الأربعاء، 9 مارس، 2011

نعمة الماء


* صنبور المياه يحتاج إلى جِلدة فالنقط التى تنزل منه دون فائدة كافية لملأ دلو كبير فى أقل ساعة ولكن كسل المستخدم يحول دون ذلك والنتيجة فاتورة المياة مرتفعة عن كل شهر.

* كان يقضى حاجته ويرى سير ماء ينزل من صنبور المياء أمامه فى الحوض والتى لم يتم غلقه جيداً وبما أنه أيضاً لم يهتم بغلقه جيداً كانت النتيجة أنه حينما أراد استخدام المياه كانت قد نفدت.

* يهوى أن يقضى وقت فراغه فى رش الشارع أمام منزله بالخرطوم ولا يتوقف إلا حينما يغرق الشارع بالماء ويتحول التراب إلى طين والنتيجة سقوط من يمشى فى الشارع فى هذا الوحل دون أن ينتبه أو عدم قدرة البشر على السير بطريقة طبيعية خوفاً من السقوط أو من بهدلة ملابسهم وأحذيتهم أو من أن تعدى سيارة بطريقة سريعة جوارهم فتعمل معاهم الواجب والأكيد أن أى شخص هيحاول يصعد على سلالم هذا المنزل طبعاً هيجعله بالألوان.

وغيرها من الأمثلة التى تدل على الاستهتار بقيمة الماء وأهميتها فى حياتنا.

دعوة لكى نرى شعوب وبلاد أخرى يتمنوا نزول نقطة ماء من الصنبور فلا يجدون ولماذا نذهب بعيداً ويوجد فى بلادنا مناطق لاتعرف معنى وجود صنبور مياه داخل المنزل ومناطق أخرى تشتهر بانقطاع المياه فيها بصفة مستمرة.
تذكر موقفك أذا ما كنت فى مكان حار وكنت ظمآن وتتمنى شربة ماء ولا تجد.
تذكر إحتياج سيارتك للماء فى طريق صحراوى ولا تجد.
تذكر احتياج طفلك للنظافة السريعة بعد تغيير حفاضته ولاتجد.
تذكر وجود ضيوف لديك يريدون استخدام الحمام ولا يجدون مياه.
تذكر منظر مطبخك والدنيا مقلوبة على بعضها نظراً لانقطاع المياه.
تذكر عقوبة قوم موسى من الله بذنب أحدهم كان بمنعهم المطر الذى هو سر الحياة.
وغيرها من الأمثلة التى تظهر لنا ضرورة احتياجنا للماء ولذلك علينا تصحيح عاداتنا الخاطئة فى استخدام الماء.
مثال: استخدم كوب واحد من الماء أثناء غسيلك للأسنان ولا تترك الصنبور مفتوح على الفاضى.
*افتح الصنبور على قدر حاجتك فقط.
*املأ دلو كبير حين غسيلك لسيارتك ولا تترك خرطوم الماء مفتوح.
الخلاصة :استخدم الماء على قدر حاجتك فقط واعلم أن الماء نعمة غالية وسنسأل عنها.
دعوة لترشيد استهلاك الماء والتعامل معها على أنها من أكبر نِعم الله علينا وصدق الله العظيم حينما قال" وجعلنا من الماء كل شئ حى".


سؤال جانبى
ـــــــــــــــــــ
* أذكر موقف يدل على عدم ترشيد استهلاك المياة ومثال ترشيد الاستهلاك؟.

‏هناك 31 تعليقًا:

محمد محمود عمارة يقول...

الأخت الفاضلة أمة الله الموناليزا
ربما ذكرت نعمة من نعم كثيرة لا تحصى لا نحسن استخدامها و الأدهى لا نشعر بقيمتها طالما أنها متوفرة ، ولو أعطينا لخيالنا الفرصة لنتخيل أنفسنا بدونها لأدركنا قيمتها. يقول الرسول صلى الله عليه وسلم : لا تسرف في الماء و لو كنت على نهر جار

سواح في ملك الله- يقول...

