لفت نظر "زمردة" أثناء متابعتها لأحداث الفيلم العربى فى التليفزيون هذا المشهد. البطل بكل عصبية يقول للبطلة:أنتى طالق..طالق. والبطلة تنهمر فى بكاء مرير.
ولذلك أدارت هذا الحوار مع شقيقها "جوجو".
- هو يعنى إيه طالق؟.
- يعنى حُر. أحنا خدناها كده فى المدرسة. العصفور الطليق. يعنى العصفور الحُر.
- يعنى مش شتيمة ولا حاجة. عشان البطلة تفضل تعيط كده.
- لأ مش شتيمة.
- طيب البطلة تزعل ليه لما حد يقولها أنتى حُرة؟.
- طبعاً لازم تزعل . لأن ده مش أى حد ده جوزها والكلمة دى معناها أن بيتها اتخرب.
- معقول؟؟ بكلمة واحدة بيتها يتهد. ده أنا كنت مفكراها موضة. لأن أمهات كتير من صحباتى إطلقوا وبشوفهم بيضحكوا حتى كنت عايزة أعرف هو بابا وماما مابيطلقوش ليه؟.
- وأنتى عايزاهم يطلقوا ليه؟.
- عادى يعنى. ما الكل بيطلق.
- شكلك كده عايزة تنامى وبدأتِ تخرفى.
- طب بجد والله ليه مابيطلقوش.
- روحى أسأليهم. ولا أقولك نامى أحسن.
- أحسن برضه . بس أوعى تقول لماما أو لبابا على فكرتى دى.
- تصبحى على خير يا زمردة."قالها بنفاد صبر".
- وأنت من أهل الخير.
*****************
دعوة للمناقشة
ـــــــــــــــــــــــ
- متى تنصح زوجين بالطلاق؟ .
- متى تلجأ أنت شخصياً له(بمعنى إيه الموقف اللى لو حصل تقرر أنه ماينفعش تكمل)؟.
- ما رأيك فيمن يحمل هذا اللقب؟. وهل تنصح بالإرتباط به؟.
هناك 80 تعليقًا:
نفسي ابقي اول تعليق بقي D:
ممممم
صعب اقول امتى انصح زوجين بالطلاق
بس لما تستحيل العشرة بينهم
تستحيل بمعنى انه مش هينفع باى حال من الاحوال يبقوا تحت بيت واحد
اللى هو فى ضرر نفسي او بدني فظيع بينهم
وساعات بيبقي فى شرر نفسي لايحتمل اكتر من الضرر البدني
او يكون الاب او الام خطر وجوده مع الاولاد ... خطر بمعنى بردو انه لو استمر معاهم او استمرت معاهم الاولاد يتشبعوا بمباديء معينة مينفعش يشوفوها من صغرهم
وكذا موقف يخلى الطلاق لازم يحصل
---
امتى اقرر انا شخصيا الطلاق
نفس الظروف اللى قولتها فوق دي
بالاضافة لعدم احترام شخصي ادام الاولاد
او الاهانة اللفظية او الجسدية
والخيانة المتكررة
وعدم وجود مباديء ... اللى عدم وجودها يخليه يكذب ويخون وميمشيش مستقيم بشكل عام يعني ..
----
موضوع ايه رايي فيمن يحمل هذا اللقب
انا بتغاظ اوى من ان نظرة المجتمع تبقي غريبة للمطلق او المطلقة
زي يقولى مثلا ايه نظرتك للعاطل
او اللى لسة متجوزتش وهي فى سن متاخرة ... اللى بيسموها العانس
ايه ياجماعة
ماهو كل دول المجتمع
هى دي فئات المجتمع المختلفة
امال ايه اللى بيكون المجتمع غير المتزوجين والمطلقين والخريجين والعاملين والشباب واالبنات والمسنين
كلها فئات للشعب .. مفيش فرق بينهم
ظروفهم اختلفت بس وكل واحد كان من نصيبه اللقب ده
ومفيش حاجة بمزاج البني ادم
ربنا كاتب ومقدر كل شيء عنده
الناس هي اللى عقدت الدنيا وخلت النظرة تختلف للمطلق او المطلقة او العانس او العاطل او او او ....
لكن هم مفيهومش حاجة مختلفة عن باقي الناس اللى بتتكلم عنهم فى حاجة
ومن حق المطلقة او المطلق يشوف نصيبه مع حد تانى ويحاول يخلى العلاقة الجديدة تنجح ويتفادى اخطاء التجربة الاولى ويحسن الاختيار بس
رغيت كتير معلش
عجبتني كلمة : هو بابا وماما مبيطلقوش ليه دي D:
ربنا يكرمك يارب :)
عنما يضيع الإحترام بين الزوجين أعتقد انه قد حان وقت الطلاق
للأسف نظرة مجتمعنا للمطلقة سيئة جدا
وده طبعا غلط
دمتِ بود
بجد موضوع يستحق المناقشه
واعتقد ان هناك حالات كتير جداااااااااااا بيكون حلها الوحيد هو الطلاق وده ناتج من الاختيار الخاطيء
كمان مش عارف انا ممكن الجاله والا لا
بس انشاء الله مسش هالجا له نهائي لان عقلي وقلبي لابد ان يشتركوا في الاختيار ولو ده حصل مفتكرش اني ممكن الجا للطلاق في يوم
شكراااااااااااااا
السلام عليكم ,
للأسف الطلاق ده فعلا كلمة ... لكنها بتهد البيوت ,
بصراحة ما عنديش تعليق في مثل هذه الأمور ,
لكن ربنا يعافينا و يعافي جميع المسلمين و المسلمات من هذا الأمر ,
ياااااااااااه
هو طلاق يعنى انت حر
طيب ااااااااااااانا عاوز اتطلق
علشااااااااان اكون حر
هههههههههههههه
طبعا انا انصح بالطلاق على طووووووول الخط
طلاق انعدام التوازن بين الزوج والزوجة
طلاق التعالى بين الزوج والزوجة
طلاق شخصيتى وشخصيتك بين الزوج والزوجة
طلاق الانا بين الزوج والزوجة
طلاق اهلى و اهلك بين الزوج والزوجة
ووو
وبدايه انطلاق
الشراكة بين الزوج والزوجة
هيا الى الجنة معا"
لنعمر الحياه معا"
خلفاء فى الارض معا"
متى تنصح زوجين بالطلاق؟
لا ينصح ابدا بالطلاق
الا فى الخيانة الزوجية وهذه ليست نصيحة بل واجب
متى تلجأ أنت شخصياً له(بمعنى إيه الموقف اللى لو حصل تقرر أنه ماينفعش تكمل)؟
اكيد هاحرر نفسى لما احس انى بكلم ادم مش حواء او تشعر حواء انها تكلم حواء مثلها
ما رأيك فيمن يحمل هذا اللقب؟. وهل تنصح بالإرتباط به؟
من يحمل هذا اللقب عليه ان يعيد ترتيب اوراق حياته ويقلب فيها
وينظر لما وصل لهذا الحال ويتعلم من ماضيه ويسئل اهل المشورة
حتى يبدء الطريق من جديد
من يحمل لقب مطلق او مطلقه
دايما يثير الشكوك حوله
لاءن طبع الانسان هو الشك والسؤال عن الماضى
وعندما يسئل عن الماضى
عليه ان يقول
كان كل امرى خير ولكنه توفيق الله
وعليه ان يدرك من حمل اللقب
ان عليه مسؤلية بث روح الطمائنينه فى الطرف الجديد المكمل له
ولنا فى سيدنا محمد الاسوة فى زوجات رسول الله الاسوة
فمعظم زوجاته مطلقات
ولنا فى نصحية سيدنا ابراهيم لولده
اسماعيل بتغير عتبته
عندما اشتكت زوجته باءنهم فقراء ويعانون من شظف العيش
اشكرك
متى تنصح زوجين بالطلاق؟
عندما تصح حياتهم لا معنى
وكل منهم يتصيد للاخر على اخطاء
متى تلجأ أنت شخصياً له(بمعنى إيه الموقف اللى لو حصل تقرر أنه ماينفعش تكمل)؟
عندما يهننى زوجى
او يشعرنى بعدم حاجته لى فى حياته
ما رأيك فيمن يحمل هذا اللقب؟. وهل تنصح بالإرتباط به؟
كل شىء نصيب محدش عايز يطلق
علشان فرحان باللقب
هى بتبقى ظروف بيحط فيها الانسان
والاحسن ان يحدث الطلاق بدل ما يحصل كره
كفاية طيبة
ــــــــــــ
اختى الحبيبة: وجون وجون وجوووووووون
شطورة حبيبتى برافو عليكى:)
رأى جميل أحييكِ عليه وينم عن شخصية خالية من التعقيدات:)
اشكرك جدا لمشاركتك
ربنا يسعدك يارب ويفرح قلبك
نورتينى حبيبتى ودمتِ بخير
**********************************
محمد غالية
ـــــــــــــ
اهلا بيك استاذ محمد
اشكرك جدا لمشاركتك
دمت طيبا ولمدونتى زائرا
***********************************
د. خالد امين
ـــــــــــــ
اهلا بيك يادكتور
اشكرك جدا لرايك
ربنا يوفقك يارب فى حياتك بس فيه حاجات بتفرض نفسها خارجة عن الارادة وده اللى أحب اعرف وجهة نظرك فيه
دمت طيبا ولمدونتى زائرا
********************************
تيمى
ــــــــــ
وعليكم السلام ورحمة الله وبركاته
اهلا بيك يافندم
يعجبنى صراحتك دائما:)
ربنا يكرمك ويتقبل دعائك
دمت طيبا ولمدونتى زائرا
*********************************
ابو على
ــــــــــ
اهلا بيك يافندم
متهيألى الرجالة أحرار طول الوقت:) مش كده ولا ايه؟
دائما انتظر تعليقك ففيه من الحكمة والنضج الكثير والكثير
ربنا يكرمك واشكرك جدا لمشاركتك
دمت طيبا ولمدونتى زائرا
********************************
الفراشة الصغيرة
ـــــــــــــــــ
اختى الحبيبة:اشكرك جدا لمشاركتك
ربنا يسعدك يارب ويرزقك بالزوج الصالح
نورتينى حبيبتى ودمتِ بخير
- متى تنصح زوجين بالطلاق؟ .
لو فعلا معدوش قادرين يستحملوا بعض !
- متى تلجأ أنت شخصياً له(بمعنى إيه الموقف اللى لو حصل تقرر أنه ماينفعش تكمل)؟.
فى حاله حصول خيانه وجرح للكرامه وعدم الاحترام ...
