الجمعة، 24 يوليو 2009

غمض عينيك

رأيت فى عينيها نظرة لم أعهدها فيها من قبل فقد كانت شاردة , حزينة بل مصدومة . فسألتها عن السبب صمتت. وإثر انهيارها وإصرارى تكلمت.. فقالت:مش قادرة أصدق عينى فقد رأيت مصيبة. أنا كنت شاكة فى الأول لكن دلؤتى أتأكدت. بس برضه مش قادرة أصدق.
- يابنتى وقعتى قلبى إيه اللى شوفتيه؟؟ خير!.
- مش خير أبداً.
سأروى لكِ من بداية شكوكى وظنونى.
حينما كنت أشاهد التلفاز إذ به يطلب منى مغادرة الغرفة لأنه يريد أن يشفر قناة معينة.
فقلت له: وما المانع فى وجودى على الأقل أتعلم كيف يتم التشفير.
رفض قائلاً: لوسمحتى مش وقته.
خرجت من الغرفة وفى ذهنى مئات التساؤلات وأولهم لماذا حرمنى من مشاهدة ما كنت أتابعه لكى يشفر قناة لا أعلم حتى ما هى ولا أين توجد.
وموقف آخر كنت فى المطبخ وأستعد لمشاهدة برنامج أتابعه فى التلفاز فإذ بباب الغرفة مغلق من الداخل. وهذا معناه "ممنوع الدخول فأنا أشفرقنوات".
وهنا تسائلت لماذا كل هذا الإهتمام بتشفير قنوات معينة رغم أننا شغالين على النايل سات والأقمار الأوربية لا أعلم حتى كيفية تشغيلها. ولم أشأ حتى أن أطرق الباب وتركته.
وإذ بموقف يصيبنى بصاعقة فقد استيقظت من نومى فى منتصف الليل. وفى أثناء ذهابى إلى الحمام مررت بغرفة التلفاز ووجدتها مضائة فألقيت نظرة على من يجلس فيها فإذ بالتلفاز فى وجهىوبه منظر فاضح وأبى يشاهد هذا فقد ترك الباب مفتوح هذه المرة لأنه تأكد من نوم الجميع وطبعاً لم يشعر بوقوفى . وذهبت إلى غرفتى سريعاً وأنا فى قمة الذهول.
وإلى هذا الوقت مش قادرة أصدق أن أبى الرجل الفاضل المُصلى و القارئ فى كتاب الله يفعل هذا!!!.
- وقتها تمنيتها لم تحكى لى شئ فلم أدرى ماذا أقول فأنا أيضاً فى قمة الذهول ولم أستطع النطق فالقدوة انهارت ولا أستطيع أن أرممها.
حقاً إنا لله وإنا إليه راجعون.
ومن هنا أقول لكل رب أسرة: هذا الفعل لا يليق بك لأسباب عِدة أهمها:
- أنك مُسلم وما تفعله حرام فالعينان تزنيان وزناهما النظر.
- أنك متزوج والمفروض إنك بتعف نفسك بالزواج. - رغم ان حتى لو ماكنتش متزوج ده مش مبرر أبداً أنك تغضب الله-.
- أنك أب يعنى قدوة لآبنائك.
ولذلك أقولك:
- اتقِ الله فى رعيتك.
- لا تجعل صورتك تهتز وتنهار فى أعين آبنائك.
- كيف تخاف عليهم من رؤية ما تبيحه لنفسك!. أتخشى أن تمس النار أعينهم ولا تخشى على عينيك.
أتخاف أن يراك بشر ولا تخاف من رب البشر!!. فلا تجعل الله أهون الناظرين إليك.
- استغل وقتك هذا فى قيام الليل وقراءة القرآن واجعل لك طاعة سرية بينك وبين ربك. بدل هذا الفعل المشين.
- تخيل لو مُت على حالك هذه كيف ستقابل الله؟ وماذا ستقول له؟ تذكر أن العبد يبعث على ما مات عليه.
- ماذا سيكون رد فعلك لو علمت بأن أحد آبنائك يقوم بتقليدك ؟ بماذا ستنصحه وقتها؟. وإذا جائت ابنتك أو أختك تشكو لك من تصرفات زوجها الذى يقوم بمثل ما تفعل بماذا ستقول؟.
- هل هذا شكر الله على نعمة البصر الذى حباك بها؟؟!!!. تخيل لو بصرك هذا ذهب فجأة وكان هذا آخر مشهد تراه عينك عن عمد هل ستجرؤ أن تدعو الله بأن يعيده إليك مرة أخرى؟.
وأخيراً أعلم أنك مُلاقى ربك فهل تحب أن يراك الله عاصيا!!!؟؟؟؟.
لفتت نظرى أختنا الفاضلة صاحبة مدونة الفراغ بأن الفضول قد يدفع الإنسان إلى المعصية دون أن يدرى. كأن يريد أن يشاهد لمجرد أن يصدق أن هذه الأشياء ممكن أن تحدث على الملأ هكذا. أو لأى سبب آخر. المهم مابيكونش فى دماغه أصلاً أنه كده بيعصى الله. وهذه هى الطامة الكبرى.
قال الله تعالى" ولا تتبعوا خطوات الشيطان"يعنى الشيطان مش هيقول للمسلم العاقل قوم ازنى مثلاً لأ ده هيجيبهاله بالتدريج وهيضعه على أول الطريق والإنسان بإرادته هو اللى بيكمل أو يرفض.
كمن تكون بدايتهم مجرد الوقوف على النواصى لرؤية الفتيات وما يرتدين ثم يتطور الأمر إلى معاكسات باللسان ثم بالتحرش ثم يتطور الأمر إلى ما لا يحمد عقباه. وما إلى ذلك من أشياء يندى لها الجبين. ونسأل الله لنا ولكم أن يعزنا بطاعته وألا يذلنا بمعصيته اللهم آمين.



******************
أدعوكم لقراءة هذا الموضوع هدوء .. من فضلكم.


هناك 62 تعليقًا:

وردة يقول...

لاحول ولا قوة الا بالله
فعلا مش حينع معاها اي كلام
لان القوة انهارت قدامها
وكل كلمة نصح منه او حتي اي حاجة البنت ديه مش حتسمعها
ربنا معاها
ويصلح حال الاب ده
سلام

ذكرى رحيل قلم يقول...

