الاثنين، 29 أكتوبر 2012

من كتاباتى (9)



1-ولأنى بكتم الآهة محدش بيسمعها.



--------------------

2-الكتابة كالولادة ولذلك يصعب أن يفرط كاتب فى وليده.



------------------------

3-


حجة البليد مش معايا رصيد.

------------------------



4-كنت أنا هذا الشخص الذى يتألم من أجل الجميع حتى ولو لم 


تربطنى به صلة.

------------------


5-


هدفى رضا ربى وده هوصله بشتى الطرق.

--------------------

6


ترى هل أثر قلمى فى حياة أحدهم!!

------------------

---------------------

7- أيوة أنا مع بتوع التحرير.

--------------


8-

حينما تنساب الكلمات لتعزف على أوتار القلب فتنزف الألحان ألماً بعمق جرح الروح.

----------

9


الشعب يريد عودة عداد التاكسى.



----------------
10

أنا عايزة حلة تصفر قبل ما الرز يشيط.

-------------
11


مابحبش حد يتدخل فى اللى أنا بعمله وخصوصاً لما بكون فى المطبخ.

---------------

12
إلى متى سأتحمل فراغ الآخرين!.

------------
13

أسابق الزمن لأنى مش ضامنة عمرى.

------------
14

الأطفال: أحياناً يكونون تكفير ذنوب.


------------------


15



لماذا لا أرضى عما تصنعه يداى
.
فهذه اللوحة كان يجب أن تكون ألوانها زاهية عن هذا.

وتلك المكرونة كانت تريد مزيداً من البهارات.

وهذا الطعام كان يجب أن يسخن أكثر من هذا.

وهذا المفرش كان يجب أن يكون متساوياً أكثر من هذا.

وهذا الوشاح كان يجب أن يكون طويلاً .

وكتاباتى على الوورد كان يجب أن تنسق قليلاً.

حتى ما كتبته الآن غير راضية عنه.


----------------------

16-

لا تسألنى عن سبب ما أكتبه فلقلمى أسبابه الكثيرة.

-----------------
17


عارفة يعنى إيه تكونى أم.. يعنى بقيتى مسئولة عن تنشأة إنسان وأى حاجة هيعملها 

هتكون فى ميزان أعمالك.

ياترى أنتى قد المسئولية دى.. أقولها لنفسى دائماً.

---------------

18
ثقتى بالله تكفينى.


وحبى لله يغنينى.


----------------
19


إلى متى سأتحمل حماقات الآخرين!।


--------------
20

بعد كل كلمات الإطراء على الاستاتيوس بتاعتك


ياترى يا شاطرة أنتِ اللى كاتباها ولا كالعادة سارقاها!.

مش عيب أن أذيل كلمات مقتبسة باسم كاتبها الأصلى أو أضعف الإيمان أكتب فى النهاية

"منقول"।

--------------
21


الأطفال يحتاجون طولة بال وتفرغ تام.

--------------

22
مش عيب إنك تقلدنى..العيب إنك تنكر إنك بتتعلم منى.

-----------
23

ما أجمل أن يكون لك صديق تبث له شكواك

.
ولكن الأجمل أن يكون لك رب لا يجعلك تحتاج لهذا الصديق.


---------------------

24-
عمرك فكرت إن عدم رؤيتك لشخص بيضايقك أو بيحرق دمك ده يعتبر 

نعمة تستحق الشكر.. فيومك لم يعكر صفوه أحد.. أراها نعمة 

تستحق الشكر.

-------------------

25-

ما أجمل أن تذهب لسريرك لتنام بعد إرهاق طول النهار وكأن النوم

 مكافأة لك لتعبك طول اليوم.

وما أسوأ أن تذهب لسريرك لتنام لإنك معندكش حاجة تانية تعملها 

وهنا تظل تتقلب على الفراش وكأن الأرق يعاقبك على فراغك طول

 اليوم.

----------------------

26- ليه تقرأ حاجة تحرق دمك لما ممكن تعملها ديليت.

-----------------------

27-
من أسوأ اللحظات التى تمر فى حياة الإنساة أن يبدأ الدخول 

الفعلى فى مرحلة النعاس فى الوقت الذى يرن فيه المنبه لإيقاظه.