سمعت مرة من احد المسنين
لوان ثري يمشي في صحراء في يوم شديد الحرارة لاهثا ظمانا يحتاج لكوب ماء
من اجل ان يعيش لن ينفعه ماله
ولاذهبه في ان يسترد حياتة
فانه في هذا الوقت مستعدا بان
يدفع كل مايملك من اجل ان يروي ظماه بالماء
اجابة علي سؤالك
فالاسراف في الماء كثير
حمامات السباحة والبحيرات الصناعية
في المنتجعات الجديدة
اكبر مثال علي الاسراف في المال
تحيتي

ابراهيم رزق يقول...

جزاكى الله كل خير
الدال على الخير كفاعله

خالص تحياتى

كلمات من نور يقول...

لو نظرنا على القرى النائية و مناطق كثيرة موجوده إلى جوارنا ولا يوجد بها ماء نقي حنعرف اذ ايه احنا بنطبر على النعمة يا موناليزتي

قطرة وفا يقول...

كلامك صحيح ..

للاسف انا ممن لا يهتمون بالمياه ذلك الاهتمام ... خصوصا عند غسل الصحون ...

ان شاء الله اكن اكثر حذراً

موفقة اختي لكل خير ان شاء الله تعالى :)

مصطفى سيف يقول...

بعد ان وقعت بورندي على اتفاقية حوض النيل ودخولها حيز التنفيذ هيتم حذف 15 مليار متر مكعب من حصة مصر في النيل يعني اكتر من ربع حصتنا بالتالي بالذوق بالعافية لازم نرشد استهلاك المية
بالنسبة لموقف اتعرضت له ده يعتبر حاجات شبه يومية
مثلا رش الشارع بالمية لحد ما يغرق
والوضوء ناس كتير بتفتح الحنفية لاخرها ومفكرين ان ده صح بالرغم الاسلام امرنا بعدم الاسراف في المية
مشفتش موقف للترشيد قبل كده غير ان عادل لبيب لما كان محافظ قنا كان بيوضع غرامات جامدة بتوصل لمية جنيه على اي حد يرش الشارع بس ده مكنش للترشيد قد ما كان بيحاول يحافظ على الاسفلت :)
تحياتي واشكرك

الشاب الصح يقول...

الحمد لله على نعمه الماء و الحمد لله على نعمه الحمد الحياه=قطره ماء
جزاك الله خيرا
========>♥ ◕‿◕ ♥<========
اللهم لولاك ما اهتدينا ولا تصدقنا ولا صلينا فأنزل يا ربي السكينة علينا وثبت الاقدام ان لاقينا

carmen يقول...

جزاك الله خيرا ربنا يجعله في ميزان حسناتك

موناليزا يقول...

محمد محمود عمارة
ـــــــــــــــــ
أهلا بيك أستاذ محمد
فعلا فلا أحد يشعر بقيمة شئ متوفر عنده
أشكرك جدا لتعليقك
ويسعدنا دوام التواصل


*******************************


سواح فى ملك الله
ـــــــــــــــــ
أهلا بيك أستاذ خالد
ده حقيقى
أوقات كتير المال مايقدرش يشترى احتياجاتنا الاساسية

أما عن ماذكرته فأنا أعتبره سفه
اللهم لاتؤاخذنا بما فعل السفهاء منا

أشكرك جدا لتعليقك
ويسعدنا دوام التواصل


********************************


إبراهيم رزق
ـــــــــــــ
أهلا بيك أستاذ ابراهيم
ربنا يكرمك يارب
أشكرك جدا على تعليقك
يسعدنا دوام التواصل


****************************


كلمات من نور
ــــــــــــــــ
أهلا بيكِ غاليتى
ده حقيقى
دايما لازم نبص للى أقل مننا فى كل حاجة عشان نحس قد ايه احنا فى نعمة كبيرة
اللهم لك الحمد
نورتينى حبيبتى وفى انتظارك دائما


*****************************


قطرة وفا
ـــــــــــ
أهلا بيكِ أختى
سعيدة جدا بتعليقك وباتخاذك لقرار ترشيد المياه

تسلميلى يارب من كل شر
نورتينى وفى انتظارك دائما


****************************

مصطفى سيف
ـــــــــــــ
أهلا بيك يادكتور
ربنا يستر
ماهو اللى مابيحافظوش على نعمة ربنا مع الوقت بتروح منهم:(