السلام عليكم
موناليزا جزاكي الله خير
فعلا الموضوع ده لكل الناس مش للابهات وبس يمكن جيل الاب قلة من الحرمان العاطفي التي تبخل به زوجتهم ولكن الاطفال والشباب والفتيات وغيرهم يابنتي احنا هنصلح مين ولا مين يربنا يهدينا جميعا ووفقكي الله لما يحب ويرضي
دمتي

Somaya Kamal El Din يقول...

لا اله الا الله

بجد حاجة صعبة اوووى

ربنا يرحم الناس اللى كده ويرحمنا

موناليزا يقول...

وردة
ــــــــ
اختى الحبيبة:اشكرك جدا لتواجدك
نورتينى وردتى الجميلة وسعيدة بتواصلك




**********************************





ذكرى رحيل قلم
ـــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
هو فعلا انا كاتباه للكل بس للاباء بصفة خاصة
ربنا يكرمك ويتقبل دعائك
وبجد بتسعدينى دايما بتواجدك
نورتينى حبيبتى










*********************************









سمية كمال الدين
ـــــــــــــــ
اختى الحبيبة:اهلا بيكِ فى زيارتك الاولى
ربنا يرحمنا جميعا ويبعد عننا معصيته
نورتى مدونتى وارجو دوام التواصل

mohamed ghalia يقول...

روعة بجد المقال
حضرتك بتمتلكى قلم اكثر من راقى
ربنا يكرمك ويسعدك دايما

♥نبع الغرام♥♪≈ يقول...

تعرفى بجد الموضوع ده مهم قووى لكل اب وام وفتاه وفتى وناااس كتير

جزاكى الله كل الخير على ما كتبتى لنا وجعله الله بميزان حسانتك ان شاء الله
ولا حول ولا قوة الا بالله العلى العظيم

تحياتى

مجداوية يقول...

السلام عليكم

موقف مؤلم جدا ,,ولكن لم أفهم لماذا فضحت والدها بهذا الشكل فالأولى أن تستر هذا الموقف المهين ولا تحكيه لأحد حتى لو كان يؤلمها جدا وتحاول بشكل غير مباشر أن تلمح له أن هناك من يفعل هذا وتستنكر فعلتهم وتشيد به وبحست تربيته لهم ولا تشعره أبدا أنها رأته ولكنه سيفهم وسيراجع نفسه فالشيطان يقعد للانسان صراط الله المستقيم وهو بالتأكيد في صراع مع الشيطان فلتعينه عليه بكثير من التفهم والود فهو بشر حتى لو كان في نظرها لا ينبغي له الخطأ كوالد وقدوة لكنه في النهاية بشر ولتدعو له أن ينصره الله على شيطانه
ويتوب إلى الله ولتتأكد ان الله قد كشفه لها لسبب قد يكون لإنقاذه مما فيه

wanna b a physician يقول...

الموضوع عند بعض الناس لما تكلميهم بتلاقيه اصبح عادة وبيعتبرها زى انه قاعد عالقهوة مع صحابه مثلا او انه فى خروجه وبعدين اصلا الشعب العجيب اللى بيفهم عربى بالعافيه جايب اروبى يهبب بيه ايه فى البيت مش فاهم على اساس ان كله شغال مترجمين دلوقت مثلا


دمتى بالخير
تحياتى

غير معرف يقول...

حبيبتى موناليزا
انا لله وانا اليه راجعون
اللهم قنا فتنة المحيا وفتنة الممات
اللهم اخرجنا منها على خير
مصيبة والله ولاعجب فيما نسمع ونرى
تحياتى

تأثير الفراشة يقول...

اللهم اهدنا و عافنا

سلمت يمينك على الكلمات الأكثر من رائعة

ربنا ينفعك و ينفع بيكى ، و يجعل كلماتك سببا فى الهداية

جزاك الله خيرا

أحمد الصعيدي يقول...

اللهم أصلح حال العباد
اللهم إعصمنا من الفتن ما ظهر منها ومابطن ومتعنا بأسماعنا وأبصارنا وقوتنا ما أحييتنا واجعله الوارث منا

ياسيدتي علاج من يفعل هذا يكمن في قراءة كتب الوعيد
1- تهديد ووعيد
2- عمر امة الاسلام وقرب ظهور المهدي عليه السلام
3-عذاب القبر ونعيمه
وغيره من كتب الوعيد إلي جانب كاتب صعب في قراءته اسمه:
تلبيس إبليس
لأنه يظهر كداخل الشيطان التي يتحايل بها مع المسلم

بارك الله فيكي وهدي المسلمين جميعا لما يحب ويرضي

السلام عليكم ورحمة الله

rovy يقول...

السلام عليكم
اختى الحبيبه مش عارفه اقول ايه ؟ بجد ربنا يرحمنا برحمته ..
جزاكى الرحمن كل الخير حبيبتى على ما تطرحينه من مواضيع مهمه جداا بجد
ربنا يهدينا و يصلح احوال المسلمين
سلمت يداكى ..

عاوزه اقولك يا موناليزا انى بحبك جداا و انى مش ممكن ازعل منك ابدا بجد .. انا لما عاتبتك انك ما سألتيش عنى و انا تعبانه كنت بأهزر و انا عارفه انك اكيد ما لحقتيش تعرفى ..
ربنا ما يحرمنى من سؤالك الغالى يارب
كمان ياريت ما تنسيش تدعى لهدير جدا لأن نتيجتها قربت .. يارب تنجح .. يارب ..
بحبك جداااااااا
تحياتى و ودى

أبو كريم يقول...

إن النفس لأمارة بالسوء إلا مارحم ربى.. سيدتى والله إن الإنسان لظلوم جهول..وكما في الصحيحين وغيرهما عن أبي هريرة رضي الله عنه قال: قال رسول الله صلى الله عليه وسلم: لا يزني الزاني حين يزني وهو مؤمن، ولا يسرق السارق حين يسرق وهو مؤمن، ولايشرب الخمر حين يشربها وهو مؤمن. وفي رواية والتوبة معروضة بعد.
أى أنه ساعه إتيانه المعصيه لا يرى ربه ولو أنه علم ان الله يراه لما اتاها فأستغفرى له واطلبى من الله هدايته وهدايه المسلمين

اللهم أستر عوراتنا ولا تفضحنا بين خلقك ولا بين يديك..ولا تكشف عنا ستر ما إجترئنا عليك به فى خلواتنا وأرزقنا اللهم قبل الموت توبه وبعد الموت شفاعه نبيك

أمين

أحمد زاهر يقول...

