الثلاثاء، 9 مارس، 2010

شلل مؤقت

أعانى منذ أيام من جذع فى يدى اليسرى جعلنى أربطها برباط ضاغط أغلبية اليوم. وفى هذه الليلة قررت أن أظل به حتى فى أثناء نومى لعل يدى تخف سريعاً وأستطيع تحريكها بسهولة دون ألم.
وأحكمت الرباط جيداً حتى يأتى بمفعوله. ووضعت يدى اليمنى تحت رأسى كعادتى فى نومى وبعد عناء طويل مع النوم ذهبت فى سبات عميق.ولسبب لا أعلمه أستيقظت من نومى فى منتصف الليل لأجد يدى اليمنى مرفوعة جوارى بشكل معوج.- تقريبا كما هذه الصورة بغض النظر عن الرسمة الموجودة ولكن هذا شكل تقريبى لها-.


وحينما أحاول تحريكها لا تستجيب وشعرت بأنى فقدت القدرة على السيطرة عليها تماماً من تحريك أصابعى إلى تحريكها كلياً وكأنها ماتت.فحاولت أن أستخدم يدى اليسرى فى تدليكها وتحريكها فوجدت رباط الضغط يعوقنى وتذكرت بأنى أحكمت الرباط جيداً.
جاء بخاطرى أن أنادى على شقيقى ولكنى تراجعت ليس لأن صوتى ليس بالعلو الكافى الذى يسمح بأن يستمع إليه أحد فى غرفة مجاورة ولكن لأنى أشفقت عليه من أن أرى نظرة الخوف والقلق فى عينيه.
ولذلك قررت أن أساعد نفسى بنفسى ولا أستعين بأحد إلا إذا فشلت تماماً.
ولحسن الحظ وجدت أن المشبك الذى يتحكم فى الرباط الضاغط قد وقع فحمدت الله كثيراً فهذا يعنى سهولة فك الرباط وقمت بلف يدى اليسرى حول نفسها بطريقة دائرية سريعاً عدة مرات غير مبالية بالألم الناتج عن هذه الحركة العشوائية إلى أن سقط الرباط من يدى أخيراً.
وقمت بتدليك يدى اليمنى إبتداءاً من أصابعى إلى اليد والعكس عدة مرات وبعد مرور دقائق بدت وكأنها الدهر .بدأت الروح تدب فى يدى من جديد وأستطعت تحريك أصابعى ببطء ثم يدى تدريجياً إلى أن أستعادت نشاطها.
وتنفست الصعداء وعزمت بألا أضع رباط الضغط على يدى مجدداً فمهما كان حجم الألم فهذا أخف وطأة من عدم القدرة على تحريك أحد أعضائى.
وحمدت الله كثيراً فقضا أخف من قضا.
ياااه الحمدلله يارب .قد إيه إحنا فى نِعم كثيرة ومش حاسين بيها.

الحمدلله


سؤال جانبى:
ــــــــــــــــــــ
* متى آخر مرة إستشعرت فيها بنعمة من نعم الله عليك وقلت الحمدلله من قلبك ؟.

وما كان الموقف؟.

هناك 50 تعليقًا:

RAYK COOL يقول...

الحمد لله كل يوم

انا حصلي الموضوع دة قبل كدة
و هيروح ان شاء الله بس افضلي لبسة الرباط الضاغط

تحياتي

أمل حمدي يقول...

سلامتك ألف سلامة حبيبة قلبي

الحمد لله الحمد لله

متى آخر مرة استشعرت فيها بنعمة من نعم الله عليك وقلت الحمدلله من قلبك ؟.وما كان الموقف؟.

لن افلح في الاجابة لاني أحمد الله في كل وقت وفي كل المواقف سراء او ضراء اللهم لك حمدا كثيرا كما ينبغي لجلال وجهك الكريم

دمت بخير
وسلامتك ألف سلامة واتمنى ان تستشيري طبيب للاطمئنان
شفاك الله وعافاكِ اللهم أمين

P A S H A يقول...

الحمد لله .. وألف حمداً لله على سلامتك .. ونطلع من الدرس ده بحاجتين :

1- إننا ما نربطش رباط الضغط
2- إننا ما ننامش أساسا

:))))))))

- إجابة السؤال : كل يوم والله الواحد بيكتشف إنه في نعم لا حصر لها بفضل المولى عز وجل .. الحمد لله الحمد لله الحمد لله

تحياتي
:))
سلام

sony2000 يقول...

النهارده اهو
انا كنت فالمحاضره وجنبي وجعني
ولما خف الالم قلت الحمد لله انها رجعت لطبيعتها تاني
بجد الحمد لله علي نعمه الكتييييييير اوي
واحن موش مقدرنها
الحمد لله

كلمات من نور يقول...

يا الله يا موناليزتي ...يعني مش ربطاها وبكل شدة لا وكمان حاطه راسك عليها داه كويس انها مطارتش زي الصقر داه هربا من الألم (: ألف سلامة يا قطتي ..خلي بالك الواحد لازم ياخد باله ...الحمدلله قدر الله وما شاء فعل .....دايما يا موناليزتي كلما ذهبت غلى عيادة طبيب أحمل تعبي و أسأل الله أن يشفيني فإذا بي أرى من الأمراض ما يجعلني أحمد الله على بلائي البسيط و أسأله الشفاء لهؤلاء المرضى ... أسأل الله أن يشفي جميع مرضانا شفاءا لا يغادر سقما......بوسة على راسك

norahaty يقول...

