الجمعة، 27 مارس، 2009

كله كذب

شوفت العصفورة؟ , هههههه ضحكت عليك , عليك واحد هههه , استنى لما اشتغل فلان , تيجى نعمل مقلب فى علان... وغيرها من الأمثلة التى تدل على الإستهتار بهذا الذنب.
كمثال شهير برامج الكاميرا الخفية وماشابهها. وشهادة الزور ومايترتب عليها.
يؤسفنى حقاً أن يكون نبينا صلى الله عليه وسلم هو الصادق ونحن نكذب. يوجد مواقف عِدة لانقول فيها الصدق ولا نشغل أنفسنا بأن هذا ذنب.
والأمثلة كثيرة حقاًَ وتبدأ منذ الصغر . التليفون يرن يقول الأب لابنه :لو حد عايزنى قول مش موجود. وينشأ الابن على أن هذا الفعل بسيط لأن قدوته هى اللى علمته.
ثم تتوالى أنا ماليش مزاج أروح المكان الفلانى واللى هيسألنى هقوله كنت تعبان.
يعنى لو سألك حد على سعر حاجة عندك عاجباه وقلت سعرها بأغلى أو أرخص وانت متعمد اتكتبتلك كذبة . وفيه ناس تانية بتكذب الكذبة وتصدقها وتعيشك معاها احلى خيال وأنت مصدق تماماً. وناسيين حديث رسولنا صلى الله عليه وسلم"كبرت خيانة أن تحدث أخاك حديثاً هو لك به مُصدق وأنت له به كاذب".
والكذب يشمل كل كلمة غير حقيقية حتى لو من وجهة نظر قائلها بسيطة. والأدهى أن يصاحب الكذب القسم بالله.
حتى الدعابة بيننا لا تصبح مضحكة إلا بالكذب.
قال رسول الله صلى الله عليه وسلم"ويل للذى يُحدث فيكذب ليُضحك به القوم ويل له" رواه أبو داوود.
وأيضا يحذرنا نبينا الحبيب صلوات الله وسلامه عليه فى حديث فيما معناه"ما من رجل يقول بالكلمة لا يلقى لها بالا من سخط الله الا هوى بها فى جهنم سبعين خريفا"
وسُئل النبى صلى الله عليه وسلم "هل يؤاخذ الله الناس بألسنتهم قال ويحك وهل يكب الناس على وجوههم فى جهنم إلا حصاد ألسنتهم"
وأيضاً قال صلى الله عليه وسلم"من كان يؤمن بالله واليوم الآخر فليقل خيراً أو ليصمت".


قال عمر بن عبد العزيز رحمه الله : " اتقوا المزاح ، فإنه حمقة تورث الضغينة ".
وايضاً قال نبينا الحبيب صلوات الله وسلامه عليه" أنا زعيم بيت فى وسط الجنة لمن ترك الكذب وإن كان مازحاً"
يعنى ممكن نهزر مع بعض بس كلامنا يبقى صدق.
عامل الناس كما تحب أن يعاملوك. إن كنت تكره أن يكذب عليك غيرك. وأن يخدعك بأعذار باطلة وتعليلات زائفة فواجب أن تكره الكذب عليهم وخداعهم أيضاً.
قديما قال الشاعر:عوِّد لسانك قول الصدق وارض به إن اللسان لما عوَّدت معتاد .
ويوجد حالات بسيطة مسموح لنا بالكذب فيها ما روي عن أم كلثوم قالت : " ما سمعت رسول الله صلى الله عليه وسلم يرخص في شيء من الكذب إلا في ثلاث : الرجل يقول القول يريد به الإصلاح , والرجل يقول القول في الحرب , والرجل يحدث امرأته والمرأة تحدث زوجها " . [ أخرجه مسلم ] .
متهيألى كده الموضوع واضح يعنى أى موقف غير اللى ذكروا فى الحديث لا يجوز فيه الكذب.
يعنى ماينفعش نكذب على أهلنا فى أى حاجة ولا نقول انا ورايا محاضرة وفى الاخريكون وراها مقابلة عاطفية مثلاً أو نقول عايز فلوس أشترى كتب ونجيب بيها سجاير مثلاً.
أو أتصل بزوجتى وأقولها كمان نص ساعة هكون عندك وهو عارف أن عنده شغل مش هيخلص قبل خمس ساعات مثلاً.
او أنقض عهدى مع أى حد مهما كان أو ألغى كلمتى تحت أى ظروف دون حتى الإعتذار.
يكفى أن يطلق على شخص بعينه لقب الكذاب. يعنى مهما يقول مفيش حد هيصدقه. ومتهيألى كلنا عارفين قصة الطفل الكذاب اللى نزل البحر وأوهم الناس انه بيغرق ولما الناس هموا بإنقاذه ضحك وسخر منهم قائلاُ ضحكت عليكوا وفعلها أكثر من مرة وفى المرة الرابعة كان يغرق بالفعل ولم ينجده أحد لأن انطباعهم عنه أنه كذاب.
ماتنسوش إحنا اللى بنكتب بأيدينا انطباعات الاخرين عنا مهما كانت وبالتالى كيفية التعامل معنا.
وأن كل كلمة بنقولها الملائكة بيكتبوها ويا إما كذب أو صدق. فعن عائشة بنت أبى بكر ‏(ما كان خلق أبغض إلى رسول الله ‏من الكذب ولقد كان الرجل يحدث عند النبي ‏بالكذبة فما يزال في نفسه حتى يعلم أنه قد أحدث منها توبة)‏‏ .
وأخيراً أذكركم بحديث رسولنا صلى الله عليه وسلم حينما قال"امسك عليك لسانك وليسعك بيتك وابكِ على خطيئتك"
هدانا الله وإياكم لما فيه الخير والرشاد.

*****
أدعوكم لزيارة هذا الموضوع : بفكرني رابع :)
****
سؤال جانبى: ما أكتر موقف كذب اتعرضت له. ومش قادر تسامح من فعلها معك؟.
-متى تضطر للكذب؟ حتى لو بهزار.
-ما رد فعلك إذا أكتشفت كذب من أنت له مصدق؟.


























‏هناك 66 تعليقًا:

مجداوية يقول...

السلام عليكم

الكاذب يمكن له أن يفعل أى شىء فالكاذب أخذ صفة من الشيطان الذي أقسم لآدم وحواء أنه من الناصحين

قد نصدق الكذاب حين يقسم فهذا سلاحه وقد يخدعنا بهذا القسم ولكنه لا يستطيع أن يخدع من خلقه

والكذب الأبيض والأخضر والمخطط والمنقط وكذبة ابريل وكذبة أغسطس وبرامج المقالب التليفزيونية كلها تندرج تحت بند الكذب لأنه مقصود ومبيت له
أما القسم الذي يجري على اللسان بحديث عابر فالله لا يؤخذنا عليه وهو ما يسمى باللغو في ايمانكم

وجزاك الله خيرا على طرح هذا الأمر قبل حلول موسم الكذب الابريلي والذي تسبب في حوادث كثيرة فانقلب المزاح إلى مصائب

هذه حياتي يقول...

السلام عليكم ورحمة الله وبركاته

أختي العزيزة

فعلا كلماتك أصابت كبد الحقيقة ... إن من أشد الخطر أن يستمرئ الناس التهاون في المحرمات ... وكما قال القائل النفس كالطفل إن عودتها حب الرضاع فليس تنفطم ..... جزاك الله خيرا ويسر لنا الخير وجعلنا ممن يستمعون القول فيتبعون أحسنه

خالص ودي وشكري

صمت الحنين يقول...

بارك الله فيكى أمة الله وجزاك خيرااا على الموضوع المهم ده لان تقريبا اغلبية الناس فى معاملتهم العاديه بيعملوا بعض برياء وكذب ومش مدركين عقوبة هذا الفعل

الفقيرة إلى الله أم البنات يقول...

جزاك الله خير
نحن نحتاج فعلا لمن يهدى الينا عيونا لنتخلص منها..ولا نختبئ وراء المسميات الجديده

اخبرك انا بفضل الله لا أكذب
وأنا صغية كنت اكذب كذب الاطفال
وبعدها ولكن ان اقول الكذب كلما تعرضت لموقف لا لا لا
اقول الحقيقه ويعلم ربى صدقى
وتعلمت مؤخرا" كلمة رائعه
عندما يسألنى احد ولا أريد أن اكذب اقوله لا اريد ان اخبرك..ولا أريد أن أكذب, لان هناك امور السؤال فيها غير مستحب
وطبعا من حسن إدراك المرء تركه ما لا يعنيه

موقف المنى بسبب كذب أحدهم بيكون هو وقت ما اكتشف ان فلان يكذب
هناك ناس تحب ان تخبى أمورها فبدل من ان ترد بطريقه تشعرك بانها لا تريد الاجابه تجديه اسرع شئ على بالهم الكذب

اكره التعامل مع الكاذب لانه يفعل أى شئ ويكذب

الكذب ولو بهزار؟؟؟ طيب هافترض انى بهزر مع احدهم وكذبت عليه...لعمل مقلب..ولا لجعله يخرج من كمد اصابه
ولا نظام اشطه يامان وبيس وخليك كووول؟
بصى انا بهزر بس ليه اكدب يعنى

على كل حال وقت ما بكتشف اللى قدامى كادب
بيبقى خلاص شخص غير موثوق فيه تمام

طولت عليك

نبض الحياة يقول...

