السبت، 9 أبريل 2011

سلوكيات مذمومة


توجد سلوكيات بشرية غاية فى السوء لا تلاقى القبول سوى من شخص واحد فقط هو فاعلها أما من حوله فيشمئزون منه بل ويغضبون أيضاً.
وهذه السلوكيات لا يستأثر بها نوع عن آخر ولكنها مشتركة بين الرجل والمرأة ولذلك أردت إلقاء الضوء عليها حتى نحاول جميعاً تجنبها.
على سبيل المثال لا الحصر:
* الإهمال:
خلع الملابس مثلاً فى أى مكان فى الشقة والمطلوب من المحيطين به أن يجمعوها ويعيدوا ترتيبها ويضعوها فى الدولاب بسلام ولو معملوش كده يبقى هما الغلطانين.
أنا شايفة أن لو كل واحد اعتمد على نفسه مش هيبقى فيه مشكلة لا اللى بيرمى ملابسه هيضايق لو لم يجدها فى الدولاب مكوية ولا اللى بيلم وراه هيضايق أنه بيتعامل مع طفل صغير والكلام ده لكل من هو فوق العشر سنوات.
وقيس على ده.. اللى عطشان يخلى حد يقوم يجيب له يشرب.. وأنت إيه يمنعك من خدمة نفسك؟
* ارتداء ملابس غير مهندمة فى البيت.. من حق اللى معاك يشوفوك بمنظر كويس.
* فيه كلمة بكرهها أوى وهى كلمة "معرفش" وخاصة لما تكون فى موقف ساذج فتشعر معها أن قائلها أعطى لنفسه الحق فى الاعتماد على الآخرين.
مثال: معرفش أعمل لنفسى ساندوتش, معرفش أكوى هدومى , معرفش أخيط شرابى . سواء رجل أو امرأة هذه أشياء أساسية فى الاعتماد على النفس.
استغلال حد طيب معانا.
مثال: اعملى مش عارف إيه على مااتفرج على الماتش.. يعنى نطلب من الآخرين المساعدة لمجرد أسباب واهية.
* سلوكيات دورة المياه:
عدم شد السيفون, إلقاء الفوطة بعد استخدامها على الأرض - رغم انك لو نشرتها على العلاقة مش هيحصل حاجة- تغريق الحمام بالمياه..
رجاء أن تترك المكان كما تحب أن تجده لأن بكل بساطة متصور مين هينظف مكانك وأكيد انطباع اللى هيدخل بعدك مش هيكون فى صالحك
* التعليق على الطعام بصفة مستمرة ونقده بطريقة مبالغ فيها.. كان النبى صلى الله عليه وسلم لا يعيب طعاماً قط إذا اشتهاه أكله وإذا لم يشتهيه تركه.
*عدم احترام عادات وتقاليد المجتمع الذى يعيش فيه.
مثال: التأخر بعد منتصف الليل, ارتفاع الصوت بطريقة مستفزة تؤذى الآخرين سواء بارتفاع صوت المذياع أو التلفاز أو حتى صوته الشخصى, التدخين سواء من رجل أو امرأة, الملابس المستفزة من الجنسين.
* فى الشارع:
البصق على الأرض وقزقزة اللب ورمى القمامة فى الشارع.
* التعامل مع الأشياء بقسوة, عدم الالتزام بقواعد المرور.
* التدخل الزائد فى شئون الآخرين.
* عند الشراء أجد سلعة ما بسعر معين وبعد ما اشتريها أجدها بسعر أرخص فى مكان تانى.. ليه بتغلى الحاجة على الناس وتعتمد انهم هيفاصلوا طيب واللى مابيعرفش يفاصل يتضحك عليه!!
*خلع الحذاء فى الأماكن العامة, ارتداء جورب غير نظيف, عدم وضع مزيلات للعرق.

وغيرها كثير من السلوكيات المرفوضة.
والتى ادعو من يفعلها أن يقتنع تماماً بأنه قدوة للآخرين بأفعاله وسفيراً للإسلام بسلوكياته فأرجو أن تكون قد هذه المسئولية.


سؤال جانبى:
ــــــــــــــــــــــــ
* ما اكثر سلوك يستفزك ممن تتعامل معاهم؟.

هناك 22 تعليقًا:

كلمات من نور يقول...

صحيح كلها سوكيات مذمومه

اكتر سلوكيات بتستفزني خاصة اني عايشه مع بنين هي رفع قاعدة التواليت وكمان انهم بيخلوا الحمام ولا البيسين وادخل انا اطراف هدومي تتبل واقرف من نفسي و احيانا اتزحلق عااااااااااااا

مصطفى سيف الدين يقول...

ما اكثر العادات السيئة في مجتمعاتنا العربية
اكثر سلوك بيستفزني وبابقى نفسي اضرب اللي بيعمله لما اشوف خناقة بين اتنين ويتحول السباب بينهم لشتم الاهل سواء الام او الاب او حتى التخطي لسب الدين
دوما لا نستطيع ان نتمالك انفسنا عند الغضب
تحياتي

الشاعر الفنان أحمد فتحى فؤاد يقول...

