الجمعة، 16 أكتوبر 2009

قبل الطلاق.. وبعده

قبل الطلاق يتناسى الطرفان كل شيء عن حياتهما السابقة؛ من ذكريات جميلة ومواقف مساندة أحدهما للآخر ومشاركتهما لبعضهما البعض في كل شيء.
وقبل هذا يتناسون العِشرة التي كانت بينهما والميثاق الغليظ الذي وافقوا بإرادتهم الحرة على التوقيع عليه يوم كتب الكتاب.
يتناسا فرحتهم يوم ولادة طفلهما الأول.
يتناسا الوعود التي كانت بينهم قبل الزواج... وغيرها الكثير من الأشياء المنسية.
وكل ما يتذكروه كيفية القضاء على الطرف الآخر بأي وسيلة مهما كانت.
بل ويقوما بإفشاء أسرارهما أيضاً على الملأ سواء الحقيقية منها أو الملفقة حتى يتم التشويه الكامل لإحدى الطرفين.
يتناسا المسمى الجديد لعلاقتهما التي تحولت من شريكين وزوجين وحبيبن إلى خصمين!.
يتناسا مصير أبنائهم بين أم و أب لا يحترم بعضهما البعض ومبهدلين بعضهم في المحاكم، ويصبح المكان المتعارف عليه لوجود أحدهما إما عند المحامي، أو في المحكمة، أو في المركز لعمل محضر، أو في مكان لا يعلمه أحد حتى يتهرب من الحضور لو ضامن فشله ونجاح خصمه.
يتناسا احتياج أطفالهما إليهما معاً وليس أن يرى أحدهما كل فترة في مكان غير ملائم.
هذا لو تم الإتفاق بينهما أو حكمت المحكمة بذلك.
يتناسا أن مسئوليتهما تجاه أطفالهما تحتم عليهما التنازل قليلاً. سواء قبل الطلاق أو بعده.
يتناسا أن أطفالهما لهما الحق في أن يحيا حياة أسرية دافئة خالية من أية مشاكل أو تجريح بين الوالدين.
يتناسا أن الطفل هو المتضرر الوحيد في لعبة الطلاق الذي قرر أن يلعبها الطرفين.
يتناسا حاجة الطفل النفسية لحنان الأم وقوة شخصية الأب حتى يصبح عضو بناء في المجتمع وليس مجرد فرد مذبذب نفسياِ.
يتناسا أنه لا يوجد أحد يستطيع أن يقوم بدوره تجاه أطفاله فالأب و الأم هما دعامة بناء هيكل شخصية الطفل.
يتناسا أن لا أحد سيتحمل أطفاله سوا؛. فهو أحق بتربيتهما حتى يكون أحق ببرهما عند الكبر.