ما شاء الله لا قوة الا بالله
بوست جميل
والكذب دة فعلا هو سبب كل اللى احنا فيه من فساد اخلاقى وكل المفاسد بتبدأ بكدبة .
ربنا يحفظنا ولا ننطق الا بصدق .
حفظ الله السنتنا جميعا .
والكذبة اللى مش قادرة اسامح عليها
لما تختارى انسان وتفتكريه هو الزوج الصالح ويكدب عليكى ... وربنا يسامحنا جميعا.
اضطر للكذب بصراحة انا مش عارفة دى كدبة ولا لأ بس بجد ضمير يؤنبنى عليها لما تكونى عارفة انه فيه حد عاوز يجيلك البيت والحد دة انتى عرفتى انه عمل حاجات غلط وبعد ماكنتى بتستقبليه لقيتى نفسك مش قادرة تتعاملى معاه وكل ما يحاول يجى عندك تعتذرى بس بأسباب حقيقة فعلا بس برضه مش عارفة لو مفيش سبب هتعتذرى بايه ؟
انا عارفة اننا مش معصومين من الخطأ بس فى شىء جواكى رافض التعامل دة
رد الفعل عندما اعلم بكذب من امامى وانا له مصدقة طبعا بتفرق من شخص لشخص ودة حصل كتير بس لو الكدبة دى بتسبب اذى اكيد الانسان مش بيعرف ازاى يتعامل مع الشخص دة وبيحاول يتجنه
ولو كدبة عادية من غير اذى طبعا الانطباع بيدوم والانسان بيتعامل بس بحذر .

ذكري رحيل قلم يقول...

السلام عليكم
سئل مرة عن صفات المسلم فقيل
هل المسلم جبان قيل نعم
هل المسلم بخيل قيل نعم
هل المسلم كاذب فقيل لا
لان الكذب يهدي الي الفجور وان الرجل ليكذب حتي يكتب عند الله كذاب
اما الصدق فيهدي الي الجنة و ان الرجل ليصدق حتي يكتب عند الله صدّيق
دمتي بألف خير

Butterfly يقول...

والله عندك حق
دايما مواضيعك جميله كده

تحياتى

مدحت محمد يقول...

فى ياموناليزا كدبة ابريل انى فى رقم لو اتبعت على الموبايل تموت فى خلال عشرة ايام

دى كدبة جديدة

انا اكبر كدبة اتخدعت بيها النت

خدنى من الدنيا والناس

عشت معاه ونسيت الواقع
حبيت من عليه واتخدعت برضه
كلمتها باميل جديد
ولاقتها بتضحك عليا
سيبك

المهم الكدب يؤدى الى الفجور
وان الرجل ليكدب حتى يكتب عند الله كذابا

صمت المشاعر يقول...

جزاكي الله كل خير اختي الكريمه

وجعله في ميزان حسناتك

ربنا يبارك فيكي يارب

ABOALI يقول...

كلنا لازم نكذب
علشان نعيش
نفرفش ونحب
وناكل قراقيش
ومالو لما نكذب
ونعيش يومين
وبعد كده ربنا يغفر
وربك غفور رحيم

بقى كده يا انسان
تكذب وتكون اقل من الحيوان
طيب خلى بالك ان الكذب
ليه عنوان
فى قاع جهنم مكانك محجوز
واتبسط المعامله هناك
اخر تمام
هاتكون مبسوط
وكله هايطلع على بدنك
وهاتعيش عيشة تمام
يلا بقى بسرعة اكدب
الكدب حلو
واحلى من الحلويات
وابتسم
بسمة كبيرة
لاءنك بقيت خارج عالم الانسان

يلا بينا نكدب

mahasen saber يقول...

مونا هو اليى اعرفه ان الكذب المباح اليى هدفه الصلح بين اتنيين

او الصلح بين زوجين يعنى يا اخى دى بتموت فيك والكلام ده

بس انا بكره اليى بيكذب عليا وده مش معناه انى ملاك

وومن يقول...

ياااااااااه يا مونا كل ده بنستهتر بية ولا عارفين

بصي بجد يا مونا انا مش بحب الكدب بس يعني لو حد كدب عليا في تمن بلوزة ولا بنطلون دي حاجة كلنا تقريباً بنعملها

هو فعلا مفيش كدب أبيض وكدب أسود وكلنا برضة عارفين ان الكدب كدب لكن فعلا اتعودنا عليه علي طريقة انا لا أكذب ولكني اتجمل

بس انا والحمد لله كدابة فاشلة جداً ولو حاولت بيبان عليا علي طول
اكتر موقف اتعرض في للكذب او قولي للخديعة من شخص المفروض أني كنت مرتبطة بية ومحصلش نصيب ثم أكتشفت بعد كدة انه كان عبارة عن مجموعة من الأكاذيب المنسوجة بنسيج مترابط جداُ لدرجة انه مصدق كل كدبة

ومش ممكن اسامحة طبعا صدمتي كانت كبيرة جداً جداً

أمتي بضطر للكذب بصراحة لما يكون في موقف هايبقي في شكلي وحش ولو اني بصراحة في معظم الحالات بستجمع شجاعتي واقول الحقيقة واتمل نتيجة تصرفي

اما الهزار بقي فانا ايام الدراسة كنت مدمنة مقالب بس بجد مكنتش اعرف انها بتتحسب عليا كدب وانا بطلتها

بالنوسبة بقي لصدمتي في إكتشاف الكدب فانا في الحقية مش بعمل حاجة بكتفي بتجنب صاحب الكدبة وخلاص

طولت انا مش كدا

ستيته حسب الله الحمش يقول...

تسلم ايدك
كتير مش بلاقي رد لأنك كفيتي ووفيتي بس بحب اسلم عليك

بحبك في الله

مسدس صغير يقول...

لما سئل النبى صلى الله عليه وسلم " ايكون المؤمن جبانا قال نعم ايكون بخيلا قال نعم ايكون كذابا قال لا." او كما قال النبى صلى الله عليه وسلم.
الكذب شئ بغيض لا يجب ان يتحلى به اى انسان كائنا من كان.
لان الكذاب يظل يكذب ويتحرى الكذب حتى يكتب عند الله كذابا.
نسأل الله ان يحفظنا من شر انفسنا ومن شر الشيطان انه ولى ذلك والقادر عليه.
جزاكم الله خيرا على الموضوع الاكثر من رائع وجعله الله فى ميزان حسناتك اختى العزيزة.

salma mohamed يقول...

جميل جدا يا موناليزا,
ربنا يجعله في ميزان حسناتك,
وفعلا حتى مثلا كلامنا مع الاطفال زي اسكت وهديك حاجه حلوة اعتبره الرسول عليه الصلاة والسلام كذب,
اما الاسئلة فاعذريني من الرد عليها
هتقلبي عليا المواجع,
ربنا يغفر لنا جميعا.

د. ياسر عمر عبد الفتاح يقول...

فعلاً لازم ننزل كل شىء منزلته
ونسمى كل حاجة إسمها
كل ده كذب .. ومفيش حاجة إسمها كذبه بيضاء وكذبة خضراء .. كله كذب

حاجات صغير فى حياتنا بنعملها وبنسميها أسماء تانية .. لكن هيه كذب

سؤال جانبى: ما أكتر موقف كذب اتعرضت له. ومش قادر تسامح من فعلها معك؟.

مش فاكر موقف محدد

-متى تضطر للكذب؟ حتى لو بهزار.

فى النكت .. ومش عارف حكمها بالظبط لحد دلوقت

-ما رد فعلك إذا أكتشفت كذب من أنت له مصدق؟.

طبعاً شىء مؤسف إنك تكتشف إن حد قريب منك بيكذب
وشىء مستحيل إنك تصاحب كذاب

ريمان يقول...

السلام عليكم

ازيك حبيبتى

الانسان ممكن يتكلم الكلمه ممكن يهوى بها فى نار جهنم


وقال رسول الله صلى الله عليه وسلم لمعاذ وهل يكب الناس على مناخرهم الا حصائد السنتهم؟

سبحان الله

مشكلتنا بجد فى موضوع الهزار ده انه بيكون اكتره بالكدب

المعتصم يقول...

