الأربعاء، 25 فبراير 2009

مهزومة ولا تقبل الفشل

لم تستحمل مرارة الفشل التي تعرضت له حينما اشتركت في مسابقة للسباحة. رغم أن هذه المسابقة لم تكن من ضمن أولوياتها. ولكنها لم تكن تعلم أن طعم الفشل الذي ستتجرعه أقوى من تحملها. ومن هنا أرادت التحدي وأن تعيد الإشتراك في أقرب مسابقة؛ لتثبت لنفسها قبل الجميع بأنها ليست فاشلة. وبالفعل بدأت التدريب بكثرة وخاضت جميع التدريبات بنجاح منقطع النظير. وتم الإعلان سريعاً على مسابقة أخرى. ورغم أن المسابقة ستكون في بحر وليس في حمام سباحة كما توقعت ولكنها اشتركت بالفعل. ورغم أنها كانت متوجسة خيفة بعد الإشترك مباشرة إلا أنها كانت بداخلها تقول"بما أني بعرف أعوم مايهمنيش المكان". وحينما يقترب الموعد تزداد مخاوفها أكثر دون سبب واضح بالنسبة لها. ومع ذلك لم تستطع الإفصاح عما يعتريها من هذه المشاعر المضطربة. لأسباب عِدة منها أنها قبلت التحدي أمام الجميع والإنسحاب يعني فشل آخر. ولفتور همة المدرب ومع ذلك لم ينصحها بالإنسحاب فإنسحابها يعني فشله هو الآخر ولكنه واثق من قدراتها. ولذلك زودت جرعة التدريب وأخذت جميع إحتياطاتها. وجاءت اللحظة الفاصلة. رأت كل المشجعين يرددون اسمها ويحفزونها على الفوز بالمركز الأول. بدأت تتشجع ولكن قبضة قلبها مازالت مستمرة ومع ذلك لم تهتم.ألقت نظرة أخيرة على المشجعين قبل أن تركز نظرها على المكان الذى ستقفز منه وتستدعي كل التركيز بداخلها وتتمتم بلفظ الشهادتين وهى عازمة على الفوز.. ثم قفزت . ومع قفزتها هذه شعرت بأنها لن ترى الأرض مرة أخرى وأنها ستلقي حتفها حتما في قاع البحر. ومع ذلك لم تيأس أو تستسلم فهي عازمة على الفوز رغم كل شيء.وشعرت بضيق فى التنفس وبأنها تكاد تختنق ولكنها ظلت تقاوم . وفجأة شعرت بأنها أصبحت كالكرة التي تتقاذفها الأمواج ولم تستطع المقاومة أكثر وكأن البحر يلفظها من داخله وسيطر اللون الأسود على عينيها ولم تعد تشعر بأي شيء. "كنت أشعر بغدره معى ومع ذلك قبلت التحدى".
- تمت-

هناك 73 تعليقًا:

TIMMY !! يقول...

أظنها لن تفعل ,

على الأقل لو كنت مكانها لاخترت الرطيق الأسلم !!

تحيتي ...

د.خالدأمين يقول...

اولا
هي دي قصه حقيقيه بنفس التفاصل والمركبات

والا هيه كنايه عن شيء معين

اعتقد ان اول شيء طبعا انها تصلي استخاره وتستخير ربنا في ان يهديها الي ماتفعله
ثانيا مادام هذا المدرب قد فتر في عمله وتدريبه له وايمانه بقدراتها

واخيرا عليها ان تتدرب في ظروف مثل تلك التي فشلت فيها اي في البحر مثلا وليس في حمام السباحه

وايضا اعتقد انها ربما تحتاج الي تقدير قدراتها وونشاطها فربما تكون غير مؤهله لمثل تلك المسابقات وهذا ليس بعيب فكل منا لابد وان يكون فاشلا في اشياء وناجحا في اشياء ومتفوقا في اخري

salwa يقول...

السلام عليكم اخت موناليزا
موضوع شيق,اظنها ستحاول مرة اخرى
بعد ان تغير المدرب
فهي من الاساس تملك الثقة بنفسها
سلمت يدك
سلام

أم فريده يقول...

انا من راييى ان اللى عايز يوصل لحاجة

يحاول ويحاول ويحاول ويكرر المحاولات

مش غلط اننا نفشل بس الغلط اننا نستسلم للفشل

لانها غلطت لما استهونت بالمسابقة وفكرت انها تفوز وخلاص من غير ما تتاكد من انها مستعدة للفوز

تتحمله بانها تقف تانى على رجليها وتستعد من جديد بس بالطريقة الصح مش تدخل مسابقة لشئ وهى مش مستعدة ليه


وتواجه الناس ازاى لو هتقعد تفكر فى الناس يبقى هى بتعمل كل دة عشان الناس مش طموح شخصى
فساعتها خليها قاعدة فى البيت احسن

الموضوع مش مشاعر دى مسابقة يعنى تدريب تدريب تدريب

نفس المدرس لاء

لانه كان المفروض يكون امين معاها ويرفض اشتركها بالشكل دة يأما كان دربها صح

تحياتى وتشجيعى ليها
دى لو كانت قصة حقيقية

Mafrousa يقول...

متهيألى اه
انا لو مكانها ححاول مرة و اتنين و تلاته
وده لو ان الواحد مش بيحب الهزيمة و يسلم بيها
و اكيد حتنجح

المعتصم يقول...

بسم الله الرحمن الرحيم
السلام عليكم ورحمة الله وبركاته
اختى الكريمة موناليزا
تحياتى
اولا انا كمان متهيألى ان الحكاية دى المقصود منها موضوع تانى غير بتاع السباحه
مش مشكلة
ماعلينا
.....
الاصرار والعزيمة شيئ حلو خالص ولازم يكونو موجودين عند الانسان والا ماكنش فيه حد نجح فى اى حاجه
صحيح ممكن تكون مشاعرنا مش متفقه مع طموحنا واصرارنا ده انما مش معنى كده اننا دايما نمشى وراها
انا شايف انها لو لسه عندها نفس الاصرار والعزيمة تعمل كل اللى عليها وتتدرب فى ظروف مماثلة للظروف بتاعة المسابقه انما فى نفس الوقت ماتكابرش يعنى بتتدرب فى حمام سباحه يبقى ماتعاندش وتدخل مسابقه فى البحر وكده
............
سؤال جانبى : هى كانت لابسه مايوة شرعى ولا لأ؟؟؟؟
(طبعا انا بهزر بس اصل انا ماليش فى موضوع السباحه دهومش مقتنع بيه للستات)
تقبلى تحياتى ودمتى بكل خير وود
والسلام عليكم ورحمة الله وبركاته

SHAPE YOUR LIFE (ABOALI) يقول...

حلوه الميلودراما
السباحة من اجل السياحة
الفشل كلمة يستخدمها من لا ارداة له
ومن لا يستطيع تحديد اهدافه
يمكن استبدال كلمة الفشل ب جزء او منطقه يحتاج الى تحسين وضعنا ايدينا عليه

لاءن كلمة الفشل تهبط دائما العزيمة وتقلل من الحماس وتفقد الثقة
ولكن كلمة المحاوله كلمة ذهبيه اذا توفر لها عزيمة واصرار وهدف واضح
مع ثبات نفسى

فى حالة المتسابقة السباحة الماهرة

تنامى فى نفسها الانا والرغبه فى اثبات النفس ليس امام نفسها ولكن امام الغير
شعرت بذلك الكبرياء المجروح الذى دفعها دفعا" لتعطى نفسها حجم هى لم تصل اليه بعد
الاعداد للمعركة لا ياءتى بالفتوه
والاعتماد على السابق
ولكن على دراسه متائنية للمكان الجديد

الانسحاب ليس نهايه ولكنه بدايه
لتجميع شتات النفس التى تاهت وسط الانا و ابت الا ان تتحمل المسؤليه امام ذلك الجمع الكبير وامام المدرب


ترى هل ستحاول خوض هذه التجربة مرة أخرى؟

وهل انتهت الحياه لنسئل هذا
الامل والتفاؤل والطموح واليقين
هى القاطرة للنجاح
والا لم يشفى من دواء فلا عليه ان يجرب الاخر بهذا المنطق


نعم ستحاول بعد تصلح جبهتها الداخليه

كيف ستتحمل الفشل؟ وكيف ستواجه الآخرين؟
ليس فشل ولكنه بدايه جديده لتصحيح الاخطاء
ستواجه الجميع بتلك النظرة الواثقة انها اليوم تعلمت وغدا" ستتفوق


هل تثق فيما بعد فى مشاعرها؟ هل تعتمد على نفس المدرب؟.

