الاثنين، 13 يوليو، 2009

ذاكرت كويس

فى ظل ظهور النتائج المختلفة للمراحل الدراسية. تذكرت آخر يوم لى فى إمتحانات البكالوريوس.

ما أجمل الإنطلاق والحرية بعد القيود. وما أجمل الراحة بعد عناء وتعب.
وجدت نفسى أقول هذه الكلمات بعد أيام قليلة من إنتهائى من إمتحان آخر مادة فى السنة النهائية لى فى الجامعة.
" يااااه أخيراً خلصت".
وكأنى كنت ضامنة نجاحى. ولِمَ لا. فقد كنت تلميذة مجتهدة منذ الصغر. فقد كنت أستيقظ باكراً وكُلى هِمة ونشاط لألحق بطابور المدرسة دون حتى الإعتماد على من يوقظنى. وكان لى نشاط دائم فى المدرسة ومن بعدها فى الجامعة. وكنت بحب الدراسة جداً جداً لدرجة أن فى الأجازة الصيفية كنت بعِد الأيام اللى هنروح فيها للمدرسة. حتى لما مجموعى فى الثانوية العامة ماجابش الكلية اللى كنت عايزاها ودخلت كلية تانية برضه حبيت دراستى فيها. وعمرى ما فوت محاضرة. وكنت بجد دؤوبة وأحب الوصول دائماً إلى القمة.
وها أنا الآن فى آخر يوم لى فى الجامعة كطالبة.
وداعاً للسهر والمذاكرة ولقلق الإمتحانات وانتظار النتيجة.
وجدت نفسى و أنا فى هذه الحالة من النشوة والسعادة التى لم أشعر بها من قبل أتسائل إذا كان هذا هو شعورى لإنتهائى من آداء واجبى كطالبة فماذا سيكون شعورى حين وفاتى وانتهاء حياتى كمُسلمة؟؟!.
هل سأكون متأكدة من نجاحى فى إختبار حياتى؟
وهل سأستحق الجنة كمكافأة لى لاجتهادى فى حياتى كمُسلمة؟؟.
أم ماذا؟؟؟.
سؤال يطرح نفسه على الجميع.

اللهم أنك أعطيتنا الإسلام دون أن نطلبه فلا تحرمنا من الجنة ونحن نطلبها.




م ملحوظة:
إذا أردت رؤية الصور المرفقة بالموضوع وهى متحركة أضغط على الصورة.
===
على الهامش
ـــــــــــــــــــــ

هناك 61 تعليقًا:

الازهرى يقول...

اتمنى اكون اول تعليق

انا كمان جربت الشعور ده من اسبوعين تقريبا وفى اخر يوم لى
مع النتيجة لسه شويتين
لكن الاحساس بالفراغ والهدوء والتعب من مشوار الاف ميل بيكوةن جميل

وربنا يرزقنا ويكون حظنا من النجاح فى الاخرة اكبر بكتيييييييييييييييييييييييييير من حظنا فى الدنيا

اللهم اسقنا من يد رسولك صلى الله عليه وسلم شربة هنيئة لا نظمأ بعدها ابدا

ذكري رحيل قلم يقول...

السلام عليكم

كلنا كنا نحمل هذا الشعور ولكن ليس للراحة ولكني كنت اتمني ان انهي دراستي كي التحق بعمل واعتمد علي نفسي حيث كان يسيطر عليا فكرة واحدة هي لا وجود لرجل كي ادخله حياتي واتمد علي ويتزوجني وينفق علي ومن ثم يستغلني
وظل عقلي يفكر كيف اعمل حتي كتب لي الله الهدي وتعلمت انها هي الحياة كما ذكرها الله عز وجل انه خلق لنا من انسفنا ازوجا لنسكن اليها
ومن ثم عملنا جاهدين كي نحافظ علي هذة الحياة وبتمني من الله انه يديم عليا نعمة استمراري في حفظ القران الكريم طمعا في دخولي الجنة
يوم يفر المرء من اخيه وامه وابيه وصاحبتيه وبنيه
دمتي ومواضيعاتك الشيقة الجميلة
تحياتي

عاشقة الأحزان يقول...

السلام عليكم

حبيبتى الغاليه

بجد المشوار ده صعب قووى وفى الاخر حلاوته بالنتيجه المثمره

ربنا معاكم كلكم يارب

تحياتى

اختك ايناس

Ramy Wasel يقول...

باذن الله ننجح كلنا
والمكافأه الجنه باذن الله

A.SAMIR يقول...

ساعات كتير بانظر لموضوع الدنيا و الاخرة من الناحية الفلسفية
فعلا....احنا في امتحان كبيـــــــــــــر
ووقته بيقل يوم عن يوم و ساعة عن ساعة لحد ما لازم الامتحان ينتهي بالوفاة
و ساعتها يا ترى كراسة اجابتك مكتوب فيها ايه؟

mohamed ghalia يقول...

مع حضرتك حق
بنفرح لإمتحان الدنيا وقليل لما بنفكر فى إمتحان الأخرة
ربنا يهدينا

مجداوية يقول...

السلام عليكم

كانت رغم المذاكرة اجمل سنوات العمر مكنش فيها مسئولية غير المذاكرة وكنا فاكرينها عبأ !!!

ييجوا يشوفوا !!!

:)

أليس في بلاد العجائب يقول...