بسم الله الرحمن الرحيم
السلام عليكم ورحمة الله وبركاته
اختى الكريمة موناليزا
تحياتى
كله كذب
معاكى حق
مافيش حاجه اسمها كذبه بيضا وكذبه سودا
كذبه صغيرة وكذبه كبيرة
كله كذب
انما المصيبه اننا كلنا(الا من رحم ربى) بنكذب ونسينا ان الكذب ده له عواقب وخيمه علينا
وانا مثلا مش هقول انى مثالى ومش بكذب انا من الناس اللى احيانا بتضطرها الظروف وممكن اكذب وكتيييييييييير مننا كده وده للاسف راجع لاننا طلعنا لقينا ده طبع فى اللى حوالينا
مش هطول المرة دى علشان تخوفى من الاطاله وانما لاننى لا اجد كلام اكتبه سوى ان ادعو رب العالمين بأن يصلح احوال المسلمين
اللهم امين
موضوع رائع كالعاده
تحياتى ودمتى بكل خير وود
والسلام عليكمورحمة الله وبركاته

واحدة مفروسة يقول...

حلو اوي الموضوع ده يا ليسندرا
فعلا الناس اتعودت على ان تقول كلام مغلوط و خلاص
و فيه ناس بتفتكرها شطارة
و ناس بتفتكرها حدائة

و ناس مش بتفتكرها حاجة خالص لانها اصلا مش حاسة انها بتقول كلام مش مظبوط
و دول اول ناس يقولولك احنا مش بنحب الكدابين
تحياتي

لجين أبو الدهب يقول...

موضوع فى غاية الاهمية لان الناس دلوقتى بس الشئ العادى عندها هو الكذب ..

بس الاحاديث اللى ذكرتيها والله يقشعر لها البدن على مدى الكذب ومدى جرمه ..

وسبحان الله كنت هاقولك الموضوع ده بيفكرنى بموضوع لاأليس لقيتك حاطه .. :)

* ما أكتر موقف كذب اتعرضت له. ومش قادر تسامح من فعلها معك؟

- واحدة أظهرت لى حب بشكل كبير جدا وللاسف كان كل ده كذب وأذتنى أنا وأهلى أذى بليغ .


*متى تضطر للكذب؟ حتى لو بهزار .

- فى الحالة اللى زى فى الحديث .. مع زوجى ممكن ألجأ له فى بعض الأحيان بالهزار وبحاول ابتعد علشان ما يحصلش تعود بس بستغل الرخصة D:

*ما رد فعلك إذا أكتشفت كذب من أنت له مصدق؟

- تعرضت للموقف ده قبل كده .. وحسيت انى صدمت والله لكذا يوم وفقدت الثقة فى ناس كتير اوى حوليا وابتعدت فترة ولكن رجعت بس عارفة لما كل كلمة تطلع انتى واخدها على محمل الكذب فالعلاقة كانت صعبة لان كل الكلام بقى مشكوك فيه .

جزاكِ الله خير حبيبتى موناليزا دايما مواضيعك قيمة ..

ربنا يجعلها فى ميزان حسناتك ..

دمتِ بخير ..

الطائر الحزين يقول...

جزاك الله خيرا

كفايـة طيبـة يقول...

مممم
من المواضيع اللى انا فعلا بحتار فيها
هل اللى ممكن اكذبه ده كذب لا ضرر فيه ولا ممكن اجازى به
وهل فى كذب ربنا بيحاسب عليه وكذب تانى لا؟
موضوع التليفون ده بقي اللى هموت واعرف بجد هل باخد ذنب كل مرة امذب فيها ولا الوزر يقع على اللى قالى انى اقول كدة

ما أكتر موقف كذب اتعرضت له. ومش قادر تسامح من فعلها معك؟
-----
انا عامة مبحبش الكذب
سواء موقف صغير او كبير
بحس انه بيستغفلنى يعني

-متى تضطر للكذب؟ حتى لو بهزار.
مفيش حاجة تخليني مضطرة للكذب مادام معملتش حاجة غلط
هو موضوع التليفون لو اعتبرناه كذب

-ما رد فعلك إذا أكتشفت كذب من أنت له مصدق؟
هتضايق طبعا
ولو طلعت من حد قريب هعنفه كتير
حتى لو كان بيهزر وانا صدقت فعلا

مواضيعك جميلة يابنتى بجد :)
ماشاءالله

Maha يقول...

عايزة اسجل اعجابي بالمدونة دي جدا جدا جدا

يعني ربنا يكرمك يا أمة الله انت وموناليزا

بجد مدونة ما شاء الله تستحق كل تقدير

اسلوبها رائع ومحتواها متزن ومفيد

لن أكثر في المديح لكني أدعو الله أن يجعلها في ميزان حسناتكم ويبارك لكم وفيكم

زهرة الأمل يقول...

الكذب من أبغض الصفات بجد

ومفيش حاجه اسمها كذب أبيض كله كذب

وهانتحاسب عليه ..

شكراً ع التذكره موناليزا

وياريت فعلاً الناس اللى بتعمل كدا بداعى إنه هزار تترك الكذب حتى ولوا كان مزحاً

:)

عاشــــــ النقاب ـقــــة"نونو" يقول...

السلام عليكم
للاسف افة وانا بالنسبة لي اللي بيكدب علي مرة واحدة حتى ان كان كذب له مبرر يعني يدخل في اطار علشان ما تبقاش مصيبة او لاصلاح ذات بين للاسف بفقد الثقة فيه خااااالص ما اعرفش ليه كدة بس اكتر شيء متعب الكدب دة الكداب بتتحرم عليه الجنة ويكتب عند الله كذابا اياك الناس تفوووووقوتفهم لا فيه كد\ب ابيض ولا كاروهات كله كدب
مناسب اوي الموض

الفراشة الصغيرة يقول...

بجد يا عينى علينا

مش عارفه اقولك ايه ياموناليزا

انتى صح

واتمنى نبطل موضوع الحورات دى

Khaled يقول...

أنا حاقولك على موقف إبنى علمنى فية درس أو بمعنى آخر فكرنى بدرس نسيتة مع الأيام و إعتيادنا على الذنوب التى نفعلها غير مدركين لتأثيرها القوى ..
آتانى إبنى يخبرنى أن فلانا يريدنى فقلت لة أخبرة أننى فى الحمام مثلا ..
فذهب الولد ليخبر الرجل بكل صدق أننى قلت لة أن يخبرة أننى فى الحمام ولكننى لست كذلك .. و حينما علمت لمتة لما فعل فما كان منة إلا أن قال لى بكل بساطة ..
بابا هوا أنتا عايزنى أكدب .. !!!!!
أنا لسة واخد فى المدرسة درس عن سوء الإنسان إللى بيتعود على الكذب و إنة بيغضب ربنا ..
أخفيت حمرة خجلى و أخبرت إبنى أن مافعلة كان صوابا و أننى مخطىء ..
لم أبرر لة مافعلت و لم أتخذ أعذارا ولكننى بكل بساطة أردت تثبيتة على موقفة ..
الجدير بالذكر أيضا أن الشخص الذى أردت التملص من مقابلتة رغاى جدا و لا يملك إلا المواقف التافهة ليتحدث فيها فآثرت التخلى عن الصداع الذى أصابنى بعد ذلك و كلفنى اللقاء حبتين ريفو أخضر .

kochia يقول...

عندك حق طبعا
موضوع حلو اوي .. وفعلا ياريت نبطل كذب
حاجات كتير في حياتنا هتتحسن

تحياتي

rovy يقول...

حبيبتى موناليزا الجميله
دمتى متميزه دائما فعلا غاليتى موضوع مهم جدا لأن مع الاسف اصبح الكذب (الابيض ) كما يقولون منتشر جداا
و الناس مش فاهمه ان ده كذب بيتعودوا عليه و يعودوا اولادهم كمان وبتكون النتيجه ان الكذب بيكون شىء عادى و طبيعى عند ناس كثير ..
اما عن اصعب موقف للكذب اتعرضت له
فكان من انسانه عزيزه على قلبى و اكتشفت انها كذبت عليا و عملت عكس اتفاقنا و كماناتصلت تكذب علي و تقولى ان الموقف حصل بشكل تانى و طبعا صدقتها لكن سبحان الله اراد ان يكشف لى كذبها بالدلائل المؤكده و قد كان ..
اما ان اضطر للكذب فلا يجوز الا فى حالة واحده و هو الاصلاح بين المتخاصمين اذ لا يجوز ان انقل ما قاله احد عن احد فى حالة غضب لأن هذا يحمل النفوس و يوسع الفجوه بينهم و ايضا في كل ما يخص الاصلاح و التقارب بين الاهل لأن عكس ذلك يعتبر فساد فى المجتمع
رد فعلى .. فحقيقى بحزن جدا و بيفقد الشخص ده احترامى له و ثقتى به الى ان يثبت العكس و يعترف بخطأه و انه لن يعود اليه ..