استشعر عظمته
وقدرته ونعمته
فى كل نفس طبيعى
اخذه بسلاسةولا
أعانى فى أخذه.

norahaty يقول...

مليون سلامة عليكِ
ياااااااااااامونى:)

norahaty يقول...

الحمد لله رب العالمين
الحمد لله الذى هدنا
لحمده الحمد لله لعظيم
نعمه الحمد لله لجميل
صنعه.

(المهاجر الى الله) يقول...

السلام عليكم ورحمة الله وبركاته :
الف سلامة عليكى والحمد لله على كل حال وان شاء الله خير . بس ضرورى تروحى للدكتور وتكشفى ، مينفعش تعديها كده
تحياتى.

مشخبطاتي يقول...

السلام عليكم..

شفاكم الله وسلمكم من كل أذى وتصرفتم جيداً بشأن إيقاظ أخوكم من عدمه ..!


السؤال الجانبي:
آخر مرة كانت أمس لأنني في الفترة الأخيرة كنت مريضاً جداً بنزلة برد شديدة (ومازلت) وبدأت في التحسن قليلاً وكنت مرتبط بأداء عمل أحسبه لله وكان المرض سيحبسني..فحمدت الله على الراحة النسبية التي أتت ثم أديت العمل..ثم عاودني المرض مرة أخرى :)


دعواتـ com

sakayar يقول...

السلام عليكم ورحمة الله وبركاته
بداية ألف سلامة على حضرتك لا بأس طهور إن شاء الله
والحمد لله إن الأمر انتهى عند هذا الحد ... وسبحان الله اللي أنعم على حضرتك بالتفكير في نعمته في اللحظة دي ... بخلاف كثيرين هيقعدوا يفكروا في الألم نفسه اللي حاسوا بيه وبس وهينسوا نعمة ربنا عليهم ... ودي ف حد ذاتها - يعني ذكر النعمة - نعمة تانية تستحق الحمد :)
أما للرد على سؤال حضرتك ف لقيته صعب اوووي يترد عليه لانه ف كل لحظة الواحد بيفكر فيها ف نعمة من ربنا بيلاقي نعمة تانية جت في دماغه وحس بيها وتالتة ورابعة .... وإن تعدوا نعمة الله لا تحصوها .... بس أقدر أقول لحضرتك إن آخر نعمتين حسيت بيهم النهاردة كانوا : أولهم إن ربنا أنعم عليا بسلامة الجسد - لما قلت الحمد لله الذي عافانا مما ابتلى به كثيراً من خلقه وانا بقرأ اللي حصل لإيد حضرتك - ف دي ف حد ذاتها نعمة من ربنا عليا ... وندعو لحضرتك بالشفاء العاجل وتمام العافية .... والنعمة التانية إن ربنا أنعم عليا بقراءة تدوينة حضرتك النهاردة اللي فيه تذكرة بنعم ربنا علينا وكنتي حضرتك سبب ف إني أذكر ربنا بالحمد كتير الصبح كده :)
ربنا يعافي كل مبتلى مسلم ويعافي حضرتك ويحفظك من كل سوء ويتم شفاكي على خير يا أستاذة :)
تقبلي مروري .... وتقبلي سلامي لجوجو وزمردة :)

موناليزا يقول...

رايق كول
ــــــــ
أهلا بيك يافندم فى زيارتك الاولى
الحمدلله الذى عافاكم
وبعد اللى حصلى حرمت ألبسه تانى:)
نورت مدونتى وأسعدنى تواجدك


**********************************


أمل حمدى
ـــــــــ
أهلا اهلا بالقمر
الله يسلمك ياحبيبتى ماتحرمش منك
وربنا يزيدك حمد وشكر ليه دايماً اللهم امين

بعد اللى حصلى بجد حسيت ان اى ألم مهما كان فهو بسيط بالمقارنة بعدم القدرة على تحريك أحد أعضائى
والحمدلله بجد

نورتينى حبيبتى وأسعدنى تواجدك



*********************************



باشا
ــــــ
اهلا بيك يافندم
الله يسلمك من كل سوء
:)
ربنا يعزك أضحك الله سنك كما أضحكتنى
هو انا تقريبا مش بنام أصلا بس قررت يومها انى انام عشان محسش بالألم:)

ربنا يزيدك حمد وشكر ليه
نورتنى واسعدنى تواجدك



*******************************


سونى2000
ــــــــــ
أهلا اهلا بالقمر
ياحبيبتى الف سلامة عليكِ وإن شاء الله الالم مايتكررش تانى
نورتينى ياجميلة واسعدنى تواجدك



********************************


كلمات من نور
ـــــــــــــ
أهلا اهلا بالغالية
:) لأ ياقلبى أنتِ فهمتى غلط
إيدى السليمة هى اللى حصلها كده
إيدى التانية مابستحملش أى حاجة تلمسها:)
الله يسلمك ياحبيبتى ماتحرمش منك

