الجمعة، 10 يوليو 2009

لا تلومينى

- إذا وجدتينى منضبطة دائماً فى مواعيدى. ومن ثم لا أنتظرك أكثر من خمس دقائق إذا ماكنا سنذهب سوياً إلى ندوة علمية مثلاً. وأحبذ أن نلتقى هناك.
- إذا وجدتينى أتعامل بجدية شديدة حينما نكون فى مكان عِلم وأرفض الحوارات الجانبية. ومن ثم لا أجلس جوارك فى الغالب.
- إذا أمتنعت عن تبديل ملابسى أمام أحد. حتى لو كانت طفلة صغيرة.
- إذا وجدتينى أرفض أن يرانى أحد وأنا طريحة الفراش وأجاهد جسدى حتى أصبح ظاهرياً فى أحسن حال.
- إذا أرهقتك معى فى البحث عن طبيبة متخصصة فى مجال معين فى الوقت الذى يوجد فيه أطباء كثيرين متخصصين فى نفس المجال. وحينما نجدها أدخل لها بمفردى وأجعلك تنتظرين خارجاً.
- إذا وجدتينى أحاول جاهدة أن أعطى لنفسى الدواء وأنا فى قمة مرضى وأحياناً كثيرة لا أستطيع ومع ذلك لا أطلب المساعدة من أحد.
- إذا وجدتينى أغض بصرى عن أشياء كثيرة تعتقدين أنها أشياء عادية.
- إذا وجدتى فى حياتى مُسلَمات لا يجوز بأى حال من الأحوال التنازل على أى منها.
- إذا وجدتينى لا أستطيع أن أنطق كلمة بذيئة جاءت أثناء قراءتى الجهرية لشئ ما. وحينما تقرأينها تضحكين على صمتى وقتها.
- إذا وجدتينى أمتنع أن أكتب تعليق على أى موضوع يحتوى على أى لفظ خارج.
- إذا وجدتينى أرفض الدخول على مدونات معينة مهما كان إثارة الموضوع المطروح.
- إذا وجدتى وجهى يحمر سريعاً ولأقل الأسباب.
- إذا وجدتينى لا أستطيع الدخول على أحد إلا بعد الإستئذان مهما كانت درجة الصِلة. طالما الباب مغلق أو حتى متوارب.
- إذا وجدتينى أرفض مصافحة رجل تعدى السبعين من العمر لمجرد أنه يوجد بيننا طرف قرابة. أعذرينى فهو بالنسبة لى رجل غريب مهما كان عمره.
- إذا وجدتينى أتصل تليفونياً قبل أن أزورك بيوم على الأقل. رغم تأكيدك الدائم بأنك تتمنين أن أفاجئك بقدومى.
- أذا وجدتينى لا أسأل عن خصوصياتك كما تفعلين معى.
- إذا وجدتينى أرفض أن أتناول طعام أو شراب وأنا ماشية فى الشارع.
- إذا وجدتينى أغلق دائماً النافذة التى تطل على الجيران طالما نافذتهم مفتوحة حتى لو كانت المنفذ الوحيد فى الغرفة لدخول الشمس والهواء.
- إذا سألتينى عن لون السجاد عند صديقتنا العروس وكانت إجابتى "ماخدتش بالى" .
- إذا رفضت أن نهزر أمام أحد.
- إذا أظهرت تذمرى حينما نتقابل فى الشارع ويكون السلام بالقبلات والأحضان وتجدينى أكتفى بالمصافحة. قائلة كلمتى المشهورة " إحنا فى الشارع!!".
- إذا وجدتينى لا أتدخل فيما لا يعنينى مهما كان الموضوع يثير الفضول. طالما صاحب الموضوع لم يشركنى فيه.
- إذا وجدتينى لا أتدخل فى موضوع مشترك مع صديقاتك طالما لم تشركونى فيه.
- إذا منعت دموعى من النزول أمامك وأنتِ تعلمين بأن قلبى قبل عينى يبكى.
- إذا وجدتينى لا أحكى عن أحوالى إلا فى مواقف قليلة جداً. وإذا سألتينى عن سر نظرتى الحزينة أجيب بإبتسامة صامتة. المفروض أن تفهمين منها كل شئ.
- على صمتى فى أغلب الأوقات وخاصة فى الفترة الأخيرة. فأنتِ تعلمين جيداً مما أعانى.
- إذا وجدتينى أرفض أن أسلف ملابسى لأحد. وأقولها هكذا بلا تجمل.
- إذا وجدتي عندى إنتماء للأشياء بطريقة مبالغ فيها.
- إذا وجدتينى أغير القناة التليفزيونية سريعاً إذا ما كان فيها مشهد خارج. وإذا كان الريموت معكِ أعطى للتليفزيون ضهرى.
- إذا حاولت جاهدة ألا أعطى لكٍِ رأيي فى شئ بصراحة وبطريقة مباشرة حتى لا أجرحك.
- إذا رفضت أن يدور بيننا حوار بصوت مرتفع طالما راكبين تاكسى مثلاً. والكلام فى المواصلات بصفة عامة يكون للضرورة وبصوت منخفض لا يسمعه سوانا.
* أعذرونى جميعاً ولا تلومونى فهذه طباعى وأجدها لا تخالف دينى.



سؤال جانبى:
ــــــــــــــــــــــــ
* إيه أكتر حاجة الناس اللى تعرفك بتستغربها فيك؟


هناك 69 تعليقًا:

كلمات من نور يقول...

من يلومك على هذا يا ابنتي الجميلة

بارك الله فيكي و كثر من مثيلاتك وجعلك عزة للإسلام وقدوة لمن حولك

كلمات من نور يقول...

أكتر حاجة الناس اللي تعرفها بتستغربها فيا؟زهدي لأشياء كثيرة في الحياة لأني لازلت في مقتبل العمر في وجهة نظرهم..مش عارفه مقتبل عمر إيه و أبني في الجامعة

الفقيرة إلى الله أم البنات يقول...

