الجمعة، 17 يوليو، 2009

صراع

نظرت إليه "غادة" بعينين حائرتين ولم تدري ماذا تقول.. ففي هذه اللحظات كان يدور صراع بين عقلها وقلبها.. يحاول كلاً منهما أن يفرض سيطرته على الآخر ، وغادة في إنتظار أن ينهزم أحدهما أمام الآخر حتى تعلم النتيجة، ومن ثم تستطيع الرد.
العقل مستنكراً للقلب: هل تحبيه؟.
يرد القلب بكل خجل: أتلهف لرؤيته.
العقل: هل تحبيه؟.
القلب: أسعد بوجوده.
العقل: سؤالي واضح هل تحبيه؟
القلب: أشتاق لكلماته، أشعر بنبض قلبه.
العقل: يعني مش قادرة تقوليها صراحة إذا كنت ِ بتحبيه أو لأ. تفتكري ده معناه إيه؟؟.
القلب:(صمت)
العقل: وصديقتك حبه الأول؟.
القلب: لقد تزوجت.
العقل: ولكنها لا تزال داخله ولن يستطيع نسيانها.
القلب بكل تحدي: لقد نسيها.
العقل: أنه يتناساها بكِ.
القلب: أنه يحبني.
العقل: كان يحبها.
القلب: لقد نسيتها له.
العقل: سينساكِ أنتِ أيضاً.
القلب: سأعمل على الإحتفاظ به إلى الأبد.
العقل: هل ستقاطعين صديقتك؟.
القلب : إنها تزوجت ولم أعد أراها.
العقل: بس أكيد هتعرف ووقتها هل ستتحملين نظرتها لكِ؟.
القلب بلا مبالاة : سيتزوج على أية حال سواء أنا أو سواي.
العقل: لست أنتِ من يتزوجها.
القلب بكل ألم: ليه؟؟؟.
العقل: من أجل صديقتك.. أتحبين أن تكوني في نظرها خائنة.
القلب مدافعاً عن نفسه: لا.. لست خائنة كم تمنيتهما لبعض، وهى تعلم ذلك جيداً .. لم أفكر فيه مطلقاً أثناء إرتباطهما.
العقل: والآن ماذ حدث؟.
القلب بكل ضعف: جعلني أحبه.
العقل: جعلها تحبه من قبل.
القلب: الظروف حالت دون إرتباطهما.
العقل: والآن إنقشعت؟؟!!.
القلب بكل أنانية: لا يهمني ..المهم أنه طلب الزواج مني.
العقل: وما ظروف عدم إرتباطهما؟.
القلب: لا أعلم.
العقل: لماذا لا تعلمي؟.
القلب: لم يخبرني فهو يتجنب التحدث في هذا الموضوع.
العقل: إذن هذا سر بينه وبينها ولهذا لن يخبرك أبداً.
القلب: أعلم مكانتها عنده ومكانته عندها ولكن..
قاطعها العقل قائلاً: أين كرامتك؟؟.
القلب: لا كرامة في الحب.
العقل: أصون كرامتي من قبل حبي .
القلب متألماً: لو رفضت هتعذب وهاعذبه.
العقل: لقد عذب صديقتك كثيراً وجرحه في قلبها لا يزال موجود ولكنه خامد فلا تحاولي الضغط عليه.
لا تبني سعادتك على ألام الأخرين، أما أنتِ فلا زالت أمامك الفرصة فها أنا أقذف أليكِ بطوق النجاة قبل أن يصعقك تيار اندفاعك.
القلب : بتحكم عليَّ بالإعدام.
العقل: الموت أحسن من آلام ممكن تستمر العمر كله.
القلب راضخاً: عليَّ إذن أن أجد لروحي عزاء ولنفسي دواء.
"تتجوزيني يا غادة" يعيدها على مسامعها مرة ثانية فهي مازالت صامتة.
نظرت إليه دامعة ولكنها حاولت الثبات قائلة: وصديقتي أعمل فيها إيه؟.
- صديقتك تزوجت، وأصبحت لها حياتها.
- لن أسامح نفسي.. أنت تعلم بمشاعري تجاهك ولكني لن أستطيع الإرتباط بك.
- هل تتنازلين عني بهذه البساطة؟. هل تضحي بحبنا من أجل وهم؟؟!
- ليس وهم.. أنت تحبها وهي تحبك رغم إفتراقكما عن بعضكما البعض، وأنا لن أحتمل هذا الشعور بمشاركتي أحداً قلبك.
- هذا سبب غير منطقي خيالك نسج لك هذا الوهم وأنتِ صدقتيه.
- أحسبها كما تريد.
- يعني ده آخر كلام عندك.
- أنا أخذت قراري ومش هرجع فيه.
ينظر إليها ساخطاً ويتركها ويرحل. وانهارت "غادة" باكية.
القلب باكياً للعقل: خلاص .. ارتحت؟؟.
العقل محاولاً التخفيف: غداً ستنسي.
القلب: عمرى ما هنسى.
العقل: أي ألم يبدأ كبير ثم يتلاشى.
القلب معاتباً: لقد حطمتني.
العقل: أنا خايف عليك
القلب: أنه يحبني.
العقل: لو بيحبك هيرجع تاني.
القلب: ولو ما رجعش؟؟؟
العقل: يبقى ما بيحبكيش وما يستاهلش دموعك.
القلب: أريد أن آراه.
وقبل أن تستمع إلى صوت العقل نهضت "غادة" سريعاً لتراه لآخر مرة، ولكنها لم تعثر له على أثر. لقد أختفى وكأنه لم يكن معها منذ لحظات.
وهنا لم تستطع كتمان آهة ألم خرجت منها رغماً عنها.
-تمت-.
******************
* ما أصعب أن يختلف العقل والقلب ويفوز أحدهما على الآخر. وما أجمل إتفاقهما.
سؤال جانبى:
# هل ممكن ترتبط بشخص كنت تعلم مسبقاً أنه حبيب صاحبك؟.
*************************
على الهامش
ــــــــــــــــــــ
أدعوكم لزيارة هذا الرابط والاستماع إلى قصة إسلام مسيحية.
الحمدلله أن جعلتنا مسلمين.

هناك 52 تعليقًا:

ماما أمولة يقول...

