الخميس، 29 أبريل، 2010

فيه غلط ما بيتنسيش

المشهد الأول:
ـــــــــــــــــــــــ
كانا يسيران بجوار حافة حمام السباحة فى النادى المشتركان فيه وفجأة أرادت الزوجة أن تداعب زوجها فقامت بزقه على حين غفلة منه فوقع فى الماء أمام الجميع. وحينما شعرت بغضبه من هذا التصرف إعتذرت له وأظهرت أسفها وندمها ولكن هذا لم يكن كافياً بالنسبة له ففى خلال صعودهما شقتهما بالدور السادس قام بزقها من على السلم - واحدة بواحدة- وكانت النتيجة إصابتها بشلل كامل وفقدان قدرتها على الحركة.
إعتذر لها كثيراً ولكنها لم تقبل أسفه.
وهو غاضب لأنها لا تتقبل إعتذاره ويتهمها بالقسوة قائلاً: خلاص بقى كنت بهزر مايبقاش قلبك أسود كده.
====
المشهد الثانى:
ــــــــــــــــــ
إعتاد شقيقه الصغير أن يدوس على قدميه فى ذهابه وإيابه من آن لآخر قائلا: ماكنش قصدى.
وفى كل مرة يقبل الإعتذار - فالألم لا يستمر دقائق معدودة - وينبهه بعدم فعلها مجدداً.
ولكن حينما كسرت قدمه لم يكن يتحمل أن يلمسها شئ. ومع ذلك داس شقيقه عليها قائلاً كلمته المعهودة: ماكنش قصدى. وهنا لم يتقبل الأخ الإعتذار فالألم كان فوق طاقته على التحمل واستمر معه أيام عديدة.
وهنا غضب شقيقه قائلاً: خلاص بقى ماكنش قصدى.
---------
* هناك أخطاء تترك آثار لا تمحى من الوجدان بسهولة.
* حينما يخطأ فى حقك شخص يشغل بداخلك حيزاً لا بأس به فهذا الخطأ مهما كان بسيط من وجهة نظره يكون مميت بالنسبة لك.
*لا تطلب من شخص مجروح أن يسامح ولا تتوقعها منه طول ماهو شايف جرحه بينزف قدام عينه.
* ضع نفسك دائماً مكان من تسببت فى إيذائه سواء كان إيذاء نفسياً أو جسدياً. فلا يشعر بالجرح إلا من به ألم.
* حذار من الإستخفاف بجروح الآخرين. فلا يوجد شخص طبيعى يفضل أن يكون فى وضع يرثى له الجميع.
* اللى إتكسر عمره مابيتصلح ولو حصل بيكون تصليح فى الشكل الخارجى فقط وإستحالة أن يعود الشئ ليؤدى وظيفته المعروفه عنه كسابق عهده بعد تصليحه.
* بدل ما تلوموه حاولوا تعالجوه وتساعدوه.
* وأخيراً فكر فى تصرفاتك مهما كانت قبل تنفيذها حتى لا تتسبب فى إيذاء أحد وخاصة إذا كنت بالنسبة له من المقربين. فجراح الحبيب تدمى القلب .


سؤال جانبى:
ـــــــــــــــــ
* هل من السهل عليك أن تعتذر للآخرين إذا أخطأت فى حقهم؟.
* هل تقبل الإعتذار بسهولة ويسر؟.
* أذكر موقف مشابه حدث لك شخصيا

هناك 22 تعليقًا:

قلــ"بـــلال"ــــــب فارس يقول...