اه والله عندك حق اللى يشوف بلاوى الناس تهون عليه بلوته
والحمدلله بجد احنا احسن من غيرنا كتير
وربنا يشفى كل مريض اللهم امين

نورتينى غاليتى واسعدنى تواجدك



********************************


نوراهاتى
ـــــــــــ
أهلا اهلا بطبيبتنا الجميلة
الله عليكِ
ربنا يمتعنا بصحتنا ابدا ما أحيانا
والف حمد وشكر ليك يارب
الله يسلمك ياحبيبتى ماتحرمش منك أبدا
نورتينى ياجميلة واسعدنى تواجدك


**********************************


المهاجر الى الله
ــــــــــــــ
وعليكم السلام ورحمة الله وبركاته
أهلا بيك أستاذ طارق
الله يسلمك يارب من كل شر
والله يافندم فكرت فى أول الألم ما بدأ أصله معايا من فترة:)
وبعدين قلت اكيد الدكتور هيسألنى إيه اللى حصل ولقيت نفسى مش هعرف أرد عليه لأن مفيش سبب يخليها كده
هى لوحدها
ومنعا من انه يقولى زى اى طبيب تانى فى مجالات مختلفة احنا اول مرة نقابل حالة كده:)
بصراحة بيصعبوا عليا وهما بيعلنوا فشلهم فى تشخيص الحالة وعشان كده قررت ماروحلهومش تانى:)

نورتنى وأشكرك جدا لاهتمامك


***********************************



مشخبطاتى
ـــــــــ
وعليكم السلام ورحمة الله وبركاته
أهلا بيك يافندم
ربنا يكرمك ويبعد عنك اى مكروه
:)
شفاكم الله وعافاكم وجعله فى ميزان حسناتك
نورتنى واسعدنى مشاركتك


*********************************


ساكايار
ــــــــــ
وعليكم السلام ورحمة الله وبركاته
أهلا بيك يافندم
الله يسلمك يارب وينجيك من كل شر
فعلا والله عندك حق
الف حمد وشكر ليك يارب فالشكر وحده نعمة تستحق الحمد

حضرتك ماتتخيلش سعادتى بتعليقك على اللى حصلى قد ايه وخصوصا انه سبب فى استشعار نعم الله:)

ربنا يعزك يارب ويمتعنا جميعا بصحتنا

وسلامك الغالى لجوجو وزمردة على دماغى من فوق والله:)

نورتنى واسعدنى تواجدك

الوفية للأبـــد -- مها أحمد يقول...

موناليزا حبيبة قلبي ....
الف سلامة عليكي يا قمر و بجد بجد خلي بالك من نفسك شوية
و بلاش تتعبي نفسك كده و لو ايديكي لسة بتوجعك يا ريت تروحي تكشفي عند دكتور افضل
و ان شاء الله نطمن عليكي يا غالية

اما عن اخر موقف
بصراحة انا كل يوم بشوف مواقف بقول فيها الحمد لله اننا في نعمة و بشكر ربنا بجد

اخرها لما بشوف في التليفزيون الناس اللي بتعاني او الناس اللي مش لاقيين ياكلوا او يعيشوااللي مثلا بييجوا مع عمرو الليثي في برنامج دريم كل خميس اللي هو واحد من الناس

بقول الحمد لله بجد اني بلاقي لقمة اكالها و انام
و اقول الحمد لله على الصحة اللي احنا فيها غيرنا بجد تعبان و مش لاقي لقمة ياكلها
بقول الحمد لله بجد الحمد لله بجد
اغلب الناس للاسف فاكرين ان نعم ربنا اغلبها فلوس
بالعكس الفلوس دي اخر حاجة ممكن نفكر فيها
نعم ربنا التانية احلى و افضل و اشد تاثير على الانسان
و طبعا الصحة و راحة البال و الرضا بما قسم الله لنا
دول اهم اهم اهم النعم و الله على البني ادم
و على فكرة الحمد و الشكر على النعم دي اصلا نعمة
تخيلي بقى ؟؟؟

اللهم اعنا على ذكرك و شكرك و حس عبادتك

خالص حبي و تقديري ليكي

OlivE يقول...

اولا الف سلامه عليكى وبعد الشر عنك يارب


بالنسبه لسؤالك

بجد كلمه الحمد لله دايما على لسانا

بس يمكن اكتر المواقف اللى بحس بمعنى الكلمه بجد وبحسها طالعه من القلب اوى
لما بشوف حد عنده اعاقه سواء بدنيه او ذهنيه او حد مش قادر يعمل حاجة لنفسه
ساعتها بحمد ربنا على كل نعمه متاحه ليا ومش موجوده عند غيرى

الحمد لله
الحمد لله
الحمد لله


موضوعك حلو اوى

تحياتى

ستيته حسب الله الحمش يقول...

الحمد لله انك بخير
خدي بالك من نفسك
سلامتك ألف سلامة
الحمد لله حمدا كثيرا طيبا مباركا فيه مليء السموات والأرض وما بينهما ومليء ما شاء ربي بعد

عايش... ولكن !!!! يقول...

الحمد لله على كل قدره
خيره وشره

مجداوية يقول...