النجاح له وصفة وكوكتيل احداها داخلى وهو الدوافع والاصرار
والاخر خارجى وهو التدريب واختيار المدرب القدوه

أترك لخيالكم العنان لوضع النهاية لموقفها بعد نجاتها



النجاه من الدنيا هى دخول الجنان والتمتع بالخالق مع نبيه

والنجاه له معنى
وهى شروق جديد و حياه جديده وبسمه جديده

مثلما نحج ونرجع بعده نلبس ثوب النجاه



تحياتى

ghorBty يقول...

السلام عليكم

غاليتي موناليزا

اظن كلامك في هذه القصه كنايه عن شئ أخر

ولذا ساقول لك

الفشل شئ فظيع ومرعب وسيما لو امام الناس

ولكن حبيبتي كل شئ يحصل لنا ما هو الا قدر الله النافذ ودائما ما اقول لاي شئ يحدث لي لعله خير واعيد النظر مرة اخري

فصاحبه القصه اعاده التجربه مرة اخري لتثبت للناس انها ليست فاشله لذلك ستفشل مرارا وتكرار

لان رضي الناس غايه لا تدرك وان قلتي لتثبت لنفسها قبل الجميع فهذا ليس بصحيح تضيع نفسها وتدخل في مسابقه ليست مستعده لها تموت وتقولي تثيت لنفسها ؟؟ شئ غريب

التحدي وان كان للنفس له حدود ربما تحاربين لنيل شئ ما وهو غير مقدر لك ستظلي تتحدي برضوه لن تنالي شئ

فالسعاده اجدها في الرضي بقضاء الله ورضي نفسك وليس رضي الناس

وكما يقال

ليس في الامكان افضل مما كان

جزيت خيرا

غربتي

أميرة يقول...

بنتولد ونفضل نتعلم والدنيا تعلم فينا .. وما بين نجاح وفشل .. بنكمل مشوارنا بما اننا عايشين كده كده .. لان ارواحنا مش بايدينا

لما وقعتها الدنيا .. قامت وهي ناوية تقف علي رجلها وتعمل للغدر حساب .. بس يمكن بعد التجربة اكتشفت ان الدنيا اللي كانت عايشة فيها اكبر بكتير من حمام السباحة بس خلاص مفيش مفر .. لازم هتكمل .. لا الطريق رايح بس مفيش راجع

عافرت في الدنيا وهي صعبة عليها .. اصلهم نسيوا يعلموها ان الدنيا مليانة اشكال والوان من الخير والشر و حتي خير مخلوط بالشر متعرفيلوش اول من اخر..

هتحاول تاني اكيد .. الطريق ماشي بيها ومن غيرها .. يبقي تدير هي دفة حياتها احسن ما تهزمها الدنيا وتطلعلها لسانها..

وحتي لو في النهاية هزمتها الدنيا بنهاية حياتها .. يكفيها شرف ان محدش قدر يخليها توطي راسها غير في سجودها لله

بخرف انا عارفة بس شفت القصة كده

موناليزا يقول...

تيمى
ــــــــ
اهلا بيك يافندم
اشكرك جدا لمشاركتك
دمت طيبا ولمدونتى زائرا


******************************


د. خالد أمين
ـــــــــــــــ
اهلا بيك يادكتور فى زيارتك الاولى
اولا:هتفرق فى ايه؟
اشكرك جدا لمشاركتك
ولكن لى سؤال لو كنت مكانها كان موقفك هيكون ايه بعد النجاة من غرق محقق؟
نورت مدونتى وفى انتظار ردك


*********************************


سلوى
ــــــــ
وعليكم السلام ورحمة الله وبركاته
اختى الحبيبة:عاجبنى تحليلك
اشكرك جدا لمشاركتك
نورتينى حبيبتى ودمتى بخير


*********************************


زوجة عنيدة
ــــــــــــــ
اختى الحبيبة:رأى يحترم جدا
ومتفقة معاكى جدا جدا
اشكرك جدا لمشاركتك
نورتينى حبيبتى ودمتى بخير


********************************


واحدة مفروسة
ــــــــــــــ
اختى الحبيبة:صح جدا
ان تنهزم ولا تستسلم فهذا انتصار
اشكرك جدا لمشاركتك
نورتينى حبيبتى ودمتى بخير


**********************************



المعتصم
ــــــــــ
وعليكم السلام ورحمة الله وبركاته
اهلا بيك يافندم
اولا: بالظبط كده ذى ماقلت ماعلينا:)
...
رأى ناضج جداُ أحييك عليه
...
اجابة جانبية: فاجأتنى بالسؤال على فكرة:) بس أكيد يعنى كان شرعى:)
(تخيلت القصة كده وماجاش فى دماغى خالص ملابس البطلة)

نفس اقتناعى فالمرأة طالما اتحجبت تكون قد حجابها ومفيش حاجة اسمها مايوه شرعى طلع نزل اسمه مايوه(عشان جمعية حقوق المرأة يكونوا فى الصورة يعنى):)

اشكرك جدا لمشاركتك
دمت طيبا ولمدونتى زائرا


*******************************


ابو على
ـــــــــ
اهلا بيك يافندم
اشكرك جدا لرايك
الله عليك
استخدامى لكلمة الفشل هنا لأنه عكس النجاح

دائما تمتعنى بتحليلك ورأيك البليغ
مشكووور جدا وماحرمنى الله من تعليقاتك ورؤيتك المنطقية
دمت طيبا ولمدونتى زائرا


**********************************


غربتى
ــــــــ
وعليكم السلام ورحمة الله وبركاته
اختى الحبيبة:ظنك ده احساس ولا تأييد لأراء سابقة؟ :)

مع احترامى الشديد لرأيك ولكنها هنا تدربت بالفعل وكانت على اتم استعداد لهذه المسابقة ولكن هناك الحاسة السادسة غاليتى التى نبأتها بحدوث مكروه لها والتى بدورها لم تهتم باحساسها فعوامل النجاح موجودة ولا يوجد شئ يدعو لخوفها
نعم حبيبتى هذا قدرها رغم كل احتياطاتها فالبحر بطبعه غدار وهذا ليس لها يد فيه

نورتينى ياجميلة ودمتى بخير


*****************************


اليس فى بلاد العجائب
ــــــــــــــــــــ
اختى الحبيبة: تخريف ايه بس!! ماتقوليش كده
ده انا حسيت انى بقرأ قصة ملحنة وكأنها أغنية التتر لما كتبت
بجد تعليق واقعى وجمييييييل جدا احييكى عليه
واشكرك جدا لمشاركتك
نورتينى حبيبتى ودمتى بخير

ريمان يقول...

السلام عليكم

انا اعتقد ان شخصيتها من النوع اللى لا تقبل الهزيمه وعندها اصرار عجيب

اعتقد انها مش هتيأس برضه وهتحاول تانى وتالت

jonoon 3aqel يقول...

مممممممممم....

طعم الفشل مر... و كونها تدربت مره اخرى و ثابرت و تحسنت يعني انها مستعدة دائما للوقوف بعد اي وقوع لها...

لكن...

