الجمعة، 17 سبتمبر، 2010

الدين لا يتجزأ


لا تأخذ شيئاً من دينك وتترك أشياء أخرى لتوافقها مع هواك. فالدين الإسلامى كتلة واحدة.
وكما أنه لا يجوز أن تغسل جزءاً من جسدك وتترك أجزاء أخرى إذا أردت أن تكون طاهرأً لا يجوز أيضاً أن تتعامل مع الدين بهذه الطريقة لأنك بهذا تسئ إليه وإلى من يعتنقونه فديننا دين الأخلاق وقد انتشر زمان بتعامل التجار فى البلاد الغير إسلامية. ويؤسفنى كثيراً سماع أننا بلاد إسلامية بلا مسلمين وهناك مسلمين بلا إسلام.
يوجد أمثلة عديدة جداً للإساءة للدين على سبيل المثال وليس الحصر:
* إختلاط البنات مع زملائهم فى الجامعة أو العمل بطريقة مستفزة من هزار باليد لتطاول باللسان والانبساط فى الكلام وكأنهم أشقاء أو زوجين لدرجة تصل إلى التحدث بالساعات سواء فى التليفون أو على النت ومفيش مانع لو ذهبت تزوره فى منزل أهله أو ركبت معه سيارته الخاصة أو وضعت له الطعام فى فمه أو ارتفع صوت ضحكتها وما إلى ذلك والمصيبة الكبرى حينما تقول "أنا مابعملش حاجة غلط كله فى النور وقدام الناس..!!!!".

*يحرص على آداء العمرة سنوياً وهو مرتشى فى عمله أو سارق أو يساعد على الظلم وما إلى ذلك..وكأنه ذاهب هناك على اعتبار أنها فسحة وتغيير جو ودلؤتى بقت موضة.

* مدون أو مدونة بيتكلموا عن الدين أو معروف أنهم مسلمين ويقوموا بوضع صور بنات شبه عاريات سواء فى واجهة أى موضوع أو فى البانر الجانبى.

* محجبات ويضحكن سوياً فى الشارع بضحكة رقيعة و بصوت عالى فى الشارع وممكن تكون بينهن من ترتدى النقاب وتشترك معهن فى هذا المزاح الماسخ.. وكأنهن فى البيت!!.

* وجود مسلمين المفروض أنهم عارفين دينهم كويس وبيتكلموا على الشات أو على النت بصفة عامة باستفاضة مع الجنس الآخر بدون سبب هام أو مقنع سوى قضاء وقت الفراغ.. لا تتبعوا خطوات الشيطان فالبداية بتكون بكلمة غير محسوبة.

* زوج يطلق زوجته ظلماً إرضاءاً لأمه.. وكأنه لا يعرف من الدين سوى طاعة الوالدين!.

* يسرق أبوه أو أخوه أو زوجته.. ده على اعتبار إن مفيش بين الخيرين حساب!.

* يكذب ويغش ويخون العهد وينقض المواثيق ويغدر بعد أن يعطى الأمان ولكنه يحرص على أذكار دخول المنزل والخلاء.. وكأن الدين لا يوجد فيه سوى الأذكار.

* ماسكة السبحة وطول الوقت تسبح وتستغفر ومع أول زائر لها تتحدث بالغيبة والنميمة.. وكأن ده موضوع وده موضوع تانى خالص!.

* تقرأ فى المصحف دائماً ولا تنفذ حرف واحد مما تقرأه.

* يتزوج على كتاب الله وسنة رسوله ويخالف ماقاله الله ومافعله رسوله.

* ترتدى النقاب وقدمها ظاهرة أو ملابسها ضيقة أو راسمة عينيها بطريقة ملفتة للنظر أو واضعة ماكياج تحت النقاب.

* مسلم فى البطاقة ولكنه معجب بالملحدين وطريقة تفكيرهم ويقرأ لهم أكثر ما يقرأ فى دينه وليس هذا فحسب ولكنه دائماً يعترض على من يتحدث عن الدين.

*مسلم يحرص على إطلاق لحيته ولكنه لا يصلى.