السلام عليكم

الحمد لله الذي أحيانا بعد أن أماتنا وإليه النشور

إظاهر ايدك نامت معاكي ولأنك أحكمت الرباط عليها لم يصل إليها الدم وحدث هذا الخدر وهو مؤلم ولهذا استيقظتي لأن يدك أيقظتك فالحمد لله رب العالمين

وإن تعدوا نعمة الله لا تحصوها
ولكن هناك بالفعل لحظات فارقة تجعلك تخرج الحمد بكل احساس بكل حرف وبكل نعم الله

الفيديو الذي وضعته رفقة عمر للرجل التركي الذي يصلي ثابتا وبساق واحدة جعلني أحمد الله وأخجل من نفسي

وخبر وفاة أم ابراهيم التي استضافها عمرو الليثي في برنامج واحد من الناس التي كانت تحمد الله على معاشها الذي يكفي ويفيض وهو 60 جنيه !!!!!
وماتت وهي تصلي العصر وقبل أن تنتقل إلى شقة تبرع بها أحد المحسنين إليها

وحمدت الله وأيضا خجلت وبكيت ودعوت الله بحسن الخاتمة
فاللهم ارزقنا جميعا الحمد على نعمك وارزقنا حسن الخاتمة ,, اللهم آمين

موناليزا يقول...

الوفية للابد مها احمد
ــــــــــــــــــــ
اهلا اهلا بالقمر
الله يسلمك ياحبيبتى وماتحرمش منك أبدا وانا الحمدلله بقيت أحسن

ربنا يزيدك حمد وشكر ليه
نورتينى مها الجميلة واسعدنى تواجدك


*********************************


اوليف
ــــــــ
أهلا وسهلا فى زيارتك الاولى
الله يسلمك من كل شر
فعلا الحمدلله دائما وأبداً
والحمدلله الذى عافانا مما ابتلى به غيرنا
نورت مدونتى وفى انتظارك دائما



********************************


ستيتة حسب الله الحمش
ــــــــــــــــــ
أهلا اهلا بنبض الحكمة
الله يسلمك ياحبيبتى ماتحرمش منك
وهحاول آخد بالى من نفسى:)
ربنا يزيدك حمد وشكر ليه
نورتينى سوتيتة الجميلة واسعدنى تواجدك



*********************************



عايش ولكن
ـــــــــــ
أهلا بيك أستاذ علاء
تستاهل الحمد
ربنا يعافينا من اى سوء
نورتنى واسعدنى تواجدك




*********************************



مجداوية
ـــــــــ
وعليكم السلام ورحمة الله وبركاته
أهلا اهلا بصوت الحق
لأ يا موجا ايدى السليمة هى اللى حصلها كده:)
وايدى المربوطة هى اللى دلكت التانية بعد مافكيت الرباط بطريقة عشوائية سريعة
ووالله بجد حسيت انها ماتت والحمدلله بجد انى قدرت احركها تانى


ياااه يا موجا مختارة مواقف صعبة جدا والحمدلله دائما وأبدا الذى عافانا مما ابتلى به غيرنا
ربنا يرزقنا جميعا ميتة سوية ومردا غير مخزى ولا فاضح

نورتينى حبيبى الغالية واسعدنى تواجدك

مجداوية يقول...

تبقى ايدك المصابة طلع لها حيل في ايدك السليمة
:)
أنا فهمت غلط ,, غريبة جدا والله وسبحان الله العظيم

إنها سليمة على رأى حنظلة في الفيلم

ألف حمدا لله على سلامتك

موناليزا يقول...

مجداوية الغالية

أضحك الله سنك:)
فعلا والله سبحان الله
والحمدلله قضا أخف من قضا
ربنا يسلمك من كل شر ومايحرمنيش من تواجدك اللى بجد بفتقده

عاشقة القمر يقول...

سلام عليكم ورحمة الله تعالى وبركاتة
أنا حصل انو صرت مش بقدر امشي على رجلي كنت بمسك في الحيط وطالعه عندي رموتويد عارفه مرض داه مستحيل يروح كل دكتور بقولي مش بروح بس الحمدلله الحمدلله الحمدلله أنو مرض داه راح مني بعد ثلاث سنين وصرتي مش بلع الحبوب
بجد من ساعتها كلمة الحمدلله مش بتفرقني
ربنا قادره على كل شي

رفقة عمر يقول...

الف سلامه عليكى موناليزا
انا حصلتلى كنت نايمه ورافعه ايدى ورحت فى النوم وايدى مرفوعه
عارفه حاسيت بايه
كان ايدى زى الريشه ومش عارفه اتحكم فيه
وكنت اشعر انه لا احس بها
بس بعد فتره عادت الدم لمجراه
اما المواقف التى شعرت بها بنعمه الكثيره
فهى لا تعدى ولا تحصى
منها عندما مرضت مرض شديد اقعدنى عن الحركه تمام
وكنت لا استطيع السجود كنت اصلى جالسه
كان حلمى انى ارجع اضع جبينى على الارض مره اخرى
والحمدلله تعافيت تماما وكنت اشعر كاننى كالريشه فعلا الامراض تمحص الذنوب وتخففها
كل اللى باتمناه حسن الخاتمه لى ولجميع المسلمين
اللهم امين

كيكى عوووووو يقول...