السلام عليكم
اولا مقالاتك رائعه
ثانيا الاجابه على الاسئله
* هل من السهل عليك أن تعتذر للآخرين إذا أخطأت فى حقهم؟.
نعم اعتذر وسريعا ان امكن اذا اخطات فى حق احد
* هل تقبل الإعتذار بسهولة ويسر؟.
نعم .وسريعا جدا لان قلبى حنين جدا
* أذكر موقف مشابه حدث لك شخصياً
اقول موقف
احد الاصدقاء وانا فى الثانويه زعل منى جدا وكان انا السبب وان لو اعتذرت اليه فى المدرسه كان زمانه ضربنى
بس اصلت عليه اخر النهار وكلمته عاااااادى وبقينا زى السمنه على العسل
موقف اخر
احد الاصدقاء كسفنى قدام واحد بعزه وقال عليا حاجات وحشه كتير ومش صحيحة وبعد ماعرف ان انا زعلت ايجا تااسف لى واقبلت اسفه بعد ما راح صلح غلطه

كلمات من نور يقول...

يا خبر ...من عالسلم المفتري؟؟؟؟؟؟؟؟

داه أسميه إيه داه؟؟؟؟؟

فكرني بمزحة قاتلة برضه قريتها عالمنتدى:

عن طالب في كلية الطب خلى اخته في الحمام وحط مكان البيبي بتاعها أرنب بيشرحه ...البنت طلعت من الحمام لقت الأرنب حسبته ابنها جالها أزمة قلبية وماتت .....فيه حد حيسامحه؟؟؟

http://mhg1962.ba7r.org/forum.htm

أما الاسئلة يا فتاتي الطيبة .أحلى شيء في الوجود القلب الصافي والحمدلله الواحد مش شرير يعني غلطاته مش مؤذيه وبالتالي الحمدلله سهل اعتذاره وكمان سهل يسامح ....والحمدلله لم أتعرض لمواقف من العيار التقيل داه ...يمكن مرة واحده وكانت تقيلة وصعبة ومش حاقدر احكيها بس الحمدلله سامحت .زعلشان عايزة ربي يسامحني على ذنوبي ..يبقى أنا لازم أسامح .......بوسة ليكي

Dr Ibrahim يقول...

كان فيه عندنا زمان أستاذ فيزياء من الأساتذة بتوع زمان اللى كانوا بيعلمونا صح ..
كان بيقول ممنوع تقول كلمة "أسف فى حياتك"
واللى كان يقصده إن احنا منحاولش نغلط ونضع نفسنا موضع أسف وإعتذار وفعلا فى أشياء كثيرة لما بتتكسر مبتتصلحش
مثلا كلام اللسان الجارح يسب فى القلب جرح ولا يلتئم على عكس جرح السهام..
وساعات الإنسان بيزر أه إنما ميهزرش تقيل يعنى..ولا احنا من الناس اللى بيلعبوا على الطريق السريع واللى العربية تخبطه يطلع بره اللعبة؟:)
بالنسبة للفيس بوك ممكن حضرتك تطلعى sign outوتدخلى تانى جربى كده
لان الفيس بوك النهاردة اصلا ش مظبوط..

هيوووم يقول...

عزيزتى موناليزا موضوعك المرة ديه اثر فى جدا لانك اتكلمتى فى حاجه قلبت حياتى إلى النقيض من بعد الحب والسعاده مع إنى حاولت اسامح وفعلا سامحت لكن الجرح لا ينسى ابدا وخصوصا لو كان من احب الناس واقربهم إليك معنديش نصيحه فى الموضوع ده بالذات لانى مشعارفه انصح نفسى الله يهدينا جميعا ...تحياتى

نسيبه يقول...

السلام عليكم ورحمة الله وبركاته
أولا وحشتيني جدا
ثانيا الحمد لله في الغالب لما بأغلط بأحاول أعتذر وحسب الموقف أو الشخص يكون صعب أو سهل
ثالثا مشكلتي أن اللي غلطو كتير ومن لم يعتذر كتير بس أنا مش عاوزة أشغل بالي بيهم بعد كده بس للأسف مافيش فايده وأكيد إتغيرت شوية وبقي قلبي إسود زي ما بيقولو لم أعد أقبل الاعتذارلأن الأفعال فاقت الحد
ربنا يرزقنا القلب السليم
اللهم آمين

قطرة وفا يقول...

