الخميس، 31 يوليو 2008

هدوء .. من فضلكم

إذا دخلت مكتبة بغرض القراءة أهم حاجة هتلاقيها هناك الهدوء التام حتى الكلام بداخلها بين الأشخاص-هذا لو حدث- بيكون بالهمس وإذا حدث صوت عالى بيتم إكتشاف المصدر وإيقافه فورا.
وهذا مايميز من يفضلون القراءة أنهم عاشقى الهدوء.
ولذلك أردت أن أسأل جميع المدونين اللذين يقومون بإرفاق مادة صوتية(أغنية,موسيقى,نشيد,محاضرة دينية,....)
هل المطلوب هنا التركيز فى مانقرأ أم فى مانسمع؟
ولماذا تفرض ذوقك على الآخرين؟
مع إحترامى لجميع المدونين ولكن هذه وجهة نظرى.
ويلفت نظرى ايضا أن الصوت العالى أصبح عادة منتشرة عند الكثيرين.
فمثلا:أصحاب المحلات بكافة أنشطتها يستمعون إلى أي مادة صوتية بصوت عالى جداً.
وكأن هذه هى الدعاية وخاصة فى المصايف وكأن فى المصيف المفروض أن نتحرر من كل شئ حتى من إحترام الآخرين.
وفى المواصلات حدث ولاحرج وخاصة أيام الإمتحانات وكأن السائق يسير بمفرده ولا يهتم بمن معه.
وأصحاب السيارات بيرفعوا صوت الكاسيت لدرجة أنك بتسمعه من على بُعد وكأن من يجلس فى السيارة يعانى من مشكلة فى السمع .-ده حتى الدراسات أثبتت أن الصوت العالى بيزيد التوتر-.
واستخدام أدوات التنبيه دون داعِ وخاصة فى وقت متأخر من الليل.
وأصحاب الأفراح قبلها بثلاثة أيام على الأقل يضعوا السماعات فى الشارع وكأن هذا الشارع ملكهم وحدهم.
لماذا أصبحنا متناسين حقوق الآخرين!!.
لماذا نتعامل بأنانية مفرطة وكأنه حق مكتسب!!.
مفيش مانع أنك تفرح أو تسمع اللى أنت عايزه لكن اللى حواليك ملهمش ذنب فى هذا الإزعاج.
ولاتنسى بأن حدود حريتك هو عدم تجاوز حرية الآخرين.
ولذلك رجاء خاص ياسادة هدوء ..من فضلكم.




هناك 67 تعليقًا:

Bosssssy يقول...

فعلا عندك حق .............

بس الموضوع ده _ والذى يتلخص فى عدم احترام مشاعر الاخر _ هتلاقيه موجود فى مصر بس.................

أنا عندى ناس كتير من أهلى بالخارج وكلهم بيقولوا نفس الكلام وهو ان عمرهم ماشافوا عدم الاحترام ده غير فى مصر ................

فعلا أتمنى ان الحال يتبدل لكن هيهات هيهات ...............

وحتى لو كان فى أمل للتبديل اعتقد ان ده هيحصل بعد ماانحنا نموت بقرون.....

مع تمنياتى بالتوفيق...........

Pusssssy

Ahmed Fahmy يقول...

مممممممممم
هو هنا مش الفكرة ان اللي داخل بلوج مثلا يسمع او يقرا المنطق اختلف شوية
اللي داخل بلوج هو داخل يستكشف انسان الانسان
الانسان دة بيحب الموسيقي دي دي بس الفكرة
الصوت العالي فعلا حاجة وحشة
انما في المصايف او الاسواق بقت موضة خلاص
اصحاب السيارات دي ممكن تكون روشنة
بارد علي البوست دلوقتي و في فرح في الشارع بتاعنا و قبليه ب6 ايام الكاسيت عالي علي اخره
المشاهد اختلفت كتير و ممكن ميكونش التفسير انه مش بيراعي حقوق الاخرين منصف بس ممكن تقولي طيش او فرح زيادة شوية
تحياتي

Mahmoud البطراوى يقول...

انا بضم رأيي لرأيك وبشده فى موضوع الصوت الى فى المدونات ده

بس يااااريت الدعوه تلاقى صدى

فاتيما يقول...

يا مون مون
أنا من الناس اللى بتحط موسيقى و أغانى فى مدونتها
بس دا لأسباب عاطفية بحتة
بتكون متعلقة بموضوع البوست نفسه
عارفة إنه بيشتت الأنتباه
بس أنا شخصياً لما بدخل عند حد حاطط أغانى بعمل mute الأول لحد ما خالص البوست و بعدين لو عجبانى الغنوة بسمعها كلها كأنى مشغلة الوين أمب
يعنى هيا وجهة نظر
بس عندك حق فى حكاية فرض الصوت على الآخرين
أنا بتغاظ قوى لما نكون راكبين مواصلة عامة و الاقى واحد مشغل موبايله على غنوة و معلى الصوت
طب ما تحط السماعة فى ودنك يا اخى
إفرض حد مصدع
مبيحبش الغنوة دى
مش هيقدر يعمل ساعتها mute
تحياتى ليكى يا حبيبتى

semsem يقول...

الله
الله عليكى بجد يابنتى
معجبه بدمااااااااغك دايما
جزاكى خيرا
وانا بضم صوتى لصوتى
تعالوا نحترم بعض بجد

عايش... ولكن !!!! يقول...

هههههه الحمد لله انى مش حاطط اغنيه
هههههههههههههه

بس بجد الموضوع نفسه حاجه تدايق مش قصدى ان حد يكون حاطط اغنيه او كده
انما عدم احترام مشاعر الغير فى اى موضوع ايا كان

تحياتى
علاء

blue-wave يقول...

والله فعلا معاكى حق
كلنا بقينا بتعشق الدوشه وكأن ودانا باظت
حتى صوتنا بقى عالى
تحياتى

Mafrousa يقول...

انا اضم صوتي لصوتك و بشدة
و ده لاني بعاني من الصوت العالى اللى بقا سمة الناس ... و كأن كل العب اصيب بالطرش
المهم حكاية المدونات اللى فيها اغاني....هههه انا زي فاتيما اتول لما بدخل بعمل ميوت.....بس ساعات بيبقى فيه مدونات عامله موسيقى خفيفه..بتبقى حلوه
بس مش اغاني صاخبه
ساعات و الله الواحد بيقابل اغاني هاديه بتبقى مش وحشه و على فكره حكاية ان الدراسات اثبتت ان الصوت العالي بيزيد من التوتر
ديه حقيقيه

غير معرف يقول...

كله كوم واللي بيتعمل فينا في المترو كوم تاني
يا ربي فقرة الدي جي كإننا دافعين مع التذكرة رسوم دي جي
وكل واحد وواحدة فرحانين بالام بي ثريهات اللي ف موبايلاتهم ومش مراعيين مشاعر واحدة موبايلها مسروق خالص زيي

نقول ايه؟؟
ما علينا،، المهم انتي كويسة يا منمن؟؟

مها ميهوووو

dramaqueen يقول...