أشكرك جدا لتعليقك ولمشاركتك
يسعدنا دوام التواصل


******************************

الشاب الصح
ـــــــــــــ
أهلا بيك يافندم
الحمدلله:)

تستاهل الحمد

أشكرك جدا على دعائك ربنا يكرمك

ما اجمل تعليقك
يسعدنا دوام التواصل


******************************

كارمن
ـــــــــ
أهلا بيكِ يا سمسمة
ربنا يكرمك ياحبيبتى
أشكرك جدا لدعائك
فى انتظارك دائما

سبايدرمان يقول...

السلام عليكم
ازيك ، و اخبارك ايه ؟
موضوه مهم (( ترشيد استهلاك المياه ))
و خصوصا اننا داخلين على ايام صعبه من تقلليل نسبه مصر من مياه النيل

بس قبل ده كله لازم الواحد يقلل المياه بدافع انه حاسس بأهميه المياه دي و صعوبه الحصول عليها و متأكد و فاهم الأأيه الى بتقول (( و جعلنا من الماء كل شئ حي )) صدق الله العظيم

يعني لازم كل واحد يعرف ان المياه دي مش بتاعته لواحده ، ده بتاعته كل كائن حي على الأرض دي كلها ، يعني هيتحاسب علي المياه لو اسرف فيها

و من المشاهد الى بتيضايقني كان الراجل الى بشرب من عنده عصير القصب و خصوصا اني مدمن عصير قصب ^_^ ، كان على طووول فاتح الحنيفيه مش بيقفلها خالص ، سواء عنده ناس و لا مش عنده ناس ، الحنفيه مفتوحه على الفاضي و المليان

بس الحمد لله اتكلمت معاه و بالراحه طبعا و اهو استجاب ، مش هكدب و اقول 100 % بس على الاقل بقي بيقفلها و على الاقل بقي بيقلل انه يسيب المياه مفتوحه على طووول

Dr Ibrahim يقول...

بالفعل وقليل من شكرها
فيتوقع الخبراء أن هناك حرب سوف تشتعل بين الدول حول الماء فى المستقبل..
ومصادر المياه على كوكب الارض تقل بسبب ارتفاع درجة حرارة الكوكب واالاحتباس الحرارى وأيضاً نتيجة القطع الجائر للغابات وأشياء أخرى من صنع الإنسان ..
ويجب علينا جميعاً أن نحافظ على نقطة الماء ونحافظ على عدم تلوثها فهناك أمثلة للاسراف فى الماء كما ذكرتى حضرتك والإسراف سواء بصورة مباشرة أو بصورة غيرة مباشرة بأن يلوث الانسان الماء بالقاء القاذورات وجثث الحيوانات إلخ..
ربنا يكرمك

الشاعر الفنان أحمد فتحى فؤاد يقول...

اختنا الغالية

جزاكي الله كل الخير

و جعلك نورا و نبراسا للخير

و اثابك عن كل حرف و فكره و نعمه بما لا يعد و لا يحصي من الحسنات

تحياتي و تقديري لك

و اشكرك

سومه...مجنونه فى بلد عاقل يقول...

ربنا يستر احنا داخلين ايام بيضه

ahmed_k يقول...

فعلا لدينا ثقافات كثيره لابد ان تتغير
فها نحن مقبلون على ما يسمى بحرب المياه
فدول منبع النيل تبني السدود وذلك بالتاكيد سيؤثر على حصة مصر من مياه النيل فلا بد من إلغاء العمل بمبدأ المياه المفتوحه في الخطوط دوما في كثير من المناطق ولابد ان يكون الإعطاء بقدر حتى مع الأيام يصبح الإستهلاك بقدر
فلو لم يشعر الناس بقيمة الماء فلا فائده من دعاوى الترشيد لأن ما يأتي بالساهل يستهلك بالساهل

تقبلي تحياتي

Noha Saleh يقول...

ربنا يديم علينا نعمة الماء
فعلا فى ناس كتير مش بتحافظ على المياه
بس احنا لازم نحافظ عليها لانها نعمة كبيرة جدا

د.آيه يقول...