يانهار ابيض دة غلط جداا الى انتى علمتى
بس الحمد الله عدت على خير
الف سلامة عليكى
مممممممممممممم
لمة عييت جامد حسيت الواحد لسان بس!!

سبايدرمان spiderman يقول...

الف سلامه عليكي
بس يفضل ان رباط الضغط ميتحطش و انتي انميه خالص
ولو لزم الامر يعني
لازم يكون مش مربوط كويس ، يعني متشديش قوي عليه وا نتي بتلفيه

...

و حاجه بسيطه الحمد لله يعني ^_^
و على فكره مسمهاش شلل ولا حاجه ، هو بس مكنش واصلها دم ^_^

احاسيس آيوشه يقول...

الف سلامة عليكى
انا امبارح كنت فى المستشفى وبصراحة اللى يقعد دقايق قليلة فى اى مستشفى حكومى يحمد ربنا ويشكره على نعمة الصحة

عاشقة القمر يقول...

خلتيني أعيد هذه ذكريات الله لاعيدها تاني
نسيت قوليك سلامتك ألف سلامه

موناليزا يقول...

عاشقة القمر
ــــــــــــــ
وعليكم السلام ورحمة الله وبركاته
أهلا اهلا بالقمر
حمدالله على سلامتك والحمدلله بجد على كل حال
الله يسلمك ياحبيبتى ماتحرمش نك
نورتينى ياجميلة واسعدنى تواجدك



**********************************


رفقة عمر
ــــــــــ
أهلا اهلا بالقمر
الله يسلمك ياحبيبتى ماتحرمش منك
جعله الله فى ميزان حسناتك
وحمدالله على سلامتك
وفعلا رحمة ربنا بينا كبيرة اوى
نورتينى ياجميلة واسعدنى تواجدك



**********************************


كيكى عووووووو
ــــــــــــــ
أهلا اهلا بالقمر
الله يسلمك ياحبيبتى وفعلا الحمدلله عدت على خير:)
حمدالله على سلامتك وطهور بإذن الله
نورتينى ياجميلة واسعدنى تواجدك




*********************************


سبايدر مان
ـــــــــــــ
أهلا بيك يادكتور
الله يسلمك يافندم
ماهو انا للاسف كنت عارفة المعلومة دى بس بجد الألم كان لا يطاق بس بعد اللى حصلى حرمت أصلاً أحطه تانى:)

والحمدلله فعلا جت سليمة:)
تعرف اللى طلع عليا وقتها قلت ايدى ماتت:)
بس الحمدلله
بس بصفتك دكتور ممكن أسأل هو ليه الدم أصلاً مايوصلهاش؟
يعنى السليمة الدم ما يوصلهاش والمربوطة هى اللى تنقذها!!؟؟
:)
نورتنى واسعدنى تواجدك



**********************************


أحاسيس أيوشة
ـــــــــــــ
أهلا اهلا بالقمر بعد طول غياب
الله يسلمك ياحبيبتى
وبعيد الشر عنك
وربنا يمتعنا بصحتنا أبدا ما أحيانا ويجعله الوارث منا
نورتينى ايوشة الجميلة واسعدنى تواجدك

rovy يقول...

لله كل الحمد حبيبتى .. الحمد لله كما ينبغى لجلال وجهه الكريم و عظيم سلطانه

ألف سلامه عليكى حبيبتى يارب تكونى أحسن دلوقت .. ربنا يحفظك من كل سؤ يارب ..

نعم الرحمن عليا و الله أشعر بها كل يوم و كل ساعة .. بل كل لحظة و ثانيه ..

مودتى لكى دائما

salwa يقول...

السلام عليكم اخت موناليزا
نعم الله علينا لا تعد و لا تحصى
و الف الحمد لله على سلامتك
و يا رب ما تشوفي شر
دااااائما مميزة بادراجاتك
سلام

nour shahen يقول...

الحمدلله انك بخير يا قمر الف سلامه عليكى
بجد موقف صعب والحمدلله انه مر بسلام
ربنا يشفيكى ويعافيكى يا رب

اذكر مره حسيت بضيق جدا لسبب مرور فتره معينه بحياتى وكاد الضغط والحزن يموتنى نفسيا لكنى كنت خارجه فى يوم وكدت اموت بجد لما العربيه اللي كنت فيها خبطت موتسيكل ففرملت بشده ومعظم الركاب اتعورو لكنى الحمدلله اتنطرت واصبت بكدمه فى الساق لكن دا ارحم من انى انزف زيهم ربنا رحمنى ورجلى شبكت فى الحديده اللي قدامى وكانت سبب فى عدم ارتطامى بالزجاج الامامى اللي كنت تقريبا هخرج منه واترمى فى الشارع دا لو حصل يعنى لأن العربيه من العربيات الكبيره اللي زى الاتوبيس كدا وانا كنت فى الكرسى الاول اللي جنب الباب وقاعده علي الحرف فبجد نزلت من العربيه بحمد ربنا وشوفت ان كل المشاكل اللي عندى لا تساوى انى لسه عايشه واقدر احلها

*المغتربة* زوزو يقول...

