الخميس، 20 أغسطس، 2009

مرحب شهر الصوم

وها قد هلت بشاير قدوم رمضان. كم أشتقنا له. بكل طقوسه الخاصة.
وسأعرض بعض الطقوس السيئة التى يقوم بها الفرد. حتى يصلحها ويفوز بعظم ثواب هذا الشهر .


ناس كتير مش مدركين حجم الثواب ولو أدوا الفريضة بتكون على مضض. وناسيين أن ثواب النافلة فى رمضان كثواب الفريضة فى ما سواه وثواب الفريضة كثواب سبعين فريضة في ما سواه .

برامج التليفزيون الغير مفيدة.
ماتتفرجش على حاجة مش هتفيد دنياك وآخرتك.
فستسأل عن هذا الوقت المهدر.
السجاير أصلاً حرام. واحنا عايزين نأخذ ثواب مضاعف من عمل الحسنات. يعنى السجاير مش وقتها خالص. وإيه رأيك لو بطلت سجاير فى رمضان واهى فرصة ربانية لو أنت عايز تبطل بجد.

جميل إنك تصلى فى المسجد بس مش جميل أبداً أنك تكون مصاحب بنات وكل تفكيرك هتتأخر عليهم ولا لأ. ركز فى عبادتك لأنها هى اللى هتنفعك.


بلاش يبقى رمضان زيه زى أى شهر تانى. حاول تتوب عن أى ذنب حتى لو كان بالنسبة لك صغير
" تحسبوه هيناً وهو عند الله عظيم".
الصيام مش معناه أنك تنام طول النهار عشان ماتحسش بالصيام.


التليفزيون مش هيطير. و رمضان مش جاى عشان تضييع وقتك.
ماتطبخيش أكل كتير وفى الآخر يبقى مصيره الزبالة وفيه ناس كتير مش لاقية. اطبخى على قد أسرتك ولو اتبقى حاجة ممكن جداً تديها بنفسك لأى جار فقير ليكِ أو أى عابر سبيل. لكن حرام كل الأكل ده يترمى .
مش معنى إنك صايم إنك تسوق بسرعة زيادة ومش مهم الناس اللى معاك فى الطريق. صيامك مش مبرر لأسلوبك الهمجى فى السواقة. وماتخافش هيستنوك على الفطار والأكل مش هيخلص. يا أخى ده أنت ممكن تفطر على شربة مية أو تمرة تكون معاك فى السيارة.

مين قال إن رمضان شهر النوم والتليفزيون!!!!


رمضان مش عقاب لينا عشان نفضل مستنيين المغرب من أول ما نصحى.
حبوا رمضان ده فرصة عظيمة لدخول الجنة. واستغلوا الوقت ده فى ذكر الله وقراءة القرآن وصلة الرحم أو مشاهدة برنامج دينى أو حضور درس علم أو...



غيروا نظام حياتكم . رمضان فرصة للتغيير.

ماتسمعوش الأفكار الهدامة. ديننا واضح ومش معنى إن واحد طلع فى التليفزيون بقى معاه رخصة أننا نصدقه. فيه كلام الفطرة السوية بترفضه. حكم عقلك واستفتى قلبك.



دور على الثواب فى كل أفكارك.


لو عملت حاجة وحشة يبقى العيب منك أنت.




الصيام مش منع الأكل والشرب وبس . ده صيام عن كل حاجة تغضب ربنا. ماينفعش البنت تسيب شعرها أو حتى تبقى محجبة وتطلع شوية شعر من الطرحة ولا ينفع تضعى ماكياج ولا حتى روج بحجة أنك مش هتأكليه. بلاش كده وعيب نتعامل مع ربنا بالطريقة دى. والشباب غضوا بصركم وبلاش معاكسات أو حتى نقد داخلى على البنات واللى عاملينه فى نفسهن مالكش دعوة بيهم وخليك فى نفسك وعبادتك وماتصدقش أن السجاير ما بتفطرش لأنها أصلاً حرام. وأى حاجة تانية أنت وحدك أدرى بيها بطلها حِسبة لله. واستغل فرصة وجود رمضان وجمَّع حسنات.

ماتبقاش عبد غير لربنا مش لشيشة او لسيجارة.

هتركز فى الصلاة ازاى وانت وراك حاجات دنيوية أصلاً حرام. ياجماعة ممنوع الإختلاط . سواء فى رمضان أو غيره.


إزاى تصوم ومش بتصلى؟
على فكرة الصيام الركن الرابع من أركان الإسلام. أما الصلاة فهى الركن الثانى من أركان الإسلام.


صيامك مش مبرر أنك ماتروحش الشغل أو ماتأديش حقه أو تاخده أجازة أو تتعامل بطريقة سيئة مع زملائك والعاملين وما إلى ذلك.

وأخيرا الحمدلله الذى وفقنى إلى هذا.
أما عن طقوسى الخاصة فى رمضان وبعض الأفكار البنائة
فستجدونها فى هذا الموضوع أهلاَ بالضيف الغالى . والذى أدعوكم لزيارته.
ملحوظة:
ـــــــــــــــــــــ
لا يجوز قراءة الموضوع ده دون زيارة الموضوع التانى لأن الاتنين بيكملوا بعض ولأن كمان فيه تنويه فى الآخر يهمنى أنكم تقرأوه وتدعولى بالدعاء الموجود فيه.
وبراحتكم ترك التعليقات هنا أو هناك كل التعليقات فى أى موضوع أنا برحب بيها وهنشرها بإذن الله حين عودتى من أجازتى الرمضانية.
أراكم على خير. وكل عام وأنتم جميعاً بخير.