* يحرص على أداء الفروض فى المسجد ولكنه فظ غليظ القلب ينفر الجميع من تواجده.

* يحرص على صلة رحم أهل والده بعد وفاته ولا يسأل عن زوجته وأولاده.

* يصلى جميع الفروض عدا صلاة الفجر .. وكأنها سقطت من حساباته.

* تقوم بآداء جميع الفروض وتتحدث مع شباب عبر الهاتف أو النت بالساعات.

*تطلب الطلاق من زوجها لأنه مابيصليش رغم أنها مابتركعهاش.. وكأنه حرام عليه وحلال عليها.

* يترك عمله بالساعات لآداء فريضة الظهر أو العصر ويتسبب فى تعطيل مصالح الكثير.. رغم أنه يستطيع أن يصلى فى العمل فى مدة لا تزيد عن خمس دقائق.

وغيرها كثير من الأمثلة المسيئة لديننا الغالى..
اللهم أرنا الحق حقاً وارزقنا اتباعه وأرنا الباطل باطلاً وارزقنا اجتنابه..
وسلام على المرسلين والحمدلله رب العالمين.



سؤال جانبى:
ـــــــــــــــــــ
* أذكر موقف مشابه يثير غيظك من فاعله؟.



هناك 25 تعليقًا:

heba : ) يقول...

اممم

فيه مواقف كتير مشابهة لكده فعلا في بالي

لكن خلينا نستر على الناس

وربنا يهدينا ويهديهم

richardCatheart يقول...

تحيه على بوست جميل ياريت الناس تشوفه

يتعاملو بالاسلام الصح ويفتكرو كان ايه

شكرا يا موناليزا

richardCatheart يقول...

والله لفت نظرى الجمله بتاعت الملاء والزميلات عجبتنى ليه بقى علشان الجمله دى لما بتتقال يترد يقولك ايه التخلف دا

احنا هانرجع للعصر الحجرى

وفى فرق كبير بين الجمله والبعصر الحجرى

الاسلام مش ضد الاختلاط الستات طول عنمرها من ارادت كانت مع الرسول الكريم عليه صلاوه اله وسلامه وال بيته وصحبه اجمعين

للحروب ولو ارادت حضرت مجالس العلم
وعملت نشر الحديث والسنه
ولو ارادت طلقت ولم ترغم على العيش غصب

انما الاسلام ضد تعدى الحدود والاباحيه

فيها ايه لما يكونى زميل او زملاء محترمين فى حدود العمل والحديث المحترم والاخد والعطى فى الكلام بتهذيب ولطف محدد هو لازم الزملا والزميلات يكركرو طول الوقت ويقول نكت قبيحه لبعض
الواحد بيسمع مساخر والفاظ بيقولها لبعض لايصدقها عقل

ثم ان الراجل او الست اللى بيحترم نفسه مع زميله او العكس بيحترم نفسه ليه هو

شكرا واسفه على الاطاله

قطرة وفا يقول...

معااااااااااكي حق بجـــــــــــد

حاجات بتغيييظ


شفتِ بوست رحلة الجبل


هنقلك الموقف :)

اثار إنتباهي موقف ... شخص جعل إبنته المحجبة البالغة من العمر 9 سنين و بضع أشهر ( سن التكليف لدى البعض ) ... تصافح صديقه !!! ... كيييف سمح لها ... و قلت في نفسي ... لو كان أبي هنا ... لما تحمل هذا الأمر ... حقاً ... إن علمنا أطفالنا على الحجاب والحشمة ... فلنعلمهم أن مصافحة الأجنبي حرام أيضاً ... حتى لو كان صديق ( البابا ) !

و على فكرة (( ملحوظة جانبية )) اخترتك من ضمن اللي عايزاهم يؤدي الواجب اللي تحولّي :) ... يا ريت تتفضلي و تأديه :)


موضوع جميل بجد :)

قلم رصاص يقول...

السلام عليكم

لم تتركي لنا مثالا يمكننا ان نسوقه
فكلامك جامع مانع

بوست رائع جدا

وربنا يقوينا جمميعا على حسن عبادته

MR.PRESIDENT يقول...

