الاثنين، 15 مارس، 2010

إغتصاب فرحة

لم تكن تطمع فى البعثة التى أعلنت عنها الكلية لمن يحصل على تقدير إمتياز. ولكنها أرادت أن تثبت تفوقها لنفسها ولأهلها ولربها قبلهما. وبالفعل بذلت قصارى جهدها. فكلل الله عملها بالتفوق وحصلت على التقدير الذى أرادته. وأصبحت بذلك المُرشحة الأولى لا ينافسها سوى الحظ.
وتناست هذه البعثة حتى لا تشيد لنفسها قصراً من الخيال فى سماء الأحلام. فقد تعلمت أن تترك حياتها لأقدارها ولا تعبث فيها.
ولكنها فوجئت ذات يوم بتلغراف يخبرها بأنها بالفعل قد تم ترشيحها لهذه البعثة.
وشعرت أن العالم لا يسع تلك السعادة التى شعرت بها وقتذاك. وهنا فقط أطلقت سراح أحلامها وفكت كبوة جواد طموحاتها كى تنطلق إلى العنان.
إلا أن جاءها مكالمة هاتفية- قبل ميعاد السفر بأيام قليلة- زلزلت كيانها وعصفت بمشاعرها
تخبرها بكل بساطة: عفواً..لن تستطيعى السفر.
- كان ذلك يوم الخميس الساعة العاشرة صباحاً- ذهبت سريعاً إلى كليتها لمقابلة الشخص المسئول عن هذا وهى تحاول جاهدة التماسك حتى تستفهم عن سبب إستبعادها بهذه الطريقة الغريبة.
سألته مستفهمة: لماذا إذن أرسلتم لى هذا التلغراف؟.
أخذه منها ليطلع عليه
قائلاً:إنها غلطة.. فقد تم تصحيح ورق إحدى الطلاب وحصل على قدر من الدرجات أكثر مما حصلتى عليه.
وهنا لم يعد لهذا فائده- ملوحاً بالتلغراف فى وجهها- وقام بتقطيعه ورماه فى سلة المهملات .
وهنا أدركت إستحالة سفرها فعملية إغتيال كرامتها وطموحاتها مدبرة وتركته وهى محطمة.
لم تدرى ماذا تفعل وشعرت بقلة حيلتها وهوانها على الناس.
لقد تم إغتصاب فرحتها وإغتيال كرامتها وتدمير أحلامها وقتل طموحاتها. وكان هذا كفيلاً بانهيارها.
وخاصة بعد ما علمت فيما بعد بأن هذا الطالب النبغة لم يكن سوى قريب لهذا الشخص. وأصابها إكتئاب حاد ولكنها بدت التماسك فبقدر إنكسارها الداخلى وجرحها الغائر إلا أن تقربها من الله وتضرعها إليه هداها إلى محاولة البحث عن ذاتها المفقودة من جديد وبالفعل تم تعيينها فى وظيفة مرموقة قدرت نبوغها العلمى فى مجال تخصصها.
وبعد مرور سنوات عديدة إذ بمكالمة هاتفية أبداً لم تكن تتوقعها تخبرها بأن هذا الشخص الذى أغتصب فرحتها يرجوها بأن تسامحه على ما فعله معها فقد أصابه الوحش الكاسر ذى الأنياب السامة وعلم أن أيامه الباقية قليلة جداً فأراد أن يخلص ديونه.
ورغم تألمها لمصير إنسان يهاجمه وحش لا يستطيع أحد إيقافه إلا أن هذا لن يعيد غشاء فرحتها المنتهكة ولا سيبث الروح فى طموحاتها المقتولة ولا سيشيد مجد أحلامها المدمرة.
وأعطاها العنوان الذى يعالج فيه حتى يعتذر لها وجها لوجه فأخذته منه وهى عازمة على الذهاب خصيصاً لرؤيته مدمراً وشعرت بأنها حينما تراه هكذا منهزماً أمام الألم الرهيب الذى يعانى منه ستعود إليها كرامتها من جديد. وستثأر لفرحتها المغتصبة حينما تراه يتذلل إليها طالباً السماح.
وعندما ذهبت إليه وجدت الموت قد سبقها إليه.
- تمت-.
------------
" لا تحسبن الله غافلاً عما يعمل الظالمون".