- ما رأيك فيمن يحمل هذا اللقب؟. وهل تنصح بالإرتباط به؟.
مش حاجه وحشه خالص
الا اذا هو اللى كان السبب يعنى لا يطاق :D
بوست بصراحه جي في وقته
- انا مقدرش بصراحه انصح حد بالطلاق إلا اذا كانت حالته نفس حالتي
- انا ولله الحمد تحملت مع زوجي كل انواع عدم الاحترام من ضرب واهانه وشتيمه
قدام الغريب قبل القريب وفي الشارع وعلي البلاج وفي بيت اهلي وقدام اخواتي واخواته
لكن اللي مقدرتش استحمله خالص انه يعترفلي انه بيحب واحده
وانه هو اللي دخلها حياتنا وعرفني عليها ومقليش انه كان في يوم بيحبها
وهو عارف قبل ما أنا احس انه قد ايه جرحني جرح هفضل فكراه طول عمري وما حييت
لاني مقصرتش معه في اي شئ
طلباته واحلامه كانت بالنسبالي أوامر
واستحملت كل البهدله علشان بحبه
لكن هنا ومقدرتش اكمل بصراحه وطلبت الطلاق الذي لا رجعة فيه
- أنا عن نفسي لو لقيت الشخص المناسب لي ومطلق هتجوزه لانه مش هيفرق معايا اوي
ودلوقتي نظرة المجتمع اختلفة لحد ما
لاني اعرف مطلقات متزوجين من رجال لم يسبق لهم الزواج
واعرف رجال مطلقه متزوجين من انسات
يعني بقي عادي في المجتمع بس برده الي حد ما
مش كل الناس برده بتقبل
تحياتي علي البوست الجامد ده
وعايزين نعرف رايك برده
السلام عليكم
الطلاق أباحه الله كحل لاستحالة العشرة بين الزوجين والاستحالة هنا هو عدم قدرة الوجين أحدهما أو كلاهما من دوام الحياة الزوجية بشروطها من المودة والرحمة,,والزواج عقد له بنود معلنة واتفق عليها الطرفان اذا أخل أحدهما أو كلاهما ببنود العقد فهذا يعتبر نقضا للعقد وفي بعض الأحوال فسخا له أى يكون كأن لم يكن,,عدم الانفاق من الزوج يحل معه طلب الطلاق ,,اكتشاف الغش والتدليس يفسخ العقد ,,كراهية الزوج أو الزوجة بحيث يقع عليها أو عليه ظلما ما يبيح الطلاق ,,الخيانة تنقض العقد ,,بمعنة كل ما يطرأ ويستحيل معه العشرة بالمعروف وبلاحترام المتبادل يوجب الطلاق كحل ودرأ لمفسدة أكبر باستمرار الزواج,,نظرة المجتمع نظرة نصف ظالمة فالاعلام عكس صورة واحدة للمرأة المطلقة التي دائما سيئة السمعة وخطافة للرجالة كما يروجون لها محرومة من الحب فتسعى كحاقدة وخرابة بيوت لهدم بيوت الأخريات مثلما حدث لها ,,هذه صورة ظالمة جدا لمن طلقت طاعة لله أو درءا لمفسدة أكبر ومنهن الكثيرات ولكن هناك أيضا الكثيرات اللآئي يسئن للأخريات من المطلقات بسوء سلوكهن لهذا فهى صورة نصف ظالمة ,,الأرملة بتحترم أكثر من المطلقة لأن الموت أحالها الى أرملة دون إرادتها ولكن هناك حالات للطلاق مثلها مثل الموت تقع رغما عن إرادة الرجل أو المرأة لكن الناس لها الحكم العام ولها الظاهر ,,فلكل مطلقة أقول لا تعبأي بنظرة المجتمع العامة للمطلقة ولكن اهتمي جدا أن تكوني فوق الشبهات في محيطك الخاص واستعيني بالصبر والصلاة وفوضي أمرك لله فهو حسبك ونعم الوكيل وسيحفظك الله ما دمتِ تحفظيه
المجتمع رغم تفشي حالات الطلاق لم يهيأ بعد لتقبل أن المطلقة قد تكون مظلومة ظلما بينا فثقافتنا واعلامنا لم يشاركا بعد في بناء صورة حسنة لها لكن بالتأكيد ستتغير هذه الصورةلكن تحتاج الى وقت وإلى تقديم صورة محترمة من المطلقات للمرأة المطلقة
مواضيعك دايما هادفة,
ربنا يكرمك,
الطلاق ابغض الحلال,بس احيانا بيكون ضروري,
مع استحالة الحياة بين الشخصين,
وده بيكون لاسبابا كتير منها انعدام الثقة او انعدام الاحترام وسوء المعاملة والاحتقار,او انعدام المسؤولية,
بس عن نفسي صعب اني افكر في فكرة الطلاق دي اصلا علشان اعرف امتى ممكن الجأله,خليني افكر في الجواز الاول(:
وكمان نظرة المجتمع ليه سيئة جدا,
وبصراحة النظرة دي احيانا بتكون صائبة لان الازواج بقوا بيتسهلوه اوي على اهيف الحاجات,
ومبقاش آخر الحلول,
لكن لو كان فعلا الطلاق بيحصل زي ما المفروض يحصل,فوقتها النظرة له يجب انها تتغير.
السلام عليكم
الحمد لله اني ليس لي زمردة ..
شوفي يا اختنا الطيبة موناليزا بالنسبة للسؤال الأول طبعا اذا استحالت بينهما العشرة هنا ينصح بالطلاق ..
السؤال الثاني : الحمد لله الذي عافانا ما اظنش اني ها افكر يوم فيه ونسأل الله تعالى ان يمن علينا باستمرار المودة والرحمة وبصراحة لا أدري فخراب بيت وتشريد اولاد يستوجب التفكير العميق قبل الاقدام عليه ..
السؤال الثالث :
من تحمل او يحمل هذا اللقب ليس هناك ادنى مشكلة فليس علينا ان نحكم على الناس من تجربة فاشلة بالفشل الدائم ..
ونعم انصح بالارتباط بهم فاسلامنا لا يمنع ذلك بل اراه من الواجب ان انصح به ..
تحيتي
الطلاق شئ صعب قوى ومش من السهل ان الانسان يخرب بيته بايديه
بس المشكله ان فيه ستات مش بيتقدر المسئوليه
وكمان فيه رجاله مستهتره
انصح الزوجين بالطلاق اذا استحالت العشرة بينهما.
انا شخصيا لا اتصور نفسى الجأ الى هذا الحوار الا فى اضيق اضيق الحدود.
نسأل الله ان يصلح ذات بيننا.
المطلق أو المطلقة هما شخصين عاديين لا فرق بينهما وبين العوام ولا يجب ان ننظر اليهم على انهم مجرمين
اشكرك على البوست الرائع .
تحيتى ومودتى
السلام عليكم ورحمة الله وبركاته
أختي في الله موناليزا ...
بداية تحياتي لتناولك مواضيع ذات قيمة .... أما بالنسبة لموضوع متي ننصح الزوجين بالطلاق فطبعا قالت الأخت "كفاية طيبة" نقطة مهمة جدا استحالة العشرة فيما بينهم ... بمعني لا يوجد تفاهم لا يوجد أساس واحد يمكنهم أن يتفقوا عليه لا توجد مرجعية يستندوا إليها .... لذلك حينما قال الله وتكلم عن موضوع الشقاق بين الزوجين أو نشوز الزوجة جعل موضوع الحكمين من الطرفين وسيلة للإصلاح علي أي اساس؟ علي أساس كتاب الله وسنة رسول الله .... إذن فالنص المفقود من الرسالة هو الإساس الذي ينبغي علي الزوجين أن يركنوا إليه في جميع أمور حياتهم وبذلك ربما لن يلجئو إلي الطلاق أبدا ... وتلك القضية يجب أن تحسم في مرحلة ما قبل الزواج.... ولذلك إذا لم تفلح في أن تجعل بينك وبي زوجتك أساس متين راسخ من قاعدة عقائدية صحيحة تستندون إليها فنصيحتي ألا تستمر هذه العلاقة .... أما من ناحية النظرة للمرأة المطلقة أو الرجل المطلق فهي تختلف بإختلاف المكان ... فمثلا عندنا ف الصعيد يمكن المطلق أحسن حالا من المطلقة لا يوجد أحد ينظر إليه نظرة متوحشة ولا حاجة .... لكن عموما يا أختاه المطلقات كل منهن حالة منفصلة لأن منهن المظلومات ومنهن الظالمات ولذلك لا يمكن الحكم بوجه عام .... ومن ناحية الإرتباط بهن فبقولك اصحي بقي اهو سكت من اللغة العربية واقولك اغلب زوجات الرسول كن حاجة من اتنين مطلقات او ارامل يبقي بقي عايزه ايه اكتر من كده ... الشرط الأساسي ف اي ارتباط ان يكون الطرف الآخر علي خلق ودين وأن يوجد هناك تكافؤ فيما بينهم مما يضمن التوافق وعلي حال أزعجتك يا أفندم فمعلهش
خالص شكري وصادق دعائي لكم بالخير
مش عارفه ارد
متى تنصح زوجين بالطلاق؟
لا انصح زوجين مطلقا بالطلاق
كل عقدة غالبا ليها حلال .. مشكلتنا ان مبقاش فيه حد بيكبر حد او يحترم كلامه .. هي دي اساس مشاكل بيوت كتير .. الراجل ملوش الكبير والست كمان
فيه حالات مبنصحش فيها بالطلاق بس بيبقى نفسي .. لكن بخاف اخبب زوجة على زوجها .. البخيل .. البصباص .. طويل الأيد واللسان الفاحش
عندما يتحول زوجي من صديق لمعسكر اعداء اخطط وادبر قبل كل كلمة انطقها .. واحلل وافلسف كل كلامه وتصرفاته
عندما تهان كرامتي
كرامتي هي حبي .. وهي وحبي كفة واحدة غير قابلين للتفريق
المطلق شخص صاحب تجربة صعبة
ربما لم تخلف بداخله الا جراح بسيطة
وربما حولته او حولتها الى مريض نفسي
بما ان مجتمعنا جاهل بالطب النفسي .. فلازم الأنسان عند الزواج من صاحب تجربة مريرة ان يعطي نفسه اكبر فرصة للدراسة تجنبا لفشل جديد عليه معتاد من شريكه
تحياتي
امتي يحصل
لما تحسي بعدم الامان والاحتواء
والسلبيه منه وان كل حاجه علي عاتقك انتي (راجل البيت)
الست مش عايزه اكتر من انهاتحس بلاحتواء والحنيه (والامااااان)
المادي والعاطفي والمعنوي
بسم الله الرحمن الرحيم
السلام عليكم ورحمة الله وبركاته
اختى الكريمة موناليزا
تحياتى
دايما مواضيعك مهمه
بس عسل قوووووى جوجو وهى بتقول انا كنت فاكرة الطلاق ده موضه وليه بابا وماما مبيطلقوش
مقدرتش امسك نفسى من الضحك
النظرة الطفوليه للامور دايما بتكون دمها خفيف حتى فى اصعب المواقف
............