دمتى غاليتى سالمه و دمتى دوما متميزه

ارق تحياتى

زوجة عنيدة يقول...

ازيك عاملة اية يا رب تكونى بخير

دائما الدعوة للخير بلاقيها عندك

تصورى انى فعلا فى حاجات كنت بعملها من اللى انتى كتباها بجهاله

وكنت فكراها دعابة

جزاك الله خبر على ما تكتبه وتدعو به للخير

mohra يقول...

اكتر حاجه باكرهها فى الدنيا هى الكدب و الكدابين ..بس كدبه ابريل ديه هزار و الناس بتعرف الحقيقه فى ساعتها و كله بيكون حاجات بسيطه لا يترتب عليها نتايج او قرارات..قصدى ما حدش بيزعل منها

jonoon 3aqel يقول...

موضوع جميل
جزاك الله خير ع التذكير...

سؤال جانبى: ما أكتر موقف كذب اتعرضت له. ومش قادر تسامح من فعلها معك؟

-ما رد فعلك إذا أكتشفت كذب من أنت له مصدق؟

السؤالين دول جوابهم واحد...
انا بشوف ان اللي بيكذب..خاصة و هو بيقول موقف مر بيه..او حاجه حصلت معاه..انا بشوف الانسان ده بعين النقص..و بقول دا عنده مرض نفسي لازم يتعالج منه..
اما اكثر المواقف..ف مممممم مش ف بالي حاجه معينة صراحه..

-متى تضطر للكذب؟ حتى لو بهزار.
ان شاء الله ما اضطرش...و لو اضطريت اتمنى يكون واحد من الثلاث المسموح بيهم

اللهم اعف عنا و اغفر لنا ماقدمنا و ما اخرنا..
اللهم سدد خطانا و اعنا لفعل مافيه صلاح و قرب لجنابك
اللهم ارحمنا برحمتك يا ارحم الرحمين


تحياتي

القدر و انا يقول...

موناليزا
تسلم ايديك
موضوع مهم تعليمه للكبار قبل الصغار
ابنى ذو السبعة سنوات اعلمه ان الكذب بالهزار مثله كالجد تماما
ومفيش حاجة اسمها باضحك معاك
احاول دايما ان اكون صادقة فى اجاباتى له.. لانه يحتاج القدوة
جزاك الله كل خير على ما تقدمين

موناليزا يقول...

مجداوية
ـــــــــ
وعليكم السلام ورحمة الله وبركاته
اختى الحبيبة:الله ينور عليكِ
ونِعم المشاركة اهو ده فعلا مقصدى الكذب الميت اللى هو فى الاسلام "تحرى الكذب" وماتحوية الكلمة من معان
واهى حكاية كدبة ابريل برضه حاجة محزنة يعنى خصصوا شهر لاباحة الكذب قال يعنى طول السنة الناس بريئة وصادقة
ربنا يقدرنا ونساعد بعض فى التخلص من بعض العادات الذميمة
نورتينى حبيبتى وربنا يوفقك يارب







*********************************






هذه حياتى
ـــــــــــــ
وعليكم السلام ورحمة الله وبركاته
اهلا بيك يافندم
جزانا واياكم وتقبل الله دعائك
واشكرك جدا على مشاركتك المتميزة
دمت طيبا ولمدونتى زائرا





***********************************






صمت الحنين
ـــــــــــــــ
اختى الحبيبة:ربنا يكرمك يارب اشكرك جدا فماتوفيقى الا بالله
معاكِ حق والله
اللهم اجعلنا ممن يستمعون الى القول فيتبعون احسنه
اشكرك جدا لمشاركتك
نورتينى حبيبتى ودمتِ بخير







*********************************







الفقيرة الى الله ام البنات
ـــــــــــــــــــــــــــ
اختى الحبيبة:اصبتِ فالمسميات الحديثة الان أنستنا حقيقة مانفعله من ذنوب يعنى الكذب بقى هزار والرشوة بقت هدية
والنصب بقى شطارة وفهلوة .... وربنا يعافينا

الله عليكِ اجابة جميلة(على فكرة انا بعمل الحركة دى كتير بس الاسئلة مابتخلصش ليه مش عايزة تقولى وايه اللى هيحصل لما تقولى وهكذا.. وربنا يطولك ياروح هههههه)

الله ينور عليكِ ايه دخل الهزار بالكذب؟ ده والله نفس سؤالى
اما عن رايك فى الشخص الكاذب فعندك حق
طولى براحتك انا مبسوطة جدا بمشاركتك
نورتينى حبيبتى ودمتِ بخير







**********************************





نبض الحياة
ــــــــــــــ
اختى الحبيبة:ربنا يكرمك اشكرك جدا لرايك
عندك حق
ربنا يعوض عليكِ ويدى لكل واحد على قد نيته
غريبة بجد ان الشحض مايحسش ان اللى قدامه رافض التعامل معاه
اشكرك جدا لمشاركتك وربنا يبعد عنك اى حاجة وحشة
نورتينى حبيبتى ودمتِ بخير






*******************************





ذكرى رحيل قلم
ـــــــــــــــــ
وعليكم السلام ورحمة الله وبركاته
اختى الحبيبة:ما اجمل مشاركتك
ربنا يعزك ويرضى عنك
نورتينى حبيبتى ودمتِ بخير





*********************************





بيترفلاى
ــــــــــــ
اختى الحبيبة:الله يكرمك ده بس من ذوقك فماتوفيقى الا بالله
نورتينى حبيبتى واسعدنى تواجدك





*******************************





مدحت محمد
ــــــــــــ
اهلا بيك استاذ مدحت
اول مرة اعرف الكذبة دى ورقم ايه ده بقى يكونش رقم الحانوتى :)

النت فعلا عالم تانى اوسع كتير من الاولانى اللى احنا عايشين فيه ومش كل اللى بتقابلهم صادقين وبيتعاملوا بشخصيتهم الحقيقية وعشان كده رايى ان اللى يحب يرتبط سواء بنت او ولد يفكروا فى العالم الواقعى اللى عايشين فيه وفى الاشخاص اللى بيتعاملوا معاهم فى الحقيقة
عموما المفروض تكون نسيت بقى ربنا يباركلك فى خطيبتك ويرزقك حبها
اشكرك جدا لمشاركتك
دمت طيبا ولمدونتى زائرا





********************************





صمت المشاعر
ـــــــــــــــ
اختى الحبيبة:ربنا يعزك ويرضى عنك
اشكرك جدا لدعائك ربنا يتقبل ولكِ بالمثل ان شاء الله
نورتينى حبيبتى ودمتِ بخير




********************************





ابوعلى
ــــــــــ
اهلا اهلا بصاحب التعليقات المميزة

هنكذب ايه بقى بعد ماقلت على العنوان فى الاخر:)
ربنا يعزك وينفع بيك
اشكرك جدا لمشاركتك
دمت طيبا ولمدونتى زائرا




********************************




محاسن صابر
ــــــــــــــ
اختى الحبيبة:عارفة ياسونا اننا مش ملايكة بس على الاقل نحاول ناخد بالنا ومانستسهلش الذنوب
ربنا يسعدك ويجعلنا ممن يستمعون الى القول فيتبعون احسنه
اشكرك جدا لمشاركتك
نورتينى حبيبتى ودمتِ بخير





*********************************




وومن
ـــــــــ
اختى الحبيبة:فعلا الكدب كدب مهما كانت درجة بساطته
ايه ده بصرة:) انا كمان لو كدبت تلاقى وشى احمر وسخنت وارتبكت وبقت حالتى حالة
سبحان الله نفس الموقف اللى اتعرضت ليه برضه:) (ايه الموضوع:))
ربنا يعوض علينا
جميل انك بطلتى المقالب اهى دى بقى مختلفين فيها عمرى ماعملت مقلب فى حد حتى وانا صغيرة:)
نفس موقفى:) برضه ببعد او بحاول اتتجنبه قدر المستطاع
يابنتى طولتى ايه بس ده انتى كأنك بتتكلمى عنى يعنى كمان كلمتين كمان وكأنك بتوصفى شخصيتى:)
اشكرك جدا لمشاركتك التى اسعدتنى
نورتينى حبيبتى ودمتِ بخير




*******************************





ستيتة حسب الله الحمش
ـــــــــــــــــــ
اختى الحبيبة:انتى تنورينى دايما ويكفينى طلتك وزيارتك الغالية
وربنا يسلمك من كل شر ويفرح قلبك يارب وماتحرمش منك ابدا
ربنا يكرمك يارب فماتوفيقى الا بالله
نورتينى حبيبتى ودمتِ بخير