جزاكى الله خيرا على هذه النصائح الغاليه
ربنا يجعلها فى ميزان حسناتك

akeed يقول...

انا لله وانا اليه راجعون لقد قُتلت القدوة على كل اب ان يتقى الله فى نفسه وفى ابناؤه وان يتوب الى الله من الذنوب و المعاصى والا يرجع اليها ابداً

مصطفى الشال يقول...

أختى الكريمة
تم انشاء مدونة جديدة هى المسلمون اليوم ولما لمسناه من كتاباتك القيمة ندعوك لزيارة المدونة وإبداء آرائك فيها ويمكنك أيضا الإشتراك فى تحريرها حيث من المنتظر ان نكتب فيها مقال كل اسبوع ولك منا مزيد ووافر الاحترام والتقدير
مصطفى

مصطفى الشال يقول...

http://moslims2day.blogspot.com/
هذا هو عنوان المدونة

EMMY BABY يقول...

اااااااااه ربنا يهدى والله العظيم

بجد والله موقف صعب عليها اوووووووى

المهم انه كان خايف من البشر ونسى خالق البشر
ونسى ان ربنا شايفه فى كل لحظة

ربنا يهدينا جميعا

تحياتى
ايمى

د. ياسر عمر عبد الفتاح يقول...

موقف صعب جداًً
حاجه كده ملهاش علاج
الأب ده سقط سقطة كبيرة أوي

ربنا يرزق شباب وبنات المسلمين العفة والعفاف

جزاكِ الله خيراً

ريمان يقول...

موضوع بصراحه صعب

وعلى فكره نسبه الرجاله اللى بيتفرجوا على الحاجات دى اكتر من نسبه النساء


ربنا يعافينا

غير معرف يقول...

لا حول ولا قوة الا بالله

صعب جدا يسقط ابوها من نظرها بسبب هالفعل الفاضح

اذا الراجل الفاضل بيعمل كدا

الشباب يعملوا ايه

ربنا يهدي الجميع

بارك الله فيكي حبيبتي عالبوستات الهادفة

بنجاواتى يقول...

السلام عليكم

ان لله وانا اليه راجعون
القصة ؤلمة جدا لكن يبدو انها اصبحت منتشرة بشكل او بآخر

عموما اى انسان بيترك نفسه دون ان يشغلها بالحق فحتما سوف تشغله بالباطل
واى انسان لم يعود نفسه على مراقبة الله له وان الله يراه فى كل احواله فإنه حتما سيقع فى مثل هذه الأخطاء

اعتقد ان الحل فى مثل هذه الأمور صعب ان يكون من باب انه اب او انه قدوة وغير ذلك
الحل فى مثل هذه الامور يكون بأن يعرف الانسان قدر ربه

(وما قدروا الله حق قدره والأرض جميعا قبضته يوم القيامة)

ربنا يعافينا ويصلح بيوتنا ويشغلنا بالحق ويرزقنا الشوق الى لقائه وان يكون هذا الشوق دافعا الى عمل الخير ورادعا عن المعاصى

تحياتى

اللى تشوفه يقول...

اتقِ الله فى رعيتك
==============
اسمحى لى اقولها
واوجه لها كلام
........اى نعم قدوتها صورتها اهتزت امامها
لكن هى عقلها فيها
وطالما انها استاءت من كدا
يبئا هى الصلاح فيها والخير والحمد لله
تستعين بالله
وتعتبر ان دى نزوة وهتعدى
انا طبعا مش بعذره
لكن كل ابن ادم خطاء
وهى مش لازم تربط نفسها بالمشهد دا
تنتقد فيه الجزئية دى بس وطبعا ماتصارحهوش الا لو زاد الامر عن حده فعلا
اهم شىء انها تستعين بالله ومتمشيش بقول اذا كان رب البيت بالدف ضارب
فهو بردو فيه خير كتير
وربنا يصبرها ويجعل صبرها فى ميزان حسناتها

جزاك الله خيرا اختى

سلوى يقول...

هو أكيد عمل شئ سئ جدا وحرام
وبجد كل كلمه قلتيها صح
وخصوصا انه متزوج

لكن عايزة اضيف شئ
هل تصرف بنته صح ؟؟
خصوصا ان كلامها لن يعالج شئ ولن تجرؤ على مواجهته
هي اتصدمت اعلم ذلك
لكنها نشرت الخبر لك وربما لغيرك

هذا الرجل المصلي ربما تهديه صلاته يوما ويتوب عما يفعل
ولكن هل سينسى وسيغفر من حوله

السؤال هل كان يجب ان تتكلم
ام كانت تستر والدها ؟؟

Kiara يقول...

انا صعقت

لا حول ولا قوة الا بالله ربنا يهدي

تلميذة سلمان الفارسى يقول...

بارك الله فيكى

ندا منير يقول...

للاسف الاب والام هما المسئولين عن دا وبعدهم نقول المسئولين اللى بيسمحوا بافلام وكليبات مش كويسة تنزل عادى جدا بدون رقابة

للاسف مبقاش فى رقابة اصلا

رفقة عمر يقول...

شوفى مونى احنا حوالينا الفتن كتير
حتى فيه حديث عن الرسول بيتكلم عن الامر
انه سياتى فيه زمن يصبح الرجل فيه مؤمنا ويمسى فيه كافرا والحل ان الانسان يلزم بيته طيب البيت كمان فيه بلاويا انا جبتها بيدى
يبقىى افضل حل انه يلغى الاقمار الاوربيه تماما لو كان فعل كدة من الاول كان حمى نفسه انها تبدا الاول بفضول وتنتهى بادمان للمشاهده
يبقى طالما الشئ دة موجود فى البيت فلن ينتهى عن المشاهده
نسال الله الاخلاص
اللهم يا مقلب القلوب ثبت قلوبنا على طاعتك
نخيلى اكتئبت ربنا معها ويهدلها باباها
اللهم امين

شجرة الدر يقول...

السلام عليكم موضوع بلفعل يمس فئة كبيرة من الناس ولا نخصص الذكور دون الاناث فقد اصبح كل شئ مباح ومسموح ولكل شخص
ان يقين القلب والايمان والالتزام الصادق مع توفيق من الله هم يصون القلوب الخطء وارد كلنا بشر فلا نحكم على الاب انه خرج من بشريته لكن الاستمرار في الخطء هو المشكل فلنتعلم كيف نستأصل الشيطان من اعماقنا بذكر الله عز وجل والتوبة
اختى الغالية بارك الله فيك وقربك اليه
بلقول والعمل

Butterfly يقول...