انصح بالطلاق : عندما تموت الحياة بين الزوجين وينعدم الامل فيها
............
امتى اقرر انا شخصيا الطلاق : عند الخيانه او الاهانه
............
رأيى فى من يحمل هذا اللقب :
عادى يعنى هو هينقص ايد ولا رجل اهى كلمة فاضيه الناس بتقولها وخلاص
.....
اما موضوع الارتباط بمن يحمل اللقب فده هيتوقف على السبب فى انه بقى حامل لهذا اللقب (انا هتكلم كراجل بقى)يعنى مثلا واحده مطلقه وسبب طلاقها خيانتها لزوجها يبقى مستحيل انى افكر اقول لاى حد انه يتجوزها ويرتبط بيها
اما لو كانت مثلا اتطلقت علشان مقدرتش تتحمل العيشه معاه لعيوب فيه هو وهى انسانه كويسه وبتعرف ربنا يبقى ليه الواحد مايفكرش انه يرتبط بيها ! عادى يعنى طالما انها تكون مناسبه له وينسى موضوع اللقب ده خالص
(بس هو فيه مشكله عبيطه عند الرجاله هى اللى بتخليهم مايفكروش فى موضوع الارتباط بواحده مطلقه وهى مشكله عبيطه جدا وماينفعش اتكلم عنها وكل حلها فى الثقه فى النفس بس ليس الا خصوصا اللى ماتزوجش قبل كده)
اختى الكريمة دايما بتناقشى موضوعات من واقع حياتنا اللى عايشينها وبتكون مهمه لينا كلنا
تقبلى مرورى وتحياتى
ودمتِ بكل خير وود
والسلام عليكم ورحمة الله وبركاته
موضوع انصح الناس امتى بالطلاق ده صعب قوى لان الموضوع نسبى يعنى ممكن حاجه تحصل مع اتنين تكون قاتله و مينفعش يعيشوا مع بعض بعدها و مع اتنين تانى تكون نوعا ما عاديه او يمكن التغاضى عنها
اما لو الموضوع فيه خيانه و حاجات فظيعه زى دى يبقى الانفصال السريع احسن حاجه
و الله فى اسر كتييييييييييييير امورها بتستقر بعد انفصال الطرفين و برضه ده على حسب الظروف
وربنا ميجيبش حاجه وحشه لاى حد ابدا
السلام عليكم / جزاك الله خيراً جميلة طريقة عرض الموضوع وكأنه حوار برىء بين طفلان ، وعن الإجابة متى أنصح بذلك ؟ نحن لسنا أهل خبرة للنصح بذلك ولا أتصور النصح بالطلاق . متى نلجأ ؟ إذا استحالت العشرة والحياة بسبب منغص عليها ولا يمكن ازالته . من يحمل اللقب ؟ فقط انسان مر بتجربة فاشلة . وعن الاقتران به ؟ أعتقد لابد من التكافؤ يعنى يرتبط البكر بالبكر والثيب بالثيب حفاظاً على كرامتهما ومشاعرهما بين العائلتان .
~~~~~~~~~~~~~~~~~~~
وعن الاستفسار أختى الكريمة لا تنسى أنه كان مجرد استفسار وانتظرت ايضاح منك .
وانتى بنفسك ابتسمتى فور مرورك مدونتى عندما وجدتى الصور وهو ايضا ما لفت نظرى ،
نعم انشائى بعدك ولكنك على يقين أن لا أحد يمكنه نقل صورة منك وعلمت بذلك ليس عن تجربة وإنما من سؤال أتاكى فى تعليق ،
بالطبع يطلع علي المواقع الكثير ولكنى دائمة التجديد والتغير ولم أجد بأى مدونة عدد من صور هى عندى وهو ما حرك الرغبة فى السؤال والاستفسار .
وفقك الله أختى لكل خير .
حبيبتى موناليزا
بعدين فى جوجو وزمردة دول ..بيتكلموا فى مواضيع شائكه
شوفى ارى ان الطلاق يجب ان يكون اذا استحالة العيشه..اصبح الطرفين أو أحدهما يكره الآخر..كره حقيقى مش ضيق
يعنى اذا نظر اليها شعر ببغض شديد...او هى
ليه بقول الكره ..لانه هيتحتم عليه تصرفات سيئه
وسيكون الوضع غير محترم
وعلى فكرة الكراهيه بتيجى بعد مراحل كثيرة من التهاونه والاستهانه واللامباله وعدم الاحترام..وبعدين ندخل فى التصرفات الفعليه التى تؤدى إلى الكره
وأرى ان هناك حالات انفصال نجح الزجين ان يحتفظوا بكونهم اب وأم...
وبالنسبه لى متى ألجأ اليه.؟
اسأل الله الا يحين..لانه وقت ان اقرر شئ كهذا يعنى حياتى تدمرت..والحمد لله على نعمه
اختلف معه ويختلف معى..بشر مثل الاصدقاء او الاخوات ما يختلفوا
وهل تقبلين الزواج بمطلق ..زمان طبعا دلوقت ربنا يخلى ابو البنات ويفضل راضى عنى..
كان ممكن اتزوج مطلق لو قريب منا يعنى عارفين سبب الطلاق..اما غريب مأظنيش لانى معرفشس ايه سبب طلاقه ومش هيقول الحقيقه
من الآخر
مفيش طلاق بيتم الا بسبب خطأ مشترك
يزيد طرف عن طرف ولكن الطرفين أخطأوا
موضوع فعلا مهم جدا
انا من رأيي
- انصح اي اتنين انهم يطلقوا لو حد فيهم اكتشف عيب خطير في التاني مكنش شايفه قبل كدا زي مثلا الشك - البخل
- انا عن نفسي ممكن ألجأ ليه بعد الشر عليا طبعا :) لو اكتشفت ان جوزي بيخوني
- رأيي بقى فيمن يحمل هذا اللقب ... عادي يعني محصلش نصيب ... والدنيا مش بتقف على حد
الطلاق مش نصيحه ابدا
ده قرار..
ياخده لي احد الطرفيت او كلاهما معا
اهم اسباب الطلاق
الخيانه واستحالة العشره وعدم التفاهم والتقدير البخل الغير محتمل
اخفاء احد الزوجين مرض عضال قبل الزواج
المطلق او المطلقه شخص عادى مش بيحمل فيروس
والارتباط به شوء عادى يؤخذ فيه بالاسباب كأى ارتباط...
وخير خلق الله (ص)
تزوج من السيده زينب بنت جحش وهى مطلقه..
السلام عليكم
كيف حالك موناليزا ان شاء الله تكوني بالف خير
دائما اقف وقفة احترام لما تقدمي من مواضيع هادفه بارك الله فيك
طرحتي نقطه مهمه جدا
اولا : متى تنصح زوجين بالطلاق؟ .
الزواج كما قال الله تعالي عليه ( وجعلنا بينهم ميثاقا غليظا )
وهذا الميثاق مش بكلمه يتهد لكن ذو العقول هما الي لازم يفكروا مرارا وتكررا ويعرفوا امتي بالضبط يتفك الميثاق دا
عند استحاله الاستمرار بينهم باي حال من الاحوال وعند انعدام الاحترام والزواج مبني علي الموده والرحمه لو انعدموا ما سمي زواج سمي حرب
ثانيا : متى تلجأ أنت شخصياً له(بمعنى إيه الموقف اللى لو حصل تقرر أنه ماينفعش تكمل)؟.
نسأل الله السلامه وماداام الواحد لسه ما اتجوزش يبقي لا استطيع ان اقرر ولا اقول غير ان ادعي ربنا يرزقني بالزوج التقي النقي اللي يكون لي دنيا واخره
ثالثا : - ما رأيك فيمن يحمل هذا اللقب؟. وهل تنصح بالإرتباط به؟.