هل الموضوع يستاهل ان الواحد يخاطر بحياته عشان يثبت لنفسه انه مش فاشل؟؟
هل خطأ ان الانسان يتقبل فشله و يحاول الوقوف...لكن بدون اعادة التجربة؟


انا لو مكانها...هعمل زي اللي عملته هي :)...
لكن هفكر بعقلي..يعني لما احس بوجود الخطر مش هتجاهله...

آه...و هحط لي مدرب كويس :)

تحياتي
جنون عاقل

الـمـصـــرية - إمرأة ..وأفتخـر يقول...

حبيبتي موناليزا

سامحيني بقالي فتره مادخلتش مدونتك

الكومبيوتر كان خربان وكل يوم أدخل ألاقيه بيهنج وحاله حال

بس أنا لم أيأس وعملت زي السباحه المتحديه اللي كتبتي عنها

وفضلت وراه لغاية الحمد لله اتصلح

تحياتي ليكي على مواضيعك المميزة وياريت تفكري تجمعيها في كتاب لأن فيهم أفكار مفيده جدا

خالص مودتي

(صندوق الدنيا) يقول...

أظنها ستعيد المحاولة
لأننا لو إعتمدنا على حواسنا سنفقد معنى التوكل على الله
ولابد أن نتوكل على الله مهما تدربنا ومهما تفاءلنا وحتى لو سهلت كل السبل
هناك دائما لله لطف خفي لابد أن نتيقن منه
فنتوكل مهما كانت النتائج

Ahmed يقول...

صعب جدا أن أصدق أنها لن تفعلها مره. فالتحدي سلوك يصعب التخلص منه

ولكن في المره القاده اعتقد انها ستتجاهل الجمهور ولن تشعر بغريم أكثر من تحديها لنفسها

أميرة يقول...

انا جه في بالي موضوع المايوه بردة بس قلت مشيها خيال في خيال :)

بس ضحكت اوي من حكاية جمعية حقوق المرأة دي .. فكرتيني بمرة شفت واحدة لابسة واحد منهم ومغطية وشها .. ساعتها بقول لنفسي "منين ببنطلون و حاجة تايت علي الجسم كده ومنين مغطية وشها" بس احترمت نفسي ومبصتش اكتر من اول نظرة .. مش ناقصة ذنوبها كفاية اللي بناخده واحنا مش واخدين بالنا

محمد يقول...

السلام عليكم ورحمة الله وبركاته

الأخت العزيزة موناليزا....

جميل ما تخطين بيدك فيجعلنا نعتقد أنك لست الموناليزا بل أنت ليوناردوا دافنشي العبقري الذي رسم هذه اللوحة الرائعة ... أعجبتني شحنات الأمل المتوهجة في كتابات إخواني وأخواتي في التعليقات السابقة مما يدل علي الإصرار والمثابرة وعدم اليأس وبالفعل فالخاسر ليس هو الذي يخسر جولة ما في الصراع بل إن الخاسر الحقيقي هو الذي ينمو عنده الشعور بأنه لا يستطيع أن يفوز .... وعلي أي حال ليس لمجرد خسارتها في هذا البحر أن كل البحار غداره ووووحششه ولا إيه .... خالص شكري وتقديري

Butterfly يقول...

أنا مش شايفه ان ده فشل
ده غير انى مش مقتنعه أصلا ان فى حاجه اسمها فشل ...
بس هي تحاول تانى وهى معملتش كل اللى عليها
لأن المفروض كانت تضرب فى البيئه المناسبه ...
تحياتى .....

Gannah يقول...

مواجهه الفشل هو الفارق بين الانسان المتميز والانسان العادى
الانسان المتميز يحول الفشل الى بداية نجاح أما الانسان العادى فانه يجعل منه نهاية
لا بد لها من المحاولة ولكن من الذكاء ايضا ان يعرف الانسان امكانياته الحقيقية فلا يبالغ فى تقديرها
الفشل لا يعنى اننا فاشلين ولكنه احيانا يعنى اننا لم نحاول بما يكفى
اتمنى ان تعيد المحاولة وان يتحول ابحارها فى الحياة الى ابحارا سريعا ياخذها الى ميناء السعادة التى تنشدها
تحياتى

romansy يقول...

قد تخوض التجربه ولكن الافضل ان تكون على درايه بما يحدث حتى تتقن دورها جيدا ولكن قد قررت المغامره
وقد تنجح حتى ولو بنسبه ضيئله
ولكنها لو حققت ما تريده ستنول كل شئ

موناليزا يقول...

ريمان
ــــــــ
وعليكم السلام ورحمة الله وبركاته
اختى الحبيبة:اشكرك جدا لمشاركتك
واستنتاج منطقى برضه:)
نورتينى حبيبتى ودمتى بخير


*********************************


ميبى سون
ـــــــــ
اهلا بيك يافندم
اشكرك جدا لمشاركتك

اسئلتك منطقية وتدعو للتفكير حقا

مع احترامى الشديد لرايك أرى ان العقل غير الاحساس يعنى هى سمعت كلام عقلها اللى كان شايف ان مفيش حاجة ممكن تعوقها على النجاح سوى ارادة الله فهى بذلت اقصى ماعندها
اما الاحساس فينبع من داخلها دون سبب معلوم
يبقى اكيد كنت تقصد تتبع الاحساس صح ولا ايه؟

دمت طيبا ولمدونتى زائرا


**********************************


المصرية امرأة وافتخر
ــــــــــــــــــــــ
اختى الحبيبة: اهلا اهلا بالقمر (الاسم الجديد جميل على فكرة)
ياحبيبتى المهم انك بخير وطمنتينى عليكى
ويارب مايبوظش تانى (على فكرة الجهاز بتاعك والجهاز بتاعى شكلهم كده قرايب ههههه جهازى برضه بحالات:))

ربنا يكرمك يارب كتاب مرة واحدة:)
والله دى شهادة جميلة من اخت غالية اعتز بيها جداً:)

اشكرك جدا لتواجدك
نورتينى حبيبتى ودمتى بخير


*******************************



ام البنين
ــــــــــــ
اختى الحبيبة:صح جدا
فإذا عزمت فتوكل على الله فلن يصيبنا الا ماكتب الله لنا
اشكرك جدا لمشاركتك
نورتينى حبيبتى ودمتى بخير


********************************



مهندس. احمد ابو العلا
ــــــــــــــــــــــــ
اهلا بيك ياباشمهندس
استنتاج منطقى
فلن يشغلها الجمهور مرة اخرى
اشكرك جدا لمشاركتك
دمت طيبا ولمدونتى زائرا


********************************


اليس فى بلاد العجائب
ـــــــــــــــــــــ
اختى الحبيبة: اشمعنى انا ماجاش فى بالى خالص الموضوع ده ليه!!:)

اما عن حقوق المرأة المزعومة فاستغرب حقا حينما اجد تلبيس للامور الظاهر بحرمتها ومع ذلك بيحللوه وعادى خالص
ولا كأن فيه حجاب المفروض نحترمه
انتى عارفة المثال اللى ذكرتيه ده بستغرب اكتر لما يكون احد محارمها شايفها كده وموافق عليه وبيشجعها كمان!
هدانا الله جميعا لما فيه الخير والرشاد
اللهم يامقلب القلوب ثبت قلوبنا على دينك
اشكرك جدا لمتابعتك واسعدتينى حقا بتواجدك
نورتينى حبيبتى ودمتى بخير


*********************************


هذه حياتى
ـــــــــــــ
وعليكم السلام ورحمة الله وبركاته
اهلا بيك يافندم
اشكرك جدا لمجاملتك الرقيقة
ملحوظة للعِلم( لا دخل لاسمى بلوحة ليوناردو خالص .. أُحب اسم موناليزا لأنه اسمى أنا فقط.. أما عن لوحة الموناليزا فكلام فى سرك مش عاجبانى ولا أجد فيها سر خاص كما يدعى البعض)

صدقت اخى الكريم فالخاسر الذى ييأس ويقف عن المحاولة
:) اكيد بعد اشراف البطلة على غرق محقق فرأيها فى البِحار مش هيكون ظريف خالص :)
اشكرك جدا لمشاركتك
دمت طيبا ولمدونتى زائرا


*******************************



بيترفلاى
ــــــــــ
اختى الحبيبة:فعلا ماكانش فشل على قد ماكان موت محقق لكن الله سلم:)
اشكرك جدا لمشاركتك
نورتينى حبيبتى ودمتى بخير


*********************************



جنة
ـــــــــ
اختى الحبيبة:اهلا اهلا بالقمر
جميل هو رأيك بأن تحول فشلها الى بداية للنجاح
اشكرك جدا لمشاركتك
نورتينى جنتى الجميلة ودمتى بخير


********************************


رومانسى
ــــــــــ
اهلا بيك يافندم
تعليق جميل حقا
اشكرك جدا لمشاركتك
دمت طيبا ولمدونتى زائرا

salma mohamed يقول...