هناك 40 تعليقًا:

sakayar يقول...

ذكرني مقالك بشيء أشبه كثيراً من قصة أعرفها حصلت لأحد الأقرباء جداً لي
وبعد سنوات قليلة الشخص اللي ظلمه زاد مرضه اللي أصبح ليس له علاج إلا الموت واتصل بقريبي هذا اللي اضطر للغربة والسفر لتسديد كل الخسائر اللي تركها ليه شريكه لكن قريبي هذا قطع فترة عمله بالخارج وذهب لزيارة شريكه السابق خصيصاً لكي يخفف عنه الألم ويعلمه بأنه سامحه من زمان ... مش عارف ليه اتأثرت جداً بموقف قريبي ده لإن شريكه أو صديقه غيّر له مجرى حياته تماماً فإزاي بكل سهولة يسامحه على خطأ قاتل سببه ليه ... كانت كل اجابته ليا يومها "احنا بشر ... والانسان ف أقسى حالته بيكون جواه روح ضعيفة ... وافتكر إن ربنا هيحاسبك يوم وهيكون نفسك يسامحك على غلطة بسيطة أووي عملتها ممكن تسامحك ده يكون سبب في مغفرة ربنا ليك ... اللي مش هيساويها حاجة من أمور الدنيا ... وهتحتاج إيه بعد ما تلاقي ربنا بنفسه انتقملك من اللي ظلمك ؟؟
جميلة جداً الآية اللي حضرتك أنهيتي بيها المقال ... دايماً في أي موقف ظلم برجعلها وانظر للسماء وابتسم لإني عارف ربنا شايف كل حاجة
تقبلي مروري أستاذتنا
وربنا يرفع الظلم عنا جميعاً

RAYK COOL يقول...

فعلا لا ينصر الله الظالمين
شكرا موضوع جميل

إمرأه من ثلج يقول...

أزيك حبيبتى

قصة رائعة مليانة بالعبر

ربنا مبيسبش حق المظلوم بس احنا الى بنستعجل النتيجة وعايزنها الوقت

لكن لو أحسناالظن بالله هيكرمنا
تحياتى
وأرجو ان تقبلى مرورى

كيــــــــــــارا يقول...

ربنا كبير بس مش معاها انها تروح عشان تشوفه ذليل

ربنا يرحمنا ويهدينا اجمعين

The illusionist يقول...

حلو قوى قوى
انا اينعم خيالى خصب وقولت هتروح وختحس بالتعاطف
بس احسن حاجه ان الموت سبقها
لان بصراحه
شخصيات زى دى
لما تعمل كده
بتدمر كيان كامل
وشخصيه كامله
وبيحبط نفس انسانيه بدون وجه حق

موناليزا يقول...

ساكايار
ـــــــــ
أهلا بيك يافندم
موقف نادر جدا من قريبك ربنا يكرمه
بس تعرف حضرتك استنتاجى ان يمكن قريبك يكون نجح فى حياته الجديدة وعرف انها كانت احسن بكتير من الاول وعشان كده قدر يسامحه
أصل متهيألى انه صعب على اى شخص لسه مجروح انه يسامح بسهولة كده
او يمكن الله اعلم لسه ماتحطتش فى الموقف ده عشان اقول الكلام بثقة:)

وفعلا ما اجمل كلام الله الذى يهون علينا مشقات الحياة وظلم البشر فيها

أشكرك جدا لتعليقك
نورتنى واسعدنى تواجدك



*******************************


رايق كول
ـــــــــ
أهلا بيك يافندم
ده حقيقى
الشكر لله
أشكرك جدا لرايك
نورتنى واسعدنى تواجدك



********************************


امرأة من ثلج
ــــــــــــــ
أهلا اهلا بالقمر
انا الحمدلله بخير ماتحرمش من سؤالك
أشكرك جدا لرايك
ده حقيقى "خلق الانسان عجولا"
أشكرك جدا لتعليقك
نورتينى وفى انتظارك دائما



*********************************


كيارا
ــــــــــ
أهلا اهلا بالقمر
ربنا يكفيكى شر الظلم
أشكرك جدا لتعليقك
نورتينى واسعدنى تواجدك



********************************


زا اليوسينيست
ـــــــــــــــ
أهلا بيك يافندم
تعليق حضرتك مهما كان رقمه على دماغى ويسعدنى دائما استقباله

ده حقيقى الظلم للانسان بيدمره داخليا
أشكرك جدا لتعليقك
نورتنى واسعدنى تواجدك

من غير عنـــوان يقول...