رأيي فيه انه بشر زينا زيه واللي بيحكمنا هو ( اٍن اكرمكم عند الله اتقاكم ) عادي جدا نصيبه كدا وربما يكون هذا بلاء له من الله فما علينا اٍلا اعانته علي الصبر وان شاء الله ربنا بيعوض مش معني انه او انها لم توفق في زواج يبقي دا شئ عيب ممكن يكون وقع عليها ظلم واتحررت منه يبقي المجتمع كمان يبقي عليها ربنا يصبر كل مبتلي والجزء التاني من السؤال كله نصيب وانت تريد وانا اريد والله يفعل ما يريد ( قل لن يصيبنا اٍلا ما كتب الله لنا )
جزاك الله خيرا
غربتي
موناليزا الجميله
كعادتك موضواعتك جريئه ومن صميم حياتنا
هو احنا منقدرش نحدد الاساس للطلاق
لان الطلاح زي اي شيء في حياتنا
مش شر في حد ذاته ولا خير في حد ذاته
يعني حسب استخدامنا ليه
وللاسف احنا مش بنجيد استخدام اي شيء حوالينا
تحياتي
اللى مش اد الجواز مايتجوزش من اصله
البلد مش ناقصة عاهات
بيتر فلاى
ـــــــــ
اختى الحبيلة:اشكرك جدا لمشاركتك
وربنا يبعد عنكِ اى حاجة وحشة ويسعدك يارب دايما
نورتينى حبيبتى ودمتِ بخير
*********************************
حواء
ــــــــــ
اختى الحبيبة:أحزنتينى حقا بكلماتك ومش عارفة اقول لك ايه
بس المؤمن مصاب وانتى فى ابتلاء ربنا يصبرك ويعوضك خير
اشكرك جدا لمشاركتك
واستجابة لطلبك فى معرفة ردى ان شاء الله هيكون فى اخر تعليق على الموضوع
(ده عشان خاطرك انتى بس:))
نورتينى حبيبتى ودمتِ بخير
********************************
مجداوية
ـــــــــــ
وعليكم السلام ورحمة الله وبركاته
اختى الحبيبة:اهلا اهلا بالغالية
اشكرك جدا لمشاركتك القيمة ومافيها من تحليل منطقى لجميع الامور
نورتينى حبيبتى ودمتِ بخير
********************************
سلمى محمد
ــــــــــــ
اختى الحبيبة:ربنا يكرمك فماتوفيقى الا بالله
:) ياحبيبتى ربنا يسعدك ويرزقك بالزوج الصالح اللى يخاف ربنا فيكى ويكون قريبا اللهم امين
اشكرك جدا لمشاركتك
نورتينى حبيبتى ودمتِ بخير
*******************************
جنى
ــــــــ
وعليكم السلام ورحمة الله وبركاته
اهلا بيك استاذ سعيد
:) ربنا يباركلك فى ذريتك ويهديهم اللهم امين
اشكرك جدا لمشاركتك وليت الجميع يكون تفكيره مثل تفكيرك
ربنا يسعدك ويباركلك فى حياتك
دمت طيبا ولمدونتى زائرا
**********************************
رومانسى
ــــــــــــ
اهلا بيك يافندم
صح جدا
اشكرك جدا لمشاركتك
دمت طيبا ولمدونتى زائرا
********************************
مسدس صغير
ـــــــــــــ
اهلا بيك يافندم
رأى يحترم
اشكرك جدا لرايك ولمشاركتك
دمت طيبا ولمدونتى زائرا
*******************************
هذه حياتى
ـــــــــــ
وعليكم السلام ورحمة الله وبركاته
اهلا بيك يافندم
اشكرك جدا لرايك فيما اكتب فماتوفيقى الا بالله
ماشاء الله عليك رأى منمق ونظرة موضوعية جميلة أحييك عليها
اشكرك جدا لمشاركتك
لا يافندم لم تزعجنى قط فمشاركتك تسعدنى دائما
دمت طيبا ولمدونتى زائرا
**********************************
ستيتة حسب الله الحمش
ـــــــــــــــــــــ
اختى الحبيبة:ازاى بس ده انا عن نفسى بستنى تعليقاتك عشان اتعلم منها
عجبنى تعليقك جدا
اشكرك جدا لمشاركتك
نورتينى حبيبتى ودمتِ بخير
*******************************
سمكة واحدة
ـــــــــــــــ
اختى الحبيبة:الله عليكِ
متفقة معاكِ جدا
(فين إجابة بقية الأسئلة؟):)
اشكرك جدا لمشاركتك
نورتينى حبيبتى ودمتِ بخير
*********************************
المعتصم
ــــــــــــ
وعليكم السلام ورحمة الله وبركاته
اهلا بيك يافندم
اشكرك جدا لرايك فى مواضيعى فماتوفيقى الا بالله
تصحيح "زمردة"هى اللى قالت كده مش "جوجو"
:) مبسوطة بجد ان البوست اسلوبه مضحك
ربنا يسعدك ويفرح قلبك
اشكرك جدا لمشاركتك
وعاجبنى رأيك جدا ربنا يرزقك بالزوجة الصالحة
مرورك دائما يسعدنى
والحمدلله الذى هدانى الى هذا
دمت طيبا ولمدونتى زائرا
********************************
صيدلانية طالعة نازلة
ــــــــــــــــــــــ
اختى الحبيبة:اشكرك جدا لمشاركتك
وربنا يسعدك ياجميلة ويفرح قلبك
نورتينى حبيبتى ودمتِ بخير
*********************************
حياتى نغم
ـــــــــــ
وعليكم السلام ورحمة الله وبركاته
اختى الحبيبة:ربنا يكرمك واشكرك جدا لرايك ولمشاركتك
----
:) مبسوطة بمتابعتك
على فكرة ياجميلة الصور اللى فى اى موضوع عندى ممكن جدا اى حد ياخدها:) ولو حد عايز صور من البانر الجانبى عندى يقولى بس وانا ابعتهاله على طول
بمعنى ابسط انا مش محتكرة الصور انا بس برفض حد ينقل مواضيعى بدون اذنى
عموما حصل خير:)
نورتينى حبيبتى ودمتِ بخير
********************************
الفقيرة الى الله ام البنات
ــــــــــــــــــــــــــــ
اختى الحبيبة:انتى عارفة الاطفال مع بعض بقى:) بيطلع منهم حاجات غريبة:)
ربنا يسعدك يارب ويباركلك فى حياتك
ومشكووورة جدا على مشاركتك وربنا يحفظلك البنات
نورتينى حبيبتى ودمتِ بخير
******************************
جرين آيز
ــــــــــــ
اختى الحبيبة:اشكرك جدا لرايك ولمشاركتك
عاجبنى رأيك
وربنا يسعدك ويباركلك فى بيتك ويبعد عنكِ اى حاجة وحشة
نورتينى حبيبتى ودمتِ بخير
*******************************
دودا
ـــــــــ
اختى الحبيبة:اشكرك جدا لمشاركتك ومافيها من راى عقلانى جميل
نورتينى حبيبتى ودمتِ بخير
***********************************
غربتى
ــــــــ
وعليكم السلام ورحمة الله وبركاته
اختى الحبيبة:انا الحمدلله بخير اشكرك جدا لسؤالك
(على فكرة انا عايزاكى تطمنينى عليكى)
ربنا يكرمك يارب ده بس من ذوقك فماتوفيقى الا بالله
ربنا يسعدك ويفرح قلبك ويرزقك بالزوج الصالح اللى يخاف ربنا فيكى
اشكرك جدا لمشاركتك التى اسعدتنى
أنى أحبك فى الله
نورتينى حبيبتى ودمتِ بخير
*********************************
شيماء زايد
ــــــــــــــ
اختى الحبيبة:اشكرك جدا لرايك الذى أسعدنى والحمدلله الذى هدانى الى هذا :)
اشكرك جدا لمشاركتك
ربنا يسعدك ويرزقك بالزوج الصالح ونفرح بيكِ قريبا اللهم امين:)
نورتينى حبيبتى ودمتِ بخير
*********************************
نوستور ازور
ـــــــــــــ
اهلا بيك يافندم
الله يكرمك بس الملافظ سعد زى مابيقولوا
دمت طيبا ولمدونتى زائرا
حينما يكتشف الرجل أن المرأة تملك من العيوب ما يفوق تحملة .. و أنها لاتملك أقل ما يحتاج ..
و
حينما تكتشف المرأة أن الرجل الذى جعلت نفسها لة لا يعطيها أقل ماتشعر بة من حماية و حب و حنان و أهم من كل ذلك .. الإحتضان .. بمعنى أنها تشعر أنها تحيا بة ولة
إذا حدث ذلك فلابد من الفراق فهو خير لكليهما
وربنا مايجيب فراق و يخلف على الجميع الخير و المحبة
امتى انصح
فى حالة الخيانة
او فى حالة حد منهم مخاوى جن
امتى انا اخد القرار دى
نفس الكلام
الخيانة
او تكون هى مخاوية
رايى فى اللى حامل اللقب ده
زى اخويا او اختى اللى نصيبهم كدة
لان اختى تحمل اللقب
- متى تنصح زوجين بالطلاق؟ .
هوه أنا طبعاً استحالة أنصح حد بالطلاق لأنه ده قراره هوه
- متى تلجأ أنت شخصياً له(بمعنى إيه الموقف اللى لو حصل تقرر أنه ماينفعش تكمل)؟.
أطلق ازاى وأنا لسه مخطبتش حتى ..!!
بس يعنى باعتبار ما سيكون (لا قدر الله)لو حاجة جاتت على الكرامة أو الشرف واتكت
- ما رأيك فيمن يحمل هذا اللقب؟. وهل تنصح بالإرتباط به؟.
ناس عاديين .. بس حصلهم فشل فى حياتهم
طيب و اللى لسه عازب
مايعلقش
(:
!!!
اظن الطلاق بيبقى بين الزوجين لاما تكون العيشة بينهم مستحيلة ..
ويكون خلاص الطرفين كرهوا بعض وكأنهم اعداء ..
وتكتر بينهم الاهانات ويتشال الاحترام اللى بينهم ..
لان القلب لو ملاه الكره .. خلاص هايكون ايه بعد كده ..
وبالنسبة لى للموقف ده ( بعد الشر يعينى D:)
ممكن لما يحصل الاسباب اللى قلت عليها والخيانة ..
لو حصلت خيانة لا يمكن العيشة بعدها ..
وبالنسبة للقب عادى .. ما اكتر اللقب ده فى مصر دلوقتى D:
بس اللقب بالنسبة لى عادى يعينى مش بحس ناحية المطلقة او المطلق بشئ ان اللقب الوحش ده او كده .. ويمكن اتعلمت ده من لان حالة قريبة منى جدا اطلقت ومن بعدها بجد اتغير مفهوم الطلاق بالنسبة لى خالص ..
موناليزا يارب اكون افدت مع انى بكتب على استعجال لانى نازلة احتمال يبقى لى عودة ان شاء الله
جزاكِ الله خير على الموضوعات القيمة دى ..
بحبك فى الله
انا لا انصح اى اتنين بالطلاق ابدا
الحاجة اللى تخلينى اطلبه لو عرفت انه بيخونى او لو اتجوز عليا
كونى اشيل اللقب او لا فدة ميهمني اوى بس المهم انى ماتسرعش عشان ماندمش
خالد
ـــــــــ
اهلا بيك استاذ خالد
اشكرك جدا لمشاركتك
وربنا يباركلك فى حياتك
دمت طيبا ولمدونتى زائرا
********************************
مدحت محمد
ــــــــــــ
اهلا بيك استاذ مدحت
:) ايه حكاية مخاوية دى؟
(هو فيه حاجة كده اصلا:))
اشكرك جدا لمشاركتك
وربنا يعوض على اختك بالزوج الصالح ويرزقك الزوجة الصالحة
دمت طيبا ولمدونتى زائرا
*********************************
د. ياسر عبد الفتاح
ــــــــــــــــــــــ
اهلا بيك يادكتور
اشكرك جدا لمشاركتك
وربنا يرزقك بالزوجة الصالحة
دمت طيبا ولمدونتى زائرا
******************************
جمعاوى روش طحن
ــــــــــــــــــ
اهلا بيك يافندم
لا طبعا لازم يعلق ويعرفنا وجهة نظره وهو لسه على البر:)
فى انتظارك اخى الكريم
دمت طيبا ولمدونتى زائرا
********************************
لجين ابو الدهب
ــــــــــــــ
اختى الحبيبة:أفدتى ياجميلة وتنورينى فى اى وقت
وربنا يباركلك فى حياتك يارب ويبعد عنك اى حاجة وحشة
نورتينى حبيبتى ودمتِ بخير
*******************************
ليلى فى عالم ادم
ـــــــــــــــــــ
اختى الحبيبة:اشكرك جدا لمشاركتك
وربنا يباركلك فى حياتك
نورتينى حبيبتى ودمتِ بخير
ممكن الاول ارد على زمرده ( ليه بابا و ماما ما بيطلقوش رغم انها شايفه امهات كتير اتطلقوا و بيضحكوا ) اكيد هم مش عاوزين يضحكوا و مبسوطين بالنكد .. و النكد اللى هم متمسكين بيه هو انتم ( ايوه اولادهم )
ده يدخلنا لسبب اساسى فى منع حالات طلاق كتير ( الولاد و مصيرهم )
اما عن الطلاق فى حد ذاته فهو حلال و له حالاته اللى يحددها اصحاب القضيه فقط وليس اى شخص مهما بلغ قربه منهم لانه قرارهم المصيرى
عن نفسى ما بعترفش بالنظره القديمه للمطلق و المطلقه بل على العكس بشوفهم اخدوا قرار صعب و كان يمكن عندهم من الشجاعه انهم ياخدوه و يتحملوا تبعاته
و بس
دايما مواضيعك حيه و مليانه حراره
السلام عليكم .