الفكرة انك كل ما بتخلصي مرحلة ما من حياتي بتفتكري انك خلاص كده خلصتي ومش هتتعبي تاني .. شوية و بتكتشفي انه العكس هو الصحيح .. كلها شقاء هذه الحياة الدنيا

بالعكس كل اما العمر بيتقدم بيكي بتلاقي علي كتفك أعباء اكبر و اثقل من اللي عدت عليكي قبلها
وهكذا حتي الممات اللي هو كمان اثقل الاعباء علي الاطلاق ..
بنشيل حياتنا علي كفنا ..
بتتقطع صلتنا بكل ما مضي علينا ..
يبقي انا وعملي ..
انا و ما قدمت يداي ..

اللهم احسن خاتمتنا و اجعل خير اعمالنا خواتيمها وخير ايامنا يوم نلقاك وهون علينا سكرات الموت و اختم بالصالحات اعمالنا و ارزقنا ان نكون ممن يستظلون بظلك يوم لا ظل الا ظلك يا الله

وكفي بالموت واعظ لمن يتعظ

الله يباركلك :)

ملكة بحجابى يقول...

اللهم أنك أعطيتنا الإسلام دون أن نطلبه فلا تحرمنا من الجنة ونحن نطلبها

اللهم أمييييييييييييييييين
بجد تسلم الأياااادى
وربنا يرزقنا واياكى الفلاح والنجاح وان يكون عملنا كله خالصا لوجه الله ونثاب بجنته بغير ضراء مضرة ولا فتنة مضله .. اللهم آميييييييييييين

:-*

تقبلى تحياتى

أميرة

(ملكة بحجابى )

أم أحمد المصرية يقول...

يار ب ننجح ياموناليزا في اهم امتحان
اللهم أنك أعطيتنا الإسلام دون أن نطلبه فلا تحرمنا من الجنة ونحن نطلبها اللهم امين .

يومهاقط نشعر بالانطلا ق و الحرية الحقيقيين

أم مالك يقول...

الغالية موناليزا
ايه ده فيه عدى تقدم كبير
امبارح اول تعليق عند ستيتة
والتهاردة ثانى تعليق عند موناليزا
خير خير
الانتهاء من اى منهج وخاصة الدراسة
بتكون فيها راحة ورغم ان الانتهاء من
الدراسة الجامعية بيكون مؤثر
الا ان تصحبه فرحة بانتهاء العناء منه
والان ونحن فى الامتحان الاكبر
واللى نهايته لايعلمها الا الله
اتمنا ان نخرج منه على خير
نسعد به بحس الخاتمة وان تكون الجنة
دارنا ونتمتع بلذة النظر الى وحه الله

تحياتى

www.tadwina.com يقول...

مرحباً / موناليزا
شكراً لإهتمامكم و وقتكم لإرسال البيانات الخاصة بمدونتكم.
قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/1206
يمكنك متابعة باقى مدونات تدوينة دوت كوم على الرابط التالى:
http://www.tadwina.com
لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع.
ملحوظة: حتى يتمكن القراء في مصر والدول العربية بالاطلاع على تدويناتك المستحدثة برجاء مراسلتنا للأهمية على الايميل:
Tadwina@gmail.com
لوضع البانر الخاص بنا على الصفحة الرئيسية لمدونتك.

و لكم جزيل الشكر،
فريق عمل تدوينة دوت كوم.
http://www.tadwina.com

دعاء يقول...

اللهم ارزقنا حسن الخاتمة

صيدلانيه طالعه نازله يقول...

رجعتينا يا مونى لايام الامتحانات و الفراغ اللى للاسف محسيتهوش لانى اتجوزت بعد الامتحانات على طول
هههههههههههههههههههه
ربنا ينجحنا انشاء الله فى الاختبار الاكبر و يحسن خواتيمنا انشاء الله

akeed يقول...

النجاح فى الآخر اصعب طبعاً من النجاح فى الدنيا فعند النحاج فى الدنيا الجائزة ستكون فانية مهما كانت قيمتها و لاكن الجائزة فى الآخرة فإنها لا تفنى وانما هى خالدة فيجب ان نعمل بجد فى تحصيل اكبر قدر من الحسنات للوصول الى اعلى المراتب و لا نصاب بالحسرة عندما نعرف النتيجه.

ملحوظة: ادعوكِ لأخذ المسابقة الموجودة فى مدونتى و توزيعها ونشرها لكسب الحسنات .


دمتى بكل خير وجزاكِ الله خيرا و جعل الله هذا الموضوع فى ميزان حسناتك

د/عرفه يقول...

السلام عليكم

انا برضه بكون ضامن نجاحى فى امتحانات الدنيا

لكن فى امتحان الاخرة وهو الاهم

الموضوع صعب جدا

وهقول زى ما سيدنا ابو بكر قال
لا أمن مكر الله ولو إحدى قدمى فى الجنة

ربنا يرقنا النجاح فى الدنيا والاخرة دايما

ومعذرة على تقصيرى الفترة اللى فاتت
انا لسه بكتب من بره

ستيته حسب الله الحمش يقول...

فكرتيني با لبكالوريوس

ساعتها ظبط نفوخي اني مش ها أذاكر تاني
ويااختشي على ما الغي البروجرام واقول لعقلي فيه دراسات عليا كنت فطست
اقول له يا عقلي ها نذاكر تاني
يقول لي نو .. ابسلوتلي نوت
وفضلت احارب معاه علشان يرضى يفتح الباب سنة كاملة

ومن يومها بطلت ابرمج نفسي على شيء في اقدار الله غايب

اما عن الآخرة فطمعي مثل طمعك
اللهم إنك أعطيتنا نعمة الإسلام دون ان نتعرض لأي فتنة
فلا تفتنا في ديننا واقبضنا إليك غير فاتنين ولا مفتونين

بحبك جدا

rovy يقول...