اجمل تدوينه قرأتها الفترة الأخيرة
ولا تلومينى اذا وضعتها فى المفضله..فهى ليست اعلان عن طباعك
بل هى اعلان عن سلوكيات المرأة المسلمه كيف يجب ان يكون
ولا ازكيك على الله وأحسبك على خير

احبك فى الله يا حبيبتى فى الله
اسأل الله ان يراضيك ويسعدك ويمتعك برضاه

Ramy Wasel يقول...

طبعا لا احد يلومك فى هذا

ويقال دائما

اذا لم تستح افعل ما تشاء

إيه أكتر حاجة الناس اللى تعرفك بتستغربها فيك

الصراحه اكتر من الازم
والغتاته احيانا

بنت الصالحين يقول...

ميهمكيش حد
واللي يلومك يلومك


سبحان الله اصبح الحق يُلام في هذا الزمان


بوركتِ وبوركت امثالك

♥نبع الغرام♥♪≈ يقول...

السلام عليكم
حبيبتى الغاليه

بسم الله ماشاء الله عليكى

ربننا يبارك فيكى يارب
دمتى فى حفظ الرحمن
اختك
انوسه

وحي القلم يقول...

السلام عليكم

هكذا المسمة تحلى بهذه الصفات للأبد

-----------.
* إيه أكتر حاجة الناس اللى تعرفك بتستغربها فيك؟

لما بيعرفوني بيستغربوني

تقبلي مروري

موناليزا يقول...

كلمات من نور
ـــــــــــــــــ
اختى الحبيبة: ربنا يكرمك يارب ويفرح قلبك:)
واللى بيلومونى كتير الصراحة:)
ما اجمل دعائك ربنا يتقبل يارب ويرزقك بكل الخير
---
واضح ان الكلمة دى مشهورة اوى:)
ربنا يثبتك يارب ويباركلك فى حياتك
نورتينى حبيبتى واشكرك جدا لمشاركتك






***********************************





الفقيرة الى الله أم البنات
ــــــــــــــــــــــــ
اختى الحبيبة:أخجلتم تواضعنا حقاً
(اللهم لاتؤاخذنى بما يقولون واغفر لى مالايعلمون واجعلنى خيراً مما يظنون)

ربنا يعزك يارب ويباركلك فى بناتك
مش عارفة أقول ايه بجد
اشكرك جدا لرايك
نورتينى حبيبتى واسعدتينى بتعليقك






*********************************




رامى واصل
ــــــــــــ
اهلا بيك استاذ رامى
مين قال؟ ده أنا ملامة طول الوقت:)
:) عاجبنى صراحتك فى الاجابة
اشكرك جدا لمشاركتك




***********************************




عاشقة الفردوس
ــــــــــــــــ
اختى الحبيبة: ربنا يثبتنا يارب
وانا فعلا هعمل بنصيحتك
تعرفى لما لامونى كتير كنت بدأت أشك فى نفسى وأقول مش معقول كل الناس غلط وانا صح وبعدين حاولت اتغير بس الحمدلله معرفتش:)
نورتينى حبيبتى وفى انتظار اجابتك:)




***********************************



عاشقة الاحزان
ـــــــــــــ
وعليكم السلام ورحمة الله وبركاته
اختى الحبيبة: ربنا يعزك ويكرمك يارب
بس فين اجابة السؤال؟:)
نورتينى انوسة الجميلة وفى انتظارك دائما




*********************************





مصعب صلاح
ــــــــــ
وعليكم السلام ورحمة الله وبركاته
اهلا بيك استاذ مصعب
ربنا يعزك ويكرمك ويبارك فيك

بصراحة معاهم حق يستغربوا:) ربنا يثبتك ويحميك
اشكرك جدا لمشاركتك

إيمان بنت الحرية يقول...

الحقيقة ابتسمت حينما وجدت اشياء كثيرة قلتيها افعلها ..واعتز بهذا
كالاحضان والقبلات فى الشارع وغض البصر..وعدم الضحك والهزار فى الشارع..دخول بعض المدونات..
وحاجات كتير الصراحة..انا وبقراها حسيت انك بتكلمى عنى
وبذات جملة " احنا فى الشارع" ويمكن هى دى اللى بضايق البنات زميلاتى منى ..

* إيه أكتر حاجة الناس اللى تعرفك بتستغربها فيك؟
حجابى ...
وعدم النظر الى بعض الاشياء فى الشارع يتعمدن هن النظر اليها...,واحسبها غض البصر..
واللهم اعنا على طاعته
جزاكى الله خيرا
بجد
مووضوع اكثر من رائع ويستحق ان ارفع لكى القبعة ..


اذا رضى الله عني فلا يهمني سخط الخلق، وإذا سخط الله علي فما ينفعني رضا الناس.

KHALED يقول...

أكتر حاجة بتخلى أى حد ممكن يستغربها فيا .. إنى على الرغم من مظهرى الجاد و ظهور بعض الشيب فى رأسى إلا أننى لازلت أملك القدرة على أن أقف و أرقص مع أولادى على أنغام الموسيقى الصاخبة

ساعات بيقولولى يا مجنون و أنا باشوفها قمة العقل

ياترى مين فينا صح

عروستى

حاسوباتيه يقول...

كل انسا له شخصيته وطباعه وكلها تحترم اكيد

mohamed ghalia يقول...

ربنا يكرمك وهى فعلا مفيش حاجة غريبة فيا
أنا بالنسبالى كل الناس بتستغرب سنى إنى عندى 21 سنة بس

دعاء يقول...

بارك الله فيكي
إذا كانت الصفات دي كلها فيكي لازم صديقتك تفخر انها صديقتك زي ما أنا فخورة اني بقرأ لك.

الحاجة اللي الناس بتستغربها فيا اني دايما عندي حسن ظن في الناس مع ان الآخرين مش بيشوفوا ان الشخص ده ممكن ييجي منه خير و الحمد لله ربنا مش بيكسفني.

دمتي دائما بأحسن الصفات

عاشقة القمر يقول...