ازيك يا حبيبتي

بدون اتفاق العقل والقلب لن تستقيم الحياة

والسؤال بتاعك دا صعب لكن شفت اجابته امام عيني لاناس كنت اعرفهم ولكن للاسف بينتهي بالفشل

لاسباب كثيرة جدا اولها عدم الثقة المتبادلة التي تتولد بينهما

والغيرة والشك واخيرا الفراق

تقديري لك حبيبتي

fL0weR-giRL يقول...

السلام عليكم
************
جميله جدا فعلا دايما العقل والقلب بيكونوا علي صراع مع بعض واحيانا بيكون الأنسان ف حيره لانه عايز حاجه عايزها احساسه ولكن عقله بيقوله لا الحاجه دي غلط

بس احيانا القلب بيغلط وبيودي الواحد ف داهيه

واحيانا احاسيس الشخص بتنحاز نحو الغلط فا العقل لو مشينا وراه الواحد اكيد هيكسب كتير كل شئ با العقل بيمشي

__مش ممكن طبعا افكر ف واحد كان بيحب واحده صحبتي وممكن كمان يكون لسه متعلق بيها لان الواحد مابينساش بسهوله خاااااااااالص فتكون دايما بينا وممكن تحصل مشاكل واخصره واخصر صديقتي مثلا لو زرتنا مره ف البيت هفضل طول الجلسه مرقباهم وبعد ماتمشي هتخانق معاه ايوه حنيت لحبك القديم فنتلاشي المشاكل احسن ابعد عن الشر وغنيله

**تقبلي مروري**

حتى تشرق الشمس يقول...

السلام عليكم ورحمة الله وبركاتة
هكون مبسوطة جدا لو كنت اناالتعليق التانى
المهم انت
وحشتيييييييييييييييييييييييييييينى
جداااااااااااااااااااااااااااااااا
بجد
وقصة جميلة جدااااا
تسلم ايدك
والصح اللى هى عملتة
لانها هتعيش طول حياتها فى نار
انى احبك فى الله حبيبتى
دمت بالف خير

EMMY BABY يقول...

الله عليكى يا موناليزا جميل اوى الحوار

فعلا اصعب صراع هو الذى يدور بين قلبك وعقلك

فلا تستطيعى ان تتركى العنان لاحدهم

ولكن لازم يكون فى توازن مابين الاتنين علشان الحياة تكون اسهل

بالنسبة لسؤاللك بجد سؤال صعب بس اعتقد ان الصداقة تدوم والحب غالبا لا يدوم

تحياتى

ايمى

أبو كريم يقول...

يا أمة الله..حفظك الله...بجد تدوينه تحفه..الحوار الى بين العقل والقلب ده ملوش حل..والكليماكس الى فالنهايه دى جامده..بجد اسلوبك جميل ومشوق

بالنسبه للسؤال هو ممكن إذا خسرت صاحبك..وانا مع راى ماما أموله إنه فى كل الحالات فى خساره..فخساره داخليه خير من خساره معلنه وكراهيه ممن حولك بسبب شخص كان عامل مشترك يمكن إلغائه كما فى الرياضيات لكى تتفقين مع صديقتك

(على فكره أنغام غنت للحاله دى)
بتحبها ولا بتفكر بيه...هى أنا ولا..جايز أنا هيه

تقبلنى زائر دائم لمدونتك

mahasen saber يقول...

اهه كده دايما يا مونا القلب يقول حاجه والعقل يقول لا

لما بنفضل نلف حوالين روحنا ومبنعرفش نوصل لحاجه غير اننا نوقع نفسنا فى مطب سماع كلام القلب

.............

مستنياكى على الميل يا جميله عشان نشوف هنعمل ايه
احنا بنسابق الوقت يا مونا

عاشقة الأحزان يقول...

السلام عليكم

ازيك ياقمر
اخبارك ايه يارب يكون كله تمام


طبعا الله عليكى وعلى اجمل حوار قرئته بين القلب والعقل

تسلم ايديكى حبيبتى

اما بالنسبه للسؤال ده صعب واستحاله بالنسبه لنفسى انا

تحياتى
اختك
انوسه

ليس فقيرا من يحب يقول...

السلام عليكم

موضوع جميل جدا والحوار بين العقل والقلب حوار رائع

هل ممكن ترتبط بشخص كنت تعلم مسبقاً أنه حبيب صاحبك؟

مستحيل

فى حفظ الرحمن

كلمات من نور يقول...

موناليزا

حوار وجدال ممتع

أينعم القلب انهزم بس بعد فترة حيشوف بنفسه مثل هذا الرجل مع أخرى وربك يستر متكونش صديقة تالته وساعتها حيصالح العقل وينسجموا...أما السؤال الجانبي فدوما كل ما هو شائك يظل شائك

دمتي بخير وصلاح

ماء تشرين يقول...

قصه جميله اوى ياموناليزا

وحصلت كتير قدامى بس لو كان وافي بجد وحب الشخصيه دى كان هيرجع تانى وتالت عشان يموت الاحساس باانها مجرد انتقام او حاله وخلاص سعتها بس لازم ترضي سعتها هيكون صادق وبذات انو صحبتها دى لو حتى فكرت في ولو لحظه تبقه خاينه لانها في احضان رجل اخر ده رأى

دمتى بكل الود والحب

blue-wave يقول...

اة من اختلاف العقل والقلب
اما الإجابه فهى
لا قاطعه
تحياتى

موناليزا يقول...