سؤال جانبى:
ـــــــــــــــــ
* هل من السهل عليك أن تعتذر للآخرين إذا أخطأت فى حقهم؟.


ايوة والحمد لله..

* هل تقبل الإعتذار بسهولة ويسر؟.

على حسب الموقف...في مرات بسامح بسرعة وفي لا...بس متنسيش في فرق بين التسامح و عدم الانتباه واخذ الحيطة والحذر من الشخص :)

* أذكر موقف مشابه حدث لك شخصياً.

امممم...

مرة صاحبتي القريبة مني اوي و نعرف بعض من سنين ...واحنا شلة 3 بنات قريبات اوي من بعض...والاوائل على الفصل...فقامت هي والتانية-انا التالتة :)- رايحين لمدرسة عشان مادة معينة و خدمة معينة-زي متقولي امتياز للشطار - عشان تعفيهم من امتحانات بس مقالتليش ... عشان هما واخدين علامات تامة و انا واخدة 90 %...و عشان الست متمتنعش من الميزة...دا موقف مبيتنسيش !

و كمان كتيرة...بس يمكن لو نشوف مواقفنا اللي عملناها للناس...تبقى اكتر

زي مثلا مرة بعصبيتي و حصل موقف فتخانقت مع صحبتي بصوت عالي و قدام الصف!!!...وقتها مهما كانت اسبابي كنت غلطانة اوووي...ولحد دلوقت انا مفتكرة الموقف دا..يا ترى هي نسيت؟؟

و تم السماح على الموقفين والحمد لله :)


بالنسبة للفيس بوك...عندي نفس المشكلة...بظن مشكلة من الموقع وان شاء الله بكرا او اللي بعدو بالكتير وتتحل :)


بوست جميل :)

بسنت يقول...

السلام عليكم يا موناليزا
نعم انا من السهل ان اعتذر عندما اقتنع انى فعلا غلطت غير كدا لا يحدث

واتقبل اعتذار الاخر على قدر صدق هذا الاعتذار مش مجامله لانى دايما بقتنع ان من افسد شئ عليه اصلاحه

مواقف كتيره غالبا مع اصحابى وفى الشغل
من نسيان ميعاد او تأخر حضور

كل التحيه

حـــلـــم كــــان يقول...

السلام عليكم
بجد البوست حلو اوي اكيد لو ان غلطانه ف حد هعتذر للحد ده حتي لو مكنتش بحب بطبعتي ان اعتذر
السوال التاني
ممكن اقبل اعتذار حد بس لو كان الغلط الي عمله فيا مش كبير لكن لو كان كبير مش هقدر اقبل اعتذار بسهوله وممكن مش اقبله خالص
اما بقا عن المواقف
فانا حصلي موقف مع واحده كانت صحابتي ولحد دلوقتي مش قدرت اسماحها

مجداوية يقول...

السلام عليكم
أنا بأسمي أثر هذا الغلط المتعمد بالعاهة المستديمة

قد نحافظ على الحد الأدني من انسايتنا وقدرتنا على العفو من أجل فقط إرضاء الله لكن الله لا يكلف النفس إلا وسعها فأنا أصفح ولكن لا أعود للتعامل كما كنت أبدا فالنفس تأبى هذا

العاهات المستديمة لا تزول ولكنها لا تميتنا ولهذا نستطيع التعامل مع من أخطأ في حقنا إذا اضطررنا لهذا ولكن في أضيق الحدود ولكن في حالة عدم الاضطرار بيبقى بح خلاص اشوفه بقى يوم القيامة

إذا كنت أنا المخطئة بأعتذر بالطبع وحتى لو لم أكن مخطئة قد أعتذر لمن يهمني أمره حتى أنهي حالة الزعل بمعنى آخر بأحرجه بزوقي
:))))))

لأني مش بحب الخصام


بالنسبة للفيس بوك هناك صيانة داخل الفيس بوك هي التي تسبب تلك المشاكل وللجميع ولستِ أنت فقط فانتظري تحسن الأوضاع بانتهائهم من هذه التجديديات وستعرفين أنها انتهت بعودة الحال كما كان

جنّي يقول...