مشاءالله عليكي هذا انطياع جميل فعلاهو طريقة دنيني
انا باذات بواجهه مشاكل في انطباع بتاعي خصوصا من اهل
1\ انا صامت قلية كلام ناس فتكروا انو مش بعرف تكلم اوعدم احترم هو بعكس انا لان كلام بيكون في ناس بكون مش عايزه شارك فيه عارفه لو تكلمت قولت مش تكلموا في ناس هم اهزعلوا تاني مش اهزرونا ماما اهتزعل افضل انو اكون صامت
2\ متلزم بموعيد جدا اذكانت موعيد الجامعه او اي موعيد ثانيه
3\ انا مش بصافحه راجل لكن مش بحراجهم بس بيكون ندمنا علي انو صافتحتها ليه بس انا مش بقدر احرج احد ايضا مشكله لان انا بيكون عارفها رد احداذا كان من اهل لان خالتي كانت مش بتصافحها ولد خلتها وعمها من زمان الي يومنا هذا مش بيزوهم ستي زعلان جدا منها كانت انا خايفه من انو هذا مواقف تكرر
بيعرفون بمواصلة الي اهل واصدقاء مش بقصر في احد اذا كان وضلت بنفسي او عن طريقة موبايل
مش بحب ضحك بصوت مرتفعه بدون الاسباب ام هنا نحنا في السوان انا باذات بعاني معانه شديد هي مفيش احد بستاذان من احد بتلقي احد في وجهكي علي طول تلقي مخاذي بعضي جري حتي ماما برحه مش تقعي تكسري ههههههههه
عشان لبس عباية لان بيكون راجل

كافيه عليكي كده انا رغت كثير انا تعبانه من قصة دي
اتمني ان تزورني في مدونتي مسموح لكي في وقت بدون استاذان

اللى تشوفه يقول...

ما شاء الله
طباع جميلة ومحدش يقدر يقول فيها تلت التلاتة كام

وعلى الرغم من ان كتير منها بلاقيها فيا وبيبص لى غيرى على انى من كوكب تانى
الا انى بحبها واتمنى اكمل نفسى باللى مش موجود فيا ولقيته فيكى
غبطة بئا مش حسد والله

اكتر الحاجات اللى الناس بتستغربها فيا انى جد
ودايما باسمع تعبير
"جافة " ومن اقرب اقرب الناس فيا
بس لما بيعرفونى كويس بيعرفوا ان لازم الواحد يكون كدا ساعات

جزاك الله خيرا وتقبلى مرورى

النسر المهاجر يقول...

امة الله

الحياء شعبة من شعب الإيمان
ويجب أن يكون تاج كل إمراة وزى كل رجل

فمن يلوم على الحياء فهو ناقص له أو عديمه

حبى للموضوعية وما يجب أن يكون ونقدى لعادات أصبحت كالصدأ فى المجتمع ما أنزل الله بها من سلطان هذايجعل الناس تستغربنى كثير وليس كلهم بل من تحدثت إليه فى هذا الأمر


شكرا على البوست الرائع

Ahmed يقول...

ده كلام أكتر من رائع

ومنهج جميل للطبع ومش محتاج تبرير واللي يزعل يبقى الغلط عنده


اجابه على جنب:
الغموض

Lyssandra يقول...

:)

إزيك يا مونا
وحشتيني كتير
ومندهشة انك مش جيتي تعلقي زي عادتك
!
يارب يكون المانع خير

-------------

أد إيه انتي جميلة بجد
بتفكريني بأعز صديقاتي
تقريباً نفس الطباع
رأيت وجهها بين كلماتك

الله يبارك لك يا مونا ويرضيكي يا رب

=====

أكتر حاجه الناس لما بتعرفها عني بتستغرب
سنّي .. بيقولولي انتي في سنه كام ؟؟
هههههههه بس انا مش باتضايق

وشويه لما يعرفوني كويس بيستغربوا من حاجه تانيه
بيقولولي ايه ده ؟؟ احنا كنا مفكرينك حاجه تانيه خالص
بصراحه كنا بنقول عليكي غلسه وشايفه نفسك
:))
عشان غالبا في حالي وصموت شويّة
وعشان مش باتدخل في شؤون حد
عشان بافضّل أقعد لوحدي

بس الحمد لله ان انطباعهم الأول بيرجع يتعدّل لما يعرفوني كويس

حاجات كتير كتير بقي
صحابي أيام الجامعه كانوا بيقولولي انتي آب نورمال
هههههههههههه

...

أسيبك بقي ومش أطوّل عليكي
وابقي عدّي يا ست مونا عشان التدوينه مش ليها منظر خالص من غير تعليقك يافندم

**

تحياتي وحبّي :)

سندس وأمل يقول...

طيب انتى معظم شخصيتك جميله جدا وعجبتنى

بجد ماشاء الله عليكى وبالامانه فى حاجات

كتير الناس بتستغربها فيا انى انا بمشى

بأغض بصرى ...حتى لو فى اولاد مثلا فى

شارع كتييير امشى من الشارع التانى

وحجات كتيير اوى...

تسلمى ياجميل من كل شر....سندس

حــــــــــواء يقول...

عندك حق
محدش يقدر يلومك


اما بخصوص سؤالك
* إيه أكتر حاجة الناس اللى تعرفك بتستغربها فيك؟
كل اللي يعرفني بقي بيستغرب علي حالي اللي اتغير من النقيض الي النقيض
في كل شئ

بس من 6 شهور تقريبا
انا من شروطي علشان اروح مكان ابات فيه
لازم يكون حمامه نظيف جدا وليه طقوس معينه لكل اللي هيستعمله معايا
ده في حالة لو حد هيخدمني
لكن لو هخدم انا يبقي المطبخ والحمام

تحياتي

غير معرف يقول...

الله ياحبيبتى عليكى
اضم صوتى للاخت ام البنات
من افضل التدوينات فى الفترة الاخيرة
وان كان كثير من تدويناتك مميز
نعم الطباع التى تتصفين بها حبيبتى
فهى صفات المراة المسلمة الدينة
والتى يجب ان يكون كل امراة مسلمة عليها بل تتحلى بها
احييكى وهذا هو مااتخيلك عليه
ولاازكيكى على الله
الحاجة اللى بيستغربوا فيها منى
انى ممكن ادخل المكان واخرج بدون مااخد بالى من اى حاجة ليس تصنعا بل هى
من عاداتى ويتعجب البعض عندما يسالونى بعد الزيارة واقول مخدتش بالى
ربنا يكرمك يارب
احبك فى الله

Butterfly يقول...