ماما امولة
ــــــــــــــ
اختى الحبيبة:اهلا اهلا بالغالية
انا الحمدلله بخير ازيك انتِ وايه اخبار امانى؟ يارب تكونوا كلكم بخير

ده حقيقى لازم رضا الاتنين

نهاية متوقعة لان اللى مابيحافظش على مشاعر حد أكل معاه عيش وملح طبيعى لازم يدوق من نفس الكاس
نورتينى حبيبتى وتسعدينى دايما بتواجدك





**********************************



فلور جيرل
ــــــــــــ
وعليكم السلام ورحمة الله وبركاته
اختى الحبيبة: اشكرك جدا لرايك
صح كلامك وعشان كده لازم العقل يكون صاحى دايما
نورتينى ياجميلة واشكرك جدا لمشاركتك
يسعدنى مرورك دائما




*********************************



حتى تشرق الشمس
ـــــــــــــــ
وعليكم السلام ورحمة الله وبركاته
اختى الحبيبة: انا ببقى مبسوطة جدا لمجرد وجودك عندى ومش مهم رقم التعليق:)
وانتِ كمان ياقمر وحشتينى جدا ويارب تيجى بالف سلامة:)

اشكرك جدا لرايك ولمشاركتك
أحبك الذى أحببتنى فيه:) وانا ايضا احبك فى الله:)
اللهم اجمعنا فى ظلك فى يوم لا ظل فيه الا ظلك
نورتينى ياجميلة وسعيدة جدا بتواجدك




**********************************



ايمى بيبى
ـــــــــــ
اختى الحبيبة:اهلا اهلا بالقمر
اشكرك جدا لرايك ولمشاركتك
نورتينى ايمى الجميلة وسعيد جدا بتواجدك



*******************************




ابو كريم
ــــــــ
اهلا بيك يافندم فى زيارتك الاولى
ربنا يكرمك يارب اشكرك جدا لرايك ولمشاركتك
مع احترامى لاضافتك للاغنية بس متهيألى أغنية (آسف حبيبتى لراغب علامة) معبرة عن الحالة دى اكتر:)
نورت مدونتى ويسعدنى مرورك دائما



********************************



محاسن صابر
ــــــــــــ
اختى الحبيبة:اهلا اهلا بالقمر
وعشان كده لازم نعطى للقلب اجازة شوية ونعطى للعقل فرصته بقى:)

انا اون لاين ومستنياكِ ياجميلة
نورتينى سونا حبيبتى وسعيدة بتواجدك



******************************




عاشقة الاحزان
ـــــــــــــــ
وعليكم السلام ورحمة الله وبركاته
اختى الحبيبة:انا الحمدلله بخير ازيك انتِ ياجميلة يارب تكونى بخير

اشكرك جدا لرايك ولمشاركتك
نورتينى انوسة الجميلة وسعيدة جدا بتواجدك



*******************************



ليس فقيرا من يحب
ـــــــــــــــــ
وعليكم السلام ورحمة الله وبركاته
اختى الحبيبة:اشكرك جدا لرايك ولمشاركتك
نورتينى حبيبتى وسعيدة بتواجدك



********************************




كلمات من نور
ــــــــــــــ
اختى الحبيبة:اهلا اهلا بالقمر
اشكرك جدا لرايك ولمشاركتك
نورتينى حبيبتى وسعيدة جدا بتواجدك




*********************************



ماء تشرين
ـــــــــــــ
اختى الحبيبة:اهلا اهلا بالقمر
اشكرك جدا لرايك ولمشاركتك
نورتينى حبيبتى وسعيدة جدا بتواجدك



***********************************



بلو واف
ــــــــ
اهلا بيك يادكتور
وألف آه كمان
اشكرك جدا لمشاركتك

mohamed ghalia يقول...

بالطبع صعب جدااااااااااا
توبكات حضرتك دايما روعة بجد
أقف عاجز عن إعطائها ما تستحق

ذكري رحيل قلم يقول...

السلام عليكم

ايه ياموناليزا متسيبيها تتزوجه هو حد لاقي ياستي بقي

ذكري رحيل قلم يقول...

بصي الموضوع جميل وسرده اجمل احب ديما ان افكر بعقلي و استشير قلبي يعني قلبي الاول والاخير له الرأي لانه هو اللي بيحس

بس انت ايه عرفك مش يمكن صدقتها مش كملت معاه المشوار وهي اولي ان تكمل معاه الحياة ايه يعني

لو بيحبها هيرجع لها لو بيتسلي عشان كانت صاحبة حببته يبقي كان بيجرب الحب فيها
بس شكله كده لاعبي وهي عيشة في وهم ما صدقت تري الحب الذي كانت تحسد صديقتها عليه يزحف عليها
اصل الوحدة غلط انها تحكي كل تفصيل حبها لصديقتها او الزوجة تجمل في صديقتها امام حبيبها او زوجها كلا الموضوعيين خطأ
حلوة الفكرة
يهمنا رأيك ياقمر انت رأيك ايه تتزوجه ام تجعله يرحل من حياتها وحياة صديقتها

masrur يقول...

اممممممم السؤال له اجابتان نعم ولا
اضافة الى ان السؤال لا يتناسب مع ما ينبغي ان يكون اذا احتكمنا الى الشرع
فالقصة كلها من اولها الى اخرها تشعرني ااني امام فيلم لمارلين منرو

هذه تحب وصديقتها تعرف من تحب وبعد ان تزوجت مازالت مشغولة بالحبيب الاول والصديقة احبت نفس الشخص الذي هو فارس عصره واوانه " يعني مافيش غيره في البلد " والقلب والعقل في صراع.. واشياء اخرى

الاجابة نعم لان الزواج حلال
والاجابة لا لانه ليس هكذا نختار الازواج
والله اعلم
تحياتي لك

موناليزا يقول...

محمد غالية
ـــــــــــ
اهلا بيك استاذ محمد
واحنا نيجى جنبك ايه يافندم:)
ربنا يكرمك يارب واشكرك جدا لرايك فماتوفيقى الا بالله






**********************************





ذكرى رحيل قلم
ـــــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
:) مش بإيدى ياقلبى عقلها هو اللى حكم الموقف:)

اشكرك جدا لرايك
بس ازاى هى ممكن تكمل حياتها مع حبيب صاحبتها حتى لو صاحبتها كانت اتجوزت وشافت حياتها برضه معروف حتى قدام الكل ان فلان كان مرتبط بصاحبتها فى يوم من الايام
ولانها كانت عارفة ده من الاول ماتوقعتش ان الموضوع ممكن يوصل لمشاعر قوية تجاهه بالطريقة دى
وده سبب الصراع اللى حصل انها من الاول عارفة انه ماينفعش
اما عن رأيى الخاص طبعا نفس رأى العقل:)
نورتينى ياجميلة وتسعدينى دايما بتواجدك