وهنا أتسائل ما الجرم أو ما هي الفعلة الشنعاء التي قام بها أحدهما ليكون جزائه كل هذا ؟؟
وهل تأكد أحدهما من خطأ الطرف الآخر، أم أن الأمر لا يتعدى ظن، وشكوك، أو عصبية وعِند، أو نزوة أو.. أو..؟.
وماهو هذا الخطأ الذي يجعل أحدهما يقوم بهذا؟ ومَن مِنا عموماً لا يخطئ؟ هل نصبت نفسك قاضي وجلاد دون أن تستمع حتى لدفاع الآخر عن نفسه؟.
لماذا لم تواجهه بعيوبه أو أخطائه بدلاً من تدمير حياتكم؛. فهي ليست حياته وحده.
لماذا لم تحاول الإصلاح بدلاً من هدم بيت مسلم. وأنت تعلم جيداً بأن هذا مبغى الشيطان الأسمى.
كيف تهون العِشرة وهي كما يقال"مايخونش العِشرة إلا الخاين وابن الحرام".
أيهما أسهل الحفاظ على مابينكما أم هدمه ونسيانه.
هل تعتقد بأنك ستجد آخر على هواك تماماً خاليا من أية عيوب!. كيف هذا والله وحده بيده مقاليد الأمور وعلينا فقط أن نرضى بإختيارات الله لنا.
بل أين دور الأهل؟
(وإن خفتم شقاق بينهما فابعثوا حكمـًا من أهله وحكمـًا من أهلها إن يريدا إصلاحـًا يوفق الله بينهما إن الله كان عليمـًا خبيرًا )[النساء/35] .
لماذ لا تتعامل في حالة الطلاق كما تعاملت في حالة الزواج. أي لماذا لا يوجد تراضى بينكما.
لماذا لا نطبق شرع الله أيضاً في الطلاق؟.
أما علمت بأن الإسلام يفرض على الرجل الذي يريد الطلاق أن يؤدّي مهر المرأة و حقوقها و خدماتها السابقة التي أدّتها للأسرة.
الاسلام جعل الطلاق الرجعي ليعطي فرصة للرجل يفكّر خلالها فيرجع الى زوجته .
الطلاق لا يقع فى حالة الحيض. يعنى فيه فرص كثيرة حتى يتأنى أحد الطرفين ولا يتسرع.
أما فى حالة حتمية الطلاق لماذا لا يطبق كلام الله الذى تزوجتم عليه أم أنك لم تدرك معنى ماقلته يوم كتب الكتاب خلف المأذون.
سأذكرك بما قاله رب العِزة فى هذا الشأن.
بأن الرجل لا بدّ أن يختار أحد طريقين : (( إمساك بمعروفٍ )) أو (( تسريح بإحسان )) قال تعالى : (( و إذا طلّقتمُ النساءَ فبلَغنَّ أجلَهنّ فأمسكوهنّ بمعروفٍ أو سرّحوهًنّ بمعروفٍ و لا تمسكُوهنّ ضراراً لتعتدوا و من يفعل ذلك فقد ظلَم نفسه ... ))(البقرة : 231 ) .
فلا يمكنه الخيار الثالث وهو أن لا يطلقها و لا يتصرف معها بإحسان و جملة (( و لا تمسكوهنّ ضراراً لتعتدوا))إنما تنفى الخيار الثالث فإذا لم يطلّق فعلى الحاكم ان يطلقها ، و هذا النوع من الطلاق يسمّى الطلاق القضائي .
وأيضاً فى سورة النساء(((وعاشروهُنَّ بالمعروفِ، فإنْ كرهْتُموهنّ فعسى أن تَكَرهوا شيئاً ويجعل الله فيه خيراً كثيراً))).
وأيضاً فى سورة الطلاق (يا أيها النبي إذا طلقتمُ النساء فطلقوهن لعدتهن وأحصوا العِدَّة، واتقوا الله ربكم، لا تخرجوهنَّ من بيوتهن، ولا يخرجن إلا أن يأتين بفاحشة مبينة. وتلك حدود الله . ومن يتعدَ حدود الله فقد ظلم نفسه، لا تدري لعل الله يحدث بعد ذلك أمراً. فإذا بلغن أجلهن فأمسكوهن بمعروف أو فارقوهن بمعروف، وأشهدوا ذوي عدل منكم وأقيموا الشهادة لله. ذلك يوعظ به من كان يؤمن بالله واليوم الآخر، ومن يتق الله يجعل له مخرجاً.) . (الطلاق: 1، 2) .
والإسلام عندما يبيح الطلاق المضبوط بضوابط شرعية إنما يجعله آخر العلاج عند تعذر عودة الحياة بين الزوجين إلى الإستقرار الأسري .بعد فشل الصلح والإصلاح ، بل حرَّم الإسلام على المرأة أن تطلب الطلاق بدون سبب قاهر ،
فقد قال النبي ـ صلى الله عليه وسلم : [ أيَّما امرأة سألت زوجها الطلاق من غير بأسٍ حرَّم الله عليها رائحة الجنة ] .
، ولذا فإن على المرأة أن تكون أكثر وعيـًا لهذه المسألة ، وأن تكون أكثر صبرًا ومقاومة وسعيـًا من أجل استمرار الحياة الزوجية بأي ثمن.
إن الطلاق ليس للتسلية ولا لتنفيس الغضب كما يفعل بعض الأزواج .
الذين يوقع أحدهم الطلاق على الزوجة عند أي خلاف أو غضب ، فتثور عصبيته ، ولا يرى مهدئـًا لها سوى الطلاق ، أو يريد فرض رأيه على زوجته وإرغامها على فعل ما يريده ، فيحلف عليها يمين الطلاق معلقـًا ،
كأن يقول : " إذا فعلت كذا فأنت طالق " أو " إذا ذهبت إلى مكان كذا فأنت طالق " ،
إن صنفـًا من الناس أساءوا استعمال حق الطلاق الذي جعله الله بيد الزوج لإزالة عصمة النكاح عند وجود الحاجة لا تبعـًا للهوى واستجابة للانفعال ومن وجهة نظرى أعتبره ضعف فى شخصية الزوج لأنه لا يجد أسلوباً آخر تحترم بيه الزوجة طلباته وتلبيها سوى التهديد.لماذا يصل الأمر بينكما للقضاء من أصله؟ هى مش حرب. وبدل ما تنفصلوا وأنتم أعداء اتركوا مساحة من الإحترام والود المتبادل إحتراما للميثاق الغليظ الذى كان بينكما فى يوم من الأيام.
(وإن يتفرقا يغنِ الله كلاً من سَعته، وكان الله واسعاً حَكيماً).

أدعوكم لزيارة هذه المواضيع الزوج المتمرد و الزوجة الساخطة.
سؤال جانبي
ـــــــــــــــــــــــ
*أذكر بكلمة أو كلمتين ماذا يعني لك (الزواج_ الزوجة_ الزوج).





هناك 45 تعليقًا:

رفقة عمر يقول...

عارفه مونى انا كمان الموضوع دة بفكر فيه كتير خصوصا لما باشوفهم يوم الفرح والفرحه تملاء عيونهم وتعبهم فى تأسيس البيت اقول كيف يهدوا كل دة فى لحظه غضب حتى لو فعلا انعدم التفاهم بينهم وفشلت كل المحاولات لاستمرار البناء ويجب ان يهدم
فليهدم دون تخريب ودون اصابات ولو هناك اطفال يجب ان يشعروا الطفل انهما لم يفترقا حتى ولو تزوجا كلا منهم شخصا اخر
فليكون للطفل اسرتان متفاهمتنا مترابطان لكن اللى باشوفه يحزن ويبكى

الزواج بالنسبه لى نعمه كبيره كثيرين لا يقدروها اثنان تعاهدا على يفنى كلا فى الاخر ان يصبحا جسدا واحد ونفسا واحده
لو افترق احدهما عن الاخر وهن وشعر ان هناك جزء كبير ينقصه يعطى للاخر دون انتظار المقابل ويكون العطاء متبادل حتىتستقيم الحياهسمعت شيخ يقول تفسيرا للايه هنا لباسا لكم وانتم لباسا لهن
بان الغير متزوج كالشخص العارى حتى يتزوج

الزوج بالنسبه لى هو الاحساس بالامان بالاحتواء بالابوةهو النصف الاهم فى حياه البنت ولكن مهما وصلت من مناصب لا تستطيع ان تحتمى الافى زوجها

الزوجه هى الحنان الامومه هى الصبورة
هى الجميله هى العاشقه المتوددة لزوجها
العفيفه الحافظه لزوجها ولاولادها ولبيتها انا افضل زوجه عندى هى السيده خديجه رضى الله عنها وهى قدوتى وباتعلم منها كيف الزوجه تعامل زوجها وتتودد اليه

مونى شكرا ليكى قوى على حسن ظنك بى واكيد يسعدنى انى اكون رفقتك فى الدنيا والاخره وان شاء الله هاخد من سلوى ايميلك انا عرفت انك تعرفى سلوى
ربنا يكرمك يارب ويسعدك وييسر لك كل امورك اللهم امين

أبو كريم يقول...