يااااااااااه يابنت أنا عاوزه أشوفك

بالنسبه للسؤال فإجابته معظم الحاجات اللى كتبتيها بس هقول حاجه واحده منهم

"- إذا سألتينى عن لون السجاد عند صديقتنا العروس وكانت إجابتى "ماخدتش بالى" ."

فعلا مش باخد بالى من أى حاجه عند أى حد وفى أى موقف , كتير أوى بيستغربونى D:

SHAPE YOUR LIFE (ABOALI) يقول...

ليك الجنة يا باشا

لووووووووووووووووووووووووووووووووووو
كان نصه موجود
او ربعه
او ثمنه
او قليله موجود


كلنا انسان
لايوجد من يفعل كل هذا
الا المعصوم
فلا تلومينى

بـِصَمتـِـ أميرة ــــى يقول...

الله يا موناليزا
ممممممموه
تستاهلى البوسة دى
ووحشتينى اووووووووووووووووووووى
لن نلومك طالما تفعلى ماحث حبيبك وحبيبنا المصطفى صلى الله عليه وسلم عليه فأنتى تستحقى أن نفتخر بكِ كل لحظة .. فلا يأتى الحيــاء إلا بخير
:)
تقبلى مرورى وفخرى بكِ

أميرة
(ملكة بحجابى )

حاول تفتكرنى يقول...

تدوينة رائعة فعلا

من يكون على هذا السلوك مثالا يحتذى

تحياتي

موناليزا يقول...

ايمان بنت الحرية
ـــــــــــــــ
اختى الحبيبة:الحمدلله يعنى مش أنا لوحدى:)
بس ليه بيستغربوا حجابك؟
ربنا يكرمك يارب واشكرك جدا لرايك فماتوفيقى الا بالله
اللهم يامقلب القلوب ثبت قلوبنا على دينك
صح جدا المهم رضا الله
نورتينى ايمان الجميلة واشكرك جدا لمشاركتك





**********************************



خالد
ــــــــ
اهلا بيك استاذ خالد
أختلف معهم فى الرأى لأن هذا سيترك ذكرى جميلة بداخل ابنائك لن تمحوها الأيام
ربنا يباركلك فيهم ويخليك ليهم
اشكرك جدا لمشاركتك




*********************************


حاسوباتية
ـــــــــــ
اختى الحبيبة:اشكرك جدا لرايك
بس فين اجابة السؤال؟:)
نورتينى حبيبتى وفى انتظارك دائما




*********************************




محمد غالية
ـــــــــــ
اهلا بيك استاذ محمد
:) انا كمان استغربت زيهم على فكرة
ربنا يوفقك دايما وينفع بيك
اشكرك جدا لمشاركتك



**********************************



دعاء
ــــــــ
اختى الحبيبة:ربنا يكرمك ويعزك يارب
انا مش عارفة هى فخورة بيا ولا لأ بس اللى اعرفه انها بتتخنق منى:)

الحمدلله بجد ان ظنك بيكون فى محله
نورتينى دعاء الجميلة واشكرك جدا لمشاركتك



**********************************



عاشقة القمر
ــــــــــــــ
اختى الحبيبة:ربنا يكرمك ياجميلة
ماشاء الله عليكِ متفقين فى طباع كثيرة بس انا لو ايه حصل مش بصافح رجل غريب عنى واللى يزعل يزعل:)

ان شاء الله هاجيلك قريب بس حضرى مية ساقعة:)
نورتينى حبيبتى واشكرك جدا لمشاركتك





*********************************




اللى تشوفه
ـــــــــــــ
اختى الحبيبة:ربنا يكرمك وياريت اللى حواليا يشوفوها كده فعلا

خلاص تعالى اقعدى جنبى بيقولوا عليا برضه انى من عالم تانى:)
نورتينى حبيبتى واشكرك جدا لمشاركتك
ويسعدنى مرورك دائما




********************************



المهاجر
ـــــــــ
اهلا بيك يافندم
ربنا يثبتك
اشكرك جدا لمشاركتك




********************************



احمد ابو العلا
ـــــــــــــــــ
اهلا بيك استاذ احمد
ربنا يكرمك
اشكرك جدا لمشاركتك



********************************

موناليزا يقول...

ليساندرا
ـــــــــــ
اختى الحبيبة: اهلا اهلا بالقمر
انا الحمدلله بخير ازيك انتِ ياجميلة
وانا كمان مندهشة ازاى افوت بوست ليكِ
بس يمكن لان النت كان مش متظبط الفترة اللى فاتت فلما ادخل على الريدر كذا مرة فى الساعة الواحدة يمكن يكون بيسقط مواضيع
عموما انا هروح اشوفه حالا ياقمر:)
---

ربنا يعزك ويكرمك يارب ويباركلك فى صاحبتك مبسوطة بجد انى مش لوحدى اللى كده:) كنت بدأت أحس انى حالة شاذة:)

====
تصدقى بيقولولى كده برضه "انتِ فى سنة كام":) كنت الاول بتضايق بس دلؤتى ببقى مبسوطة:)

يابنتى طولى براحتك انتِ عارفة انى بستمتع بكلامك جدا
حاضر ياجميلة من عيونى هاجيلك حالاً
نورتينى حبيبتى واشكرك جدا لتفقدى ولمشاركتك



**********************************



سندس وأمل
ــــــــــ
اختى الحبيبة: ربنا يكرمك يارب كلك ذوق
نورتينى سندوسة الجميلة واشكرك جدا لمشاركتك



***********************************




حواء
ــــــــ
اختى الحبيبة: ربنا يكرمك ده بس من ذوقك
يابنتى انا مُلامة طول الوقت:)

مع احترامى ليهم المفروض مايستغربوش لان ده وضع طبيعى لما تمرين به
ربنا ييسرلك امورك ويهيئ لك كل الخير
نورتينى ام فاطمة الجميلة واشكرك جدا لمشاركتك