السلام عليكم

جميل جدا ولكن الزوج دا كان عريض القفا .. مش معقول دا ولا الصعايدة ..

المهم بيقولوا المسامح كريم ..

والشخص الواعي من يعتذر اذا اخطأ في حق الآخرين .. وايضا يقبل الاعتذار بسهولة ويسر ..

المواقف المشابهة كثيرة جدا ولكن ليس بالشكل الذي فعله هذا الزوج ..

الفيس بوك ماليش فيه معذرة

تحيتي

salma mohamed يقول...

الحمد لله الاعتذار عن خطأ مقدس بالنسبالي،
ولا اخفي ان الاعتذار احيانا لا يكون بكلمة اسفه لان احيانا الاعتذار بالكلمة دي لا يمحي الخطأ،
وقبولي للعذر برضه الحمد لله لما بيبن الشخص المخطئ خطأه ويعترف بيه،بس احيانا ولا اخفي ذلك يصعب علي قبول الاعتذار لاسباب خاصة ولكني اجاهد لاعفو واتذكر والكاظمين الغيظ والعافين عن الناس والله يحب المحسنين واتذكر الانبياء والصالحين وتعاملهم مع المخطئيين،
اما موقف فأرجو أن تعفيني من ذلك فقد تقلبت علي المواجع :(

موناليزا يقول...

قلب بلال فارس
ــــــــــــ
وعليكم السلام ورحمة الله وبركاته
أهلا بيك أستاذ بلال
أشكرك جدا لرأيك
ماشاء الله فنادرا ماتجد أحد يعتذر بسهولة ان أخطأ وكمان بيقبل الاعذار بسهولة دعواتنا بأن تظل تتمتع بهذه الروح الطيبة
أشكرك جدا لمشاركتك
يسعدنى دوام التواصل



********************************


كلمات من نور
ــــــــــــــــ
أهلا اهلا بالغالية
سميه مابيخافش من ربنا

!!! ياخبر.. معقول
لا حول ولا قوة الا بالله

تسلميلى على مشاركتك المتميزة دائما
نورتينى غاليتى واسعدنى تواجدك



**********************************


د/ ابراهيم
ــــــــــــ
أهلا بيك يادكتور
عنده حق جدا
عجبتنى الجملة دى"ولا احنا من الناس اللى بيلعبوا على الطريق السريع واللى العربية تخبطه يطلع بره اللعبة؟:)
تصدق فعلا فيه ناس هزارهم كده بجد!!

عن الفيس بوك هو الحمدلله اتظبط النهاردة بس كان امبارح مهما ادخل واخرج مكنش فيه فايدة برضه:)

أشكرك جدا لاهتمامك ولتعليقك
يسعدنى دوام التواصل


********************************


هيوووم
ـــــــــ
أهلا اهلا بالقمر
حاسة بيكِ جدا
فجراح الأحبة لا تنسى
نورتينى حبيبتى واسعدنى تواجدك



*********************************


نسيبة
ــــــــ
وعليكم السلام ورحمة الله وبركاته
أهلا اهلا بالقمر
وأنتِ كمان ياحبيبتى
فعلا فالشئ إذا زاد عن حده انقلب الى ضده ولنتقى شر الحليم اذا غضب ولكن قليلا ماينفذون هذه المقولة

نورتينى ياجميلة واسعدنى تواجدك



******************************


قطرة وفا
ــــــــــ
أهلا بيكِ فى زيارتك الاولى
ربنا يديم عليكى نعمة العفو والتسامح