بارك الله فيكى غاليتى
بجد مش لاقيه كلام يصف لكى حالتى و شعورى بعد قرأتى كلمالتك ..
ادعوا الله ان ييسر لنا و يهدينا للجق دائما .. ياريت كل الناس ممكن تتذكر ده و لو مره كل شهر حتى .. اكيد كانت حاجات كثير فى الدنيا حتتغير ..
اللهم ارزقنا حسن الخاتمه و صحبة الحبيب المصطفى فى الاخره و اجعلنا من احبابك المقربين و عافنا و اغفر لنا اسرافنا و تقصيرنا فى امرنا و اهدنا الى كل مااتحب و ترضاه عنا

دمتى رائعه اخت الحبيبه

خالص مودتى و ارق تحياتى

حاول تفتكرنى يقول...

يحركني دائما الموضوع دون السؤال الملحق ، أنا سؤالك هنا سأجيبه بصيغة التمني

كما كنا نتمني دوما سعي طيب ولوجه الله فى الدنيا نتمني أن يتحقق فينا قوله تعالي (والأخرة خر وأبقي )


تحياتي

fL0weR-giRL يقول...

السلام عليكم
***********
فكرتينا ب النتيجه يارب ننجح احنا بقي لسه ف الأول

عندك حق دلوقتي واحنا ف الدنيا بنخاف من نتيجه امتحان عادي اومال يوم القيامه هنبقي عاملين ازاي

انا لما كنت ف الثانوي كنت بجيب النتيجه وكان كل اصحابي مرعوبين فبقول لماما ف نتيجه ف الدنيا مرعوبين منها اومال لمي نستني نتيجه الحصدناه ف الدنيا هنبقي عاملين ازاي
ونتيجه الأخره هي ال هدوم لكن نتيجه ف الدنيا مرحله وهتعدي .........

تقبلي مروري***

salwa يقول...

السلام عليكم اخت موناليزا
الحمد لله لانتهاء فترة الدراسة و لكي اطيب التمنيات بالنجاح ان شاء الله
يا رب اعننا على طاعتك و حسن عبادتك و اجعلنا من الصالحين
اكتفي بهذا
سلام

THE illusionist يقول...

موضوع حضرتك حلو قوى
بيفكرنى برضه ايام ما خلصت الثانوى
انا حاليا فى هندسه
العن واضل
بس حسيت الشعور ده
لما فضيت حبتين
بس الصور برضه تحسى انها انذار
انت فاضى اينعم
واعمل اللى انت عايزه اوكى
بس برضه
وقتك بيرجرى من غير فايده خالص
لازم استثمره
دى مصيبه تانيه
الواحد مبيعملش حسابه فيها
بس اكيد اكيد
ممكن نشتغل صح
زى ما كنا مجتهدين فى الصغر
العقبات بتزيد لما نكبر
بس قدرتنا على الاجتهاد بتزيد
ومساء الخير

ويبقى الأمل يقول...

أمة الله
=====
ما شاء الله مثال رائع للتذكير

والأروع أن نستجيب وأن نتساءل

وياحبذا لو أجبنا وتأكدنا من إجابتنا

ونسأل الله أن يتغمدنا برحمته

======
بوركتي

Butterfly يقول...

ياااه هو فى حد بيحب المذاكره !!!
اه أنا بحب أذاكر بس الحاجه اللى حباها
ومفيش حاجه فى الدراسه بحبها ههههههه
المهم أكيد موضوع الدنيا أصعب بكتير على الأقل لو حصل وفشلنا فى الديا بيبقى لسه عندنا فرصه نجرب تاى
لكن فى موضوع الموت لأ .!

موناليزا يقول...

الازهرى
ــــــــــ
اهلا بيك يافندم
ربنا ينجحك يارب وباعلى تقدير كمان
ربنا يتقبل دعائك اللهم امين
اشكرك جدا لمشاركتك



***********************************



ذكرى رحيل قلم
ــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
:) سبحان الله فكرتينى بنفسى بس مع اختلاف الموقف لانى كنت ضد فكرة العمل وسبحان الله جالى اكتر من شغل - نتيجة قلة وجود تخصصى- بعد ظهور النتيجة مباشرة وكنت بختار بينهم كمان واشتغلت فعلا فى وقت قياسى جدا:)
دلؤتى بقى انا عايزة اشتغل ومش عارفة الاقى حاجة مناسبة عااااااا:(

ربنا يكرمك ياحبيبتى ومنورانى دايما



**********************************



عاشقة الاحزان
ــــــــــــــ
وعليكم السلام ورحمة الله وبركاته
اختى الحبيبة: صح المهم النتيجة فى الآخر
نورتينى انوسة الجميلة واشكرك جدا لتعليقك



*******************************




رامى واصل
ــــــــــ
اهلا بيك استاذ رامى
ربنا يسمع منك وندخل كلنا الجنة اللهم امين
اشكرك جدا لمشاركتك





*********************************




أ. سمير
ــــــــ
اهلا بيك يافندم
تعرف المفروض نفكر دايما فى كده امتثلال لامر رسولنا الحبيب صلوات الله وسلامه عليه حينما قال"اكثروا ذكر هادم اللذات"
اشكرك جدا لمشاركتك




********************************



محمد غالية
ــــــــــــ
اهلا بيك استاذ محمد
اللهم ارزقنا رضاك والجنة
وعلينا دائماً ان نتذكر قول الحق"كل نفس بما كسبت رهينة"
اشكرك جدا لمشاركتك