*********************************





مسدس صغير
ــــــــــــ
اهلا بيك يافندم
ربنا يكرمك ويتقبل دعائك واشكرك جدا على مشاركتك المتميزة
دمت طيبا ولمدونتى زائرا





*********************************





سلمى محمد
ــــــــــــــ
اختى الحبيبة: ربنا يعزك ويرضى عنك اشكرك جدا لرايك فماتوفيقى الا بالله
ما اجمل مشاركتك
ربنا يبعد عننا جميعا المواجع ويسعدك ياحبيبتى
نورتينى سلمى الجميلة ودمتِ بخير




*********************************





د. ياسر عبد الفتاح
ـــــــــــــــــــــ
اهلا بيك يادكتور
الله يفتح عليك اهو ده الكلام
اشكرك جدا لمشاركتك
دمت طيبا ولمدونتى زائرا




*********************************





ريمان
ــــــــــ
وعليكم السلام ورحمة الله وبركاته
اختى الحبيبة:انا الحمدلله بخير ازيك انتى ياقمر
وعشان كده عايزين ناخد بالنا بعد كده
"تحسبوه هين وهو عند الله عظيم"
اللهم اجعلنا ممن يستمعون الى القول فيتبعون احسنه
اشكرك جدا لمشاركتك
نورتينى ريمو الجميلة ودمتِ بخير




**********************************




المعتصم
ــــــــــــ
وعليكم السلام ورحمة الله وبركاته
اهلا بيك يافندم
انا معاك ان ده بقى العادى وعشان كده عايزين نحاول نصلح من نفسنا عشان نبقى قدوة حسنة للاجيال القادمة
اشكرك جدا لرايك ولمشاركتك
ونِعم الختام ربنا يتقبل دعائك
دمت طيبا ولمدونتى زائرا






********************************




واحدة مفروسة
ــــــــــــــ
اختى الحبيبة:اشكرك جدا لرايك
تعديل بسيط اسمى موناليزا بس ممكن امشى ليسندرا دلع ليا عادى يعنى:)
تصدقى فعلا صح
تبقى بتتعاملى مثلا مع حد طول الوقت بيعمل مقالب واشتغالات وييجى فى الاخر يقول انا مابحبش الكدب امال سيادتك ايه طيب!
اللهم اجعلنا ممن يستمعون الى القول فيتبعون احسسنه
اشكرك جدا لمشاركتك
نورتينى حبيبتى ودمتِ بخير





*********************************




لجين ابو الدهب
ـــــــــــــــ
اختى الحبيبة:اشكرك جدا لرايك
امال لو قرأتِ التعليقات اضافوا برضه احاديث تانية جميلة
فعلا موضوع اليس مهم جدا واحب الكل يقرأه
- ربنا يسامحها
- ربنا يسعدكم
اشكرك جدا لرايك ولمشاركتك
ربنا يكرم ويتقبل دعائك
نورتينى لجين الجميلة ودمتِ بخير





*********************************





الطائر الحزين
ـــــــــــــــــ
اهلا بيك يافندم
جزانا واياكم اخى الكريم
دمت طيبا ولمدونتى زائرا




***********************************





كفاية طيبة
ـــــــــــــ
اختى الحبيبة:ياريتنى كنت اقدر افيد لكنى لست اهلا للفتوى ولكن تجنبا للشبهات حاولى تبتعدى عن الموقف ده اعملى زيي لو هتحط فى الموقف ده بدخل الحمام ومابردش على التليفون:)
اشكرك جدا لرايك ولمشاركتك
والله انتى اللى جميلة وانا بحبك جدا
نورتينى حبيبتى ودمتِ بخير





***********************************






مها
ــــــــ
اختى الحبيبة:اهلا بيكِ فى زيارتك الاولى
اشكرك جدا ياجميلة فماتوفيقى الا بالله
ربنا يعزك يارب ويبارك فيكٍِ
الحمدلله فهذا من فضل ربى
على فكرة أمة الله وموناليزا شخص واحد
فأنا أمة الله/ موناليزا (للتوضيح بس)
اللهم لاتؤاخذنى بمايقولون واغفرلى مالايعلمون واجعلنى خيرا ممايظنون
نورتى مدونتى مها الجميلة واسعدتينى بزيارتك وتعليقك
وانا ومدونتى فى انتظارك دائما





********************************





زهرة الامل
ـــــــــــــ
اختى الحبيبة:ربنا يكرمك واشكرك جدا لرايك ولمشاركتك
اللهم اجعلنا ممن يستمعون الى القول فيتبعون احسنه
نورتينى حبيبتى ودمتِ بخير





********************************





عاشقة النقاب
ـــــــــــــــــ
وعليكم السلام ورحمة الله وبركاته
اختى الحبيبة:اهلا اهلا بعد طول غياب
اشكرك جدا لرايك ولمشاركتك
نورتينى حبيبتى ودمتِ بخير






*********************************





الفراشة الصغيرة
ـــــــــــــــــ
اختى الحبيبة:ربنا يغفرلنا تقصيرنا وذنوبنا جميعا ماتعلمها ومالانعلمها
اللهم اجعلنا ممن يستمعون الى القول فيتبعون احسنه
اشكرك جدا لمشاركتك
نورتينى حبيبتى ودمتِ بخير





*********************************






خالد
ــــــــــ
اهلا بيك استاذ خالد
الله عليك
عجبنى اوى رد فعلك مع ابنك ربنا يباركلك فيه ويخليك ليه
بالنسبة للتصرف مع هذا الشخص أقولك ياسيدى شوية اقتراحات كنت قرأتها فى كتاب عن الاتيكيت
ممكن تقفل معاه فى الكلام. ممكن تنهى الحوار باسلوب مباشر (اسف مضطر اقفل دلؤتى). لو عندى وقت هبقى اكلمك تانى
وفيه اقتراح تانى من عندى
خلى الولاد ييجوا يلعبوا بالقرب من التليفون وتتعلل بان الاولاد عاملين دوشة وانت مش سامع
ولا تغرم حبتين ريفو ولا حاجة:)
(اى خدمة)
اشكرك جدا لمشاركتك
دمت طيبا ولمدونتى زائرا




***********************************





كوشيا
ـــــــــ
اختى الحبيبة:اشكرك جدا لرايك ولمشاركتك
ولنفعلها جميعا ابتغاء مرضات الله
نورتينى حبيبتى ودمتِ بخير




*******************************





روفى
ـــــــــ
اختى الحبيبة:اهلا اهلا بالقمر
اشكرك جدا لرايك ولمشاركتك
ربنا يعافينا يارب
الحمدلله ان الحقيقة بانت واكتشفتِ كذبها بنفسك
ربنا يبارك فيكِ ويحفظ لك بناتك
وسلامى لمريوما
نورتينى روفى الجميلة ودمتِ بخير





*********************************





زوجة عنيدة
ـــــــــــــ
اختى الحبيبة:انا الحمدلله بخير ازيك انتى ياقمر
ربنا يكرمك فهذا من فضل ربى
لنطهر انفسنا الان ونتوب من هذا الذنب
اللهم اجعلنا ممن يستمعون الى القول فيتبعون احسنه
اشكرك جدا لرايك ولمشاركتك
نورتينى حبيبتى ودمتِ بخير





***********************************




مهرة
ـــــــــ
اختى الحبيبة:بس برضه تعتبر كذب لان ببساطة ممكن اللى بيتكدب عليه او بيتعمل فيه المقلب ده بيزعل او يتخض او يخاف او ما الى ذلك وديننا امرنا اننا لانروع مسلم ومن وجهة نظرى شايفة ان ده بالذات بيسمى بتحرى الكذب اللى رسولنا صلى الله عليه وسلم نهانا عنه هذا والله اعلم
اشكرك جدا لمشاركتك
نورتينى حبيبتى ودمتِ بخير




*********************************





جنون عاقل
ـــــــــــــــ
اهلا بيك يافندم
اشكرك جدا لرايك ولمشاركتك
ربنا يكرمك ويتقبل دعائك
دمت طيبا ولمدونتى زائرا



**********************************




القدر وانا
ــــــــــــ
اختى الحبيبة:اشكرك جدا لرايك ولمشاركتك
ربنا يعزك يارب ويباركلك فيه
اهو كدا القدوة والتربية ربنا يعينك ويقدرك
نورتينى حبيبتى ودمتِ بخير

رفقة عمر يقول...

موناليزا ازيك
اسفه على التاخير كنت مسافره
بجد موضوعك دة مهم جدا
لان كم من انسان يدمر وتنهار حياته بسبب كذب الاخرين وخداعهم
ربنا يرزقنا الصدق فى اقوالنا اللهم امين يارب العالمين

TIMMY !! يقول...