لو كان الهدف يستاهل التضحية هتحاول تاني وتاني لحد ما تنجح,
بس اظن ده هياخد فترة تاهيل الاول عقبال ما يكون عندها الشجاعة تاني انها تبتدي من جديد.
طبعا انا شايفة ان القصة فعلا مش مقصود منها السباحة بس اكيد قصدك هدف الشخص عموما وموقفه من الفشل وتضحياته من اجل النجاح.
وكل انسان ناجح في حياته اكيد سبق نجاحه محاولات فاشلة,
بس كما قيل هي ليس محاولات فاشلة وانما محاولات للوصول للنجاح.

No one No where يقول...

طبعا مفيش حد يقدر يجاوبك علي الاسئلةدية الا اللي مر بيها

الكلام اللي انتي كتباة صح 100 ×100 علشان انا شخصيا حصالي كنا بندرب علي الطيران وفشلت اكثر من مرة ومع الاصرار والعزيمة قدرت انجح واطير وكمان مش كدة وبس انا كمان من احسن الطيارين في اوربا انا بقول لازم تحاول مرة تانية وتالتةلغاية لما تثبت لنفساها انها قادرة علي تحقيق الصعب مع ان بالصبر بيكون سهل قوي في حاجة تانية الاسلوب اللي انتي كاتبة بية راوعة علشان ا نا وانا بقرا الرسالة كان قلبي بدق مع قلبها قبل ما تنزل المية بارك اللة فيكي
واللة العظيم بحبوا يا خلق
والسلام علي من اتبع الهدي

ستيتة يقول...

الرغبة وحدها لا تصنع نجاح

خوفها من لوم عاتب او شماتة حاقد ليست كافية للوصول للهدف

الرغبة ومعها دوافع كافية ويزكيها اجتهاد ومثابرة تصل بها لسباق في المحيط وعبور المانش

تحياتي

الفقيرة إلى الله أم البنات يقول...

السلام عليكم ورحمة الله وبركاته
حبيبتى ايه اللى بتعمليه فينا ده
بصراحه بتشغلى دماغنا بشكل جميل
وانا بصراحه بحب مقالات التواصل

شوفى لو على البحر انا مش بعرف أعوم وبخاف جدا من الميه علشان طبعا مش بعرف أعوم
لكن لو هاحط نفسى مكانها..يعنى انا هى ..بعرف أعوم وأخدت بالاسباب
الاكيد مش هكرر القصة تانى..بخصوص انى أعوم
لانى منجحتش فى حمام السباحه ومنجحتش فى البحر
وعندى طاقه وعزيمة كبير ..اوجها لمكان تانى ااقدر انجح فيه
مشكلتها هى النجاح والفشل مش بتنحج فى إيه ولا بتفشل فى إيه
يعنى سلوكيات
والانسان الطبيعى بينجح وبيفشل
هاقبل الهزيمه وان شاء الله انجح فى حاجه تانيه

دمتى بخير يا حبيبتى

wanna b a physician يقول...

هذا ليس تحدى بل تهور

د/عرفه يقول...

عندما يخفق الانسان فى تحقيق هدفه
لابد من التعلم من أخطاء الماضى
ويعيد حساباته من جديد
وعندما يكون الهدف غاليا يستحق التضحيه
اذن لابد من تكرار المحاوله ولو الف مره
فقط يتعلم من اسباب الفشل
وتقبلى تحياتى

حاجات جوايا يقول...

طول ما احنا عايشين لازم نجرب ونحاول
نفشل مرة
وننجح مرة
المهم يكون عندنا إيمان بالله وثقة فى قدراتنا

لو استسلمت تبقى هربت من فشلها
واللى بيهرب من حاجة بيتعقد منها طوووووووووول حياته

المدرب طبعا تغيره
خليها تجيب جوزيه ههههههههه

اما عن نظرة الاخرين لها فلا تهتم بها فلن ينفعوها فى نجاحها او فشلها لا قدر الله

خالص تحيتى يا جميلة
ودعواتى بالتوفيق لكى فى حياتك يارب

لجين أبو الدهب يقول...

هو بالطبيعة البشرية اظن هايحصل لها اللى بيتقال عنه فى علم النفس الارتباط الشرطى ..

وان اكتر شئ هاتكون بتكره فى حياته المياه حتى لو فى البانيو اللى فى التواليت ..

انما لو هى صاحبة ارادة قوية وتؤمن بقناعة داخلها ان الفشل فى شئ ليس يعينى النهاية ..

فالرسول صلى الله عليه وسلم لو كان شعر باليأس من اول محاولة ما كان انتشر الاسلام ولا عرفناه ..

فإنها ستعود ثانية وستكون بإرادة اقوى واظنها ستحقق نجاح كبير وهذا مع تغيير مدربها ..

يعجبنى كثيرا طريقة عرضك للنقاش ..

جزاكِ الله خير حبيبتى ..

دُمتِ بخير ..

jonoon 3aqel يقول...

احم احم...

انتي فاهمة قصدي عموما...صح
:)

alwani يقول...

أظنها ستجرب نفسها في مجال آخر بعيد عن الماء

الربان يقول...

تحياتي

اثرتي مخيلتنا...و فضولنا...

طريق البطولات دائما ما يكون طويلا..و يحتاج الي جد و مثابرة في التمرين...
بالتأكيد لابد من ان تعيد الكرة..و ان
تعلم سبب اخفاقها حتي تتمكن من تجنبها
و في رأيي انها بدأت و هي مهزومه في داخلها....

أما اذا كانت القصة ذات مغذي أخر..و من القصص الرمزية ...فلعلك تقصدين التجربة الانسانية للحب و الارتباط..
وهنا قد يكون الرد مختلفا لان العلاقات الانسانية لها قواعدها الخاصة.

تحياتي و تقديري لحضرتك.

محمد يقول...

السلام عليكم ورحمة الله وبركاته
أختنا موناليزا ...

يرجي حذف العبارات الخاصة بليوناردو دافنشي من مسودة المجلس قصدي المدونة مع الإعتذار ههههههههههه ..
خالص شكري وتقديري مع صادق دعائي لك بالتوفيق

كفايـة طيبـة يقول...

بصي الاول

الصورة اللى انتى جايباها دي بتجيبلى احباط لا محدود بجد
بحس بضياع لما اشوفها بكل معنى لكلمة ضياع

---
ترى هل ستحاول خوض هذه التجربة مرة أخرى؟
----

حسب احساسها
ممكن لو مبتحبش تفشل تكررها بس هتاخد احتياطاتها
مش هتعملها فى بحر .. هتعملها فى حمام سباحة .. كدة يعني

---
كيف ستتحمل الفشل؟ وكيف ستواجه الآخرين؟
---

مش عيب ان الواحد يفشل
الفشل ده مرحلة من مراحل النجاح اصلا
هو اكيد هيبقي صعب عليها مادام مش بتحب الفشل
بس الواحد مش هيحب الفشل لمرحلة معينة وبعدين لما يلاقي الموقف هيوصل انه يفقد حياته هيتراجع


---
هل تثق فيما بعد فى مشاعرها؟ هل تعتمد على نفس المدرب؟.
---

ايوة طبعا تثق فى مشاعرها ... وتثق فى المدرب
لأنها اتدربت كويس قبل المسابقة
العيب مش فى المدرب

ابقي اعملى تحديث وقوليلي ايه اللى ورا البوست ده :)
عالعموم حمدالله على سلامتها وخليها تسعي للنجاح فى طريق تانى لو اتعقدت من الطريق ده :)

تعليقي طول منى معلش ... (وش مكسوف)

على عبدالله يقول...

