الاثنين، 21 مارس، 2011

مثل خاطئ

الأمثال الشعبية تحتل حيزاً كبيراً من كلامنا ونستدل بها فى مواقف كثيرة رغم قدمها.
ولكن هذا لا يمنع بوجود بعض الأمثلة الخاطئة - على الأقل من وجهة نظرى-.
سأتناقش معكم اليوم فى أحد هذه الأمثلة وهو" البلد اللى محدش يعرفك فيها امشى براحتك فيها".
اعتراضى على هذا المثل بأن الانسان المحترم والمهذب والمتحضر يجب أن يتحلى بهذه الصفات فى أى مكان يذهب إليه وليس فى بلدته ومع من يعرفونه فقط لأنه عنوان للمكان المنتسب إليه مهما كان.
فمن غير المقبول مثلاً أن ترتدى سيدة شبشب مقطوع فى المصيف على اعتبار أنه مصيف ومحدش واخد باله أو ترتدى فتاة ملابسها التى ضاقت عليها بحكم أنها مش هينفع تخرج بيها فى بلدها أو يأكل شاب بنهم فى الشارع أو يبصق رجل أو يتبول فى الشارع على اعتبار أن محدش يعرفه فى هذه البلدة أو يقوم بعض المراهقين بالكتابة على حائط محل أو بالغناء بصوت عالى وبطريقة منفرة فى الشارع وفى وقت متأخر من الليل وغيرها من الأمثلة المقززة التى تصدر من أشخاص المفروض أنهم يمتلكون بعضاً من النضج.
لأتناقش الآن مع هؤلاء الفئة
مين قال إن محدش يعرفك فى هذه البلدة؟؟ مش يمكن تقابل حد من صحابك هناك صدفة أو حتى حد من أقربائك أو ممن يعملون معك.
مش يمكن تتعرف على واحد غير مسلم ويأخذ انطباع غير صحيح عن الإسلام بسبب تصرفاتك المستهترة.
مش يمكن تكون كاميرا الشوارع بتصورك وتطلع على الفضائيات بهذه الهيئة المزرية.
مش يمكن مذيع فى برنامج يعمل معاك حوار مفاجئ .
مش يمكن المنظر ده يكون مشمئز لناس كتير بتشوفك.
نصيحة:
- لا تجعل المكان هو من يتحكم فى تصرفاتك كن كما أنت فى أى مكان وحاول أن تضفى على المكان صفاتك الحسنة وكن دائماً قدوة طيبة للآخرين فى أى مكان.
- حذار أن تخشى الناس فى بلدك ولا ترتكب معصية بينهم وحينما تذهب إلى بلد غريب ويقام فيها المعاصى جهراً أن تكون مثلهم.
- وأخيراً افرض عاداتك الطيبة وعادات بلدك المسلمة على من حولك فهذا سيخلد ذكراك ويجعل من يتعامل معك ولو حتى بالصدفة يظل يتذكرك دائماً بالخير.

سؤال جانبى:
ــــــــــــــــــ
* أذكر موقف مشابه؟.

هناك 26 تعليقًا:

eng_semsem يقول...

فعلا لازم المسلم يكون صوره للاسلام في اي مكان بيتواجد فيه او اي زمان او اي فعل هو بيقوم بيه والمكان لازم احنا اللي نديه طبع مسش ناخد منه طبع لينا
تقبلي تحياتي

Days and Nights يقول...

الأخت الغالية

موضوع رائعة ... ولفتة جميلة ... أعتقد أن الوعى الفكرى لدينا أختلف عن ذى قبل .

دمتى بكل الود

تحياتى

أخوك / تامر

مصطفى سيف يقول...

معتقدش المقصود بيها المعاصي
بس يمكن مقصود منها حاجات بتبقى محرج تعملها قدام ناس تعرفهم يعني مثلا في ناس مبتحبش تاكل في الشارع وهي ماشية وتحس بالحرج لو حد شافها لو بلد غريبة بيبقى الامر عادي
معاكي ان ده غلط والواحد المفروض الحاجة اللي مبيحبش يعملها قدام بعض الناس ميعملهاش ابدا
اشكرك للبوست القيم وتحياتي

وردة الجنة يقول...