يا أمة الله ثبتك الله

كعادة مواضيعك هادفة ومليئة بالإستشهادات القرأنية ولى توضيح

(وإن خفتم شقاق بينهما فابعثوا حكمـًا من أهله وحكمـًا من أهلها إن يريدا إصلاحـًا يوفق الله بينهما إن الله كان عليمـًا خبيرًا )[النساء/35] .


إن يريدا إصلاحا هنا عائده على الحكمين فلابد من إختيار انسب من يمثل الفريقين للتصالح ممن نتوسم فيهم المعرفه والحكمة والدين وممن لا يزيعون أخبار الناس


أما بالنسبه للسؤال عن ماذا تعنى لى كلمات

الزواج : حياة مع من أحب
الزوجة : موده وسكينة
الزوج : حنان وسكن ومصدر سعاده
الأبناء : أمل فى المستقبل

salma mohamed يقول...

سبحان اللي جعل في شرائع الاسلام ما يحفظ به الحقوق حتى بعد انفصال الاطراف,
والحفاظ على الود والاحترام وحفظ حقوق الابناء,ورغم ذلك فقد جُعِل ابغض الحلال,
وفعلا القرآن ما سبش شيئ الا وقد وضحه فاللي هيطبق هيرتاح والا ماستراح.
____
اما تعريف الزوج والزوجه والزواج في كلمة او كلمتين فهو غير انصاف فتعريف كل منهما يحتاج لصفحه او صفحات متعدده,
لكن اوجزها قدر المستطاع لتكون كما اردتي
الزوجه:سعة الصدر والحنان.
الزوج:الاحتواء وعماد الدار.
الزواج:شركة بين زوجين تلزم كل منهما بواجبات وتنهار باي خلل في هذا الالتزام.

موناليزا يقول...

رفقة عمر
ــــــــــ
أختى الحبيبة:اهلا اهلا بالقمر
بدأت أشك فى ما أراه وأعتقد أن فرحتهم يوم زفافهم عشان الفستان والبدلة مش أكتر:)
فعلا والله ازواج نعمة قليل من يقدرونها فيكفى كمية الحسنات والثواب المتواجد
ربنا يرزقك يارب بالزوج الصالح
اشكرك جدا لمشاركتك

وفى انتظار اضافتك:)
نورتينى حبيبتى واسعدتينى بتواجدك



*********************************



أبو كريم
ـــــــــــ
اهلا بيك يافندم
ربنا يكرمك يارب فماتوفيقى الا بالله
أشكرك جدا على التوضيح وهذا بالفعل ماقصدته من دور الأهل
ربنا يسعدك دايما فى حياتك ويباركلك فيها
أشكرك جدا لمشاركتك
دمت طيبا ولمدونتى زائرا






*********************************




سلمى محمد
ـــــــــــ
أختى الحبيبة:اهلا اهلا بالقمر
فعلا ما اجمل الدين الاسلامى الذى اذا ما طبقناه كما أمر الله ما تواجد مشكلات من اى نوع
اشكرك جدا لمشاركتك وربنا يرزقك بالزوج الصالح والذرية الطيبة اللهم امين
نورتينى سلمى الجميلة واسعدتينى بتواجدك

ماء تشرين يقول...

عارفه ياموناليزا المشكله انو لما العمر يمشي بيهم لقدام بيكتشوفوا انهم كانو بيقفوا على حجات تفهه وانهم كان ممكن يتجوزوها لو كان في ثقافه التعايش بين الزوجين احنا كجيل جديد محتاجين بجد اوى يعلموا ازاى نتعايش مع الجنس الآخر ازاى نتقبله ونتفهمه مش جواز فرحنين بيه وخلاص اكتر حاجه بكرهها انهم يفشوا اسرار الزواج حتى لو طرف قال الطرف التانى لازم يسكت ده ميثاق غليظ ياناس بجد ده ذنبه كبير اوى عند ربنا

ربنا يهدى

بوست مميز كالعاده

تقبلى مرورى

ريمان يقول...

مقال فى منتهى الاهميه



يا ريت اكبر قدر من الناس يقراوه

Asmaa mahaba يقول...

اولا الموضوع دا خلفيتى عنه كبيييييييره جداا
والحمد لله ديما احمد ربنا انه عافانى من مشاكل كتيره كنت ممكن اعانى منها يعنى ساعات اقول لنفسى نص العمى ولا العما كله
لو كل واحد فى الطرفين ترك انانيته اللى بتحركه وراعى ربنا فى الاخر وفكر بعمق اكثر حيجد ان عليه انجاح الزاوج باى طريقه ...
لكن نرجع ونقول احنا متحطيناش مكانهم عشان نحاسبهم الله اعلم الضغوط بيكون شكلها ايه
سلمتى على كلامك وربنا يعفى الجميع ويهديهم

(Joudy) يقول...

تصدقى يا موناليزا حاجة بجد تخوف بصراحة أنا شوفت تجربة بعينى وسمعت أد ايه كان بيحبها وأد ايه كان مش بيفارقها بعد الزواج اتغير كتييير بقى شخص تانى حقيقى مش مصدقة النقيض تماما. . . فاكرة فيلم كان لميرفت أمين وحسين فهمى زوجها طلقها غيابى وهى رفضت الطلاق ورفعت دعوة فى المحكمة بانها ترفض الطلاق كل ده علشان بنتها ياترى ده ممكن حد يعمل كده ولا دى قصة خيالة من عقل المؤلف مش عارفة . . . . ولا أم تانية تخرب بيتها علشان شوية مال وتخلى حياة ابنها جحيم وتحرم الأب من إبنه ومش تخليه يشوفه إلا لما ينفذ طلباتها ..... ربنا يرحمنا يارب

* * * * * * *

اما بقى بالنسبة لسؤال اللى بصراحة بيعجبنى طريقتك فى طرحه

الزواج استقرار وأمان

الزوجة حضن دافى وصبر

الزوج قلب مخلص وحماية

طوبه فضه وطوبه دهب يقول...