*********************************



مجداوية
ــــــــ
وعليكم السلام ورحمة الله وبركاته
اختى الحبيبة:اهلا اهلا بصوت الحق
اه والله كانت ايام جميلة:)
نورتينى حبيبتى وسعيدة بتواجدك



*********************************



اليس فى بلاد العجائب
ـــــــــــــــــــــ
اختى الحبيبة:عندك حق فعلا
واضح ان مفيش راحة فى الدنيا
ربنا يكرمك يارب ويتقبل دعائك اللهم امين
نورتينى حبيبتى الجميلة وسعيدة بتواجدك




*********************************



ملكة بحجابى
ـــــــــــــ
اختى الحبيبة: ربنا يكرمك يارب ويتقبل دعائك اللهم امين
نورتينى اميرة الجميلة وسعيدة بتواجدك




**********************************



ام احمد المصرية
ـــــــــــــــــ
اختى الحبيبة: يارب يسمع منك وندخل الجنة صحبة اللهم امين
نورتينى حبيبتى وسعيدة بتواجدك




*********************************



ام مالك
ــــــــــ
اختى الحبيبة: انتِ تنورينى دايما ياقمر ومهما كان رقم التعليق:)
فعلا كلنا نتمنى هذا ويبقى رجاءنا فى الله
نورتينى حبيبتى وسعيدة بتواجدك




**********************************



تدوين دوت كوم
ـــــــــــــــ
اهلا وسهلا
تشرفنا بزيارتكم




*********************************

موناليزا يقول...

دعاء
ـــــــ
اختى الحبيبة:ربنا يتقبل دعائك اللهم امين
نورتينى دعاء الجميلة وسعيدة بتواجدك




*********************************



صيدلانية طالعة نازلة
ـــــــــــــــــــ
اختى الحبيبة: ربنا يباركلك فى حياتك ويتقبل دعائك اللهم امين
نورتينى حبيبتى وسعيدة بتواجدك




**********************************



اكيد
ـــــــ
اهلا بيك يافندم
ربنا يكرمك ويتقبل دعائك واشكرك جدا لتعليقك ولدعوتك الكريمة




*******************************



د/ عرفة
ـــــــــــ
وعليكم السلام ورحمة الله وبركاته
اهلا بيك يادكتور
ربنا ينجحك وييسرلك جميع امورك
اشكرك جدا لمشاركتك




**********************************



ستيتة حسب الله الحمش
ـــــــــــــــــــ
اختى الحبيبة:اهلا اهلا بنبض الحكمة
فكرتينى بنفسى بعد التخرج قلت استحالة هذاكر تانى:)
لكن دلؤتى فيه محاولات يمكن عقلى يقتنع:)
ربنا يعزك ويتقبل دعائك واحبك الذى احببتنى فيه
وانا كمان بحبك جدا
نورتينى غاليتى وسعيدة بتواجدك




*********************************



روفى
ــــــــ
اختى الحبيبة: ربنا يعزك يارب ويتقبل دعائك اللهم امين
دايما رقيقة فى كلماتك وفى تعليقك
نورتينى روفى الجميلة وسعيدة بتواجدك





**********************************



حاول تفتكرنى
ــــــــــــــ
اهلا بيك يافندم
الله عليك
اشكرك جدا لمشاركتك



********************************



فلور جيرل
ــــــــــ
وعليكم السلام ورحمة الله وبركاته
اختى الحبيبة:ربنا ينجحك يارب ويوفقك دايما
وفعلا احنا المفروض نفكر كده دايما عشان مانتلهيش فى الدنيا عن اخرتنا
نورتينى حبيبتى ويسعدنى مرورك



**********************************



سلوى
ــــــــ
وعليكم السلام ورحمة الله وبركاته
اختى الحبيبة:ربنا يكرمك ويتقبل دعائك اللهم امين
نورتينى سلوى الجميلة وسعيدة بتواجدك




*********************************




زا اليونيست
ـــــــــــــــ
اهلا بيك يافندم فى زيارتك الاولى
ربنا يكرمك واشكرك جدا لرايك
ربنا يوفقك يارب
نورت مدونتى واشكرك جدا لمشاركتك
ومساء النور يافندم




********************************



ويبقى الامل
ــــــــــ
اهلا وسهلا فى زيارتك الاولى
تعليق بليغ اشكرك عليه
نورت مدونتى وارجو دوام التواصل



*********************************




بيترفلاى
ــــــــــ
اختى الحبيبة: أنا ياستى:) عشان تعرفى بس ان من يومى غريبة:)
ربنا يوفقك دايما يارب ويرزقنا جميعا الجنة اللهم امين
نورتينى ياجميلة وسعيدة بتواجدك

ريمان يقول...

كتير اوى بفكر فى الموضوع ده


ونفسيتى بتتعب اوى


ربنا يرزقنا الجنه وينجينا من النار

kimo يقول...

السلام عليكم ورحمه الله وبركاته
تعرفي ان الاحساس بيكون جميل
لما تشرحي منهج لطلبه
وهما بيمتحنوا
كأنك انت اللي بتمتحني
ولما بينجحوا
فرحتك اكتر منهم
بان ربنا قدرك
ان تعملي حاجه
حلوه
تقبلي مروري
وأسأل الله لي ولكي ولكل المسلمون
النجاح والتوفيق
في الدنيا والدين

جنّي يقول...

السلام عليكم

احسنت التشبيه

هي مراحل يعيشها الانسان في كبد والفرحة الكبرى بالاسلام والقرآن ..ويوم نلقى الله وهو راض عنا ..