سرد
جميل و مؤثر

تحياتي

طوبه فضه وطوبه دهب يقول...

حلوا اوى القصه تسلم ايدك وحقا وماربك بظلام للعبيد لكن بياخد حق كل انسان ولو بعد حين

ستيتة حسب الله الحمش يقول...

مونا

من 13 سنة
اتهمتني زميلة اكبر مني بعشر سنين بأني أفسد جهاز الميكرسكوب الكاميرا بالقسم

الأسباب
انفراد بالميكرسكوب علشان تدخل زملاء من اماكن تانية من غير ما اكون انا في الصورة وعين على مصالح القسم

اسباب مؤكد تانية حاولت افهمها وفشلت

طلبت من زميلي رقم 3 في الحجرة شهادة حق
واني لا أذيتها باللفظ ولا بالفعل واني مخسرتش حاجة
وخاصة إني مش بس ها أتأذي في الدكتوراة بتاعتي
لأ دي كونها اكبر مني ممكن تقدم في شكوى تأخر حصولي على الدرجة الأعلى حال الترقية

قال لي زميلي نصا
أنا مليش دعوة بالقصص دي
انا لحد ما اكبر واخلص ترقيتي مش ها ادخل في اي مشاكل

صغر في عيني؟
ابدا
ده طبع الزمن وهو مصرغش ولا حاجة
هو تم وضعه في مكانه الطبيعي
وبتعامل معاه كصديق من يومها ولكن بحدود الصديق النذل :)

ربنا ساعتها سخر لي اساتذة كبار ادوها على نفوخها وخافت منهم وبعدت عني تماماااااااااااااااااا

تمر السنوات
حوالي 13 او 14 سنة

يسبقني زميلي في سلم الترقية
ويصل لأعلى مراتبها

ويتخانق مع معيد صغير ويضربه النهاردة
ويتحرر محاضر في الشرطة ضده
الناس كلها ضده ومحدش مصدقه وكل الناس مصدقة المعيد الصغير
الحقيقة يعلمها الله

نظر لي نظرة تتطلب مساندة
وهو عارف اني بفضل الله مش ها أشهد زور بس ممكن اتدخل احل حاجات كتير بكرم ربنا وقبولي عند كل الأطراف

انا مش ها اشهد لأني مشفتش
ومش ها اتدخل علشان
العين بالعين والسن بالسن وكله بيتخلص مهما طالت السنين

معلش يمكن لو انا مكانها كنت سامحت اللي بيموت
وربنا يسامح كل تائب

لكن اصل اكل حقوق الناس صعب جدا
وانك تقدر تشهد بالحق وتجبن اصعب واصعب واصعب

باين عليه زمن الستات يا اوختشي قطيعة
الرجالة راحوا فين ؟ :)

سامر محمد عرموش يقول...

يمهل ولا يهمل

الف شكر لك والف تحية

القدر و انا يقول...

موناليزا
لا تحسبن الله غافلاً عما يعمل الظالمون".
سبحان الله يمهل ولا يهمل
بس البنت دى ربنا بيحبها جدا لانه رحمها من الشماتة والعياذ بالله
شكرا على بوستك الذى يبين ويذكر ان العادل لا يهمل الظالمين

كلمات من نور يقول...

