الجمعة، 21 يناير 2011

اللى اتمنيته


هو: مش قادر أصدق .. أخيراً تم وضع اسمى على مقال.
هى: لك حق تفرح لأن رئيس الجريدة أول مرة يعطى لأحد هذه الإمتيازات بهذه السرعة.
هو: ومين قال إن هذه أول مرة بالنسبة لى؟.
هى: تقصد إيه؟ أنت جيت هنا قبل كده؟ ولا كنت بتشتغل فى جريدة تانية قبل كده؟.
هو: لأ الموضوع غير ما أنتِ متخيلة.
هى: ممكن توضح.
هو: من صغرى وأنا بحلم بهذه الوظيفة وبهذا المشهد تحديداً وظللت أتمناه واتخيله طول الوقت..
بعد تخرجى جالى عقد عمل فى دولة خليجية أعمل فيها مندوب مبيعات ونتيجة للبطالة التى كنت أخاف منها وافقت ولكن بداخلى شئ يقول أن هذه الوظيفة لن تستمر فلم أجد نفسى فيها وفعلاً لم أكمل ستة أشهر وتركتها بإرادتى رغم تعجب الجميع من تصرفى.. وبعدها بعدة شهور جالى جواب زيارة فى إحدى الدول العربية وذهبت وبحثت عن وظيفة إلا أن وجدتها وكانت محترمة ومناسبة لى جداً ولكنى شعرت بأننى فيها كالعبد ليس لى الحرية فى أى شئ ولم يعجبنى الأمر كثيراً والغريب أنه قبل أن أترك هذا العمل قام الكفيل بترحيلى دون سبب معلوم بالنسبة لى وكأنه شعر بنيتى.. ومع ذلك كنت أشعر دائماً بأن حلمى القديم سيتحقق يوماً ما.
وحينما عدت إلى وطنى أصبح تحقيق حلمى هو شغلى الشاغل..
وهاهو حلمى قد تحقق كما تمنيته بالظبط.. فتاة حسناء أقابلها بالصدفة أكثر من مرة لتكون سبباً فى دخولى هذا المجال وتخبرنى عما كنت أنتظره طيلة حياتى.
هى: يعنى أنت عارف أن المكتب دد بقى بتاعك؟.
هو: بالظبط وعشان كده أول ما دخلت الغرفة جلست على المقعد الخاص بى مباشرة ولم أجلس على أى مقعد آخر.
هى: أفهم من كده أنى ماعرفتش أفاجئك.
هو: هذا حقيقى.
هى: طيب حلمك كان فيه إنى أحتفل معاك بهذه المناسبة واعزمك على الغدا.
هو: لأ خالص ..ماكنش فيه أكل.
هى: طيب اعتبر إنها المفاجأة اللى كنت محضراهالك.
هو: أهى المفاجأة دى أجمل من كل أحلامى.
هى: كل ده عشان أنا اللى هدفع.
هو: لأ طبعاً لكن عشان إقتراحك ده كان نفسى اطلبه منك وماكنتش عارف أطلبه إزاى.
هى: بما إنك كنت ناوى يبقى العزومة عليك.
هو: اتفقنا.
وبعد هذا الحوار ظل يتأمل المكان محدثاً نفسه: ياااه أخيراً عدت إليك.. الحمدلله.
- تمت-.

سؤال جانبى:
إيه أكتر حاجة بتتمناه فى حياتك لمستقبلك؟.

هناك 27 تعليقًا:

محمد محمود عمارة يقول...

كلنا يحب النجاح ، و كلنا يفرح به كطفل صغير ، لكن هل كل ما نتمناه أو نحلم به ندركه؟
تقبلي تحياتي أختي موناليزا

SHAPE YOUR LIFE (ABOALI) يقول...

جميل الاصرار على الهدف وان يكون للمرء رؤية تظل تراود نفسه ولا ينحنى لظروف تضعه فى جانب بعيد عن تحقيق حلمه وهدفه الذى طالما بنى له قصورا فى الاحلام
وعندما اتت الفرصة التى سعى اليها يقينا سيكون الشعور والمذاق مختلف
فعندما نحقق ما كنا نتمناه
نشعر ان روح جديدة قد دبت فى الجسد تشحنه وتجعله يتزين
لذا من الرائع ان نتذوق طعم النجاح ونفرح ونحمد الله على ما وصلنا اليه ونسأله الرعاية والتوفيق

ام ما اتمناه انا
هو عمل مدرسة تحت اسم شكل حياتك
يتعلم فيها الجميع كبار وصغار
كيف نحدد الهدف وكيف نفهم غيرنا ونتشارك فى الحياه
وكيف تكون لنا رؤية من خلال صحيح الدين

تلك المدرسة يدرس فيها الواثقون المدركين قيمة الانسان

تقديرى الدائم على حسن العرض والتسلسل

fafy يقول...