السلام عليكم


فى نوعية من البشر كلما خشى من شىء فعله
مثلا يعنى اما بيخاف من الضلمة بيروح يمشى فى الضلمة حتى يئبت لنفسه انه مش بيخاف !!!!
اما بالنسبة لبطلة قصتك ..
فاعتقد انها ستعاود مرة اخرى ،، لانها من البداية كان عندها يقين بالله وبالنجاح اذا اخذت باسباب النجاح ،لذلك ستعود مرة اخرى للتدريب وربما الفوز بالمسابقة
اما عما حدث فهى تعلم جيدا ان ان قدر لها الموت فستموت ،، ولن يمنعها ذلك من العودة مرة اخرى

تحياتى

أحمد (زوج مخنوق ). يقول...

السلام عليكم و رحمة الله
أختي موناليزا ولكأني أفهم ما ترنو اليه قصتك
بل أصدقك القول اذا قلت أني ايضا على مشارف الغرق او الانقاذ
الله أعلم
و لكن بعده هو السؤال
الاستسلام ليس من طبع المؤمن
و لكنها خطوة جديدة صعبة يخاف المرء فيها ان يرى الغرق ثانية
لا أرى أسلم من حسن الاتكال على الله بالاستخارة
و بعدها التفكير ثم التفكير ثم التفكير بالعقل
و العقل فقط بدون أي تدخل للمشاعر لانها دائما ما تخفي عن العقل ما يراه سيئا و يفاجأ به في أخر المطاف واقع لا مفر منه
أختي في الله
البحر الجديد او حمام السباحة او حتى النهر سيكون به دوامات و مخاطر نخشى ان تغرقنا مرة اخرى بعد أن رأينا الغرق بأعيننا و أنجانا الله منه
فلا نتوقع ان نغير منها شئ لصالحنا
و لا نتوقع ان تختفي من البحر اثناء السباق
فاما ان نجهز كيف سنتعايش معها في السباق او نتفاداها
و أما فلا نقحم أنفسنا في سباق جديد خسارته اوضح من مكسبه
دمتي بحفظ الله

كفايـة طيبـة يقول...

هو صحيح الناس دي كلها علقت امتى وانا لسة شايفة البوست
ولا العيب فيا بقي شوفته متأخر
معلش المرة الجاية هقعد عالباب برة استناكى وانتى بتفتحيها عشان ابقي اول حد يعلق
ان شاء الله D:

سلوى يقول...

تحاول أكتر من مرة

طالما عندها إراده يبقى هتوصل
إن شاء الله

هي تحاول وتجتهد وتتوكل على الله

بعد كده ربنا يقدر لها الخير

ســـــــهــــــــــر يقول...

مش من هواة التكهن بالنهايات
لان الحياه اخبرتنى ان دوما النهايات الحقيقيه لا تاتى كما هى التوقعات

لذا
اترك هنا اعجابى بالقصه و الجمل التعبيريه فيها التى كانت فارس بحق فى توصيل القصه و احساسها

مختلف البوست جدا بس كمان جميل جدا

ملكة في بيتي يقول...

السلام عليكم ورحمة الله وبركاته

جميل ان الانسان يناضل من اجل تحقيق هدف معين مهما فشل يحاول ويحاول الى ان يصل

بس النقطة اللي لفتت ظري مش دي

مسألة الأولويات

المفروض ان الانسان بيكون محدد لنفسه هدف او غاية معينة وراسم لنفسه الطريق

وقد تتعدد الغايات فيبدأ بوضع الأولويات والتركيز على اكبر واسمى هدف بالنسبة له

وطول ماهو ماشي في طريقه قد يطرأ له بعد الاهداف الجانبية والطرق الفرعية
قد يتوقف عندها ويحاول تحقيقها اولا وقد ينجح وقد لا ينجح وفي كلتا الحالتين قد يكتشف انها اخرته عن هدفه الاساسي ولم تكن الا عائق سواء نجح او فشل يها

المقصود من الكلام ايه ؟
ان الواحد لازم يحدد اهدافه ويرتب اولوياته وساعتها هيعرف امتى يناضل ويحاول الف مرة لما يفشل لحد لما يوصل وامتى يمتنع عن المحاولة

دمتي مبدعة

تحياتي

حياتى نغم يقول...

السلام عليكم / كيف حالك أختى أمة الله ؟
قصه جميله جزاك الله خيراً .
لو كنت مكانها بالطبع سأحزن و لكنى سأبحث عن السبب وراء ذلك الفشل وإذا عرف السبب الحقيقى يبنى عليه العمل فيما بعد .

موناليزا يقول...

سلمى محمد
ــــــــــــ
اختى الحبيبة:الله عليكى اصبتِ الحقيقة (إعادة التأهيل) مسمى رائع لما قصدته
ليه بجد مش باين ان مقصد القصة السباحة؟(محتارة فعلا والله)
عموما مشكورة جدا لمشاركتك
نورتيى سلمى الجميلة ودمتى بخير


*********************************


سيف الدين اليزل
ــــــــــــــــــ
اهلا بيك ياكابتن فى زيارتك الاولى
الله عليك:) ربنا يكرمك ويبشرك بكل الخير يارب
ماشاء الله الله اكبر ايوة كده ياكابتن ارفع راسنا فى الدول الاجنبية كمان وكمان:) ربنا يوفقك دايما ويكون النجاح والحظ الحسن معك دائما
اشكرك جدا لرايك فماتوفيقى الا بالله
أسعدنى تعليقك جدا ربنا يسعدك

صادق والله ياكابتن ويارب اشرب شربات فرحكم قريب:)
نورت مدونتى واشكرك جدا لمشاركتك


******************************



ستيتة حسب الله الحمش
ـــــــــــــــــــــ
اختى الحبيبة:متفقة معاكى جدا
ولكن مع احترامى الشديد لرأيك إخفاق البطلة هنا لم يكن بيدها فهى أخذت جميع أسباب النجاح وعملت بها ويبقى ارادة الله التى حتما ستنفذ مهما كانت قدرتها
اشكرك جدا لمشاركتك
نورتينى حبيبتى ودمتى بخير


**********************************



الفقيرة الى الله ام البنات
ــــــــــــــــــــــــــ
وعليكم السلام ورحمة الله وبركاته
اختى الحبيبة: الله يكرمك ده بس من ذوقك:) (خضتينى فى الاول على فكرة)
فعلا مشكلتها النجاح
اشكرك جدا لمشاركتك
نورتينى حبيبتى ودمتى بخير


*********************************



ونا بى فيزيائى
ــــــــــــــــــ
اهلا بيك يادكتور
مع احترامى لرأيك أين التهور فى نزول سباحة ماهرة الى البحر؟؟!!
دمت طيبا ولمدونتى زائرا


*******************************



د/عرفة
ـــــــــ
اهلا بيك يادكتور
فعلا فشرف التجربة يكفى
اشكرك جدا لمشاركتك
دمت طيبا ولمدونتى زائرا


*******************************



حاجات جوايا
ــــــــــــــ
اختى الحبيبة:صح جدا
جوزية ده بتاع الكورة باين مش كده؟
لو جاب لفريقه الكاس عرفينى وانا اخليها تروحله هههههه
فعلا كلام الناس لابيقدم ولا يأخر
اشكرك جدا لمشاركتك
ربنا يكرمك ويتقبل دعائك ولك بالمثل ان شاء الله
نورتينى سالى الجميلة ودمتى بخير