انا اللى بيلغبطنى انا الاغنية بتبتدى وتعيد مع كل حركة فى البلوج عشان كدة باوطى الصوت

اما الميكروباصات فبعضهم بيراعى اننا عندنا امتحانات او يمكن دة لاننا لينا ميكروباصات خصوصى شوية يعنى بيبقوا طالعين هندسة وبيبقوا متابعين مواعيد امتحاناتنا
بس مرة السواق كان معلى الصوت اوى وكل الناس اللى معايا مكسوفين يتكلموا اتكلمت انا وقلت له وطى الصوت عمل عبيط زعقت له

اما فى المولات والمحلات انا باستمتع لما يشغلوا اغانى بعدين هما غالبا بيشغلوا حاجات حلوة عشان الناس تشترى

ميرسى على البوست واتمنى مش اكون طولت عليكى

موناليزا يقول...

pusssy
ـــــــــ
اختى الحبيبة:ودى بجد اكتر حاجة بتضايق لان مصر مهما كان بلدنا ومانحبش تكون كده
حتى بعد مانموت ماظنش برضه لان ده ذى ماتقولى كده بقى من الموروثات
نورتينى حبيبتى واشكرك لمشاركتك
ودمتى بخير وسعادة
***********************************
ahmed fahmy
ـــــــــــــــــ
اهلا بيك استاذ احمد
اشكرك جدا لمشاركتك واسمحلى لو فيه فرد فى العيلة طايش اكيد مش الكل هيبقى كده لكن ده بيبقى حق مكتسب وسياسة احنا حرين ومحدش له حاجة عندنا والدليل الفرح اللى عندكوا فى الشارع
دمت طيبا ولمدونتى زائرا
**********************************
بطوط حبوب
ـــــــــــــ
اهلا بيك يادكتور
أشكرك جدا لمشاركتك ولانضمام صوتك لصوتى ونرجو هذا
دمت طيبا ولمدونتى زائرا
***********************************
فاتيما
ــــــــــ
اختى الحبيبة:انا كمان بعمل كده ماهو يقرأ يا اسمع
اه والله ياطمطم بتبقى حاجة تغيظ فعلا رغم ان الهيد فون موجود يعنى فى كل حاجة مش فى الموبايلات بس
لكن سياسة انا حر مزاجى كده
ربنا يهديهم
نورتينى حبيبتى واشكرك لمشاركتك ودمتى بخير
***********************************
semsem
ـــــــــــ
اختى الحبيبة:ربنا يكرمك ده بس من ذوقك
واشكرك جدا لانضمام صوتك لى
لعلنا نسمع الاخرين
نورتينى ياسمسم واشكرك لمشاركتك ودمتى بخير
**********************************
عايش ولكن
ــــــــــــــ
اهلا بيك استاذ علاء
اشكرك لمشاركتك وجميل ان مقصدى واضح للجميع
دمت طيبا ولمدونتى زائرا
*********************************
blue wave
ــــــــــــــ
اهلا بيك يادكتور
اشكرك جدا لمشاركتك
وهذه دعوة لخفض اصواتنا قليلا
دمت طيبا ولمدونتى زائرا
***********************************
واحدة مفروسة
ــــــــــــــــــ
اختى الحبيبة:اشكرك لمشاركتك ولانضمام صوتك لى
كده بقى معانا اصوات يمكن يعملوا حاجة
ونحاول نقلل من التوتر لانه مرض العصر
نورتينى حبيبتى ودمتى بخير وسعادة
**********************************
احسن تستاهل
ـــــــــــــــ
اختى الحبيبة:اشكرك لسؤالك ياجميلة والحمدلله انا بخير
والغريب بقى ان فيه سماعات ممكن يحطوها على ودنهم لكن تقوللى ايه لامبالاة بمشاعر الاخرين
والمترو بقى فوضى امرك لله
نورتينى مهاميهو الجميلة ودمتى بخير
**********************************
drama quieen
ـــــــــــــــــ
اختى الحبيبة:انتى تطولى براحتك ولايهمك
انا احب استمع لوجهات النظر مهما اختلفت معى
انا بقى عكسك تماما لو كنت فى مول مثلا ولقيت محل مشغل اغنية بصوت عالى ببعد عن المكان(مش بحب الصوت العالى)ولو حبيت اسمع اى حاجة لازم الصوت يكون منخفض
نورتينى حبيبتى واشكرك لمشاركتك
ودمتى بخير

التائب يقول...

السلام عليكم ورحمه الله وبركاته
موناليزا
بجد انتِ ثورتى موضوع مهم جدا
وبجد انا بتخنق منه جداااااااااااااا
وبالذات اللى ماشيه مشغله الموبيل على الاغانى الهبطه او اى اغانى فى المواصلات
بجد الواحد بيبقى عايز يقوم يخنقه
المهم
كلماتك جميله واحيكِ على الموضوع الرائع ده
دمتى بل خير وسعاده
والله الموفق

رندا يقول...

موناليزا

موضوعك مهم فعلا
لكن بالنسبة لمدونتى انا بضع اغنية حسب البوست او مزاج كل من يقرء يعنى حسب حالتة او حالتى النفسية
واعتقد انها بتكون اغنية هادئة مش ضوضاء واى حد عايز يركز اكيد بيلغى الصوت او يعمل ميوت
انا عن نفسى بعمل كدة فعلا علشان اركز وبرضة بسمع اى اغنية موجودة لان كلمات صاحب المدونة والاغنية الموجودة عايز يوصل بيها رسالة ما فبحترم اختيارة
وبالنسبة للضوضاء الى فى كل مكان
فعلا عندك حق بس مش الاغانى بس على فكرة
هتقولى اية فى شباب مسمى نفسة روش طحن وحاطط حاجة فى شكمان العربية علشان تعمل صوت عالى
انا كنت زمان بتخض واتفزع ههههه
وبقت عادة طبعا المواضيع دى
ولا تقولى اية فى كلاكسات الافراح
وكأن الفرح مش يكون فرح غير لما الكلاكسات يدوسوا عليها ومش يبطلوا لا والساعة ممكن تلاتة صباحا
تقولى اية كمان فى الفرامل الى بتحصل آل اية تخميس فى الارض وفرامل غريبة بتحصل
كل دول نقولهم هدوء من فضلكم

تسلم ايدك ياقمر

كل الحب

رندا

wanna b a physician يقول...

عندك حق كل ما ادخل عند حد الاقى اغنية شغاله او اى حاجة
وافضل بقا اقول فين المكان عشان اوقفه
وازهق ساعات كتير وساعات مش تعرفى توقفى
والشارع محلات وغيره كدا
حاجة مستفزه وخنقه بجد
ربنا يرحمنا

منى يقول...