هناك 101 من التعليقات:

عاشقة الأحزان يقول...

السلام عليكم


انا هروح حبيبتى ان شاء الله اقرءه برده
بس لاذم اترك تعليقى هنا

جميل قووى البوست بجد والصور هايله قوى
ربنا يجزيك عنا كل الخير ورمضان كريم علينا وعليكو

مودتى

ليس فقيرا من يحب يقول...

السلام عليكم

موضوع قيم يا حبيبتى

ربنا يعينا على الطاعه

كل سنه وانتى طيبه

ربنا يبلغنا رمضان ويجعلنا من عتقاؤه من النيران

عمرو سعد يقول...

حضرتك سبقتيني للموضوع بتاع الكاريكاتير ...
ربنا يجزيكِ خيراً ...
طريقة عرض رائعة ،
دمت بخير ...

مدونتي ... قاوم
http://kawemkawem.blogspot.com/

أليس في بلاد العجائب يقول...

كل سنة وانتي طيبة ومجبورة الخاطر مرفوعة المقام بين اهل الارض والسماء ان شاء الله

هتوحشيني
انا فاكرة رمضان اللي فاات وحشتيني بردة لما انقطعتي طول رمضان

خدي بالك من نفسك ومتنسيناش في دعائك
ربنا يجعلك من خير أمة لله ويحفظك

ادعيلنا اد ما ربنا يفكرك بينا ولك في دعائنا نصيب دايما باذن الله
ربنا يجبر بخاطرك دنيا واخرة يارب
في حفظ الله دائما ان شاء الله

Butterfly يقول...

كل سنه وانتى طيبه
وربنا يسامحنا ويغفر لنا ويتقبل منا صالح الأعمال .

سمكه واحده يقول...

كل سنه ونتي طيبه
ربنا يتقبل منك صالح الاعمال
وربنا يجزيكي عنا كل خير
بارك الله فيكي
اخبارك ايه؟

ريمان يقول...

السلام عليكم

كل سنه وانتى طيبه

شكرا للموضوع الجميل


رمضان كريم

حلوه اوى الصور

المعتصم يقول...

بسم الله الرحمن الرحيم
السلام عليكم ورحمة الله وبركاته
كل سنه وانتِ طيبه
ورمضان كريم
بس مين اللى افتى وقال انه لايجوز قراءة الموضوع ده من غير مانقرا الموضوع التانى ؟؟؟؟؟
هههههههههههههه
انتِ بتقولى انه فيه هناك قائمة البرامج اللى بتحبى تتابعيها
طب انا مش بحب اتابع برامج خالص ومش بتفرج على التليفزيون اساسا
يبقى مش رايح هناك
هههههههههههههههههههههههه
وايه كل اما ادخل مدونة الاقى حد يقول الاجازة الرمضانيه
نفسى اعرف ايه علاقة الاجازة برمضان
تقبلى مرورى وتحياتى
وكل سنه وانتِ طيبه
والسلام عليكم ورحمة الله وبركاته

موناليزا يقول...

عاشقة الاحزان
ــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
تعليقك دائما يسعدنى
اشكرك جدا لرايك فماتوفيقى الا بالله
وكل سنة وانتى طيبة ياحبيبتى
واشوفك على خير بإذن الله
نورتينى أنوسة الجميلة




********************************



ليس فقيرا من يحب
ــــــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
اشكرك جدا لرايك فماتوفيقى الا بالله
ربنا يكرمك ويتقبل دعائك
وانتى طيبة وبصحة وبكل الخير
نورتينى ياجميلة وأشوفك على خير بإذن الله




********************************



عمرو سعد
ــــــــــــ
اهلا بيك استاذ عمرو فى زيارتك الاولى
جميل ان غالبية المدونين بيتكلموا عن رمضان حاجة تستدعى الفخر بجد
ربنا يوفقك وفى انتظار موضوعك
اشكرك جدا لرايك
نورت مدونتى



*******************************




أليس فى بلاد العجائب
ــــــــــــــــــــــ
اختى الحبيبة:اهلا اهلا بالغالية
وانتى طيبة ياحبيبتى
الله :) دعاء جميل بجد
ان ربنا يجبر بخاطرى ربنا يتقبل ولكِ بالمثل اللهم امين
والله دمعت وانا بقرأ تعليقك
وحسيت قد ايه ربنا كريم انه وهب لى أخت فى الله بحبها وبتحبنى من غير مانشوف بعض
ربنا يعزك ويفرح قلبك يارب
وطبعا انتى وسيف من اوائل الناس اللى بدعيلهم ربنا يطمنا قريب اللهم امين
وانتى كمان هتوحشييييينى جدا
بحبك جدا
وأشوفك على خير بإذن الله




*********************************



بيترفلاى
ـــــــــــ
اختى الحبيبة:اهلا اهلا بالقمر
وانتى طيبة ياحبيبتى وبالصحة والسلامة
ربنا يتقبل دعائك ويعيننا على طاعته بالطريقة التى يرضى به عنا
نورتينى حبيبتى ودمتِ بخير



*****************************



سمكة واحدة
ـــــــــــــ
اختى الحبيبة:اهلا اهلا بالقمر بعد طول غياب
وانتى طيبة ياجميلة
ربنا يكرمك ويتقبل دعائك ولكِ بالمثل اللهم امين
أنا الحمدلله بخير وأسألكِ الدعاء
نورتينى حبيبتى وسعيدة بتواجدك