سلامتك الف سلامة حبيبتي

سبحان الله كثيرا ما نغفع عن النعم التي نملكها
و لا ننتبه اليها الا عندما يحصل لنا شيء يذكرنا به
الحمد لله حمدا كثيرا طيبا

اخر مرة استشعرت فيه نعمة من نعم الله كان من شوياو انا راجعة من لكورس صادفني واحد في الميترو معوق
قلت الحمد لله الذي عفانا فيما ابتلى به كثيرا من غيرنا

تحياتي غاليتي

محبتك الطالبة عفو الله

مرايتى يقول...

شفاكى الله وعافاكى يا حبيبتى

أما نعم الله لا تعد ولا تحصى ولن نستطيع حصرها وتفضيله لنا على كثير غيرنا ونحن لا نعلم

ربنا يراضينا بقضائه اللهم امين

أحمد شريف يقول...

السلام عليكم
الحمد لله على سلامتك

وسؤالك صعب فنعم الله كثيرة

ونتذكرها كثيراً

صحيح هل استطعتِ قراءة الكتب أم ما زالت هناك مشكلة ؟

سبايدرمان spiderman يقول...

هو ده ملوش علاقه بالمريضه او السليمه على فكره
هو له علاقه بالضغط على شراين الدم

يعني مثلا انتي لو ربطتي ايدك جامد وانتي صاحيه هتحسي بنفس الحاجات دي عشان انتي منعتي الدم .

....

متنميش على ايدك تاني ، مع اني عارف انه صعب و خصوصا اني بنام كده برضه ومش عارف اغير نومي ^_^

آخر العنقود يقول...

حبيبتي شفاكي الله وعافاكي يارب
الف الف سلامة يامنمن

دائما أتذكر " ان النعمة وحشية فقيدوها بالشكر " لذلك دائما ما أردد
للهم لك الحمد كما ينبغي لجلال وجهك ولعظيم سلطانك"

ياريت تبقي تطمنينا عليكي
وعارفة انى مقصرة فى تعليقاتي معاكي لكن ربنا يعلم انى متابعة ومش بفوت لك موضوع .. صدقا موضوعاتك رائعة ومفيدة

جزاك الله خيرا حبيبتي واعانك وييسرلك الخير اللهم آمين :)

أحبك في الله

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياكى الله وبياكى أختى الكريمة
نسأل الله لكى دوام العفو والعافية وسلمك الله من كل سوء بحوله وقوته
دمتى فى رضوان الله

مطور المدونة العام يقول...

سلام الله عليكى ورحمته وبركاته

الحمد لله على سلامة حضرتك

وايضا الحمد لله على نعمه

كنت عايز من حضرتك شى بعد اذنك طبعا

اكيد اى جانب فى الدنيا لو الانسان مش عنده معرفة ومهارات فية اكيد هيفشل فى الجانب ده

وانا عملت مدونة بتتكلم على جانب من جوانب الحياة وهو اسلوب التعامل ما بين الزوج وزجته والعكس بحيث تكون المشاكل بنهم اقل ما يمكن

وعملت المدونة الهدف الاساسى انى استفيد ( مصلحتك اولا ) وبعد كده افيد غيرى

ومينفعش افتى من دماغى فى هذا الموضوع لانى خارج من مرحلة انطوائية ومعنديش ولا خبرة ولا تجارب فى هذا الموضوع

ومقدميش غير تجارب غيرى والكتب

لذلك ::: لاحظت اجزاء من مواضيعك بتتكلم على هذا الجانب وجانب السعادة الزوجية

وطلبى وده بعد اذنك طبعا ان اقتبس بعد الاشياء من مواضيعك واعادة صياغتها بشكل يتناسب مع اسلوبى واسلوب مدونتى
وايضا هكتب فى اخر الموضوع المراجع اللى استخدمتها ( للحفاظ على حقوق الملكية )

اتمنى يكون طلبى مناسب واسف على الاطالة

وده رابط مدونتى
http://www.togoodfamily.blogspot.com/

شيماء زايد يقول...

أجمل حاجه فيكي يا موناليزا انك بتقدري تشوفي ما وراء السطح الظاهر

يعني بتري في الاشياء ما لا يراه الاخرون
ودي نعمه كبيره اوي

ربنا يوفقك يا رب وألف سلامة عليكي

موناليزا يقول...

روفى
ــــــ
أهلا اهلا بالغالية
الله يسلمك ياحبيبتى من كل شر
وانا الحمدلله بقيت أحسن بكتير وماشية من غير رباط ضغط كمان:)
ربنا يزيدك حمد وشكر ليه
نورتينى روفى الجميلة واسعدنى تواجدك



******************************


سلوى
ـــــــ
وعليكم السلام ورحمة الله وبركاته
أهلا اهلا بالقمر
الله يسلمك ياحبيبتى
تسلميلى يارب من كل شر وماتحرمش من تواجدك المميز
نورتينى سلوى الجميلة



*********************************



نور شاهين
ـــــــــ
أهلا اهلا بالقمر بعد طول غياب
وحشتيييييينى جدا على فكرة

ماتحرمش منك ياحبيبتى وربنا يسلمك من كل شر والحمدلله انا بقيت أحسن:)

ياااه
الحمدلله
الف حمدالله على سلامتك
وفعلا قدر ولطف رحمة ربنا كبيرة
ربنا ينجيكى دايما
نورتينى ياجميلة واسعدنى تواجدك