لطيفه بس تعليقى على الاستاذ محمد محمود عماره برد على سؤاله ايوه لو امنا له هاندركه اكيد بإذن الله مش تبعا لقانون الجذب او اى حاجه لكن لارادة الله سبحانه وتعالى (انا عند حسن ظن عبدى بى)

ماشي بنور الله يقول...

تصوري من كثرة احلامي التي لم استطيع تحقيقها!!
نسيت
انا بحلم بأيه..
اشكرك لأنك فكرتيني أدور علي حلم جديد..

قطرة وفا يقول...

إيه أكتر حاجة بتتمناه فى حياتك لمستقبلك؟

امممم ,, اني ابقى انسانة ناجحة جداً في كل شيي ... بحياتي جوا البيت و ببقى برضو مفيدة خارج البيت ... يعني يا اما ادرس حاجة بحبها و تكون سهلة يا إما بدي دروس و اكون مدرسة محبوبة من قبل الجميع :)

وطبعاً ميكونش ليا اعداء خالص

امممم ... دي ممكن تعتبريها كلها حاجة واحدة ؟ هههههههه

موضوع جميل :)

MR.PRESIDENT يقول...

لكل مجتهد نصيب
يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) .رواه البخاري و مسلم

لـــولا وزهـــراء يقول...

كل شخص فينا بيتمنى ان حياته تكون عباره عن سلسله من النجاحات وان الفشل يكون بعيد عنه الى اخر العمر ...
كل واحد فينا بيحلم بحلم او اكتر ويفضل يحارب عشان يوصل لحلمه ويسهر الليالى ويكون فى تعب ومجهود ولما يحقق حلمه بيحس انه نسى كل تعبه والمه

بصراحه جوايا احلام كتيييييييير اوى اوى لكن اللى نفسى اعمله بجد وباخطط له فى الفتره القادمه ان شاء الله هو عمل شئ ما مفيد لكل الناس يحمل المتعه والترفيه ويكون له هدف بس معلش مش هاقدر افصح عنه دلوقتى بس وعد منى ان شاء الله اول ما احط رجلى على بداية تحقيق الحلم هاجى هنا واقولك عليه

دمتى بكل حب وخير وربنا يحقق لكى كل احلامك ياااااااااااارب

زهراء

eng_semsem يقول...

مفيش احلى من تحقيق الاماني يسعد الانسان ويحسسه بكيانه وساعات بيكون صعب واحيانا مستحيل لكن كبر الحلم او صغر لحظة حدوثه بتبقى لحظة ميلاد
واما عن الحلم متهيالي انت عارفه انا نفسي في ايه
تقبلي تحياتي

(المهاجر الى الله) يقول...

اكتر حاجة باتمناها فى حياتى المستقبلية
يووووووه كتير قوى
بس اقدر اصنفها كالاتى ،
فى علاقتى بالله تعالى : علاقتى بالله ليست على مايرام واشعر بل انا متأكد انها سيئة جدا ولهذا ارجوا من الله ان يهدينى سبلى ويوفقنى لصراطة المستقيم وان يرضى عنى بعد ان يعفوا عما سلف .

لامتى وابناء دينى : اتمنى ان اقدم لهم ما يساعدهم فى حل جزء من مشاكلهم ولو النذر اليسيير .

لحياتى الشخصية : اتمنى ان انجح فى عملى وحياتى العملية ، والاهم ان يرزقنى الله تعالى بالزوجة الصالحةالتى اتمناها وارجوها من الله تعالى ( الدنيا متاع وخير متاعها المرأة الصالحة)

شوفتى قد ايه احلامى وطموحاتى بسيطة

الله المستعان

سواح في ملك الله- يقول...

اجابة علي سؤالك
لنفسي الستر والصحة
وللغير كل سعادة
حب لاخيك ماتحب لنفسك

مصطفى سيف يقول...

جميل ان يكون لينا احلام
والاجمل اننا نحاول نحققها
والاجمل اكتر انها تتحقق
جميلة القصة واسلوبك في السرد روعة
تحياتي وتقديري لقلمك المبدع

Dr Ibrahim يقول...