الحقيقة بعد الكلام اللى قرأته مفيش اى كلام يقال لان كل كلامك مظبوط مية فى المية حتى الامثلة اعتقد ان حضرتك قولتى معظمها او كلها بالفعل

لازم كل واحد يرقى بنفسه ويحافظ على دينه فعلا لان الفئة دى من الناس للاسف مفيش عندهم اى وعى وماشيين فى الدنيا كده وخلاص من غير حساب

تحياتى لك وتقبلى مرورى

مامة مازن يقول...

السلام عليكم ورحمة الله وبركاته
كيف حالك اختى
اتفق معاكى تماما ان فى امثلة شعبية سيئة جدا زى مثلا اللى يعوزه البيت يحرم على الجامع

زوجى دايما بيقول ان هؤلاء اسوأ دعاية للاسلام
ربنا يهدينا جميعا

Noha Saleh يقول...

معاكى حق احنا فى اى مكان صورة لديننا وبلدنا وقبل ده كله صورة لنفسنا
الاحترام واجب فى اى مكان

Noha Saleh يقول...

فعلا المشكلة مش فى المكان احنا واجهة لديننا ووطننا وقبلهم وواجهة لنفسنا
تسلم ايدك ومعاكى حق

سبايدرمان يقول...

السلام عليكم ورحمة الله وبركاته
كلامك صح طبعا
بس هو الناس بتعمل الحاجات دي من منطلق انها رايحه تشم نفس جديد و تغير من نفسها
صديقيني بتبقي مهم جدا انك تعملي حاجه عمرك ما بتعرفي تعمليها لسبب ما

بس طبعا كل الاعتراض على اللبس الى مش محترم للبنات في اي مكان كان

Dr Ibrahim يقول...

بالفعل..
يجب ألا نضع أنفسنا فى موضغ النفاق والعياذ بالله..ويجب أن نكون على مستوى واحد من الادب والاحترام والتمسك بالقيم والأخلاق التى أمرنا بها ديننا فى كل وقت وكل زمان فى السر والعلن فى بلدنا أو بلد غيرنا...

أم هريرة (lolocat) يقول...

السلام عليكم ورحمة الله

جزاك الله خيرا اختاه بارك الله فيك على النصيحة التى للاسف لا يعمل بها الا القليل فى هذا الزمان

انا اؤيدك فيها تماما

يجب على كل انسان ان يتمسك بصفاته الطيبة فى اى مكان ولا يبدل شخصيته مع المكان كما لو انه يبدل ثوب
الحلال والحرام فى كل مكان وزمان واحد لا يتبدل

اما لو المقصود الصفات العادية ايضا من الجميل ان يكون الانسان ثابت على مبادىء واحدة مهما كان الوضع مادامت صحيحة ومشروعة وتكون له شخصيته الواضحة دائما

تحياتى لك وتقديرى حبيبتى
دمت بخير

سواح في ملك الله- يقول...

عادة مايضطر المرؤ للقيام بعمل ما
يخجل ان يعمله في وسط قومه
فمثلا تجدين انسانا متعلما وعلي مستوي عالي
من العلم يعمل في بلد اخري في مهنة كالفاعل او عامل عادي بدون مؤهلة
او يغسل صحونا في مكان ما او يعمل في بنزينة وهو عملا شريف ولكن من تقاليد الاقوام الاقلال من شان من يعمل بهذه المهن
والنظرة الدونية له
فيخجل ان يعمل هذا العمل في وسط قومه
حتي لايقال مثلا طبيب ويعمل بالفاعل
اري ان هذا المثل قيل لهذه الاسباب
واري ان الموروثات هي من اجبرت هذا الشخص عن عدم الافصاح عن هوية عمله
رغم انها قد تدر دخلا عليه في مكانا
اخر يكسبه احترام الكافة في قومه
تحيتي

carmen يقول...

من يعملون بهذا المثل هم من يأبهون فقط للرياء وكلام الاخرين
لفتة راقية منك حبيبتي سلمت اناملك

الاحلام يقول...

الاحترام واجب مهما كان المكان ومهما كان الزمان فالمفروض ان يكون الانسان لديه القدره على احترام شعور الاخرين فى اى مكان ولابد ايضا ان يكون اكثر احتراما وادبا فى البلده الغريبه حتى يترك انطباعا ايجابيا بالنسبه له وللبلده التى يعيش بها
موضوع شيق وبع حوارات كثيره ممتعه
تقبلى تحياتى الاحــــــــلام

الشاب الصح يقول...