{قُلْ بِفَضْلِ اللّهِ وَبِرَحْمَتِهِ فَبِذَلِكَ فَلْيَفْرَحُواْ هُوَ خَيْرٌ مِّمَّا يَجْمَعُونَ }يونس58

حتى تشرق الشمس يقول...

السلام عليكم ورحمة الله وبركاتة
ربنا يكتب لك النجاح فى كل شئ فى الدنيا والاخرة حبيبتى
ربنا يكرمك يا رب على التذكرة
دمت بالف نجاح

حاسوباتيه يقول...

ده الاختبار الي احنا مخلوقين علشانه يارب كلنا ننجح فيه يارب امين

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياكم الله وبياكم اخوانى وأخواتى وجعل الجنة مثواى ومثواكم وسدد على طريق الحق خطاى وخطاكم .
لفت نظرى كلام حضرتك فى الأول لما قلتى إنك الحمدلله كنت متفوقة من صغرك عشان كدة كنتى الى حد ما بتبقى مطمنة وانتى مستنية النتيجة ، من المنطلق دا انا عاوز كل واحد فينا يسأل نفسه سؤال ( مذا قدمت لدين الله ) ؟
أذكركم أخوانى وأخواتى إن الحياة ومشاغلها وخدانا أوى أوى وكلنا إلا من رحم ربى ليس لهم هم إلا كسب العيش ودا مش غلط لكن يا أخى ويا أختى لا تنسى دين الله.
اللهم أظلنا فى ظلك يوم لا ظل إلا ظلك ، اللهم وأدخلنا الجنة بغير حساب وإحشرنا اللهم مع النبيين ولاصديقين والشهداء وحسن أولئك رفيقا .
سبحان ربك رب العزة عما يصفون وسلام على المرسلين والحمدلله رب العالمين
سبحانك اللهم وبحمدك أشهد أن لا إله إلا أنت أستغفرك وأتوب إليك

ابو صهيب ( الجمعاوي الاصيل)سابقاً يقول...

السلام عليكم ورحمة الله وبركاته

للاسف طول ما احنا في الجامعة او في مراحل التعليم المختلفة بيبقى نفسنا نخلص وننطلق فانا كنت اشعر هذا الشعور العام الماضي


ولكن
بعد ان تنهي حياتك الجامعية ونتطلق في سوق العمل والمسئولية والضغط تتمنى ولو تعود ليوم واحد من ايام الجامعة لا بل لايام الطفولة التي ضاعت من بين يديك فانت لم تكن تحمل اي مسؤليات

لم تكن مطالب باي التزامت

فهل يمكن ان يعود الزمان
لذلك ادعوا كل من لم ينهي حياته التعليمية ان يتمتع بها جيداً بشرط ان تكون في طاعة الله

ودمتم بخير

المهاجر يقول...

على فكره أنا كمان خلصت مأسبوعين تقريبنا ولكن أرى أن الشعور بالإنتهاء
من العناء ولكن سنجد أنفسنا بعد فترة حن لايام التعليم لاننا نفتقدها كعادة

شكرا على البوست وبارك الله فيك

وردة يقول...

بصي انا كنت زيك كده اول ما خلصت
وحسيت ان هم تقيا انزاح من علي قلبي
بس بعد كده حسيت بالمسئولية
ايام الدراسة كنت مسئولة عن نجاحي وبس
دلوقتي انا مسئولة عن نفسي تقريبا كليا
او بحاول اكون مسئولة
فحسيت اد ايه انا كنت في نعمة
بس نرجع ونقول كل مرحلة وليها جمالها ورونقها
ربنا يوفقك في حياتك الجاية ان شاء الله
اتمنالك كل الخير
سلام

هديـــل الـروح يقول...

السلام عليكم

حبيبتى أمة الله مبارك عليك النتيجه وربنا يوفقك وتستطيعى استغلال وقت فراغك فيما يفيد ..

للأسف كلنا اتلهينا بامتحانات الدنيا وهم النتيجه وعلشانها بنضحى بكل شئ ونسينا ان فيه امتحانات اكبر ونتيجه أعظم هتحدد مصيرى الأبدى مصير الخلود يا ترى مع المؤمنين والصالحلين بقائى أم غيرهم احساس صعب العمر فعلا بينتهى ولازم نلحق نفسنا بأى عمل صالح حتى لو كان صغير وألا نحقر من المعروف شيئا ممكن ده اللى يرفع درجاتنا عند ربنا .. ربنا يهدينا ويوفقنا لصالح الأعمال

nour shahen يقول...

ربنا يخليكى لينا علي الطريقه الجميله فى التذكير بفضل الله ويا ريت نحاول نلحق اللي فاضل من عمرنا ان كان باقى فيه اصلا محدش عارف

بس مش دايما بيكون الالتزام والمحافظه علي الطابور المدرسى اجتهاد ... ساعات بيكون التزام بالقوانين ليس اكثر ودا طبعا وجهة نظر حد فاشل ملهاش علاقه بيكى بتاتا هههههههههه

تحياتى ليكى

موناليزا يقول...

