- "أكتر حاجة مأثرة فيا أن أي حد هيقرب مني هاخده بذنبك وهجرح فيه".
- " زي ما كنا بنتضرب واحنا صغيرين هنضرب عيالنا برضه".
- "اشمعني أنا االلي أتظلم.. كل اللي هقابله لازم أدوقه من نفس الكأس".
- "وأنا كان مين نصحني قبل ما اشتري أي حاجة مغشوشة".
وأقوال أخرى كثيرة يقولها لسان المظلوم..
ولذلك قبل أن تلقي باللوم على المظلوم اللي اتحول لظالم..
عاتب من ظلمه ، عاتب من رآه يُظلم ولم يحاول أن يرفع الظلم عنه.
عارف يعني إيه مظلوم؟
- يعني دعوتك مجابة.
- يعني تقدر تحكي اللي حصل بالتفصيل من غير ماتقع تحت طائلة الغيبة والنميمة.
"لا يحب الله الجهر بالسوء من القول إلا من ظلم"
-
وللظالم أقول عارف يعني إيه مظلوم؟
- يعني الكبت والقهر اللي اتسببت فيه هيطلعوا على حد بريء.
- يعنى صنعت ظالم بشكل أو بآخر.
- يعني لو حقه ماجاش وكان إيمانه ضعيف وارد أنه يكفر بكل ما آمن به يوماً.
و لو إيمانه قوي ولكن إيمان اللي حواليه ضعيف هيكفروا وهيقولوا اذا كان بتاع ربنا حصله كده و... و... و...
فلاتظلمن وإن كنت مقتدراً.
هناك تعليق واحد:
موناليزا
حقا ان المظلوم قد يتحول لظالم تحت كلمة وإشمعنى انا ولكن أحيانا يكون هناك وجه أخر للظلم ان المظلوم يعطف على غيره ممن ظلم ولكن يبقى العامل المشترك أنه سيحاول كسر واذلال من ظلمه إن تمكن منه
قد يكون شيئا فى الطبيعة البشرية ولكن أحيانا يكون العفو عن من ظلم دليل القوة وليس الضعف ودليل ايضا على قوة الإيمان خاصه وإن كان بمقدور المظلوم أن ينتقم ولكنه يعفوا عمن ظلمه . أحيانا يظلم الأباء الأبناء بضربهم ولكن ليس معنى ذا ان الأبناء سيفعلون ذلك حتما مع ابنائهمففى النهاية الغرض هو التربية ومهما فعل الوالدين فالإبن البار بابيه وأمه سيكون نجناح رحمه لوالديه وليس جناح ظلم.
تحياتى
إرسال تعليق