كلام مهم جدا سلوكيات الانسان لازم تكون محترمه فى كل مكان فعلا مثل شائع
جزاك الله خيرا
========>♥ ◕‿◕ ♥<========
اللهم لولاك ما اهتدينا ولا تصدقنا ولا صلينا فأنزل يا ربي السكينة علينا وثبت الاقدام ان لاقينا
========>♥ ◕‿◕ ♥<========

مجداوية يقول...


السلام عليكم

الجانب الذي أظهرتيه من المثل بالفعل يحدث كثيراً وعندي مثال وإن كان مش في بلد تانية ولكن في نفس البلد , الناس اللي بتروح المصيف وبتأجر شقة لمدة محددة بتتعامل مع الشقة دي بكل وحشية وكل إهمال كأن ليس لها صاحب وبيتصرفوا بنفس منطق المثل !!

كلمات من نور يقول...

دوما موضوعاتك متألقه

سلمت يداكي يا موناليزتي الحبيبة

موناليزا يقول...

انج سمسم
ــــــــــ
أهلا بيك يا باشمهندس
عندك حق جدا
أشكرك جدا لتعليقك
ويسعدنا دوام التواصل


**********************************

دايز اند نايت
ــــــــــــــ
أهلا بيك أستاذ تامر
أشكرك جداً لرأيك فى الموضوع
ولتعليقك

يسعدنا دوام التواصل

*********************************

مصطفى سيف
ــــــــــــ
أهلا بيك يادكتور
طيب ماهو ممكن وهو فى البلد الغريبة دى يقابل ناس يعرفهم برضه:)

أشكرك جدا لتعليقك
يسعدنا دوام التواصل


*******************************

وردة الجنة
ـــــــــــ
أهلا بيكِ يا وردة
أشكرك جداً لرأيك ولتعليقك
نورتينى حبيبتى وفى انتظارك دايما


********************************


مامة مازن
ــــــــــــ
وعليكم السلام ورحمة الله وبركاته
أهلا بيكِ حبيبتى
عنك حق فيه أمثلة كتير بتتقال وبتتطبق من غير اى تفكير

زوجك عنده حق فما أكثر من يسيئون للاسلام بأفعالهم

أشكرك جدا لتعليقك
نورتينى حبيبتى وفى انتظارك دايما


*******************************

نها صالح
ــــــــــ
أهلا بيكِ يا نها
عندك حق
وزمان قالوا ان اللى بيحترم بيحترم نفسه قبل اى حد
أشكرك جدا لتعليقك
نورتين حبيبتى واسعدنى تواجدك


******************************

سبايدر مان
ــــــــــــ
وعليكم السلام ورحمة الله وبركاته
أهلا بيك يادكتور
هو التغيير مطلوب طبعا بس فى كل الاحوال لازم اعمل الحاجة اللى ماتكسفش منها بعد كده

أشكرك جدا لتعليقك
ويسعدنا دوام التواصل

*******************************

د/ ابراهيم
ــــــــــــ
أهلا بيك يادكتور
وكأنك لخصت ما أردت قوله
أشكرك جدا لتعليقك المميز
ويسعدنا دوام التواصل


*****************************

أم هريرة
ـــــــــــ
وعليكم السلام ورحمة الله وبركاته
أهلا بيكِ يا لولو
ربنا يكرمك ياحبيبتى وجزاكم مثله

عندك حق جدا
أشكرك جدا لتعليقك
نورتينى حبيبتى وفى انتظارك دايما

*****************************

سواح فى ملك الله
ـــــــــــــــ
أهلا بيك أستاذ خالد
أشكرك جداً على هذا التوضيح بذكرك لهذا المثال.. وفعلا عندك حق.
يعنى اللى بيسافروا يشتغلوا بره ممكن يشتغلوا اى شغلانة ولكن المقابل يستحق

ولكنى ارى ان الشخص الواثق من نفسه لايهمه أحد طالما لايفعل شئ يخجل منه ولأنه ممكن جدا يتقابل مع أحد من معارفه بالصدفة

أشكرك جدا لتعليقك
ويسعدنا دوام التواصل

*****************************

كارمن
ــــــــ
أهلا بيكِ يا سمسمة
أشكرك جدا لرأيك ولتعليقك
نورتينى حبيبتى وفى انتظارك دايما