*********************************


المغتربة "زوزو"
ـــــــــــــــ
أهلا اهلا بالقمر
الله يسلمك ياحبيبتى من كل شر
فعلا والله وان تعدوا نعمة الله لا تحصوها
والحمدلله الذى عافانا مما ابتلى به غيرنا وفضلنا على سائر المخلوقات
نورتينى زوزو الجميلة واسعدنى تواجدك



**********************************


مرايتى
ـــــــ
أهلا اهلا بالقمر
ماتحرمش منك أبدا ياحبيبتى
والحمدلله فعلا فرحمة ربنا بينا كبيرة اوى
نورتينى ياجميلة واسعدنى تواجدك



**********************************


أحمد شريف
ــــــــــ
وعليكم السلام ورحمة الله وبركاته
أهلا بيك أستاذ أحمد
الله يسلمك من كل شر
اللهم اجعلنا من الذاكرين الشاكرين الحامدين

للأسف يافندم باءت محاولاتى فى تنزيل البرنامج بالفشل
بص هو انا اصلا عندى برنامج
AdbeRdr920_en_US وبيفتحلى كتب كتيرpdf
وبعدين نزلت من الرابط اللى اديتهولى البرنامج ده
FoxitReader فلقيته ماعملش حاجة جديدة غير البرنامج الاول كان بيعمله

هو ممكن حضرتك تقولى اسماء الكتب وانا احاول انزلهم
أو تبعت لى رابط البرنامج اللى حضرتك تقصدة مباشرة
يعنى اول ما افتح الرابط الاقى البرنامج لأنى بصراحة بتوه لما بلاقى لصفحة فيها برامج كتير:)

أشكرك جدا جدا لاهتمامك واسفة جدا لتعبك معايا

نورتنى واسعدنى تواجدك



***********************************



سبايدر مان
ــــــــــ
أهلا اهلا يادكتور
الغريب فى الموضوع انى بنام كده دايما وماحصلش حاجة قبل كده!
والاغرب بالنسبة لى ان ايدى المربوطة مش هى اللى حصلها كده!

يلا خير:)
ازاى مانامش عليها تانى ودى سُنة مؤكدة عن النبى فقد كان صلى الله عليه وسلم ينام على شقه الأيمن واضعا يده اليمنى تحت رأسه
وعشان كده بقولك لو كنت بتنام على ايدك اليمين ماتبطلش العادة دى و لو كان على الشمال فلوسمحت غيرها لليمين:)
عشان تاخد حسنات حتى وانت نايم:)

نورتنى دكتور محمود واسعدنى تواجدك



*********************************


آخر العنقود
ـــــــــــــ
أهلا اهلا بالقمر بعد طول غياب
الله يسلمك ياقلبى ماتحرمش منك ابدا
فعلا لئن شكرتم لأزيدنكم
وانا الحمدلله بخير بقيت أحسن بكتير الحمدلله بجد

ربنا يعزك ياحبيبتى ودمتِ لى متابعة جيدة وقارئة متميزة لما اكتب

أحبك الذى أحببتنى فيه
والقلوب عند بعضها بجد
أحبك فى الله
نورتينى نانا الجميلة واسعدنى تواجدك



********************************



هكذا علمنى سيدنا محمد صلى الله عليه وسلم
ــــــــــــــــــــــــــــ
وعليكم السلام ورحمة الله وبركاته
أهلا بيك يافندم
ربنا يعزك ويكرمك يارب ويرزقك بكل الخير
نورتنى واسعدنى تواجدك

*********************************


مطور المدونة العام
ـــــــــــــــــــ
وعليكم السلام ورحمة الله وبركاته
أهلا وسهلا فى زيارتك الاولى
الله يسلمك من كل شر أشكرك جدا

طلبك على دماغى يافندم
ومواضيعى تحت أمرك فهدفى الأول من كتابتهاإفادة من يقرأها
ويسعدنى طبعا ذكر المصادر

ربنا يسعد الجميع ويوفقنا جميعا لما يحبه ويرضاه
نورت مدونتى وفى انتظاركم دائما


***********************************


شيماء زايد
ــــــــــــ
أهلا اهلا بالقمر بعد طول غياب
:) ربنا يعزك يارب فماتوفيقى الا بالله
الله يسلمك ياحبيبتى
وماتحرمش من تواجدك اللى بجد بفتقده
نورتينى شيماء الجميلة واسعدنى تواجدك

إمرأه من ثلج يقول...

أولا سلامتك ياقمر

انا حسيت بقيمة نعمة غريبة شوية الطفولة
ان الواحد يبقى برىء مش شايل هم حاجة فى الدنيا يطلب وطلباتة تجاب

انا بجد بشكرك على زيارتك المميزة

واتمنى دوام التواصل

Sharm يقول...

الف سلامة

من غير عنـــوان يقول...

لا يشعر المرء بنعمة الله إلا لما يحرم منها

الحمد لله

تحياتي

سبايدرمان spiderman يقول...

و الله ما انا عارف بنام ازاي
بس شكلي بنام على اليمين
بتلخبط بين ايدي اليمين و الشمال ^_^

...

هوا نا بنام و احط ايدي تحت دماغي ، و الاهم ان يكون ضهري للشارع ^_^
اقصد يعني يكون ضهري للسرير من بره عشان انا حاطط سريري جنب الحيطه ^_^

...