وأكيد هى نسيت بدليل انها كلمتك عادى بعدها

فعلا العيب كان فى الموقع نفسه والحمدلله النهاردة بقى كويس

نورتِ مدونتى وفى انتظارك دائما



***********************************


حلم كان
ـــــــــ
وعليكم السلام ورحمة الله وبركاته
أهلا اهلا بالقمر
أشكرك جدا لرأيك ولمشاركتك المتميزة
نورتينى ياجميلة واسعدنى تواجدك



********************************



بسنت
ـــــــ
وعليكم السلام ورحمة الله وبركاته
اهلا اهلا بالقمر
إجابات مميزة فعلا أحييكِ عليها
نورتينى حبيبتى واسعدنى تواجدك



**********************************


مجداوية
ـــــــ
وعليكم السلام ورحمة الله وبركاته
أهلا اهلا بصوت الحق
تسمية فى محلها
تعليقاتك كانت وحشاانى جدا فأنتِ بكلمات قليلة تستطيعين التعبير عما يريد قوله الجميع
ممكن ماتغيبيش علينا تانى:)

فعلا الفيس بوك اتظبط معايا النهاردة
تسلميلى ياحبيبتى على تعليقك
نورتينى غاليتى واسعدنى تواجدك



********************************



جنى
ـــــ
وعليكم السلام ورحمة الله وبركاته
أهلا بيك أستاذ سعيد
حتى الصعايدة ماظنش انهم مكن يعملوا كده لانهم رجالة بجد ومابيعملوش عقلهم بعقل الستات عموما:)

أشكرك جدا لمشاركتك
يسعدنى دوام التواصل



*********************************



سلمى محمد
ـــــــــ
أهلا اهلا بالقمر
متفقة معاكِ جدا فالاعتذار مينفعش يكون بمجرد كلمة فض مجالس زى مابيقولوا
خلاص يا سلومتى براءة المرة دى:)
نورتينى حبيبتى واسعدنى تواجدك

Butterfly يقول...

طبعا فى غلط مش بيتنسى
ومش معنى ان الانسان قبل الأسف فى مرات قبل كده انه هيتقبله على طول
كل واحد وله طاقته على التحمل والتسامح لأننا فى الأخر بشر.

شكرا على الموضوع الجميل ده :)

hamma يقول...

السلام عليكم ورحمة الله و بركاته
صحيح بل أكثر من ذلك يحدث للأسف و لكن هنا السؤال متى "بلغ الوعي"....... أظن في سن متأخرة نسبيا لأنه في الأول يقال عنه "شقاوة" و الكلمة هذه لها طعم لذيذ ....يتباهى بها حتى الكبار........ لدرجة نحس الطفل الذي ليس شقيا ليس عاديا...ناقص حاجة يعني .......
------->>>
* هل من السهل عليك أن تعتذر للآخرين إذا أخطأت فى حقهم؟.
جواب: حسب الحالة ...يعني إذا سيترتب عن تصرفي شيء قاسي مثل التوبيخ الشديد أو الحرمان من حاجة أأمل فيها ...أعتذر و أبوس رأس "الضحية "..... لازم الواحد يتصرف قبل فلتان الأمور........
------------->>>
* هل تقبل الإعتذار بسهولة ويسر؟.
جواب : أحسبها الأول...إذا وعدوني بتوفير ما أريد ...أزيد شرط أو إثنان
والسماح رباح
------------------->>>>>
* أذكر موقف مشابه حدث لك شخصياً.
جواب : كثيرة هي الحالات و ربنا يغفر و يسامح ...... لعل أكثرها إيلاما لي حين كنت أجري خلف أحدهم لرد الفعل و زيادة إلتوت رجلي فلازمت الفراش 21 يوما بدون عمل و حبس بالمنزل ...حتى السيارة لا أستطيع سياقتها...تأثرت كثيرا و قررت التغيير بجدية......
سبحان الله سبب ترك عندي أثرا كبيرا
.................