موضوع جمييييييييل جداااااااا
ربنا يجازيكى خير .

طبيبك الخاص يقول...

السلام عليكم

الغريب والمحزن فى الموضوع ان يكون الاب بمثل هذه الصوره

حسبى الله ونعم الوكيل

وربنا يهديه ويصبر ابنته

تحياتى

Ramy Wasel يقول...

موناليزا

انا اسف جدا على التاخير
معلش ظروف الشغل واخد كل وقتى
ومش لاقى وقت ادخل النت الا قليل جدا
بس باذن الله اتابع مدونات اصدقائى
وحتابع مدونتك دائما باذن الله

حاجات جوايا يقول...

السلام عليكم ورحمة الله وبركاته

ازيك حبيبتى وحشتينى اوى
متحرمش من سؤالك يا غالية ربنا يخليكى ليا يارب

بالنسبة للبوست فبجد حاجة تكسف
الدش والنت والبلوتوث والموبايل كشفوا الناس على حقيقتهم بجد

يمكن زمان مكنش فيه كده مش عشان الناس كانت محترمة ولا متربية ولا متدينة ولا حاجة من دى
لكن عشان مكنش فيه الانفتاح ده
واللى كان يحب ينحرف كان هينحرف بالزنا والعياذ بالله وده طبعا بفلوس

دلوقت الزنا مجانى بالفضائيات والنت والكاميرات والمايكات والموبايلات

مين يلاقى حاجة ببلاش وميقربلهاش خصوصا ان الدين فى حياة الكثير بقى مجرد شكل كمالى من كماليات الحياة
عشان الناس يقولوا ده راجل متدين وعارف ربنا
الصيت ولا الغنى يعنى


ربنا يهدى
بجد حاجة مقرفة

موناليزا يقول...

محمد غالية
ـــــــــــــ
اهلا بيك استاذ محمد
ربنا يعزك يارب فماتوفيقى الا بالله
اشكرك جدا لرايك




**********************************




عاشقة الاحزان
ــــــــــــــ
أختى الحبيبة:اهلا اهلا بالقمر
ياريت فعلا الكل يقرأه ويارب يجعله سبب فى هداية الجميع
ربنا يكرمك ياجميلة وسعيدة جدا بتواجدك


*********************************



مجداوية
ـــــــــ
وعليكم السلام ورحمة الله وبركاته
اختى الحبيبة:اهلا اهلا بصوت الحق
متفقة معاكِ جداً فى حتمية الستر ولكنها كانت فى حالة انهيار شديدة وانا كنت احاول ان افهم السبب يمكن استطيع اساعدها
تقول لمين بس اذا كان هو نفسه ممكن ينصح الناس وبيقول احلى كلام كمان
فعلا لا نملك له ولغيره الا الدعاء بالهداية
نورتينى حبيبتى وسعيدة بتواجدك




***********************************



ونا بى فيزيائى
ـــــــــــــــــ
اهلا بيك يادكتور بعد طول غياب
يافندم انت ناسى عقدة الخواجة اللى عندنا ولا ايه:)
نورتنى واشكرك لمشاركتك




*********************************




ام مالك
ـــــــــــ
اختى الحبيبة:اهلا اهلا بالقمر
اللهم يامقلب القلوب ثبت قلوبنا على دينك
نورتينى ياجميلة وسعيدة بتواجدك



********************************




تأثير الفراشة
ــــــــــــــ
اختى الحبيبة:اهلا اهلا بالقمر
ربنا يكرمك يارب ويتقبل دعائك اللهم امين
نورتينى حبيبتى وسعيدة بتواجدك




********************************




احمد الصعيدى
ــــــــــــ
اهلا بيك استاذ احمد
ربنا يكرمك و يتقبل دعائك اللهم امين
جميل ذكرك لاسماء بعض الكتب ولكنى اقترح ان يقرأ كتاب الله بتمعن وتدبر
اشكرك جدا لتواجدك




********************************




روفى
ــــــ
وعليكم السلام ورحمة الله وبركاته
اختى الحبيبة:اهلا اهلا بالغالية
ربنا يكرمك ويتقبل دعائك ويثبتنا على دينه اللهم امين

ياحبيبتى ربنا يخليكِ ليا وماتحرمش منك ابداً يارب
وانا كمان والله بحبك جداً(k)
اه والله كان غصب عنى :(
طمنتينى بجد ربنا يريح قلبك كنت خايفة لتكونى زعلانة منى وانتِ عارفة غلاوتك عندى قد ايه:)
ياحبيبتى ربنا ينجحها يارب وباعلى تقدير ونفرح كلنا بنجاحها اللهم امين
(على فكرة انا بدعيلها دلؤتى والفر بيأذن) يعنى بشرى حلوة طمنيها بقى:)

نورتينى روفى الجميلة وسعيدة جدا بتواجدك





*********************************




ابو كريم
ـــــــــ
اهلا بيك يافندم
ربنا يكرمك على تعليقك ويتقبل دعائك ويبعد عننا جميعا المعاصى اللهم امين
اشكرك جدا لتواجدك



********************************



بن الخطاب
ـــــــــ
اهلا بيك يافندم
ربنا يكرمك واشكرك جدا لمشاركتك
نورتنى



*********************************



اكيد
ــــــــ
اهلا بيك يافندم
ليت الجميع يقرأ هذا الكلام ويعى
اشكرك جدا لمشاركتك



***********************************




شال
ــــــ
اهلا بيك استاذ مصطفى
ربنا يكرمك يارب فماتوفيقى الا بالله
يسعدنى دعوتكم وسأذهب اليها قريباً بإذن الله ولكن أعذرنى لو اتأخرت قليلاً
نورت مدونتى



********************************


ايمى بيبى
ـــــــــــ
اختى الحبيبة:اهلا اهلا بالقمر
ربنا يهديه ويبعد عننا المعاصى ويجنبنا شر الفتن اللهم امين
نورتينى ايمى الجميلة وسعيدة بتواجدك



********************************



د. ياسر عبد الفتاح
ــــــــــــــــــــــ
اهلا بيك يادكتور
ربنا يكرمك ويتقبل دعائك ويهدينا جميعا اللهم امين
اشكرك جدا لمشاركتك



**********************************



ريمان
ــــــــ
اختى الحبيبة:اهلا اهلا بريمو الجميلة
ربنا يهدى الجميع ويعينا دائماً على طاعته وحسن عبادته اللهم امين
نورتينى حبيبتى وسعيدة بتواجدك



**********************************

موناليزا يقول...