***********************************







مسرور
ــــــــ
اهلا بيك استاذ مسرور
مع احترامى الشديد لرايك اسمحلى ان اوضح بعض النقاط
اولا: الطبيعى ان الاصدقاء يبقوا عارفين كل حاجة عن بعض وخصوصا لو كان فيه ارتباط رسمى
ثانيا: مين قال ان الزوجة مازالت تفكر فى حبيبها الاول؟
الصديقة مش حابة تاخد حاجة كانت ملك صديقتها فى يوم من الايام حتى لو كان الموضوع بداخلها انتهى تماما ولكن امام الناس مانتهاش فالكل عارف ان الشخص ده كان مرتبط بمين
ثالثا: الصديقة حينما احبت لم يكن هذا باختيارها فالحب من وجهة نظر الجميع قدر ويأتى دون ترتيبات مسبقة
فمراية الحب عامية كما يقال
نيجى بقى على اجابة السؤال؟
نعلم ان الزواج حلال ولكن هل تقبل ان تتزوج مُطلقةأو من كانت خطيبة صديقك؟
اما عن اجابتك بلا
ما الخطأ فى أن يعرض رجل على امرأة الزواج؟
وما الخطأ فى ان ترفض المرأة الزواج من شخص كان مرتبط بصديقتها؟
يسعدنى مناقشتك

hasona يقول...

السلام عليكم

دائما ما يكون هناك صراع

والصراع بين القلب والعقل
قديم وحتمي
وقليلا ما يتفقا
الا ما رحم ربي
،،،،
أما سؤالك
وقتها ستحتاري
لكن ستبحثي عن الاقوي في العلاقتين
الصداقة أم الحب أيهما أقوي بالنسبة لك وقتها

حيث الشئ الحقيقي هو الابقي والاقوي
سواء كان حب حقيقي أم صداقة حقيقية

متعك الله بالرضا وراحة البال

تحياتي

طوبة ذهب وطوبة فضة يقول...

انت خلطتى الامور ببعض اذا كان البنت اللى حبها صحبتها اتجوزت يعنى هى نسيت وقررت تبدء حياه جديده هو مش فيها يبقى ليه هو يكون مذنب وما ادلهوش فرصه يعغيش حياه تانيه يكون فيها حد متمسك بيه اكتر من صاحبتها الاولى اللى اتخلت عنه ما يمكن هى اللى استسهلت ودورت على الحاجه الجاهزه وطالما قررت تبدء مع زوج جديد يبقى كل قديم انتهى هى كده ظلمت نفسها عشان واحده ما حبتش غير نفسها دا رئى

MOHAMMED ELBANNA يقول...

موناليزا
بجد جميله
عجبتني جداً ، وخصوصاً حالة الصراع اللي دايره بداخل غادة .
تقبلي تحياتي على ابداعك .
محمـد البنا
طريق النجاح

المهاجر يقول...

أمة الله
فى الغالب الإتفاق يكون موجود بين العقل والقلب ولكن ذلك لا يمنع إختلافهم
أما عن السؤال فهذا مستحيل باى شكل لان خسارة الأصدقاء ليس شئئ هين

masrur يقول...

شكراً على الاهتمام بالتعليق ..اناايضا احترم رأيك ولا مانع من النقاش
قلتي ان الحب قدر يأتي دون ترتيبات مسبقة
نعم هذا في الاوضاع الطبيعية للبشر اما في حالة الجوع العاطفي التي نحياها فالحب مثل الطعام عند الجياع انى وجدوه مهما كان نوعه سيأكلونه حتى لو كان " صراصير مشوية " ولعلك ترين ما يحدث لاغلب الشباب الشاب يعجب بأول بنت يتاح له الكلام معها ويتوهم انه يحبها والعكس صحيح ..طبعاً هذا ليس حباً ولا عباس ..على اي حال قد اكون مخطيءولا عيب في ذلك
اما بخصوص سؤالك.. هل تقبل ان تتزوج مطلقة صديقك او من كانت خطيبته ..اقول لك هل هو حرام.. الم يفعل بعض الصحابة مثل ذلك مالمانع نعم اقبل بل واقبل الزواج من امه ان كانت ارملة او مطلقة اذا كان هناك داع .. لابد ان نفرق بين ما لا يقبله الشرع ومالا تقبله الاعراف المخطلطة عادة بأشياء ما انزل الله بها من سلطان.. اعرف ستقولين انه كلام نظري لكن عند الجد شيء اخر..قد يكون معك حق..
تحياتي لك

وردة يقول...

حبدأ من الاخر
لو علي العقل والمنطق حيقولو لاء بس النصيب والقدر ليهم اراء اخري كثيرة
وبصراحة عاوزة اغلط البنت ديه وصعبانة عليا اوووي
ماهي من الاول عارفة انو بيحب صحبتها
كان افضل ليها تفكر بده وتنسحب قبل الحب ما يأخدها
اكيد دلوقتي هي بتتقطع من جواها
بس الايام كفيلة انها تنسيها
ربنا معاها
تحياتي علي اسلوبك الرائع
بجد تسلم ايدك
سلام

أبو كريم يقول...

يا أمه الله ممكن تعملى حاجه تاخدى بيها حسنات انك تنزلى اللينك ده عندك بس اسمعيه الاول جزاك الله خيرا

يا أخوانى وحبايبى ربنا يهدينا جميعا لطريق الحق وينور قلوبنا بنوره..انا لقيت التسجيل ده على موقع الطريق إلى الله وياريت تسمعه عشان تعرف قد إيه أحنا فى نعمه ومنه من الله لاننا ولدنا على دين الحق دين الله الإسلام دون معاناه كما عانت أختنا المسيحيه التى أسلمت هنا ووالله تحس منها كم عانت للوصول إلى الحقيقه...والله يا أخوانى دمعت من كلامها وصدقه أستحلفكم بالله أن تسمعوه عشان تحسوا بلى انا حسيته الرابط أهو http://www.way2allah.com/modules.php?name=Anasheed&op=Detailes&khid=2421

الرجاء على من سمع هذا التسجيل الصوتى عليه بنشره للوصول الى اكير عدد ممكن من أخواننا الغير مسلمين لتعم علينا جميعا البركه والثواب...وكما سمعت الشيخ محمد حسان من قبل يقول:
وممــــــــا زادنى فخرا وتيها.....وكدت بأخمصى أطأ الثرايا
دخولى تحت قولك يا عبادى.....وأن صيرت أحمد لـــى نبيا

أخوكم فى الله
أبو كريم

ghorBty يقول...