كل ده نتيجه عدم الوعى والاختيار الخاطىء لشريك الحياه وغياب الاهل بمجرد تزويج اولادهم وغيابهم تماما من حياتهم ربنا يرحم ويحفظ كل بيت مسلم ويهدى الازواج المسلمين تسلم ايدك موضوع اكثر من رائع

rovy يقول...

ازبك يا مونى .. وحشانى جداا ..
بوست مهم جداا كعادتك و ياريت كل الازواج تقرأه غاليتى ..

ربنا يهدينا جميعا للحق ..

دمتى فى حفظ الله و رعايته دوما و جزاكى الرحمن كل الخير


ارق تحياتى و خالص مودتى

♥نبع الغرام♥♪≈ يقول...

السلام عليكم

تسلم ايديكى فعلا معاكى حق فى كل كلمة قولتيها

ياريت كل الناس اللى متزوجة تقرء الكلام دا وتعمل بيه
مودتى
ايناس

ست البنات يقول...

السلام عليكم

بصراحة الزوج : جنتي وناري
الزوجة ك طلباتي أو............
الزواج بأه :))) ماتش كورة ملوش نهاية

عموما الموضوع مؤلم لأن كل الناس بتتطلق حتى قبل ما تتزوج ، والعيال بيضيعوا بجد في الزحمة...محدش يقول كل الناس بتتربى من غير أب !!!
ده غلط وأمامي ناس كبار وتربوا مع طرف واحد ولسا بيعانوا حتى بعد ما تزوجوا

شكرا موني :)

Unknown يقول...

دائماً وأبداً ضحية الطلاق هو الاطفال والاولاد

لن اجيب على سؤالك الا بكلمتين
كلً من هؤلاء مكمل للاخر
فالزوج والزوجة وجهان لعملة واحده

Lady E يقول...

كتير من حالات الطلاق فعلا بيتناسوا أي موقف حلو كان بينهم للأسف وده لأنهم بيبقوا كرهوا بعض

-----------


الزواج : مودة ورحمة

الزوج : أمان واحتواء

الزوجة : سكن

المعتصم يقول...

سؤال وهعلق بعدين
البوست ده انتِ نزلتيه قبل كده ؟؟ ولاا انا بيتهيألى؟؟؟

موناليزا يقول...

ماء تشرين
ــــــــــ
أختى الحبيبة:اهلا اهلا بالقمر
ده حقيقى للاسف
فعلا الجيل الجديد مظلوم لانه نشأ فى بيئة متعددة الثقافات مما يجعله مذبذبا فى الاختيار
ربنا يكرمك فماتوفيقى الا بالله
نورتينى ياجميلة ويسعدنى مرورك دائما




********************************



ريمان
ــــــ
أختى الحبيبة:اهلا اهلا بالقمر
اشكرك جدا لرايك ولتواجدك
وياريت فعلا التدوينة ده تمنع ولو حتى حالة واحدة من الطلاق
نورتينى ريمو الجميلة واسعدنى تواجدك


*********************************


سومة مجنونة فى بلد عاقل
ـــــــــــــــــــــــ
أختى الحبيبة:اهلا اهلا بالقمر
فعلا احنا مش عارفين الظروف المحيطة بكل حالة طلاق ولكن برضه لو حصل طلاق ليه مايحصلش بالطريقة اللى ربنا قال عليها
ربنا يحفظ بيوت المسلمين من الهدم والتفكك الاسرى
ربنا يكرمك واشكرك جدا لرايك
نورتينى ياجميلة واسعدنى تواجدك


***********************************


جودى
ــــــــ
أختى الحبيبة:اهلا اهلا بالقمر
محكمة الاسرة تشهد الكثير من القصص الحقيقية المؤسفة
ربنا ينجيكِ ياحبيبتى
اشكرك جدا لرايك ولمشاركتك
نورتينى ياجميلة واسعدنى تواجدك


********************************



طوبة فضة وطوبة دهب
ــــــــــــــــــــ
أختى الحبيبة:اهلا اهلا بالقمر
:) مش شرط غياب الاهل يكون هو سبب الطلاق ممكن جدا يكون تدخل اهل الزوجين الزائد سببا للطلاق
تعرفى السبب الحقيقى بجد اننا بعيد عن منهج الله فى كل حاجة
اشكرك جدا لرايك ولتعليقك
نورتينى ياجميلة واسعدنى تواجدك



**********************************


روفى
ــــــــ
أختى الحبيبة:اهلا اهلا بالغالية
انا الحمدلله بخير ماتحرمش من سؤالك
فينك ياحبيبتى من زمان وحشتيييينى
ويارب تكونى انتى والبنات بخير

ربنا يكرمك يارب فماتوفيقى الا بالله
نورتينى حبيبتى وتسعدينى دوما بتواجدك



********************************


عاشقة الاحزان
ـــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
أرجو هذا حقا
اشكرك جدا لرايك ولتعليقك
نورتينى انوسة الجميلة واسعدنى تواجدك



********************************


ست البنات
ـــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
عجبنى استشهادك بمن تربوا من غير اب وكيف ان هذا مازال مسيطر عليهم حتى بعد ان تزوجوا
ربنا يحفظ بيوت المسلمين
الشكر لله ياجميلة:)
نورتينى حبيبتى واسعدنى تواجدك


***********************************


مستر/حازم
ـــــــــ
اهلا بيك استاذ حازم
اشكرك جدا على تعليقك المختصر المفيد
دمت طيبا ولمدونتى زائرا


*******************************



ليدى-اى
ــــــــ
اختى الحبيبة:اهلا اهلا بالقمر
وده بقى سؤالى ليه يوصلوا لدرجة الكراهية
ليه مايبقاش فيه زى مادخلنا بالمعروف نخرج بالمعروف
ربنا يهدى الجميع ويقربنا جميعا من طاعة الله
اشكرك جدا لتعليقك ولمشاركتك
نورتينى حبيبتى وأسعدنى تواجدك




********************************


المعتصم
ــــــــــ
اهلا بيك يافندم
لا دى اول مرة
يمكن لانى اتكلمت فى موضوع الزواج كتير وناقشت موضوع الطلاق قبل كده مع جوجو وزمردة:)
لكن التدوينة دى بعنوانها بالصور بالكلام اللى فيها اول مرة انشره
نورتنى وفى انتظارك دائما

كلمات من نور يقول...