موناليزتي

كده برضه مافيش سؤال؟؟؟؟

حجاوب أنا بقى من غير سؤال ...تعرفي يا موناليزتي ...ابني الكبير اتعرض للظلم داه مرتين مرة في الجامعة لما دكتور ظلمه سنتين وضيعهم من عمره وحول كلية تانيه ومرة لما طلع الأول على الجمهورية في الرماية ولما عملوا فريق قومي مصري اختاروا ابن فلان علشان قريب فلانة وابن فلانه عاشان قريبة الباشا فلان ومن يومها ابني لم يمسك بندقية ولا يذهب إلى مديادين الرماية ...زبس ربي نصره في دراسته والحمدلله السنة دي يتخرج وكمان المدرب الأمريكي طلبه بالإسم علشان يمرنه ويدخله الفريق بس ابني اعتذر علشان مشروع التخرج .....ربي لا يرضى بالظلم وينصر دوما من ينصره ....تحياتي يا قمري

sony2000 يقول...

بجد بوست رائع
ان الله لايضيع اجر من احسن عملا
هي اشتغلت
وقربت من ربنا
والحمد لله
ربنا رذقها رذق كويس

جنّي يقول...

السلام عليكم

القصة معبرة وتحزن في بدايتها ولكن النهاية تبدد الحزن وان كان لا شماتة في المرض والموت .. ولكن هل من متعظ ؟ وللاسف الاجابة تبين ان ذلك حال بلادي التي انتشر فيها الفساد وغاب عنها الضمير وضاعت فيها الحقوق .. ولكن ما ضاع حق ورائه مطالب ..

تحيتي

أمل حمدي يقول...

قصة مؤثرة

والله يمهل ولا يهمل سبحانه

ربما أراد له المرض ليخفف ذنوبه

ويتوب قبل لقائه

اللهم احسن حاتمتنا اللهم امين

تقديري لك غاليتي

الوفية للأبـــد -- مها أحمد يقول...

موناليزا ......
بجد قصة مشوقة و حلوة جدا و فيها تعبيرات قوية اوي بجد
و فعلا الموضوع ده بيحصل كتير و منهم لله هو كفيل بارجاع الحقوق لاصحابها

خالص تحياتي و تقديري

AHMED SAMIR يقول...

والله لو كل واحد ايقن انه مش هياخد حاجة معاه
كانت الدنيا بقت غير الدنيا

norahaty يقول...

لا ينافسها الأ الواسطة
والمعارف والتربيطات
هكذا بلدنا ولن
يعيد موته
فرصتها
فى الترقى!

موناليزا يقول...

من غير عنوان
ـــــــــــــ
أهلا بيك يافندم
أشكرك جدا لرأيك
نورتنى واسعدنى تواجدك


*********************************


طوبة فضة وطوبة دهب
ــــــــــــــــــــ
أهلا اهلا بالقمر
أشكرك جدا لرايك ولتعليقك
نورتينى ياجميلة واسعدنى تواجدك



********************************


ستيتة حسب الله الحمش
ـــــــــــــــــــ
أهلا اهلا بنبض الحكمة
يااا الله
سبحان الله فعلا أصل الدنيا دوارة ويوم ليك ويوم عليك وكما تدين تدان
بس ناس كتير مفكرين انهم بس اللى يقدروا يتحكموا فى مصير الكون
بس الحمدلله ان ربنا نصرك وخلاكى تشوفيه وهو فى نفس مكانك اللى كان ممكن يطلعك منه

وتعرفى ان ربنا ممكن يسامح فى كل حاجة الا فى حقوق العباد لازم يقتصها دنيا وآخرة

سعيدة جدا يتعليقك
نورتينى غاليتى



*********************************


سامر محمد عرموش
ــــــــــــــــ
أهلا بيك أستاذ سامر
عندك حق
الله يكرمك الشكر لله
أشكرك جدا لتعليقك
نورتنى واسعدنى تواجدك



***********************************


القدر وانا
ــــــــــــ
أهلا اهلا بالقمر
فعلا ربنا كبير
نورتينى ياجميلة واسعدنى تواجدك



*********************************


كلمات من نور
ـــــــــــــ
أهلا اهلا بالغالية
:) معلش ياقلبى هى جت كده

حاجة توجع وتحزن بجد لغاية امتى الكوسة هتفضل موجودة فى حياتنا!!!
قوليله بجد انهم اللى خسروه
وربنا يوفقه فى حياته ويعوض عليه وينتقم من الظالمين