**********************************



ريمان
ــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
وانتى طيبة ياريمو يا جميلة
الشكر لله والحمدلله ان نال اعجابك
الله اكرم:)
نورتينى حبيبتى وسعيدة بتواجدك




**********************************




المعتصم
ـــــــــــــ
وعليكم السلام ورحمة الله وبركاته
اهلا بيك استاذ مصطفى
وانت طيب يافندم وبالصحة والسلامة
الله اكرم:)
:)هى مش فتوى على قد ما هو عشم

لأ ازاى هزعل بجد لازم تروح وتقرأه
مش يمكن يعجبك فكرة وتحب تطبقها
وبعدين البرامج حلوة بجد شوفها كده وعلى ضمانتى:)

ازاى بقى دى علاقة وثيقة جدا:)
لان الوقت اللى هقضيه على النت عبادتى لربنا اولى بيه
فى انتظارك فى الموضوع التانى
وماتنساش تدعيلى
ولو تحب ادعيلك بدعاء معين ممكن تبعتهولى فى التعليقات وانا مش هنشره
أشوفك على خير:)

ت البـِہَ‘ـِحـِر‘gصـِہَ‘ـِ يقول...

كل عام ونتي بخير

كلمات من نور يقول...

رمضان كريم يا موناليزا الحبيبة

Dr Ibrahim يقول...

رمضان مبارك

لقد تناولت موضوعا يشمل

رمضان الحقيقى الذى يجب أن يكون

ورمضان الفعلى الذى نشاهده

فى موضوع بعنوان رمضانيات


من هنا

اللهم تقبل صيامنا وأعمالنا وصلاتنا

موناليزا يقول...

صوت البحر
ـــــــــ
اهلا بيك يافندم فى زيارتك الاولى
اشكرك جدا لتهنئتك
نورت مدونتى




*********************************





كلمات من نور
ـــــــــــــ
اختى الحبيبة:اهلا اهلا بالقمر
وانتى طيبة ياحبيبتى وبكل الخير
ماتنسيش تدعيلى:)
اشوفك على خير





*********************************




د/ ابراهيم
ـــــــــــــ
اهلا بيك يادكتور
عجبتنى حركة اللينك دى:)
بالتوفيق دائما يافندم وتقبل الله منا ومنكم صالح الاعمال
دمت لمدونتى زائرا

د. إيمان مكاوي.. أم البنين يقول...

موضوع قيم ...جزاك الله على تقديم المنفعة
كل عام وأنت بخير
أعانكم الله على صيام وقيام الشهر الكريم والإستزادة من الخيرات
تحياتي

مسدس صغير يقول...

نصائح غالية دائما
ما شاء الله عليكى
جزاكم الله خيرا
بجد سلبيات خطيرة جدا يجب الابتعاد عنها مش فى رمضان بس
انما طول السنة
ربنا يكرمك
رمضان كريم

أبو كريم يقول...

اللهم بلغنا رمضان
ورحمنا فى رمضان
وأغفر لنا فى رمضان
وأعتقنا فى رمضان
وأذقنا لذه القرب منك فى رمضان
وأعنا على الصيام فى رمضان
وقبام ليلك فى رمضان
وزد فى حسناتنا وتجاوز عن سيئاتنا
وأرض اللهم عنا فى رمضان


اللهم إنى أشهدك وأشهد حملة عرشك وملائكتك وجميع خلقك أنك أنت الله وحدك لا شريك لك وان محمدا عبدك ورسولك.. كلمة صدق وعقيدة حق نلقاك بها يوم القيامه

رمضان كريم على أمة المصطفى

maha zein يقول...

هههههههههههه
ده ايه ده
جبتيهم منين
كل سنة وانتي طيبة
ربنا يديم عليكي السعادة والصحة

المهاجر يقول...

أمة الله
أولا الموضوع رائع وجميل وفعلا كل إللى قولتيه سلبيات وبيعملها نا كتير مش شرط بيعملها كلها إنما بعضها ولكن يجب أن نعرف أن رمضان مدرسة المؤمن وشهر التعليم فى كل شى صالح أسال اله أن يتقبل صيامنا ويغفر زنوبنا ويرحمنا ويكتبنا من عتقاء النار

موناليزا يقول...

د. ايمان مكاوى
ـــــــــــــ
اختى الحبيبة:اهلا اهلا بالقمر بعد طول غياب
ربنا يكرمك ياحبيبتى
وكل سنة وانتى بالف خير
نورتينى يا جميلة واسعدنى تواجدك




*********************************




مسدس صغير
ـــــــــــ
اهلا بيك يافندم
عندك حق المفروض العادات السيئة نبعد عنها دايما
اشكرك جدا لرايك ولتعليقك
وكل سنة وانت طيب
دمت لمدونتى زائرا




*********************************



ابو كريم
ــــــــــ
اهلا بيك استاذ بهاء
ما اجمل دعائك
ربنا يتقبل اللهم امين
دمت لمدونتى زائرا




********************************



مها زين
ــــــــــ
اختى الحبيبة:اهلا اهلا بالقمر
:) أى خدمة
كل صورة عليها اسم الموقع
وانتى طيبة ياحبيبتى وبالصحة والسلامة
نورتينى مها الجميلة وماتنسينيش من دعائك




*********************************



المهاجر
ـــــــــ
اهلا بيك يافندم
اشكرك جدا لرايك ولتعليقك
واللهم اهدى المسلمين جميعا لما تحبه وترضاه اللهم امين
دمت لمدونتى زائرا

ahmed_k يقول...