السلامـ عليكمـ

كيف يا موناليزا ان شاء الله تكوني بخير ..

قرار صائب ما فعلته غادة فالوهم والشك كان سيقتها حتما ونداء العقل كان صحيحا هذه المرة لكن ليس في كل الحالات يجب ان يتحكم العقل بل نحتاج للقلب احيانا فالعاطفه والحكمه وجهان لعملة واحده لا نستطيع ان نلغي اي منهم بل قد نحتاج العاطفه احيانا والحكمة احيانا اخري ..

..........

ياريت تشرفني في رمضان ان شاء الله في مدونتي خواطر http://khawter-ghorbty.blogspot.com/

norahaty يقول...

الاجابة عن سؤالك:
استحــــــــالة
على الاطلاقـــــــ
مطلقــــــــــــاً
لان معناه الارتباط
بالشك والالم والعذاب
كل ثانية وثانية.

همس الاحباب يقول...

القصة جميلة جدا ومؤثرة جدا
وفعلا ما اجمل الاحساس ان يتفق العقل مع القلب
ولكن تلك هى سنة الحياة
وكل شىء فسمة ونصيب
والسؤال صعب جدا فى الوقت الحالى
انك تعرف بقصة حب سابقة لشريك الحياة
تبدا الغيرة والشك والنار تستعر الا من رحم ربى
تحياتى وتقديرى

موناليزا يقول...

حسونا
ــــــــ
وعليكم السلام ورحمة الله وبركاته
اهلا بيك يافندم
عاجبنى تعليقك المنطقى جدا
اشكرك جدا لمشاركتك




*********************************




طوبة ذهب وطوبة فضة
ـــــــــــــــــــــ
اختى الحبيبة:مع احترامى الشديد لرايك
دعينا ننظر للموضوع بطريقة أخرى
ولمزيد من التوضيح كما ظهر فى الحوار
ليه مانقولش ان صاحبتها اتجوزت واحد تانى نتيجة ظروف خارجة عن ارادتها زى مثلاً يكون هو اللى سابها وهو عارف انها بتحبه او ظروفه المادية ماكانتش تخليه يرتبط بحد او مثلاً أهله أو أهلها مش موافقين الخلاصة انهم ممكن يكونوا سابوا بعض وهما لسه بيحبوا بعض
ومتفقة معاكِ فى انه كده كده هيتجوز بس البطلة من وجهة نظرها انه ماينفعش تبقى خاينة فى عيون كل الناس واولهم نفسها وهو كمان مالقاش يعنى غير صديقة حبيبته السابقة عشان يرتبط بيها على الاقل المفروض يراعى مشاعر واحدة كانت شايلة اسمه فى يوم من الايام
مشكووورة جدا على مشاركتك
نورتينى حبيبتى وسعيدة بتواجدك




********************************



محمد البنا
ـــــــــــــ
اهلا بيك استاذ محمد
ماتحرمش من ذوقك الدايم يافندم
اشكرك جدا لرايك ولتعليقك




***********************************



المهاجر
ـــــــــ
اهلا بيك يافندم
اشكرك جدا لتعليقك ولمشاركتك



***********************************



مسرور
ــــــــ
اهلا بعودتك استاذ مسرور
معاك حق يافندم ولكن الحالة هنا طبيعية وخالية من اى حرمان عاطفى بدليل انه طلب منها الزواج يعنى مقتدر ماديا على الزواج سواء منها او من غيرها وهى كمان رفضها دليل على قوتها واعتناقها لمبادئ خاصة بها كاحترام الصداقة مهما بعد المكان
اما عن اجابة السؤال
لا يافندم مانقدرش نقول انه حرام
بس هى الدنيا ماخلصتش عشان نبنى سعادتنا على وجع قلوب من كنا نحيا معهم فى يوم من الايام
ربنا يوفقك فى حياتك
واشكرك جدا لعودتك واهتمامك واسعدتنى مناقشتك




********************************



وردة
ــــــــ
اختى الحبيبة:فعلا كل شئ قسمة ونصيب
عاجبنى تعليقك واشكرك جدا لرايك
نورتينى وردتى الجميلة وسعيدة جدا بتواجدك



*******************************




ابو كريم
ــــــــــ
اهلا بيك يافندم
اشكرك جدا على ذكر هذا الرابط عندى وربنا يكرمك على نشره
وانا فعلا بسمعه دلؤتى وهنشره عندى حالاً



********************************




غربتى
ـــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر بعد طول غياب
انا الحمدلله بخير ازيك انتِ ياقمر

ولذلك ما اجمل اتفاق العقل والقلب معاً:)
اللهم بارك لنا فى رجب وشعبان وبلغنا رمضان
نورتينى حبيبتى وسعيدة جدا بتواجدك




**********************************



نوراهاتى
ـــــــــ
اختى الحبيبة:اهلا اهلا بالقمر
اشكرك جدا لمشاركتك
نورتينى حبيبتى وسعيدة جدا بتواجدك




*********************************



همس الاحباب
ـــــــــــ
اهلا بيك استاذ خالد
اشكرك جدا لرايك ولمشاركتك
يسعدنى دائما تواجدك

رفقة عمر يقول...

ازاى توجع قلب صحبتها وخصوصا انه هو الغادر وليست هى سيعوضها الله بخيرا منها
على فكرة كنت واخده على خاطرى منك علشان مش سالتى عنى خالص فى غيابى
وش بيبكى قوى
بس خلاص نسيت بكلامك الجميل على مدونتى
جزاكى الله خيراياغاليه ويسعد ايامك ولياليك
اللهم امين

نسيبه يقول...

السلام عليكم ورحمة الله وبركاته
فعلا صعب أوي لما العقل والقلب يختلفا وهذا يحدث كثيرا معي بس الحمد لله إن العقل إختار الإختيار الصحيح والقلب نفذ لا يصح إلا الصحيح
ربنا يعافيني ولا أوضع في الموقف ده بس لا قدر الله لو حصل ماينفعش أوافق وخاصة بالظروف الغامضه وقربي من صاحبتي
ربنا يرزقنا الأزواج الصالحين

MaNoOoSh يقول...