سبحانك يا ربي

لسه مجاوبه حالا على مجموعة استشارات في موقع الإسلام اليوم و أغلبها عن التفكك الأسري بسبب الرجل و كلها من زوجات مضطهدات وووووو

سبحان الله مش عارفه ليه بعض الرجال تنسى أوامر الله في القرآن الكريم وكلماته


عموما ربي يبارك فيكي يا موناليزتي أسهبتي بصورة جيدة و اتكلمتي عن الحياة بعد الانفصال و الأبرياء اللي بيروحوا في الرجلين و الأزواج اللي بتتحول لوحوش ضاريه مالهاش هم إلا تقطيع بعضهم

نيجي بقى للسؤال بتاع ختام كل بوست

الزواج: مودة وسكن ورحمة

الزوجة : أم و حبية

الزوج: طفل و رجل

حاشوفك امتى؟

سمسم/سما يقول...

السلام عليكم
اظن من الاول مفروض قد منقدر نختار صح
وكل حاجة نصيب
ولو حصل لا قدر الله طلاق
نتدبر في امورنا ونعرف انو ابتلاء من عند ربنا
ونتخلق باخلاق الاسلام الصحيحة في معاملاتنا
عسى ربنا يعوضنا خير

تأثير الفراشة يقول...

مش عارفة أقول لك على الموضوع ده،

أفضل وصف للطلاق هو الوصف القرآنى ، فهو فعلا أبغض الحلال ، فلا هو حرام و لا هو شىء هين سهل

فمن البداية لابد أن يكون الفردين - كل منهما- إنسان متوازن فى حياته حتى يستطيع اختيار الشخص المناسب و ليستطيع تكوين أسرة متوازنة

أو كما أعبر عن الموضوع " إبنى نفسك -كإنسان- أولا ، قبل ما تروح تبنى أسرة"

و بالنسبة لسؤالك ، فلا أجد أفضل من الوصف القرآنى

الزواج: مودة و رحمة
الزوج و الزوجة: هن لباس لكم و أنتم لباس لهن

ربنا يصلح أحوالنا جميعا يا رب العالمين

تحياتى لك على البوست القوى

جزاك الله خيرا

TIMMY !! يقول...

للأسف فالأطفال فعلا هم أول ضحايا الطلاق ,

لذا فالأفضل على كل من تزوج ألا ينجب لفترة سنة أو سنتين كي يتأكد أنه قادر على احتمال الطرف الآخر , و أن لا شقاق بينهما إن شاء الله ,
ثم لينجب بعد ذلك كيفما شاء

حاول تفتكرنى يقول...

بالطبع ليس كل شركين يتحول حالهم للنقيض مع مرور الأيام ، فالحب يتحول إلى شىء اسمي واعمق وهو المودة والرحمة وتبقى شاخصة بعض المحاولات المتبادلة بفرض التفوذ والسيطرة باعتبار ان الحياة الزوجية لن تستمر إلا وسط سيل من القبلات والصفعات المتبادلة حتي يشعر كل من الطرفين انه قال كل ما عنده

وعندما يصل الزواج إلى حد الطلاق ، نادرا ما يكون هناك احتراما متبادل للاسباب والشرح كما فى مقالك الكريم ، ونادرا ما يحدث هذ الاحترام لصالح الابناء

لكن
عندما يصلا للطلاق فاكون على يقين ان الطرفان لا يستحق احدهما الآخر

تحياتي

طهر فؤادك يقول...

السلام عليكم ورحمة الله وبركاتة ,,,
جزاكى الله خيرا والمسلمين ... وموضوع رائع جدا ماشاء الله عليكى ... واحنا بنتعلم منك الكتير ... اما بلنسبة للزواج دة سكن ومودة ورحمة وعمرة ماكان تجريح او اهانة او عتاب ... فياريت كل واحد منا سواء الزوج او الزوجة يفهم دة ان شاء الله الحياة هتبقى كريمة وجميلة بأذن الله تعالى ..
وادعوكى لموضوعى الجديد عن الحجاب ورأيك يهمنى اكيددددددددد .

موناليزا يقول...

كلمات من نور
ـــــــــــــــ
أختى الحبيبة:اهلا اهلا بالقمر
لو كان هؤلاء الرجال يعرفوا الله حقا لخافوا منه واتقوه في كل مايفعلوا
ولكن فعلا البعض يأخذ من الدين اسمه فقط ولقب يوضع فى خانة الديانة فى اوراقه الرسمية

ربنا يكرمك يارب اشكرك جدا لرأيك ولمشاركتك فماتوفيقى الا بالله
نورتينى غاليتى واسعدنى تواجدك
هفتح الماسنجر حالاً عشان خاطر عيونك ياقمر:)



**********************************



سمسم
ـــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
فعلا ده المفروض ولكن الواقع مختلف تماما:)
نورتينى سمسمة الجميلة واسعدنى تواجدك



**********************************


تأثير الفراشة
ـــــــــــــــ
أختى الحبيبة:اهلا اهلا بالقمر
مقولتك دى جامدة جدا
"" إبنى نفسك -كإنسان- أولا ، قبل ما تروح تبنى أسرة"
وياريت بجد لو الكل اتخذها شعار
ربنا يكرمك واشكرك جدا لرايك ولمشاركتك
نورتينى ياجميلة واسعدنى تواجدك



**********************************


تيمى
ــــــ
أهلا بيك يافندم
كلامك عين العقل وانا شخصيا مقتنعة بيه جدا
ولكن الغالبية لا يفكرون فى الانجاب حبا فى الاطفال ولكن عشان محدش يقول عليهم انهم ما بيخلفوش !!
أشكرك جدا لتعليقك
دمت طيبا ولمدونتى زائرا