نوارة
ــــــــ
اختى الحبيبة:اهلا اهلا بالقمر
لا نملك سوى الدعاء له وللجميع بالهداية
ربنا يكرمك واشكرك جدا لرايك
نورتينى حبيبتى وسعيدة بتواجدك



**********************************



بنجاواتى
ـــــــــــ
وعليكم السلام ورحمة الله وبركاته
اهلا بيك يافندم
ربنا يكرمك على تعليقك ويتقبل دعائك اللهم امين
اشكرك جدا لمشاركتك



*******************************



اللى تشوفه
ـــــــــــــ
اختى الحبيبة: هى تريد له الهداية ولا تريد بالطبع تقليده
نسأل الله ان يعيينا جميعا على طاعته وحسن عبادته
نورتينى حبيبتى وسعيدة بتواجدك



*********************************


سلوى
ــــــ
اختى الحبيبة:اهلا اهلا بالقمر
اعتقد انها مش هتقول الكلام ده ابداً لحد لانها ماحكيتش الكلام ده غير وهى فى لحظة ضعف وانهيار كامل ومين عارف يمكن تكون ندمت انها قالتلى وبينتلى صورة والدها كده
بس اجابة سؤالك لا طبعا ماكانش المفروض تقول
نورتينى ياجميلة وسعيدة بتواجدك



**********************************



كيارا
ــــــــ
اختى الحبيبة:اهلا اهلا بالقمر
لا نملك سوى الدعاء
ربنا يهدي جميع المسلمين لما يحب ويرضى
نورتينى ياجميلة وسعيدة بتواجدك



*********************************


تلميذة سلمان الفارسى
ــــــــــــــــــــ
اختى الحبيبة:ربنا يكرمك واشكرك جدا لمشاركتك
نورتينى حبيبتى وسعيدة بتواجدك



***********************************



ندا منير
ــــــــــــ
اختى الحبيبة:اهلا اهلا بالقمر
لا نملك سوى الدعاء ربنا يهدى المسلمين جميعا
نورتينى ندا الجميلة وسعيدة بتواجدك



**********************************




رفقة عمر
ـــــــــــ
اختى الحبيبة:اهلا اهلا بالقمر
اتفقك معاكِ فى ان نمنع الموضوع من البداية رغم ان المفروض ان نجاهد انفسنا حتى لو المعصية اتعرضت علينا
ربنا يهدى الجميع
نورتينى حبيبتى وسعيدة بتواجدك



*******************************




شجرة الدر
ــــــــــــ
وعليكم السلام ورحمة الله وبركاته
اختى الحبيبة:ربنا يكرمك ويتقبل دعائك
واشكرك جدا لتعليقك
نورتينى ياجميلة وسعيدة بتواجدك



********************************




بيترفلاى
ــــــــــ
اختى الحبيبة:اهلا اهلا بالقمر
ربنا يكرمك واشكرك جدا لرايك
نورتينى حبيبتى وسعيدة بتواجدك




**********************************




طبيبك الخاص
ــــــــــــ
وعليكم السلام ورحمة الله وبركاته
اهلا بيك يافندم
متفقة مع تعليقك جدا
اشكرك جدا لمشاركتك وربنا يتقبل دعائك



*********************************




رامى واصل
ــــــــــــ
اهلا بيك استاذ رامى
يافندم مكانك محفوظ دايما
سيادتك تنورنا فى اى وقت
ومدونتى فى انتظارك دائما
ونشكرك جدا لذوقك



**********************************




حاجات جوايا
ـــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر بعد طول غياب
انا الحمدلله بخير ماتحرمش من ذوقك ابدا

والله انتِ معاكِ حق جدا فى كل كلامك
المتدين اللى على حق اللى يبقى قدامه المعصية ويقول انى اخاف الله مش اللى يدور عليها
ربنا ينجينا يارب ويهدينا لطاعته دايما

نورتينى سالى الجميلى وسعيدة جدا بتواجدك

MaNoOoSh يقول...

تعرفي انا مجهزة موضوع طويل عن الحكاية دي من فترة بس مجاش وقت مناسب انزلة

للاسف 99% من الرجالة مدمنين او على الاقل بيتفرجوا على المواقع او الأفلام الاباحية دي
ومبيبقاش عندهم اى فكرة انها منتهي الاهانة للست.. ولا عندهم اى فكرة الست بتحس باية


ربنا يهديهم
بس احنا لازم نلاقى حل
مش معقول الاب يصغر فىنظر بنته كده
مش معقول الزوجة تحس بالقرف من زوجها كده
مش معقول البنت تتعقد وتحس ان الرجالة ميعرفوش غير الغريزة وبس وكمان بالشكل المقزز ده

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياكم الله وبياكم اخوانى واخواتى وجعل الجنة مثواى ومثواكم وطبتم وطاب سعيكم وممشاكم وتبوأتم جميعا من الجنة منزلا .
قال الذى لا ينطق عن الهوى صلى الله عليه وسلم
كلكم راع فمسؤول عن رعيته ، فالأمير الذي على الناس راع وهو مسؤول عنهم ، والرجل راع على أهل بيته وهو مسؤول عنهم ، والمرأة راعية على بيت بعلها وولده ، وهي مسؤولة عنهم ، والعبد راع على مال سيده وهو مسؤول عنه ، ألا فكلكم راع وكلكم مسؤول عن رعيته
الراوي: عبدالله بن عمر المحدث: البخاري - المصدر: الجامع الصحيح - الصفحة أو الرقم: 2554
خلاصة الدرجة: [صحيح]

جزاكى الله خيرا على التذكرة والتنبيه المهم دا واللى أعتقد إنه بأه واجب على كل فرد مسلم خصوصا فى الزمن دا .
الناس اللى حوالينا ليهم حق علينا طالما بنعرف نقرأ ونكتب وكمان من الله علينا بنعمة البحث والتدبر فى العلوم الشرعية .
أنا بدعو كل أخوانى واخواتى اللى هنا انهم يتعبوا شوية ونحط ايدينا فى ايد بعض نحاول نصلح أنفسنا أولا ونصلح جزء من الغلط اللى بأه منتشر حوالينا كتير واللى شايف ان جزء كبير من الحل يبتدى بالتمعن فى كتاب الله وسنة رسوله الكريم صلى الله عليه وسلم ومحاولة توصيل كل كبيرة وصغيرة نعرفها للى حوالينا واللى نعرفهم .
وفقكم الله جميعا لما يحب ويرضى وفيه الخير للمسلمين
سبحانك اللهم وبحمدك أشهد أن لا إله إلا أنت أستغفرك وأتوب إليك

بحب كل الناس يقول...