الاول خلال القصة كنت بميل لقرار القلب
لكن مع استمرار الحوار اعتقد انها هيفضل دايما جواها اسئلة حيرانة هم سابوا بعض ليه ولية متمسكوش بحبهم ويا تري مين اللى فرط فى التاني الاول

بس فى الاخر لما سابها ومشي فى لمحة بصر بدون حتى ما يتمسك بيها لحظة كانه ما صدق انها ترفض اتاكدت ان قرارها هو الصح وانه فعلا ما يستاهلش دمعة من عيونها

بنجاواتى يقول...

مش شايف مشكلة انى ارتبط بحد كان قبل كده مرتبط او عايش فى قصة حب

كونه رضى ان يكون محبوبى فهذا يكفى

على عبدالله يقول...

السلام عليكم

انا كتبت تعليق قبل كدا فى التدوينةدى
ولا انا بيتهيألى !

ما علينا
الاجابة على السؤال
بالنسبة لى شخصيا
لاااااااااااااا

والسلام

Lyssandra يقول...

إزيك يا مونا
كنت عاوزة أشارك في الموضوع ده لكن بعض الظروف منعتني
الحمد لله علي كل حال
=============

بصي يا مونا
الموضوع ليه أبعاد كتير

أولها
هل هو بالفعل مازال محتفظ بحب الأولي ؟؟
هل اختار صديقتها تحديداً لجرحها ؟؟

إذا كان الأمر كذلك .. فالحب ده مجرد قنبلة موقوته هاتنفجر بوجهه ووجهها مشكلات لن يستطيعا التصدي لها

------

أحياناً بالفعل يتصادف أن تكون تلك القصص حقيقيه
وأن يكون الحب فيها بالفعل حب حقيقي
يعني ممكن بالفعل يكون بيحب الصديقه دي مش انتقام يعني من الأخري

----

طبيعي صراع العقل والقلب
والخوف والقلق

لو رجع تاني يبقي أكيد مشاعره صادقة
ولو مارجعش يبقي السكة اللي تودي

...

أنا مش عارفه بجد
لكن متابعة تجربة من بعيد غير المرور بيها بالفعل
وإسداء النصح بيبقي غالباً نظريات علي الورق .. وقت التطبيق العملي الأمور بتفرق

...

واضح ان كلامي مش مرتب
بردو معلش اعذريني :)

كفاياني كلام دلوقتي
هاجي وهاتابع تاني
:)

سلامي

Lyssa

وردة يقول...

اختي الغالية
كل سنة وانتي طيبة بمناسبة الاسراء والمعراج
بتمنالك كل الخير
سلام

على خطى الحبيب يقول...

السلام عليكم ورحمة الله

دايماً بتدرجينا لهذا النوع من القصص"المريح للاعصاب",
بس تعرفى..عنى انا شخصيا بستفيد من حكاياتك دى بجد , قصص بتجسد الواقع فعلا ومناقشتها والكلام فيها بيفيد جميع الاطراف أكيـــد

اما بالنسبة للسؤال الجانبى,
والله انا اتأكد الاول من انتهاء العلاقة بينهم واحاول اعرف بطريقتى مكانه كل واحد فيهم عند التانى من غير م حد ياخد باله طبعاً, وان كنت شخصياً لا أفضل هذه العلاقة لكونها هتسبب إحراج ليا امام صديقى,الا ان المحاولة مفيش مانع منها, لعل الموضوع يكون اتنسى من الطرفين ومبقاش خسرت كل حاجة, "صديق & حبيب"

تقبلـــى مرورى,
مع خالص تحيـــاتى...

على خطى الحبيب يقول...

"ورجعنا تانى"
دى مش الاغنية على فكرة, دة كلامى اللى هقوله ليس أكثــر,,
هرجع تانى أقولك, يا ريــــــت تشيلى موضوع الاشراف على التعليقات دة لانه مش لذيذ ليا انا شخصياً,
انتى مش عايزة التعليقات كلها تطلع فى وقت واحد لية, انتى خايفة من الحســـد :)

تقبلـــى مرورى...

ريمان يقول...

حوار صعب اوى بجد

وفعلا صرااااااااااع



بس مادام هى صاحبتها اجوزت وشافت حياتها خلاص المووضع انتهى


هى به تشوف حياتها

وبعدين مثلا لو كانت صاحبتها ماتجوزتش كان ممكن نقول انها مش ينفع تحبه عشان صاحبتها لكن خلاص هى اجوزت وبقه ليها حبيب تانى وبيت واسره يبقى خلاص تشوف بقى هى حياتها بس المهم تضمن انه يبقى كويس معاها وانه فعلا نسى حبه القديم لصديقتها

حاول تفتكرنى يقول...

الصراع الأبدي

العقل والقلب

الناقد والعاشق

الحسابات والعاطفة

ربما كانت روعة الحياة فى هذا الصراع فبعض الحركة عجز عن السكون

تحياتي

Mr.Hazem يقول...

بداية انا سعيد جدا بوجودك بمدونتي , فهذا شرف لي واتمنى رؤيتك دائماً
والموضوع كتير اعجبني , خصوصاً طريقة الكتابة والحوار ما بين العقل والقلب
واعتقد انه الاثنين كلاهما يلعب دوراً هاماً بحياة الانسان ليس فيما يتعلق بالزظيفه المتعلفة بهم
ولكن من الناحية العاطفية والتفكير

اما فيما يتعلق بسؤالك
هو صعب جداً وانا عن نفسي مستحيل

أحمد الصعيدي يقول...

أخذتني للحظات في حوار شيق جدا
أما الرأي أكيد سيختلف بيننا

ولكن أري دوائر مغلقة بعضها للقلب لما أعرفه في طبع الرجال من إمتلاك قدرة علي النسيان وبعضها للعقل لما أعرفه من ساجة فكر عند النساء وليس كل النساء

مابين هذا وذاك
لن يكون إلا ماكتبه الله فالزوج رزق من الله مؤكد امتلاكها له كرزق وليس كشخصية

المهم حكايتك جميلة وعجبتني جدا

منى يقول...

