السبت، 10 أغسطس، 2013

انعدام النخوة



"الحرامي الشاطر ما يسرقش من حارته".
جملة سمعتها في التليفزيون وآثارت بداخلي الكثير من المعاني.
حتى الحرامي له قوانين ولا يجوز له انتهاكها.

وحشة جداً في حقك كراجل أنك مثلا تلعب بمشاعر بنت حتتك
  أو بنت من ضمن الجروب بتاعك في الشغل
 أو في الدراسة أو لو بيجمعكم أي مكان مهما كان مُسماه...
حتى لو ده العادي بتاعك لكن العِشرة بينكم
 والثقة اللي هي عاطيهالك بحكم تجمعكم الدائم في مكان مشترك
يحتم عليك الامتناع عن ممارسة ألعابك المعتادة.
المفروض تتعامل معها كأخت
 يعني تحميها من أي حد مثلا يحاول يقرب منها أو يضايقها.
تحميها من نفسها لو شوفتها هتعمل حاجة هتأذي نفسها بيها.
لو شوفتها يتقع تسندها مش تزقها أو تتضحك عليها.
ومهما اختلفتم في شعرة من الاحترام المتبادل
 المفروض تفضل موجودة مهما حصل.
علشان صورتك قدام نفسك كراجل وصورتك قدامها وقدام الكل ماتتهزش.
وعلشان اللي هتعمله معها هيترد لمحارمك.
ومش هتحس بيه غير لما تلاقي بنتك بعد سنين جاية تقولك
" أنا احترمته ووثقت فيه وهو كان شايفني واحدة رخيصة".

على الهامش:
 من الغباء أن يكون لديك أم أو أخت أو زوجة أو ابنة
 وتفكر أن تؤذي امرأة فما ستفعله سيرد لك بشكل أو بآخر.
احذر انتقام المنتقم فقذف المحصنات من الكبائر
 واعلم بأن سهام الليل لا تخطئ.

هناك 9 تعليقات:

moust ava يقول...

بالرغم انى مش مقتنع ان الانسان لو عمل حاجه غلط هتتردله فى اخته او امه او جدته فكل واحد يتعلق من عرقوبه و مش معقول حد يتجازى بذنب عمله شخص تانى علشان الشخص دا اخ او اب ، الا انك تخدع انسانه بدعوى الحب فأعتقد ان دا عيب خلقى و حاجه كدا لمواخذه

الغريب ان البنى الادم النخوى دا بيتعصب لبنت حارته ولكنه ممكن يسمح لجاره انه يلعب بوحده من حاره تانى !
و الحب لا يحمى اللى مدحوك عليهم بأسمه

حمـــــــــــــــــــــة يقول...

السلام عليكم و رحمة الله وبركاته
يعني كما يقال في الهم "تختار"
للأسف يجب تسمية الأشياء بمسمياتها رغم الحالة
لن يصل بنا الوهن الى هكذا درجة
هذا رأيي و الله أعلم

سواح في ملك اللــــــــــــــــــه- يقول...

موناليزا الطيبة دمثة الخلق

كلامك مهم جدا

ولكن اين النخوة الان

ولانك ذوا خلق ودين

فأنتي تحافظين علي شعرة الاحترام

المتبادل التي لايجب ان تقطع

وفي الحقيقة علي الجانب الاخر

يتهمن الرجل دمث الخلق والمحافظ

والذي يحترم زميلاته انه(( مدب ))

ولا يعرف كيف يتعامل مع الانثي

فالخطأ مشترك

ضاعت النخوة

ويرون الان الآدب والقيم تخلف

تحيتي للكاتبة الرائعة

الشيخ إبراهيم يقول...

السلام عليكم مواضيع رائعة لكن شعوري ان هناك بغض للرجال و الله أعلم لا ننسى أن النساء من يربين الرجال أنا أعرف رجالا كثر بيننا بمثقال الذهب و أولهم الشيخ إبراهيم (:

موناليزا يقول...

مصطفى
ــــــ
أهلا بيك أستاذ مصطفى في زيارتك الأولى
اممممم
شايفة انه يتعلق من عرقوبه في الآخرة
(يعني كل واحد هيتحاسب على عمله وبس)لكن في الدنيا لازم يشوفها وتوجعه في أقرب حد ليه أو أحب حد ليه
قصص كتير واقعية شوفتها وسمعت عنها أظهرت ان ربنا ماينساش حقوق العباد
لدرجة انها ممكن تترد للشخص في وقت يكون هو نفسه نسي انه عمل كده في يوم من الأيام
مهما صغر الموقف

أشكرك لتعليقك
ويسعدنا دوام التواصل


----------------------

حمة
ــــــ
وعليكم السلام ورحمة الله وبركاته
أهلا بيك يافندم
"يعني كما يقال في الهم "تختار""
لم أفهم هذه الجملة!!

"يجب تسمية الأشياء بمسمياتها"
أي أشياء تقصد لم تجدها هنا بمسماها الصحيح؟

أما عن ماوصلنا إليه فللأسف كتاباتي واقعية إلى أقصى درجة

أشكرك لمشاركتك

يسعدنا دوام التواصل
-----------------------

سواح في ملك الله
ـــــــــــــــ
أهلا بيك أستاذ خالد بعد طول غياب
أعزك الله ده من ذوقك

أتعلم شيئا؟ هذا "المدب" مع الوقت والمقارانات سيقال عليه "محترم" ولن يختلف على هذا أحد

ربنا يكرمك على دعمك المستمر لي
أشكرك لتعليقك
ويسعدنا دوام التواصل


-----------------------

الشيخ ابراهيم
ــــــــــــــ
وعليكم السلام ورحمة الله وبركاته
أهلا بيك يافندم في زيارتك الأولى
أشكرك لرأيك في مواضيعي
وأي رجل يؤذي امرأة مهما كان حجم ونوع هذا الإيذاء فهو يستحق كل البغض

وأعترف أن هناك نساء لا يجيدن فنون تربية الرجال

أشكرك لتعليقك
يسعدنا دوان التواصل

زينب علي يقول...

عارفة يا منى ..

ان الموضوع اللي بيزعجني اكتر ... لما حد اول ميجي يلعب بمشاعر بنات الناس يلعب بمشاعر قريبتو ... حاجة تقهر جداً ... دا شرفها وعرضها من شرفو وعرضو !!

والا اللي ساكن في الخارج، لازم يكون على الاقل كويس مع بنات بلدو ويعتبر صورتهم من صورتو، والاجنبيات المش كويسات كتييير! يعني في بديل ليه للحرام لو عايز ..

يجي يسيب الاجنبية ويروح على بنت بلدو يشوه صورتها ويكسر برائتها ..

بس عارفة يا منى ..

الحرام كدا .. بيخلينا نتصرف من غير تفكير ولا تمييز بين الاشخاص ..

يااااا رب طهر قلوبنا وأبعدنا عن كل المحرمات يا أرحم الراحمين

موناليزا يقول...

زينب علي
ــــــــــ
أهلا بيكِ يا زينب
وده اللي بقهر البنت ويكسرها انها تيجي من أقرب الناس أو من حد عمرها ما توقعت أنه ممكن يأذيها

أشكرك لمشاركتك التي انتظرها دائما
نورتي

شمس النهار يقول...

نخوة احنا عايزين نربي الاباء والامهات الاول علشان يعرفوا يربوا اجيال تعرف معني الرجولة والانوثة
وكل واحد يرجع مكانه الطبيعي
ساعتها كل شئ هيبقا تمام

موناليزا يقول...

شمس النهار
ــــــــــــ
أهلا بيكِ يا شموسة
عندك حق
نورتيني