لا اله الا الله ولا حولا ولاقوة الا بالله


حقيقى شئ صعب ان يسقط الاب من اعين ابنائه


ربنا يهدى الجميع ويرجع فى نظر اولاده كما كان انه القادر على كل شئ

Dr. Ibrahim يقول...

استغفر الله العظيم من كل ذنب عظيم

كلمات رائعة فى أخر المقال

لكل من تسول له نفسه أن يشاهد مثل هذه الإباحيات

استغفر الله العظيم

على خطى الحبيب يقول...

السلام عليكم ورحمة الله,

الاخت (موناليزا) , كفانا الله وإياكى شر النقم, وندعوا الله ان يرحمنا ويغفر لنا ويتقبل اعمالنا,

بالنسبى للى حصل الأب غلطان طبعا مفيش شك فى كدة لكن انا مع "مجداوية" فى رايها طبعا وهو انه كان لازم البنت تستر على والدها وميبقاش الكلام علنا كدة ولأمها كمان!

لا حــول ولا قـــوة الا بالله العلى العظيم,
وإنا لله وإنا الية راجعون

تقبلى مرورى,
دمتى بخــــــير,,,

موناليزا يقول...

منوش
ـــــــ
اختى الحبيبة:اهلا اهلا بالقمر
ونحن فى انتظار موضوعك:)
الوقت مناسب جداً على فكرة لان الفتن اتنشرت جدا ويمكن لما يلاقوا حصار فى كل حاجة بيقرأوها يتذكروا مدى الجرم اللذين يفعلونه

الحل من وجهة نظرى ان نستطيع تغيير المنكر بلساننا كما نفعل الان على المدونة
ونسأل الله الهداية للجميع
نورتينى منوشة الجميلة وسعيدة بتواجدك





********************************




هكذا علمنى سيدنا محمد صلى الله عليه وسلم
ـــــــــــــــــــــــــــ
اهلا بيك يافندم
ربنا يكرمك يارب على تعليقك
وانا متفقة معاك جدا وأحاول جاهدة أن اقوم بهذا قدر المستطاع
اللهم تقبل منا ومنكم صالح الاعمال ويستخدمنا لخدمة دينه اللهم امين
نورتنى واشكرك جدا لمشاركتك




*******************************



بحب كل الناس
ــــــــــــــ
اهلا بيك يافندم
ربنا يكرمك ويتقبل دعائك اللهم امين
اشكرك جدا لتعليقك





*******************************



د/ ابراهيم
ـــــــــــــ
اهلا بيك يادكتور بعد طول غياب
ربنا يكرمك واشكرك جدا لرايك
نورتنى




********************************



على خطى الحبيب
ــــــــــــــ
وعليكم االسلام ورحمة الله وبركاته
اهلا بيك يافندم
ربنا يكرمك ويتقبل دعائك اللهم امين
مع احترامى الشديد لرأيك ولرأى أختى الحبيبة مجداوية البنت ماقالتش ده لحد غيرى وده كان فى لحظة انهيار شديدة منها وماظنش انها ممكن تقول كده لحد تانى
بس ممكن اسألك سؤال وتجاوبنى بصراحة؟
هو انا غلطت لما كتبت الموضوع بالطريقة دى؟

يسعدنى مرورك دائماً

مي يقول...

ازيك يا قمر يارب تكونى بخير فعلا الموضوع ده صعب ولو كمان فيه اطفال والاب بيعمل كده ويقومهم لحظة المشهد او تشفير القناة
بيبقى الممنوع مرغوب لهم
هى المفروض تحاول تحط مثلا ايه قرانية جنب التليفزيون بحيث يتقى الله كلما راها
تحياتى ليكى ودايما منتظرين موضوعاتك الهادفة

م م يقول...

انا استغرب الاندهاش من الموقف
وكأننا لا نعلم بأن هناك كارثة
في الحقيقة اصبحت لا استثني احدا
حتى الاطفال يشاهدون
ــــــــــــــ
حتى الدش الذي تتكلمون عنه اصبح موضة قديمة فهناك ما نحن جالسين امامه الان
فقط اكتب حرف واضغط انتر وشاهد وانتظر ان تحميك مكارم الاخلاق
للاسف نحن في زمن صعب ..البراءة فيه لا يعلمها الا الله
فكل من يتاح له مشاهدة مثل تلك الافلام
لا يتردد
واقصد هنا بالاتاحة عدم وجود رقيب بشري

ولا يغرنكم ادعاء الصلاح
فهناك شيء ابتلينا به اسمه النفاق الاجتماعي
نتكلم مع الاخر على هواه ان كان شيخاً فكلنا الشعراوي
وان كانت راقصة فكلنا طبالون..ـ

حتى لو كنت ابالغ في تصوري ما قولكم في الكليبات والاغاني وغيرها مما يعرض على القنوات العربية هل تحسب هل تصنف ضمن البرامج الدينية
زمان ايام الفيديو كاسيت كان المانع
من مشاهدة هذه الافلام هو الحرج من شرائها او تأجيرها

الان بكل سولة تدخل البيوت
بدون وسيط

ــــــــــ
وكعادتي بعد الانتهاء من الكلام اشعر
بالصدمة مما قلته
ــــــــــــ
الكارثة الحقيقية في ان يكون كلامي صحيحاً
ـــــــــ
بالفعل بالغت في التصور لكن الشيء الحقيقي
هو اننا فعلا بصدد كارثة
اسأل الله السلامة

_________
تحياتي لك

Unknown يقول...

جزاك الله خيراً
كلامك مضبوط.

Punny_Punny يقول...

لا أملك إلا أن أقول " إنا لله و إنا إليه راجعون"

ستيتة يقول...

