الأحد، 12 يونيو 2011

مظلومة


أتاريها فرحة كذابة.. اعتقدوا أنهم لما يضحكوا عليا ويعرفونى أن الموضوع خلاص انتهى أنى مش هعرف الحقيقة .. الغريب أنى كنت راضية وقلت مش مهم أن حقى ماجاش ومش مهم أن ربنا لسه مانصرنيش يكفى أن الموضوع خلاص انتهى وماعدتش هتعب أعصابى تانى.. لكن اتضح أن مفيش حاجة خلصت ومازال الظلم واقع علىَّ.

الأغرب أن دموعى مانزلتش.. اتحجرت فى عيونى ومانزلتش.. كنت حاسة بقلبى بيعيط بحُرقة وأن فيه دموع كتير فى عينيا لكنها أبت شامخة أن تنزل..أحييكِ يا دموعى ع
لى موقفك الشجاع وكرامتى التى تحافظين عليها دائماً.

ولكنى وجدت أكفى ترتفع متضرعة إلى الله أدعو على من ظلمونى بكل ما أوتيت من قوة راجية المولى أن يتقبل دعائى وينصرنى ويجبر بخاطرى ويخلصنى من اللى أنا فيه على خير.
فقد رفعت شكوتى لأحكم الحاكمين وأعدل العادلين وأرحم الراحمين.
وواثقة أنه مش هيخذلنى..مهما طال الوقت حقى هيرجع.

يارب أنت شاهد أنى مظلومة وعارف أنى مش مسامحة.. وشاهد على اللى بيعملوه فيا فبحق شهادتك على ظلمى وعلمك بحالى أرنى فيهم عجائب قدرتك.





هناك 30 تعليقًا:

مدونة رحلة حياه يقول...

السلام عليكم
ألمتنى كلماتك اختى واعلم انك تعلمى ان الله لا يرد دعوة مظلوم وانها ليس بينها وبينه حجاب
ومن عفا وأصلح فأجره على الله
أصلح الله لك شأنك وأعزك ورفع عنك الظلم

لبنى أحمد نور يقول...

أحييكى يا دموعى على موقفك الشجاع وكرامتى التى تحافظين عليها دائماً.

ربنا يقويكي ويردلك حقك

أم هريرة.. lolocat يقول...

السلام عليكم

ومش مهم أن ربنا لسه مانصرنيش

لا يا اختى لا تقولى هذا
الله اعلم عنك بالخير
تاكدى ان الله سبحانه وتعالى لا يغفل ولا يهمل لكنه يمهل

اشعر بحيرتك وحزنك و اعتقد انك فعلا مظلومة لكن تاكدى ان الله سينصرك مادمت مظلومة

ألجأى اليه دائما فهو ملاذك وناصرك وكاشف الضر والبلاء

رفع الله عنك اختاه كل سوء وهيىء لك من امرك رشدا ويسر لك كل صعب

فرج الله همك حبيبتى

دمت بكل خير وامان
تحياتى لك

كريمة سندي يقول...

نعم أختي في الله دعوة المظلوم ليس بينها وبين الله عز وجل حجاب ربنا معاك

سواح في ملك الله- يقول...

امة الله لن يخذلها الله ابدا

ومع ذلك ادعوا لكي عل دعوتي تجاب

ادعوا لكي الله القادر علي كل شئ

برد الظلم عنك وان ينصرك نصرا مبينا باذن الله
تحيتي

(ست* جنى* الحسن) يقول...

سلامو عليكو
فصبرا جميلا والله المستعان على مايصفون

اكتر ساعات الليل ظلمه هى ما قبل الفجر مباشرة

انى احبك فى الله

ليس فقيرا من يحب يقول...

يا حبيبتى يا مونى متنسيش ان الله اذا احب عبدا ابتلاه

وان شاء الله ربنا هينصرك وهيقر عنيكى وقلبك

كل لما تضيق قوى بتفرج قوى قوى يا حبيبتى والله

ولسه شيفاها فى بنت عمى واختى اللى ربنا عوض صبرها خير باكثر من ما اى حد يحلم او يتخيل وفى اقل من شهر وربنا

ربنا نصرها نصرة قويه قوى وعارفه مع انها كانت متجوزة قبل كده مده طويله جدا ومش خلفت بس جوزها عاملها عملايل وشبكه وشقه وفرش اجدع من البنوتات بكتير وكل اللى ظلمها اتبط دلوقتى وهيموت من الحقد كمان ههههههههههه

متقلقيش انا قولتلك هدايا السما هتيجى وتعويض ربنا مفيش اروع ولا ارق منو

ربنا يريح بالك ياااااااااااااااااارب

باحبك يا مونى

مصطفى سيف يقول...