الهدوءءءءءءءءءء
ياه بعشقه
بس الواحد يلاقيه فين؟
بس بالنسبه للمدونات بالذات
رغم انى نادرا لو سمعت حاجه يعنى
بحس انها جزء من المدون او التدوينه نفسها يعنى تقدرى تقولى باقى كلامه هو الصوت ده ونقدر نشيل الصوت لو حبينا
اما الشارع والمواصلات اجارك الله
والناس اللى اساسا صوتهم عالى جدا والعياذ بالله
ما اجمل الهدوء
تحياتى

و القادم....أجمل يقول...

السلام عليكم

متهيألي في المصايف
و الأماكن العامة
بتبأه حاجة بتتعب و توتر الاعصاب
أنا عن نفسي بتضايق جدا
و بحس إني مرغمه إني أسمع الصوت دا
بس لما ببأه على اخري
بغير مكاني
و امشي بعيد عن الناس اللي مشغله الصوت


========
بالنسبة للمدونات بعتقد
إن الأمر مختلف

المدونة دي مكان لحرية صاحبها
زي مبيعرض أي موضوعات حسب ميحب
بيحط استايل للمدونة اللي عاجبه
كمان بيضيف اي تأثيرات اللي بيحبها

ساعات كتير فعلا مش بعرف اركز في البوست
بس بقفل السماعات عشان اقرأ براحتي مرة
و افتحها تاني و أقرأ البوست مرة تانية

أعتقد في المدونات مفيهاش اي تعدي على
حريات الاخرين
لأنه اختيار بايدينا
إننا نقفل الصوت أو نفتحه


===============

موناليزا

ربنا يوفقك و يعزك
مواضيعك كلها ليها معنى و هدف
مميز و يُحترم

تقديري و إحترامي لك ِ

و جزاك ِ الله خير الجزاء

:)

أنا حر يقول...

الموضوع ليس له علاقة باحترام حرية الاخرين رغم موافقتي على تعارض المواد السمعية مع الهدؤ المطلوب للتواصل مع القراءة
المدونة ملكية خاصة كل شخص منا يملك مدونة وبذلك من حقه ان تحتوي على اي شيء فهو يمارس حريته فيما يملك ولم يتعدى على حرية احد وانت من حقك توقفي الموسيقى او تشغليها
تحياتي

KHALED يقول...

أعتقد إنى حاطط المزيكا فى مدونتى إختيارية يعنى
إللى عايز يسمع براحتة ولا تنطلق مع الصفحة ... موش كدة
عموما الصخب العالى بقى ميزة الشعب المصرى تزامنا مع انخفاض الذوق العام
موضوع مثير أحييك علية
تقبلى تحياتى
ملحوظة
لازلت أبحث عن حل فعلى لعدم نسح المواضيع .. وبمجرد حصولى علية سأبلغك فورا

Unknown يقول...

وجهة نظرك من وجهة نظرى جد جميل منك طرح هذا الموضوع وأرجو من الجميع الالتزام

مدحت محمد يقول...

هدوء

بجد الهدوء نعمة

انا لما بنزل القاهرة او اى مدينة زحمة بيحصلى حالة نرفزة رهيبة

بسبب الدوشة لانها بجد بتسبب العصبية

عمر مالانسان يقدر يبدع غير فى هدوء

لان الهدوء بيولد التركيز

تحياتى لحضرتك

ماء تشرين يقول...

موناليزا
عزيزتى لاسف حتى في البيت كلو بقه شايف انو عايش لوحدوا يمكن ده شئ نفسي ممكن

حـــــدوتـــــة يقول...

السلام عليكم

اختى الفاضلة المشكلة ان فى حالة عامة من الفوضى
فى كل شىء هتلاقى مفيش نظام
وده مش من الناس وبس
ده لان القانون بيطبق على الغلبان وبس

انا قريت مرة ان من كام سنة
كان فى قانون فى لندن يمنع استخدام السيفون بعد الساعة 11 بليل
تخيلى عشان محدش يزعج حد منعوا الواحد يشد السيفون
دول ناس عايشين مش احنا

سلالالالالالالالالالالالالالالالالالالالالالالالام

rovy يقول...

اختى الحبيبه .. معاكى حق اكيد اصبحنا نفتقد الهدؤ بشكل كبير جدا ..
ده طبعا غير ان الذوق العام بقى ربنا يرحمنا منه قليل لما تلاقى حد بيسمعك حاجه ممكن تتسمع .. احيكى على البوست
المهم اتمنى ان تكونى بخير و يا ريت تبقى تطمنينى عليكى و على اخبارك ..

كل الود و التقدير
دمتى بخير فى حفظ الله

نسيبه يقول...

ياريت كان عدم احترام الاخرين علي اد كده وبس انا مجبره اسمع الالبومات الجديده بالاكراه مع اني ماباسمعش اغاني وممكن ده يكون2و3 بليل واشرب سجاير مع صاحبها وانا باتعب جدا منها لونفكر في بعض ونراعي حقوق بعض اكيد حاجات كتير هتتغير

zOzO يقول...

عندك حق فعلا
واكيد صوتي مع صوتك
وصوتنا كلنا معاكي
لازم نحترم الناس التانيه
تحياتي ليكي
وع مواضيعك اللي بجد كلها حلوه اوووووووووووووي
زيك بالظبط

oRiGiNaL HeArT يقول...

مفيش اجمل من الهدوء فعلا
الهدوء بجد نعمة
بس احنا اللى عاملين دوشة على الفاضى
اعتقد اننا شعب همجى عشان كدة بنلاقى الدوشة فى اى حاجة
محدش بيحترم الاخرين الا من رحم ربى غير كدة تلاقى كله بيزعق وبيشغل اللى هو عاوزه ولا همه اللى حواليه ومن كتر ما اللى حوالينا عاملين دوشة اتعلمنا او اتعودنا احنا كمان اننا نبقى زيهم
دة نتيجة التوتر
ربنا يهدينا

ghoneem يقول...

السلام عليكم

أعتذر جدا عن التأخير مش عارف أنا مكنتش باجي ليه ؟؟؟

أما عن المادة الصوتية ...أنا كنت بدخل مدونات والاقي حاجات موسيقي وأغاني وكدة وكنت بنتقد ده وبأدور ع البار بتاع الصوت عشان أقفله

المهم بقي اني جيت لما مشاري نزل شريطه الجديد من حبي ليه روحت منزل نشيد عندي ع البلوج وعملت زي ما غيري بيعمل وعملت الحاجة اللي كنت بنتقدها

حتي لو اللي كنت حطيته حاجة كويسة ..بس هوة المسألة زي حضرتك ما تفضلتي اني بدخل المدونة عشان أقرأ في هدوء واستمتع بكلمات المدون مش كلمات المنشد .....

ملحوظة مهمة من حضرتك ربنا يوفقك

أما بقي المشكلة الكبيرة بتبقي في الميكروباصات والتاكسيات وكل أنواع المواصلات ..دي بقي حلها ايه ؟؟؟؟

حضرتك بالفعل تملكي أدوات التميز
مدونة محترمة جدا جدا تستحق كل التقدير ربنا يجعل هذا العمل في ميزان حسناتك

تحياتي

بالتوفيق....................