كل سنه وأنتي طيبه يا موناليزا
وربنا يتقبل منا ومنكم صالح الأعمال والدعوات
وفعلا يوجد الكثير من المظاهر الغير محموده يأتي بها الناس في رمضان بارك الله فيكي على إبرازها وبيانها
وبالأخص من يأتون النوافل ويتركون الفروض كمثال من يتصدق ولا يخرج زكاته فلا صدقة له
تقبلي خالص تهانيا وتحياتي
رمضان كريم

طبيبك الخاص يقول...

السلام عليكم

كل سنه وحضرتك طيبه
ورمضان كريم

الصور جميله جدا وتقريبا عبرت عن كل السلبيات اللى ممكن ا حد يقع فيها

يارب السنه دىرمضان يبقا ناقله خير وتغير للاحسن والافضل لكل الناس

كل سنه وانت طيبه

تحياتى

Sweet Violet يقول...

كل عام و انتى بخير
رمضان كريم
^_^

مصعب صلاح يقول...

كل سنة وانت بخير وسعادة
وكل رمضان وانت في رحمة وغفران
امين ياااارب
ربنا يتقبل منا ومنكم
ورجاء لا تنسونا من صالح الدعاء
رمضان كريم

Lyssandra يقول...

كل سنة وانتي طيبة يا مونا
ورمضان كريم علينا وعليكي يارب

ويارب رمضان ده ننال الرحمة والمغفرة والعتق

موضوعك مميز كالعاده
وبجد بجد ربنا يجازيكي خير دايماً عن اللي بتقدميه

لقلبك كل الحب

Lyssa

Mr.Hazem يقول...

إنه العقد اللامع في صدر العام .. والمتلألأ بجماله الفتان

تدور حلقات السنة يوما بعد يوم .. وتجري رياح الشهور لتقف عنده

يتيم بين تلك الشهور .. ولكنه ( علم في رأسه نار ) !!

أيامه تتسابق في الأفضلية ... ساعاته تتنافس في الأهمية

يتبسم القمر حين يتوسط سمائه الصافية .. وتشرق الشمس بعنوان جديد في صباحه

يعيش الناس بين اكنافه أجمل أيامهم .. وتتجلى الاخوة في أفقه الجميل

تنبعث روائح المحبة من ثغره الباسم .. ويتلفت بناظره تجاه الوجوه المتوضئة !!

تكتسي الليالي فيه أجمل الثياب .. وتتحلى الأسماع بأمتع الكلام !!

قرآن يُتلى .. ليل نهار

آيات تُرتّل .. صبح مساء

يالها من ليالٍ رااااائعة .. أخذت أجمل المعاني وأصدقها

رمضان .. الأحرف المتلاصقة .. والكلمة الثمينة بين كلمات السنة

رمضان .. السطر البارز في صفحات الذكريات !!

رمضان .. جفن الدمعات الصادقة

رمضان .. صورة معبرة يعجز القلم عن تعدي إطارها !!

جعلنا الله ممن يصومه ويقومه إيماناً واحتساباً

وكل عام وانتي والجميع بألف خير
أعاده الله علينا وعليكم بالصحة والعافية والبركات

سندس وأمل يقول...

ماشاء الله جميله اوى والصور حلوه

رمضان كريم علينا وعليكى وان

شاء الله يكون فى طاااااااااااااعه

امل

Tamer Nabil يقول...

السلام عليكم

ازيك موليزا اخبارك اية

كل سنة وانتى طيبة وبخير

رمضان كريم

تحياتى

حـــــدوتـــــة يقول...

السلام عليكم

كل عام وانتم بخير
ورمضان كريم

سلالالالالالالالالالالالالالالالالالالام

حاول تفتكرنى يقول...

حضرتك كاتبة موضوع يعكس الرؤية الحقيقية للشهر الفضيل

نشكرك

كل عام وانتي بخير

الفراشة الصغيرة يقول...

كل سنه وانتى طيبه

يا موناليزا

فعلا بوست متميز

salwa يقول...

السلام عليكم اخت موناليزا
رمضان كريم انه افضل الشهور فيه

نزول القران,تفتح ابواب الجنة و تغلق ابواب النار,تضاعف الحسنات,من افطر صائما له مثل اجره,ليلة القدر,
كثرة نزول الملائكة,السحور,غزوة بدر,فتح مكة,العمرة تعدل حجة مع النبي,سبب من اسباب تكفير الذنوب,صلاة التراويح,الاعمال فيه تضاعف عن غيره,الناس اجود ما يكونون,ركن من اركان الاسلام,كثرة الخير و اهل الخير
جزاكي الله كل خير
سلام

حتى تشرق الشمس يقول...

السلام عليكم ورحمة الله وبركاتة
جزاكم الله خيرا
ووحشتينى جدا
وكل عام وانت بالف خير حبيبتى
دمت فى طاعة الله

موناليزا يقول...

