الجمعة، 3 فبراير 2012

بأى ذنب قتلوا


يعنى إيه ابنى مات!!.

يعنى مش هشوفه تانى!


يعنى مش هستناه يرجع لما يتأخر !.

يعنى مش هصحى من بدرى أجهز له الفطار واطمن عليه وهو رايح يمتحن!

يعنى مش هفرح لما نتيجته تبان وألاقيه ناجح وطالع الأول!.

يعنى مش هتصل بيه على الموبايل وهو يكنسل عليه ولما اعاتبه يقولى كنت واقف مع أصحابى!।

يعنى مش هفرح معاه لما الأهلى ياخد الدورى ونغيظ أخته علشان هى زملكاوية!।

يعنى مش هلاقى اوضته متبهدلة مكان مذاكرته!।

يعنى مش هلاقى ورق المذكرات فى غرفة الصالون وتحت كنبة الأنتريه !।

يعنى موبايله مش هيرن تانى بالنغمة الغريبة اللى كنت بقوله دايماً يغيرها!.

الخلاصة إن قلبى هيفضل محروق العمر كله إلى أن ألحق به.





شعرت بالغثيان حينما رأيت صورتك وتخيلتك تنظر للجميع بنظرة شماتة..

لا يغرنك مايحدث وانظر إلى فرعون إنه طغى ولا تغرنك ضحك الأيام فلكل ظالم نهاية

ولا تتوقع إنك المتحكم فى سير الأحداث..

فللكون رب يدبر أموره ولا يغرنك صبر الله عليك فاتقى شر الحليم إذا غضب

ولا يغرّنّك بالله الغرورفالله يمهل ولا يهمل.





أنتوا إزاى بتقدروا تعملوا كده عادى!!!

هو قتل الناس سهل أوى كده!!!

مافكرتوش لو فى يوم ولادكم يكونوا مكان اللى اتقتلوا!!

تذكرت يوم قتل الطفل "محمد الدرة "على يد الإسرائيلين وكم كان موته سبباً فى غضب العالم وانتظرت أن يغضب العالم ويثور لما حدث فى مجزرة بورسعيد ولم يحدث شئ.. انتظرت حدوث موقف صارم من تجاه أى مسئول ولم يحدث شئ..أعترف بأن شعب بلدى الحبيب لا يملك شئ سوى اللجوء إلى الله فهو وحده القادر على أن يرفع عنا هذه الغمة.





هناك 12 تعليقًا:

beautiful mind يقول...

صبرا فأن الله لن يفلت الفاعل
انه يمهل ولا يهمل
انا لله وان اليه راجعون
ربنا يصبرنا جميعا ويرحم موتانا

مها البنا يقول...

رغم الصمت .. لسه باقى كتير كلام

بكره أحلى .. صدقينى

مهما عملوا

ومهما قالوا

بكره هتلون سنينك

لون بياض الشمس

ونورها هيغطى المكان


وابقى افتكرينى

فافى يقول...

ان لله وانا اليه راجعون
ربنا يصبر اهلهم ويتغمدهم برحمته

مصطفى سيف الدين يقول...

قتلوا بذنب الصمت على الفساد و التجبر
قتلوا بذنب نواب اهتموا بالمزايدات والظهور بالتلفاز عن الزود عن شعبهم
قتلوا لأنهم كانوا الاشجع و صرخوا في وجه الظالم يسقط يسقط حكم العسكر
رحمهم الله و غفر لهم

دعاء يقول...

كلنا متألمون عزيزتي موناليزا ...
أتمنى أن يلهم الله ذويهم الصبر ،
فلذلك وقع أليم على نفوسنا نحن ،
فكيف بهم هم ؟!!

تحيآتي لكِ ...

EMA يقول...

لا حول و لا قوة الا بالله

ربنا يرحمهم و يصبر أهاليهم ..الواحد مابقاش قادر يتكلم خلاص مفيش اي كلام ممكن يكفي او يوصف بجد

ربنا يرحمنا و يزيح عنا الهم و الغم


يا رب

كريمة سندي يقول...

رحمهم الله وجزاك الله خير الجزاء والله شيء محزن جدا ومؤسف للغاية لا تعليق

amiraali يقول...

ربنا يرحمهم..
ويسترهامعانا وعلينا
ان لله وانا اليه لراجعون

غير معرف يقول...

لن نترك حق شهداءنا
هم في مكان أفضل عند أرحم الراحمين ، ونحن على العهد ولن نترك حقهم أبدا

والدعوة الآن في كل مكان لعصيان مدني عام يوم 11 فبراير في ذكرى تنحي المخلوع
أرجو تتبع الموضوع بجدية ومحاولة نشره بين الأصدقاء وعلى المدونات وعبر حساب الفايس بوك

المعتصم يقول...

والله الواحد مابقاش عارف يفكر
ومش قادر اصدق كل اللى بيحصل فى بلدنا ده
مش هقول غير حسبنا الله ونعم الوكيل

Unknown يقول...

لا حول و لا قوة الا بالله


---


سعيا منها لتطوير النقاش و الاستفادة من المدونين العرب ، مدونة الزمن الجميل تدعوك لإبداء رأيك في موضوع : الشباب العربي بين ما أرادوا له و ما اختاره !



-

ليله شتاء يقول...

السلام عليكم ورحمه الله وبركاته

ربنا يرحمهم جميعا ويصبر كل أم وأب وزوجه يااااااااااااارب