بجد والله موضوع كبير ومهم لان الان فعلا فى نسبه كبيره من الطلاق وللاسف فى الشباب
والاسئله بتعتك امتحان صعب وكبير عشان بيختلف من مشكله لاخره يعنى كل شخص بيشوف الحياه تستمر بين الناس بصوره مختلفه عن الشخص الثانى .وانا عن نفسى انصح بان كل شخص يحاول يحافظ على هذه الحياه .
وعن سالك ان عند شعور الزوجه بعدم الامان وعدم قدرة الزوج على الحفاظ على الزوجه وعلى هذه الحياه بكافة الطرق لا يستحق هذه الحياه والعكس ايضا .
ونظرتى للمطلقه والارتباط بها حسب اسباب الطلاق وعلى ارغم ان رسول الله صلى الله عليه وسلم تزوجه من ارامل ومطلقات اوصى كل شاب يعرف بنت مطلقه ان يحاول الارباط بها ان كانت فعلا حاسس ان هى دى التى يريد ان يكمل معها حياته .وده كان رايه تقبلى مرورى تحياتى ((**ســونه**)).
السلام عليكم
ابغض الحلال عند الله الطلاق
لكن انصح به بعد ان تنفذ طرق الاصلاح بالتي هي احسن و ان تكون الاسباب حقا موجبة و يقرها الشرع
لا يهم اللقب المهم الانسان ان لا يكون مظلوم
سلمت يدك ادراج مميز
سلاااااااام
اقف هنا طويلا ، فالدعوة تحتاج إلى وصف دقيق ، نظلمها أن جعلنا حدودها الشاشة والكيبوررد ، دون التفاعل المباشر ، ولكن يكفي أن نبحث داخلنا عن إجابات تتماشي مع القضية ، فهذا فى حد ذاته يدخلنا إلى عالمها الخاص
لكن
من لديه القدرة على اتخاذ القرار
من سيتحمل تبعاته
من سيواجه الاخرين
لهذا
لا أحد يستطيع توجيه هذه النصيحة ، وفي كل الاحوال ، حتى فى حال التقمص الكامل لاركان المشكلة
ان القرار إلان بالفشل الزريع ، تري من يستطيع الحكم على آخرين بالفشل ، وهل حكمه سيكون صادقا ، وهل استماراها يعني كل النجاح
مجرد ومضات لأفكر فقط
كما استخلصت من الدعوة
تحياتي
انصحم لما تستحيل العشرة بالمعروف بينهم
امته الجأ ليه؟؟
اممممممممم طب لما اتجوز الاول وبعدين نشوف المشوار ده
ههههههههه
لا بجد زاى ماقولت كده لما تحسى انو العشره بالمعروف انتهت ياعنى لما تحس انو الطرف الاخر بقه قاسي وانت مش قادر تستحمله يبقه خلاص بس دايما الواحد لازم يصبر لحد النهايه لانو الجواز ده ميثاق غليظ ياعنى الطلاق ده بغيض عند الله مش عارفه ازاى الناس ممكن بسهوله تعمل حاجه ربنا يبغضها
حامل هذا اللقب رجل وست عاديين جدا لانو ممكن يكون اخيارتهم مكنتش مناسبه ياعنى ناس عاديين معندهمش مر معدى ولا حاجه واذا عرف السبب بطل العجب ياعنى لو سألنا وتفهمنا الاسباب ومش كلهم ياعنى بيكونو على حق
اولا فكرة جيدة لمناقشة موضوع
الطلاق ابغض الحلال .. لكن حلال اذا استدعي الامر فلابد منه
استحالة العشرة .. هي سبب الطلاق
واستحالة العشرة هي كلمة تعبر عن عدم رضا الطرفين عن سلوك الطرف الاخر وافعاله التي قد تكون جديدة عليه ولا يريدها او قد تكون قديمة وكان يتعامل معها ثم اصبح لا يطيق تلك التصرفات ولا صاحبها
مثل الاهانة وعدم الاحترام
البخل
الخروج الي حد ما عن تعاليم الدين او التوغل فيه الي حد لا يطيفه الطرف الاخر
ومن يحمل هذا اللقب هو شخص خسر اسهما في الحياة سواء كان ظالما او مظلوما لان الطلاق باي الاحوال هو تجربة فاشلة ..
ولكن التجارب الفاشلة لا تجعل صاحبها فاشلا
ولا يعطينا الحق ان ندمغ حياته باكملها بالفشل
ومن يتعرض للارتباط بشخص مطلق سواء رجل او امراة ربما يكون من حقة بعض التفحص في تلك التجربة الفاشلة كي لا يتعرض لنفس الفشل
تحياتي
السلام عليكم
ازيك يا قمر
طبعا انا من رايى ان لو استحالت العشره بين ازوجين وانعدم الامان فاهلا وسهلا بالطلاق
والطلاق حلال فهو ابغض الحلال عند الله
وعلى فكره ساعات بيكون الطلاق حل مثالى لكتير من المشاكل
بدل ما تبقى الواحده عايشه مع واحد غصب عنها وبينهم مشاكمل وعدم تفاهم ويخلفوا عيال معقده لاء كل واحد يسيب التانى احسن ويجعل الله لكل واحد منهما سبيلا
وطبعا نظره المجتمع للمطلق زى الزفت نظره متخلفه جدا
لكن اى واحده مطلقه مش اقل من اى واحده فى المجتمع خالص
وهى مش عملت اى شىء حرام
لكن طبعا انتى عارفه ان الرجاله اما ييجوا يرتبطوا يقولوا لاء مش ممكن اخد واحده كانت مجوزه قبل كده
وطبعا انتى عارفه ليه
ماحدش بيقدر ينصح اي زوجين بالطلاق حتي لو هو متأكد انهم ماينفعوش لبعض خالص
بس ربنا شرع الطلاق لحكم كتير اكيد
يعني لواستحالة العشره بين اتنين نرغمهم علي الحياه ازاي مع بعض
وليه دايما نظرة المجتمع وحشه للمطلق والمطلقه
هو شرط يعني ان المطلقه دي او المطلق ده يكون شرير
بسم الله الرحمن الرحيم
حبيبتى موناليزا
مقدرش اقول لحد انه يطلق..دا قرار مصيرى
وامتى اطلب انا الطلاق عندما افقد الامل فى استمرار الحياة
بالنسبه للفظ المطلق والمطلقه
دا قدر.....ربنا مايكتبوش على بناتنا
لان المجتمع ظالم بس ربنا مابينساش حد وبيدى كل انسان الفرصه مره واتنين وتلاته
بس انا مابشجعش على الطلاق
لأن الاولاد هما اللى بيدفعوا التمن الا من رحم ربى ..وذلك فى وجود ام او اب ممكن يضحوا بنفسهم من اجل سعادة اولادهم
ولكن للاسف كل منهما يبحث عن السعاده مع انسان اخر...وهذا من حقه
المهم ان الطلاق قدر والحمد لله انه ابغض الحلال عند الله
دمتى بكل خير
سهر
ـــــــــ
اختى الحبيبة: رد مميز لزمردة:)
اشكرك جدا لمشاركتك ولرأيك
نورتينى حبيبتى ودمتِ بخير
********************************
سونة
ـــــــ
وعليكم السلام ورحمة الله وبركاته
اختى الحبيبة:رأى يحترك جدا ومنطقى جدا
اشكرك جدا لمشاركتك
واسعدنى مرورك
نورتى مدونتى
*******************************
سلوى
ــــــــ
وعليكم السلام ورحمة الله وبركاته
اختى الحبيبة:اشكرك جدا لرايك ولمشاركتك
نورتينى حبيبتى ودمتِ بخير
*******************************
حاول تفتكرنى
ــــــــــــــ
اهلا بيك يافندم
مع احترامى الشديد لرايك قصدت طرح الموضوع بصفة عامة والانطباع الشخصى لكل فرد وليس وصف الموضوع بدقة
أعلم ان لكل حالة ظروفها الخاصة ولكنى أسأل عن انطباع شخصكم الكريم ورأيك فيمن يحمل اللقب بصفة عامة وايضا باقى الاسئلة كلها بصفة عامة
عموما يافندم يسعدنى ان تفكر فى الموضوع وتفيدنى برأيك النهائى
فى انتظارك دائما
دمت طيبا ولمدونتى زائرا
******************************
ماءتشرين
ـــــــــــــ
اختى الحبيبة: ربنا يسعدك ويرزقك بالزوج الصالح قريبا اللهم امين:)
رأينا مشابه جدا على فكرة:)
اشكرك جدا لمشاركتك
نورتينى حبيبتى ودمتِ بخير
*******************************
كوشيا
ــــــــ
اختى الحبيبة:اهلا اهلا بعد طول غياب
اشكرك جدا لرايك ولمشاركتك
نورتينى حبيبتى ودمتِ بخير
**********************************
ريمان
ــــــــ
وعليكم السلام ورحمة الله وبركاته
اختى الحبيبة: انا الحمد لله بخير ازيك انتى ياريمو؟
اشكرك جدا لمشاركتك
اقولك على حاجة انا ايوة عارفة ان رجالة كتير مش بيفضلوا يتزوجوا واحدة مطلقة بس كلام فى سرك انا بجد مش عارفة ليه:) (ماتقوليش لحد بقى أصل الجهل وحش وكتير فعلا مفكرينى عارفة ولذلك مش عارفة اصدمهم واقولهم انى بجد معرفش
لكن انتى بقى اختى حبيبتى وانا دلؤتى بقى عايزة اعرف فلو تعرفى ينوبك ثواب فى اختك عرفينى:)
مابهزرش على فكرة
نورتينى حبيبتى ودمتِ بخير
*********************************
شمس النهار
ـــــــــــــ
اختى الحبيبة:والله انتى عسل:)
فعلا مش شرط ابدا يكون شرير:)
اشكرك جدا لمشاركتك التى اسعدتنى
نورتينى حبيبتى ودمتِ بخير
******************************
الفراغ
ــــــــــ
اختى الحبيبة:اهلا اهلا بالقمر
اشكرك جدا لمشاركتك
وربنا يحفظ بيوت المسلمين جميعا اللهم امين
نورتينى حبيبتى ودمتِ بخير
احد الطرفين معندوش المسئولية او ال2
او اتجوزوا لمجرد الجواز مش اقتناع ببعض
أزيك يامناليزا اخبارك ايه
يارب تكون بخير
هو اان شايفه ان طالما مفيش حب واحترام يطلقوا لان اولا المشاكل هتزيد جدا بينهم بانعدام الاحترام بينهم وكمان طالما مفيش حب محدش هيكون عنده استعداد للتضحية فالامور هتزداد سوء
اما بقى عنا لموقف اللى ممكن يحصل معايا انا شخصيا وميخلنيش اكمل ده ازا اتجوزت يعنى اكيد الخيانة او انعدام الحب والاحترام
انا بالنسبة للسؤال الاخير فأنا مش شايفه انها مشكله اطلاقا المجمتع العقيم بتاعنا هو اللى بيعمها مشكلة لان اساسا احنا عايشين فى مجمتع متخلف ومتناقض
تحياتى وتقديرى
تصدقى فعلا انى عطشان
هروح اعمل بالنصيحه واشرب ميه
يمكن حالة الضيق تروح
ههههههههههههههههه
شكرا ليكى
موضوع كبير..