ربنا يقينا شر الكذب و الكذابين ,
و لا يحوجنا إليه ,

جزاكم الله خيرا

حاجات جوايا يقول...

تسلم ايدك يا حبيبتى
ربنا يبارك فيكِ ويجزيكى عنا خير الجزاء يارب

للأسف الكذب انتشر فى زمننا بشكل ملحوظ .. وادينا كمان داخلين على شهر الكذب

جعلنا الله دائما وابدا من الصادقين
وحفظنا من الكذب كبيره وصغيره ومن لغو الحديث

خالص ودى

حواء يقول...

كلامك صح
كله صح
انا اعرف واحده صحبتي مووت خالتها علشان متروحش الشغل
قالت معلش اصل خالتي ماتت مش هقدر اجي
ومره كنا مع بعض في الساحل وبرده عيت امها علشان تعتذر عن الشغل وتكمل اجازتها
كدددددددددددددب
واللي بيكدب في الصغيره يكدب في الكبيره
ودايما ماما تقولي
اللي كدب يسرق
واللي يسرق يزني واللي يزني يعمل اي حاجه وحشه في الدنيا
والله فعلا
انا صحبتي ديه وصلت والله اعلم للزنا
ربنا يهدينا
أنا عن نفسي بمنع تلات حاجات مهمه جدا في حيات بنتي
1 - الكدب بكل صوره حتي وهي مش فاهمه
لو قولت هخرجكك يبقي لازم حتي لو مخرجتهاش بخلي بابا يخدها معه ان شالله المسجد
2 - ان اي حد يغلط في ابوها حتي لو من غير قصد
3 - والشتيمه بكل انوعها حتي البسيطه منها زي ياحماره وياجموسه
وببدلها يابرتقاله يابطيخه وكده
وياما ناس قالت ان فلان ديدنه الكدب وللاسف هي اللي ديدنها الكدب
لانه كما تدين تدان

أما عن اسئلتك
ما أكتر موقف كذب اتعرضت له. ومش قادر تسامح من فعلها معك؟.
لما جوزي قالي ان فيه واحده عايز يعرفني عليها وان مفيش بينه وبينها حاجه
وبعد تلات سنين جه يقولي بحبها وعايز اتجوزها وانه كان بيحبها من قبل ميعرفني واني بكلمي معه عليها صحيت جواه الحب القديم
فعلا مش هسمحه ليوم الدين هما الاتنين لانهم خدعوني قبل ميكدبوا عليا
ودمروا بيت كان ماشي بقدرة ربنا
وانا متأكده ان جوزي هيتجوز وهيشوف بعينه اللي هيحصل في بنت من بناته من مراته الجديده ديه اللي بيحصلي ده وهيشرب من نفس الكاس اللي شربت منه


-متى تضطر للكذب؟ حتى لو بهزار.
انا قولت قبل كده علشان مزعلش حد عزيز عليا

-ما رد فعلك إذا أكتشفت كذب من أنت له مصدق؟.
بيتهد كل اللي بيني وبينه
ومهما عمل
انا ممكن استحمل نرفزه قلة زوق
لكن خديعه تإذيني في مشاعري وحبي لا
يبقي تتهد الدنيا وابعد عن الشخص ده
تحياتي علي بوستك
وشايفه ناس كتير محدش جاوب
وخصوصا سوتيته

فراشة يقول...

ما أكتر موقف كذب اتعرضت له. ومش قادر
تسامح من فعلها معك؟.

أول واحد اتخطبتله كان مفهمني ان دخله قليل جداو كنت صابرة عليه انا و اسرتي و فجأة أكتشفت ان دخله اربع اضعاف اللي كان قايلهولي
بس ما كانش عايز يقولي مرتبه الحقيقي لانه كان عايز يحوش من ورايا بدون سبب
طبعا رفضت أكمل معاه لانه من اولها بدأها كذب


-متى تضطر للكذب؟ حتى لو بهزار.

قليل أما أكذب
بس لو هزرت بعد ما أخلص الهزار بأفهم اللي هزرت معاها اني كنت باهزر

-ما رد فعلك إذا أكتشفت كذب من أنت له مصدق؟.

بأكرهه

دمتي بكل ود
الزيارة الاولى و ليست الاخيرة ان شاء الله

موناليزا يقول...

رفقة عمر
ـــــــــــ
اختى الحبيبة:اهلا اهلا بالقمر بعد طول غياب
حمدالله على السلامة ونورتى النت كله
انا الحمدلله بخير ازيك انتى ياحبيبتى يارب تكونى بخير
اشكرك جدا لرايك ولمشاركتك
وربنا يتقبل دعائك ويرزقنا جميعا الاخلاص والصدق فى القول والعمل
نورتينى حبيبتى ودمتِ بخير







**********************************





تيمى
ــــــــ
اهلا بيك يافندم
ربنا يكرمك ويتقبل دعائك
اشكرك جدا لمشاركتك
دمت طيبا ولمدونتى زائرا





*********************************





حاجات جوايا
ــــــــــــــــ
اختى الحبيبة:ربنا يكرمك يارب ماتحرمش منك ابدا
اشكرك جدا لرايك ولمشاركتك
ورزقنا الله جميعا الاخلاص والصدق فى القول والعمل
نورتينى سالى الجميلة ودمتِ بخير




******************************




حواء
ــــــــــ
اختى الحبيبة:اهلا اهلا بأم فاطمة الغالية
فكرتينى بواحدة كانت معايا فى الدفعة وبنتدرب مع بعض فى مدرسة واحدة ولقيتها برضه يتموت جدتها عشان تمشى فى نص اليوم واللى خلاها تكتشف ان على مدار السنة موتت جدتها3 مرات:)

مامتك معاها حق فالمسلم لا يكذب
اما عن صاحبتك فاستغفرى لكِ ولها فإن بعض الظن اثم وانتى عارفة الموضوع ده بالذات محتاج اربع شهود.. ربنا يهديها يارب

ربنا يكرمك ويباركلك فيها عاجبنى جدا اسلوب تربيتك لها ايوا كده فنحن مسلمين:)يعنى قدوة حسنة

اسمحيلى استفسر بس يعنى ايه واحدة جوزك يعرفك عليها؟ هى قريبته مثلا ولا ايه؟ وهو كان يعرفها منين اصلا؟ وانتى ازاى تسمحى بكده؟
عموما مش ده المهم اللى حصل حصل ربنا يصبرك ويعوض عليكِ
اما عن ماسيلاقيه زوجك
سأقول لكِ انى حينما كنت متزوجة وقبل مافكرة الطلاق حتى تيجى فى بالى(كنت لسة عروسة ) كنت بدعى ان ربنا يرزقه ببنت وزوجها يعمل معاها زى مابيعمل معايا وكنت ناسية خالص انى ممكن بكده اكون بدعى على بنتى من غير مااقصد وسبحان الله ان بنتى تموت بداخلى
http://monaliza110.blogspot.com/2008/02/blog-post_25.html

اقول لكِ هذا حتى لاتتمنى ان يحدث اى مكروه لابنته فلعلها تكون ابنتك انتِ ايضا قولى حسبى الله ونعم الوكيل وهو كفيل ان يجيب لك حقك سريعا ان شاء الله

اشكرك جدا لرايك و لمشاركتك وسوتيتة ياستى ثبتتى بتعليقها فماعرفتش اطالبها بالاجابة:)
نورتينى حبيبتى ودمتِ بخير





*******************************





الفراشة
ـــــــــــــ
اختى الحبيبة:اهلا بيكِ فى زيارتك الاولى
الحمدلله انك اكتشفتى كذبه وانتى لسه على البر
اشكرك جدا لمشاركتك
نورتى مدونتى وفى انتظارك دائما

اللؤلؤة يقول...

موناليزا
السلام عليكم
بوست رائع
ومن عجب العجاب أن بعض الناس
يصنفون الكذب على هواهم فمنهم من يسميه كذبة نيضاء وأنا بضحك ودا تهريج
ولكن منرأيى كله كذب
دمت بكل الخير

سلوى يقول...

مش بحبه خااااااااالص

ومفيش شئ يضطرني أكدب

لأني بعتبره جبن
الإنسان بيكذب لأنه خايف

ومش المفروض تخاف غير من اللي خلقك وبس
واللي خلقك مش عايزك تكذب

موضوع جميييييييييييل
ربنا يجازيكي كل الخير

د.صيدلانية يقول...