كل شيء في الحياة يستحق الحصول عليه يستحق العمل من أجله..

موناليزا يقول...

محمد محمود عمارة
ـــــــــــــــــ
أهلا بيك أستاذ محمد
لا يافندم ليس كل مايتناه المرء يدركه ولكن يبقى علينا ألا نيأس ونحاول جاهدين من خلال السعى وحسن الظن بالله
أشكرك جدا لتعليقك
ويسعدنا دوام التواصل


*********************************

أبو على
ـــــــــــ
أهلا بيك أستاذ حسن
فعلا يا فندم الشعو المصاحب لتحقيق المراد ماأجمله من شعور

أنا بقدم ورقى من دلؤتى للعمل معكم فى هذه المدرسة:)

أشكرك جدا لتعليقك المميز
يسعدنا دوام التواصل



********************************


فافى
ــــــــــ
أهلا بيكِ يا فافى
أشكرك جدا لتعليقك
ولكن اسمحى لى أن يكون تعليقك على ما أكتبه وليس رد على تعليق القراء
فالغالبية لايقومون بقراءة تعليقات الآخرين
فى انتظارك دائما


******************************

ماشى بنور الله
ــــــــــــــــ
أهلا بيك يافندم
وأنا سعيدة لانى فكرتك:)
ربنا يهيئلك دايما كل الخير
أشكرك جدا لتواجدك ويسعدنا دوام التواصل


********************************


قطرة وفا
ــــــــــــ
أهلا بيكِ حبيبتى
ربنا يحقق لك كل ماتتمنى:)
أشكرك جدا لمشاركتك
فى انتظارك دائما


********************************

مستر بريزيدنت
ــــــــــــــــ
أهلا بيك أستاذ بسام
ما أجمل تعليقك
أشكرك جدا لتواجدك
يسعدنا دوام التواصل


******************************

لولا وزهراء
ـــــــــــــ
أهلا بيكِ يا زهراء
ده حقيقى جدا
ونحن فى انتظار تنفيذ وعدك بأن نكون أول المهنئين عن طريق اخباركم لنا:)
ربنا يحقق لك كل ماتبغين
نورتينى حبيبتى واسعدنى تواجدك
وتسلملى دعواتك الطيبة:)


********************************

انج سمسم
ـــــــــ
أهلا بيك يا باشمهندس
ده حقيقى طبعا فلنجاح مذاق خاص
بس تعرف" وعسى أن تكرهوا شيئاً وهو خير لكم وعسى أن تحبوا شيئاً وهو شر لكم والله يعلم وأنتم لا تعلمون"
ربنا يهيئلك كل الخير ويحقق لك ما تتمنى
أشكرك جدا لتعليقك
يسعدنا دوام التواصل


*******************************

المهاجر إلى الله
ــــــــــــــــ
أهلا بيك أستاذ طارق
شد العزيمة واجتهد وابدأ من الآن
وربنا ييسرلك جميع امورك ويحقق لك كل ماتتمنى
أشكرك جدا لمشاركتك
يسعدنا دوام التواصل


******************************

سواح فى ملك الله
ـــــــــــــ
أهلا بيك أستاذ خالد
ربنا يكرمك ويرزقك بكل الخير ويحقق لك كل ماتتمنى
أشكرك جدا لمشاركتك
يسعدنا دوام التواصل


******************************

مصطفى سيف
ـــــــــــــ
أهلا بيك أستاذ مصطفى
أشكرك جدا جدا لرأيك ولتعليقك
يسعدنا دوام التواصل


******************************

د/ ابراهيم
ـــــــــــــ
أهلا بيك يادكتور
تعليق مختصر وموجز وجاب م الآخر:)
أشكرك جدا لتواجد
يسعدنا دوام التواصل

هبة فاروق يقول...

مفيش احلى من انك تحققى حلمك وتوصلى لهدفك قصة جميلة وسرد جميل
اما هن حلمى نفسى فى امنية بينى وبين ربى يارب تتحقق
وطبعا الستر والصحة وراحة البال واسرتى الصغيرة تكون بخير ان شاء الله
تحياتى لموناليزا القمر

ماجد القاضي يقول...

السلام عليكم

صراحة أختي موناليزا..
بعد الزواج والإنجاب.. استيقظت يوما لأجد أحلامي لم تعد لي.. بل لزوجتي وأطفالي بشكل أو بآخر!!!!!