*******************************



ام مالك
ــــــــــ
اختى الحبيبة:ربنا يعزكم ويسعد قلوبكم يارب
بتحرجينى دايما والله بتعليقك وكلماتك الجميلة
(اللهم لاتؤاخذنى بما يقولون واغفر لى مالايعلمون واجعلنى خيرا مما يظنون)

:) طلعنا زى بعض
نورتينى حبيبتى واشكرك جدا لمشاركتك واسعدتينى بتعليقك




********************************




بيترفلاى
ـــــــــ
اختى الحبيبة: وانا كمان:)
مبسوطة بجد بمشاركتك وربنا يعزك يارب
نورتينى ياجميلة واشكرك جدا لمشاركتك



**********************************




ابو على
ــــــــ
اهلا بيك يافندم
:) ربنا يطمنك ويبشرك بكل الخير يارب
والحمدلله الذى هدانى الى هذا
بس سيادتك ماجاوبتش على السؤال؟:)
أشكرك جدا لتواجدك




*********************************




ملكة بحجابى
ــــــــــــــ
اختى الحبيبة:اهلا اهلا بالقمر
:) ياكسوفى على الهوا كده ههههههه
ماتحرمش منك ياجميلة ولا من طلتك الغالية
ربنا يعزك ويكرمك يارب
بس فين اجابة السؤال؟:)
نورتينى اميرة الجميلة ويسعدنى مرورك دائما




**********************************




حاول تفتكرنى
ـــــــــــــــ
اهلا بيك يافندم
ربنا يكرمك واشكرك جدا لرايك
وفى انتظار اجابة السؤال الجانبى:)

ومازلتُ أتعلم يقول...

البوست ده مالهوش حل
ديه صفات كلها صح
وفيها كتير أووى فيا..
بجد ماشاء الله عليكى.
تحياتى

همس الاحباب يقول...

بسم الله ماشاء الله
ان لومنا فلا نلومن الا انفسنا
لانك اخترتى من الصفات الحميدة ما تجعلنا لا نلومك ابدا
جزاكى الله خيرا
ووفقك لما يحبه ويرضاه
تحياتى لحضرتك

سجود يقول...

اكتر حاجه الناس اللي تعرفني بتستغربها فيا الصراحة الزايدة يعني اما ازعل من حد بقوله علي طول من غير مقدمات يعني انا بحب الصراحة جدا
واشكرك ع المرور بمدونتي

TIMMY !! يقول...

لن يلومكِ أحد ,
فاسلكي طريق الهدى و لا يضرك قلة السالكين ,

فسالكي درب الحياء اليوم قلة ,

ربنا يزيينا و المسلمين و المسلمات بالحياء ,

فالحياء كله خير كما قال رسولنا عليه أفضل الصلاة و السلام

موناليزا يقول...

ومازلت أتعلم
ـــــــــــــ
اختى الحبيبة:ربنا يكرمك ومبسوطة بجد ان فينا حاجات من بعض:)
نورتينى حبيبتى وسعيدة بتواجدك





*********************************





همس الاحباب
ـــــــــــ
اهلا بيك استاذ خالد
ربنا يكرمك واشكرك جدا على تعليقك الرقيق
وفى انتظار اجابة السؤال الجانبى:)




**********************************




سجود
ــــــــ
اختى الحبيبة:اهلا بيكِ فى زيارتك الاولى
اشكرك جدا لمشاركتك
نورتى مدونتى ويسعدنى زيارتك دائما




***********************************




تيمى
ـــــــ
اهلا بيك يافندم
ربنا يكرمك واشكرك جدا لتعليقك
وفى انتظار اجابة السؤال الجانبى:)

Kiara يقول...

اذا لم تستحي فافعل ماشئت

لكن سؤالك بصراحه مش اعرف اجابته اسالي اللي يعرفني

ذو الوجه المبتسم يقول...

السلام عليكم

اسمحى لى اقدم احترامى لشخصيتك
ولطباعك الخاصة
مجرد كتابتك لهذه الطباع بيدل على قيمة شخصيتك
ربنا يبارك فيكى

تقبلى تحياتى

عاشقة القمر يقول...

انا ليه مشكلتي مع ماما هي بتزعل مني مش رجل غريب بيكون من اهل هي ماما بتزعل تعملها مشكله كبير رايك ايه شو الحل ؟

الفراشة الصغيرة يقول...

كل هذه طباعك

محدش يقدر يلومك فيها مدام مقتنعه بيها


ومن وجهه نظرك صحيحه

عموما الناس مش بيسيبوا حد فى حاله

ربنا يثبتك
على طرقتك فى التعامل مع الاخرين

Lady E يقول...

في حاجات كتير جميلة ومحدش يقدر يلومك عليها لانها زي ما قلتي طباعك ومش بتخالف الدين ومش مطلوب منك ابدا انك تكوني زي حد

ربنا يبارك لك ويكرمك

fL0weR-giRL يقول...

السلام عليكم
بارك الله فيكي وجزاكي كل خير

* إيه أكتر حاجة الناس اللى تعرفك بتستغربها فيك؟


انا اي حد قبل مايعرفني بيقول عني متكبره واول مابيحكوا معي بيقولوا انتي دمك خفيف اهو دا احنا كنا فاكريك متكبره وشايفه نفسك بس الحمد لله اهم حاجة ان فكرتهم بتتغير عني

واحيانا في ناس بيفتكروني عندي صفه الكابه اكتر من مره بنات مايعرفونيش يقولولي انتي يابنتي مالك كئيبه كدا ليه ومابتضحكيش (مش بيشفوني مع صحابي ببقي عامله ازاي)

معلش طولت عليكي

***تقبلي مروري***

ذكرى رحيل قلم يقول...

السلام عليكم

بسم الله ماشاء الله ربنا يزيدك من الاخلاق الحميدة والخلق الحسن
امين
ياستي انا عندي الصراحة قبل كل شيء

وعدم التجمل او المجاملة كي ارضي من حولي
الحمد لله علي كل شيء

كنت زمان افتح مدونتك لا اجدغير هذة الموضوعات التي تأخذنا لدنيا الدين ام الان اصبحت مودرن متنوعة
فلا تحرميني من هذة الموضوعات الجميلة الشيقة

ابراهيم بكر يقول...