********************************



لجين ابو الدهب
ـــــــــــــــــ
اختى الحبيبة:الله على تعليقك الجميل
فعلا غاليتى فالسر يكمن فى الارادة الداخلية للفرد
ربنا يكرمك ويفرح قلبك فماتوفيقى الا بالله
اشكرك جدا لرايك ولمشاركتك
نورتينى حبيبتى ودمتى بخير


******************************


ميبى سوون
ـــــــــ
مرحبا بعودتك اخى الكريم
تقريبا كده صح:)
دمت طيبا ولمدونتى زائرا


*******************************


الوانى
ـــــــــ
اختى الحبيبة:اشكرك جدا لمشاركتك
نورتينى حبيبتى ودمتى بخير


********************************



الربان
ـــــــــ
اهلا بيك يافندم
هذه إشادة أشكرك عليها:)

"و في رأيي انها بدأت و هي مهزومه في داخلها...." رأى يحتمل الصواب الى حد كبير

اما عن المغذى المراد فالمعنى فى بطن الشاعر كما يقال:)
اشكرك جدا لمشاركتك
دمت طيبا ولمدونتى زائرا


******************************


هذه حياتى
ــــــــــــ
وعليكم السلام ورحمة الله وبركاته
اهلا بيك يافندم
رجاءك هذا على دماغى ولكنى لا اعلم كيفية الحذف:)
اشكرك جدا لعودتك ولاهتمامك
دمت طيبا ولمدونتى زائرا


**********************************


كفاية طيبة
ـــــــــــــــ
اختى الحبيبة:اعتذر جدا لما سببته الصورة ليكى ياقمر بس ده فعلا حال البطلة ولذلك وجدتها معبرة فهى رغم كونها تحت شط البحر الا انها مازالت تجاهد وتريد الحياة

....

عاجبنى جدا اجابتك على الاسئلة وخاصة الاجابة الاخيرة فالعيب لم يكن فيها ولا فى المدرب ولكنه قدرها
..
وعلى ايه تحديث أقولك هنا وخلاص:)
شعور الناجح المتميز دائما حينما يعانده الحظ(يعنى مثلا تخيلى الاول على الجمهورية فى الثانوية العامة لما يعيد سنة اولى كليه رغم اجتهادة ومذاكرته الدائمة)
...
مش عارفة هى اتعقدت ولا لسه عموما هبلغها بنصيحتك من عينيا:)
..
هو فين التطويل ده؟!! خدى راحتك هنا على الاخر البيت بيتك وكلى آذان صاغية:)
اشكرك جدا لمشاركتك
نورتينى حبيبتى ودمتى بخير


***************************


على عبدالله
ــــــــــــــ
وعليكم السلام ورحمة الله وبركاته
اهلا بيك استاذ على
تعليق جميل ومريح جدا الله يفتح عليك
اشكرك جدا لمشاركتك
دمت طيبا ولمدونتى زائرا


*********************************


احمد زوج مخنوق
ــــــــــــــــ
وعليكم السلام ورحمة الله وبركاته
اهلا بيك استاذ احمد (ابو فاطمة الغالية)
ان شاء الله سيتم الانقاذ سريعا جدا
الله عليك
اهو ده الكلام التوكل على الله ثم تحكيم العقل
اشكرك جدا لمشاركتك
ملحوظة:اتمنى ان ارى كلمة (سابقا) بجوار اسمك مرة اخرى
تمنياتى بكل الخير و بصلاح الامور
دمت طيبا ولمدونتى زائرا


*******************************


كفاية طيبة
ـــــــــــــ
اختى الحبيبة:شوفتيه متأخر يوم بحالة ياجميلة
أدفعك غرامة تأخير بقى:)
ياحبيبتى انتى تنورينى فى اى وقت ومكانك محفوظ دايما
اسعدنى تواجدك وزيارتك



***********************************


سلوى
ــــــــ
اختى الحبيبة: متفقة معاكى جدا
ترمى حمولها على الله
اشكرك جدا لمشاركتك
نورتينى سلوتى الجميلة ودمتى بخير


*******************************


سهر
ــــــــ
اختى الحبيبة:احترم وجهة نظرك جدا
واشكرك جدا لرايك الجميل وتعليقك الاجمل
نورتينى سهر الجميلة ودمتى بخير


****************************


ملكة فى بيتى
ــــــــــــ
وعليكم السلام ورحمة الله وبركاته
اختى الحبيبة:معاكى حق
اشكرك جدا لمشاركتك
نورتينى حبيبتى ودمتى بخير


**********************************


حياتى نغم
ــــــــــ
وعليكم السلام ورحمة الله وبركاته
اختى الحبيبة: الحمدلله انا بخير اشكرك جدا لسؤالك
اشكرك جدا لرايك وجزانا واياكم ياجميلة
واذا كان السبب الوحيد ليس لكِ دخل فيه ماذا ستفعلين؟
اشكرك جدا لمشاركتك
نورتينى حبيبتى ودمتى بخير

ميرا ( وومن ) يقول...

شوفي بقي انا لو منها هاتمرن تاني وتالت ورابع لحد متنجح مش بحب الإنهزامية

بس علي فكرة لازم تثق في حاستها لان ساعات حواسنا بتحاول تقولنا حاجة

dramaqueen يقول...

رايى انها تحاول تانى
بس بعد ما تشوف ايه اسباب الفشل الاولانى
وتحاول انها تصلح الاسباب دى
ان قدرت وكانت واثقة من انها هتقدر تخوض المنافسة تانى
تتوكل على الله
ان كانت ثقتها مهزوزة يبقى بلاش

اسلوبك حلو اوى تسلم ايدك

صاحبة هدف يقول...

ترى هل ستحاول خوض هذه التجربة مرة أخرى؟

لا أظن ذلك


كيف ستتحمل الفشل؟ وكيف ستواجه الآخرين؟

أعتقد ستتغير نظرتها بعد الدرس الذي تلقته..فما الهدف من النجاح أصلا؟
حسب نبل الهدف يتغير مقدار التحمل

أما عن مواجهة الآخرين..فقد ينوبها شئ من الحزن..لكنها فرصة كبيرة لبدء حياة جديدة بشكل واقعي يتناسب مع قدراتها

مثلا حمام سبحاة مش بحر


هل تثق فيما بعد فى مشاعرها؟ هل تعتمد على نفس المدرب؟

لا أظن ذلك..وأعتقد أن المدرب لا شأن له
لكن كلما حاولت الثقة في مشاعرها ستتذكر أنفاسها المقبوضة في ذلك اليوم

جزاكِ الله خيرا يا موناليزا

وأسألك الدعاء الكثير

فشكووول يقول...

دائما كنت اجد المدونه روفى وجنه وموناليزا ولصغر خبرتى بالكمبيوتر كنت كلك على اى شيى وادخل ولا اعرف هل هو روفى او جنه او مونالزا وهذه المرة دققت كثيرا حتى عرفت انهما ثلاثه وليس واحدا

الفشل والنجاح من عند الله (عليك ان تعمل وليس عليك ادراك النجاح) المهم انها عملت وتدربت وقامت بالاسباب ونجاحها او فشلها من عند الله ولا مانع ان تبدأ ثانيه
تحياتى

حاول تفتكرنى يقول...

لقد نجحت بالفعل ، حتى ولو لم تفز بالمسابقة

فالرغبة فى الفوز ، والإصرار علية ، والإتيان بمعطياته من تدريب وثقة واستعانة بالله كل هذه مقومات النجاح

ونحن لا نحتاج لأكثر من هذا لمقاومة الاحساس بالفشل

فالفشل والنجاح فى كل الاحوال أحساس يعترينا قبل أن نمارسه

تحياتي

بنوتة يقول...

