الجمعة، 12 فبراير 2010

عقبال الـ 100 سنة

سنة حلوة يا أمة الله ** سنة حلوة يا أمة الله ...(كده أنا بغنى على فكرة).



ملحوظة هامة: قبل ما أبدأ عايزة أنوه بأن حفل عيد ميلاد مدونتى الثانى هيكون طويل شوية
ولذلك برجاء التفرغ التام لحضور الحفلة يعنى اللى وراه حاجة يخلصها الأول وبعدين ييجى لأن أول ما هيدخل عندنا سوف يتم غلق الأبواب ومش هنفتحها غير بعد إنتهاء الحفلة.
وبلاش حكاية حجز التعليقات لأنى مابنشرهاش .
نبدأ بعون الله
*************
حفلنا الليلة سيكون مختلف تماماً فالمدونة الآن كبرت وأصبح عمرها عامان ولذلك وجب علينا أن يكون الإحتفال متميز ويليق بزوارها الكرام.. وسيكون مقسم لعدة فقرات.
وسنبدأ بأولى فقراتنا وهى عرض الجوايز والهدايا التى حصلت عليها خلال العام الماضى.
-عدد 2 سيارة bmw نتيجة فوزها فى مسابقتين تمتا فى مدونة أوراق مبعثرة.




-برطمان مخلل نتيجة فوزها بالتعليق الأول فى إحدى تدوينات مدونة صعبان علىّ حالنا.



- فوانيس رمضان هدية من الجميلة Lyssandra .





- مجموعة من الكتب بمناسبة عيد الفطر من الشاعر romansy.




-وهدايا أخوية على ذوقها الخاص مُحملة بكرم الصعايدة وكانت من المعتصم .








هدايا على ذوقها الخاص برضه مُحملة بشعار الصلح خير من الجميلة ELMASRYA -
وبالمناسبة دى أحب أقولها وحشتينى ولعل سبب غيابك خير.























طبعاً مش عايزين عزومة ياجماعة البيت بيتكم:)
******
وصلنا لأهم فقرة بالنسبة لى وهى فقرة الشكر والتقدير.

أقدم بطاقة شكر وتقدير لكل من:
- أ / خالد فرج: لمساعدته الدائمة لى وإمدادى بروابط لكتب وبرامج ولوح فنية وهذا الفيديو وأى شئ أحتاجه أو أجهله فى استخدام المدونة.
- د/ إبراهيم سماحة:لإفادته الدائمة لى وإجابته على إستفساراتى الخاصة بالكمبيوتر وعلى هذا الفيديو أيضاً من هنا.
- د/ سبايدر مان: لأنه عمل قسم خاص لمدونتى فى المنتدى الخاص به هنا.
وبهذه المناسبة أدعوكم للإشتراك معنا فى هذا المنتدى.. هنتظركم هناك ماتكسفونيش بقى:)
ولإجابته لطلبى فى تصميم صورة رمزية معبرة عن برنامجى(حماتى فى بيتى).الصورة.
- الجميلة / نوارة:لأنها علمتنى كيفية ترك لينك فى الموضوع وكيفية عمل جدولة للمواضيع.
- أ / أحمد العازمى: لأنه شرح موضوع فى مدونته لكيفية ترك كود لذكر الله وأنا إستخدمته.
- الجميلة/ رفقة عمر :لأنها شرحت لى كيفية وضع كود الترافيك فى المدونة.
- أ/ طهر فؤادك : لأنه صاحب فكرة موضوعين سِحر المال و متعة العطاء .
- أ/ عصفور المدينة: لتوضيحه لى شئ خاص بترجمة المدونة.


- الجميلة/ محاسن صابر: لتشجيعها ومساعدتها لى فى الإنضمام لفريق عمل مطلقات راديو.
- الجميلة/ الفقيرة إلى الله أم البنات: لأنها وضعت موضوعى لا تلومينى فى البانر الجانبى الخاص بمدونتها ليقرأه زوار مدونتها.
- الجميلة/ كلمات من نور: لتذكيرها الدائم لى بأن أضع سؤال جانبى فى كل تدوينة.
- المهندس/ أبو حازم: ليس لأنه دعا لى فى زيارته الغالية للأراضى المقدسة وبس لأ ده كمان لأنه طلب من زواره أن يدعوا لى فى إحدى تدويناته.
- أ / نور الدين: لأنه إحترم حيائى فى هذا الموضوع هل الكتاب المقدس .. مقدس ؟!!! .
- الجميلة/ شيماء زايد: لتصميماتها كروت رائعة فى العديد من المناسبات وإهدائها لى.
- أ/ sakayar و أم أحمد المصرية و إبتسامة ملاك : لحبهم لجوجو وزمردة وسؤالهم الدائم عنهما.
وصلنا للفقرة المنتظرة من قبل الجميع وهى فقرة تقديم الهدايا والحلوى للسادة الحضور.
هنبدأ بالهدايا الخاصة بالأطفال.






وهدايا خاصة بالنساء محملة بشعار "دبدوب لكل مواطن".

وهدايا الرجال كل واحد ياخد علبة وهو نصيبه.

والآن حان تقديم الحلوى لجميع الزوار.( على فكرة التورتات فى البوفيه هتلاقوه فى البانر الجانبى)







وصلنا إلى الفقرة الأخيرة وهى كلمة صاحبة المدونة.