ريمان
ــــــــ
اختى الحبيبة: ليه بس نفسيتك بتتعب خلى عندك حسن ظن بالله:)
نورتينى ريمو الجميلة وسعيدة بتواجدك




***********************************


كيمو
ـــــــ
وعليكم السلام ورحمة الله وبركاته
اهلا بيك يافندم
وده نوع تانى من انواع النجاح وهو نجاحك فى عملك اللى برضه اجتهدت فيه
اللهم تقبل منا ومنكم صالح الاعمال
ونسأل الله ان يجعل اعمالنا كلها خالصة لوجهه تعالى اللهم امين
اشكرك جدا لمشاركتك




***********************************



جنى
ـــــــ
وعليكم السلام ورحمة الله وبركاته
اهلا بيك استاذ سعيد
الحمدلله فماتوفيقى الا بالله:)
ربنا يكرمك يارب
بيعجبنى دايما فى تعليقك استشهادك بآيات من الذكر الحكيم
ربنا ينفعنا بعلمك دايما
اشكرك جدا لمشاركتك



**********************************




حتى تشرق الشمس
ــــــــــــــ
وعليكم السلام ورحمة الله وبركاته
اختى الحبيبة:ربنا يكرمك ويتقبل دعائك اللهم امين
نورتينى حبيبتى وسعيدة بتواجدك




*********************************




حاسوباتية
ــــــــــــ
اختى الحبيبة: وياريتنا ندرك ده دايما
ربنا يتقبل دعائك اللهم امين
نورتينى ياجميلة وسعيدة بتواجدك



********************************




هكذا علمنى سيدنا محمد صلى الله عليه وسلم
ــــــــــــــــــــــــــــــــ
وعليكم السلام ورحمة الله وبركاته
اهلا بيك يافندم
أحييك على ملاحظتك لان لولا اجتهادى ماكنت اطمئننت للنتيجة
ربنا يكرمك على تعليقك ويتقبل دعائك اللهم امين




*******************************



ابوصهيب
ـــــــــ
وعليكم السلام ورحمة الله وبركاته
اهلا بيك يافندم
لكل مرحلة ولها جمالها وعلينا ان ننظر لمستقبلنا ونحاول جاهدين النجاح فيه بدل من التحسر على ايام مضت ولن تعود ابداً
اشكرك جدا لمشاركتك



********************************




المهاجر
ـــــــــ
اهلا بيك يافندم
طيب واخبار شعورك بالنتيجة ايه؟
ربنا يوفقك دايما
واشكرك جدا لمشاركتك



***********************************



وردة
ـــــــ
اختى الحبيبة:اهلا اهلا بالقمر
فعلا لكل مرحلة ولها جمالها بس المهم فى كل مرحلة نبذل اقصى جهدنا لننول النجاح الذى نبغاه
نورتينى وردتى الجميلة واشكرك جدا لتعليقك



********************************




هديل الروح
ـــــــــــــ
وعليكم السلام ورحمة الله وبركاته
اختى الحبيبة: رغم انها متأخرة شوية بس الله يبارك فيكِ وماتحرمش منك ابداً:)
عاجبنى تعليقك جدا واشكرك عليه
نورتينى حبيبتى وسعيدة بتواجدك




**********************************




نور شاهين
ـــــــــــ
اختى الحبيبة:اهلا اهلا بالقمر
ربنا يكرمك يارب فماتوفيقى الا بالله
وفعلا محدش ضامن عمره وعشان كده لازم نجتهد اكتر من كده بكتييير

هى نظرية برضه بس انا كان لازم الحق الطابور عشان كنت بقدم دايما فى البرنامج الازاعى:)
نورتينى نور الجميلة وسعيدة بتواجدك

مصعب صلاح يقول...

السلام عليكم
لسه الشعور دا ما جليش

فعلا الايام بتاعة الدراسة ما تتعوضش

كلمات من نور يقول...

سبحان الله فعلا نقلق على نتايجنا وامتحاناتنا ونتسائل يا ترى حيقدروا جهدنا ؟ يا ترى التصحيح حيكون بضمير والا اطلع بمقبول في المادة اللي موت نفسي فيها و اجيب جيد جدا في المادة الللي كتبت فيها أي كلام واخترعت.........ونتناسى اكبر امتحان نجتازه في الحياة

يارب اجعلنا عالصراط المستقيم واجعل الجنة هي دارنا

بوست بجد جميل يا فتاتي ...ربي ينجحنا هنا وهناك بإذنه ورحمته

أحمـــــــــــــد أبو العلا يقول...

في حياتنا امتحانات كتيره بنوليها اهتمام غير عادي وبننسى الامتحان الأكبر, امتحان الحياه

لو خلينا كل امتحاناتنا وسيله لنجاحنا في الامتحان الكبير حياتنا هتكون أحسن وهنفوز بالآخره ان شاء الله

سبهللة يقول...

إجابتى على سءالك المهم جدا هو الاية القرانية دى
"فمن يعمل مثقال ذرة خيرا يره ومن يعمل مثقال ذرة شرا يره"

عجبنى دعائك اوى
اللهم أنك أعطيتنا الإسلام دون أن نطلبه فلا تحرمنا من الجنة ونحن نطلبها.
آمييييييييين

hinger يقول...

بس انا بكون مقصر ايام امتحاناتى ومكنتش بنحضر المحاضرات كلها
ممكن يكون البب انى كنت عاوز ادخل كلية تانية
حقيقى مكنتش بحب الكلية كدراسة ولكنى كنت احب الناس اللى فيها
يارب ماتوهش كده فى الاخرة
لان الهدف واحد هذه المرة

موناليزا يقول...