بسم الله
أحييك على موضوعاتك القيمة و المميزة
جزاكِ الله خيراً

Days and Nights يقول...

الأخت الغالية / موناليزا

مدونة رائعة .. فكر متعدد .. مواضيع متميزة .. أشكر لكى إبداع روحك ..كما أشكرك على الزيارة .. تقبلى صداقتى .. وأريد الأشتراك بمدونتك .. ودمتى بكل الود

تحياتى

أخوك / تامر

مدونة رحلة حياه يقول...

السلام عليكم
جزاكم الله خيرا اختى على كلماتك الطيبة والهادفة
وجعلنا من الماءكل شئ حى
لما نتعرض لمشكلة مياه النيل ونفكر فى المصير ساعتها كل واحد هيعرف دوره

شيرين سامي يقول...

موناليزا أنا وشي منك في الأرض مش عارفه ازاي مزورتكيش قبل كده مع اني كنت فاكره اني مشتركه في مدونتك و سألت نفسي هي ليه مبتنزلش بوستات اتفاجئت اني في الزهايمر...
عموماً ملحوقه تصفحت مدونتك و مواضيعك بالطبع هادفه جزاك الله خير عنها أنا هعلق بالتفصيل على البوست الجديد عذراً اني تأخرت في زيارتك
تحياتي ليكي و دمتي بخير:)

موناليزا يقول...

سبايدر مان
ــــــــــــــ
وعليكم السلام ورحمة الله وبركاته
أهلا بيك يادكتور
أنا الحمدلله بخير أشكرك جدا لسؤالك

أشكرك جدا لرأيك فى الموضوع

فعلا لو اتعاملنا مع الماء على انها نعمة ويجب الحفاظ عليها ما اهدرناها هكذا

:) عجبنى تصرفك مع بائع عصير القصب
وانا كمان على فكرة عصير القصب من مشروباتى المفضلة ولو انى بقى لى كتير ماشربتوش:)

ومتهيألى لو جاله غرامة محترمة أو كان هو اللى بيدفع الميه كان تصرفه اختلف ويمكن ماكنش يغسل الكوبايات كمان:)

أشكرك جدا لمشاركتك
يسعدنا دوام التواصل


****************************


د/ ابراهيم
ـــــــــــــ
أهلا بيك يادكتور
وربنا يستر فعلا من الازمات القادمة

وهو الانسان كده مايتوجدش فى مكان غير ويترك بصمته السيئة
وكله كوم واللى بيرموا فى المياه حاجات مش نضيفة دول كوم تانى!

أشكرك جدا لتعليقك
ويسعدنا دوام التواصل


******************************


الشاعر الفنان أحمد فتحى فؤاد
ــــــــــــــــــــــــــــــ
أهلا بيك أستاذ أحمد
ربنا يكرمك يارب
وأشكرك جدا على دعواتك الغالية وكلماتك التى أسعدتنى حقاً

دمت بخير ويسعدنا دوام التواصل


*******************************


سومة مجنونة فى بلد عاقل
ـــــــــــــــــــــــ
أهلا بيكِ يا سومة بعد طول غياب

فعلا حبيبتى ربنا يستر ويعديها على خير
نورتينى واسعدنى تواجدك


*******************************


أحمد-ك
ــــــــــ
أهلا بيك أستاذ احمد
وأتفق مع رأيك تماما لأن فيه ناس كتير مابتفهمش لغة النصح والارشاد ولكنها تأتى بسياسة الترشيد الاجبارى

أشكرك جدا لتعليقك
يسعدنا دوام التواصل


*****************************


نهى صالح
ـــــــــــ
أهلا بيكِ يا نهى
الماء نعمة غالية اوى وفيه ناس كتير محرومة منها
أشكرك جدا لتعليقك
وأسعدنى تواجدك


******************************

د.آية
ــــــــــ
أهلا بيكِ يا آية
ربنا يكرمك يارب فما توفيقى الا بالله
أشكرك جدا لرأيك فيما اكتب
نورتينى حبيبتى واسعدنى تواجدك