أولاً:أقدم باقة ورد معطرة محملة بأرق العطور لكل من زارنى وترك تعليق محمل بكلمة طيبة لأنها تركت عظيم الأثر فى نفسى. ولكل من يتابعنى ومداوم على ترك تعليقاته حتى لو أختلف معى.
ولكل من يتذكرنى فى دعائه.
وباقة لكل من تعرفت عليهم هذا العام وزادت ثروتى بمعرفتهم.
وباقة أخرى لكل من عرفتهم من أول بدأت تدوين ومازالت تربطنى بهم علاقة طيبة مُحملة بالأخوة الخالصة فى الله.
وباقة أخرى مميزة جداَ لكل من تفاعل مع برنامجى(حماتى فى بيتى) وأشترك فى
ثانياً: كلماتى لكم سواء بردى على تعليقاتكم عندى أو بتعليقى فى مدوناتكم ببقى قاصداها بمعناها الحرفى وده معناه أن كل واحد فيكم عارف معزته عندى ومدى تقديرى له. يعنى مش محتاجة أقول تانى النهاردة.

ثالثاً:أقدم إعتذار لكل من أساء فهمى من خلال ردى على تعليقه عندى أو تعليقى فى مدونته.
وياريت اللى زعلان منى فى حاجة يعرفنى ويسامحنى لأنى ماقصدش أبداً أجرح حد حتى لو أختلف معى.
وعايزة أعرفكم أنى متابعة جيدة لجميع زوارى ولكن أوقات لا أترك تعليق لأسباب سأسردها فى تدوينة منفصلة ولذلك أعذرونى لو لم تجدوا تعليقى فى بعض التدوينات.
رابعاً: يسعدنى إستقبال أى نقد موجه لى أو للمدونة يعنى لو فيه حاجة مش عاجباكم فى أسلوبى فى الكتابة أو فى ردى على تعليقاتكم أو فى تعليقى عندكم (رحم الله رجلاً أهدى إلى عيوبى).
وبرضه لو فيه نقد للمدونة من حيث شكلها أو ألوانها أو طريقة العرض أو الفترة الزمنية بين المواضيع أو أى شئ من هذا القبيل ياريت تعرفونى.
ومدونتى يسعدها إستقبال أى تعليق على أى موضوع مهما كان قدمه فأنا أهتم بجميع التعليقات وبرد عليها.
خامساً: إذا كنت سأطفئ شمعتين اليوم بمناسبة مرور عامان على إنشاء مدونتى فأحب أعرفكم أنكم بعد الله من أضأتوها بمروركم المتميز.
وأخيراً بحبكم جداً فى الله وماحرمنى الله من تواجدكم الذى ينير حياتى وأعتبرة هبة من الله.
لكم منى كل الشكر لمتابعتكم.
وإلى هنا جاء الوقت المحبب بالنسبة لى وهو عرض البالونات:)






وكل سنة وإحنا طيبين ومع بعض دايماً متجمعين.


هناك 61 تعليقًا:

كلمات من نور يقول...

مش حاروح من غير اسئلة؟؟ فين الأسئلة؟؟؟

ربي يكرمك يا موناليزتي ويرفع قدرك ويحبب خلقه فيكي ويديم صحبتنا على الخير وعلى طاعة الله دائما و أبدا..و أنا قاعده مافيش ورايا حاجه في انتظارك...هههههههه..

أحبك في الله يا جميلة ويارب نفضل كده نحتفل بمدونتك طوال عمرنا ...

psycho يقول...

مش عارف اول تعليق اعمله فى المدونات
بس كل سنه وانتى طيبه
وكل سنه ومدونتك الحلوه دى طيبه
تقبلى الهديه المتواضعه دى منى

http://majeed99.files.wordpress.com/2008/09/837400.jpg

The illusionist يقول...

http://www.themomsbuzz.com/photos/uncategorized/2008/05/09/gift_surprise.jpg

الف كل سنه وانتى طيبه
والمدونه الحلوه دى تستاهل العيد الكبير ده

http://www.carrierclinic.org/images/gift.jpg

انا كمان جايب هديه اهو

salma mohamed يقول...

كل سنة وانتِ طيبة يا موني الجميلة,
كل سنة وانتِ في وسطنا بما عهدناكِ عليه من تميز وموضوعات قيمة,
كل سنة والمدونة وصاحبتها في سعادة وتشهد لنا بالخير قدام ربنا,
تعرفي يا موني أنا مش باحتفل بأعياد الميلاد ولا حضرت عمري غير مرة وانا صغيرة ودي التانية :)
فعلشان كده ما اهتمتش غير بكلمة صاحبالمدونة لأنها اللي تهمني في الموضوع :)

موناليزا يقول...

كلمات من نور
ـــــــــــــ
أهلا اهلا بالغالية
:) ايه ده أنتِ ماشوفتيهاش!!
إيه اكتر حاجة بتعجبك فى المدونة وايه اكتر حاجة مابتعجبكيش؟
ماتحرمش منك ابدا ياحبيبتى
تسلميلى يارب من كل شر ودعائك ده اجمل هدية ممكن أحصل عليها:)
أحبك الذى أحببتنى فيه وربنا يجمعنا فى ظل عرشه يوم لا ظل فيه الا ظله
نورتينى غاليتى واسعدنى تواجدك



*********************************


بسيشو
ــــــــ
أهلا بيك يافندم فى زيارتك الاولى
وحضرتك طيب بالصحة والسلامة
أشكرك جدا على هديتك الجميلة:)
بيت مرة واحدة:)
هدية مميزة جدا وجديدة:)
بس ليه التكلفة دى:)
نورتنى وفى انتظارك دائما




********************************


زا اليوسينت
ـــــــــــ
أهلا بيك يافندم
وأنت طيب وبالصحة والسلامة
:) أشكرك جدا على الهدية (ولو انى كنت عايزة اعرف فيها ايه:))
والبنوتة سكر وضحكتها عسل:)
صباح جميل ملئ بكل الخير
متشكرة جدا جدا بجد على ذوقك وتعبك فى اختيار الهدية كمان:)
نورتنى وفى انتظارك دائما



********************************



سلمى محمد
ــــــــــ
أختى الحبيبة:اهلا اهلا بالقمر
وأنتِ طيبة ياحبيبتى بالصحة والسلامة
كلك ذوق وررقة يا سلومتى
ربنا يعزك يارب ويتقبل دعائك
:) ده شئ يسعدنى ويسعد مدونتى جدا على فكرة بتشريفك لنا
طب والبالونات يا لولو :)
يكفينى بجد تواجدك
نورتينى حبيبتى واسعدتينى جدا بتواجدك

عين فى الجنة يقول...