ربنا يهدي الجميع

انا مش هقول امثلة لأني في من العيوب ما لا يعلمها إلا الجبار الرحيم .

أحمد شريف يقول...

" تطلب الزواج من زوجها لأنه مابيصليش رغم أنها مابتركعهاش "
أعتقد أن المقصود " تطلب الطلاق من زوجها "
سهو كما أتصور

==============
ولمجمل التدوينة أقول :
لا فُض فوك

The illusionist يقول...

حضرتك مبتتكلميش فى موضوع الا لو الواحد بيبقى عاوز يرد عليه بكتاب كامل من الاستفاضه والكلام

والله عندك حق
لدرجه ان الواحد بيشوف قدامه من ده كتير

وحتى بيعمل كده وهو مش حاسس

الواحد مش عارف بس يعمل ايه

ساعات الواحد لما بيبتدى يطبق كل حاجه فى وقت واحد
فجاه بييجى انتكاسه
ومبعرفش ارجع

طب ايه الحل

لو مطبقتوش كله فعلا ببقى تعبان وبخلى ده يطبق على اللى بعده
يعنى ازاى اصلى وانا عاق للوالدين
ولا ازاى بحفظ قران وانا مبصليش

حاجات فعلا مبعرفش اعمل فيها ايه

ربنا يستر

بس شكرا
كلامك بيفكرنى بالصح

حتى لو مش ليا

بس انا بترجمه ليا انا

ذكري رحيل قلم يقول...

السلام عليكم
بارك الله فيكي حبيبتي علي هذا الموضوع الهام
ايضا يجبر زوجته علي المعاملة الجيدة لاهله مع العكس من نحيته
يجبرها علي زيارة مامته كل يوم وعدم زيارة اهلها

تعمل جاهدة علي نقل اسرار زوجة ابنها والتحدث عنها بأسلوب غير لائق
يا ختي مش عرفة ليه ع العموم امثلة في وضع الاعتبار

غيظهم في نحرهم

تحياتي لموضوعك الهام

كلمات من نور يقول...

اتناقش هذه الأيام مع مدون يدعو للتدوين المرئي ( ومش مقتنع بكلامي وعايزني أقنعه )مش برضه احنا الإختلاط محرم عندنا في الإسلام والا ايه؟؟؟؟؟؟؟؟

http://www.braineye.net/be/?p=2005

شمس النهار يقول...

عجبني ذكرك للي بيقولوا قال الله وقال الرسول وهمه ابعد عنه
وكمان تبسط النساء مع الرجال علي الشات
والفيس مما يخرب البيوت
يعني ايه ست تكلم رجل اجنبي عنها علي الشات بالساعات
ومراته لما تفتح بقها يتقال لها وايه يعني
طيب اعمل انا كده طيب علي الله تعملي كده وتبقي طالق

تسلم ايدك

سمية قهوة يقول...

فعلا الدين لا يتجزأ

الشاعر الفنان أحمد فتحى فؤاد يقول...

مواقف كتير مشابهة

لكن الحقيقة الفساد أصبح أوضح و أكبر و أعم من مجردذكر موقف

جزاكى الله كل خير
و كتبه لك و لنا فى ميزان الحسنات

دمتى بخير

momken يقول...

سيدتى كثيرا ممن الناس من يتخذون الاههم هواهم فيضلوا به ضلال كتير ويكون قلبه
بعيد عن ربه ويستر قلبه بساتر يمنع دخل الرحمات

قال تعالى بسم الله الرحمن الرحيم
({أَفَرَأَيْتَ مَنِ اتَّخَذَ إِلَهَهُ هَوَاهُ وَأَضَلَّهُ اللَّهُ عَلَى عِلْمٍ وَخَتَمَ عَلَى سَمْعِهِ وَقَلْبِهِ وَجَعَلَ عَلَى بَصَرِهِ غِشَاوَةً ... )

صدق الله العظيم


جزاكم الله خيرا

طهر فؤادك يقول...