مصعب صلاح
ـــــــــــ
وعليكم السلام ورحمة الله وبركاته
اهلا بيك استاذ مصعب
غريبة!!
يعنى معقول بعد كل امتحان بتدخله مش بتبقى متوقع نتيجتك؟
اشكرك جدا لمشاركتك




*********************************






كلمات من نور
ــــــــــــــــ
اختى الحبيبة:ربنا يكرمك ويتقبل دعائك واشكرك جدا لرايك
نورتينى حبيبتى وسعيدة بتواجدك




*********************************





احمد ابو العلا
ـــــــــــــــ
اهلا بيك استاذ احمد
صح كلامك جدا
اللهم اجعل طاعتك احب الاعمال الى قلوبنا
اشكرك جدا لمشاركتك







**********************************







سبهللة
ـــــــــ
اختى الحبيبة:خير الاستشهاد ياجميلة
ربنا يكرمك واشكرك جدا لمشاركتك
نورتينى حبيبتى وسعيدة بتواجدك







***********************************












هنجر
ــــــــ
اهلا بيك يافندم
مهما كان السبب فى عدم مذاكرتك فالنتيجة هتكون واحدة
فلكل مجتهد نصيب
ولذلك وجب علينا الاجتهاد فى ديننا و تسخير دنيانا للوصول الى مانبغيه فى الاخرة
اللهم أعنا على ذكرك وشكرك وحسن عبادتك
اشكرك جدا لمشاركتك

masrur يقول...

تذكرت ايام زمان مع اني ما كنتش بذاكر كنت اول ما افتح الكتاب اسرح في اي حاجة.. زمان خالص بقا كنا بنسمي اجازة اخر السنة الاجازة الكبيرة وانا كنت فاكرها كبيرة فعلا..
لما كبرت اكتشفت انها لا كبيرة ولا حاجة انا اللي كنت صغير.. والله انا مش عارف بقول ايه.. المهم من جد وجد
الدنيا كلها اختبار ومافيهاش دور ثاني.. تحياتي لك
يسعدني اضافة مدونتك عندي

MaNoOoSh يقول...

الدنيا هي اكبر واصعب امتحان للانسان

وحقيقي لازم يعمل لاخرته على قد ما يقدر
بس مش عارفة ليه الناس مفتونين بالدنيا للدرجدي؟
مع ان عمر ما حد عاش فيها واتخلد

Heba Sayed يقول...

السلام عليكم ورحمة الله

ازيك ياجميل؟ عاملة ايه؟

معلش انا مقصرة انا عارفة

سامحينى بجد انا مستغناش عنك

الموضوع جميل جدا

والواحد فعلا لازم يحضر حاجة للاخرة لكن كلنا بلا استثناء بننظر للدنيا ومافيها لان هى معاشنا واجرى يا ابن ادم جرى الوحوش غير رزقك لن تحوش

اتمنى ان يرزقنا الله حسن الختام وحفظ القرآن عن ظهر قلب ودول جنة الفردوس والاقامى فيها اقامة دائمة ورؤية وجه الله الكريم فرحا باعمالنا جميعا واللقاء بسيدنا محمد صلى الله عليه وسلم

وميرسى و جزاكم الله خيرا على موضوعك الجميل

Mr.Hazem يقول...

وها أنا الآن فى آخر يوم لى فى الجامعة كطالبة.
وداعاً للسهر والمذاكرة ولقلق الإمتحانات وانتظار النتيجة

يااااه ما احلاه من يوم
بجد ما في اروع منه , وانا حسيت فيه قبل حوالي شهرين او تلاته من الان , خصوصا بعد ما طلعت اخر علامة عندي
وخصوصا كمان أني كنت ادرس كلية صعبة (كلية الحقوق) , وبعد النتيجة والتخرج حسيت حالي طاير من الفرحة :)
ربنا يوفقك ويحققلك أحلامك
وسعيد جداً بمرورك الأول بمدونتي
أتمنى رؤيته دائماً
مع ودي

موناليزا يقول...

مسرور
ـــــــ
اهلا بيك استاذ مسرور فى زيارتك الاولى
فعلا معندناش دور تانى فى حياتنا هى مرة واحدة بس
اللهم انا نسألك حسن الخاتمة
نورت مدونتى ويسعدنى زيارتك واضافتك لمدونتى









**********************************







منوش
ــــــــ
اختى الحبيبة:ما هو الشيطان لازم يزينها لينا ويعطينا طول امل وان الموت ده حاجة بعيدة رغم ان محدش ضامن عمره ولا حتى لبكرة
اللهم لا تجعلنا فى هذه الدنيا من المفتونين
نورتينى منوشة الجميلة وسعيدة بتواجدك





*********************************





هبة سيد
ــــــــــ
وعليكم السلام ورحمة الله وبركاته
اختى الحبيبة:انا الحمدلله بخير ازيك انتِ ياقمر
انتِ تنورينى فى اى وقت ماتحرمش من ذوقك ياجميلة

اشكرك جدا لرايك وربنا يتقبل دعائك اللهم امين
نورتينى هبة الجميلة وسعيدة بتواجدك




********************************





مستر/ حازم
ـــــــــــــ
اهلا بيك استاذ حازم
يارب كلنا نشعر بالفرحة دى يوم لقاء الله
ربنا يكرمك واشكرك جدا لمشاركتك
يسعدنى زيارتك دائما

حارة سد يقول...

قبل كل شيء وبدايء ذي بدء يجب ان نحمد الله ان اصطفانا من المسلمين ..فكفانا فخرا أنه ربنا وان اختار الاسلام لنا دينا

ونحن من نختار كيف ستكون النهاية ...حتى نعبر من امتحان ذاك اليوم العصيب

الحارة سد

شيماء زايد يقول...

لاننا بنحب النتايج السريعه
ربنا يرزقنا النجاح في الدنيا والاخره

MOHAMMED ELBANNA يقول...

موناليزا
جزاكي الله خيراً على التذكرة الجميله .
ربنا يرزقنا الجنه ...آميـن
دمتى متألقه بمواضيعك .
محمـد البنا
طريق النجاح

حياتى نغم يقول...