كل سنة وانتى بخير

مشخبطاتي يقول...

ماشاء الله ماشاء الله..

إيه دا كله .. إيه دا كله :)

وعقبال 101 سنة .. مدونة جميلة وتستاهل أكثر من كده والله :)

بالتوفيق دايماً ليكي وللمدونة.

Mahmoud Ahmed يقول...

كل سنه و المدونه بخير ^_^
و عباقل 100 سنه
و احلي حاجه البوفيه المفتوح ^_^
مش هخرج الا لما نخلص كل الحلويات بقي ^_^
وشكرا على كلامك الجميل عليا ^_^
ربنا يخليكي يارب ^_^

غير معرف يقول...

السلام عليكم
عقبال 1000 سنة و من توفق لتفوق
و بالتوفيق يا عزيزيتي

فاتيما يقول...

كل سنة و انتى بالف خير يا مون مون

عيد سعيد على مدونتك يا حبيبتى

و على قلبك الحلو

ايه عيد الميلاد الأبهة دا

انا مش ماشية من هنا بقى


بس على فكرة الإحتفال شبههك و فيه منك كتير قوى

يعنى جميل
و صافى
و حنون
و غرقان حب
و فرحة ع اللى حواليه

يعنى انتى
انتى يا مون مون بالمللى

ربنا يبارك فيكى يا حبيبتى و مظنش هتلاقى حد ممكن يوكن زعلان منك فى اى حاجة لأنك نسمة رقيقة فى عز الحر
حد هيتضايق من رقة النسيم ؟

بحبك قوى
و الف مليون بوسة و حضونة يا حبيبتى

حفيدة عرابى يقول...

كل سنةوانت و المدونةبخير
عقبال 100 سنة
مدونتك جميلة ومتميزة جدا
من حسن حظى انى اتعرفت عليها

موناليزا يقول...

راجى
ــــــــ
أهلا بيك أستاذ راجى بعد طول غياب
وأنت طيب يافندم بالصحة والسلامة
أشكرك جدا لتواجدك
نورت مدونتى




********************************


مشخبطاتى
ـــــــــــ
أهلا بيك يافندم
:) أى خدمة
زرونا تجدوا ما يسركم:)
أشكرك جدا لرايك وسعيدة بتواجدك
نورت مدونتى



******************************


سبايدر مان
ــــــــــــ
أهلا اهلا يادكتور
وكل سنة وانت من زوارنا المفضلين:)
:) عشان تعرف انى مكلفة جامد:)
الف هنا وياريته كان بوفيه بجد:)
يافندم كلامى ده اقل حاجة ممكن اقدمها لكم
ربنا يعزك يارب ويجازيك عنى كل خير
نورت مدونتى واسعدنى تواجدك



********************************


سونيت
ــــــ
وعليكم السلام ورحمة الله وبركاته
أهلا اهلا بالدكتورة الجميلة
أشكرك جدا جدا على تهنئتك الرقيقة
تسلميلى ياحبيبتى
نورتِ مدونتى واسعدنى تواجدك




*********************************



فاتيما
ــــــــ
اهلا اهلا بأم يوسف الغالية
وانتِ بكل خير يارب:)
ايه الكلام الجميل ده:)
لا انا مقدرش على كده:) ده من ذوقك ياحبيبتى وانا اجى جنب طيبة قلبك وحنانك ايه
يابنتى ده احنا بنتعلم منك ازاى نحب بعض.. بجد والله مش مجاملة

ياريت كل الناس يبقى ده رأيهم ومحدش يزعل منى بجد:)

أحبك الذى أحببتنى فيه
وأنا كمان بحبك جداااا وببقى مبسوطة بجد بتواجدك عندى
:) تسلميلى يا طماطم من كل شر
ربنا يسعدك ويفرح قلبك يارب
نورتينى


**********************************



حفيدة عرابى
ـــــــــــ
أختى الحبيبة:اهلا اهلا بالقمر
وأنتِ طيبة وبكل الخير
أشكرك جدا لرأيك:)
ومن حسن حظ مدونتى انكِ تعرفتى عليها
نورتينى وفى انتظارك دائما

كفايـة طيبـة يقول...

كل سنة وانتى طيبة ومدونتك امورة زيك يامون مون
بجد من افيد المدونات اللى عرفتها من اول مادخلت عالم التدوين
ربنا يكرمك يارب وتفضلى دايما معانا ومنورة المدونة بتدويناتك الحلوة
انا كمان متابعة جيدة جدا ليكي بس مش دايما بترك تعليق
طبعا انتى عارفة انا اخدت دبدوب من الدباديب وانا ماشية ... الاصفر الامور اللى عالجمب اللى اسمه بوووه ده
D:

مبسوطة انى ضمن قراء مدونتك :)

دكـــــتور جدا يقول...

كل سنة وحضرتك والمدونة طيبين

وفعلا مدونتك من أجمل المدونات اللي بتابعها باستمرار

دمتم متألقين
تحياتي

أبو كريم يقول...

يا أمة الله بارك الله لك فى مدونتك
وجعلها فى ميزان حسناتك ومتعك الله برؤيتها تكبر أمام عينيك

تحياتى لك

أبو كريم

نور الدين (محمد الجيزاوى) يقول...

كل سنة وانت ومدونتك وكل من تحبين بألف خير اختنا الكريمة
بجد انا كنت حاسس إنى فى حفلة كبيرة فعلااا
مدونتك فعلا من اكثر المدونات اللى بشوف انها مفيدة للجميع سواء فى مواضيعك او قصصك التى لاتخلو من عبر وعظات
كل عام وانت إلى الله اقرب
...
نورالدين محمود

AHMED SAMIR يقول...