صح

كلامك كله صح

اهم شي في الحياة النظافة الشخصية في كل شي

و يأتي بعدها عدم الاعتماد علي الاخرين و هذا ما يطلق عليه الاعتمادية او الاتكالية

ثم يأتي قبل و بعد كل ذلك الحب

بالحب نجمل الحياة و نضيئها و نجعلها محتملة

تحياتي و تقديري

Unknown يقول...


السلام عليكم

طبعا التصرفات المستفزة كثييييييرة، ولن يكفيها بوست، بل تحتاج كتاب كامل في الإيتيكيت.. ومن أفضل الكتب الإسلامية التي قرأتها في هذا: السلوك الاجتماعي في الإسلام، للشيخ حسن ايوب رحمه الله. ففيه توضيح معاصر بنقاط واضحة للسلوكيات الإسلامية في مجالات الحياة المتنوعة (وهي التي سنلاحظ بالتأكيد أنها لا تنافي الآداب العامة للفطرة السليمة ابدا).
يضاف إليه التنبه لعادات المجتمع المحيط خاصة إن كان مجتمع غير المجتمع الذي نشأ فيه الفرد.

إجابة السؤال:

بعد أن أشتري شيئا، تجدي دائما من يسألك: بكم اشتريته، وعندما يعرف الإجابة لا بد من إظهار خبرته وحنكته: "يااااااه طب ليه اتسرعت، ده موجود بأقل من كده عند فلان؟"

طبعا لهذا أرفض تماما إعطاء سعر ما اشتريت به لهذا السبب ولهذه النوعية بالذات.. ومن يصر (أديله في جنابه: طب وانت كنت فين وانا بسأل من فترة؟ وليه لازم تبكت اللي قدامك بس لتثبت للآخرين ولنفسك أنك بخير دائما ولو على حساب إثارة ندم وضيق الآخرين"

أنا شخصيا، إذا أخبرني شخص بشيء اشتراه (لا أسأل أبدا عن ثمن ولا مكان الشراء)، وإن علمت لا أبكته، بل أهنئه وأدعو له بالخير دون ذكر مساوئه.

أختي موناليزا.. أنا متأكد أنك ستثيري شجون الكثيرين :)

تحياتي..

تلميذة سلمان الفارسى يقول...

جزاكم الله خيرا

ليلى الصباحى.. lolocat يقول...

السلام عليكم

تعرفى ان السلوكيات دى بتخلينى فى منتهى الاستفزاز
كلنا عايزين بلدنا تتغير وناسيين انها بتتغير بينا !!!!!

احييك اختى الحبيبة على موضوعك المهم جدا

ياريت كلنا نفهم ونعمل
بارك الله فيك

تحياتى وتقديرى

eng_semsem يقول...

سلوكيات لازم نعالجها ولازم ناخد بالنا منها ونتعلم نحافظ على سلامتنا ونظافتنا وكمان الناس اللي حوالينا مش نؤذيهم
واكتر حاجه بتتعبني لما الاقي في اطباق مش نضيفه موجوده في الحوض بفضل انهم يتغسلوا اول باول وكتر قعدتهم في الحوض بتخليني اقرف اكل فيهم

الاحلام يقول...

حقا اختى الكريمه يوجد سلوكيات لا تمت للبشريه بصله فهى من اعمال غير البشر لكن هناك اشياء لا تعتبر سلوكيات سيئه بالذات عندما يكون الانسان فى منزله فهناك اشياء يعتمد الرجل بصفه كامله على زوجته فيها
السلوك الرهيب الذى يستفذنى هو ان اطلب طلب ما بالمنزل وزوجتى تتباطأ فى اتمامه لان الزوجه عليها راحه الزوج
شكرا على مقالتك الرائعه فهذا الموضوع فيه كلام كثير جدا يطول شرحه
دمتى بخير تقبلى تحياتى الاحــلام

الشاب الصح يقول...

السلام عليكم و رحمه الله و بركاته

هذه السلوكيات البشعه تعتمد على ثقافه الفرد و كل واحد مراه نفسه فعلينا ان بندأ بانفسنا و نكون نموذج طيب لغيرنا
جزاك الله خيرا
========>♥ ◕‿◕ ♥<========
هناك أناس يعزفون على أوتار إحساسنا ألحاناً رائعة و يخلدون فينا ذكرى لا تمحى ، لنا فخر بمعرفتهم ، فليحفظهم الله و ليحفظ الله الود بيننا
========>♥ ◕‿◕ ♥<========

Carmen يقول...

موضوع غاية في الاهمية فعلا
اكتر شئ ينرفزني ان حد يبهدل واقعد الم وراه

سواح في ملك اللــــــــــــــــــه- يقول...

جميل جدا الكلام
اكثر شئ يستفزني
هو التضليل
الباس الحق بالباطل
تحيتي

فارس عبدالفتاح يقول...