السلام عليكم / كيفك أمة الله :)
جزاكِ الله خيراً على التذكرة جعلنا الله جميعاً من الفائزين الناجحين آمين .

جمعية مفاتيح الفرج يقول...

السلام عليكم و رحمة الله و بركاته:
اللهم هون علينا امتحان الآخرة ...اللهم أدخلنا الجنة بلا حساب ولا عذاب ...سلمت يداك علي هذا الموضوع وزادك الله علما وأدخلنا و إياكي جنة النعيم...

محمد عبد الباسط يقول...

عندك حق
الدنيا مرزعة الاخرة

جزيتم خيرا على الخاطرة الرائعة واسال الله ان يثبتنا ويلهمنا الخير ويجعل مثوانا الجنة

دمتم بخير

حلم كبير

زى الهوا يقول...

ياااااااااارب يكون نهايتها نجاح

سؤال صعب ياموناليزا , ربنا يثبتنا ويرزقنا بالنجاح

Hossam يقول...

صديقتى موناليزا
انا متاكد ان ربنا هيديكى ثواب على كل واحد هيخش وهيرقا الموضوع الرائع خصوصا الصور وفعلا اما حركتها حسيت ان اللى مش مع ربنا صعب اوى حياتة اللى بتجرى هباء
وحشتنيى جدا بجد
*********************************
عايز اطلب منك طلب وهو ازاى عاملة البوكس الى بيوقل اتساذن صاحب الحاجة قبل متخدها
ارجوكى محتاجة جدا
تحياتى صديقتى

elsha3er يقول...

السلام عليكم

زى ما فعلا الواحد بيفرح لما يخلص بس دلوقتى بقى الهم اكبر فى التفكير حشتغل ولا لا وحشتغل اية وبكام الدنيا تلاهى


تحياتى

احمد الشاعر

موناليزا يقول...

حارة سد
ـــــــــــ
اهلا بيك يافندم
الف حمد وشكر ليك يارب ان جعلتنا مسلمين
عندك حق
ربنا يكرمك واشكرك جدا لتعليقك




*********************************




شيماء زايد
ــــــــــــ
اختى الحبيبة:لهلا اهلا بالقمر بعد طول غياب
مع ان يوم القيامة قريب جداً ولكن الغالبية لا يدركون ذلك
نورتينى حبيبتى وسعيدة بتواجدك






*********************************




محمد البنا
ــــــــــ
اهلا بيك استاذ محمد
ربنا يكرمك ويتقبل دعائك اللهم امين
اشكرك جدا لمشاركتك




*********************************




حياتى نغم
ـــــــــــ
وعليكم السلام ورحمة الله وبركاته
اختى الحبيبة: انا الحمدلله بخير كيفك انتِ ياجميلة؟
ربنا يكرمك ويتقبل دعائك اللهم امين
نورتينى حبيبتى وسعيدة بتواجدك




**********************************




جمعية مفاتيح الفرج
ــــــــــــــــــــــ
وعليكم السلام ورحمة الله وبركاته
اهلا وسهلا
ربنا يكرمك ويتقبل دعائك الللهمم امين
نورت مدونتى واشكرك جدا على تعليقك




*********************************




محمد عبد الباسط
ـــــــــــــــــ
اهلا بيك استاذ محمد
ربنا يكرمك ويتقبل دعائك
واشكرك جدا لرايك ولمشاركتك




*********************************




زى الهوا
ـــــــــــــ
اختى الحبيبة: اهلا اهلا بالقمر
ربنا يسمع منك يارب وندخل الجنة بلا حساب
نورتينى حبيبتى وسعيدة بتواجدك



*********************************



حسام
ـــــــ
اهلا بيك استاذ حسام
بداية رجاء خاص ما تقوليش "صديقتى"
الحمدلله الذى هدانى الى هذا وربنا يكرمنا جميعا ويهدينا دايما لما يحبه ويرضاه
اشكرك جدا لرايك
ماتشوفش وحش بس ياريت ما تقوليش وحشتينى تانى
======
تحت أمرك يافندم ده عبارة عن كود بتضعه داخل المدونة تحت بند اكواد الجافا لو تحب ابعتهولك سيبلى الايميل الخاص بيك لانه مش بينفع يتبعت فى التعليقات



**********************************



الشاعر
ـــــــــ
وعليكم اللام ورحمة الله وبركاته
اهلا بيك استاذ احمد
معاك حق الدنيا تلاهى وعشان كده عايزين ناخد بالنا قبل ما الوقت يفوت من غير ما نعمل حساب اخرتنا
ربنا يرزقنا جميعا الاخلاص فى القول والعمل
اشكرك جدا لمشاركتك

نسيبه يقول...

السلام عليكم ورحمة الله وبركاته
فعلا ده إحساس رائع الراحة بعد التعب أحسه وأتذكر الراحه في الآخرة لما ربنا يمن علي بيوم تعب في سبيل الله ويكون تعب من نوع خاص بعدها أقول ربنا يتقبل متي الراحة؟
اللهم إجعلنا من الفائزين يوم القيامة

موناليزا يقول...

نسيبة
ـــــــ
وعليكم السلام ورحمة الله وبركاته
اختى الحبيبة:اهلا اهلا بالغالية
حقاً ما اجمل الراحة بعد عناء وتعب
دمتِ سالمة وبخير
اللهم اجعلنا اهلا لدخول جنتك اللهم امين
نورتينى حبيبتى وتسعدينى دايما بتواجدك