عيد ميلاد سعيد لمدونتك الجميلة

salwa يقول...

السلام عليكم اخت موناليزا
الف مبروك و تستاهلي كل خير
اختاري افضل الكلمات لتليق بكي
لك دائما اطيب التمنيات و الادعية و جزاكي الله كل خير
سلام

موناليزا يقول...

كفاية طيبة
ــــــــــ
أهلا اهلا بمن تشاركنى طباع كثيرة:)
وأنتِ طيبة ياقلبى وبكل خير
مبسوطة بجد انك حضرتى الحفلة:)
الله يخليكى فماتوفيقى الا بالله
شهادتك دى اعتز بها جدا
:)طب ومش هتاخدى بالونات
ومدونتى ليها الفخر انك من قراءها:)
نورتينى واسعدتينى حقا بتواجدك



**********************************


ضكتور جدا
ـــــــــ
أهلا بيك يادكتور
وحضرتك طيب وبكل الخير
:) الله يخليك
رأيك ده على دماغى بجد
نورتنى واسعدنى تواجدك



**********************************



ابو كريم
ــــــــــ
أهلا بيك استاذ بهاء
ربنا يكرمك يارب واشكرك جدا لتهنئتك الرقيقة
نورتنى واسعدنى تواجدك



***********************************


نور الدين
ـــــــــــ
أهلا بيك أستاذ نور
وأنت طيب بالصحة والسلامة
:) مبسوطة باحساسك بالحفلة
ربنا يكرمك ويعزك يارب الحمدلله فما توفيقى الا بالله
سعيدة جدا برأيك ويارب تفضل مدونتى كده دايما
نورتنى واسعدنى تواجدك



*********************************


أحمد سمير
ـــــــ
أهلا بيك استاذ احمد
أشكرك جدا لتهنئتك الرقيقة
نورتنى واسعدنى تواجدك



*******************************


سلوى
ــــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
الله يخليكى يارب ده من ذوقك
اشكرك جدا لتهنئتك الرقيقة
نورتينى حبيبتى واسعدنى تواجدك

ستيتة يقول...

كل سنة وانتي طيبة يا مونا
ومنورة التدوين

مدونتك من المدونات الرائعة وده مش كلام للإستهلاك المحلي
لأ
فعلا جميلة ولها شخصية مستقلة تماما

اتمنى لك عند احتفالك بعيدها الثالث
انك تفرحينا بأخبار حلوة اكتر واكتر وتكوني سعيدة في الدنيا والآخرة

اما انا اكلت اكل في عيد الميلاد
وخدت هديتي
وعاوزة عربية توصلني اللينك بتاعي بقى

تحياتي ودعواتي الطيبة لشخصك يا احلى مونا

ريمان يقول...

السلاااااااام عليكم

كل سنه وانتى معانا وعقبال 100 سنه يا قمر

ربنا يباركلك يا رب وان شاء الله مع بعض كلنا كده متجمعين فى الخير

تحياتى ليكى

انا عجبنى اوى الايس كريم

لذيذ

خصوصا اللى بالشوكولاته

طب بمناسبه دبدوب لكل مواطن

ممكن اخد 2 دبدوب؟
انا مش مواطن انا مواطنه
:)

SHAPE YOUR LIFE (ABOALI) يقول...

مليار سنة نماء وعطاء وقبول وامل وسعادة وفرحة وهمسة ولمسة وحنين واصرار وارادة ويقين وايمان وعمل وكد وسمو وارتقاء وفخر ولين وعلو يا موناليزا

mohamed ghalia يقول...

كل سنة وأمة الله بخير
ودايما للأمام
والى جاى يكون احسن

la3lahakhier يقول...

الحمد لله انى جيت ولحقتلى حاجة
كل تدوينة وانت اسعد الستات والبنات
انا هديتى حتوصل على البيت مباشرة
كل حبى

Butterfly يقول...

كل سنه وانتى بخير
ومدونتك طيبه ومليانه بالحاجات الحلوه دى :)

كلمات من نور يقول...

المدونة وصاحبتها حلوين وطعمين ومافيش حاجه تزعل خالص غلا لما ألاقي بوست مافيش فيه أسئلة ........ههههههه

ميرا ( وومن ) يقول...

كل دي حفلة دي زيطة وزمبليطة

كل سنه وانتي طيبة والمدونة طيبة وزوارك بكل خير

عقبال مليوووووون سنه

ليس فقيرا من يحب يقول...

الاول قبل ما اسلم الايس كريم ده كله

ليا لواحدى

مفيش حد ياكل منه مع ان شكله خلث اهىء اهىء

كل سنه وانتى طيبه يا ست الكل يا حبيبتى

عقبال يارب كده ما نحتفل معاكى بعيد ميلاد

المدونه الستين وانتى فى صحه وسعاده

وهنا وراحه بال

امممممممممممممممممم الهديه صح

دا (مصحف ) خديه بقى من بين الاقواس

ههههههههههه

z!zOoOo يقول...

السلام عليكم

ازيك يا موناليزا

يارب تكوني بخير

كل سنه وانتي ومدونتك طيبين

ويارب كل سنه نحتفل معاكي بيها وان يمنحنا الله مزيدا من الايخاء والتجمع والحب في الله وفي المعرفه

دمتي طيبه وبخير

محتفله دوما وإيانا بسنوات إزدهار لمدوناتنا

واشكرك علي الهدايا الرقيقه

تحياتي القلبيه

GiGi world يقول...