أحمد-ك
ــــــــ
اهلا بيك استاذ احمد
وانت طيب يافندم وبالصحة والسلامة
ربنا يكرمك ويتقبل دعائك اللهم امين
اللهم اهدى المسلمين جميعا لطاعة الله
اشكرك جدا لمشاركتك ولتهنئتك
والله اكرم:)




********************************



طبيبك الخاص
ــــــــــــــ
وعليكم السلام ورحمة الله وبركاته
اهلا بيك يادكتور
وحضرتك بخير يافندم
والله اكرم
وربنا يتقبل منا ومنكم صالح الاعمال
اشكرك جدا لتواجدك
دمت لمدونتى زائرا


**********************************



سويت فيوليت
ـــــــــــــ
اختى الحبيبة:اهلا اهلا بالقمر
وانتى بخير ياجميلة
والله اكرم
نورتينى حبيبتى واشوفك على خير



********************************



مصعب صلاح
ـــــــــــ
اهلا بيك استاذ مصعب
وانت بخير يافندم وبكل الخير
ربنا يكرمك يارب ويعزك ويسعدك اللهم امين
الله اكرم
اشكرك جدا لتواجدك
دمت لمدونتى زائرا




*********************************



ليساندرا
ـــــــــــ
اختى الحبيبة:اهلا اهلا بالقمر
وانتى طيبة ياحبيبتى وبكل الخير
ربنا يكرمك يارب ويتقبل دعائك اللهم امين
نورتينى ليسا الجميلة واشوفك على خير




*********************************



مستر/ حازم
ـــــــــــــ
اهلا بيك استاذ حازم
ايه الكلمات الجميلة عن رمضان دى:)
وانت بخير يافندم وبصحة
اشكرك جدا لتواجدك
دمت لمدونتى زائرا




********************************



سندس وامل
ـــــــــــ
اختى الحبيبة:اهلا اهلا بالقمر
ماتحرمش منك ياجميلة
وربنا يتقبل دعائك ويعيننا على طاعته
نورتينى امولة واسعدنى تواجدك




*********************************




تامر نبيل
ـــــــــ
وعليكم السلام ورحمة الله وبركاته
اهلا بيك استاذ تامر بعد طول غياب
انا الحمدلله بخير اشكرك جدا لسؤالك
وانت طيب يافندم وبكل الخير
الله اكرم
اشكرك جدا لتواجدك
دمت لمدونتى زائرا



***********************************



حدوتة
ـــــــــ
وعليكم السلام ورحمة الله وبركاته
اهلا بيك يافندم بعد طول غياب
وانت بخير وبصحة
والله اكرم
اشكرك جدا لتعليقك
دمت لمدونتى زائرا




*********************************



حاول تفتكرنى
ــــــــــــــ
اهلا بيك يافندم
الشكر لله اخى الكريم فما توفيقى الا به
وكل عام وانت بخير وصحة
اشكرك جدا لتعليقك
دمت لمدونتى زائرا



*********************************




الفراشة الصغيرة
ــــــــــــــــــ
اختى الحبيبة:اهلا اهلا بالقمر
وانتى طيبة ياحبيبتى
اشكرك جدا لرايك
نورتينى ياجميلة واشوفك على خير



**********************************




سلوى
ـــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يكرمك على تعليقك
وكل عام وانتى بخير
نورتينى ياجميلة واشوفك على خير



*********************************




حتى تشرق الشمس
ـــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
وانتى بخير وصحة وسعادة
ماتنسينيش من دعائك وهتوحشينى جدا
اشوفك على خير

Sonnet يقول...

السلام عليكم
ايه الجمال ده
الكارتون حلو قوى
قريت المقال القديم
ما شاء الله
ييجى اكثر من مائة تعليق
الله اكبر

salma mohamed يقول...

السلام عليكم
كل سنة وانت طيبة وبخير ومنتصرة زي ماتحبي وتتحقق كل آمالك,
جزاكِ الله خيرا وتقبل منك,
دعوااااااتك كتير في كل اوقات الاجابة.

موناليزا يقول...

سونيت
ــــــــ
السلام عليكم ورحمة الله وبركاته
اختى الحبيبة:اهلا اهلا بالقمر
الحمدلله فماتوفيقى الا بالله
اشكرك جدا لرايك
وكل عام وانتى بخير
نورتينى ياجميلة




******************************



سلمى محمد
ـــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
وانتى طيبة وبخير يارب
ماتحرمش منك يا سلمى وماتنسينيش من دعواتك
اسم ياسر من اوائل الناس اللى هدعيلهم وان شاء الله ربنا يشفيه قريب ويطمنا عليه
نورتينى حبيبتى واشوفك على خير

أحسن تـستاهـل يقول...

كل رمضان وانتي بخير يا موني
ربنا ينفعك يا رب بما علمك وزي ما بتنفعينا

بجد يا موني بحبك في الله جدا وربنا اللي عالم
ربنا يباركلك.. وعقبال ما نتقابل بأه الله!!!!

مها ميهوووو

علي محـمــــــد يقول...

السلام عليكم

موضوع مفيد جداً

وبصراحه الكاريكاتيور مضحك وواقعي جداً

كل عام وانت بخير

في امان الله

سلمى يقول...

السلام عليكم
موضوع بجد رائع ومفيدجزاكى الله خيرا
كل عام وانتى بخير

سبهللة يقول...

كل سنة وانتى طيبة
وجزاكى الله خيرا
بلغك الله الشهر
وعظم لكى الاجر

أحمد سعيد بسيوني يقول...

بسم الله

كل عام وأنتم بخير

أسأل الله العظيم أن يبارك لكم في هذا الشهر الكريم ويرزقكم القول والعمل الصالح

اللهم سلمنا إلى رمضان وسلم رمضان لنا وتسلمه منا متقبلا

دمتم في طاعة

ســـــــهــــــــــر يقول...