و ما قيل كفاية :)
لا يفوتني شكرك على ماقمتِ به من واجب لتقديم التعزية لي هنا في مدونتك...
جزاك المولى خير الجزاء
تحياتي
ازيك يا موناليزا؟
يطلقوا لو اتبعوا الخطوات اللى حددها الشرع اثناء الخلاف واستحالت العشرة يبقى الاحسن يتفرقوا وربنا يعوضهم خير
الطلاق ساعات بيكون هو الحل والحمد لله ان ربنا حلله
اما امتى انا اقرر لو اتجوزت لما احس اننا وصلنا لمرحلة فقد التواصل والاحترام ساعتها يبقى الجواز قلته احسن
وانصح حد يتجوزها
وليه لا لو انسانه على خلق ودين واعرفها كويس لان التدخل فى الامور دى مش سهل
ربنا يصلح البيوت
تحياتى
تحياتي
بالنسبة للسؤال الاول: لا انصح أحد بأن يلجأ الي الطلاق... لكنني انصح بأن يعيد النظر في معاملته للطرف الاخر و معاملة الطرف الاخر...و بالتأكيد سيكون هناك شيء ما خطأ...يمكن تصويبه
او علي الاقل تحييده.
بالنسبة للسؤال الثاني: ما ينفعش أكمل لو وصل الامر الي سلوكيات تمس السمعه او تخالف تعاليم الدين الصحيح
و تكون المخالفة كبيرة...مثلا تصرفات شخصية غير مسؤوله....
السؤال الثالث : رأيي ان من يحمل هذا اللقب انسان عادي جدا ...لم يكتب له التوفيق في أمر ما...يمكن لخطئه هو او لخطأ الشخص الاخر...و كلنا خطائين..
و يمكن ان يكون هذا الشخص اخي او أختي
او ابني او ابنتي...
بالنسبة للارتباط به : انصح اولا بأن يسأل هذا الشخص عن ملابسات الطلاق..فأن
كان سبب الطلاق لا يقلقني او يمكني انا التغاضي عنه...فبكل تأكيد سأتوكل علي الله و اتقدم....
اما ان كان السبب الذي ادي الي الطلاق يؤرقني او يقلقني...فبالتأكيد سأعيد النظر....ليس بسب اللقب...لكن المر يتعلق بالسبب.
أسأل الله ان يهدينا جميعا سواء السبيل..و ان نفكر مرات و مرات قبل
اتخاذ مثل هذا القرار ( الطلاق ) لانه طبقا للاحصائيات هناك " طلاق " كل ست دقائق يحدث في مصر.
تحياتي و تقديري
لا انصح الزوجين بالطلاق ابدا
لكنى قدد ارى احيانا انهم مان عندهم حق فى الطلاق
مش عارفه برضه امتى ممكن الجا له اعتق الانانيه هى افظع شئ وبيندرج تحتها كل الموبقات
اما المطلق وراى فيه
فهو انسان قد يكون اخطا فاحترس
او تحمل اخطاء الاخر ويحتاج من يعوضه ويسعد معه وبه
وربما لم يخطا احدهما لكنها اختلافات ولم يستطيعوا التجاوب معا
واعرف كثيرون من هذه الحاله واحترم الطرفين جدا ولا انكر اننى احزن ايضا من اجلهم
في علاقات بشوفها فعلاً أفضل حل ليها الطلاق وحصل مره اني نصحت زوجين بالطلاق وكانت بنت الزوجين دول الكبيره مؤيداني على فكره وعايزه ان باباها ومامتها ينفصلوا تصوروا ؟
لكم بقى أن تتصوروا الزوجين دول وصلوا لإيه ؟
ربنا سبحانه وتعالى خلقنا عشان نعبده ونعمر الأرض ونخلف أبناء يتمتعوا بصحه نفسيه يعبدوه ويشاركوا في إعمار الأرض , وإرادته إننا نبقى سعدا وإحنا بنعيش الحياه وبنعمل ده ,
وعندما تفتقد العلاقات الزوجيه الحب تتعكز على الإحترام والثقه ولكن عندما تفقد الإحترام والثقه أيضاً فأعتقد إنه كده خلاص لابد من وضع كلمة النهايه ,
وهناك من يضحي بسعادته من أجل مستقبل أولاده فيمتنع عن الطلاق وهذا يستحق التقدير والإحترام طبعاً إلا إذا كان بقاء الزواج يشكل خطراًعلى الأبناء من الطلاق ففي هذه الحاله تكون التضحيه بالسعاده والأبناء معاً والمثال هو القصه التي بدأت بها تعليقي , فالمفروض أن يفكر الإنسان وإلا يعاند أو يكتفي بالنظره السطحيه النمطيه فمن التضحيات أحيانا ما قتل
تحياتي
المعتصم
ـــــــــ
اهلا بيك يافندم
:) الف هنا
وان شاء الله هتروح بسرعة
دمت طيبا ولمدونتى زائرا
*******************************
جنون عاقل
ـــــــــــــ
اهلا بيك يافندم
نفهم من كده انك بتهرب من الاجابة باسلوب لطيف:)
مازلنا فى انتظار رأيك
لاشكر على واجب اخى الكريم فهذا حقك علىَّ كمسلم
ربنا يكرمك ويصبر قلوبكم
دمت طيبا ولمدونتى زائرا
**********************************
جنة
ـــــــ
اختى الحبيبة:اهلا اهلا بالغالية
انا الحمدلله بخير ماتحرمش من سؤالك
ربنا يكرمك يارب ويرزقك بالزوج الصالح اللى يخاف ربنا فيكى
اشكرك جدا لمشاركتك
نورتينى حبيبتى ودمتِ بخير
********************************
الربان
ـــــــــــ
اهلا بيك يافندم
دائما يعجبنى تحليلك للامور ونظرتك ليها
اشكرك جدا لمشاركتك
دمت طيبا ولمدونتى زائرا
*********************************
منى
ــــــ
اختى الحبيبة: ربنا يسعدك يارب ويكتبلك النجاح دايما
اشكرك جدا لمشاركتك
نورتينى حبيبتى ودمتِ بخير
**********************************
محمد فوزى
ـــــــــــ
اهلا بيك استاذ محمد
اشكرك جدا لذكر هذه القصة
وربنا يهدى شبابانا ويصلح بيوت المسلمين جميعا اللهم امين
دمت طيبا ولمدونتى زائرا
- متى تنصح زوجين بالطلاق؟ .
عندما يكون الشئ الحلال الوحيد الذي ينقذ كلاهما هو الطلاق
أنصحهم به
عندما يكون اي حل اخر سوى الطلاق يوقع كلاهما في حرام
انصحهم به
..............
- متى تلجأ أنت شخصياً له(بمعنى إيه الموقف اللى لو حصل تقرر أنه ماينفعش تكمل)؟.
لو السؤال على الموقف
فاعتقد انها الخيانه
حينها سيستحيل المعيش
................
- ما رأيك فيمن يحمل هذا اللقب؟. وهل تنصح بالإرتباط به؟.
ليس اللقب بوصمه عار ولا ذنب ارتكب
ولا
ومع ادراكي بالفارق
فلماذا تصادق صديقا قد فشل في صداقه اقامها من قبل
او حدث بينهما خلاف
!!!!!!!!!
سؤال هام جدا
عندما ينتهى الحب وتستحيل العشرة
فقد قال الله تعالى
"وإذا طلقتم النساء فلبغن أجلهن فأمسكوهن بمعروف أو سرحوهن بمعروف، ولا تمسكوهن ضراراً لتعتدوا ، ومن يفعل ذلك فقد ظلم نفسه "
والجأ لة عندما يأتى اليوم الذى يقول فية زوجى انه لم يعد يحبنى
هو ابغض الحلال لكنة حلال عادى ياما ناس كتير ممكن تحمل القب دة ومش شرط ان المطلقة او المطلق يكون انسان بشع
ومن الممكن الارتباط مرة اخرى بالعكس المطلق او المطلقة فى اغلب الاحيان بيكونوا عندهم خبرة تجعلهم قادرين على تلافى اخطاء الماضى
ودة لا ينطبق على الكل
تحياتى
غاليتي المميزة جدا جدا أمة الله موناليزا
موضوع جديد من مواضيعك الرائعة
تعليقي عليه هو
تستحيل العشرة بين الزوجه والزوج لو الزوجه لم تشعر بالأمان والاحترام مع زوجها وبأنه غير قادر على التفكير السليم والتخطيط السليم لحياتهم وجبان لا يستطيع المواجهة والصمود أما مشاكل الحياة لحلها
في اللحظة دي بينزل من نظرها ولو احتقرت زوجها يبقى الاستمرار لا يصلح أبدا
ومتى أطالب بالطلاق لنفس الاسباب المذكورة سابقا
نظرة المجتمع للمطلقة نظرة متخلفة وغبية وجاهلة
كلها شك وتفكير سيء فيها وفي تصرفاتها
ده غير انها بتقيم على انها مستعملة
وكأن الزوجة زي الجزمة ( أعزكم الله )
لو كل واحد يتشغل بعيوبه وظروفه التعيسه عن عيوب وظروف غيره ولو كل واحد يعذر غيره كانت الحياة ستصبح أكثر استقامة
دمتي سالمة يا أروع مدوناتيه في النت كله
خالص تحياتي
الغاليه موناليزا
وحشانى جدااااا
انصح زوجين بالطلاق عندما تستحيل بينهم العشره بالمعروف و عندما يكون استمرارهم انتهاك لانسانيتهم او انسانية احد الطرفين
كذلك عندما يضيع من عشرتهم السكن و الموده و الرحمة التى هى الاساس كما ذكرها الرحمن لنا سبحانه
الموقف اللى ما ينفعش اكمل فيه لو يوم حسيت انى رخصت عند زوجى و ان كرامتى اصبحت لا تعنيه او ان يبيعنى فلماذا اذا اشتريه !