******************************

الأحلام
ــــــــ
أهلا بيك يافندم
أشكرك جدا لرأيك ولتعليقك
ويسعدنا دوام التواصل

****************************

الشاب الصح
ــــــــــــــ
أهلا بيك يافندم
أشكرك جدا لتعليقك
ربنا يكرمك وجزاكم مثله

يسعدنا دوام التواصل

******************************

مجداوية
ــــــــــ
وعليكم السلام ورحمة الله وبركاته
أهلا بيكِ حبيبتى الغالية

يااه فى المثل ده حدثى ولا حرج
ده بيحصل مهازل وكأنهم بينتقموا من صاحب الشقة انه أجرها ليهم
لغاية الحيطان بيكتبوا عليها ذكرياهم وأسمائهم!!

أشكرك جدا لمشاركتك المتميزة
نورتينى حبيبتى واسعدنى تواجدك


*******************************

كلمات من نور
ـــــــــــــــ
أهلا بيكِ غاليتى
الحمدلله فما توفيقى الا بالله
تسلميلى حبيبتى الغالية من كل شر
أشكرك جدا لتعليقك
نورتينى واسعدنى تواجدك

ابراهيم رزق يقول...

الاخت العزيزة
تصحيح المثل
البلد اللى محدش يعرفك فيه
......و امشى فيه
ههههههه

طبعا ان اكره جدا الازدواجية فى المجتمع و اؤيدك جدا فيما تقولين لكن ربما يقصد ان يأخذ الانسان بعض من الحرية البسيطة المقيدة انا شخصيا اصبح شخصية مختلفة فى المصايف و لكن دون ابتذال

خالص تحياتى و جزاكى الله خيرا

Butterfly يقول...

متفقه معاكى فى كل كلمه قولتيها
شخصيه وتربيه وعادات وتقاليد ودين الشخص اللى هو اهم حاجه لازم يبقوا واحده فى كل الأماكن بل والمفروض يبقى احسن كمان لو فى بلد غير بلده عشان انت بتعكس صوره بلد بحالها فى الحاله دى مش صورتك انت بس

ماجد القاضي يقول...

السلام عليكم أختي موناليزا...

فكرة البوست تستحق التكرار..
بصراحة فيه أمثال شعبية كثيييييرة تستحق النقد، لكن في رأيي النقد يكون على اساس شرعي في الأساس، لأن غير ذلك من الأمور ربما تكون نسبية..

فمثلا مثالنا هنا يمكننا أن ننقده ببساطة في كونه يدعو إلى عدم مراقبة الله عز وجل (إن كان قائل المثل يقصد ارتكاب المعصية بجميع درجاتها بدأ بكبار الفواحش وانتهاء بعدم إعطاء الطريق حقه!)... أما إن كان يقصد التخفف من بعض القيود المجتمعية التي لا تقوم على أساس شرعي فهو أمر نسبي.. يقدر بقدره.

دمت سالمة مع تحياتي وتقديري.
...................

على فكرة ضحكت على موضوع اللي هيقابله مذيع تلفزيوني... :) ده بقى اللي أقول عليه: قليل البخت يعضه (هو بالذات) الكلب في المولد!! :))))
رايح يستخبى يقوم يتفضح على مرأى من الملايين!!!!

قطرة وفا يقول...

معااااكي طبعاً بكلامك

و على فكرة بتحصل معايا احيانا ... بحكم اني تقريبا طول عمري ببلد اجنبي فبكون غالبا و انا ماشية مع صاحباتي واخدة راحتي بالكلام و كدا ... وفجأة بهزر او بقول كلام ممكن يتفهم غلط للي ميعرفنيش او مسامعش جملتي ... باللحظة دي غالبا بلمح واحد عربي او صاحباتي يلمحوه ... طبعا قمة الاحرااااااج... بس اعمل ايه بس ... :)

مش راضية على نفسي بدا ...

في كتير من الامثال الغلط جداً جداً جداً و بعضها بتكون كفر !

الله يحمينا من دي يااا قادر يا كريم

موضوع جميل اوي كعادتك :)

موفقة لكل خير ان شاء الله تعالى

الشاعر الفنان أحمد فتحى فؤاد يقول...

دائماً متألقة اختنا العزيزة في اختيار موضوعاتك و كتاباتك

انتي صح

تحياتي لك و تقديري

مدونة رحلة حياه يقول...