موناليزا يقول...

التائب الحائر
ـــــــــــــــــ
وعليكم السلام ورحمة الله وبركاته
اهلا بيك يافندم
ربنا يكرمك ومعك حق فالسلبيات فى انتشار متزايد
ولكن لنبدأ بأنفسنا لعلنا نكون قدوة للاخرين
دمت طيبا ولمدونتى زائرا
**********************************
رندا
ـــــــــ
اختى الحبيبة:اهلا اهلا ببنت بلدى الغالية
اشكرك انك وضحتى وجهة نظرك فى ارفاق مادة صوتية فى مدونتك
واكتر من كده والله يارندا تعرفى امبارح سمعت صوت سرينة اسعاف قرب الفجر
طبعا اتخضيت وطلعت اشوف فى ايه الاقى شباب فرحانين بعربياتهم وده صوتها
عايزة ازعاج اكتر من كده!!!
السلبيات كتير اوى ربنا يهدى الجميع
نورتينى ياقمر ودمتى بخير
***********************************
wanna b aphisician
ــــــــــــــــــــــــــــ
اهلا بيك يادكتور
جميل انك متفق معى واللى يغيظ اكتر ان اوقات كتير مش بعرف اوقف الصوت
وياسلام بقى لو دخلت مدونتين فى وقت واحد وكانوا مشغلين برضو اغانى ومش عارف توقف الصوت ولذلك اغلب الوقت بقفل السماعة من عندى
نورتنى واشكرك لمشاركتك
دمت طيبا ولمدونتى زائرا
***********************************
منى
ــــــــــ
اختى الحبيبة:وانا كمان بعشق الهدوء جدااااااا
وبصراحة مابركزش فى الاغانى على المدونات خالص عشان اعرف ذوق صاحبها
وبقفلها قبل حتى ماتبدأ
نورنينى حبيبتى واشكرك جدا لمشاركتك
ودمتى بخير وسعادة
**********************************
والقادم أجمل
ــــــــــــــــــ
وعليكم السلام ورحمة الله وبركاته
اختى الحبيبة:ربنا يكرمك
واشكرك على مشاركتك
وقد وضحتيلى وجهة نظر غالبية المدونين فاشكرك على هذا
نورتينى حبيبتى ودمتى بخير
**********************************
انا حر
ـــــــــــ
اهلا بيك يافندم
اشكرك جدا لمشاركتك ولتوضيح وجهة النظر الخاصة ببعض المدونين
وفعلا اللى مش عاجبه مدونة لاى سبب من الاسباب مايدخلهاش
دمت طيبا ولمدونتى زائرا
**********************************
khaled
ـــــــــــــ
اهلا بيك استاذ خالد
وهذا لفت نظرى فى مدونتك وعاجبنى جدا
ومعك حق فانخفاض الذوق العام فى انتشار فظيع
نورتنى وتسعدنى دائما مشاركتك
ملحوظة:ربنا يكرمك ويبارك فيك وييسرلك جميع امورك وانا بجد عاجزة عن الشكر فانت نِعم الاخ
دمت طيبا ولمدونتى زائرا
**********************************
egyboy
ـــــــــــ
اهلا بيك يافندم
أشكرك لمشاركتك ولاتفاق وجهة نظرنا
ولعل الرسالة تصل للجميع
دمت طيبا ولمدونتى زائرا
***********************************
مدحت محمد
ـــــــــــــــ
اهلا بيك استاذ مدحت
وفعلا الهدوء يسبب راحة نفسية عكس الضوضاء التى تزيد من التوتر والانفعال والعصبية
دمت طيبا ولمدونتى زائرا
***********************************
ماء تشرين
ـــــــــــــــ
اختى الحبيبة:انها الانانية وحب الذات والمقولة الشهيرة :انا حر محدش له دعوة
ربنا يهدى انفسنا جميعا فكلنا لنا حقوق كثيرة على بعضنا البعض
نورتينى حبيبتى ودمتى بخير
*********************************
حدوتة
ـــــــــــ
وعليكم السلام ورحمة الله وبركاته
اهلا بيك يافندم
هو اللى بيتطبق ده قانون!!!
شوف اشارات المرور واللى بيحصل فيها سواء من راكبين السيارات او من المشاه
ودى بجد اكتر حاجة بتوجع ان بلدنا مش كده
نفسى اشوف مصر بلد متقدمة
دمت طيبا ولمدونتى زائرا
*********************************
rovy
ـــــــــــ
اختى الحبيبة:اشكرك لمشاركتك ولتأييدى فى هذا البوست
اشكرك لسؤالك وانا الحمدلله بخير
ويارب نطمن على نتيجة هدير قريب
سلامى للقمرات
نورتينى حبيبتى ودمتى بخير وسعادة
***********************************
نسيبة
ــــــــــــ
اختى الحبيبة:اهلا اهلا فينك من زمان
للاسف ياغاليتى هذا يحدث لعدم اتباع تعاليم الاسلام وتطبيق حقوق الجار
ولكن دعونا نبدأ بأنفسنا ونطبق نحن هذه الحقوق
نورتينى حبيبتى واشكرك لمشاركتك ودمتى بخير
********************************
zozo
ـــــــــــ
أختى الحبيبة:الاحلى وجودك معى ومشاركتك لى وانضمام صوتك لى
ربنا يحميكى ويبارك فيكى ياجميلة
نورتينى حبيبتى ودمتى بخير
**********************************
original heart
ـــــــــــــــــ
اختى الحبيبة: فعلا الهدوء فيه راحة محببة للنفس
ولكن ليس كلنا شعب همجى بدليل اعتراضات الكثير منا على هذا التصرف وتطبيقه فى الواقع
ولذلك لنكن قدوة للاخرين
نورتينى حبيبتى ودمتى بخير
***********************************
ghoneem
ــــــــــــــ
وعليكم السلام ورحمة الله وبركاته
اهلا اهلا يادكتور
عموما عذرك معاك المهم انك جيت
عاجبنى جدا نقدك لوجود المادة الصوتية فى مدونتك ومافيه من شجاعة وثقة بنفس
ربنا يوفقك ويهديك لما فيه الخير
اما عن وسائل المواصلات الحل ايضا عند المتحكمين فى الصوت سواء كان مالك المواصلة او السائق
ساعات كتير بطلب انه يخفض الصوت او يغلقه اوقات بيوافقوا واوقات لا بس بعمل اللى عليا وببين اعتراضى
اما عن تملكى لادوات التميز فده بس من ذوقك ربنا يكرمك
فماتوفيقى الا بالله
اشكرك لمشاركتك واسعدنى تعليقك
دمت طيبا ولمدونتى زائرا

ahmed_k يقول...