********************************


حاول تفتكرنى
ــــــــــــ
اهلا بيك يافندم
(عندما يصلا للطلاق فاكون على يقين ان الطرفان لا يستحق احدهما الآخر )
عندك حق
اشكرك جدا لتعليقك
دمت طيبا ولمدونتى زائرا



*********************************



طهر فؤادك
ــــــــــ
وعليكم السلام ورحمة الله وبركاته
اهلا بيك يافندم
ربنا يكرمك يارب فماتوفيقى الا بالله
(اللهم لاتؤاخذنى بما يقولون واغفر لى مالايعلمون واجعلنى خيرا مما يظنون)

فعلا والله لو أدرك الجميع الثواب العظيم فى الزواج ما فكر أحدهما أبدأ فى الانفصال

دعوتك مقبولة وانا فى الطريق:)
اشكرك جدا لتعليقك
دمت طيبا ولمدونتى زائرا

KHALED يقول...

الجواز عامل زى البطيخة .... ههههههههه

باهزر طبعا
الجواز .. علاقة إجتماعية معقدة جداً تحتاج إلى مهارات خاصة غير معلنة

و دمتم

منى يقول...

ازيك يا موناليزا يا رب تكونى بكل خير

عارفه احيانا فى حالات الطلاق اللى فيها اطفال بحس احياناان الاب بيطلق اولاده مع امهم
يعنى خلاص كانهم مش اولاده مش عاوز يصرف عليهم يقابلهم وحش طبعا مش كل الاباء كده بس بيبقى وضع محزن اوى
يعنى مش كفايه عليهم انهم اتحرموا من بيت بيجمعهم بأب وام مع بعض من غير ذنب
الخطير ان حالات الطلاق يقت بتزيد يوم عن التانى حتى الخطوبات
مش عارفه معدش حد عنده استعداد يتحمل او يصبر على غيره
ربنا يرحمنا برحمته
الزواج:اما جنه الارض واما جرح العمر
وهذايرجع للزوج والزوجه معا
كل التحيه لموناليزا العزيزه

حياتى نغم يقول...

السلام عليكم ورحمة الله وبركاته

جزاك الله خيرا تدوينه طيبه جامعه وفيها من الخير الكثير ..
ديننا ملىء بالخير ولكن ليعود الناس إليه ..
الزواج آية من آيات الله .
الزوجة سكن ورحمة .
الزوج عماد الحياة الزوجية .

العلم نور يقول...

في الحقيقة عندما مررت بهذه التجربة أسودت الدنيا في وجهي، خاصة وأني لم أطلب الطلاق، لكن العواقب كانت وخيمة جدا على الأبناء الذين بعدوا عن والدتهم، وعاشوا مع أهل والدهم، الذي ظل مسافر في ملكوت آخر وتاركا كل شيء قيم كان عنده.

موضوع جدا مهم شكرا لإثارته

ذكرى رحيل قلم يقول...

السلام عليكم

عندك حق يا بنتي يصور لهم الشيطان وكأنها حرب شنعاء

وقتها بتكون النفس ارهقت من المشاكل والكلام والحل الوحيد هو الانفصال

ولا يستوعبا الموقف الا بعد فوات الاوان
ولا يظلم بينهما الا الاطفال

ربنا يهدي النفوس بين الازواج جميعا ويبعد عنهما كل شيطان رجيم

نصيحة لكل الازواج ان لا تنقطع سورة البقرة من البيت

تحياتي لك ولموضوعك الهام

موناليزا يقول...

خالد
ـــــــ
أهلا بيك استاذ خالد
:) وتهزر ليه ماهى دى الحقيقة فعلا وكل واحد ونصيبه يا اما تطلع بطيخة اهلاوية والكل يبقى مبسوط يا اما زملكاوية والكل يبقى ندمان

رغم انى مش فاهمة ايه هى المهارات الخاصة غير المعلنة دى بس عجبنى المسمى
أشكرك جدا لمشاركتك
دمت طيبا ولمدونتى زائرا



*******************************



منى
ــــــ
أختى الحبيبة:اهلا اهلا بالقمر
انا الحمدلله بخير ماتحرمش من سؤالك

فعلا حاجة مؤسفة تزايد نسبة الانفصال سواء قبل الزواج او بعده وكأن الموضوع بسيط والكل بيستسهلوا
أشكرك جدا لمشاركتك
الشكر لله ياجميلة فماتوفيقى الا به
نورتينى واسعدتينى بتواجدك




*********************************



حياتى نغم
ـــــــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
ربنا يكرمك واشكرك جدا لرايك ولمشاركتك
نورتينى حبيبتى واسعدنى تواجدك





********************************



الشجرة الام
ــــــــــــ
أختى الحبيبة:اهلا بيكِ فى زيارتك الاولى
فعلا انها تجربة مؤلمة وتعتبر من اقسى المواقف واصعبها على المرأة حتى ولو لم تكن تحب زوجها
وليكن عزائك بان الله ليس بظلام للعبيد واذا كان زوجك ظلمك وانتى حتى سامحتيه فربنا مش هيسامحه
ربنا يكرمك واشكرك جدا لتعليقك
نورتى مدونتى وارجو دوام التواصل



*********************************


ذكرى رحيل قلم
ـــــــــــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
تعرفى متهيألى لو عرفوا ان يوم الطلاق ده بيكون فرح للشيطان ما كانوا لجأوا الى هذا ابدا
ولكن البعد عن الله يجعل الشيطان يدخلهم من اى منفذ متاح
اشكرك جدا لتعليقك
نورتينى حبيبتى واسعدنى تواجدك

salwa يقول...

السلام عليكم اخت موناليزا
العائلة نواة المجتمع الذي يقوم عليه الوطن
و الطلاق ابغض الحلال عند الله عز و جل
فهل فهمنا دقة الامر؟؟؟؟؟؟؟؟؟
تسلم يدك كعادتك رااااائعة بادراجاتك
سلاااام

زهرة(جنى)الاسلام يقول...