سلام عليكم


ابغض واحقر واقذر سلوك اكرهه من بني ادم ( وهو لا يتسحق كله بني ادم او انسان ) هو :

المكابرة والتبرير والدفاع عن هوى النفس تجاه الاخرين بحجة انه غير مخطأ .

شيء في منتهى الدونية والانحطات القيمي والاخلاقي والمنطقي والنفسي .

بحيث يبرر لنفسه كل شيء ويحتكر الحقيقية وهو ابعدى ما يكون عنها .. وعن احترام الذات قبل ان يطالب الاخرين بان يحترموا ذاته ، فذاته هذه مرضيه وابغض وبل نفسي تشمئز من ان انظر الى هذا البني ادم .

عفانا الله من الكبر والمكابرة وجلعنا من عبادة المتواضعين المتذللين له سبحانه وتعالى ولعبادة الصاليحن المتقين والفقراء والسماكين والمحتاجين .

إبن النيل يقول...

جزاك الله خيرا
الدال علي الخير كفاعلة
دمتي بكل خير

ابراهيم رزق يقول...

فى سلوكيات انا بعملها و هحاول انشاء الله هاغيرها زى الانتخة و الكسل فى البيت و موضوع الملابس الموضوع موضوع تعود زى النظافة الخاصة هذه سلوكيات لا تتغير بسهولة

خالص تحيانى
و جزاكى الله خيرا

Dr. Ibrahim يقول...

أكثر سلوك بيستفزنى
هو انى بكلم شخص فى كلامه مهم جدا وهو يقوم يكلمنى فى حاجة تانية خالص..
الصراحة بقوم سايبه وماشى وأقلل من كلامى معاه فى اى حاجة تانية بعد كده بدل مبيسمعليش..

سلوك تانى برده
لما يكون واحد ماشى معايا ورايحين مكان ويقوم مثلا سايبنى ويعد يتكلم مع ناس تانية ويسيبنى واقف مستناه..
انا بقوم سايبه انا كمان واروح المشوار لوحدى..

يجب أن نغير من سلوكنا لكى نستطيع أن نتقدم إن شاء الله

Mahmoud Ahmed يقول...

لازم نتعلم نغير من نفسنا

Days and Nights يقول...

الأخت الغالية

كم أنا سعيد بما تكتبين ... تحية عطره خاصة لشخصكم الكريم على الأسلوب التنويرى الراقى ... دمتى مبدعة .

أخوك / تامر

شمس النهار يقول...

:))))))))
عندك وقت
اللي يستحمي ومايوضبش الحمام تاني
اللي يسيب باب الميكروويف مفتوح
اللي يعلي النار جدا علي الحلل علشان يسخن قوم تتحرق
اللي يشرب في كوبايه ويرميها في الحوض
اللي ينشف في الفوطة ويطلع بيها من الحمام اصلا
اللي يستخدم علبة الشاي والسكر وتبدل الغطيان وهي بترجعهم
التليفون اللاسلكي اللي لما احب اتكلم فيه اقلب عليه البيت كله
اقول كمان ولا كفايه كده
:))

غير معرف يقول...

إن الله جميل يحب الجمال، والنظافة والترتيب من مفردات الجمال

بوركتِ

(المهاجر الى الله) يقول...

سوء الظن والغيبة والنميمة من اخطر السلوكيات الذميمة
ويضاف اليها
الهمز واللمز

ENG./ELSAYED,PMP يقول...

بوست جميل
مش عارف فيه صحوة تدوينية كبيرة كده ليه اليومين دووول ... ده تانى بوست اقراه النهاردة ويدخل دماغى أوووى هوه وتعليقاته .

عارفة حضرتك انا بعتقد - اعتقاد شخصى - أن الكلام اللى بيدخل دماغى بيكون صاحبه مكلفه ، بيكون صاحبه كاتبه بصدق ودون افتعال تاركاً افكاره تنساب دون قيد ، فتجدى فى كلامه صدق خبرته للواقع المحيط وما اضفاه عليها من معالجاته العقلية فيها ... فتصل الى عقل الاخر بسهولة ويسر .

أما عن موضوع البوست ... فأنا أحب أن أقول أن من أكثر ما يستفزنى من سلوكيات - إذا صح ان يكون سلوك - هو القفز فى نفس الأخر وعمل سيكو اناليسيس له مع كل نظرة او صمت او كلام او حركة او سكون او ايماءة او حتى لو بيموت - لا علاقة بالكلمة بالشأن العام - أقول حتى لو بيموت يقفز فى نفسيته بأنه يستدر عطف الاخرين أو يدعى ذلك ... الخلاصة ... القفز ف نفس الاخر .

موناليزا يقول...

أهلا وسهلا بجميع السادة الحضور
أشكركم جدا لمشاركتكم
وجعلنا الله ممن يستمعون إلى القول فيتبعون أحسنه

أسعدتونى بتواجدكم
وفى انتظاركم دائما