الظلم ظلمات يوم القيامة
ودعوة المظلوم ليس بينها وبين الله حجاب
ارفعي يدك للسماء فهو لا يرد ايدي المظلومين صفرا
بل ينصرهم ولو بعد حين
اختي العزيزة ان استطعتي العفو والصفح فافعلي فهو اكرم واعظم عند الله فالله يحب المحسنين
تحياتي

شيرين سامي يقول...

الدموع ساعات بتغسل الألم و الوجع, متخافيش على حقك عشان ربنا مبيضيعش حق حد و لو بعد حين.
تحياتي الخالصه لكي

مها البنا يقول...

موناليزا

أنا حاسه بيكى قوى .. ويمكن فوق ما تتخيلى

لكن ثقى إن ربنا مش هيضيعك .. وهيردلك حقك .. سبحانه قد يمهل لعباده .. لكنه أبداً لا يهمل . وتذكرى أنه إذا غضب على عبد رزقه من حرام وإذا إشتد غضبه .. بارك له فيه.

ابراهيم رزق يقول...

اختى العزيزة

السلام عليكم

الله ام فك كربك و يهديكى الى ما فيه الثواب
اللهم ارفع عنها الظلم يا عادل يا منتقم
لكن يا اختى لماذا لا تبكى ابكى فقد يخفف البكاء عنك بعض الحزن

يارب ازح عنها الضيق و الهم
تحياتى

rack-yourminds يقول...

{أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاء الْأَرْضِ أَإِلَهٌ مَّعَ اللَّهِ قَلِيلاً مَّا تَذَكَّرُونَ }
__

فرج الله كربك وحزنك

دعاء العطار يقول...

ربنا هيرجعلك حقك ياموناليزا غداً أو بعد غد

ربنا بيختبرك لأنه عارف انك قد الإختبار وانك ان شاء الله هتنجحى فيه وهتصبرى وتحتسبى

" حسبى الله لا اله الا هو عليه توكلت وهو رب العرش العظيم "

فيه حد يخللى ربنا حسبه ويزعل ؟

ربنا يفرج كربك وهمك يارب وتذكرى ياموناليزا دايماً

" ان مع العسر يسرا "

الاحلام يقول...

المظلوم دعوته لا ترد اختى العزيزه وتهتز لها السماوات السبع
فنعوذ بالله ان نكن ظالمين وجعلنا من الذين يستمعون القول فيتعون احسنه
دمتى بخير تقبلى تحياتى الاحــــلام

قطرة وفا يقول...

يا حبيبتي يا موناليزا

ربنا كبير و عزتو وجلالتو مش هيسيب مظلوووم الا وياخدلو حقو و هتشووووفي ازاي هتكون الفرحة لما تنتصري و يكون النصر اكبر مما تتصوري ... هتحسي بالفرحة مالية قلبك و روحك و كل ذرة بجسدك بعد الظلم ... وإن مع العسر يسرا إنّ مع العسر يسرا ... وقتها هتقولي قالت قطرة و هتشوفي بعينك و تسمعي بودنك و تلمسي العدل بكل جوارحك ... متخافيش ... إنّ غداً لناظره قريب

reemaas يقول...

احساس الظلم وحش جداااااااااااا

ربنا يفك كربك ويرفع عنك الظلم عن قريب ان شاء الله ولا تياسى من رحمة الله ابدا

المعتصم يقول...

السلام عليكم ورحمة الله وبركاته
ربنا ينصرك ويكرمك ويوفقك
وقادر انه يفرح قلبك من تانى
خليكى مع ربنا
واكيد اكيد هينصرك على كل اللى ظلموكى

فارس عبدالفتاح يقول...

سلام عليكم

لا تطلبي الانتقام بعجائب القدرة ، مع انك صاحبة حق .

ولكن من ينزل من كبريائة ليدعم قيمه الخليقة فهذه هي قمة الانسانية وقمة الاخلاق .

اسأل الله العلي العظيم ان ثبت نعمه لديك ، ويخفف مؤونة شكرها عليك ، ويتابع لك المزيد ، في كل يوم جديد ، ويحرسك من نفسك ، ‏ويعصمك من بني جنسك ، ويعرفك الخير ، ويحبب إليك الإحسان ، ويوفقك للرشاد .‏

تقبلي اطيب تمناتي

بيتنا القديم يقول...