*****************************


دايز اند نايت
ــــــــــــــــــ
أهلا بيك أستاذ تامر فى زيارتك الاولى

أشكرك جدا لرأيك فى مدونتى
ومدونتى يسعدها صداقتك
فى انتظاركم دائما

******************************


مدونة رحلة الحياة
ـــــــــــــــــ
وعليكم السلام ورحمة الله وبركاته
أهلا بيك أستاذ محمد
ربنا يكرمك وجزاكم مثله
أشكرك جدا لرأيك

بس ليه نستنى لما المصيبة تقع اذا كنا نقدر نمنعها

أشكرك جددا لتعليقك
يسعدنا دوام التواصل


*****************************


شيرين سامى
ـــــــــــــ
أهلا بيكِ يا شيرين فى زيارتك الاولى

:) ولا يهمك ياحبيبتى المهم انك نورتي مدونتى أخيرا بزيارتك

ربنا يكرمك على دعائك لى
أشكرك جدا لتواجدك
وفى انتظارك دائما

lina يقول...

السلام عليكم ورحمة الله و بركاته

موناليزا ..موضوع قيم

من دلالات شكر المولى على نعمة الماء المحافظة عليه..

جزاكِ الله خيرا
لينا.

الاحلام يقول...

وخلقنا من الماء كل شىء حى صدق الله العظيم
الماء نعمه من النعم الله سبحانه وتعالى علينا فلابد ان نحافظ عليها كما نحافظ على نعم الله الاخرى لاكن للاسف الشديد كثيرا من الناس بل كثيرا جدا لا يقدرون نعمه الماء فلا يحافظون عليها
نسال الله ان يرحمنا برحمته
تقبلى تحياتى الاحـلام

أحمد شريف يقول...

السلام عليكِ وعلى الجميع هنا

أحسنتِ

لـــولا وزهـــراء يقول...

ذكر موقفك أذا ما كنت فى مكان حار وكنت ظمآن وتتمنى شربة ماء ولا تجد.
تذكر إحتياج سيارتك للماء فى طريق صحراوى ولا تجد.
تذكر احتياج طفلك للنظافة السريعة بعد تغيير حفاضته ولاتجد.
تذكر وجود ضيوف لديك يريدون استخدام الحمام ولا يجدون مياه.
تذكر منظر مطبخك والدنيا مقلوبة على بعضها نظراً لانقطاع المياه.
تذكر عقوبة قوم موسى من الله بذنب أحدهم كان بمنعهم المطر الذى هو سر الحياة.
وغيرها من الأمثلة التى تظهر لنا ضرورة احتياجنا للماء ولذلك علينا تصحيح عاداتنا الخاطئة فى استخدام الماء.

" عندك كل الحق يا موناليزا تسلمي"
لولا

سلوى يقول...

والله خلق كل دابه من ماء

صدق الله العظيم

عندك حق موناليزتي

الميه لو قطعت ربع ساعه بتبقى مشكله
لكن اهدارها عادي

ماجتش هنا من كتيييييييييير

ومدونتك كالعاده مفيده وقويه
ما شاء الله

ربنا يجعلها في ميزان حسناتك

موناليزا يقول...

لينا
ــــــــ
وعليكم السلام ورحمة الله وبركاته
أهلا بيكِ يا لينا
ربنا يكرمك
وأشكرك جدا لرأيك ولتعليقك
نورتينى لينا واسعدنى تواجدك



*******************************


الأحلام
ــــــــــ
أهلا بيك يافندم
فعلا انها نعمة غالية وللاسف محدش بيحس بقيمة النعمة اللى معاه غير لما بتروح منه

أشكرك جدا لتعليقك
ويسعدنا دوام التواصل


********************************


أحمد شريف
ـــــــــ
وعليكم السلام ورحمة الله وبركاته
أهلا بيك أستاذ أحمد
ربنا يكرمك.. أشكرك جدا لتعليقك
يسعدنا دوام التواصل


********************************

لولا وزهراء
ــــــــــــــ
أهلا بيكِ يا لولا بعد طول غياب
أشكرك جدا على تعليقك
وربنا يديم علينا نعمه
نورتينى حبيبتى واسعدنى تواجدك

***************************


سلوى
ـــــــ
أهلا بيكِ ياسلوى بعد طول غياب
ماهو محدش بيحس بقيمة الميه غير لما بتقطع لكن طول ماهى متوفرة عادى بقى:)

ربنا يكرمك ياحبيبتى
ونورتينى بجد واسعدنى تواجدك
وفى انتظارك دايما

ghoneem يقول...