ازيك يا منمون وحشانى جداااا

تعرفى دايما عندى الصراع ده فى كل حاجه
لكن غالبا بريح نفسى واصلى استخاره لان معرفه العقل لوحده او المشاعر لوحدها مش كامله
لكن برضه فى حاجات صغيره دائما الصراع فيها مستمر ومضنى
اما السؤال فصعب اوى قعلا متخلوش غير الاستخاره
كل الحب والتحيه

GiGi world يقول...

البوست ده صعب قوى
وصب فعلا الواحد يقول اه اول لا
لكن هو الفرق الوحيد اللى يفصل مدىمصاقيه الشخص ده زمان
يعنى من ايام ماكان مرتبط بصديقتها
والاهم كمان ان هى اذا كانت فعلا اتنست بالنسبه ليه
خلاص من حق الانسانه اللى اخترها انها تعرف ايه اللى حصل علشان تحكم ويبقى مفيش كلام ولا مشاعر لسه محتفظ بيها
لان انا بعتبر انه لسه محتفظ بسر كان بيجمعهم انه لسه بيفكر فيها
تحياتى

احمد بدر الدين يقول...

السلام عليكم
وبدأت حملة ( مين هيفطر أكتر )
هل ستشاركنا وتأخذ الأجر معنا
هيا اذن لنشمر السواعد ولنعلى الهمم
ولنخلص لله النوايا
الم تسمع قول النبى صلى الله علية وسلم ... عن زيد بن خالد الجهني قال : قال صلى الله عليه وسلم : " مَن فطَّر صائماً كان له مثل أجره غير أنه لا ينقص من أجر الصائم شيء "
أدخل على هذا الرابط وشاركنا
http://3amood.blogspot.com/

العصفورة يقول...

أختى الفاضلة
السلام عليكم
بسم الله ما شاء شاء الله
موضوع جميل أعجبنى كثيراً
خالص تقديرى

موناليزا يقول...

رفقة عمر
ــــــــــ
اختى الحبيبة:اهلا اهلا بالقمر بعد طول غياب
تفكيرنا واحد على فكرة:)

اعذرينى وسامحينى ياحبيبتى النت والله وحش جدا ووقت مايتظبط الجهاز يبوظ:(
ماتزعليش منى وحقك عليا(k)
لا ياقلبى ما تعيطيش الا انتِ انا اسفة والله غصب عنى
:) ربنا يفرح قلبك يارب ويعزك ويهئ لك دايما كل خير
نورتينى غاليتى وسعيدة جدا بتواجدك




*********************************




نسيبة
ـــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
فعلا وقتها عليها ان تختار بين الصديق والحبيب ومكانة كل منهما عندها هى من تحدد
أنتِ أخلاق يابطتى من يومك والله:)
نورتينى يا جميلة وسعيدة جدا بتواجدك




*********************************



منوش
ـــــ
اختى الحبيبة:اهلا اهلا بالقمر
عاجبنى تعليقك على المشهد الاخير اوى:)
نورتينى حبيبتى وسعيدة بتواجدك



*********************************



بنجاواتى
ــــــــــــ
اهلا بيك يافندم
مع احترامى الشديد لرايك ممكن اعرف ساعتها علاقتك بصاحبك هتبقى عاملة ازاى؟
اشكرك جدا لمشاركتك



**********************************



على عبدالله
ـــــــــــ
وعليكم السلام ورحمة الله وبركاته
اهلا بيك استاذ على
كتبته يافندم بس لانه كان مجرد حجز للتعليق وليس له علاقة بالموضوع لم يتم النشر.. انا اسفة
اشكرك جدا لتواجدك ولمشاركتك


**********************************



ليساندرا
ــــــــــ
اختى الحبيبة:اهلا اهلا بالقمر
انا الحمدلله بخير ازيك انتِ ياجميلة ؟ انا قلقانة عليكِ على فكرة وعايزة تعليق مش للنشر تطمنينى فيه عليكِ باقصى سرعة :) واعذرينى لانى مش هعرف اسألك عندك لان الجهاز بتاعى بيمر بازمة صحية:)
----

عاجبنى تعليقك جدا والنظرة المنطقية والتحليل الجيد للامور
عموما انا فى انتظارك دائما وياريت تطمنينى عليكِ
نورتينى حبيبتى وسعيدة بتواجدك



*********************************




وردة
ـــــــ
اختى الحبيبة:اهلا اهلا بالقمر
وانتِ طيبة يارب وبكل الخير ماتحرمش من ذوقك ابدا
نورتينى وردتى الجميلة واشكرك جدا لتهنئتك الرقيقة



**********************************



على خطى الحبيب
ــــــــــــــــ
وعليكم السلام ورحمة الله وبركاته
اهلا بيك يافندم
ربنا يكرمك يارب واشكرك جدا لرايك فيمااكتب
الحمدلله فماتوفيقى الا بالله
بس هيفيد بإيه انك تعرف السبب يعنى مهما كان السبب انت موافق اصلا على المبدأ؟
أنك ترتبط بحد كان حبيب صاحبك؟
اشكرك جدا لمشاركتك
===

:)هو فيه أغنية اصلا اسمها كدة؟
:) اول مرة اعرف
انا اعتذر جدا عن تلبية طلبك وهوضحلك ياسيدى انا عاملة اشراف ليه
عشان اقدر اتابع اى تعليق ييجيلى على اى موضوع من موضوعاتى السابقة ومن ثم استطيع الرد عليه
شوفت بقى الموضوع مالوش علاقة بالحسد ولا حاجة:)
بس هو الموضوع ده مضايقك ليه؟
اشكرك لمتابعتك



*********************************



ريمان
ـــــــ
اختى الحبيبة:اهلا اهلا بالقمر
مع احترامى الشديد لرأيك بس معنى كده انها بتقطع علاقتها بصاحبتها للابد
ضعى نفسك مكان صاحبتها وشوفى هتتعاملى مع صاحبتك ساعتها ازاى
وبعدين هو يعنى مفيش غير ده!
نورتينى ريمو الجميلة وسعيدة بتواجدك



********************************

موناليزا يقول...