أما أحلام زماااان فقد تحقق معظمها... متأخرا.. ولكنها تحققت!!!

تحياتي على الموضوع الجميل..

دمتِ سالمة أختي الكريمة.

carmen يقول...

نفسي اوي اربي اولادي صح واطلعهم ناس تفيد مجتمعهم
يسلم فكرك حبيبتي

fafy يقول...

مانا فعلا علقت على ماكتبتيه وقلت انها لطيفه لكن ليه لفتى نظرى انى ماعلقشى على تعليقات القراء هو انا قلت له كلام يزعل؟ مش شايفه فيها حاجه واكم من مدونات دخلت عليها والقراء كانوا بيعلقوا على بعض ؟ياريت تفهمينى

خواطري مع الحياة يقول...

السلام عليكم
من مابيحب النجاح
كلنا بنحبه
حبيت الاصرار الموجود عنده
لم يفقد الامل
اما ن الاحلام الذي ايرد ان احققها
اولا رى الله علي ثمر رضى الوالدين
والحلم الثاني ان يتحقق مشروع الطفولة الي خطط له مع صديقاتي ويكون كبير وينجح نجاح لم نتوقعه
تقبلي مروري
سلامي لاجمل وارق موناليزا.

salma mohamed يقول...

كل شيء في الحياة يستحق الحصول عليه يستحق العمل من أجله..

فعلا دكتور ابراهيم ربنا يكرمه جاب من الآخر.

وكل منا له طموحاته في جميع المجالات،لكن اللي حقيقي نفسي فيه أوييييي جدااااااا اتمام حفظي لكتاب الله وان يكون عملي مطابقا له،أن أكون أكثر نفعا وإيجابية في انتشار الحق ودعوة الناس لله وعودتهم له،أن أكون الابنه والأخت والصديقة والقريبة والزوجة والأم التي يرضى بها الله عني.

مها البنا يقول...

موناليزا

تألقتى فى العرض كعادتك

النجاح فعلا له طعم رائع ومذاق لا يعادله حلاوه فى الدنيا شئ سوى دعوة الوالدين برضا وحنان وانتِ بين ذراعيهم

بالنسبه لأحلامى .. فأنا نفسى قوى قوى قوووووى اتغلب على نفسى وأكون أمه ذاكره شاكره عابده لله عز وجل وفخر وعزه للإسلام

ونفسى كمان اناقش الدكتوراه قريب وألاقى مكان محترم فى بلدى لأنى مش عاوزه استمر فى الغربه أو أخد قرار نهائى بالهجره

وأحب أقول كلمه اخيره قالها أستاذنا الفاضل والعبقرى أحمد زويل (المرء حيث يريد أن يضع نفسه) .. مكان ما نحب .. هنكون .. مش بسهوله ولا من غير تعب .. لكن هنكون باذن الله

وكالعاده طولت عليكى D:

إبن النيل يقول...

السلام عليكم
أمة الله
فعلا لم أجد طعما لشيئ أحلي من طعم النجاح ولم أجد طعما أمر من طعم الفشل لأني تذوقت الطعمين لكن الأحلي والاحلي طعم النجاح بعد الفشل
يارب أرزقنا النجاح في الدنيا والاخرة دا الأهم والأبقي اللهم أسالك الفردوس الاعلي اصل انا طماع أوي في إللي عند ربنا
دمتي بكل خير

Tota يقول...

كالعادة بوست رائع وربنا يكرمك عليه يا موناليزا وبجد وكانها رسالة ليا ع اللى بيدور فى دماغى خلال الايام اللى فاتت سبحان الله ...ممكن اقل كلمة اوبعض الكلمات تشجع بنى ادم ع عمل الشىء او الاستمرار فى الشىء

موناليزا يقول...

هبة فاروق
ــــــــــــ
أهلا بيكِ ياهبة
أشكرك جدا لرأيك ولتعليقك
ربنا يحقق لك كل ما تتمنى ياحبيبتى
نورتينى ياجميلة واسعدنى تواجدك


*********************************

ماجد القاضى
ــــــــــــ
وعليكم السلام ورحمة الله وبركاته
أهلا بيك أستاذ ماجد
:) هذا حال الدنيا أخى الفاضل
تعرف أنا مقتنعة تماما أن أى زوجين قبل مايفكروا فى الانجاب لازم يكونوا مدركين لحقيقة انهم هيتنازلوا عن حاجات كتيرة بيحبوها عشان أبنائهم وعشان كده لازم يكونوا مستعدين نفسياً أولا قبل الإنجاب

بغض النظر عن تحقيق الاحلام متأخر مما يفقدها نفس الفرحة لو كانت جت فى الوقت اللى كان نفسنا فيه بس المهم انها تتحقق فى الآخر.. ومين عارف مش يمكن التأخير ده أحسن.

