الجمعة، 5 فبراير، 2016

عشق وخيانة في معرض الكتاب


كان زمان عندي حلم إني أزور معرض الكتاب، لكن لإقامتي في المنصورة، وصعوبة السفر بالنسبة لي وقتها، لم يكن متاح لي التواجد، والاكتفاء فقط بما ينقله الأصدقاء من صور وأخبار.
السنة دي بفضل الله هيتحقق الحلم -بإذن الله- وهروح معرض الكتاب
 مش بس كزائرة، ولكن ككاتبة لها حفل توقيع.
وبغض النظر إن موعد تواجدي هيكون في أيام المعرض الأخيرة
يعني أغلبية الأصدقاء من الكُتاب عملوا حفلات توقيعهم ومش هعرف أشاركهم.
ووارد برضه محدش يحضرلي؛ على اعتبار إن الناس خلاص من أول يوم وهي بتروح وماجتش على آخر يومين. 
لكني سعيدة أني هقدر أكون موجودة في المعرض بين كمية الكتب الهائلة
 ورؤية أسماء أصدقائي تزين أغلفة كتبهم
 (رؤية الكتب لوحدها بتعملي دماغ على فكرة)
 وبجد أتمنى أشوف كل الناس وخاصة أهل التدوين.
(الناس اللي لولاها مكنتش عملت كتب أصلا)

موعدي معكم بإذن الله يوم الإثنين 8 فبراير الساعة3 في جناح دار غراب (خيمة2)هحاول أكون موجودة من بدري
والساعة 4 هكون موجودة في جناح دار ليلى (خيمة2) للي يحب يوقع خبايا نسائية.




هناك تعليق واحد:

محمد سلامة يقول...

حأجيلك دار ليلى بس اوعى تمشي قبل 6 :)
حأجى أسلم عليكي :)