الثلاثاء، 9 ديسمبر 2014

صديقي..شكرا




جال بخاطري فكرة أن نشكر من وقفوا جوارنا وساندونا ونشعر بامتنان حقيقي لهم..
وكنت أنتويت ابتكار تصميم "صديقي.. شكرا" وحينما استعنت بجوجل ليمدني بصور مناسبة ..وجدت هذه الصورة ورأيتها تفي بالغرض.
ولذا من يؤيد الفكرة فلينشرها وليأخذ الصورة ليضعها على وول الصديق أو حتى يرسلها له إنبوكس.
وافتكر انه شعور حلو لما تلاقي حد فاكر جميلك معاه وممتن لمساعدتك.
حط نفسك مكانه والابتسامة اللي هترسمها على وشه هتكون هي نيتك في الإرسال.
- اشكروا بعض
حد قابلك حلو، حد جابلك باكو لبان كهدية منه، حد احتاجته في أي حاجة وعملهالك، حد سألته في حاجة مهمة وجاوبك، حد افتكرك في حزنك يواسيك، حد افتكرك في مناسبة حلوة وكان واقف في ضهرك بجد، حد عملك حاجة فرحتك...
الحاجات الحلوة دي مش بتتوافر كتير ولذلك اللي يعملها لازم نحطه ع الراس وأبسط حاجة نقولهاله
"صديقي.. شكرا"







هناك 3 تعليقات:

موجة يقول...

الفكرة حلوة أوي ، والصديق وقت الضيق ، وأجمل حاجة في الدنيا .. أسعد الله مساؤكم :)

P A S H A يقول...

هي فعلاً لفتة طيبة ؛ جزاك الله كل خير يا أستاذة
:)

ظلالي البيضاء يقول...

بارككم المولى تعالى أختي منى ..
وأشكرك على لفتتك الجميلة ..
دمت بألف خير ..