اختى الحبيبه اعجب ممن يسألون مثل هذا السؤال فاللقب عادى جدا .. الطلاق سمح به الرحمن رحمة لمن لا يستطيع الاستمرار فى حياة لا يوجد بها حب و لا رحمة ولا موده
الانسان اكرمه الرحمن فى كل شىء و لله كل الحمد لذلك فمن رحمته لنا انه شرع لنا الطلاق عند استحالة العشره بل و قد وعدنا أن يغنى كل منهما من سعته كما قال سبحانه فى سورة النساء .. و ان يتفرقا يغنى الله كلا من سعته و كان الله واسعا حكيما ..
صدق الله العظيم
لذلك اعجب من هؤلاء الذين يحكمون على الناس و ينسون انهم اذا وفقوا فى حياتهم فهذا فضل من الله و ليشكروه عليه ولا يحكمون على الناس فالله اعلم بهم
لذلك و حتى لا اطيل عليكى فانا اتعامل مع الانسان كأنسان لاخلاقه و تعامله ليس بلقب مطلق او مطلقه بل اننى اذا تعاملت معه او معها و اكتشفت انسانيتها دعوت الرحمن ان يبدلها بكل الخير لأننى اشعر وقتها ان الرحمن لا بد سيكافئها بمن يستحقها حقا ..
دمتى حبيبتى بكل الخير و رزقكى الرحمن كل السعاده التى تستحقينها حقا
ارق تحياتى و خالص مودتى
انصح الزوجين بالطلاق لو استحالت العشرة بششكل كبير يعنى لو فضلوا مع بعض حد فيهم ممكن يقتل التانى او يقتل نفسة فحفاظا على الارواح لازم يطلقوا وحفاظا على الاطفال ايضا فمن الافضل التربية بين اب ام منفصلين بهدؤ عن التربية فى بيت الاب ولالم فيهم مش طايقين بعض وكارهين بعض
عنى شخصيا الموقف الى لو حصل الخيانة فليس افظع منها
اما عن المطلق او المطلقة فليس نهاية الحياة ومش هنموتهم يعنى من حقهم يعيشوا حياتهم مرة تانية
انا انسان
ــــــــــــ
اهلا بيك يافندم
اشكرك جدا لمشاركتك
وعجبنى اوى تشبيهك الاخير
دمت طيبا ولمدونتى زائرا
--------------------------------
زوجة عنيدة
ـــــــــــــ
اختى الحبيبة:اشكرك جدا لمشاركتك
وربنا يباركلك فى حياتك
نورتينى حبيبتى ودمتِ بخير
--------------------------------
المصرية مسلمة لله
ـــــــــــــــــ
اختى الحبيبة:اهلا اهلا بالغالية
اشكرك جدا لرايك فماتوفيقى الا بالله
أخجلتم تواضعنا حقا:) ربنا يسعدك
اشكرك جدا لمشاركتك ولتواجدك الذى اسعدنى
نورتينى حبيبتى ودمتِ بخير
-------------------------------
روفى
ـــــــ
اختى الحبيبة:اهلا اهلا بالغالية
ازيك ياجميلة:وانتى كمان وحشاااانى جدااااااا
اشكرك جدا لمشاركتك
وليت الجميع يفكر مثلك
ربنا يسعدك ويحفظلك بناتك ويباركلك فى حياتك
نورتينى حبيبتى ودمتِ بخير
----------------------------------
ايوية
ـــــــــ
اختى الحبيبة:اهلا اهلا بالقمر
اشكرك جدا لمشاركتك
نورتينى حبيبتى ودمتِ بخير
احيانا يكون الطلاق رحمة وحياة للمسجون فى قفص الزواج
تحياتى ليكى
شخابيط mahgoub
سؤال صعب جدااااااااا
متهيألى انى مش هطلب الطلاق غير لو حسيت إن حياتى مع البنى ادم دا مستحيلة , يعنى مش عارفة احبه ومش طايقة اشوفه , واكيد دا هيبقى ناتج من سبب جامد جدا وجعنى خلانى استحيل حياتى معاه
السلام عليكم ورحمة الله وبركاتة
الانفصال يحدث فى وجهة نظرى اذا كان الزوجين مش محترمين بعض ولا حتى بيحبوا بعض وكمان ليس لديهم اطفال
امتى اقرر الطلاق
ربنا يعافينا يعنى
بعيد الشر عنى
لو زوجى لا قدر الله تزوج على لانة محترم مستحيل يعمل حاجة غير شرعية
او انة يقولى انة مش بيحبنى
ساعتها هموت
بس هطلب الطلاق
بس فى معلومة صغيرة
سمعت ان الزوجة اللى تطلب من زوجها الطلاق بدون اسباب فعلا تستدعى الطلاق
بعنى انها بتهددة مثلا
ربنا بيحرمها انها تشم ريحة الجنة
والله اعلى واعلم
فموضوع الطلاق دا مش سهل خالص وخاصة لو فى اولاد
اما نظرتى للمطلقة
ست زى باقى السيدات
دمتى بالف ود وخير
وموضوع مهم بردوا
ياااااه يا مونا
موضوع صعب قوي
امتي انصح حد بالطلاق
وهانصح نفسي كمان لما نوصل لطريق مسدد انا عن نفسي شايفة ان في ناس كتير في عيلتنا المفروض يطلقوا بس الأوبشن دة مش متاح في العيلة تصوري علي مدي اجيال واجيال مطلقة واحدة بس
بس فعلا في ناس مش ينفع تعيش مع بعض حتي لو بتحب بعض
بس احنا مش بنعرف اصلا الطلاق الودي لازم نخليها فضايح وقضايا ومحاكم وواحد يطمرمط ويتبهدل والأولاد تتعقد
انا عن نفسي هالجأ له لنفس الأسباب الموضحة سابقاً
عادي عني دي مش وصمة عار مطلق او مطلقة دة برضة إنسان
بس بصراحة هاتتردد قبل الإرتباط بمطلق
وهارفض تماماً لو عنده اولاد لأن الموضوع بالنسبة ليا هايبقي صعب
السلام عليكم
موضوع منتشررررر كثيرا وأصبح موضة اليومين دول للأسف.....
الطلاق كارثة بصراحة ربنا يعافينا منها ويعافي المسلمين لكن رأيي لو طلاق يبقى من الأول بدل ما يتطلقوا بعد 20 سنة زواج وتبقى مشكلة مركبة بعدد ابناء أكثر وآلام أكثر......
أول زيارة لمدونتك...
جميلة ما شاء الله إلى الأمام
:))))
عرض رائع وموضوع يحتاج للمناقشة
متى ننصح بالطلاق ؟ فهذا الأمر يكون بعد مشاورات ومشاورات وقد استحال البقاء واستحالة العشرة ولكن عليها ايضا توخى الحذر حتى يقل الضرر وخصوصا ان كان هناك اطفال.
متى الجأاليه ؟ انا لست متزوجة ولكن عند استحالة العشرة ايضا
رأيى فيمن يحمل هذا اللقب ؟ لا استطيع ان اقول فيه شىء لانه لم يفعل جرما وخصوصا ان كان شخص يتقى الله وما حدث له هو نصيبه
والارتباط به : يتوقف على الشخص نفسه ولا نستطيع ان نظلم احد او نعمم الاجابة بنعم او لا
انصح الزوجين بالطلاق لو استحالة الحياه ما بينهم بمعني انهم فقدوا القدره علي التفاهم مع بعض واحترام بعض
متى تلجأ أنت شخصياً له(بمعنى إيه الموقف اللى لو حصل تقرر أنه ماينفعش تكمل)؟
الخيانه شيء صعب اووي فاكيد نتيجتها الطلاق او لو لقينا استحالة الحياه مع بعض وفقدنا القدره علي التفاهم
المجتمع حاليا بقي بينظر للمطلقه علي انها شيء شاذ بس انا مش مع النظره دي لان مفيش حد بيختار مصيره وكمان الناس مش عارفه الاسباب اللي ادت للطلاق
وانا مش شايفه انه في مانع ان الانسان يرتبط بمطلقه حرام اننا نقسي في الحكم عليها
بشكرك امة الله علي المدونه الجميله دي لانها اول زياره ليا وان شاء الله اكون في متابعه مستمره
دمتي بكل خير
السلام عليكم
أما اتجوز ابقى اجاوب !!