نورتينى غاليتى وتسعدينى دائما بتواجدك



*********************************


سونى2000
ـــــــــ
أهلا اهلا بالقمر
أشكرك جدا لرايك
نورتينى ياجميلة واسعدنى تواجدك



********************************


جنى
ــــــ
وعليكم السلام ورحمة الله وبركاته
أهلا بيك أستاذ سعيد
فعلا لا شماتة فى المرض والموت فالمظلوم يريد حقه المهدر لا اكثر
وربنا يرحمنا من هذه الابتلاءات
أشكرك جدا لتعليقك
نورتنى واسعدنى تواجدك



*******************************


أمل حمدى
ــــــــــ
أهلا اهلا بالقمر
أشكرك جدا لرايك ولمشاركتك
نورتينى ياجميلة واسعدنى تواجدك



**********************************


الوفية للابد مها احمد
ـــــــــــــــــــــ
أهلا اهلا بالقمر
أشكرك جدا جدا لرايك ولتعليقك
نورتينى مها الجميلة واسعدنى تواجدك



**********************************


أحمد سمير
ــــــــ
أهلا بيك أستاذ أحمد
بس تقول لمين يافندم!
نورتنى واسعدنى تواجدك



*********************************


نوراهاتى
ـــــــــــ
أهلا اهلا بالقمر
عندك حق
هى كانت عايزة حقها وفى وقته كمان
نورتينى ياجميلة واسعدنى تواجدك

MOHAMMED ELBANNA يقول...

ان الظلم لظلمات يوم القيامه
تقبلي مروري
محمد البنا

Single Mummy يقول...

عزيزتى موناليزا
احلى حاجة انها لم تستسلم للاحباط والقهر وانطلقت وربنا كرمها"وعسى ان تكرهوا شيئا وهو خير لكم" سبحان اللة ربنا كرمة ملوش حدود
فعلا بوست مشجع ربنا يباركلك
تحياتى وقبلاتى

Prince-Palestine يقول...

عبرة كتير حلوة ومؤثرة سلم يمينك

الله كبير


تقبلي مروري وخالص تحياتي

اتمني الشهادة يقول...

عادت كرامتها بحصولها علي الوظيفه المرموقه في المكان الذي قدّرت فيه ملكتها العلميه
اما عن اصابته بمرض فقد يكون هذا درساَ لإفاقة مذنب اراد الله له ان تغفر ذنوبه قبل الممات فهو في نعمه من الله عسي ذلك لكون في هذا الشخص الخير فليس عليها ان تغضب منه والسماح هو الشي الوحيد المتاح في تلك الظروف والدعاء له بالشفاء
واعتقد ان فتاه بمثل هذا القدر من التدين حتي وان كانت تعتقد بما قالته في رؤيته مريض الا ان الرحمه التي تكون في قلوب المؤمنين اكبر من ان تشعر بكره وشماتة في مرض او موت
غفر الله لنا والله وقبل توبتنا جميعا
وجزاك الله اختي في الله علي هذه القصه الملئه بالعبر

هيوووم يقول...

السلام عليكمالأخت العزيزه مقالك من واقع الحياةوهو يحدث فى كل مكان لكن لابد ان نتيقن من شىء وهو وعسى ان تكرهوا شيئا وهو خير لكم وسبحان الله احيانا نظن إن ما يحدث لنا هو نهاية الكون ولكن ما يحدث العكس ومهما طال الزمن فأن الحق مصيره ان يظهر...تحياتى

شيماء زايد يقول...

ان تغتصب فرحة ، ويتربع الظلم فوق القلب من ابشع المشاعر الانسانه علي الاطلاق

ولكن عندماتشتعل في النفس رغبات التشفي او الانتقام ... فتلك النار تحرق صاحبها فقط

وما ربك بظلام للعبيد

تحياتي يا موناليزا

موناليزا يقول...