والله يا موناليزا موضوع المدونات اللي فيها أغنيات ده بيضايق
أفضل أدور فين حاطط برنامج التشغيل علشان أطفيه ولما القاه وأحب أقرأ البوست بيكون عامل ثقل في الصفحه
يعني بحركها بالعافيه
فيا ريت المدونات مش محل كاسيت
المدون بيطرح فكره أو قصه فمن حقنا أن نركز لنستطيع الإستفاده مما كتبه

بوست جمييييل

كان مضايقني من زمان ومش عارف إزاي أوصل الفكره دي لأصحاب تلك المدونات

son's egypt يقول...

السلام عليكم
اذا كانت الحرية هي تعدي علي حقوق الغير فهي ليست بحرية
بل هي عدم احترام الاخرين والمجتمع الذي نحيا فيه

روينا يقول...

والله وحشتينى جدا ياموناليزا
والف شكر على سؤالك عليا
بالنسبه لموضوع الاغانى اللى بتنحط على المدونه الصراحه سعات بفرح جدا وسعات بتضايق جدا جدا جدا
بفرح لما بيكون نشي-د -كنت -بدور عليه من زمان ونفسي كنت اسمعه او لما يكون نشيد جميل وعلى فكره ممكن تكون طريقه من طرق الدعوه يعنى لما اكون عايزه احبب ناس فى الاناشيد
وبتضايق جداجدا لما يكون محطوط اغانى متسهوجه وملهاش اى لزمه وسعتها بخرج من المدونه ومبدخلهاش تانى ابدا
دايما ياموناليزا مواضيعك متنوعه وبتعجبنى
لااله الاالله

أختكم فى الله يقول...

فعلا والله عندك حق

مبقاش كل الناس بتراعى بعض

جزاك الله خيرا حبيبتى

مؤمنه يقول...

السلام عليكم ورحمة الله وبركاته
لافته جميله منك ان عشاق القراءه يتميزون بحب الهدوء
ملاحظات فى محلها
ووجهة نظر تحترم
دومتى بخير موناليزا
وفى النهايه

هدوووووء هنركز
والسلام علسيكم ورحمة الله وبركاته

Unknown يقول...

في موضوع زمان قريته اسمه (التلي باثي)
وهو علم بيدرس ان في اكتر من شخص بيفكرو في نفس الموضوع في نفس الوقت

عارفه لو مكنتش قريت العلم ده كنت قلت عليكي دخلتي جوا مخي وعملتي كوبي وباست للموضوع

والله والله الموضوع ده شاغلني وكنت رايح اكتب عنه وطبعا مش هكتب جميل زي كتاباتك كده لكن النقطه اللي كنت عايز اقولها وانتي نسيتيها ولو انا كنت كتبت كنت هضيفها
هي ان اصلا الاغاني حرام
(مع العلم اني بسمع اغاني احيانا )(ربنا يهديني )
فممكن اكون انا حد ملتزم وعايز ازور المدونه بتاعتك ووجود اغاني فيها هيخليني مزوركش تاني
وطبعا ده مش رأيي بتاع الاغاني حرام ده
دي فتوي مجمع عليها ومحش حلله الا اللي عايزين يحللوه
وعندي سؤال للناس اللي بتقول انه حلال زي الاكل والشرب
طيب ليه بتقفل الكاسيت وقت الاذان
هو انت بتبطل اكل وقت الاذان

دمتي موفقه
وكأني انا اللي كتبت ( واحد يعني)
زي مابيقوقوا في بيتها

تحياتي

canary يقول...

اة انا معاكى فى موضوع التسجيلات الصوتيه على المدونات وفعلا مش بحب ادخل على مدونه والاقى عليها اى تسجيل لأنه حتى لو الانترنت كويس هتلاقى برضه تقطيع فى الصوت ومش هتعرفى اصلا تسمعى اى حاجه غير تقطيع وشوشرة
بالنسبه بقى للصوت العالى
تخيلى انى بحب انام بدرى حتى فى الصيف لكن ازاى وكل بيت من الجيران معلى صوت الكاست على الاخرولو فتحتى بقك مع حد منهم يقولوك ايه دة صيف واجازة او انك بتحقدى على السعادة اللى هما بينعمو فيها
طولت عليكى لكن بجد الموضوع مهم
تقبلى مروروى وتحياتى ليكى

موناليزا يقول...

ahmed_k
ـــــــــــ
اهلا بيك استاذ احمد
اسعدنى تعليقك فقد وضح لى باننى لست الوحيدة الذى يضايقنى هذا
نورتنى يافندم واشكرك لمشاركتك
دمت طيبا ولمدونتى زائرا
***********************************
son,s egypt
ـــــــــــــــــ
وعليكم السلام ورحمة الله وبركاته
اهلا بيك يافندم
اشكرك على تعليقك فقد اختصرت موضوعى فى سطرين فهذا فعلا ما أقصده
دمت طيبا ولمدونتى زائرا
**********************************
روينا
ـــــــــــــ
اختى الحبيبة:اهلا اهلا فينك من زمان وانتى كمان وحشتينى جدا يارب تكونى بخير
مفيش شكر بين الاخوات وده حقك عليا
اشكرك على تعليقك وعلى توضيح وجهة نظرك
ربنا يكرمك ياحبيتى فهذا من فضل ربى
نورتينى ياجميلة ودمتى فى رعاية الله
محمد رسول الله
**********************************
اختكم فى الله
ــــــــــــــــــــ
اختى الحبيبة:لاننا بعدنا عن تطبيق منهج الله ومعرفة حقوق الجار لانه اكتر حد ممكن يتأذى من حريتنا المزعومة
ربنا يهدينا جميعا ويوفقنا لما فيه الخير
نورتينى حبيبتى ودمتى بخير
***********************************
مؤمنة
ــــــــــــــ
وعليكم السلام ورحمة الله وبركاته
اختى الحبيبة:اشكرك لمشاركتك ولاحترامك لوجهة نظرى
نورتينى حبيبتى واسعدتنى زيارتك
***********************************
bar2ash
ــــــــــــــــ
اهلا بيك يافندم
انا برضه فاكرة انى قريت حاجة ذى كده بس ماكنتش اعرف اسمه فاشكرك لتوضيحه لى
وفعلا سبحان الله الافكار عند بعضها ههههه
عموما فى انتظار موضوعك وجميل انك هتضيف حاجات مش موجودة فى موضوعى
وتأكد ان موضوعك هيكون مميز جدا على الاقل لاننا بنتكلم مع زمايلنا المدونين يعنى اللى ماقرأوش عندى ممكن يقراه عندك وهكذا
تمنياتى لك بالتوفيق دائما
دمت طيبا ولمدونتى زائرا
***********************************
canary
ـــــــــــــــ
اختى الحبيبة:طولتى عليا ايه بس ده انتى بتقولى حاجات من الواقع انت عايشاها وده هيفيد الموضوع جدا مين عارف مش يمكن حد يكون بيتصرف كده ولما يقرأ كلامك يعرف قد ايه بيأذى اللى حواليه من غير مايشعر
تانى مرة اتكلمى براحتك على الاخر البيت بيتك
نورتينى حبيبتى ودمتى بخير

رئـــــيسـة حزب الأحلام يقول...