كل عام وانتى بالف خسير وصحه وعافيه
happy birtgday to u
ربنا يبارك فى عمرك


ومش هقولك غير انى بحبك فى الله ولكى دعوه دايما من قلبي ياروح قلبي من جوه


جيجي والعالم صديقتى الغلسه اللى مش بتيجى بس ففعلا اعذريها وانت صاحبه كرم وخلاق
بحبك بامونى ياقمر

KHALED يقول...

ههههههههههههههههههه

أنا كلت كمية أيس كريم و شيكولاتات لما حاسس إنى بقيت زى الفيل

كل عام وانتى و كلماتك الجميلة و مدونتك والتى هى جزء من نفسك بخير و سعادة

ربنا يكرمك و يسعدك

واحد من البلد دى يقول...

السلام عليكم

مع ان حضرتك ماجبتيش سيرتى خالص إلا إننى لن أتنصل من الرد(كويسة أتنصل دى) وبرضه بالشعر كالعادة..


كل عام وانتى وانا
إخوة فى الله كلنا
والصداقة بتبقى أقوى
لوماشفناش بعضنا

كل عام وانتى ما بيننا
تمتعينا وتكتبيلنا
تفتحى فى قلوبنا طاقة
منها نورك كان يجيلنا

تخجلينا بذوق ودايما
ماتغيبيش عن حد أبدا
عند (روفى)وعند(جنة)
عند(سلوى)وعند(أيمن)

ربنا يوفق خطاكى
فى الحياة ويقبل دعاكى
بس لما تبقى نجمة
تبقى تاخدينا معاكى

باكتب التعليق وقصدى
يبقى شيئ مش عادى ردى
لجل ما تقولى الكلام ده
كاتبه ,,واحد م البلد دى



...........كل عام و حضرتك وزوار مدونتك الكرام بكل خير...أدامك الله بيننا أختا كريمة وضيفة عزيزة علينا...
دمتى طيبة



ملحوظة...آسف...بس مين جوجو و زمردة

حاول تفتكرنى يقول...

اظاهر اليوم يوم المباركة باليوبيل السنوي للمدونات ، فمنذ قليل مبارك لمدونة صعبان علي حالنا ، وواضح انكم متفقين ان تكون الاحتفالية مرهقة

مبروك ومن تقدم إلى تقدم دائما


على فكرة
استحق جائزة خاصة لأفضل ملاحظة دقيقة

فهذه التدوينة أول تدوينة لك وليس بها اسئلة جانبية

تحياتي

موناليزا يقول...

ستيتة حسب الله الحمش
ـــــــــــــــــــ
أهلا اهلا بنبض الحكمة
وأنتِ طيبة ياحبيبتى بالصحة والسلامة
رأيك ده على دماغى والله وكأنه شهادة مختومة:)
ربنا يخليكى ياجميلة وانا كمان نفسى افرح وافرحكم معايا:) دعواتك بقى:)
:)
:) الف هنا ياقلبى واختارى العربية اللى تعجبك:)
نورتينى واسعدتينى حقا بتواجدك


*********************************


ريمان
ـــــــ
وعليكم السلام ورحمة الله وبركاته
أهلا اهلا بالقمر
:) وأنتِ طيبة وبكل الخير يارب
طبعا الايس كريم والدباديب تحت امرك بس اعملى حساب اخواتك المدونين:)
نورتينى ريمو الجميلة واسعدتينى بتواجدك



*******************************


ابو على
ـــــــــ
أهلا اهلا بصاحب التعليقات المميزة
:) ايه ده كله
طب ارد أقول ايه انا بقى!:)
ماتحرمش من ذوقك ولا من تعليقاتك الجميلة المميزة
نورتنى واسعدنى تواجدك



*********************************


محمد غالية
ــــــــــــ
أهلا بيك أستاذ محمد
الله يخليك ويعزك يارب
وكل عام وانت من زوارى الكرام
نورتنى واسعدنى تواجدك



*********************************


لعلها خير
ـــــــــــ
أهلا اهلا بالغالية
:)ايه المفاجأة الجميلة دى
صباحك فل معطر ياقمر
اهو وجودك دلؤتى بجد اجمل هدية:)
افتقدتك جدا ومدونتى كمان افتقدت تواجدك
وربنا يسمعنى عنك كل خير
وهديتك وصلت ياقمر ماتحرمش منك ابدا
وربنا يديم بينا الحب فى الله
نورتينى حبيبتى واسعدتينى جدا بتواجدك



***********************************


بيتر فلاى
ــــــــــ
أختى الحبيبةاهلا اهلا بالقمر بعد طول غياب
وأنتِ طيبة وبكل الخير يا جميلة
طبعا مش عايزة عزومة البيت بيتك:)
نورتينى حبيبتى واسعدنى تواجدك


*********************************

كلمات من نور
ــــــــــــ
أهلا اهلا بالغالية
ده من ذوقك ياجميلة:)
ومن عينيا مش هنسى الاسئلة خالص بعد كده:)
يسعدنى تواجدك دائما


*********************************


وومن
ــــــــ
اهلا اهلا بالقمر بعد طول غياب
:)طبعا عشان يليق بزوارنا الكرام
وأنتِ طيبة ياقلبى وبالصحة والسلامة
نورتينى حبيبتى وأسعدنى تواجدك



********************************


ليس فقرا من يحب
ـــــــــــــــــ
أختى الحبيبة:اهلا اهلا بالقمر
مخلصش ياقلبى نصيبك محفوظ:)
وأنتِ طيبة ياقلبى وبكل الخير
أشكرك جدا على تهنئتك الرقيقة وهديتك الجميلة
نورتينى حبيبتى واسعدنى تواجدك



**********************************


زيزو
ـــــــ
وعليكم السلام ورحمة الله وبركاته
أهلا بيك أستاذ زيزو
أنا الحمدلله بخير أشكرك جدا لسؤالك
ربنا يسمع منك يارب
وكل سنة وانت من زوارى الكرام
الهدايا دى اقل حاجة بجد ممكن اقدمها لكل من يتابعنى
نورتنى واسعدنى تواجدك