محمد البنا
ـــــــــــــ
أهلا بيك أستاذ محمد
وقليلاً ما يدركون
أشكرك جدا لتعليقك
نورتنى واسعدنى تواجدك



**********************************


سنجل مامى
ــــــــــــ
أهلا اهلا بالقمر
ربنا يكرمك واشكرك جدا لتعليقك
نورتينى ياجميلة واسعدنى تواجدك



*********************************


برينس فلسطين
ـــــــــــــــ
أهلا وسهلا فى زيارتك الاولى
أشكرك جدا لرايك ولتعليقك
نورت المدونة وفى انتظارك دائما



********************************


أتمنى الشهادة
ـــــــــــــ
أهلا وسهلا
أشكرك جدا لرايك ولتعليقك
ولا نستطيع ان نجزم برد فعلها المناسب الا اذا كنا مكانها
اسعدنى تواجدك



**********************************



هيوم
ـــــــ
وعليكم السلام ورحمة الله وبركاته
أهلا وسهلا فى زيارتك الاولى
صح جدا فالحق مسيره يرجع لصحابه
أشكرك جدا على تعليقك
نورت المدونة وفى انتظارك دائما


*********************************



شيماء زايد
ـــــــــــــ
أهلا اهلا بالقمر
عندك حق ولكنها النفس البشرية
احنا مش ملايكة وطعم الظلم مر
أشكرك جدا لتعليقك
نورتينى شيماء الجميلة واسعدنى تواجدك

احاسيس آيوشه يقول...

اسلوبك جميل والقصة جميلة
بس مش عارفة ممكن انسان يفضل سنين طويلة عايش باحساس الظلم ويتمنى يتنتقم لكرامته مهما طال الوقت
بس العجيب ان الضماير تصحى وتتطلب التسامح والعفو
تسلم ايديكى بجد على البوست ده

الجواز و سنينه يقول...

الفكره جميله و بتحصل
بس لو حد رايح لحد فى فراش الموت اى ما كان ضره
اكيد هايسامحه لانه بين ايدى الرحمن و ربنا يرحمنا جميعا

ahmed_k يقول...

قصة رائعه
فالمحسوبيه أصبحت شبحا يهدد مجتمعنا بأكثر من تلك الوحوش الكاسره التي ارسلت في طريق مغتصب الحق
فلو تخلصنا من تلك الآفة المقيته لنهضت مجتمعاتنا ولصار لها رقما بين الأمم
مقال جميل كعادة كل ما يجود به قلمك

rovy يقول...

لا حول و لا قوة الا بالله العلى العظيم ..
ليت الضمائر النائمه نستيقظ قبل فوات الأوان ..
قصة رائعه شعرت بصدقها جداا من كثرة ما نراه من ظلم و موت لضمائر الكثيرين مع الأسف ..
اسلوبك رائع كعادتك ..
كل الموده و التقدير لكى غاليتى
تحياتى

حصان المرجيحة يقول...

تعرفي انا وقفت عند ايه
ان البنت سامحت الراجل و للا لا
و هل كانت مسامحاه قبل ما يطلب عفوها؟
عارف ان الموضوع صعب
بس اظن هو ده العفو عند المقدرة
تسلم ايدك

salwa يقول...

السلام عليكم اخت موناليزا
ان الله يمهل و لا يهمل
داااااائما مميزة
تسلم يدك
سلااااااااااام

موناليزا يقول...

أحاسيس أيوشة
ـــــــــــــــ
أهلا اهلا بالقمر
أشكرك جدا لرايك ولتعليقك
وعندك حق صعب ان الظالم يحس بظلمه بسهولة
نورتينى ايوشة الجميلة واسعدنى تواجدك



**********************************


الجواز وسنينه
ـــــــــــــــ
أهلا اهلا بالقمر
أشكرك جدا لرايك
ومقدرش أءكد على كلامك أو أنفيه لانى ماتحطتش فى الموقف ده:)
نورتينى ياجميلة واسعدنى تواجدك



*********************************



أحمد-ك
ــــــ
أهلا بيك أستاذ أحمد بعد طول غياب
أشكرك جدا لرايك ولتعليقك
وعندك حق جدا
نورتنى واسعدنى تواجدك



*********************************



روفى
ـــــــ
أهلا اهلا بالغالية
آه لو الضمائر أستيقظت لمات أصحابها من شدة الندم
أشكرك جدا لرأيك ولتعليقك
وماتحرمش من تواجدك الذى يسعدنى دائما
نورتينى روفى الجميلة