انا جيت متأخرة

معلش بقى ظروفي

انا معنديش دعا ولا صدمة ولا الكلام ده كله

اما ابوك فقد سقط ولن يعلو في عينك مرة اخرى وإن تاب
ده نوع من البشر غلط قوي يسقط في عيون ابناءه والعياذ بالله

اما لو كان جوزك او ابنك فدي غلطتك المباشرة
لما جيبتي الأقمار الأوروبية وسمحتي بدخولها بيتك بدعوى الفرجة ع الماتشات

يا اختاه كفاية علينا النايل سات وبلاويه ها تروحي تتثقفي انت والفوميليا بالهوت بيرد واخواته؟

تحياتي يا مونا

على خطى الحبيب يقول...

السلام عليكم ورحمة الله,

الآخت الكريمة "موناليزا",

لصعوبة الموضوع وضخامة الحدث ولان طريقة عرضة جديدة عليا انا شخصياً فانا رأيى الشخصى ان احنا مش نتكلم على حاجة بعينها كدة ونقول موقف حصل فعلا لان بصراحة تجسيد صورة زى دى سيئة جداً وإن كانت دى الحقيقة, لكن ممكن احنا نعرض الموضوع بشكل عام وننوه فيه عن اللى احنا عايزينة ويبقى مطروح للمشاركة وابداء الرأى من الجميع وبردة هتبقى النتيجة واحدة فى الاخر, اعتقد 90% من اللى علقوا اتصدموا من الحكاية!!!!!

طلبتى منى أقول رأيــى وبصراحة :)

تقبلـــى رأيــى الشخصى,
دمتـــى بكل الخيــر والود,,,

بـِصَمتـِـ أميرة ــــى يقول...

لا حول ولاقوة إلا بالله العلى العظيم

اللهم أحفظنا وعافنا ..فهذا إبتلاء لا قبل لنا به

تقبلى مرورى
(ملكة بحجابى )

وحي القلم يقول...

السلام عليكم
كان لي واحد صديقي حكى لي على نفس المشكلة تقريبا

يارب يهدي العاصي

تقبلي مروري

موناليزا يقول...

مى
ـــــ
اختى الحبيبة:اهلا بيكِ
انا الحمدلله بخير ازيك انتِ ياجميلة
ربنا يهدى الجميع
نورتينى حبيبتى واشكرك جدا لرايك ولمشاركتك



***********************************



مسرور
ـــــــ
اهلا بيك يافندم
فعلا كلامك كله صح
يسعدنى تعليقك دائما فهو يتسم بالواقعية
اشكرك جدا لمشاركتك




*********************************




نوراهاتى
ــــــــــــ
اختى الحبيبة:ربنا يكرمك واشكرك جدا لتواجدك
نورتينى حبيبتى




********************************




بنى- بنى
ــــــــــ
اختى الحبيبة: فعلا ليس لنا سواها
اللهم ارفع غضبك ومقتك عنا
نورتينى حبيبتى وسعيدة بتواجدك






*********************************



ستيتة حسب الله الحمش
ـــــــــــــــــــ
اختى الحبيبة:اهلا اهلا بنبض الحكمة
يا جميلة انتِ تيجى فى الوقت اللى يعجبك مكانك محفوظ دايما

رسالتك موجعة ولكنها قوية
نورتينى حبيبتى وسعيدة بتواجدك




*********************************




على خطى الحبيب
ــــــــــــــــ
وعليكم السلام ورحمة الله وبركاته
اهلا بيك يافندم
اشكرك جدا لاجابة سؤالى
وسأنتبه لهذا فيما بعد بإذن الله
يسعدنى مرورك




*******************************



ملكة بحجابى
ــــــــــــ
اختى الحبيبة:اهلا اهلا بالقمر
وكأننا اصبحنا فى اخر الزمن حقاً
نورتينى اميرة الجميلة وسعيدة بتواجدك




**********************************




مصعب صلاح
ـــــــــــ
وعليكم السلام ورحمة الله وبركاته
اهلا بيك استاذ مصعب
ياخبر!! يعنى الموضوع منتشر جداً
ربنا يسترها معانا ومايخدناش بذنوب حد
اشكرك جدا لمشاركتك

سبهللة يقول...

لا حول ولا قوة الا بالله
حسبنا الله ونعم الوكيل

الحقيقة انا اعرف ازواجبيعملوا كدة مع انهم لسه ما كملوش خمسة اعوام من الزواج
دة غير الاباء اللى اولادهم كبروا ومازالوا فى الضلال

واعرف راجل حاجج بيت الله وما يسيبش فرض
لكن بيحب يتفرج على الرقص الشرقى
منتهى التناقض

اللهم اغفر للمسلمين والمسلمات الاحياء منهم والاموات انك قريب مجيب الدعوات

جزاكى الله خيرا على هذه التذكره
وجعلها فى ميزان حسناتك

كراكيب يقول...

الكلام ده للكبار والصغيرين والشباب وللبنات ولأي ولكل واحد يعمل كدة

موضوع كويس اوي ناقشتيه يا موناليزا
;)

miro el niro kwanirooo

موناليزا يقول...

سبهللة
ــــــــــ
اختى الحبيبة:اهلا اهلا بالقمر
مهزلة والله اللى بيصل ده
اللهم لاتؤاخذنا بما فعل السفهاء منا
ربنا يكرمك واشكرك جدا لمشاركتك
نورتينى يا جميلة







*********************************




كراكيب
ــــــــــ
اختى الحبيبة:اهلا اهلا بالقمر بعد طول غياب
فعلا الموضوع موجه للجميع
نورتينى ياميرو وسعيدة بتواجدك

كلمات من نور يقول...

موقف صعب جدا لأي فتاة لأن الأب رمز للكمال في نظر كل بنت ...ولكن هو موقف مع الأسف أصبح في بيوت كثيرة ولا أعلم هل العيب في الرجال أم في النساء أم في الفتنة المتمثلة في الانترنت والدش

موضوع محتاج كلام كتير ودراسة وفتاوى

ربي يعافينا من هذه الشرور ويبارك فيكي يا أمة ربي

حاسوباتيه يقول...

والله انا افتكرته في الاول جوزها لما كملت وعرفت انه باباها قلبي من جوا وجعني عليها بجد صعبه صعبه على الاقل الزوج ممكن نصحه او التخلص منه اصلا لكن الاب هتعمل معاه ايه؟ بصراحه موقف صعب وماعرفش ايه حله

ابو صهيب ( الجمعاوي الاصيل)سابقاً يقول...

