الثلاثاء، 5 أكتوبر 2010

الملل الزوجى

وصفة سحرية وسهلة للقضاء على الملل الزوجى.
رسالة للزوج: إذا شعرت بملل فى حياتك الزوجية فاعلم بأنها حالة عامة وأكيد زوجتك أيضاً تعانى من هذا الملل ولهذا قبل أن تتهمها بأنها السبب.. عليك أن تفكر فى علاج المشكلة بدلاً من إلقاء اللوم عليها وتأكد بأن أى فعل من جانبك سيفرق معها كثيراً وبكلمة حلوة ولمسة حانية منك غير متوقعة سترى منها أشياء كثيرة تسعدك غير متوقعة .
بعض الأمثلة التى تساعدك على هذا:
* أبسط حاجة ممكن تعملها إنكم تخرجوا مع بعض فى مكان جديد أو حتى قديم.
اخرجوا فى عطلة نهاية الأسبوع من الصبح وخدوا اليوم من بابه.. اذهبوا لأى حديقة أو جنينة واسعة واركبوا مركب فى النيل والعب معاها بالكرة ولو فيه أولاد هيبقوا مبسوطين طبعاً بالتغير ده.. وهذه تعتبر من أرخص الوصفات مش هتكلفك حاجة تقريباً.
* روحوا الملاهى واضحك معاها من قلبك.
*انسى أنها زوجتك وتخيلها حبيبتك أو خطيبتك.
* جرب تترك لها جواب بخط إيدك فيه أى كلمتين قبل ما تروح الشغل حتى لو "صباح الخيريا زوجتى الحبيبة" ولما تيجى هتشوف بنفسك التغيير اللى حصل من غير ما أنت تطلبه.
* تخيل للحظة أن ممكن النهاردة حد فيكم- لاقدر الله- يموت..انتهز الفرصة وقولها على مشاعرك من ناحيتها ولو زعلان منها عرفها واسمع دفاعها عن نفسها.
* لو المشاعر بينكم حسيتها بردت وبقت جافة اطلب منها تعمل نيولوك وتخيلها واحدة بتتعرف عليها لأول مرة وعيش اللحظة واعرف أنها حلالك يعنى أى كلام أو تخيل معها فهو مباح عكس ماتكلم أى واحدة تانية غريبة عنك وتتخيلها حتى بينك وبين نفسك.
* ساعدها فى شغل البيت ولو مرة كل شهر .. ادخل معاها المطبخ وحسسها بمشاركتك.. جرب ومش هتندم هتلاقى الموضوع قلب كوميدى وخصوصاً لو كانت علاقتك بالمطبخ زى علاقتها باللغة الصينية.
* غيروا نظام الشقة.
* استعيدوا ذكرياتكما الحلوة.
طبعاً أنا بوجه كلامى للزوج لأن هو الرجل المسئول عن البيت.. لو انبسط البيت كله هيفرح.. ولو اتضايق البيت كله هيكتئب.. عكس الزوجة فهى تتأقلم على أى وضع سريعاً.
تمنياتى للجميع بحياة زوجية سعيدة خالية من الملل.


سؤال جانبى:
ــــــــــــــــــــــــ
* هل عندك إقتراح آخر؟

هناك 19 تعليقًا:

P A S H A يقول...

بارك الله فيكي وجزاكي كل خير على هذا المجهود الرائع
:)
عندي إقتراح آخر ممكن الزوج يعمل مرجيحه في البلكونه - ويا سلام لو في الدور العاشر مثلاً - ويزقها آآ قصدي يمرجحها والله لو نفدت يبقى قدره !
بس برضه ما ييأسش ويحاول مرة تانيه D:

خالص تحياتي وعميق إحترامي وتقديري

Unknown يقول...

دائما أختي الكريمة تبحثي عن وصفات الخير لتقديمها وجبات جاهزة لزوارك...

جزاك الله خير الجزاء...

من الاقتراحات (وهذه أنا أطبقها بنجاح) أن الزوج يسافر للعمل في الخارج!!!!! (هذه دعابة طبعا.. فلا شيء يساوي البقاء والاستقرار بين الزوجة والأولاد)...

لكن بجد:
1- البحث عن هواية محببة وإن لم يوجد (وهذا صعب) فليبحث الزوج عن هواية تحبها الزوجة ويشاركها فيها..

2- ينقب في كلامها عن شيء أرادت الحصول عليه، ويفاجؤها به كهدية (وقعها يكون رائع والله).

3- يسابقها (ليس شرط الجري) ولكن في أي شيء ولو حتى في البلاي ستيشن (المهم أن ينهزم لها أحيانا .. فهذه وصفة نبوية مجربة).

4- يتفقان على موعد (زي الحبيبة.. بس في الحلال) ويتقابلان في الخارج (ويا ريت يتأخر عليها شوية وهي تعاتبه على التأخير علشان الموضوع يكون واقعي ومؤثر).

سأترك المجال لآخرين...

دمتِ بكل خير... تحياتي.

سواح في ملك اللــــــــــــــــــه- يقول...

يساعد مين في شغل البيت عشان بعد كده يقوللها عايز كوبايه شاي ----قوم انت اعملها ---مبعملش شاي --منتا عملته قبل كده هه انا بقي رايي ان موضوع الفسحه والملاهي والبيت المفروض يكون شئ طبيعي مش اثتثنائي وان الترفيه عن الروح ده شئ اساسي لتجديد العلاقه الزوجيه وده جزء من نحمل المسؤليه في البيت ان لم يكن اهمهم

كلمات من نور يقول...

عندي اقتراح كمان يا موناليزتي بعد اقتراحاتك الحلوة :

اشتري لها وردة مش باقة ورود (كتير من النساء وردة تكفيها والله مش باقة كاملة )

كلمات دوت كوم Kalemat.com يقول...