الله
رائع جدا هذا الاسلوب فى الاستهلال

Sweet Violet يقول...

دى حياتك الخاصه و مدام مش فى ضرر على الاخرين
يبقى ماحدش هيلومك
^_^

شمس النهار يقول...

ازيك
البوست جميل
وياريت الناس كلها كده

Unknown يقول...

انا حلومك تعرفي ليش ؟
لانه ما في متلك بالكون :) , بجد الله يحميكي ويوفقك ويسعدك
سعيد جدا بوجودي الأول بمدونتك المميزة
تقبلي مروري المتواضع :)

سمسم/سما يقول...

السلام عليكم
ماشالله عليكي
ربي يديم عليكي عقلك ودينك ويحفظ
كل بنات وشباب المسلمين

elsha3er يقول...

السلام عليكم

ربنا يكرمك وتقدرى تثبتى على كدة على طول ان شاء الله فلا تتخلى عن مبادئك مهما كان ضغط الظروف


يمكن اكتر حاجة اللى يعرفونى بيستغربو منها انى جرئ زيادة عن اللزوم ما خفش من حاجة خصوصا فى الامور السياسية يعنى لو اى حد يخاف يتكلم فى موضوع معين فى السياسة انا اتكلم فى عادى لو حتى فى مكان عام طالما فى حدود الحق والحرية

تحياتى اختى الغالية تقدرى تقولى ثورى


احمد الشاعر

MOHAMMED ELBANNA يقول...

أمة الله
لن يلومك احد
فياليتنا جميعاً نمتلك هذه الصفات .
تقبلي مروري وتحياتي .
محمـد البنا
طريق النجاح
( أعذريني على تأخري في الردود وعدم متابعتى الجيدة لمدونتك ومواضيعك ، وذلك راجع لأنشغالي هذه الايام في كثيراً من الاعمال )

الازهرى يقول...

إن وجدتنى مسلما فعلام تلومنى ؟

************************
بخصوص السؤال صعب
لكن أعتقد ترتيبى الشديد وغير المألوف لأمور حياتى وبرمجتها بحيث لا يضيع منها أى لحظة

ريمان يقول...

محدش يقدر يلومك طبعا


انا بالنسبه لى اكتر شىء الناس بتستغربنى فيه هو سكوتى

احيانا يعنى


تحياتى ليكى يا قمر

قيس بن الملووووح يقول...

اللي يزعل يشرب من البحر
تحياتي

موناليزا يقول...

كيارا
ـــــــــ
اختى الحبيبة:اشكرك جدا لتواجدك
نورتينى حبيبتى



********************************



ذو الوجه المبتسم
ـــــــــــــــــ
وعليكم السلام ورحمة الله وبركاته
اهلا بيك يافندم
ربنا يكرمك ده بس من ذوقك
اشكرك جدا لتعليقك



**********************************



عاشقة القمر
ــــــــــــــ
اختى الحبيبة:فبل ما يحدث مثل هذه المواقف اتكلمى مع والدتك بأسلوب هادئ وعبرى عن وجهة نظرك وحكم الدين وحاولى جاهدة اقناعها.
انا عارفة ان الموضوع مش سهل بس ارادتك فى تحقيقه هتخليه فى الاخر يحصل
وافتكرى دايما انه لا طاعة لمخلوق فى معصية الخالق
وربنا يهيئلك الخير ويرشدك دايما لما فيه الصواب
نورتينى سوما الجميلة وسعيدة بمتابعتك




********************************



الفراشة الصغيرة
ـــــــــــــــ
اختى الحبيبة:اشكرك جدا لتعليقك
نورتينى حبيبتى



********************************




ليدى اى
ــــــــــ
اختى الحبيبةاهلا بيكِ
ربنا يكرمك واشكرك جدا لتعليقك
نورتى مدونتى وفى انتظارك دائما




**********************************



فلور جيرل
ــــــــــ
وعليكم السلام ورحمة الله وبركاته
اختى الحبيبة:ربنا يكرمك ويتقبل دعائك
فعلا والله الواحد مايقدرش يحكم على حد غير لما يعاشره ويعرفه كويس
هو فين التطويل ده!!!
نورتينى حبيبتى واشكرك جدا لمشاركتك



********************************



ذكرى رحيل قلم
ـــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يعزك ويتقبل دعائك اللهم امين

على فكرة أنا أخذت بالى من صفاتك دى برضه:)

احترم رايك جدا وسعيدة به
نورتينى حبيبتى واشكرك جدا لمشاركتك



***********************************




هنجر
ـــــــ
اهلا بيك يافندم فى زيارتك الاولى
يعنى ايه استهلال؟
عموما نورت مدونتى


**********************************


سويت فيوليت
ـــــــــــــ
اختى الحبيبة:انا بقول كده برضه:)
نورتينى حبيبتى واشكرك لتواجدك



*********************************

موناليزا يقول...

شمس النهار
ـــــــــــ
اختى الحبيبة:انا الحمدلله بخير ازيك انتِ ياقمر
ربنا يكرمك يارب ده بس من ذوقك
نورتينى شموسة الجميلة واشكرك جدا لتواجدك





**********************************



مستر /حازم
ــــــــــ
اهلا بيك استاذ حازم فى زيارتك الاولى
ميرسى لذوقك يافندم بس من خلال التعليقات قدرت اعرف ان الحمدلله فيه منى كتير:)
نورت مدونتى واسعدنى مرورك



*********************************



سمسم
ــــــ
وعليكم السلام ورحمة الله وبركاته
اختى الحبيبة:ربنا يكرمك ويتقبل دعائك
نورتينى سمسمة الجميلة واشكرك جدا لتواجدك



**********************************



الشاعر
ــــــــــ
وعليكم السلام ورحمة الله وبركاته
اهلا بيك استاذ احمد
اشكرك جدا لهذا الدعم المعنوى:)
ربنا يحميك ويبارك فيك
اشكرك جدا لمشاركتك