حاول تفتكرنى
ـــــــــــــ
اهلا بيك يافندم
ويبقى الانسان فى هذا الصراع الا ان ينتصر احدهما على الاخر
اشكرك جدا لتواجدك



***********************************




مستر/ حازم
ـــــــــــــ
اهلا بيك استاذ حازم
ربنا يكرمك كلك ذوق
اشكرك جدا لرايك ولمشاركتك



******************************



احمد الصعيدى
ــــــــــــــ
اهلا بيك استاذ احمد فى زيارتك الاولى
ربنا يكرمك واشكرك جدا لرايك
عاجبنى تعليقك
نورت مدونتى وارجو دوام التوصل



********************************



منى
ـــــــ
اختى الحبيبة:اهلا اهلا بالقمر
انا الحمدلله بخير بس ايه المفاجأة الجميلة دى:)
كنتِ فين بقى:) وايه كل التأخير ده
مبسوطة بجد بزيارتك لانك كنتِ وحشاااانى جدا
اشكرك جدا لتعليقك رغم انى شايفة ان الاستخارة ماتنفعش لو النفس البشرية عايزة حاجة بشدة لانها هتسمع كلام نفسها فى كل الاحوال هذا والله اعلم
نورتينى منمن الجميلة وسعيدة جدا بتواجدك



***********************************




جيجى وورلد
ـــــــــــــ
اختى الحبيبة:اهلا اهلا بالقمر
اسمحيلى اتناقش معاك
مهما كانت مصداقيته هى هتقول ايه لصاحبتها لو ده حصل؟
هتقدر تعزمها فى فرحهم مثلا؟
هتقول لولادها انها عرفت ابوهم ازاى؟ ده لو حصل نصيب يعنى
جيجى ياجميلة انا بتكلم على المبدأ نفسه بغض النظر عن الاسباب
ممكن ترتبطى بحد كان حبيب صاحبتك؟
نورتينى ياحبيبتى وسعيدة بتواجدك



*********************************



احمد بدر الدين
ــــــــــــــــ
وعليكم السلام ورحمة الله وبركاته
اهلا بيك استاذ احمد فى زيارتك الاولى
اشكركم لدعوتكم
وربنا يتقبل منا ومنكم صالح الاعمال
نورت مدونتى




**********************************



العصفورة
ــــــــــــ
وعليكم السلام ورحمة الله وبركاته
اختى الحبيبة:اهلا بيكِ فى زيارتك الاولى
ربنا يكرمك واشكرك جدا لرايك
نورتِ مدونتى وارجو دوام التواصل

سومه...مجنونه فى بلد عاقل يقول...

الاول الحمد لله ان الواحد متحطش فى الموقف دا وبصراحه يعنى الدنيا خلاص مقفلتش عشان نحب انسان كان بيحب صديقتى من قبل الرجاله مخلصوش من الدنيا
السؤال الاهم هل الصديق اهم ام الحبيب
بصراحه انا عن نفسى سهل انك تلاقى حب تانى لكن صعب تعوضى صديق حقيقى دا لو حقا صديق حقيقى
سلام يا جميل

سمية قهوة ؛آه ياني يقول...

جميل أوي اسلوب كتابتك فعلا عجبني اوي
ممكن القلب و العقل يختلفو و انا بحب اني انصر عقلي
بس احيانا بيكون لازم تنصري قلبك
و احسن حاجة انهم يكونو هما الاتنين متفقين



و بالنسبة لسؤالك مش عارفة بس على حسب الظروف ساعتها بس أنا شفت حالة كدة و كانت ناجحة بس انا عن نفسي حاسة اني مقدرش

على خطى الحبيب يقول...

السلام عليكم,

- بخصوص البوست/ عن نفسى مش هوافق أكيــد وزى م قلتلك ((وان كنت شخصياً لا أفضل هذه العلاقة لكونها هتسبب إحراج ليا امام صديقى)),

- بخصوص الأغنية/ أفتكر زمان"مش زمان اوى يعنى", كان فى اغنية بتقول (ورجعنا تانى....) بس مش فاكر فيها حاجة تانية غير كلمتين كمان.

- بخصوص الإشراف على التعليقات/ متهيألى اغلبية الناس بتركز على المواضيع الجديدة والقديم بيتنسى الى حد ما, وكويس ان الموضوع مطلعش موضوع حســد :),
وانا مش مضايق ولا حاجة غير انى زى كل الناس, وقت م بكتب تعليق عند حد بحب انى اشوفة ساعتها موجود قدامى, ودة مبيحصلش عندك طبعـــــاً :),

تقبلـــى مرورى,
دمتــى بكل الود.....

بــــ الخطاب ــن يقول...

صراع مستمر ولكن هذه المره على غير العاده فالطبيعى أن يفوز القلب على العقل من الجولة الأولى وغالبا ما يكون مخطئ

موناليزا يقول...

سومة.. مجنونة فى بلد عاقل
ـــــــــــــــــــــــ
اختى الحبيبة:اهلا اهلا بالقمر
عاجبنى تعليقك جدا:)
نورتينى سومة الجميلة وسعيدة بتواجدك






********************************





سمية قهوة, اه يانى
ــــــــــــــــــ
اختى الحبيبة:اهلا بيكِ فى زيارتك الاولى
اشكرك جدا لرايك والحمدلله فماتوفيقى الا بالله
اشكرك جدا لمشاركتك
نورتى مدونتى وارجو دوام التواصل









*******************************





على خطى الحبيب
ــــــــــــــــ
وعليكم السلام ورحمة الله وبركاته
اهلا بيك يافندم
اولا/ اشكرك جدا لتوضيح رأيك
ثانيا/ :) برضه مش عارفاها
ثالثا/ لا يافندم نحن مختلفون عن الاخرين :) فبفضل الله مازالت تأتينى تعليقات على مواضيعى السابقة
ولهذا وجب عليا ان اتابعهم وارد عليهم

لا الحمدلله مش عشان الحسد بس هو معقول حتى هيبقى فيه حسد على الحاجات دى!!

انا اسفة جدا والله بس انا طالما على المدونة وجالى تعليق حتى لو مش هينفع ارد فى ساعتها بنشره على طول
عموما يافندم تعليقاتك عندنا فى أمان ونوعدكم بالنشر الدائم والسريع ما أمكننا هذا .. والله الموفق
اشكرك جدا لمتابعتك ويسعدنى مرورك




***********************************





بن الخطاب
ـــــــــــ
اهلا بيك يافندم
لكل قاعدة شواذ:)
اشكرك جدا لتعليقك