رمضان كريم
و كل سنه و انتى بالف خير

z!zOoOo يقول...

السلام عليكم

ازيك يا موناليزا يارب تكوني بخير

موضوع جميل ومضحك ومفيد

والكاريكاتير جميل

كل سنه وانتي طيبه

ربنا يجعلنا دايما في طاعته ومرضاته

وبإذن الله هنغتنم رمضان بعيد عن كل المعاصي والذنوب

رمضان كريم

Sometimes يقول...

كل سنة وانتى طيبة يا موناليزا
ربنا يخليكى ليا
بجد فرحت اوى لما قرأت تعليقك
ويارب حاجتك ترجعلك
بجد احساس تانى
انا ماسكة الكتاب وحاضناه طول النهار
هههههههههههه
بجد كان وحشنى جدا

رمضان كريم يا جميل

سمسم/سما يقول...

السلام عليكم
كل سنة وانتي طيبة
وربنا يجعلنا ممن يغفر له
ويعتق من النار
ويعيده علينا بالخير
اللهم اميــــــــن

MOHAMMED ELBANNA يقول...

موناليزا
كل عام وانتى والاهل بخير حال
تقبل الله منا ومنكي صالح الاعمال .
تقبلي تحياتي
محمد البنا
طريق النجاح

Me7'o يقول...

جميلة قوى الصور دى
والبوست كله جميل

كل سنة وإنتى طيبة
ورمضان كريم

وتقبل الله منا ومنكم صالح الأعمال

تحياتى

همس الاحباب يقول...

كل سنة وحضرتك طيبة
ورمضان كريم
وجزاكى الله خيرا
وجعله فى ميزان حسناتك
تحياتى

مدحت محمد يقول...

اولا كل سنة وانتى طيبة ورمضان كريم
ثانيا بقى
الصور دمها خفيف اوى بس مفيدة اوى
ربنا يقدرنا على صيام وقيام رمضان
اللهم امين

مسرور يقول...

جزاك الله خيراً وتقبل الله صالح اعمالك
وكل عام وانت بخير

دموع القمر يقول...

السلام عليكم

جميل جدا البوست دا

والكاريكاتير هااايل

كل سنة وانت طيبة
واتمنى انك تنورى المدونة

أختكم فى الله يقول...

حبيبتى كل سنة وانتى طيبة والى الله اقرب

جزاكى الله خيرا على اللفتات الجميلة

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياكى الله وبياكى أختى الكريمة الفاضلة وكل عام وأنتى بخير وفضل من الله عز وجل وأسأل الله العلى العظيم أن يكفيكى شر ما أهمك وأن يكفيكى السوء بما شاء وكيف شاء إنه على ما يشاء قدير ، وأن ينصرك نصرا مبينا.

هكذا علمنى سيدنا محمد( صلى الله عليه وسلم) يقول...

إسمحيلى أختى الكريمة أشيف حاجة لاحظتها خصوصا خلال صلاة التروايح فى اليومين اللى فاتوا :
الحمدلله رب العالمين المساجد فى رمضان حاجة تفرح بتبقى عامرة بالمصلين بس اللى يزعل الواحد إننا نجد الصفوف غير مستوية لا وكمان بجد بشوفها كتير تلاقى كل واححد بينه وبين التانى أأأأد كدة إلا من رحم ربى طبعا

قال رسول الله صلى الله عليه وسلم
سووا صفوفكم ، فإن تسوية الصفوف من إقامة الصلاة .
الراوي: أنس بن مالك المحدث: البخاري - المصدر: الجامع الصحيح - الصفحة أو الرقم: 723
خلاصة الدرجة: [صحيح]

أقيموا الصفوف وحاذوا بين المناكب وسدوا الخلل ولينوا بأيدي إخوانكم ولا تذروا فرجات للشيطان ومن وصل صفا وصله الله ومن قطع صفا قطعه الله
الراوي: عبدالله بن عمر المحدث: الألباني - المصدر: صحيح أبي داود - الصفحة أو الرقم: 666
خلاصة الدرجة: صحيح


ولنا فى رسول الله صلى الله عليه وسلم أسوة حسنة .

ياريت كل أخوانى وأخواتى هنا يلفتوا نظر المصلين للموضوع دا برفق ولين ويجعلوا عملهم دا خالص لوجه الله تعالى .

الربان يقول...

تحياتي

موضوع جميل و شيق بارك الله فيك...و كل سنه وانت طيبة و ربنا يتقبل منك ومنا
صيامنا و قيامنا و سائر طاعاتنا...

رمضان كريم

طهر فؤادك يقول...

السلام عليكم ورحمة الله وبركاتة
جزاكى الله خيرا والمسلمين ... ويجعل ان شاء الله موضوعك ومدونتك فى ميزان حسناتك والمسلمين ان شاء الله ... وربنا يثبتنا ان شاء الله على طاعتة وحسن عبادتة اللهم امين والمسلمين ..إن أبواب الأجر في الإسلام كثيرة ..وإن أسباب اكتساب الحسنات متعددة..وفي شهر رمضان تتضاعف أجور الأعمال الصالحة فضلا من الله عز وجل على عباده وينادي منادٍ في أول ليلة من رمضان فيقول: (ياباغي الخير أقبِل وياباغي الشر أقصر) رواه الترمذي والنسائي وحسنة الألباني.ومن هنا.. قال النبي صلى الله عليه وسلم: ( رغم أنف رجل دخل عليه رمضان ثم انسلخ قبل أن يغفر له )رواه الترمذي وصححه الألباني.
اللهم بلغنا رمضان ان شاء الله وخيرة وبركتة اللهم امين والمسلمين

شمس النهار يقول...