عندك حق
انا عن نفسى هروح اشيل الاغنيه اللى حاطاها فى أقرب وفت
تحياتى لكى

Gannah يقول...

موناليزا
الهدوءءءءءءء
ياريت....أنا دلوقت باكتب وانا بسمع اجبارى اغانى من المحلات المحيطة بعمارتنا
وفى التاكسى النهاردة برضه نفس الحكاية
يارب يهدى الجميع ويبطلوا اغانى ويبطلوا يسمعوا الاخرين رغما عنهم
تحياتى

رحــــيـل يقول...

ازيك موناليزا

اسفه لتقصيرى معاكى بس كنت مشغوله كتير الايام اللى فاتت

شوفى انا شايفه ان الموضوع بيختلف من صوت فى بلج لصوت فى الشارع مثلا

يعنى فى البلوج بيكون زى بيت الواحد بيعمل فيه اللى بيحسه او اللى يشفه بيكمل كلامه

بره فى الحياه العامه الموضوع بقى مزعج جد افعلا

بس انا اوقات بهرب للدوشه اللى حواليا من تفكير بيضايقنى رغم انى بكون مش سامعه اصلا ايه اللى بيتقال

تحياتى لكى

أم حبيبه يقول...

الخلاصه كلها فى السطر اللى قبل الاخير

مش عرفت اعمله كوبى

" بس فكره حلوه عدم الكوبى ده"

هو للأسف بقى فى صفه مش مطلوبه نهاااااائى فى المسلم بقيت ظاهره جدا الايام دى و هى الانانيه


مش فى السماع و الازعاج و بس

فى كل حاااااااااااااااجه

Unknown يقول...

تمام

دعوة طيبة جداااااا

احترام حقوق الآخرين أمر مهمل جدا عندنا

جزاكم الله خيرا

غير معرف يقول...

موناليزا

انا مش هتكلم كتير علشان الهدوء

بس اكيد المشكلة محتاجة حل جذرى

والبركة فى قانون المرور الجديد اللى نفسى يتعمل بيه بجد

تحياتى

di el2mr يقول...

فعلا الهدوء بقى حاجه نادره جدااا الايام دى

وبقى كل واحد بيعمل اللى هو عايزة وبس من غير احترام للاخر

شيماء زايد يقول...

مظهر من مظاهر عدم مراعاة الاخر
فعلا محتاجين شوية هدوء
وزي ما قال المبدع صلاح جاهين
يا اهل المغني كفايه دمغنا دقيقة سكوت لله
تحياتي

Nostor Azzuro يقول...

كويس ان فى حد زيك بيتكلم فى الريات الصغيرة دى
وعقبال ما يبقى عندنا حرية كبيرة

NilE_QueeN يقول...

اظن ان الناس بيبقي غرضها نشر المنفعه

و ممكن الواحد يوقف الحاجات دى ويقرأ براحته
ولو شدته يسمعها

موناليزا يقول...

رئيسة حزب الاحلام
ـــــــــــــــــــ
اختى الحبيبة:لم اتوقع هذا الرد الفعلى السريع والذى ينم عن شخصية سلسة تحب الاخرين
اشكرك جدا لاحترام وجهات النظر المختلفة
نورتينى حبيبتى ودمتى بخير
**********************************
جنة
ــــــــــــــــ
اختى الحبيبة:فعلا فرض الاذواق والرغبات المختلفة للاخرين زاد عن حده جداااا
دون اى مراعاة لمشاعر الاخرين
كان الله فى عونك كنت احب الا يحدث معكى تحديدا هذا عشان المقارنة التى ستعقديها دائما بين المدينة المنورة ومصر
بس مصر والله بريئة من اللى بيحصل فيها العيب على اللى قاعدين فيها
نورتينى حبيبتى ودمتى بخير
***********************************
رحيل
ــــــــــــ
اختى الحبيبة:اذيك ياقمر وحشتينى ياجميلة
انا الحمدلله بخير بس عايزة اطمن عليكى
ولايهمك ياقمر كان الله فى العون المهم انك جيتى واسعدتينى بزيارتك
مع احترامى لوجهة نظرك بس تخيلى لو انتى فى بيتك وبراحتك خالص وجالك ضيوف برضه هتفضلى مشغلة الكاسيت اكيد لا
اما عن هروبك للدوشة فليه كده ياحبيبتى ده بيزيد التوتر وممكن يعصبك اكتر
يارب تكونى بخير ومفيش حاجة ابدا تضايقك بعد كده
نورتينى ياقمر ودمتى بخير
***********************************
ام حبيبة
ــــــــــــــــ
اختى الحبيبة:"لاتنسى ان حدود حريتك هى عدم تجاوزك لحرية الاخرين"
اية خدمة ياقمر مش دى الجملة اللى قصدك عليها
هو فعلا عدم الايثار لم يعد متواجد بكثرة
ولذلك لنبدأ بانفسنا ونكون قدوة للاخرين
نورتينى حبيبتى واشكرك لمشاركتك
ودمتى بخير
**********************************
نور
ــــــــــ
اختى الحبيبة:ربنا يكرمك وارجو ان تجد هذه الدعوة صداها
نورتينى حبيبتى ودمتى بخير
***********************************
المحارب المتيم
ــــــــــــــــــ
اهلا بيك يافندم
الحل فى ايدينا احنا اخى الكريم
لازم من جوانا نكون مقتنعين باحترام حرية الاخرين وعدم ازعاجهم وتطبيق حقوق الجار مع من نعرف ومن لانعرف
اما عن قانون المرور الجديد فقصدك اى واحد فيهم بقى فيه كذا واحد دلؤتى تحت التطبيق
دمت طيبا ولمدونتى زائرا
*********************************
ضى القمر
ـــــــــــ
اختى الحبيبة:فعلا معاكى حق
ده لاننا بعدنا عن تطبيق منهج الله ولم ننفذ حديث رسولنا الحبيب صلوات الله وسلامه عليه"من كان يؤمن بالله واليوم الاخر فلايؤذى جاره"
ولكن مازال الامل موجود فلنبدأ بانفسنا
نورتينى حبيبتى ودمتى بخير
***********************************
شيماء زايد
ــــــــــــــــــ
اختى الحبيبة:تعليقك وكلام صلاح جاهين جاب من الاخر
نورتينى حبيبتى ودمتى بخير
**********************************
نوستور ازورو
ـــــــــــــ
اهلا بيك يافندم
مش فاهمة ايه حد زيى دى ده على اعتبار انى ايه بالظبط؟؟؟
عموما الحريات مابتتجزأش اللى هيحترم الاخرين فى الصغيرة اكيد برضه هيحترمهم فى الكبيرة
اشكرك لمشاركتك
**********************************
ملكة النيل
ــــــــــــــــ
اختى الحبيبة:اعذرينى بس انا مش فاهة ايه المنفعة اللى عايزين ينشروها بوضع الاغانى واجبار الاخرين على الاستماع لها
ده فعلا اللى بيحصل الغالبية بيدخلوا ويقفلوا الصوت وممكن مايدخلوش عندهم تانى حسب موقف كل فرد
نورتينى حبيبتى ودمتى بخير

GiGi world يقول...