اللهم عافنا واعفو عنا واعنا على ذكرك وشكرك وحسن عبادتاك

اللهم اعنا على انفسنا

بارك الله فيكي اختي الفاضلة

الفراغ يقول...

سلام عليكم
ازيك يا موناليزا
وحشتينى ووحشنى كلامك اللى دايما فى الصميم وواقعى لاقصى درجة
وكلامك هنا مظبوط وصح 100 %
بس فى نقطه خافيه عليكى
وانا عاصرتها مع انسان الله يرحمه ويجعل مثواه الجنه ان شاء الله
ان الفرجه على الاشياء دى احيانا بيكون بدافع الفضول فقط
لان فى وسطنا بشر لايصدقون ان هناك اناس او لنقل شياطين الانس يقومون بهذا الفعل الفاضح على الملأ
فيتفرجوا على هذه الاوضاع من باب الفضول
وانا لا اؤيد ذلك تحت اى مسمى اخلاقى او اجتماعى..
لكن اوجه فقط تفكيرك لنوع من البشر اللى بنسميهم (على نياتهم)
وبما انك تبنيتى الكلام فى هذا الموضوع فلتوضحى هذا النوع من الناس الذى يعمل السؤ بجهاله وهو لايعلم انه يقوم بفعل منكر حتى لو كان علنياته
لانه كما يقولون القانون لايحمى المغفلين
وصذق الله العظيم حين قال(وكل انسان الزمناه طائره فى عنقه)
وباب التوبه مفتوح
(وهؤلاء يبدل الله سيئاتهم حسنات)
صدق الله العظيم
تحياتى واشواقى
والى لقاء

عمك ياض يقول...

كلام جميل اوي ماشاء الله

للاسف غض البصر دي بقت حاجه نادره.. وبقينا نشوف مهازل

واكتر ما يدهشني اني الاقي واحد عنده 60 70 سنه وماشي عمال يعمل scan بعينه لاي بنت ماشيه !!

ربنا يهدي

موناليزا يقول...

كلمات من نور
ــــــــــــ
اختى الحبيبة:اهلا اهلا بالقمر
الموضوع من وجهة نظرى يحتاج الى تقوى الله فى السر والعلن
ربنا يكرمك ياجميلة واشكرك جدا لمشاركتك
نورتينى حبيبتى وسعيدة بتواجدك




**********************************




حاسوباتية
ــــــــــــ
اختى الحبيبة: اهلا اهلا بالقمر
تعرفى لو زوجها فعلاً كان الموقف هيكون اهون بكثير لان زوجها مهما كان مش هيكون قدوتها
ربنا يهدى الجميع
نورتينى حبيبتى وسعيدة لتواجدك




*******************************



ابو صهيب
ــــــــــ
اهلا بيك يافندم
ربنا يكرمك ويتقبل دعائك
اشكرك جدا لمشاركتك




*********************************




الفراغ
ــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
انا الحمدلله بخير
وانتى كمان يا حبيبتى وحشتينى جدا ويارب ماتحرم منك ابدا
ربنا يعزك يارب ويكرمك على تعليقك الجميل اللى بستناه دايما

تعرفى ان فعلا معاكِ حق الفضول ممكن يذهب الانسان الى معصية الله دون ان يدرى ومابيكونش حاسس كمان وتجديه يقول انا مابعملش حاجةانا بس بتفرج او بشوف الدنيا ماشية ازاى
بس بجد لا حول ولاقوة الا بالله العلى العظيم
لان ربنا قال "ولا تتبعوا خطوات الشيطان" يعنى الشيطان مش هيقول للمسلم العاقل قوم ازنى مثلا لأ ده هيجيبهاله بالتدريج وهيضعه على اول الطريق والانسان بارادته هو اللى بيكمل او يرفض
واشكرك لتنبيهى للفت الانتباه لهذا ربنا يكرمك هضيفها حالاً
نورتينى حبيبتى واسعدتينى بتواجدك





**********************************



عمك ياض
ــــــــــ
اهلا بيك يافندم
ربنا يكرمك اشكرك جدا لرايك
والله انت معاك حق
ده ممكن يبقى عجوز خالص وحفيدته معاه ويعاكس كمان مش بس بيكتفى بالنظر
اللهم ارفع غضبك ومقتك عنا
اشكرك جدا لمشاركتك

حياتى نغم يقول...

السلام عليكم / جزاك الله أمة الله على تلك التدوينة .

للأسف هذا الأمر أصبح منتشراً بسبب ضعف الإيمان وتفشى العرى والاباحية وإدمان من يحاول التجربة فقط أو يحركه الفضول فى أول الأمر وسبحان من حرم النظرة الحرام لأنه أعلى وأعلم بخلقه .

ففى طلق البصر الشر الكثير ومحق الصحة والبركة والخير وفى غض البصر الخير الكثير .

من ترك شيئاً لله أبدله الله خيراً منه .


اللهم اهدى المسلمين إليك آمين .

وعن هدوء من فضلكم هى وجهة نظر
ولكن هناك بعض الفوائد منها وهى أن البعض لا يفضل القراءة أو الصور وممكن يصله المعنى بأغنيه عن التدوينة كنت أفعل ذلك ومن لا يحب ذلك ببساطه يغلق السماعه أو يخفض صوتها حين القراءة .

تحياتى لقلمك المتجدد .

fL0weR-giRL يقول...

لااله الا الله محمد رسول الله
************************
الرجاله اتجننت وبعدين لو واحد فعلا من اولاده شافه ف موقف زي داه هيعمل ايه والله ماهيحترموا معلش بس بصراحه جسمي اقشعر اول ماقريت الموضوع
حسبي الله ونعم الوكيل في السبب في الحجات دي حسبي الله ونعم الوكيل

موناليزا يقول...

حياتى نغم
ــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يكرمك واشكرك جدا لرايك
ربنا يهدينا جميعا ويستخدمنا فى طاعته

اما عن تعليقك على هدوء من فضلكم فوجهة نظرك أيضاً تحترم واشكرك جداً لقراءته
نورتينى حبيبتى وسعيدة بتواجدك









********************************




فلور جيرل
ــــــــــــ
اختى الحبيبة:اهلا اهلا بالقمر
هو مش جنان بالظبط على قد ما بيعطوا لعقلهم أجازة فترة نتيجة تملك الشيطان منهم
ربنا يهدينا جميعا ويبعد عننا الشيطان
نورتينى ياجميلة وسعيدة بتواجدك