إمرأه من ثلج يقول...

ازيك
انا من السهل اسامح الا لو جة الغلط من حد قريب
بشيل فى قلبى قوى بس فى الاخر بسامح
بس زى الغلط الجامد بتاع الست دى صعب اوى اسامح

موناليزا يقول...

بيترفلاى
ــــــــ
أهلا اهلا بالقمر بعد طول غياب
وانا بشكرك بجد على تعليقك الاجمل ومتفقة معاكِ جدا
نورتينى ياجميلة واسعدنى تواجدك



*********************************



هاما
ــــــ
وعليكم السلام ورحمة الله وبركاته
أهلا بيك يافندم
أشكرك جدا لمشاركتك المتميزة
يسعدنى دوام التواصل



*********************************


امرأة من ثلج
ـــــــــــــــ
أهلا اهلا بالقمر
أنا الحمدلله بخير ماتحرمش من سؤالك
عندك حق
أشكرك جدا لتعليقك
نورتينى ياجميلة واسعدنى تواجدك

واحد من البلد دى يقول...

السلام عليكم و رحمة الله وبركاته

موضوع مهم جدا جدا فعلا لأن هناك جراحا لا تندمل أبدا بل يترتب عليها جراحا أخرى كثيرة وقد تتعدى هذه الجراح نطاق المجروح حتى تصل إلى من حوله...

أعجبتنى الحالة الأولى..على أساس أنها بين جنسين مختلفين وتربطهما علاقة خاصة يجب أن يكون أولى بنود عقدها الإحترام..الذى لم تراعيه الزوجة مما ترتب عليه الفعل المماثل من منطلق...واحدة بواحدة

بالنسبة للأسئلة

1-أفضل أن أعتذر للآخرين سريعا-إن كنت مخطئا-حتى لا يتعدى الموضوع حدوده وحتى لا أترك الفرصة للقيل و القال

2-أتقبل إعتذار الآخرين ببساطة قد تدهش البعض و الحمد لله أننى أملك من التسامح مما يجعلنى لا أنتظر أن يعتذر الآخر بالقول..بل يكفى مجرد إبتسامة ولو صغيرة..فالبعض قد تجعله كرامته مترفعا عن الإعتذار..ويجب أن أرفع عنه ذلك الحرج..هذا إن كنت متأكدا أنه صادق فى إعتذاره ولن يعود إلى ما فعله ثانية

3-موقف مشابه...عندما كان عمرى عشرون عاما قام أحد أصدقائى بسرقة مبلغ من جيبى و كنت متأكدا أنه هو وعندما واجهته أنكر بشدة فقررت أن أقاطعه-وقد كان-حتى فوجئت بجاره يأتينى ذات يوم ليخبرنى أن صديقى هذا قد أصيب فى يده بحروق وهو يعمل فى مقهى و قد كان صاحب المقهى مسافرا وتاركا له كل شيئ..وعنما أصيب لم يفكر أن يرسل جاره لأحد غيرى فذهبت معه و عملت معه فى المقهى-بدون مقابل- حتى شفيت يده دون أن أحدثه أبدا ولم أصالحه إلا بعد أن إعترف لى بسرقته المبلغ من جيبى فسامحته ونصحته والحمدلله لم يكررها معى أبدا..وأحسبه لم يكررها مع غيرى


أعتذر للإطالة ولكن أعمل إيه إذا كانت مواضيع حضرتك مهمة

لا تنسينا من صالح دعائك

دمتى فى حفظ الله

مهموهـــــــة يقول...

لازم نتأسف لو اخطأنا
لازم نسامح اللي غلط حتى لو ما اعتذرش

ده ربنا بيسامح و بيغفر
احنا مش هنسامح ؟؟


ربنا يهدي كل الناس يا رب

خالص حبي و تقديري

*الطالبة عفو الله *زوزو يقول...