جزاكِ الله خيراً على البوست ده
مهم جداً جداً
الكدب هوه الكدب
مش شرط علشامن ميضرش حد اننا نكدب
انا شخصيا اعرف ناس
بتكدب وهيه قاعدة فى اى قعدة
لمجرد تحكى حكايات علشان تسلى الموجودين
حاجة مقرفة جداً
وبقت صفة فى الناس مش يقدروا يبطلوها
بارك الله فيكِ

ghorBty يقول...

السلام عليكم

ربنا يكرمك يا موناليزا

انت قلتي كل حاجه في البوست

اكتفي بقول الله تعالي

إنما يفتري الكذب الذين لا يؤمنون بآيات الله وأولئك هم الكاذبون) (النحل: 105

ربنا يجعل ما تخطوه يداك في ميزان حسناتك يارب

اسال الله لك صلاح الحال ورغد العيش

دمت بكل خير

طالبه الفردوس يقول...

السلام عليكم

اختى الحبيبه عندك حق جدااا
حياتنا اصبحت قائمه على الكذب فعلا وحسبى الله ونعم الوكيل
لازم نغير من نفسنا لان كل كلمه هنتحاسب عليها اما حسنه او سيئه لا ثالث لهما
جزاكى الله خيرا على الموضوع الهام جداااا

وادعوكى اخيتى للمشاركه معنا فى حمله لو عرفوه هيحبوه لنصره النبى صلى اله عليه وسلم
وايميل الحمله law3refoh@yahoo.com

د.خالدأمين يقول...

سلام عليكم


تحضرني قصه بالنسبه للكذب هذا

ان الامام البخاري رحمه الله سافر لمسافات طويله حتي يتعلم الحديث من رجل علي علم به فلما حضره وجده يهيء لدابته بطعام في كيسه ولما حضرت امسك بلجامها
فلما راي ذلك الامام البخاري هم بالعدول عن الرجل وادرك انه لما يكذب علي دابته فمن السهل ان يكذب علي ربه



اشكرك بشده علي الموضوع الجميل


ولكن هناك نوعا من الناس يسبقهم لسانهم في الحلف مثلي انا

ارجو من الله ان يعافيني من تلك العاده ويغفر لي ما حصل



اشكرك

ماما أمولة يقول...

ماشاء الله تدوينة اكثر من رائعة

جزاك الله كل الخير

مدونة حكومتى ملاك يقول...

السلام عليكم ..

قال رسول الله صلى الله عليه وسلم "أنا زعيم لأهل بيت فى الجنة لمن ترك الكذب ولو مازحا ".
أو كما قال صلى الله عليه وسلم .

شكرا على الموضوع الجميل .

وتقبلى مرورى .

موناليزا يقول...

اللؤلؤة
ـــــــــــــ
وعليكم السلام ورحمة الله وبركاته
اهلا بيك يافندم
اشكرك جدا لرايك ولمشاركتك
ورزق الله الجميع الصدق والاخلاص فى القول والعمل
دمت طيبا ولمدونتى زائرا




*********************************





سلوى
ـــــــــ
اختى الحبيبة:اوقات مش بيبقى جبن بيبقى مثلا استعباط او استخفاف بالدم زى برامج المقالب كده
عافاا الله واياكِ من اللجوء اليه تحت اى ظرف
اشكرك جدا لرايك ولمشاركتك
نورتينى حبيبتى ودمتِ بخير




*********************************




د.صيدلانية
ـــــــــــــــ
اختى الحبيبة:ربنا يكرمك واشكرك جدا لرايك ولمشاركتك
فعلا ده من ضمن حاجات كنت اقصدها فى الموضوع
رزقنا الله الصدق دائما فى القول والعمل
نورتينى حبيبتى ودمتِ بخير





**********************************





غربتى
ـــــــــــ
وعليكم السلام ورحمة الله وبركاته
اختى الحبيبة:ونِعم المشاركة
ربنا يكرمك يارب ويتقبل دعائك ويفرحنا بيكِ قريب:)
نورتينى حبيبتى ودمتِ بخير





*********************************





طالبة الفردوس
ــــــــــــــــــ
وعليكم السلام ورحمة الله وبركاته
اختى الحبيبة:ربنا يكرمك واشكرك جدا لرايك ولمشاركتك
اشكرك على دعوتك الغالية بس ممكن استفسار
هى الحملة ليها موقع او مدونة ولا هى مجرد ايميلات؟
والايميل ده مين معاه الباسوورد بتاعه؟
نورتينى حبيبتى وفى انتظار اجابتك





*********************************




د.خالد امين
ــــــــــــــــ
وعليكم السلام ورحمة الله وبركاته
اهلا بيك يادكتور
ربنا يكرمك على مشاركتك المتميزة واضافة هذا الموقف
ربنا يعينك على توقيف هذا الذنب سريعا يارب
اشكرك جدا لرايك ولمشاركتك
دمت طيبا ولمدونتى زائرا




********************************





ماما امولة
ـــــــــــــــــ
اختى الحبيبة:ربنا يكرمك واشكرك جدا لرايك
نورتينى حبيبتى ودمتِ بخير





***********************************






مدونة حكومتى ملاك
ـــــــــــــــــ
وعليكم السلام ورحمة الله وبركاته
اهلا بيك يافندم
اشكرك جدا لرايك ولمشاركتك
دمت طيبا ولمدونتى زائرا

ســـــــهــــــــــر يقول...

واحة الرقى و الصفاء و الايمان
مدونتك الجميله اللى بحبها جدا
و بحس براحة نفس فيها
و بشوف الدنيا بخير طول ما فيها شباب بنقائك و جمال مجهودك
اد ايه ديننا جميل و التزامنا باخلاقه يخلى مجتمعنا مثالى
وفقك الله

Gannah يقول...

ازيك يا موناليزا؟؟
بوست جميل لانى لاحظت ان فيه ناس كتير بتروج للى بيسموه الكدب الابيض وطبعا احنا قربنا على ابريل وتقليعة كدبة ابريل فالبوست جاى فى وقته يفكر الناس انه لا يوجد مبرر للكذب وانه غير مسموح بيه الا فى ثلاث حالات وهى الحرب او الاصلاح بين متخاصمين او بين الزوج والزوجة (يعنى يقلها انها جميلة حتى لو مكنتش كده..مش يكدب فى حاجات تانية)
انا الحمد لله لا اكذب والصدق دائما بفضل الله ينجينى واجد الناس تقدره حتى وان اصابنى الخوف فخوفى من ان اكتب عند الله كاذبة يكون اكبر
جعلنا الله واياكِ من الصادقين
تحياتى

الربان يقول...

تحياتي

اشكرك لانك بتفكرينا دائما بمكارم الاخلاق....
الرسول صلي الله عليه و سلم قال فيما معناه " انما بعثت لاتمم مكارم الاخلاق ".

وقال صلي الله عليه وسلم:
( أربع من كن فيه كان منافقاً خالصاً , ومن كانت فيه خصلة منهن كانت فيه خصلة من النفاق حتى يدعها : إذا أؤتمن خان , وإذا حدث كذب , وإذا عاهد غدر , وإذا خاصم فجر )

و يقول :
( عليكم بالصدق فإن الصدق يهدي إلى البر , والبر يهدي إلى الجنة , وما يزال الرجل يصدق ويتحرى الصدق حتى يكتب عند الله صديقاً , وإياكم والكذب , فإن الكذب يهدي إلى الفجور , والفجور يهدي إلى النار , وما يزال الرجل يكذب ويتحرى الكذب , حتى يكتب عند الله كذاباً )

و يقول الله تعالي "إن الله لا يهدى من هو مسرف كذاب" .


تحياتي و تقديري

حاول تفتكرنى يقول...

الكذب يتطلب جهدا كبيرا ، ووقتا اطول ، وعصفا ذهنيا مضني
لا أحد يستطيع الاقرار يكذب أو يحب الكذب ، فالكذب مذموم حتى ممن يكذب

حتى الكذاب يتمني لو لم يكذب كذبة واحدة لكنه لا يستطيع لأنه اعتاد عليه

الكذاب يضطر للكذب عندما يكون خائفا جبانا ، أو علىخطأ مخجل
نتمني من الله إلا نكون

أحييك بشدة

wanna b a physician يقول...

اكثر مرة تعرضت للكذب ومش قادر اسامح كان من اقرب شخص لقلبى كان يكذب ليبرر ما فعله معى ويتخفى وراء الاعزار حتى انسى ما فعل


اما الكذب حتى لو بهزار لا احبه

احيانا احاول تبرير كذبه حتى لا افقد ثقتى بالناس ولكن لو تأكد لى انه طبعه فلا اعامله ولا اصدقه


تحياتى

موناليزا يقول...