السلام عليكم
الموضوع شيق للغاية
اختى بأن لايوجدد للطلاق أسباب غير عدم الأختيارالصحيح من البداية

لمى هلول يقول...

الغالية
ان هنا لاقول لك انى تواجدت هنا وانا سعيدة بالمدونة والموضوع

هنالك سؤال
الرجل بالاساس لديه حق الطلاق
لديه حق التزوج ارع زوجات
لديه القدرة على العمل والكد
لديه المال والقوت
لماذا يعاقب المراة فى النهاية
لماذا يحقد عليها وهى الطرف الاضعف
رائى ان بعض الرجال لا يعرف ماذا اعطاه الله بالدين من سلطات لذلك هو يسؤ استعمالها لجهله ولتفكيره الضيق الافق

تقبلى مروى

Dr. Ibrahim يقول...

اللهم اصلح حال ولم شمل كل اسرة

الزوجة هى النصف الأخر للزوج والعكس صحيح

والزواج ماهو الا صيانة للشباب والبنات



وحالات الطلاق كثيرة ولها أسبابها وعندما يعرف السبب يكون هناك العلاج

والله الموفق

عــلاء ســالـــم يقول...

السلام عليكم

فعلا موضوع مهم وقوي
وفعلا الضحيه دائماً هي الأبناء

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياكى الله وبياكى أختى الكريمة وجعل الجنة مثواى ومثواكى .
ادعوا الله أن تكونى فى خير حال وسمحينى على التأخير بس حضرتك ممكن تكونى عرفتى ليه الواحد مكنش له نفس يدخل مدونات كتير زى الأول الفترة اللى فاتت .
ندخل بأه فى الموضوع وإسمحيلى للأطالة قليلا :
- شوية حابب أركز على الزوج فى موضوع الطلاق دا عشان هو اللى فى إيده اليمين وهو اللى عليه المسئولية الأكبر ، بقوله اخى الكريم تذكر قوله صلى الله عليه وسلم :
استوصوا بالنساء ، فإن المرأة خلقت من ضلع ، وإن أعوج شيء في الضلع أعلاه ، فإن ذهبت تقيمه كسرته ، وإن تركته لم يزل أعوج ، فاستوصوا بالنساء
الراوي: أبو هريرة المحدث: البخاري - المصدر: صحيح البخاري - الصفحة أو الرقم: 3331
خلاصة الدرجة: [صحيح]

- نصيحة لكل زوج وزوجة : الزواج نعمة من الله عز وجل ، نعمة لو أحسنا إستغلالها ستكون سببا إن شاء الله فى دخولنا الجنة إذا وفقنا الله عز وجل للنية الصالحة لتأسيس بيت مسلم نقيم فيه حدود الله ليل نهار .
- أخى الكريم ليه مش تعتبر زوجتك دى زى أبوك او أمك أو أحد من أخواتك ، ليه مش تعاملها على الأساس دا ، هو انت ممكن تغير حد من أهلك دول لو معجبكش فيه حاجة او حتى أساء إليك فى يوم من الأيام ، أعتقد والله أعلى وأعلم إنك لو إتبعت الفكرة دى فى معاملتك لزوجتك حتى لو فيها حاجة مش عجباك وسألت الله الصبر على ذلك لوفقك الله للخير .
- وطبعا نفس الكلام للزوجة إعتبرى زوجك دا فعلا أبوكى أو حد من أخواتك مينفعش تغيريه لمجرد ان فيه حاجة مش عجباكى ، فإصبرى أختى الكريمة وإحتسبى الأجر عند الله عز وجل .
اللى عاوز أقوله ان كل واحد مننا يعتبر التانى حد من اهله مينفعش يغيره حتى لو مش عجبه .
- اخوانى وأخواتى :
زوج + زوجة = دنيا
دنيا لو أقمت فيها حدود الله عز وجل لكانت فرصة عظيمة لتنال رضا الله فى الدنيا والأخرة .
دنيا حاولوا تخلوها أجمل ما يكون
وخلوا بالكم ان الكمال لله عز وجل وإننا بشر فينا حاجات حلوة كتير وبردوا فينا حاجات مش حلوة كتير .
الحل إننا نفوض أمرنا لله عز وجل ونمشى على نهج رسوله الكريم صلى الله عليه وسلم .
وفقنى الله وإياكم لما يحب ويرضى
وجزاكى الله خيرا أختى الكريمة وزادك الله من عمله وفضله وكرمه وفقهك فى دينه .
سبحانك اللهم وبحمدك أشهد أن لا إله إلا أنت أستغفرك وأتوب إليك

موناليزا يقول...

سلوى
ـــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ليت الجميع يعى هذا جيدا ويدركه
ربنا يكرمك ياحبيبتى فماتوفيقى الا بالله
نورتينى سلوى الجميلة واسعدنى تواجدك



********************************



زهرة الاسلام
ــــــــــ
وعليكم السلام ورحمة الله وبركاته
اختى الحبيبة:اهلا بيكِ
أحترم وجهة نظرك واشكرك عليها
نورتى مدونتى وارجو دوام التواصل



*********************************



لمى هلول
ـــــــــ
اختى الحبيبة:اهلا بيكِ فى زيارتك الاولى
:) وانا اسعد غاليتى بتواجدك الطيب
أحترم رأيك جدا
نورتى مدونتى وارجو دوام التواصل



*********************************



د/ ابراهيم
ــــــــــــ
اهلا بيك يادكتور
ربنا يكرمك ويتقبل دعائك اللهم امين
اشكرك جدا لمشاركتك ولتعليقك
دمت طيبا ولمدونتى زائرا




*********************************



علاء سالم
ــــــــ
وعليكم السلام ورحمة الله وبركاته
اهلا بيك استاذ علاء
اشكرك جدا لرايك ولتعليقك
دمت طيبا ولمدونتى زائرا