*********************************



جيجى وورلد
ــــــــــــ
أختى الحبيبة:اهلا اهلا بالقمر بعد طول غياب
ماتحرمش منك ابدا ياحبيبتى ولا من ذوقك ودعائك لى
ربنا يعزك ويفرح قلبك يارب
عذراكِ ياحبيبتى وربنا يسمعنى عنك كل خير
بس برضه بتوحشييييينى
نورتينى جيجى الجميلة واسعدنى تواجدك



**********************************


خالد
ــــــ
أهلا بيك أستاذ خالد
:) الف هنا يافندم
طب وبالنسبة للتورتات حضرتك مش تقولى رأيك:)
:)
اشكرك جدا لتهنئتك الرقيقة
وكل عام وانت من زوارى الكرام
نورتنى واسعدنى تواجدك


*********************************


واحد من البلد دى
ـــــــــــــــــ
وعليكم السلام ورحمة الله وبركاته
أهلا اهلا بصاحب الكلمات الجميلة
إزاى يافندم حضرتك من زوارى اللى عرفتهم من اول بدأت التدوين وأهديت ليهم باقة ورد معطرة:)
:)
:)
بجد مش عارفة أقول ايه على تعليقك الجميل ده
بس ده كتييير عليا بجد
أشكرك جدا جدا وهدية مميزة جدا من اخ كريم
وكل عام وحضرتك من زوارى الكرام

:( ايه ده متعرفش جوجو وزمردة!!
دول ياسيدى يوميات أخ وأخت كتبتهاالسنة اللى فاتت هتلاقيها فى اول كل شهر
وبجد عايزة اعرف رأيك فيهم:)
نورتنى واسعدنى تواجدك


**********************************


حاول تفتكرنى
ــــــــــــــ
أهلا بيك يافندم
:) لسه ماشوفتش الاحتفالية الاخرى بس هروح لها حالاً:)
أشكرك جدا لرأيك ولتهنئتك الرقيقة
:) ازاى مخدتوش بالكم أنى سألت بس مش فى اخر الموضوع
ايه اكتر حاجة عجبتكم وايه اكتر حاجة بتضايقكم فى المدونة وصاحبتها؟:)

أشكرك جدا لتواجدك
نورتنى وفى انتظارك دائما

طهر فؤادك يقول...

السلام عليكم ورحمة الله وبركاتة ,,,

اخبارك اية ؟

والف مليون مبروك وعقبال مليون سنة ان شاء الله فى طاعة الله ورسولة سيدنا محمد صلى الله علية وسلم

وبار الله فيكى لانك تذكرتينا فى بوستك الجميل دة ومش تتصورى مدى سعادتى لانك اخت غالية وفاضلة وربنا يديم عليكى يارب نعمة العطاء اللهم امين والمسلمين ..

وربنا يتقلبل منك والمسلمين صالح الاعمال اللهم امين ..

حصان المرجيحة يقول...

طيب كنتي اعزميني و ماكنتش هاكلفك حاجة
معايا اكلي و شربي و بطاطيني و كل حاجة
علي العموم كل سنة و انتي بالف صحة يا مدونة هههههههه

أميرة الأحلام يقول...

كل سنه والمدونه وصاحبتها بالف خير
ربنا يوفقك يارب لما فيه الخير
ويسعدك دايما
ودايما متميزه ومتألقه
دمتى بكل الخير والسعاده

ذكرى رحيل قلم يقول...

السلام عليكم
كل سنة وانت طيبة

مؤقتا

اخلص شغل البيت وبعدين اعلق
في الليل

MOHAMMED ELBANNA يقول...

أمه الله
كل عام وانتى بخير ومدونتك مشرقه ومنيره بين كل المدونات .
تقبلي تحياتي
محمد البنا
طريق النجاح

Lyssandra يقول...

كل سنة وأمة الله دايماً بينا بعملها الصالح :)

كل سنة وانتي بخير
ودايماً أطيب وأنقي قلب يا مونا

Lyssa

(المهاجر الى الله) يقول...

الف مبروك يا امة الله على مرور عامين من عمر مدونتك الجميلة والمميزة والرائعة وعقبال كدة تسعة وتسعين سنة
وبجد الاحتفال كان جميل جدا واكلت من الشيكولاتات والتورتات والجاتوهات لما شبعت ، هل من مزيد :) بس فييه حاجة دورت عليها وملاقتهاش مشروبى المفضل ( فيروز اناناس )ياللا بقى مش مشكلة المرة الجاية بقى وعليكى خير .
عجبتنى الهدايا قوى وانبسط من العروض الجميلة وخصوصا عرض البالونات .
بس صحيح فعلا ..... مش عادتك يعنى !!!!!!
فيييييييين الاسئلة ؟؟؟!!

مدحت محمد يقول...

يارب تبقى فى ميزان حسناتك

وعيد سعيد

وتبقى شاهد ليكى مش شاهد عليكى

كيكى عوووووو يقول...

كل سنه وانتى طيبة
وعقبال 100000000000000
سنة
وحلوة اوى الهدايا بتاعتك دى

Unknown يقول...

كل لحظة وأنــتِ
ومدونتك بألف خير
صعبان كمان كمـلت
سنتين :ياحلاوة ياولاد:)

Unknown يقول...

ماشاء الله عليكى
عامان من الجمال والابداع
كل سنة وكل لحظة وانتى بخير واديما مدونتك تشع ايمان ويقين بالله ومحاولة جادة وصادقة للدعوة اليه والترغيب فيه

كل الحب والاحترام والامانى الجميلة لك
امة الله

موناليزا يقول...