:)
تحياتى
انصح اى زوجين بالطلاق لما الحياخ تبقى مستحيله بينهم حتى لو فيه بينهم اطفال
وافكر اعمل الحكايه دى لو خانى
وفيها ايه لما المطلق او المطلقه يتجوزوا تانى اومال المفروش لما يحصل الطلاق ينتحروا
الدنيا مش بتقف على حد
اول مرة ازورك بس مدونتك لذيذه بجد
واتمنى دوام التواصل
الموضوع كبي اوى بس انا انصح اى زوجين ان الطلاق يكون اخر الحلول الممكنه على الاطلاق يوم ما يحسوا ان البعد هو الحل الوحيد وان العشره اصبحت محاله تماما بينهم اما امتى اللجوءلهذا القرار فى حاله الخيانه من الطرف الاخر او انه يعترفه بلسانه انه لم يعد فى حاجه لى الشخص الذى يحمل هذا اللقب ليس مذنب اما الارتباط بيه يختلف ان كان شخصيه حقا تستحق فلما لا فعله يكون قد انفصل لسوء اختيار او ليحافظ على راحه الطرف الاخر فهو لا يلام بالعكس فمن يلام هو من ينظر له بسوء هذا رئى وحقا موضوع جميل
شخابيط محجوب
ـــــــــــــــــ
اهلا بيك يافندم
اشكرك لمشاركتك
دمت طيبا ولمدونتى زائرا
********************************
زى الهوا
ــــــــــ
اختى الحبيبة:اهلا اهلا بالقمر بعد طول غياب
ربنا يسعدك ويبعد عنك اى حاجة وحشة
نورتينى حبيبتى ودمتِ بخير
**********************************
حتى تشرق الشمس
ــــــــــــــــــ
وعليكم السلام ورحمة الله وبركاته
اختى الحبيبة: ربنا يباركلك فى حياتك وبيتك
فعلا ياحبيبتى الطلاق بدون سبب عقابه كبير
ربنا يحمى بيوت المسلمين
نورتينى حبيبتى ودمتِ بخير
**********************************
وومن
ــــــــ
اختى الحبيبة:اهلا اهلا بالقمر
مصدقاكى طبعا وده من وجهة نظرى افضل كتير عشان منظر الاولاد
معاكى حق الطلاق بقى دلؤتى فضايح وبس وبعيد تماما عن شرع الله ربنا يعافينا
رزقكى الله بالزوج الصالح ويكون مناسب ليكى من كله :)
نورتينى حبيبتى ودمتِ بخير
*******************************
ست البنات
ــــــــــــ
وعليكم السلام ورحمة الله وبركاته
اختى الحبيبة:اهلا بيكِ فى زيارتك الاولى
فعلا معاكى حق
اشكرك جدا لمشاركتك
نورتى مدونتى وارجو دوام التواصل
******************************
نبض الحياة
ــــــــــــ
اختى الحبيبة:اشكرك جدا لرايك و لمشاركتك
وربنا يرزقك بالزوج الصالح اللى يخاف ربنا فيكى قريبا اللهم امين
نورتينى حبيبتى ودمتِ بخير
**********************************
صمت المشاعر
ــــــــــــــ
اختى الحبيبة:اهلا بيكِ فى زيارتك الاولى
اشكرك جدا لمشاركتك
نورتى مدونتى واسعدتنى زيارتك
****************************
على عبدالله
ــــــــــــــ
وعليكم السلام ورحمة الله وبركاته
اهلا بيك استاذ على
مع احترامى الشديد لرأيك ايه العلاقة بين زواجك و الاجابة على الاسئلة؟؟؟
هذه اسئلة عامة وانطباع شخصى لايحكمه زواج او لا
رزقك الله بالزوجة الصالحة قريبا
دمت طيبا ولمدونتى زائرا
***********************************
حنين القلب
ـــــــــــــ
اختى الحبيبة:اهلا بيكِ فى زيارتك الاولى
واشكرك جدا لمشاركتك
نورتى مدونتى واسعدتنى زيارتك
********************************
طوبة دهب وطوبة فضة
ـــــــــــــــــــــــ
اختى الحبيبة:اشكرك جدا لرايك ولمشاركتك
اسعدتينى حقا بتواجدك
نورتينى حبيبتى ودمتِ بخير
السلام عليكم
الموضوع جميل ومفيد
لكن التعليقات طبعا عليه كتير اتكلمو عنها
من كل وجهات النظر الدينية والاجتماعية وغيرها
الطلاق قد يكون اخر الحلول
لكنه بيحصل عندما تستحيل الحياة
ولكن هناك ازواج متسرعين فى الحكم وفى نطق هذه الكلمة دون مراعاة لما سيحدث بالمستقبل
تقبلى تحياتى
السلام عليكم
انا مش اقدر انصح طرفين بالطلاق لانهم هما الاساس وهما اللى عليهم اخد القرار المناسب ليهم
والطلاق يكون عندما لايوجد راحة ولاحياة سليمة بين الطرفين فهو ابغض الحلال
لكن موقفى من المطلق او المطلقة موقف عادى فلكل انسان حياتة الخاصة
ربنا يكريمك
تحياتى
فين رايك
ولا فكره اننا نسينا
يلا بسرعه هاتي رايك
ذو الوجه المبتسم
ــــــــــــــــــــ
وعليكم السلام ورحمة الله وبركاته
اهلا بيك يافندم فى زيارتك الاولى
اشكرك جدا لرايك ولمشاركتك
نورت مدونتى وارجو دوام التواصل
********************************
تامر نبيل
ـــــــــــ
وعليكم السلام ورحمة الله وبركاته
اهلا بيك استاذ تامر
اشكرك جدا لمشاركتك
دمت طيبا ولمدونتى زائرا
حواء
ـــــــ
اختى الحبيبة:تصدقى فعلا كنت نسيت:)
عموما ياستى اليكِ اجابتى
امتى انصح حد بالطلاق؟
مانصحش حد ابدا به
اولا: لانها حياتهم وهما ادرى منى بحياتهم وبظروفهم
ثانيا: لانه قرار صعب جدا وشعور اصعب محبش حد ابدا يمر بيه
ثالثا: لان لو فيه اولاد هما اللى هيكونوا الضحية
امتى انا شخصيا ألجأ له؟
اذا تعارض الامر مع دينى(بما تحويه الكلمة من معنى شامل)
رأيى فيمن يحمل اللقب؟
شخص مجروووح ويحتاج معاملة خاصة
انصح بالارتباط به؟
على حسب الشخصية الحاملة للقب وهل هى فعلا تستاهل ولا لا وقدرة الطرف الاخر واهله على تقبله بدون تجريح
أخى الفاضل/ بداية أشكر ثقتكم الغالية ويارب نكون سبب فى تهدئة النفوس
عندى اقتراح :ايه رايك لو انشر المشكلة فى مدونة الفضفضة بحيث تاخد اكبر عدد من الاراء المختلفة
لو وافقت هنشرها فورا
http://rovygannah.blogspot.com/
اما عن رأيى الشخصى
فانا بجد مستغربة من تصرفها هى واهلها وخاصة ان اهل الزوج شايلينها على كفوف الراحة ومعيشينها فى مستوى اجتماعى افضل مما كانت فيه فى بيت والدها يبقى ليه الجحود ونكران الجميل والغدر كده
طيب رأى الزوج ايه؟ يعنى موافق على الطلاق ولا باقى على العِشرة؟
عموما انا شايفة ان ابوها هو السبب الرئيسى والبنت مغلوبة على امرها ماهى لسة صغيرة برضه
وللتأكيد من نوايا البنت واحدة من قرايبكم تروح لها وتقعد معاها (مش مع ابوها)وتشوفها عملت كده ليه وايه اللى يرضيها وكلمتين حلوين من بتوع تهدئة النفوس
اما عن ابوها بقى الراجل ده لازم له وقفة
يعنى تعملوا قاعدة رجالة مثلا وتشوفوا هو عايز ايه بالظبط ويبقى فاهم ان لو البنت هى اللى طالبة الطلاق هتخسر كل حاجة يعنى ملهاش لاعفش ولا شقة ولا نفقة ولا اى حاجة خالص(ده رأى الشرع والدين على فكرة)
والزوج يحسسه ان لو هى مش باقيه عليه هو كمان مش هيبقى عليها وهى اللى خسرانة مش هو
متهيألى فى الحالة دى محدش يقدر يغلطه وابوها كمان ممكن يحس ان بنته بيتها هيتخرب بسببه والرجالة كمان اكيد هيحكموا بكده
اما بقى لو باقى عليها وكرامته وجعاه من التصرف بتاع عيلتها ده
يروح عندهم ويجيبها بالعافية ماهى لسه مراته ومحدش يقدر يقوله حاجة ويبقى يورينى ابوها هيعمل ايه
واحد وخد مراته فيها حاجة دى!!
ربنا يهدى النفوس ويبعد عنهم الشيطان وياريت تطمنى
أخى الفاضل/ ربنا يهدى الحال ويصلح الامور
ليه مايتعملش قاعدة رجالة؟
ياسيدى جرب هتخسروا ايه يعنى عشان الناس كلهاتعرف حقيقته وان هو السبب مش انتوا
مش عارفة ليه خايفة من تصرفك رغم انى معرفوش بس عندى احساس خفى كده انه مش هيكون عقلانى
ولذلك وبناء على احساسى فقط (اتفقنا انى معرفش انت ناوى تعمل ايه) رجاء خاص حكم عقلك ولا تقدم على اى تصرف دون التفكير فى عاقبته من جميع النواحى
بالنسبة للطفل مالكوش مثلا واحدة قريبتكم عندها طفل صغير لسه وتراعي ابنكم معاه على الاقل طول فترة الليل
يعنى زوجات اعمامك او عماتك او بنات خلاتك كده يعنى عشان الحمل مايبقاش تقيل على والدتك
على فكرة من وجهة نظرى كامرأة وبما ان الزوجة برضه امرأة ماظنهاش هتتحمل بعد ابنها عنها اكتر من كده(ده لو كانت طبيعية)
بص انا هنشر الرسالة دلؤتى يمكن حد يقول حل مقنع ومرضى
وربنا يهديها يارب
وبرضه ياريت توافينى بالاخبار على طول
لان بصراحة مامتك هى اللى صعبانة عليا اوى وعايزة اطمن عليها
السلام عليكم ورحمة الله وبركاته
هذا موضوع صعب ومتعب جدا ومؤلم للغايه فأنا عن نفسي أتأثر جدا عندما أري أمامي أسرة ممزقة وخاصة الأطفال لأنهم لا يفهمو وفي معظم الأحيان لا يقدرو وخاصة لما يكون الإنفصال تم وهم لا يزالو صغار يريدو أب وأم مثل أصحابهم وفقط وأنا أتأثر لأنه وضع غير طبيعي ولكن طبعا عندما ننظر لتفاصيل كل قصة علي حدة سنجد أنه يكون إنقاذكبير للكثير من الأسر وهناك الكثير لازالو يتمنونه
ولذلك فأنا أنصح الزوجين بالإنفصال كما أمر الله عند إستحالة العشرة وعدم وجود التوافق وأن يتم كما أمر الله وأن يعطي الزوج للزوجة حقوقها كاملة ويهتم بأولاده ويفكر فيهم أولا
وأنا متي ألجأ له أعتقد عند عدم مقدرتي أن أطيع الله فيه
ومن يحمل هذا اللقب إنسان عادي جدا ولكنه لم يقدر له إكمال هذه الحياه مع هذا الإنسان ليس أكثر ولكن لو نعرفه ومتأكدين من أسباب الإنفصال وأنه ليس ظالم أو كاذب فالطبع أنصح علي الإرتباط به
ربنا يرزق أيامي المسلمين الأزواج الصالحين
نسيبة
ــــــــــــ
وعليكم السلام ورحمة الله وبركاته
اختى الحبيبة:يا اهلا يا اهلا
اشكرك جدا لرايك ولمشاركتك
وربنا يرزقنا جميعا بكل الخير فى طاعة الله ومايفرحش الشيطان فينا اللهم امين
نورتينى ياجميلة ودمتِ بخير
إرسال تعليق