السلام عليكم
احسنتى طرحك
اذا راقبنا الله فلن تبدلنا فى سلوكنا الاماكن ساء كان فيها من يعرفنا او لا فهكذا امرنا وهكذا تعلمنا

محمد محمود عمارة يقول...

الأستاذةالفاضلة موناليزا
أحب أن ألفت عناية سيادتكم أن محدش عاد بيمشي بشبشب مقطوع في المصيف علشان همه بيمشوا حافيين و لا البنات بتلبس هدومها الضيقة لأنهم عادو بيلبسوا هدوم اخواتهم الصغيرين اللي في أولى ابتدائي و يبقى في الحالة دي كلامك لا يوجه للآنسات و السيدات لكن يوجه للعيال بتوع ابتدائي اللي سابوا هدومهم من غير ما يدافعوا عن نفسهم و بالنسبة للأخ اللي ماشي ياكل في الشارع فأنا يشكك في المعلومة دي لأن الناس ما كنتش لاقية تاكل أصلاً ، و هذا للعلم و التوضيح

موناليزا يقول...

ابراهيم رزق
ـــــــــــــــ
أهلا بيك أستاذ ابراهيم
افهم أنا إيه من النقط دى:)
هو أنا سمعته زى ما أنا كاتباه:)

أنا معاك لكن فيه حرية ماتأذيش حد يعنى مثلاً ممكن تجرى أو حتى تلعب صلح لكن أنا أقصد الحاجات اللى يتكسف منها الشخص بعد كده

أشكرك جدا لتعليقك
يسعدنا دوام التواصل


*******************************

بيترفلاى
ـــــــــ
أهلا بيكِ حبيبتى
الله عليكِ
تسلمى على تعليقك
نورتينى ياجميلة واسعدنى تواجدك


*******************************

ماجد القاضى
ـــــــــــــ
وعليكم السلام ورحمة الله وبركاته
أهلا بيك أستاذ ماجد

أشكرك جدا لرأيك فى فكرة البوست
ومتفقة معاك جدا

هذا ما قصدته أن علينا أن نخشى الله قبل أن نخشى الناس

تعرف أخى ماجد أحلى حاجة فى ديننا أن أى حاجة احنا مانقبلهاش بنلاقيها طبيعى الدين بيحرمها حتى من غير مانعرف
يعنى مثلا الاكل فى الشارع ديننا أصلاً بيحرم الأكل وأنت واقف فما بالك بقى وأنت ماشى فى الشارع.
وغيرها امثلة كتير ماتقدرش غير انك تشكر ربنا على انه جعلك تعتنق هذا الدين الرائع

عن المثال ده حقيقي جدا
لانك بتشوف فى التليفزيون ناس كتير ماشية وبتعمل حاجات تقول وقتها اكيد مايعرفوش انهم طالعين على الفضائيات كده:)

أشكرك جدا لتعليقك المميز
ويسعدنا دوام التواصل


******************************

قطرة وفا
ـــــــــ
أهلا بيكِ حبيبتى
ابقى خفضى صوتك:)
او استنوا واتكلموا فى البيت:)

ربنا يكرمك ياحبيبتى وربنا يهدينا جميعا لطاعته
أشكرك جدا لرأيك فيما اكتب والحمدلله الذى هدانى لهذا

نورتينى حبيبتى وفى انتظارك دايما

******************************

الشاعر الفنان أحمد فتحى فؤاد
ـــــــــــــــــــــــــــــــ
أهلا بيك أستاذ أحمد
ربنا يكرمك ويعزك يارب أشكرك جدا لرأيك فيما أكتب والحمدلله فما توفيقى الا بالله

يسعدنا دوام التواصل

******************************

مدونة رحلة حياة
ــــــــــــــــــ
وعليكم السلام ورحمة الله وبركاته
أهلا بيك أستاذ محمد

أشكرك جدا لأيك فى طرحى للموضوع
وأسعدنى تعليقك فهذا ما قصدته
يسعدنا دوام التواصل


********************************


محمد محمود عمارة
ـــــــــــــــ
أهلا بيك أستاذ محمد
:) تصدق عندك حق

أشكرك جدا لتعليقك الذى أضحكنى بجد

يسعدنا دوام التواصل

(المهاجر الى الله) يقول...

كيف ذلك والؤمن لابد ان يكون طيبا انى حل ومتى حل