طهر فؤادك
ـــــــــــ
وعليكم السلام ورحمة الله وبركاته
أهلا بيك يافندم
أنا الحمدلله بخير أشكرك لسؤالك
الله يكرمك
يافندم ده أقل واجب حضرتك صاحب افكار بناءة ربنا ينفعنا بها ويتقبل منا ومنكم صالح الاعمال
نورت مدونتى واشكرك جدا لتواجدك



*********************************


حصان المرجيحة
ـــــــــــــــ
أهلا بيك يافندم
:) حضرتك مش محتاج عزومة البيت بيتك
وماتجيبش اى حاجة معاك خير ربنا كتير:)
وكل سنة وانت من زوارى الكرام
نورتنى واسعدنى تواجدك



******************************



أميرة الاحلام
ــــــــــــــ
أختى الحبيبة:اهلا اهلا بالقمر
:) وأنتِ طيبة وبالصحة والسلامة
ماتحرمش منك ابدا
وأشكرك جدا على تهنئتك الرقيقة ودعواتك الغالية
نورتينى حبيبتى واسعدنى تواجدك



*********************************


ذكرى رحيل قلم
ـــــــــــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
وأنتِ طيبة ياقلبى
:) خلاص وأنا مستنياكِ



*******************************


محمد البنا
ـــــــــــ
أهلا بيك أستاذ محمد
وكل عام وانت من زوارى الكرام
أشكرك جدا لتهنئتك الرقيقة
نورت مدونتى واسعدنى تواجدك



*********************************


ليساندرا
ـــــــــ
أختى الحبيبة:اهلا اهلا بالقمر
وكل سنة وانتِ من أحبائى فى الله:)
مبسوطة بجد بتواجدك وخاصة بعد انسحاباتك المفاجأة من ارض التدوين:)
ياريت ترجعى تانى
نورتينى ليسا الجميلة



*********************************


المهاجر الى الله
ــــــــــــــ
أهلا بيك استاذ طارق
الله يبارك فيك
:) يافندم الف هنا
فلا ازاى فاتنى ان اضع قسم المشروبات
بس عموما ملحوقة اصلى مش ضامنة عمرى للسنة الجاية وعشان كده طلبات زوارنا الكرام أوامر
اتفضل يافندم
مبسوطة جدا برأيك فى البالونات:)
ازاى ياجماعة مش واخدين بالكم انى سألت:)
ايه اكتر حاجة بتعجبك وايه اكتر حاجة بتضايقك فى المدونة وصاحبتها؟؟

نورت مدونتى واسعدنى تواجدك


********************************


مدحت محمد
ـــــــــ
أهلا بيك أستاذ مدحت بعد طول غياب
ربنا يسمع منك
أشكرك جدا لتواجدك
نورت مدونتى



**********************************


كيكى عووووو
ــــــــــــــ
أختى الحبيبة:اهلا اهلا بالقمر
وأنتِ طيبة ياجميلة وبالصحة والسلامة
ومبسوطة جدا برأيك فى الهدايا:)
نورتينى واسعدنى تواجدك



**********************************



نوراهاتى
ــــــــــ
أختى الحبيبة:اهلا اهلا بالقمر
وأنتِ ومدونتك بكل الخير
:) شوفتى ولادنا كبروا:)
نورتينى ياجميلة واسعدنى تواجدك


*********************************


نهر الحب
ــــــــ
أختى الحبيبة:اهلا اهلا بالقمر
ربنا يعزك يارب فماتوفيقى الا بالله
أشكرك جدا لتهنئتك الرقيقة
وكل عام وانتِ من زوارى المفضلين
نورتينى نوسة الجميلة واسعدنى تواجدك

مهموهة أحمد يقول...

موناليـــــزا .........

كل سنة و انتي طيبة يا موناليزا
كل سنة و انتي في القلب غالية و عزيزة
و شكرا على التورتات الجميلة اللذيذة
كل سنة و مدونتك رايتها مرفوعة
كل سنة و كلماتك بالعقل و القلب مسموعة

تقبلي خالص حبي و تحياتي و تقديري ليكي يا موناليزا يا قمر

اموااااااااااااااااااااااااااااااه

سامر محمد عرموش يقول...

الاخت الكريمة
الف مبروك وكل عام وانت والمدونة بالف خير
ولو كل الاعياد بهذه الطريقة لمنعوها
ههههههههههههههههه
خرب الرجيم اليوم
الف تحية

غير معرف يقول...

السلام عليكم
أبارك من جديد على العام الثاني المنقضي وأتمنى لو تُقللي الصور الكثيرة جداً على العمود الأيمن وكذلك حاولي تقليل عدد التدوينات المعروضة في الصفحة لأن هذا كله إرهاق على تحميل الصفحة ويكفي أن يكون هناك أرشيف للمواضيع بدلاً من كل هذه المواضيع المحملة والتي ترهقنا حتى يكتمل تحميل الصفحة

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
بسم الله ما شاء الله
ربنا يبارك فى المدونة دى ويوفقك لما يحب ويرضى ويريكى الحق حقا ويرزقك إتباعه ويريكى الباطل باطلا ويرزقك إجتنابه
- بما إن حضرتك طلبتى مننا لو حد عنده اى ملاحظة على المدونة يقولها ليكى فنصيحتى لكى إن انتى كمان تقفى بعيييييييييييد وتتفرجى على مدونتك من بعيد ، وشوفى انتى كمان رأيك ككل هيكون إيه .

- وفقكى الله لما يحب ويرضى لعباده الصالحين

Unknown يقول...

ايوة يامونى
أنا مع الأستاذ
أحمد شـريف فى أن
الصفحة بتتحمل
بالعافية كنت
فاكرة أنها عندى
بس لأنى باستعمل
IE لكن كلام الاستاذ
احمد نفس شكوتى!

موناليزا يقول...