كل سنه وانت طيبه
ورمضان كريم

hasona يقول...

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهم علي النحو الصحيح
ورطب ألسنتنا بذكرك يا الله

akeed يقول...

السلام عليكم
جزاكِ الله خيرا امة الله فعلا فيه اناس كثيرين يصومو و هم لم يصومو يتركوا الطعام والشراب و يفطروا على الغيبة والنميمة و اللذين يقومون بمسك انفسهم شوية عن المعاصى بالنهار يسارعون بالمعاصى بعد اللافطار مباشرة انها النفس الامارة بالسوء اسال الله ان يصلح لنا نفوسنا لكى نغتنم هذا الشهر الكريم


وكل عام وانتى بكل خير وطاعه لله عز وجل

شوكولاتة يقول...

والله دايما متألقة ومبهرة البوست ده من أجمل البوستات اللي قريتها عن رمضان وربنا يتقبل منك سائر أعمالك وجعلها خالصة لوجهه الكريم

(green eyes) يقول...

جزاكي الله كل خير
رمضان كريم
كل سنة وانتي طيبة والسنه دي تكون سنه سعيده عليكي وعلى جميع الاسلامية

قوس قزح يقول...

غسل الله قلبك
بماء اليقين
و اثلج صدرك
بسكينة المؤمنين
و بلغك
شهر الصائمين

.. * * . * * .
.* . . * . . *
* . رمضان . *
. * .كريم. * .
. . * . * . .
. . . * . . .

حلم بيعافر يقول...

الكاريكاتيرر معبر جدا والموضوع واضح جدا
كل سنة وانت طيبة

شموسة يقول...

السلام عليكم
رمضـــان كـــريم
كـل سنه وأنتى طيبه ياموناليزا
أعاده الله عليكي باليمن والبركات حبيبتى

تقبلي مرورى حبيبتى
شموسه

Israa El-sakka يقول...

سلام عليكم

الموضوع عجبني أوي و ربنا يتقبل منا يا رب يغفرلنا و يرحمنا

كل سنة و أنت طيبة و رمضان كريم

☆ĦiβǾ☆ يقول...

السلام عليكم

كل سنه وإنت طيبه

موضوع رائع

والصور رائعة والله معبرة

رمضان كريم

Lady ** يقول...

الله يعينا ع طاعته والتقرب منه يارب

جميلة فكرتك
وشكرا ع جهودك

دمتي بتألق


رمضان كريم ~

أليس في بلاد العجائب يقول...

ان شاء الله تكوني بخير

salwa يقول...

السلام عليكم اخت موناليزا
ادراج كله فائدة
جزاكي الله كل خير
و للتذكير
أن من فطر فيه صائماً فله مثل أجر الصائم من غير أن ينقص من أجر الصائم شيئاً، قال : { من فطر صائماً فله مثل أجره من غير أن ينقص من أجر الصائم شيء } [حسن صحيح رواه الترمذي وغيره
سلام

العصفورة يقول...

السلام عليكم
كل عام وحضرتك والأمة الإسلامية آجمعين بكل خير
ورمضان كريم
خالص تقديرى

ماء تشرين يقول...

ربنا يباركلك يارب بجد مجهود واضح كل عام وانت الى الله أقرب

أختك
ماء تشرين

كيــــــــــــارا يقول...

والله معاكي حق

كل سنة وانتي طيبه ياقمر

ويارب الناس تتغير ومش يخلص رمضان من هنا وتروح الروح الحلوه دي :)

Tamer Nabil يقول...

السلام عليكم

ازيك مونليزا

اخبارك اية

انا شلت الاغنية لحد ما رمضان يخلص

فى انتظار جديدك

مع خالص تحياتى

فرفشة الوان يقول...

بجد جميل جدااا البوست دة وانا عايزة

عن نفسي كتير منة

عاشقة الفردوس يقول...

مووون ياقمري

هفتقدك جدا

بس ممم

بفكر اعمل زيك ان شاء الله

بلغك الله رمضان واصلح احوالك

سمسم/سما يقول...

السلام عليكم
كل سنة وانتي طيبة
ويا رب يعينا على طاعته
ويتقبل منا
ومنكنش من الي بيعملو حجات غريبة في رمضان لاتليق بيه
تحياتي

ويكا يقول...

ههههههههههههههههههه
الله ينور والله

ومشكوره جدا على المجهود الرائع ده، نفعنا الله بنا واياكى.

Mr.Hazem يقول...

هادي الكلمات وتميزها بنستمدو منك ههههه
الله يسعدك يارب وربنا يتقبل منك صالح الاعمال
وبشرفني زيارتي الدائمه

نبضات يقول...

كل سنه وانتى طيبه وسعيده

رمضان كريم

وحشتنىىىىى أختى الغاليه

تحياتى

طهر فؤادك يقول...

السلام عليكم ورحمة الله وبركااتة
جزاكى الله خيرا والمسلمين على الموضوع الرائع دة ... وانا على فكرة مش انقطعت عن المدونة ومتابع على طول وبعت كمان بوست من ايام كتيرة على الموضوع دة بس للاسف مش نزل مش عارف لية ... المهم ربنا يكرمك يارب والمسلمين ويثبتك على طاعتة وحسن عبادتة اللهم امين جميعا ان شاء الله

طهر فؤادك يقول...