استني كده

.
.
.
.

ثواني

.
.
.
.

لاتماااام
بنام على اليمين ^_^ (( قمت اتأكد )) ^_^

كيــــــــــــارا يقول...

النفس نعمة

المية اللي محرومة منها نعمة

كل ذرة فينا نعمة

نعم الله لا تحصي

كنت حاسة احساسك دا لما كان رجلي مكسورة

وكان اخويا بيشلنى عشان ادخل الحمام

وبابا اخد اجازه اسبوعين يودي الامتحانات وكان بيشلنى في كل خطة لحد اما اوصل الجنة

بجد كنت بعيط من عجزي لكن كنت بحمد ربنا علي كل نعمه

بجد في نعم كتيرة مش في حد حاسس بيها

معتز شاهين - باحث تربوي يقول...

وألف سلامة .. ولا بأس طهور .. وشفاكي الله وعافاكي

معتز شاهين - باحث تربوي يقول...

وإن تعدوا نعمة الله

لا يرى النعمة إلا من حرم منها

تحياتي ويبقى التواصل

Gannah يقول...

الف سلامة يا مونى
ابقى خدى بالك واضح انك ضغطتى بزمة قوى
الحمد لله على نعمه التى لا تحصى
أحمد الله على نعمة العقل
تحياتى

موناليزا يقول...

امرأة من ثلج
ـــــــــــــــ
أهلا اهلا فى زيارتك الاولى
الله يسلمك ياحبيبتى كلك ذوق
:) أنتِ بريئة اوى على فكرة
نورتى مدونتى وفى انتظارك دائما


**********************************


شارم
ـــــــ
أهلا بيك يافندم
الله يسلمك
نورتنى واشكرك جدا لتعليقك


********************************


من غير عنوان
ـــــــــــــ
أهلا بيك يافندم
صدقت أخى الكريم
ربنا يكرمك ويمتعناجميعا بجميع نعم الله علينا
نورتنى واسعدنى تواجدك



*******************************


سبايدر مان
ـــــــــــــ
يا أهلا يا دكتور
كنت بتلخبط بيهم وعلمتهم أخيرا بحاجة سهلة اوى
ايدى اليمين هى اللى بصافح بيها:)
:)
ايوة كده تمام:)
نوم الصحة:)
نورتنى واسعدنى تواجدك



********************************


كيارا
ــــــــ
أهلا اهلا بالقمر
ياحبيبتى الحمدلله على سلامتك
وفعلا ان تعدوا نعمة الله لا تحصوها
نورتينى نيمو الجميلة واسعدنى تواجدك



********************************



معتز شاهين
ـــــــــــ
أهلا بيك أستاذ معتز
عندك حق جدا
محدش بيحس بقيمة النعمة غير لما بتروح منه
ربنا يمتعنا جميعا بصحتنا
الله يسلمك وأشكرك جدا لتعليقك
نورتنى واسعدنى تواجدك



********************************


جنة
ــــــ
أهلا اهلا بالقمر بعد طول غياب
وحشااااانى جدا وبجد مفاجأة جميلة:)

الله يسلمك ياحبيبتى من كل شر ماتحرمش منك ابدا
:) خلاص حرمت أصلاً
ربنا يزيدك حمد وشكر ويمتعنا دايما بصحتنا اللهم امين
نورتينى غاليتى واسعدنى تواجدك

نسيبه يقول...

السلام عليكم ورحمة الله وبركاته
النهارده حمدت ربنا علي نعمة أمي
كانت زعلت مني وكنت إتخنقت من زعلها لدرجة أني لم أستطع مصالحتها ولا التكلم نهائي فتكلمت معي صديقه لي عن إبنة لرجل عنده شلل نصفي ربنا يعافينا ويريد كرسي متحرك لكي يستطيع التحرك به ودخول الحمام ولكن البنت ترفض لأنها خائفه من الشكل الإجتماعي علي نفسها حيث أنها في أوائل العشرين ولم تتزوج بعد وتخاف ألا يتقدم لها أحد
لا تسأليني ما العلاقه ولكني حمدت الله علي نعمه أمي وأنها تعبانه تعب أخف بكتير وهذا أعطاني دفعه فإتصالحنا والحمد لله وحمدت ربنا مرة أخري أنني لست بجحود البنت
بس أنا خايفه أوصله؟
تفتكري ؟
طب هو أنا ممله وبأتكلم كتير؟

موناليزا يقول...

نسيبة
ــــــــ
وعليكم السلام ورحمة الله وبركاته
أهلا اهلا بالقمر
اللهم اشفى كل مريض
والحمدلله الذى عافانا من هذا

والحمدلله ان ربنا بعتلك رسالة عشان تصالحى بيها مامتك( ماتزعليهاش تانى بقى)

لا ياحبيبتى بإذن الله مش هتوصليله لان هدفك الاول دخول الجنة ووجود امك معاك ده اسهل طريق لدخول الجنة فهتستغليه بقى ولا ايه:)

لا يابطتى انتى مش مملة ولا حاجة واتكلمى ياستى براحتك ولا يهمك كلنا اذان صاغية:)

نورتينى ياجميلة واسعدنى تواجدك