السلام عليكم ورحمة الله وبركاتة

بارك الله فيكى

وربنا يتقبل منك ومنا صالح الاعمالا للهم امين

وربنا يبعدنا عن الرياء اللهم امين والمسلمين

ومواقفك جميلة وشاملة وان شاء الله نستفاج منها كلنا اللهم امين والى يلاقى فيها موقف مشابهة يحاول يصلح من نفسة ان شاء الله

salwa يقول...

السلام عليكم اخت موناليزا
حفظك الله من كل شر و كثر من امثالك
دائما منك نستفيد
جزاكي الله كل خير
سلام

نور الدين يقول...

ربنا يحفظك يارب
والله مواضيعك بتفرح قلبى
اسأل الله ان يكرمك بما هو اهله
...
بالنسبة للمواقف فانا ارى فى نفسى اكثر المقصرين فلا احتاج ان اذكر عيوب غيرى
دمت ِ بكل الخير

esraa يقول...

السلام عليكم
كل ما قلتيه و اكثر سبب فى تخلفنا حتى الآن و سبب فى تقدم الغرب
موقف يغضبنى لابعد حد هو اصحاب اللحى فى المساجد و الذين يعتبرون انهم فقط المسلمين و الرجل الغير ملتحى هذا ليس من دينهم فى شىء وواجب عليهم مقاطعته مع العلم ان ديننا لا يدعونا إلى الأخذ بالمظاهر
و كذلك المنتقبات و هذا والله موقف حدث امامى لا أدعيه

حصان المرجيحة يقول...

المشكلة اننا بقينا بنعلق عيوبنا علي شماعة( مافيش حد كامل )
و بناخدها مبرر مع ان النبي قال :(كمل من الرجال كثير ولم يكمل من النساء إلا أربعة)
علي الاقل نتشبه بالكاملين ان ماكناش كاملين ( كمال بشري طبعا )
و اظن ده سببه ضعف العزيمة و قلة الحيلة
شكرا ليكي

أبو كريم يقول...

يا أمة الله

السلام عليكم ورحمة الله

وكل سنه وحضرتك والعائله والمسلمين بكل خير


الأمثله دى موجوده وكتير بس اكتر حاجه بتستفزنى هى البنت الى بتشيش بحس انى عاوز اضربها

السلام عليكم

rovy يقول...

برافو يا مونى .. فعلا احنا بقينا عايشين فى مجتمع مجنون و فيه نسبة نفاق تخنق .. ربنا يرحمنا برحمته .. و يهدينا أحنا كمان لما يرضيه عنا ..
الأمثله كثير يا مونى .. متعديش ..
ألف مبروك للجميله أيمان ربنا يتمم لها بكل الخير ياارب ..

مودتى لكى

الظل يقول...

يتبرع بمبلغ كبير من المال لمسابقة القرآن الكريم .. يحج بيت الله الحرام


يفعل ذلك لأن الانتخابات على الأبواب

فيعلق صورته بزى الاحرام فى أماكن عامة

ويعلن عن التبرع بنفسه أمام الناس


وكأنه لم يسمع عن شئ يحبط العمل اسمه رياء

راجل صعيدى يقول...

اول مرة اتشرف بدخول مدونتك فتحية خاصة لك على مجهودك وارجو من الله انا يستفيد الجميع منه .. كما اود ان اتوجه بتقدير خاص لك على تواجدك الدائم مع اليس فى مدونة ( اه منك يا دنيا ) فعلا تستحقين كل تقدير على ذلك فمن هم مثل اليس نادرون فى هذه الدنياوانا شخصيا اعتقد انها فعلا انسانة حبيبة لربها ربنا يكرمكم جميعا .

موناليزا يقول...

أحبائى فى الله
أشكركم جدا لمشاركتكم وتعليقاتكم
أسعدتونى جميعا بتواجدكم
وفى انتظاركم دائماً

ماجد القاضي يقول...

تذكرة قيمة كالمعتاد أختي الكريمة...
تذكرت أثناء القراءة موقف حدث في دائرة معارفي، حيث تزوج شخص أرملة أخيه حتى يعولها هي وأبنائها (ممتاز).. لكن عندما غضبت زوجته طلقها، وتركها بلا إنفاق ... أيضا هي وأبنائها (الذين هم أبنائه)......!!!!!!!!!!! 

تحياتي...