*********************************




محمد البنا
ـــــــــــــ
اهلا بيك استاذ محمد
ربنا يعزك يارب أخجلتم تواضعنا حقاً

ربنا يكون فى عونك يافندم ويوفقك دايما وسيادتك تنورنى فى اى وقت
اشكرك جدا لتواجدك



*******************************



الازهرى
ـــــــــ
اهلا بيك يافندم
"إن وجدتنى مسلما فعلام تلومنى ؟"
الله عليك
حتة رد بقى انما ايه:)
تسلم يارب
ربنا يوفقك دايما
اشكرك جدا لمشاركتك




********************************



ريمان
ـــــــ
اختى الحبيبة: للاسف بيقدروا يلومونى:)
نورتينى ريمو الجميلة واشكرك جدا لمشاركتك



********************************




قيس بن الملوح
ــــــــــــــ
اهلا بيك يافندم
بقول كده فى اوقات غضبى بس بينى وبين نفسى:)
اشكرك جدا لمشاركتك

Unknown يقول...

ومن يلوم على خلق من الاخلاق؟

صاحبة هدف يقول...

جزاكم الله خيرا

بس بصراحة أنا لو ليّ صديقة كدا كنت هتعب نفسيا جدا

اه هي مش مخالفة للدين..بس لازم تحس بيا وتتنازل عشاني وأنا أتنازل عشانها

آآآآآه من الصداقة وألف آآآآه

دعواتك كتير جدا

فاتيما يقول...

لا داعى للوم من احد
يا مون مون
و كمان لا داعى لأن تشعرى بالضيق
لأن أحدا لا يقدر خصوصياتك ...
اختك فاتيماً مثلا مبتحبش تتكلم فى الموبايل و لا التليفون مع حد
و تفضل أن تكون شبه مختفية و لا يصل إليها أحد ...
و عارفة إن دا بيضايق ناس كتير منى لكن معلش ...البعد من وجهة نظرى بيخلينى أصفى و أروق و اكثر اهتماماً من القرب رغم غرابة الفكرة ...
لكن احيانا الظروف بتعود الواحد على شىء فيعتاده و يصبح طبع غالب و لو فعل عكسه لا يرتاح و بيحس إنه مش هوه و بقى حد تانى و العمر لم يعد فيه بقية كثيرة حتى نضيعه فى إرضاء الىخرين على حساب راحة نفوسنا ..
كونى كما إنتى و كما تحبين يا عزيزتى
و ليكى منى بوسة وحضوناااااااااااات
بس مش ف الشارع
عشان إنتى مبتحبيش كدا !!

مدحت محمد يقول...

ربنا يحفظك ياموناليزا الصراحة

انا اكتلر حاجة الناس بستغربها فيا هى الكسوف رغم انى ولد يعنى بس دى مشكلة عندى بجد الحقيقة

جنّي يقول...

السلام عليكم

تحيتي الشديدة لهذه التدوينة الرائعة ..

ولكن كطبعي بحب اختلف احيانا فالجملة التي ذيلتي بها التدوينة ليست طباعك وحدك ولكنها اخلاقيات البنت والسيدة المسلمة التي يجب ان تتحلى بها كل مسلمة ويمكن ان نغير تاء التأنيث فمعظم ما ذكرتيه يصلح لنا أيضا ليتنا نجعلها اسلوب حياة ..

محمد عبد الباسط يقول...

لا نلوم بل نغبط

يارب كل بنات المسلمين زيك اسال الله لنا وللجميع الهداية والرشاد


نسالكم الدعاء

حلم كبير

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياكم الله وبياكم أخوانى وأخواتى وجعل الجنة مثواى ومثواكم
الأخت الكريمة :
أسأل الله لكى أن يفقهك فى دينك وأن ينير بصيرتك انتى وسائر المسلمين وكترى انتى اختى من تنبيهنا للحاجات دى اللى ابتدينا ننساها وننسى غنها من دينا ومن تعاليم سيدنا محمد صلى الله عليه وسلم ومتقلقيش مش هنلومك خالص هتلاقينا كلنا بنقولك جزاكى الله خيرا ووفقك لما يجب ويرضى انتى وسائر المسلمين

akeed يقول...

لا احد يستطيع ان يلومك فى هذه الخصله الرائعة التى كثير من الناس اليوم تفتقدها وهى الحياء فالحياء شعبه من شعب الايمان و انا كثيرين يعتبرون ان الشخص الذى يستحى بانه شخص منطوى و يتهكموا عليه و لاكنه يستحى من الافعال التى تسىء اليه و الحياء من اهم خصال المسلم و المسلمه المتمسكين بدينهم .

جزاكِ الله خيراً على هذا الموضوع الرائع

ابو صهيب ( الجمعاوي الاصيل)سابقاً يقول...

اختي الفاضلة انتي على حق فتمسكي بحقك

ودعي من يلوم يلوم فهو لايدري شئ


وكما يقول النبي

الإِيمَانُ بِضْعٌ وَسِتُّونَ شُعْبَةً وَالْحَيَاءُ شُعْبَةٌ مِنْ الإِيمَان

فلا تنظري خلفك ولا تسمعي لمن يلوم

وفقك الله الى ما يحبه ويرضاه
ودمتم بخير

من غير عنـــوان يقول...

كل كلامك صح
ومن ابسط واحلى مبادئ الحياء
ربنا يكرمك

اتخيل الناس بتستغرب كلامي لو بأقول حاجه مختلفه عن الأحاديث الدارجه عن الكوره والعيال والطبيخ وغلا المعيشه
والله أعلم

salwa يقول...

السلام عليكم اخت موناليزا
ومن يلوم الاخلاق و هي من اساسيات الدين
سلام

rovy يقول...

السلام عليكم اختى الحبيبه موناليزا
اولا بأعتذر لغيابى المفاجىء وحشتينى جدا
لا احد يستاطيع لومك غاليتى بل ندعوا الرحمن ان نرتقى و نكون مثلك فأنت قدوة جميله لكل بنات جنسك
بارك الرحمن فيكى غاليتى و حفظك دوما
اكثر حاجه الناس بتستغربها اليومين دول عموما انهم يشوفوا حد عنده ضمير و بيقولوا عليه بكل استهتار محبكها كده ليه !!
سبحان الله على هذا الزمان الذى قلت فيه الاخلاق و تاه ضمير الناس

احيك غاليتى فى الله و يارب ما اتحرم منك ابداا

ارق تحياتى و ودى لكى دوما

الفراغ يقول...