أشكرك جدا على رأيك وتعليقك
يسعدنا دوام التواصل


*******************************

كارمن
ـــــــــ
أهلا بيكِ يا سمسمة
ربنا يعينك على تحقيق ما تتمنى
أشكرك جدا لرأيك ولمشاركتك
نورتينى حبيبتى واسعدنى تواجدك


*******************************

فافى
ـــــــــ
وأنا شكرتك على رأيك
ووضحت لك وجهة نظرى


*******************************

خواطرى مع الحياة
ــــــــــــــــ
وعليكم السلام ورحمة الله وبركاته
أهلا بيكِ حبيبتى
أشكرك جدا لتعليقك ولمشاركتك
وربنا يحقق لك كل ماتتمنى
نورتينى حبيبتى واسعدنى تواجدك


******************************

سلمى محمد
ــــــــــــــ
أهلا بيكِ ياسلمى
ياحبيبتى ربنا يحقق لك ماتتمنى وأكثر ويرزقك طاعة الله وحبه وحب رسوله
أشكرك جدا لتعليقك ولمشاركتك
نورتينى سلمى الجميلة واسعدنى تواجدك


*******************************


مها البنا
ـــــــــــــ
أهلا بيكِ يا مها
ربنا يكرمك يا مها فماتوفيقى الا بالله
أشكرك جدا لتعليقك ولمشاركتك
وربنا يحقق لك احلامك ونباركلك على الدكتوراه قريب اللهم امين

على فكرة يامها أنتى فاهمة التطويل غلط:)
نورتينى ياحبيبتى وفى انتظارك دائما

********************************

ابن النيل
ــــــــــــ
وعليكم السلام ورحمة الله وبركاته
أهلا بيك يافندم
ده حقيقى فما اجمله من شعور

ربنا يكرمك ويتقبل دعاءك اللهم امين
أشكرك جدا لتعليقك
يسعدنا دوام التواصل


****************************


توتة
ــــــــــ
أهلا بيكِ يا توتة
أشكرك جدا لرأيك فماتوفيقى الا بالله
طيب الحمدلله أن كلماتى كانت السبب فى شعورك ده:)
نورتينى يا توتة وأسعدنى تواجدك

شمس العصارى يقول...

النجاح اجمل شعور عرفه الانسان
ولابد ان نسعى له بكل قوتنا
قصة جميلة
اكتر حاجة بتمناها ان يبقى ليا عملى الخاص ... حتى لو شركة صغنونة هههههه
سؤال جانبى : هى بطلة القصة دى ملهاش اخت ههههههههههههههههههههههههه

كوكتيل يقول...

السلام عليكم :)

جميل جدا أن يشغب هدفنا تفكيرنا

وأن نصر على تحقيقه لدرجة تخيله حدث بالفعل وعندما يحدث نشعر إنها ليست المرة الاولى التى تحقق فيها بل هي التحقق الفعلى بعد الحلم الأولي


رائع جدا لو كلنا فكرنا بهذه الطريقة لتحققت أحلامنا لأن الإصرار والعزيمة والصبر هما الاساس في تحقيق الأحلام وتحمل المصاعب

شكرا إستمتعت كثير بالبوست :)

موناليزا يقول...

شمس العصارى
ـــــــــــــــ
أهلا بيك يافندم
أشكرك جدا لرأيك ولتاعليقك
وربنا يحقق لك ما تتمنى
عن إجابة سؤالك ماظنش:)

يسعدنا دوام التواصل


********************************


كوكتيل
ــــــــــ
وعليكم السلام ورحمة الله وبركاته
أهلا بيكِ حبيبتى
أنا اللى بشكرك على تعليقك
نورتينى ياجميلة واسعدنى تواجدك

ahmed aisha يقول...

انا بتمنى حاجه في حياتي حلوة شديد وبتمنى امنياتي الجميله تتحقق واملي بالخالق كبير جده ولي زمن بحلم بيهو ونفسي يتحقق يارب اجمل حاجه في حياتي تحققها لي