عارف إمتى أقولهالك؟.
- لما تقبض على كل مُرتشي ومُزور وغشاش.
- لما نرجعلي حقي اللي ضاع من سنين.
- لما تسلمني مرتب يكفيني ويسد حاجتي
عن سؤال اللئيم.
- لما تحكم على القاتل والسارق بعقوبة ترضيني
وتطفي النار اللي جوايا.
- لما أقع وأنت تسندني.
- لما تنقذني من الموت.
.
- لما تديني لقمة حلوة ونضيفة أكلها وأنا مطمنة.
.
- لما تهدم كل المستشفيات الزبالة
وتبني مستشفيات جديدة صالحة للعلاج الآدمي.
- لما تصلح الكباري والطرق المتشققة.
.
- لما تبني مصانع وشركات وتشغل أيادي ولاد بلادي.
.
- لما تقطع الإيد اللي تحاول تتحرش بيا أو تسرقني
أو حتى تقتلني.
- لما تزيح عني الغلاء والبلاء.
- لما نكون في حرب وتنتصر على الأعداء..
غير كده مش هقولها غير لأمي
على طبيخها وتعبها كل يوم.
ليست هناك تعليقات:
إرسال تعليق