الله عليكي
دايما موضوعات متفرده
يارب يهدينا يااااااارب

Maha Shahen يقول...

طبعا ليكى حق يا عزيزتى
ولكن انا مثلا حاطه موسيقى بتعجبنى وكأنى بهادى بيها كل اللي يدخلوا للمدونه مش حطاها بغرض الازعاج ولكنى هشوف موسيقى تكون اهدى منها شوية كمان علشان تبقى بمثابة مكتبه
فى رأيى الموسيقى بتحافظ على هدوء اعصابنا
يعنى متمناش حد يدخل للمدونه واكون كتبت شيء تقيل عليه اهو يكون على الاقل استفاد بسماع شيء جميل
وطبعا كل واحد ليه مطلق الحريه يسمعها او وقفها ويتابع قرائته بلا ازعاج
وفي النهايه لازم كلنا نحترم حريات بعض برضوا ولكن لو وقفت علي المدونه فمن حق الزائر اغلاقها لكن في المواصلات مبيقدرش يعمل اكتر من انه يسد ودانه مضطر اخاك لا بطل بقى هههههههههههه
تحياتى ليكى علي اثارة الموضوع دا

واد غلبان يقول...

مش كل المدونين من هواة القراية على فكرة وممكن يكون هدف الاغنية توصيل انطباع محدد وخاص زى م ابو صلاح مثلا حط موسيقى scream على قصة رعب كان كاتبها لبلاط صاحبة الجلالة
وحتى اللى بيخبو القرايه ساعات الموسيقى الهادية تساعدك على انك تقرأى بتركيز وساعات العكس
اما من حيث انتشار الموضوع فى الشوارع وهو اى دوشة والسلام
فدا شئ طبيعى لان كل واحد ما عدش حاسس بالتانى وماعادش بيهمه انه يحس

Unknown يقول...

ماشاء الله
عليك دائما مفكرة ودا شئ جميل
معك حق موناليزاا

MATRIX يقول...

بتتكلموا فى الهدوء ..هو الشعب المصرى هيهدء من ايه ولا من ايه
الكل بيصرخ
وعايزين هدوء !!!!
لاسف الشديد مصر بقت حالتها وحش اقوى ..والشعب بقى كل همه المعيشة ومصاريف العيال ..وعايزين يبقى فيه هدوء !!
لاسف مرة تانية موش دا الحل ..
..............................
على العموم شكر لحضرتك على الموضوع دا بس عيدى تفكيرك شوية ..تقبلى اختلافى !!

MATRIX يقول...

خبر عاجل ..
تم اختراق مدونة تسب الاسلام والمسلمين للمذيد على هذا الرابط
www.tecno-news2.blogspot.com
والحرب ماذالت مستمرة مع اعداء الاسلام

نور الدين (محمد الجيزاوى) يقول...

عندك حق
انا اكتر شئ ممكن يضايقنى هو الضجيج
.........
دائما مواضيعك مفيدة وذات معنى
تحياتى
.............
نور البدين محمود

عاشــــــ النقاب ـقــــة"نونو" يقول...

السلام عليكم
عندك حق وانا معاكي جدااااااااااااا
خصوصا في موضوع المدونات دة كتير ببقى فاتحة اكتر من مدونة وعلى بال ما اعتر في المكان اللي بينطفي منه الغنوة دي بتبقى اعصابي اتوترت ولو عملت قفل للصوت لازم برضه اوقف الاغاني لاني النت عندي ليمت ومن المدونين عاملين داون لود بخاف ال2 جيجا يخلصوا
غير الدوشة
ولا بتوع الميكروباص
ولا بتوع البنا واللي بيسمعوه على الريق الصيح
فاضية لسة عندي
هههههههههههههه
احنا فقدنا احترامنا لبعض
يبقى هنخاف على اذواقنا وراحت بعض
ربنا يردنا اليه ردا جميلا
تحياتي

فزلوكة يقول...

أضم صوتى لصوتك
بجد بكره جدااا الصوت العالى
يشعرنى بالتوتر, وبينرفزنى جدا

وبما إنى لسه راجعة من مصيف فعايزة أقولك إن كان أوحش حاجة فيه الديجيهات

المشكلة إنو بيبقى كذا شغالة
يعنى أكيد الهدف مش السماع بقدر ما بيكون وجود دوشة وخلاص

بس يارب الناس تفهم

دكتور بهــدوء يقول...

والله عندك حق
انا اما بدخل بلوجه
والاقي اغنيه شغاله
بيبأه همي الاول اشوف بتتطفي منين


لفته جميله اوي من حضرتك

مجلة علّي صوتك يقول...

السلام عليكم
فيه اغاني فعلا ممكن تشتت تركيزك فلذلك عليكي ان تخفضي الصزت حتي يمكنك التركيز فيما كُتب
تحياتي

الزواج.....روضة الحب يقول...

عندك حق
دمتي بخير
وهدوء
وسكينة

funckydoctor يقول...

بدأت أتفق معاكى فى الموضوع ده
ان شاء الله أنا اشيل النشيد من المدونة
علشان الهدووء شكرا على الصراحة :)

ammola يقول...

السلام عليكم
وحشتينى بجد..وحاسة انى وحشة اوى
بس انتى طبعا حلوة اوى..فهمانى طبعا
:)
والله يابنتى الواحد نفسه كده يعيش فى مكان مفرغ الهواء والبشر علشان يلاقى شوية هدوء
خصوصا الناس اللى ظروفها زى ظروفى..ماعنديش بشر كتير فى البيت
لما بانزل الشارع بتكون كاارثة بيئية
ياللا..ربنا يعيننا

قررت أكون عانس يقول...

عندك حق ...

من فترة طويلة الاستاذة بتاعتنا فى المدرسة جت تشتكى من انها ماعرفتش تنام طول الليل بسبب صوت عالى جمبهم افتكروه فرح لكن اكتشفو الحقيقة المرة ان واحد اشترى طرابيزة بلياردو فى القهوة بتاعته فعمل لها احتفال يليق بمقامها

Mona Shereif يقول...

انت حر مالم تضر
محدش بيطبقها للاسف
ويارب تكونى سبب يا موناليزا فى انتشار الهدوء
اللى بيضايقنى فى الصوت فى المدونات انه بيبطأ الجهاز بسسسسسسسسس

ربنا يكرمك يا عسوله

سندباد يقول...

اسف علي الغياب الطويل
احنا فقدنا حاجات كتير وصح في مجتمعنا لاننا لسه مش قادرين نفهم مش قادرين نعرف لسه بدري علينا عشان نعرف الفرق بين التحضر والهمجية بين التقدم والتاخر بين الصح والغلط احنا لسه واقفين في نص السلم ومش عايز اقول اننا لسه بنرقص في نص السلم
اخيرا اذا شعرت بالقهر والغيظ فاعلم انك في مصر المحروسة

Mohamed Hesham Safa يقول...