السلام عليكم
هى دى قصة حقيقية ولا خيالية كناية عن شئ
أعتقد انها هتستعيد الثقة في نفسها وممكن كمان مع نفس المدرب لان ايللي حصل قدريا يعنى مش بايدها ولا بايده ليس خطأ
تحياتى ليكى

جمعاوى يقول...

أظنها ستعتزل السباحة ..

موناليزا يقول...

وومن
ـــــــــ
اختى الحبيبة: مش بقولك فينا من بعض حاجات كتير:)
اشكرك جدا لمشاركتك
نورتينى حبيبتى ودمتى بخير


*********************************


دراما كوين
ـــــــــــــ
اختى الحبيبة:راى منطقى جدا
اشكرك جدا لرايك ولمشاركتك
نورتينى حبيبتى ودمتى بخير


*********************************


صاحبة هدف
ـــــــــــــ
اختى الحبيبة:فاجأتينى برأيك على فكرة
مع احترامى الشديد له ولكنى لم اتوقع انك لو كنتى مكانها كنتى هتستسلمى
ربنا ينورلك بصيرتك ويهيئلك كل الخير
اشكرك جدا لمشاركتك
نورتينى حبيبتى ودمتى بخير



**********************************


فشكول
ــــــــــ
اهلا بيك يافندم
ولهذا عملنا تحديث فى مدونة الفضفضة منعا لاى لبس:)
الله عليك
رأى به من الحكمة الكثير
اشكرك جدا لمشاركتك
دمت طيبا ولمدونتى زائرا



*******************************



حاول تفتكرنى
ــــــــــــــ
اهلا بيك يافندم
تعليق بجد ولا اروع
كلماتك محفزة ومشجعة جدا
ربنا يباركلك
اشكرك جدا لمشاركتك
دمت طيبا ولمدونتى زائرا



********************************


بنوتة
ــــــــــ
وعليكم السلام ورحمة الله وبركاته
اختى الحبيبة: هتفرق فى ايه؟
اعتقاد منطقى جدا وينم على عقلية متفتحة
اشكرك جدا لمشاركتك
نورتينى حبيبتى ودمتى بخير


***********************************



جمعاوى روش طحن
ـــــــــــــــــ
اهلا بيك يافندم
رأى منطقى برضه
اشكرك جدا لمشاركتك
دمت طيبا ولمدونتى زائرا

مدحت محمد يقول...

فكرتينى بمسلسل بنت من الزمن ده

الازهرى يقول...

كثيرا ما لا يكون الانسحاب فشلا
بل قمة النجاح ان تنسحب عندما لا تكون مستعدا كى تعاود التجربة مرة أخرى مع تلافى الاخطاء

تحياتى دوما

صيدلانيه طالعه نازله يقول...

اللى زى البنت دى عنيد و مثابر و عنده قدره على تحدى الواقع بصعوباته و مراراته و اعتقد انها حتعتكف شويه زى استراحه يعنى و بعدينحتبدأ تحارب من اول و جديد و تتمرن بتركيز شديد و مش حترتاح الا و الميداليه فى ايدها

ليلى فى عالم ادم يقول...

اولا احييكى على الفكرة واسلوبك فى عرض المشكلة بشكل جديد وغير مألوف

ثانيا اكيد هتحاول تانى وتالت
لان الانسان ذاكرته قصيرة ومابيتعلمش بسهولة


تحياتى ليكى وياريت تزورى مدونتى

Punny_Punny يقول...

ما أعتقدش أن هذا النوع من البشر يمكن أن يقبل الفشل
فمن رأيي تعب علي تعب و يأتي بنتيجة مفيدة أفضل من لحظة تعب بدون فائدة
أما المدرب فمن رأيي ما فرقش هو أو غيره لأن الأساس هي.

بس خلاص ... يقول...

لابد ان تحاول مرة اخر حتى تصل الى غايتها الفشل مرة لايعنى الفشل الدائم ولكن لابد لها ان تتلاشى سلبيات الموقف الاول وتبحث عن اسباب النجاح

موناليزا يقول...

مدحت محمد
ـــــــــــــ
اهلا بيك استاذ مدحت
بما انى ماشوفتش المسلسل يبقى تعيش وتفتكر:)
دمت طيبا ولمدونتى زائرا


********************************


الازهرى
ـــــــــــ
اهلا بيك يافندم
رأى عقلانى جدا
اشكرك جدا لمشاركتك
دمت طيبا ولمدونتى زائرا



********************************



صيدلانية طالعة نازلة
ــــــــــــــــــــــ
اختى الحبيبة:عاجبنى رايك جدا
اشكرك جدا لمشاركتك
نورتينى حبيبتى ودمتى بخير


*******************************


ليلى فى عالم ادم
ـــــــــــــــــــ
اختى الحبيبة:اهلا بيكى فى زيارتك الاولى
اشكرك جدا لرايك فماتوفيقى الا بالله
راى جميل
اشكرك لمشاركتك
قبلت دعوتك وتسعدنى زيارتك
نورتى مدونتى وارجو دوام التواصل


******************************


بنى بنى
ـــــــــ
اختى الحبيبة:راى منطقى جدا
اشكرك جدا لمشاركتك
نورتينى حبيبتى ودمت بخير


********************************


بس خلاص
ـــــــــ
اختى الحبيبة:معاكى حق
اشكرك جدا لمشاركتك
نورتينى حبيبتى ودمتى بخير

funckydoctor يقول...

لا يضير أن ترفض الفشل ولكن اطلب النجاح فيما يمكن تحقيق النجاح فيه

KHALED يقول...

لا يوجد شىء إسمة الفشل ولكن يوجد ماهو أسمة إخفاق و عدم اليقين بالنجاح و تكرار المحاولة

الضربة إللى ماتمونيش .. بتقوينى

mahasen saber يقول...

انا لو مكانها ابدا مكررهاش

انما اظن طالما هيا بالاصرار ده هتخوض التجربه تانى
واعتقد انها ممكن تنجح


بس يا موناليزا سباحه واحنا فى التلج ده انا تلج وانا بقرا البوست ده

ahmed_k يقول...

الأفضل ان لا تحاول مرة اخرى
فليس في كل مرة تسلم الجره
أظن انها ستكتفي بكون السباحه هوايه
أكثر منها إحتراف للبطولات


خالص تحياتي

Ophelia - cfd يقول...

أول زياره ليا بس مدونه جميله ما شاء الله :)

الفشل هو اول خطوات النجاح والإنسان لازم يحاول مره واتنين وتلاته لحد ما يتغلب على الفشل بس المهم نقدر نتحدى فشلنا ونفسنا ويكون التحدى فى استطاعتنا ..

لو هيا فعلاً واثقه من قدراتها وإرادتها إنها تجتاز الفشل اكيد هاتحاول تانى لأن الإراده أهم ..

:)

واهلاً بيكى احنا ولاد بلد واحده:)

rovy يقول...

موناليزا الغاليه
جميل حبيبتى ان لا نقبل الفشل و لكن الاهم ان نعرف جيدا اين نضع اقدامنا
اعتقد انه كان يجب عليها ان تحسن التدريب قبل ان تقرر خوض التجربه
يجب علينا ان نعلم جيدا مدى قدراتنا
و ان لا نرمى بأيدينا الى التهلكه ..
سلمت يداكى و افكارك التى تطرحينها و تجعلينا نشاركك بها .. جزاكى الله كل الخير حبيبتى

ودى و تحياتى

ghoneem يقول...