سهر
ــــــــ
اختى الحبيبة:اهلا اهلا بالقمر
ايه الكلام الجميل ده كده هتغر:)
ربنا يسعدك يارب ده بس من ذوقك فهذا من فضل ربى
كلامك ده شرف كبير ليا
اللهم لاتؤاخذنى بمايقولون واغفرلى مالايعلمون واجعلنى خيرا ممايظنون
اللهم اجعل طاعتك احب الاعمال الى قلوبنا
اللهم يامقلب القلوب ثبت قلوبنا على دينك
اشكرك جدا لتواجدك
نورتينى سهر الجميلة ودمتِ بخير







*******************************





جنة
ــــــــ
اختى الحبيبة:اهلا اهلا بالقمر
انا الحمدلله بخير ازيك انتى ياجميلة
فعلا المسميات اختلفت لكن المعنى واحد وده ناس كتير مش بيفكروه ذنب
ربنا يعافينا جميعا يارب ويتوب على الجميع
اشكرك جدا لرايك ولمشاركتك
نورتينى جنتى الجميلة ودمتِ بخير





*********************************





الربان
ـــــــــــ
اهلا بيك يافندم
الشكر لله فماتوفيقى الا به والحمدلله الذى هدانى للكتابة فى هذا الموضوع
اشكرك جدا لرايك ومشاركتك
دمت طيبا ولمدونتى زائرا





*********************************




حاول تفتكرنى
ـــــــــــــــ
اهلا بيك يافندم
او ممكن يكون بيهزر وفى الاخر كله برضه كذب
على فكرة فيه ناس مش بتفكر انها بتكذب رغم ان كل كلامها كذب
اشكرك جدا لمشاركتك
دمت طيبا ولمدونتى زائرا




*********************************





ونا بى فيزيائى
ــــــــــــــــ
اهلا بيك يادكتور بعد طول غياب
اشكرك جدا لمشاركتك
دمت طيبا ولمدونتى زائرا

حسام غانم يقول...

فعلا صح جدا إن اللسان لو اتعود عالكذب بيبقى بيكذب بشكل لا إرادي تلقائي

المفروض نعود لساننا على عدم الكذب

وحلو جدا الكاريكاتير ده

عجبني

موناليزا يقول...

حسام غانم
ـــــــــــــ
اهلا بيك استاذ حسام
اشكرك جدا لرايك ولمشاركتك
اللهم ارزقنا الصدق والاخلاص فى القول والعمل
دمت طيبا ولمدونتى زائرا

كفايـة طيبـة يقول...

هو انا ممكن اتكلم شوية بدل ما اطق
انا تعبت من موضوع الكذب ده بجد
هو احنا عادي ممكن نكذب عشان نبرأ نفسنا ونتهم غيرنا بحاجة احنا اللى عملناها ؟
لا كمان مش بس بنكذب
داحنا كمان بنحلف بربنا كذب
معقول ممكن حد يحلف بالله كذب فى سبيل انه يبرأ نفسه من دفع 26 جنيه مثلا
مش ممكن
والله العظيم مش مصدقة ان ممكن حد يهون عليه يحلف بربنا انه معملش حاجة وهو عملها فعلا
وعارف وهو بينطق كدة انه هو اللى عملها
انا مصدومة
مصدومة لاقصي درجة

المـــفـــــــقــــــــوعـــــة مــرارتـهــا يقول...

نورتيني في المدونة
انا اسمي سحر سمير ياجميل بس اسم جدو غريب فاختصرت الاسم لسحر غريب
لانه عاجبني اكتر ومميز اكتر
بالنسبة لاسم المدونة فانا هااغيرها بصورة دائمة لاني مابقتش اتكلم عن مقالب الحماوات بس وعاوزة اغير وبصراحة العشرة مش هاينة عليا ومش عاوزة اغير العتبة فقلت اغير الاسم
واسم لقمة في الزور لسة بافكر فيه
انتي ايه رأيك حلو والا اغيره؟ انا لسة مااستقريتش عليه

اما بالنسبة للكذب فانا من الناس اللي لو حد كذب عليها بتبطل تصدقه طول العمر

موناليزا يقول...

كفاية طيبة
ـــــــــــ
اختى الحبيبة:اتكلمى براحتك ولا يهمك
كلى آذان صاغية:)
امال تقولى ايه فى اللى حلفت على المصحف كذب واللى بتحلف بوضوئها(اول مرة كنت اعرف ان الوضوء بقى قسم :)) وتفترى على الناس بالكذب واللى بيشهد زور...
هنقول ايه بس ربك كبير قادر على كل شئ يغيرها فى لمحة
اجعلى عزائك مثلى بأن الله هو المطلع عليهم
وحسبى الله ونعم الوكيل فى كل من يغضب الله ورسوله
سعيدة بزيارتك ومبسوطة بتواجدك
نورتينى ياجميلة





********************************





المفقوعة مرارتها
ـــــــــــــــــــ
اختى الحبيبة:اهلا اهلا بعد طول غياب
تعرفى ان فعلا سحر غريب اسم موسيقى:)
جميل ياسوسو انتى معقول تختارى حاجة وحشة على بركة الله بس واضح ان المواضيع هتكون جامدة وموجعة
ربنا يوفقك ياحبيبتى فى كل ماتقدمين عليه
ربنا يعافينا جميعا ويبعد الكذب بكل مسمياته عن حياتنا
اشكرك جدا لمشاركتك
نورتينى حبيبتى ودمتِ بخير

mUsLiM يقول...

جزاكم الله خيرا يا أختى على كلامك الطيب

وأسأل الله أن يجعل تذكيرك لنا هذا فى ميزان أعمالك يوم القيامة

وحقا لا يكون المؤمن كذابا ،،

نسأل الله أن يغفر لنا عثرات ألسنتنا

والله من وراء القصد

السلام عليكم

موناليزا يقول...

مسلم
ـــــــــــ
اهلا بيك يافندم
ربنا يكرمك واشكرك جدا لمشاركتك
ورزقنا الله جميعا الصدق فى القول والعمل
دمت طيبا ولمدونتى زائرا

الطالبة عفو الله يقول...

حبيبة قلبي الموناليزا

أشهد الله اني احبك في الله

بجد ما شاء الله عليك احيي فيك حبك و غيرتك على دينك

ربنا يبارك فيك يا رب و ينفع بيك

الكذب موضوع مهم جدا لقد انشر بشكل كبير رغم حرمته و اصبح الناس يتعاملون معه و كانه ليس بحرام بل و كانه امرا عااادي

الكذب صفة أو سلوك مكتسب نتعلمه وليس صفة فطرية أو سلوك موروث و هو عكس الفطرة

فالانسان يولد على الصدق

يجب ان نعود لفطرتنا التي فطرنا عليها عز و جل

و بالنسبة لاسئلتك

لا يخطر على بالي الان موقف كذب مر بي اثر في جدا

المواقف التي ممكن ان اكذب فيها مثل مقالب بسيطة اعلم انها ستدخل السرور في قلب انسان

مثلا غالبا عندما اكون مسافرة لبلدي لا اخبر اصدقائي و اهلي هناك و ان سالون اكذب و اقول لا اعلم او لن اسافر الان كي اترك الامر مفاجاة لهم كي اسعدهم بها

و استغفر الله و اتوب اليه من كل ذنب

جزاك الله خيرا حبيبة قلبي

موناليزا يقول...

الطالبة عفو الله
ــــــــــــــــــ
اختى الحبيبة:اهلا اهلا بالقمر
أحبك الذى أحببتنى فيه وأنا كمان بحبك جدا وربنا يجمعنى بيكِ تحت ظله فى يوم لاظل فيه الاظله ويديم علينا الحب فيه اللهم امين

الحمدلله الذى هدانى الى هذا
ربنا يكرمك يارب فماتوفيقى الا بالله
رغم انه هزار جميل بس خوفا عليكِ بقولك حاولى تتجنبيه
لنا فى رسول الله اسوة حسنة فانه كان لايكذب وان كان مازحا
ربنا يسعدك ياحبيبتى انتِ وكل من تحبين
نورتينى زوزو الجميلة واسعدتينى بمشاركتك

نسيبه يقول...

السلام عليكم ورحمة الله وبركاته
انا بأكره الكذب جدا جدا فعلا وأكره من يكذب جدا وللأسف الشديد فعلا الواحد بيتعرض للمواقف دي كتير بس مش فاكرة موقف محدد او حد محدد وقال الرسول صلي الله عليه وسلم ان المؤمن لا يكون كذاب ربنا يثبتنا ويهدينا ويعينا علي طاعته ويتوب علينا من الكذب

موناليزا يقول...

نسيبة
ـــــــــ
وعليكم السلام ورحمة الله وبركاته
اختى الحبيبة: يااهلا يا اهلا
ربنا يبعدهم عنا يارب(الكذب والكذابين)
وفعلا لا يكون المؤمن كذابا
نورتينى حبيبتى ودمتِ بخير