بُصي يا أختاه:
-استعيني بالصبر والصلاة
-والدعاء مع الإلحاح
-والمحافظة على الأذكار الصحيحة التي -تفرج الهم والكرب
-وثقي في الله
-واعلمي أنه عند اشتداد ظلمة الليل -يأتي الفجر بنوره
-وعندئذ يفرح المؤمن بفرج الله
-وعسى أن يكون قريبا
-ونسأل الله لك قبول دعائك وتفريج همك وغمك إنه رحيم لطيف بعباده..
-اللهم يا منزل الكتاب يا مجري السحاب خرشم كل من ظلم عبدتك وأمتك موناليزا..
-اللهم هزئهم تهزيقا..
-اللهم أرسل عليهم من يديهم على دماغهم..ويلسوعهم على قفاهم..
-اللهم واجعلهم يأتون لأختنا المظلومة مذعنين خائبين متوسلين متشحتفين قائلين:" ارحمينا بقا من دعواتك نبوس ايديك وسامحينا..شهدنالك يا طاهرة"..
-آمين آمين..
ولا عدوان الا على الظالمين..
والحمد لله رب العالمين..!
(:

جايدا العزيزي يقول...

اصعب احساس فى الدنيا

هو الاحساس بالظلم موناليزا

نصرك الله

واطمئنى مهما طال الليل جى اكيد نهار

تحياتى

ريــــمــــاس يقول...

رغم وجع الظلم وإحساسه البشع
ولكن تأكدي انه اهون من ان تكون
الظالمة لذلك تأكدي ان دعوة المطلوم
لن تحجب عن رب العالمين "
؛؛
؛
موناليزا
كوني بخير لاكون
::
:
لروحك عبق الغاردينيا
كانت هنا
reemaas

(المهاجر الى الله) يقول...

أسأل الله تعالى ان ينصرك على من ظلمك نصرا مؤزرا معزرا يقر بع عينك ويرضى به قلبك انه ولى ذلك والقادر عله

حسبى الله ونعم الوكيل فى كل ظالم وكل من يعين ظالم على ظلمه

هبة فاروق يقول...

ربنا ينصرك ويرفع من شأنك ويعوضك خيرا
تحياتى

نيللى يقول...

اننى اشعر بكل كلمه قولتيه لانى ياما اتظلمت وانا مثلك لا الجأ لاحد سوى ربى
..ربنا يجبلك حقك وحقى وحق كل مظلوم امين يارب العالمين

eng_semsem يقول...

ربنا يرفع الظلم عنك وعن كل المظلومين
سبحان المنتقم الجبار سبحان المعز المذل سبحان الغني المغني
تقبلي تحياتي ودعواتي

شمس النهار يقول...

طعم الظلم مرررررررر
علقم
ربنا ينصرك
اعفي وربنا هينصرك نصره تثلج صدرك
بس احتسبي ياابنتي

حمـــــــــــــــــــــة يقول...

سيدتي
لن يضيع حق وراءه طالبه
قد يتعثر
قد يمنع
مهما كان
لا بد من رجوعه لأصحابه
و كلما زادت المدة و طالت إلا و كبر الأجر
تصوري أنت أكبر من ذلك
أغلى مما يتصورون
شوفي قيمتك الغالية عند ربنا
صحيح نجزع و نبكي ووووو
و لكن المولى مسير الكون يقول لك أصبري
سيفرج كربكي
سبحان الله
يا بختك كما تقولوا بالمصري
يلا فضيها و إن شاء الله الآتي أحسن

SHAPE YOUR LIFE (ABOALI) يقول...

شتم او سب او اهان او اساء او اتهم
احد الاشخاص شخص

فنظر ذلك الشخص الى من اساء اليه و ابتسم
وقال

لو كان مصيرى النار فأنا اسوء مما قلت

ولو كان مصيرى الجنة فأنا افضل مما قلت

**********
ربنا يهبك الجنة ويبعدك عن ما يقربك من النار


كل التقدير لانسان قدير

موناليزا يقول...

أحبائى فى الله
ماحرمنى الله من وجودكم فى حياتى
وربنا يكرمكم ويجازيكم عنى كل خير
جزاء وقوفكم الدائم جوارى فى أزماتى
وربنا يتقبل دعائكم لى ويرزقكم بالخير كله

أسعدتونى حقاً بمشاركتكم لى وخففتم عنى ما أنا فيه

فى انتظاركم دائماً

NISREENA يقول...

مع اني اتيت متأخرة
إلا أن قلبي أدماني
نصرك الله على الجميع
فالمظلوم يسمع ندائه لا تخافي