الموضوع غاية في الاهمية وطرحك له غاية في الروعة

MaNoO يقول...

فعلا الوصفه دى افضل حاجه وهيا بمجملها ان كل واحد يبقى حاسس انهم لازم يخرجوا من الملل دا والراجل بقدر يمشى الدنيا لان بصراحه اى ست مهما كانت بحب انها تبقى سعيده وبس خصه مع اى مفاجاه هتبقى اسعد واسعد
تحياتى على عرضك للموضوع

Unknown يقول...

ربنا يجازيكي خير يارب
يارب هدي سر كل البيوت واسعد كل البنات والازواج

sal يقول...

هو كل حاجة لازم يعملها سى سيد
امال ام العيال مالهاش
نصيحة من عندك

ههههه

تحياتى

حمـــــــــــــــــــــة يقول...

* روحوا الملاهى واضحك معاها من قلبك.*
هكذا تتعود و تطلب المزيد
هههه------------------
لا فقط أردت المزح
أفكارا سهلة لا تحتاج الكثير
إلا أن الواقع يحتاج حنكة و ثبات لعديد الصعوبات أمام الرجل
و موضوعي الأخير"حتى لا نقع" يصب في تلك الخانة ........ و قد تأثرت به كثيرا نظرا لقربي من الراحل
-------
أما عن المقترح :
حسب رأيي لو أحس الرجل أو المرأة بالعبئ و لا يستطيع التحمل
يقنع الطرف الآخر و يطوي الصفحة و لو لساعة" حسب الإمانيات"
يغير حتى و لو أجل بعض الشؤون طبعا ليس المهم

حصان المرجيحة يقول...

لسة قارئ رسالة في مدونة تانية دلوقتي حالا و هو
افرضي ان الزوج ملاحظ حاجة مش عاجباه في مراته هل يصارحها و للا يخاف انه يجرحها لو كانت حاجة محرجة

ادم المصرى يقول...

بجد جزاكى الله كل خير ووفقك لفعل الخير

د. ياسر عمر عبد الفتاح يقول...

أول ماأتجوز وأحس بالملل الزوجي ده
على طول هجرب إقتراح حضرتك

ولو منفعش هبقى أقولك إن شاء الله بقى
يدينا ويديكي طولة العمر

Unknown يقول...

معنديش اقتراحات :)
بس بشكل عام ..
يا ريت حد يسمع كلامك .

قلم رصاص يقول...

جزاكم الله خيرا

ان شاء الله لما ندخل دنيا هنضع هذه التعليمات في الحسبان

في امان الله

z!zOoOo يقول...

السلام عليكم

ازيك يا موناليزا يارب تكوني بخير

معلش علي التقصير في الزياره

بس حتي لو انا قصرت خليكي أحسن مني يعني

وأكسفيني بزيارتك

:)

علي فكره اخر موضوع عندي عن الملل برضه بس من نوع تاني

:)

فيه حلول بسيطه منها :

إنهم ممكن في البيت الست تعمل عشا بسيط وتعمل إضاءه شموع خفيفه ووتغير من شكلها بفستان سهره حلو حتي ولو في البيت وتحط ميك اب بسيط وتفاجئه وممكن يحاولوا يشوفوا إيه الي محسسهم بالملل ويغيروه

يعزموا اي حد علي العشا او يتعشوا عند حد مثلا عشان يبقي فيه حد تاني معاهم فيكسر الملل

ممكن لو الملل زايد يقترح عليها تقعد عند والدتها يوم او يومين تغير جو وترجع تاني حاسه بالانتعاش والاشتياق لجوزها ولبيتها

ده طبعا بجانب الحلول المقترحه في البوست
فيه حلول كتير وبسيطه بس الي يفكر فيها ويحاول يكسر الملل

وعلي العموم كل ده كلام نظري
لما نبقي نتجوز يارب نقدر نطبق الكلام ده

:)

دمتي بكل ود

وجزاكي لله خيرا علي الافاده

تحياتي

داليـ ـ ـ ـ ـ ـ ــــا يقول...

والله اقتراحات جميله
وجايه فى وقتك يامونى انا انبارح كنت بقرء عن حاجات زى دى وشفت امثله لازواج وزوجات فى منتهى السعاده
تعرفى فعلا الزوج هو الا بإيديه يهيئ المناخ السغيد لاسرته
الخروج والفسح
مش يقول لها لاءه
تعبان
انا طول النهار بشتغل وانتى قاعده فى البيت مواركيش شغله
الكلام الكتير الا بيتردد على لسان الرجاله

salwa يقول...

السلام عليكم اخت موناليزا
منكم نستفيد
جزاكي الله كل خير
و تسلم الايادي و ربي يديم المعروف
فالعائلة هي نواة الوطن
سلام

همس الاحباب يقول...

اولا جزاكى كل خير وجعله فى ميزان حسناتك
وطبعا وصفات سحرية رائعة جدا
بس يا ترى هتفيد مع نكد الزوجات
اشك هههههههههه
فيه اقتراح تانى سهل
الواحد ياخدها حديقة الحيوان ويدخلها القفص مع الاسد لا متخافيش الاسد نفسه حلوة مش هياكل لحم الستات بس اعتقد انه هيسيب القفص ويهرب وينفد بجلده
ههههههه
تحياتى وتقديرى

موناليزا يقول...

أهلا وسهلا بجميع السادة الحضور
شكر خاص لكل من أبدى اقتراح
وترحيب حار بمن يزورونا لأول مرة
ودائماً تسعدونى بتواجدكم وتعليقاتكم
فى انتظاركم دائما