بالنسبة لي ارى ردت فعلي بتختلف حسب حاجتين اتنين هما

الغلط نفسه و الشخص لي صدر منه الغلط

يعني ممكن غلط تقبليه من حد غالي و تقبلي الاعتذار و نفس الغلط متقبلهوش من شخص تاني


و نقطة الاعتذار مهمة اوي هي كلمة بس لازم تكون باحساس مش لي هي اسفة بقى و بتزعيق و لي هي عايزة تخلص من الموضوع و خلاص لالالالا طبعا لازم احس بالاعتذار طالع من القلب عشان اقدر اقبله

و انا عن نفسه بعتذر لاي حد سواء غالي ام عادي اذا اقتنعت اننا غلطت

و احيانا بعذر للاستفزاز

موناليزا يقول...

واحد من البلد دى
ـــــــــــــــــــ
وعليكم السلام ورحمة الله وبركاته
أهلا بيك يافندم
صح جدا

بس الحالة الاولى استنتاجى فيها ان الزوج مريض نفسى استحالة يكون طبيعى ويعمل كده فى زوجته
يعنى لو هو قلبه اسود اوى كده كان ممكن يوقعها برضه فى حمام السباحة وخلاص واهى كده تبقى واحدة بواحدة

ماتتخيلش إجابتك أسعدتنى قد ايه
بالنسبة لرقم واحد:لأن التفكير ماشاء الله عقلانى جدا ومش اى حد عنده شجاعة الاعتذار
رقم اتنين: لانك بتجيب اعذار للى حتى مش عارف يعتذر وبيكتفى بابتسامة فقليلا ما يقكرون كذلك

رقم تلاتة : ياسبحان الله على انتقام ربنا وعدله هو مش سرق كانت النتيجة حرق فى ايده ولو يعرف كان يسجد لله شكر لان الحد فى الحالة دى قطع اليد يعنى ربنا نجاه واعطاه فرصة
وسبحان الله برضه انك تتعامل معاه عادى وهو مايحسش ان الحرق ده كان عقابه على السرقة ومايعترفش غير لما انت اللى تواجهه

بجد حضرتك أخلاق نادرة فى هذا الزمن
ربنا يثبتك ويراضيك

يافندم حضرتك تطول براحتك فنحن نستفيد من تعليقاتكم

أشكرك جدا لمشاركتك
يسعدنى دوام التواصل



**********************************



مهموهة
ــــــــ
أهلا اهلا بالقمر
مش كل الناس بتفكر كده للأسف
نورتينى ياجميلة واسعدنى تواجدك



*******************************



الطالبة عفو الله
ـــــــــــــــ
أهلا اهلا بالقمر
عندك حق جدا
ليس كل الاخطاء نغفرها ولا كل الاشخاص نقبل اعتذارهم
أشكرك جدا لتعليقك
نورتينى زوزو الجميلة واسعدنى تواجدك

طهر فؤادك يقول...

السلام عليكم ورحمة الله وبركاتة
اخبارك اية

مواضيع جميلة بارك الله فيكى

اما عن التسامح فالحمد الله دينا الجميل حسنا على دة ... وربنا غفور رحيم .. يعنى لما ربنا عز وجل بيغفر الذنوب جميعا ماعدا الشرك بة عز وجل فالعبد لية ميكنش غفور هو كمان ...

- اما عن الموقف مش متذكر بصراحة ..

وتقبلى مرورى

موناليزا يقول...

طهر فؤادك
ـــــــــــ
وعليكم السلام ورحمة الله وبركاته
أهلا بيك يافندم
ربنا يكرمك أشكرك جدا لرأيك
هو طبعا التسامح جميل بس فيه مواقف تصعب على النفس البشرية المسامحة فيها فنحن بشر أخى الكريم

أشكرك جدا لتعليقك
يسعدنى دوام التواصل