكن لما بقت اجبارى الناس بتعملها وده قصدى
ان دورات حقوق الزوجين وواجباتهما مش محل للاختيار
نورتينى وردتى الجميلة وسعيدة بتعليقك





********************************





سلوى
ــــــــ
وعليكم السلام ورحمة الله وبركاته
اختى الحبيبة:الشكر لله فماتوفيقى الا به
اشكرك جدا على تعليقك الواقعى
نورتينى سلوى الجميلة ودمتِ بخير

همس الاحباب يقول...

جزاكى الله خيرا
دائما مبدعة فى موضوعاتك
وتناقشين موضوعات هادفة جدا
ومتفق معكى فى الراى
لابد من الزام الزوج والزوجة بمعرفة حقوق وواجبات كل منهما تجاه الاخر
واذا حدث هذا فاعتقد ان نسبة الزيجات الناجحة ستتضاعف باذن الله
تحياتى وتقديرى

موناليزا يقول...

همس الاحباب
ــــــــــ
اهلا بيك استاذ خالد
صح جدا
ربنا يكرمك واشكرك جدا لرايك ولتعليقك

نسيبه يقول...

السلام عليكم ورحمة الله وبركاته
حبيبتي أمة الله هذا حال من تبحث عن رضا ربها ولكن ربنا إختبرها في أن تزوجت من إنسان يريد أن يأخذ فقط وهذا النوع حتي عندما يلتزم يبحث عن الحقوق فقط ولا يضع في إعتباره الواجبات وإن ذكره أحد بها يتهرب أو لا يلقي لها بالا كما فعل هذا الزوج وطبعا حسابه عند ربه فهو راعي مسئول عن رعيته وكلمة مسئول أي مكلف برعايتهم وتدبر شئونهم والإنفاق عليهم وتولي كل ما يخصهم وكل الأشياء الأخري
وتعني أيضا مسئول أي سيسأل عند ربه عنهم
فبالنسبة للزوجة فهي من وجهة نظري فعلت كما أمرها ربها وإبتلائها لها فيه من ربها كل الخير والأجر الكبير أما هو فلا يعرف حقيقة الأمور وللأسف كما يظن بعض الرجال الذين يكثر عددهم مؤخرا أنه لمجرد أنه رجل أي ذكر فله كل الحقوق ولأنها أنثي فهي عليها كل الواجبات ويا سلام لو ملتزمه أوبتحاول يبقي لازم تعملي أكتر أنا جوزك ولازم تسمعي كلامي وتلاقي كلمة الدين والحلال والحرام محشورة في كل شىء له فيه حق أما العكس فاطناش هو الواقع اللي لو مش عاجبك براحتك
ولكني أقول لها ولكل من هم مثلها سواء في علاقة زوجيه أو أي علاقه إنسانيه تذكري أن الله عز وجل لا يغفل ولا ينام ولا ينسي سميع بصير حي قيوم ليس بغائب عن كل ما يحدث لك ولا ما تفعليه فاصبري وإحتسبي وربنا يجزل لك العطاء في الدنيا والآخرة ويثبتك ويعينك اللهم آمين

موناليزا يقول...

نسيبة
ــــــــ
وعليكم السلام ورحمة الله وبركاته
اختى الحبيبة:اهلا اهلا بالغالية
:) ينصر دينك على كلامك الجميل والبشارة السارة التى يحملها تعليقك
نورتينى حبيبتى وسعيدة جدا بتواجدك

abdo يقول...

الحمد لله قبل ما أعقد على زوجتى انتهيت من قراءة حقوق الزوجة للشيخ محمود المصرى قبل ما أقرأحقوق الزوج
والحمد لله ذلك مما أسعد زوجتى

موناليزا يقول...

عبده
ــــــــ
اهلا بيك يافندم
ربنا يباركلكم يارب فى حياتكم ويسعدكم ويديك على قد نيتك الطيبة وتحملك لمسئولية الزواج ويفرحكم يارب بالذرية الطيبة
أسعدتنى حقاً واشكرك جدا لمشاركتك