بعد التحية ..

أخبارك ايه يا موناليزا ؟؟

يارب دايما ب خير وأمورك كلها تمام

نعمة الماء دي أنا حسيتها ومش ببالغ لما دخلت ع المدونة بتاعك ..حسيت اني شربت كوب ماء مثلج ف عز الحر :)

كنت فيييين من زمان

سعيد جدا اني وجدتك تتألقين كهدي بيكي

كلامك دايما قيم ربنا ينفع بيكي وبأفكارك ..انا كنت قريت البوست ده ومعلقتش عليه وقولت أعلق عليه الأول وبعدين أروح للجديد ..يارب أكون عبرت عن سعادتي بأن مازلتي في عالم التدوين

ربنا ما يحرمناش من الماء تاني يارب

تحياتي

بالتوفيق..................

موناليزا يقول...

غنيم
ـــــــ
أهلا بيك يا دكتور بعد طول غياب
عاش من شافك:)

أنا الحمدلله بخير ربنا يكرمك وأشكرك جدا لسؤالك

:) حقيقى أنا سعيدة جدا بتعليقك وسعيدة أكتر لتواجدك

والحمدلله على فضله
فى انتظاركم دائما

ماجد القاضي يقول...

السلام عليكم أختي موناليزا

أخشى أن يكون كلامي مستهلكا حينما أبدي إعجابي بأفكار بوستاتك.. غالبا تذكري بزاوية لا ينتبه إليها الكثيرون.. وإذا انتبهوا إليها لا يكتبون عنها..!

شكرا على تذكرتك القيمة..

بوستك ذكرني بإحدى ذكرياتي غير المحببة مع بعض رفاق السكن في الغربة منذ عامين .. كانت مأساتي اليومية إهمالهم الشديد في إصلاح أعطال السباكة..! وكلما قمت بمحاولة غصلاح فردية يتسبب إهمالهم في التلف مرة أخرى، والغريب أنهم كانوا يستهينوا حينما أوبخهم بقرات الماء الغالية المفقودة طوال النهار.. فقمتُ بوضع دلو تحت إحدى الصنابير التالفة لأثبت لهم عمليا أنه يمتلئ خلال بضع ساعات، فكم من دلاء الماء تضيع يوميا؟!!!
وفي النهاية لم أجد إلا أن أضع لوحة في الصالة أقول فيها: "اللهم إني أبرأ إليك من اي إسراف يحدث في هذا السكن"..!!!!
ثم من الله علي بالفرار منهم :)

أخشى أن أكون سببت لك مللا!!

تحياتي أختي الكريمة.

موناليزا يقول...

ماجد القاضى
ــــــــــــــــ
وعليكم السلام ورحمة الله وبركاته
أهلا بيك أستاذ ماجد
:) يافندم احنا بنستمد طاقتنا للكتابة من تشجيعكم المستمر فلا تبخلوا علينا بهذا
والحمدلله بجد فما توفيقى الا بالله

سبحان الله مش هيحسوا بقيمتها غير لو مالقوهاش
وضع الدلو بلجأ له دايما لو لقيت الحنفية بتنقط:)
الغريب ان شوية نظام فى الاستعمال مش هيضروا حد
وعجبتنى كتابتك للدعاء ليقرأه الجميع

ملل!!!
ماتقولش كده أخى ماجد فتعليقاتك من التعليقات اللى بنستناها دايما

أشكرك جدا لمشاركتك
ويسعدنا دوام التواصل

(المهاجر الى الله) يقول...

نعمة الماء

مهما تدثنا عنها من نعمة فلن نسطتيع ان نحصى فوائدها
وقد اختزلها الله فى كلمتين ( وخلقنا من الماء كل شىء حى )

واضيف كلمة كنت سمعتها ( اطيب الطيب الماء )