بعد التحية وكل التقدير

أخبار حضرتك ايه ؟؟؟؟
يارب تكوني بخير انت وكل أهلك وأحبابك

أما بعد
مسألة أن يهزم الشخص في حياته فهذا أمر طبيعي لأننا بشر ولنا طاقات وقدرات

ومسألة أن يرفض الشخص هذا الفشل ويتعافي ويفكر كيف يعيد المحاولة أمر طبيعي أيضا لسباحة ماهرة ومتميزة مثل صاحبة القصة

ومسألة أن تعيد من ترفض الفشل المحاولة راااااائع
ولكن تعيد المحاولة أولا علي قدر طاقتها ولا يغرها طموحها ورغبتها لما هو أبعد من قدراتها علي الأقل في الوقت الحالي

يعني تكتفي بأن تعيد التجربة ف نفس حمام السباحة مش ف البحر
دي حاجة

أما عن المدرب
لازم يبقي فيه لكل مرحلة رجالها
ومن أثبت فشله "كمدرب" في مرحلة مهمة توفرت لها كل الظروف والعوامل للنجاح لا يستحق أن يحصل علي فرصة أخري لمرحلة ستكون بالتأكيد أصعب بكثير وتحاتج لمجهود أكبر ..يعني من وجهة نظري أري أن هذا المدرب ليس هو رجل المرحلة الاأن يثبت العكس وينصلح حاله التدريبي

وتذكري أني قلت ف مدونتي قبل كدة "من أعلي مكان " يعني المقصود هوة بعد النظر والتفكير جيدا قبل الاقدام علي أي مسابقة

اذن خلاصة القول من وجهة نظري المتواضعة
تحاول خوض التجربة بنفس تفاصيلها السابقة
وتمتلك الثقة في نفسها أنها لن تفشل
وتتذكر كيف نجحت من قبل في كذا وكذا وكذا
وتمتلك بهذه الثقة الشجاعة لتواجه الاخرين
وتستخير فتثق في الله أولا ومن ثم ستثق في مشاعرها
وأري الا تعتمد علي نفس المدرب حتي يثبت العكس

يارب أكون قدرت أوضح وجهة نظري

سعيد جدا بكتاباتك دايما
ربنا يثبتك علي الحق ويوفقك الي ما يحب ويرضي ويرفع عنك الهم والبلاء

دايما نجد عندك ما يسعدنا وينفعنا

علي فكرة ..قبل ما أنسي كالعادة يعني
أنا كتبت بوست بعنوان "حريص عليكم " في مدونة صديق ياريت أعرف رأيك فيه
http://nazratolife.blogspot.com/

تحياتي

بالتوفيق.........................

EMMY BABY يقول...

بجد اسلوبك جميل يا موناليزا

بس انا اعتقد انها المرة دى هتكون اكثر حذرا لانها رأت الموت امام عينيها

موناليزا يقول...

فانكى دكتور
ـــــــــــــــ
اهلا بيك يادكتور
وهذا مافعلته البطلة
اشكرك جدا لمشاركتك
دمت طيبا ولمدونتى زائرا


*******************************


خالد
ــــــــ
اهلا بيك استاذ خالد
كلام عقلانى ومنطقى جدا
صح كده
اشكرك جدا لمشاركتك
دمت طيبا ولمدونتى زائرا



********************************


محاسن صابر
ـــــــــــ
اختى الحبيبة:اشكرك جدا لمشاركتك
:) اعذرينى محاسن ياجميلة لما كتبته كان الجو لسه دافى:)
نورتينى حبيبتى ودمتى بخير


*****************************


احمد-ك
ــــــــــ
اهلا بيك استاذ احمد
مع احترامى الشديد لرايك
هل معنى ان واحد عمل حادثة بعربية مثلا انه مايركبش عربيات تانى؟!!
عموما اشكرك جدا لمشاركتك
دمت طيبا ولمدونتى زائرا



**********************************


زهرة الامل
ــــــــــــــ
اختى الحبيبة:اهلا بيكى فى زيارتك الاولى
تفكير فيه اقدام ومثابرة:)
اشكرك جدا لمشاركتك
يا اهلا يا اهلا ده شئ يسعدنى طبعا اننا بلديات:)
نورتى مدونتى وارجو دوام التواصل



********************************



روفى
ــــــــ
اختى الحبيبة:هذا بالفعل مافعلته البطلة ولكن المشكلة هنا انه قد تأتى الرياح بما لاتشتهى السفن
يعنى إخفاق قدرى وليس متعمد
اشكرك جدا لرايك ولمشاركتك
نورتينى روفى الجميلة ودمتى بخير



*********************************


غنيم
ــــــــــ
اهلا بيك يادكتور
انا الحمدلله بخير اشكرك جدا لسؤالك

وجهة نظر واضحة يادكتور وتحترم جدا
واشكرك جدا لمشاركتك

ربنا يسعدك دايما ويفرح قلبك يارب
ويتقبل دعائك اللهم امين
ربنا يعزك ويكرمك فماتوفيقى الا بالله

من عينيا يادكتور غالى والطلب رخيص :)
دمت طيبا ولمدونتى زائرا


*****************************


ايمى بيبى
ـــــــــــ
اختى الحبيبة:اشكرك جدا لرايك فماتوفيقى الا بالله
اعتقاد منطقى جدا
اشكرك جدا لمشاركتك
نورتينى حبيبتى ودمتى بخير

ahmed_k يقول...

آه لو واح مثلا عمل حادثه بعربيه عشان نظره ضعيف ميسوقش تاني أفضل
ليه ولغيره فهو بتكراره المحاوله كمن يلقي بنفسه إلى التهلكه
أما حادث قدرا بدون نقص مؤهلات فيه فهو عليه أن لا ييأس ويكرر المحاوله
بالنسبه لبطلة القصه فهي قد رأت أن قدراتها سواء الجسديه أو النفسيه لا تؤهلها حاليا لخوض غمار مثل تلك البطولات فتكرارها للمحاوله نوع من الإنتحار
أما لو كان الفشل راجع لأسباب في التدريب أو في شيئ يمكن تفاديه فالتحاول بعد إزالة سبب التعثر السابق

سعيد بمدونتك وما تطرحه من قضايا ورؤى

تقبلي خالص تحياتي

Dr-Ahmed يقول...

اعترف بالفشل اولا .. امام نفسي واكتشف الاخطا ء

بدايه النجاح

منى يقول...

بالتاكيد ستحاول خوض التجربه مره اخرى فلديها الفرصه كى تثبت لنفسها قبل الاخرين انها تجيد السباحه كل ما فى الامر ان الله قدر لها ان تلتقى بمدرب لم يحسن استغلال مهارتها والقى بها فى البحر قبل ان يطمن عليها
ربما تلك التجربه لتشعر بحلاوه الفوز بعد ذلك وتحسن اختيار الاشخاص والافراد والاوقات فى المسابقه القادمه
واتمنى لها من الان فوزا مؤزرا
يسعدها ويسعدنا معها ولها
كل الحب والتحيه

موناليزا يقول...

احمد-ك
ــــــــ
اهلا بيك استاذ احمد
سعيدة جدا بعودتك وبتوضيح وجهة نظرك
متفقة معاك
دمت طيبا ولمدونتى زائرا



******************************


د/احمد فارما
ــــــــــــــــ
اهلا بيك دكتور احمد فى زيارتك الاولى
اشكرك جدا لمشاركتك
نورت مدونتى وارجو دوام التواصل



***********************************


منى
ــــــ
اختى الحبيبة: تعليقك اسعدنى جدا
اشكرك جدا لمشاركتك
نورتينى منى الجميلة ودمتى بكل الخير

نسيبه يقول...

alsalamo alekom surprise ana nosyba sorry coumpoter do not write arabic i think she is not mahzoma any more alhazema fe alfashl but she is not ,she do what allah order her alnatega w althwab mn allah not people so, why she sad,angry,la nahkom ala anfosna love u moha

موناليزا يقول...

نسيبة
ـــــــــ
وعليكم السلام ورحمة الله وبركاته
اختى الحبيبة:اهلا اهلا ايه المفاجأة الجميلة دى:)
ولايهمك ياموحا عربى ولا انجليزى المهم انك منورانى
ايه يابنتى الحلاوة دى
ايوا كده خلى فيه بينا ارسال واستقبال
مبسوطة جدا بتعليقك وبمشاركتك ويارب تنورينى دايما
دمتِ بخير غاليتى الجميلة
بحبك جدا

Unknown يقول...

عنجد هل تعبير حلو