هكذا تكون الفتاه فى اروع صورها
وهكذا تكون الاخلاق
تسلم ايدك على تصوير هذه الصور الجميله البراقه فى زمن الخداع والا مبالاه
تحياتى

موناليزا يقول...

انا انسان
ـــــــــــــ
اهلا بيك يافندم
من تختلف طباعه معك أكيد هيلومك
اشكرك جدا لمشاركتك



**********************************



صاحبة هدف
ـــــــــــ
اختى الحبيبة:احترم رأيك جدا
وكده هى معاها حق لانها مش بتلومنى من فراغ:)
المشكلة ياجميلة ان صعب نغير طباعنا عشان حد
ربنا يكرمك ياحبيبتى وييسرلك امورك
نورتينى واشكرك جدا لتواجدك



*******************************



فاتيما
ــــــــــ
اختى الحبيبة:اهلا اهلا بالقمر وانا اقول النور زاد مرة واحدة فى المدونة ليه .. أتارى أم يوسف الغالية عندنا يا مرحبا يا مرحبا:)

مبسوطة بجد بتعليقك واحساسى انى مش لوحدى اللى ممكن يكون فيا طباع بيستغربها اللى حواليا
وأثرت فيا اوى جملتك دى
" العمر لم يعد فيه بقية كثيرة حتى نضيعه فى إرضاء الآخرين على حساب راحة نفوسنا "
تعرفى بقولها لنفسى دايماً
:)وصلونى ياطماطم وفرحانة بيهم جدا لانك كنتِ وحشااااااانى جدا ومبسوطة جدا بزيارتك
نورتينى غاليتى واشكرك جدا لمشاركتك



*********************************



مدحت محمد
ـــــــــــ
اهلا بيك استاذ مدحت
ربنا يكرمك اشكرك جدا على دعائك ربنا يتقبل
وانا كمان استغربت دلؤتى بس مش عشان انك ولد ولكن عشان محامى:)
اشكرك جدا لمشاركتك



**********************************



جنى
ـــــــ
وعليكم السلام ورحمة الله وبركاته
اهلا بيك استاذ سعيد
ربنا يكرمك واشكرك جدا لرايك ولتعليقك




*******************************




محمد عبدالباسط
ـــــــــــــــ
اهلا بيك استاذ محمد
اللهم لاتؤاخذنى بما يقولون واغفرلى مالايعلمون واجعلنى خيراً ممايظنون

ربنا يكرمك واشكرك جدا لتعليقك




*******************************





هكذا علمنى سيدنا محمد صلى الله عليه وسلم
ــــــــــــــــــــــــــــــ
وعليكم السلام ورحمة الله وبركاته
اهلا بيك يافندم
بيعجبنى اوى بداية تعليقكم ربنا يكرمك ويتقبل دعائك اللهم امين
أسعدتنى بتعليقك وأعتبره حافزاً قويا ربنا يعزك ويبارك فيك
اشكرك جدا لتواجدك



**********************************




اكيد
ــــــــ
اهلا بيك يافندم
ربنا يكرمك
واشكرك جدا لرايك ولتعليقك



*********************************



ابو صهيب
ـــــــــــ
اهلا بيك يافندم
ربنا يكرمك ويتقبل دعائك
واشكرك جدا لدعمى ولتعليقك



*********************************




من غير عنوان
ــــــــــــــ
اهلا بيك يافندم
ربنا يعزك واشكرك جدا لرايك
انا كمان لو مكانهم هستغرب:)
اشكرك جدا لمشاركتك



*********************************





سلوى
ــــــــ
وعليكم السلام ورحمة الله وبركاته
اختى الحبيبة:اشكرك جدا لتعليقك
نورتينى سلوى الجميلة




**********************************




روفى
ــــــ
وعليكم السلام ورحمة الله وبركاته
اختى الحبيبة:اهلا اهلا بالغالية
كل مرة تقلقينى عليكِ كده ماشى:)
مش كفاية جنة
وانتِ كمان وحشتييييينى جدا وياريت بجد ماتغيبيش تانى.. أنتِ عارفة انا بحبك قد ايه وبحب اطمن عليكِ دايماً

ربنا يعزك يارب اخجلتم تواضعنا فماتوفيقى الا بالله
(اللهم لاتؤاخذنى بمايقولون واغفرلى مالايعلمون واجعلنى خيراً ممايظنون)

عادى ياحبيبتى فطوبى للغرباء:)
نورتينى غاليتى واسعدتينى بتواجدك ومشاركتك
ويارب يديم علينا نعمة الحب فيه



**********************************



الفراغ
ــــــــــ
اختى الحبيبة: ربنا يكرمك يارب واشكرك جدا لرايك
نورتينى حبيبتى واسعدنى تواجدك

هدى التوابتي يقول...

السلام عليكم..تدوينة رائعة بحق وأتمنى من الله أن يهديني لهذا أنا أيضاً وجزاك الله خير

موناليزا يقول...

دودى
ـــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يكرمك واشكرك جدا لرايك فماتوفيقى الا بالله
ربنا يوفقك دايما لما فيه الخير لدينك ودنياكِ
نورتينى دودى الجميلةوسعيدة بتعليقك

نـارا يقول...

رأيت بكلماتكِ صورة لحبيبة لى ..!

أختى أدعوا الله دوماً أن أكون بجوار

الصادقين فى الجنة ..

وأراكِ كذالك

عساه يجبرنى ولا يرد دعائى ..


جزى الله خيراً أم البنات

رأيت موضوعكِ بمدونتها

موناليزا يقول...

نارا
ــــــ
اختى الحبيبة:اهلا بيكِ فى زيارتك الاولى
ربنا يكرمك ويتقبل دعائك والف شكر للجميلة ام البنات
نورتى مدونتى وارجو دوام التواصل