*********************************



حصان المرجيحة
ـــــــــــــ
أهلا بيك يافندم
ماظنش أن أى حد يكون لسه مجروح وبيعانى من الظلم ويقدر يسامح بسهولة كده
ومش كل الناس تقدر على العفو عند المقدرة
أشكرك جدا لتعليقك
نورتنى واسعدنى تواجدك



**********************************



سلوى
ـــــــ
وعليكم السلام ورحمة الله وبركاته
أهلا اهلا بالقمر
ونعم بالله
دائما تسعدينى بتواجدك المميز
نورتينى سلوى الجميلة وأشكرك لتعليقك

sun of free dom يقول...

قصة جميلة
تسلمى

Dr Ibrahim يقول...

قصة تتكرر كثيراً
ومثلها مثل التعيين فى الجامعة ومستشفياتها
وأن أولاد الدكاترة يحصلون على أعلى الدرجات ويتعينوا على الرغم من كونهم قد لا يعلمون قدرا كافيا من العلم
ولكن كما أنهيتى فأن الحق لن يضيع..

الزهرة البرية يقول...

ياه يامونى القصة صعبة أووى وفعلا لا يخلف الله وعدا أبدا دائما ما يريده الله خير لنا مما نريد

القصة فيها مواعظ ووقفات كتير ربنا يثبتنا دوما ولا يرنا مكروها أبدا فى عزيز لدينا

تحياتى ليكى حبيبتى

Joudy

ميرا ( وومن ) يقول...

" لا تحسبن الله غافلاً عما يعمل الظالمون".

صدق الله العظيم

موناليزا يقول...

سن اوف فريدم
ــــــــــــــ
أهلا وسهلا
ربنا يكرمك
أشكرك جدا لرايك
نورتنى واسعدنى تواجدك



**********************************



د/ ابراهيم
ــــــــــــ
أهلا بيك يادكتور بعد طول غياب
وجود الواسطة فى مجتمعنا من الاسباب الرئيسية لكوننا مازلنا عالم تالت
أشكرك جدا لتعليقك
نورتنى واسعدنى تواجدك



*********************************



الزهرة البرية
ـــــــــــــــ
أهلا اهلا بالقمر
ايه المفاجأة الجميلة دى:)

فعلا لعله خير فما الله بظلام للعبيد
أشكرك جدا لتعليقك
نورتينى جودى الجميلة واسعدتينى حقا بعودتك




********************************



ميرا وومن
ـــــــــ
أهلا اهلا بالقمر
ما اجمله من كلام
نورتينى ميرا الجميلة واسعدنى تواجدك

نسيبه يقول...

السلام عليكم ورحمة الله وبركاته
كلامك فيه نبرة قسوة شوية بس يستحق كل من يظلمون ويغتصبون ما ليس من حقهم يستحقون العقاب وأن نقسو عليهم ولكن هل نتأثر هل فعلا يصيبنا القسوة بعض الشىء وإن كان هل هي محموده ولازمه أم منتقده ؟ بسأل بجد مش عارفه
بس أحيانا كتير أخشي أن أكون ظالمه وأنا لا أدري فأنا بالفعل ظلمت ولكن من ظلمتهم أعلمهم وأعلم مبرراتي ودوافعي ولكن من لا أعلمهم أكيد أكتر ربنا يعفو عنا جميعا ويعيننا أن نري أخطائنا وعيوبنا ويعيننا عي تصليحها
اللهم آمين

موناليزا يقول...

نسيبة
ــــــ
وعليكم السلام ورحمة الله وبركاته
أهلا اهلا بالقمر
ماتنتظريش حاجة من واحد اتظلم ومخدش حقه غير القسوة فى التعامل ومحاولته للانتقام (إحنا بشر مش ملايكة)

فعلا ياموحا الخوف اننا نظلم واحنا مش عارفين

ربنا يستر ويغفر لنا ذنوبنا مالانعلمها ومالانعلمها اللهم امين

نورتينى حبيبتى
واسعدنى تواجدك