الوفية للأبد مها احمد
ــــــــــــــــــــــ
أختى الحبيبة:اهلا اهلا بالقمر
ايه التهنئة الجميلة دى:)
كل سنة وانتِ من زوارى الكرام اللذين تشرفت بمعرفتهم هذا العام
نورتينى مها الجميلة واسعدنى تواجدك



*********************************


سامر محمد عرموش
ـــــــــــــــــ
أهلا بيك أستاذ سامر
وكل عام وانت من زوارى الكرام
أشكرك جدا على تهنئتك الرقيقة
فى الرجيم فى يوم مفتوح اعتبره النهاردة وخلاص:)
نورتنى واسعدنى تواجدك



*********************************


أحمد شريف
ـــــــــ
وعليكم السلام ورحمة الله وبركاته
أهلا أهلا أستاذ احمد
أشكرك جدا على ابداء ملاحظاتك
وقد قمنا بتقليل عدد التدوينات فى الصفحة الرئيسية
شوف كده وقولى كده كويس ولا ايه؟
وبالنسبة للصور الجانبية بعد عيد الميلاد اكيد كل صور الحفلة هشيلها:)
ولو فيه اى حاجة تانية ياريت تعرفنى
شاكرة ليك جدا
نورتنى وفى انتظارك دائما



***********************************



هكذا علمنى سيدنا محمد صلى الله عليه وسلم
ــــــــــــــــــــــــــــــ
وعليكم السلام ورحمة الله وبركاته
أهلا بيك يا باشمهندس
ربنا يكرمك يارب ويتقبل دعائك اللهم امين

:) كده حضرتك زودت حيرتى لان محدش هيشوف عيوب بنته
يعنى مهما ابص لها من بعيد فهى برضة مدونتى الغالية:)
ولذلك مازلت فى انتظار رأيك:)
نورتنى وفى انتظارك دائما



*******************************


نوراهاتى
ــــــــــ
أهلا اهلا بالقمر
ايوة كده عرفونى عيوبى حتى اتفاداها
فغايتنا خدمة الجمهور:)
حاضر يا حبيبتى انا قللت عدد التدوينات وشوفى كده كويس ولا ايه؟
والصور بعد الحفلة هشيلها:)
واى حاجة تانية عرفينى وانا تحت أمرك
نورتينى واسعدنى جدا ابداء ملاحظتك

Unknown يقول...

الحمـــــد لله
أحسن يامونى:)
وأســــــرع

موناليزا يقول...

نوراهاتى
ــــــــــــ
أى خدمة:)
تابعينى دايما وقوليلى ملاحظاتك
نورتينى نور الجميلة
بحبك فى الله

Hanan Said يقول...

كل سنه وانت طيبه يا موني انتي ومدونتك القمر دي
وعقبال يارب مليون سنه
ونشوف احافدك كده بيدخلو يعلقو عندك
ويبقى لمدونتك اولاد صغيرين
وانا كلت من كل حاجه لغايه مابقيش مش قادره خالص
دخلت امبارح عندك ومن كتر الاكل جيت اعلقلك النت قطع تعب بقى نعمل ايه
:)
كل سنه وانت طيبه يا حببتي

القدر و انا يقول...

الاخت الفاضلة موناليزا
والف مبروك وعقبال مليون سنة ان شاء الله فى طاعة الله ورسولة سيدنا محمد صلى الله علية وسلم

وبار الله فيك وفى مدونتك وكلماتك وافكارك ازادك الله من علمه وفضله
وجزاك عما تقدمين كل الخير
اخيرا احب اقول لك عيد الميلاد جميل ومميز وزى السكر
يارب دايما

ذكرى رحيل قلم يقول...

السلام عليكم
مبروك يا قمر عقبال ميت سنة
بالنجاح والتوفيق دائما

بالنسبة للقصص الطويلة الحوارية ممكن تعملي فيها جانب للتشويق وهو انك تقسميها علي جزئين مع اضافة عامل التشويق

ربنا يفرحك ويكرمك ويرزقك بكل من يدعولك عن ظهر غيب

تحياتي

موناليزا يقول...

أليس فى بلاد العجائب
ـــــــــــــــــــ
أهلا اهلا بالقمر
:)
تعليق مميز:)
نورتينى وأسعدنى تواجدك


***********************************


حنان سعيد
ــــــــــــ
أهلا اهلا بالقمر
وأنتِ طيبة ياحبيبتى بالصحة والسلامة
:) إيه التعليق الجميل ده
:) ياحبيبتى الف هنا وياريته كان بجد
ميرسى جدا لذوقك ورقتك
وكل سنة وانتِ من زوارى المفضلين
نورتينى حنونة الجميلة واسعدنى تواجدك



*********************************




القدر وانا
ـــــــــــــ
أختى الحبيبة:اهلا اهلا بالقمر
ربنا يكرمك يارب ويخليكى ويتقبل دعائك
أشكرك جدا جدا على تهنئتك الرقيقة
وكل سنة وانت من زوارى الكرام
نورتينى ياجميلة واسعدنى تواجدك




*********************************



ذكرى رحيل قلم
ـــــــــــــــ
وعليكم السلام ورحمة الله وبركاته
أختى الحبيبة:اهلا اهلا بالقمر
ميرسى ياقلبى لذوقك:)
امممم أصلى مش بحب القصص لما تكون على أجزاء.. بس ملاحظتك على دماغى وهحاول اطبقها من عينيا حاضر:)
ربنا يعزك ياحبيبتى ودمتِ لى أختا فى الله
نورتينى ياجميلة واسعدنى تواجدك

نسيبه يقول...

بحبك في الله وعقبال مليون سنه
دايما في تقدم ياموناليزا ومدونتك تبقي احسن مدونه

موناليزا يقول...

نسيبة
ــــــ
اهلا اهلا بالقمر
أحبك الذى أحببتنى فيه:)
تسلميلى ياحبى
نورتينى حبيبتى واسعدنى تواجدك

moussi يقول...

عيد ميلاد سعيد ايتها المدونة