********************************



هكذا علمنى سيدنا محمد صلى الله عليه وسلم
ــــــــــــــــــــــــــــــــ
وعليكم السلام ورحمة الله وبركاته
اهلا بيك يافندم
ربنا يعزك ويتقبل دعائك اللهم امين
انا الحمدلله بخير اشكرك جدا لسؤالك
يا فندم مكانك محفوظ دائما وسيادتك تنورنى فى اى وقت
طول زى ما يعجبك فنحن نستفيد بتعليقاتك المثمرة

عجبنى تشبيهك ده جدا
تعرف اخى الفاضل ان الاصل فى الزواج هو الابدية وليس على سبيل التجربة كما يحدث الان والدليل ان زواج المتعة محرم شرعا لانه يقتضى وقت محدد وبعده تنتهى الزيجة
ولكن للاسف اصبح الزواج الان كلعبة فى يد الغالبية وخاصة اصحاب الاموال منهم
لا يدركون حجم المسئولية وكأن كل شئ اصبح متاح

ربنا يكرمك يارب واشكرك جدا لرايك ولتعليقك
دمت طيبا ولمدونتى زائرا

Tamer Nabil Moussa يقول...

السلام عليكم


رغم ان الطلاق ابغض الحلال الا انة فى بعض الظروف مطلوب

بس الفراق بدون تشوية كل طرف الى اخر يكون افضل

مع خالص تحياتى

د/عرفه يقول...

الطلاق أبغض الحلال عند الله

موضوع الاتهامات المتابادلة مش بس بين المطلقين
يمكن بين اى شركاء واختلفوا والامور زادت
بينهم


القران تناول موضوع العلاقة بين الرجل والمرأة بشكل جميل زى ما وضحتى

GiGi world يقول...

اولا يامونى بجد انت جميله جدا وشخصيه جميله وكتاباتك دايما متزنه وعلى دين صحيحربنا يعزك
وربنا يبارك فى كل بيوت المسلمين ويرزقهم الموده والرحمه


الزواج ميثاق غليظ استهونا بيه جدا والطلاق بقى شئ عادى وربنا ماقالش كده ابدا

الزوجه هى الحب

الزوج هو الامان

مدحت محمد يقول...

بصراحة عندك حق

KHALED يقول...

توضيح ..
مهارات خاصة غير معلنة .. بمعنى
سواء الرجل أو المرأة ..
على كل طرف أن يتفهم حقيقة من أمامة و يعلم ما يحب و ما يكرة فيفعل ما يحب و يتجنب ما يكرة .. أن يعلم كيف يجعل الطرف الأخر سعيداً فيعود علية ذلك بالسعادة.. أن يشعرة دائماً بالإهتمام و يتجنب عكس ذلك و إلا ينهدم أهم أساس فى العلاقة .. و كثير من المهارات التى يجب ان يفعلها كلا الطرفين دون الإفصاح عنها ..

و دمتم بكل ود

غير معرف يقول...

اولا الصور حلوة جدا
و خاصورة الطفل فى الفاترينة
ثانيا:ادعوك لزيارة هذه التدوينة و ابداء الرأي فى الموقع عموما و التدوينة خصوصا

http://www.quranclub.net/2009/10/blog-post.html

مع تحياتي

موناليزا يقول...

تامر نبيل
ــــــــــــ
وعليكم السلام ورحمة الله وبركاته
اهلا بيك استاذ تامر
عندك حق
اشكرك جدا لتعليقك
دمت طيبا ولمدونتى زائرا



*********************************



د/عرفة
ــــــــ
أهلا بيك يادكتور
فعلا واعتقد ان هذا ينطبق عليه قول الرسول صلى الله عليه وسلم عن خصال المنافق وذكر منها"اذا خاصم فجر"

وما اجمل ديننا حقا الذى لم يترك شئ الا وتكلم عنه باستفاضة ووضوح
وما أسوأ الا نقيم حدود الله
اشكرك جدا لمشاركتك
دمت طيبا ولمدونتى زائرا



**********************************


جيجى وورلد
ــــــــــــ
أختى الحبيبة:اهلا اهلا بالقمر
ربنا يعزك يارب أخجلتم تواضعنا حقا
(اللهم لاتؤاخذنى بما يقولون واغفرلى مالايعلمون واجعلنى خيرا مما يظنون)
ربنا يكرمك واشكرك جدا على رأيك ومشاركتك
نورتينى جيجى الجميلة واسعدتينى بتواجدك




*********************************


مدحت محمد
ــــــــــ
أهلا بيك استاذ مدحت بعد طول غياب
اشكرك جدا لتعليقك ولتواجدك
دمت طيبا ولمدونتى زائرا



*********************************



خالد
ــــــ
أهلا بيك استاذ خالد
أشكرك جدا للتوضيح
تعرف حضرتك كل هذه الاشياء تندرج تحت بند تقوى الله
وبلُغة دنيوية عنده ذكاء اجتماعى فى الحفاظ على بيته
اشكرك جدا لمتابعتك
دمت طيبا ولمدونتى زائرا



*********************************


سونيت
ـــــــ
أختى الحبيبة:اهلا اهلا بالقمر
اولا: اشكرك جدا لرايك
ثانيا: من عينيا ياحبيبتى دعوتك مقبولة طبعا
نورتينى ياجميلة واسعدنى تواجدك

ghorBty يقول...

السلامـ عليكمـ

ولا حول ولا قوة الا بالله

شوفي يا موناليزا ربنا عز وجل سمي الزواج ميثاق غليظ واللي يقدر دا هو الانسان التقي حقا ولو حصل واستحالة العشره فيه انفصال بالمعروف ومعادن الناس بتبان اللي بيعمل خير فلنفسه واللي بيعمل غير كدا فعليها

والله يصلح ذات بيننا ويهدي الجميع

.::./.

الزواج : تعاون وسكينه وهدوء النفس والروح

الزوج : سكن

الزوجه : سعادة البيت وبهجته

موناليزا يقول...

غربتى
ـــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
صدقتى غاليتى فمعادن الناس تظهر فى مثل هذه المواقف
اشكرك جدا لتعليقك ولمشاركتك
نورتينى ياجميلة واسعدنى تواجدك