معاكي حق ...

Unknown يقول...

صح :)
انا عن نفسي مش فارضة اي حاجة على اي حد في مدونتي :)
يعني معنديش موسيقى تشتغل لما حد يدخل او كدة :)
انا كمان ضد الموسيقى لأني ساعات بتخض جدا .. لما ادخل مدونة و فجأة الاقي موسيقى طالعة من السماعات !!
يا رتي يا جماعة اللي عنده موسيقى يخليها مش اوتوبلاي ..
ممكن ؟؟
شكرا يا أمة الله :)

موناليزا يقول...

جيجى
ـــــــــــ
اختى الحبيبة:ربنا يكرمك فماتوفيقى الابالله
نورتينى حبيبتى ودمتى بخير
*********************************
نور شاهين
ـــــــــــــــ
اختى الحبيبة:اشكرك جدا لمشاركتك وتوضيح وجهة نظرك فى هذا الشأن
أما عن المواصلات فانا عن نفسى أوقات بطلب غلق الصوت او خفضه
نورتينى حبيبتى ودمتى بخير
***********************************
واد غلبان
ـــــــــــــــــ
اهلا بيك يافندم
اشكرك على توضيح وجهة نظرك ولكن لو اللى بيدخلوا على المدونات مابيحبوش يقرأوا طب بيدخلوا ليه؟
وفعلا معك حق فى رأيك فى دوشة الشوارع
فهذا اصبح السائد الانانية المفرطة
دمت طيبا ولمدونتى زائرا
***********************************
نهر الحب
ـــــــــــــــ
اختى الحبيبة:اهلا اهلا بالقمر
اذيك ياجميلة ويارب تكونى بخير
ربنا يكرمك ده بس من ذوقك
نورتينى حبيبتى ودمتى بخير
***********************************
ماتريكس
ــــــــــــــــ
اهلا بيك يافندم
احترم وجهة نظرك ومتقبلاها جدا
ولكن دى محاولة منى لتخفيف العبء قليلا
فالضوضاء والازعاج بيزيد من التوتر
دمت طيبا ولمدونتى زائرا
*********************************
ماتريكس
ــــــــــ
اخى الكريم
اعانكم الله ونصركم على أعدائه نصرا عزيزا
**********************************
نور الدين
ـــــــــــــــــ
اهلا بيك استاذ نور الدين
ربنا يكرمك ده بس من ذوقك فما توفيقى الا بالله
اما عن الضجيج فاصبح سمة العصر ارجو ان تزول تدريجيا
دمت طيبا ولمدونتى زائرا
**********************************
عاشقة النقاب
ــــــــــــــــــــ
وعليكم السلام ورحمة الله وبركاته
اختى الحبيبة:جميل توضيحك هذا لعل اصحاب المدونات يستوعبوا وجهة نظرنا
(ياجماعة الجهاز بيتقل)
اما عن مايحدث خارجا فحدثى براحتك خالص هههههه
نورتينى حبيبتى ودمتى بخير
***********************************
فزلوكة
ــــــــــــــ
اختى الحبيبة:اشكرك جدا لانضمام صوتك لى (على فكرة احنا كده معانا اصوات مش بطالة تفتكرى ممكن يعملوا حاجة؟)
المصايف بقى وضع مختلف تماما الصوت بيبقى عالى اضعاف مضاعفة عن اى مكان تانى بجد نفسى اعرف ليـــــــه؟؟؟
نورتينى حبيبتى ودمتى بخير
***********************************
دكتور بهدوء
ــــــــــــــــ
اهلا بيك يادكتور
تصدق اكتشفت ان الغالبية بيعملوا كده
اول حاجة بيقفلوا الصوت
اشكرك جدا لمشاركتك
دمت طيبا ولمدونتى زائرا
***********************************
مجلة على صوتك
ـــــــــــــــــــ
وعليكم السلام ورحمة الله وبركاته
اهلا بيك يافندم
وجهة نظرك تحترم ولكن الغالبية يغلقون الصوت تماما
دمت طيبا ولمدونتى زائرا
**********************************
الزواج روضة الحب
ـــــــــــــــــــــــ
اختى الحبيبة:اشكرك على مشاركتك الرقيقة
نورتينى ياقمر ودمتى بخير
*********************************
فانكى دكتور
ــــــــــــــــ
اهلا بيك يادكتور
اشكرك جدا على هذا التفاعل السريع وعلى احترام وجهات النظر المختلفة
دمت طيبا ولمدونتى زائرا
**********************************
امولة
ــــــــــــــ
وعليكم السلام ورحمة الله وبركاته
اختى الحبيبة:يا اهلا يا اهلا اخيرا ياقمر بدأتى تزورى جيرانك تعرفى كنت مفتقداكى بجد ماتحرمش منك ابدا ولا من زيارتك
لما انتى تبقى وحشة يبقى مين الحلو !!!
ماتقوليش كده تانى لوسمحتى وشكلك كده مش عارفة قيمة امولة كويس وغلاوتها عندنا
واذا كان على الهدوء فواضح انه حلم جماعى الكل مفتقده
نورتينى حبيبتى ودمتى بخير
********************************
قررت أكون عانس
ــــــــــــــــــــــ
اختى الحبيبة:واسأليها على مابعد الاحتفال وصوت الناس العالى وهزارهم وضحكهم وكأنهم فى جزيرة منعزلة عن العالم الخارجى
نورتينى حبيبتى ودمتى بخير
********************************
بعض الاوقات
ـــــــــــــــــ
اختى الحبيبة:فعلا ياقمر الحرية حدودها عدم ايذاء الغير
وسبحان الله الكل فعلا بيشتكى من تقل الجهاز بسبب الاغانى على المدونات
وانا ايضا ارجو ان تجد هذه الدعوة صداها من الجميع
نورتينى حبيبتى ودمتى بخير
***********************************
سندباد
ـــــــــــــ
اهلا بيك يافندم
ولا يهمك المهم انك اخيرا شرفتنا بالزيارة
وهذا اكثر مايثير ضيقى ان هذه الاشياء تحدث عندنا فقط
اشكرك لمشاركتك
دمت طيبا ولمدونتى زائرا
**********************************
محمد هشام
ــــــــــــــــــ
اهلا بيك استاذ محمد
اشكرك لمشاركتك ولتأييدك لما أقول
دمت طيبا ولمدونتى زائرا
***********************************
شيماء على
ــــــــــــــــــــ
اختى الحبيبة:فكرتينى بنفسى انا كمان اوقات كتير بتخض من الصوت المفاجئ الصادر من المدونات
واتمنى ان طلبك ورجائى يلاقى صدى وينفذ من قبل اخواننا المدونين
نورتينى ياجميلة ودمتى بخير