السلام عليكم ورحمة الله وبركااتة
جزاكى الله خيرا والمسلمين .... وربنا يتقبل منك ومنا الصيام والقيام اللهم امين والمسلمين

ghoneem يقول...

السلام عليكم

رمضان مبارك كل عام وانت بخير

سعيد بعودتي والله اسأل ان تكوني بخير تقبل الله منا ومنك القيام والصيام وصالح الاعمال

ندعو لكي بكل الخير وأن تصبحي من الذاكرين الشاكرين..امين

تحياتي

بالتوفيق........................

kochia يقول...

بوست جميل ومفيد
يارب فعلا الكل يستفيد منه

blue-wave يقول...

كل سنه وانتى بالف خير
ياريت بجد نقدر نستفيد من رمضان وكفايه اهدار

هذه حياتي يقول...

السلام عليكم ورحمة الله وبركاته

أختي العزيزة رمضان كريم وحياة سعيدة وكل الحاجات الحلوة
معلهش جت متأخرة بس شوية ظروف

موضوعاتك دايما كالدرر
أنا مش ببالغ
دي حقيقة يارب يكون في ميزان حسناتك
وييسرلك الخير والسعادة في الدنيا والآخرة

تحياتي لك وخالص دعائي بصوم مقبول وافطار شهي ودعاء مستجاب

mahasen saber يقول...

ايه البوست الرائع ده

تحفه يا موناليزا بجد


ربنا يكتبه فى ميزان حسناتك

وحشتينى جدا جدا ورمضان كريم عليكى يا جميله

فى دائرة الضوء يقول...

السلام عليكم
بالفعل زى ما حضرتك قولتى
إن رمضان شهر عبادة وليس شهر النوم والتليفزيون
صور جميلة
أتمنى التواصل
تحياتى

بيكر(baker) يقول...

سنة و انتى طيبه و عيد سعيد

Heba Sayed يقول...

السلام عليكم ورحمة الله

بجد وحشتينى جدا جدا جدااااااااااااا

كل سنة وانتى طيبة ياجميلة بمناسبة رمضان والعيد وكل يوم حلو يعدى عليكى وفيه بركة بحياتك

اتمنى ليكى دوام الصحة والعافية

البوست رائع وجميل

ربنا يرزقنا حسن عبادته والاعانة على طاعته ودعاء وصوما وصلاة مقبولة

طوبه فضه وطوبه دهب يقول...

كل سنه وانتى بالف خير وصحه وسعاده

عاشقة الأحزان يقول...

وحشتينى قووى ياحبيبتى

ربنا يطمنا عليكى وترجعلنا بالف سلامه
وكل سنه وانتى طيبه بمناسبة قدوم عيد الفطر المبارك اعاده الله علينا وعلى الامه الاسلاميه بالخير واليمن والبركات
دمتى بالف خير
اختك
ايناس

الطالبة عفو الله يقول...

اختي وحبيبي السلام عليكم وحشااني ازيك واخبارك ايه ان اء تكونيبالف خير تقبل الله منا ومنكم وبارك الله فيك

norahaty يقول...

السلام عليكم ورحمة
الله تعالى وبركاته
وكل عام وأنتِ بخير
يامونـــــــــــــى
عيد سعيد وعمر مديد
فى طاعة الله والعمل الصالح

أم مالك يقول...

الحبيبة موناليزا
كم افتقدك ياحبيبتى وافتقد كلامك
الطيب
كل سنة وانتى طيبة ياحبيبتى
وعيد مبارك عليكى
ولم انساكى من الدعاء بان ينصرك الله
تحياتى

الازهرى يقول...

كل سنة وانت طيبه وبالف خير

كل سنة وانت اجمل والى الله اقرب

عيد سعيد على كل المسلمين يارب

طهر فؤادك يقول...

السلام عليكم ورحمة الله وبركاتة

- كل سنة وحضرتك طيبة ... وعيدك مبارك ان شاء الله والمسلمين اجمعين

حـــــدوتـــــة يقول...

السلام عليكم

تقبل الله طاعتك
وأتم بالعيد فرحتك
وأقر عينك بنصر أمتك

كل عام وانتم بخير

موناليزا يقول...

أحبائى فى الله جميعا
لكم منى كل الشكر والتقدير والاحترام والمحبة ألاخوية فى الله
بتعليقاتكم عندى وبتهنئتكم لى وبتشجيعكم المستمر لما أكتب
جزاكم الله عنى خير الجزاء
بحبكم جداً ويارب كل واحد نفسه فى حاجة تتحقق له
وربنا مايحرمنيش من تواجدكم فى حياتى أبداً
اللهم كما جمعتنا فى دنيا فانية .. إجمعنا ثانية فى جنة قطوفها دانية..
نورتونى وفى إنتظاركم دائماً

سواح في ملك اللــــــــــــــــــه- يقول...

كل سنة وانتي بالف خير

Bent Men ElZaman Da !! يقول...

جميل البوست ده جدا
والصور كمان ماشيه مع الموضوع ومعبره اوى
ربنا يجازيكى عنا كل الخير :)

كريمة سندي يقول...

أفكار لكاريكاتير أكثر من رائعة سلم ذوقك في الاختيار