----------------------

28-
--------------------------------------------

29-


سؤال بيفرض نفسه: إيه الحكمة لماتكون 

فى حفلة أو ندوة وتلاقى كاميرات كتير 

وكل الناس بتصور الحضور.. ليه بقى!!

وده عيب التعليم المجانى .قصدى عيب 

إن كل الناس بقت موبايلاتها بكاميرا.. أراه 

تعدى على حرية الآخرين

-------------------------

30-


انتِ هتفضلى عايشة فى المدينة 

الفاضلة كده كتير.. مش تنزلى شوية 

بقى لأرض الواقع.

----------------------------

31- جددوا علاقاتكم بقوائم الأصدقاء 

لديكم ومن لا يوجد بينكم علاقة خففوا 

الحِمل عن موبايلاتكم وإيميلاتكم.

----------------------------------

32-



من الجميل أن تتعلم فقه الدين ولكن 

الأجمل أن تعمل بما تعملته.


من الجميل أن تتكلم عن الدين ولكن

الأجمل أن تعمل بما تتكلم عنه.


من الجميل أن تعرف فى الدين ولكن

الأجمل أن تطبق ما تعرفه.


وتذكر قوله تعالى" أتأمرون الناس بالبر

وتنسون أنفسكم وأنتم تتلون الكتاب أفلا 


تعقلون "

-----------------------------

33-الزواج : أحياناً كثيرة يكون حماية من 

كلام الناس.

-----------------------

34-



أتواصل لأننى أهتم.


أتواصل لأثبت للآخرين إننى مازلت على

قيد الحياة.


فى التواصل حياة لا تحرموا نفسكم منها.


---------------------------

35-

في ناس وجودهم فى حياتك بمثابة الشاحن الذى تحتاجه من وقت لآخر ليمدوك بالطاقة والأمل اللازمة لتعيش فى هذه الحياة.. فلا تفرط فيهم أبداً.

--------------------------

36-


أنفق مالى وأرعى عيالى وأبكى على حالى .

تزينت بأعمالى فالجنة أقصى آمالى.



------------------------

37-

الفراغ يجتر الذكريات ولا سيما إذا كانت ذكريات موجعة .. لذا اشغلوا وقت فراغكم حتى لا تجدوا مجالاً لرؤية ذكرياتكم .

-----------------------------

38-


ما أجمل أن تقرأ شيئاً وتشعر بأنك تقرأ ما تشعر به وكأن الله أرسله لك لتعلم بأنك لست وحدك الذى يشعر بهذا الإحساس.

-------------------------

39-

وكأننا نخطف من الزمن لحظات الصبا.

وكأننا نتحدى الزمن بأننا لم نكبر يوماً.

ولكن تبقى الحقيقة لقد كسب الزمن التحدى.



--------------------------

40- ما أجمل أن يجد المرء بيتاً يأويه بعد تعب طول النهار.

-------------------------

41-لا تلومنى يا قلبى على كبتى لك فكم لمتك على خذلانك لى.

-----------------------

42-أتمنى أن يتفق عقلى وقلبى يوماً ما.

--------------------------

43-

أنا عايزة اتمرجح.

عايزة اجرى وافرح.

عايزة اتفهم من غير ما أشرح.

عايزة أتحب من غير ما أجرح.
عايزة اتجوز ويكون لى مطرح.
عايزة أركز من غير ما أسرح.
عايزة اللى اكتبه يتمثل فى مسرح.
عايزة يارب جنتك تكون لى مبرح.

-------------------------

44-



هناك 8 تعليقات:

Unknown يقول...

جميلة مقولاتك و كتاباتك

ربنا يبارك فيكي

دمت بخير حال

ظلالي البيضاء يقول...

حسناً التعليقات كمجهول غير مفعلة ..
أولاً .. كل عام وأنتم بخير ..
ثانياً .. أطلتِ كتاباتك وكلها تستحق التعليق عندها ..
ثالثاً .. نتوكل على الله وأعلق على الأهم منها بالنسبة لي على الأقل :
1- الآهة بيسمعها الآخرون لما بنترجمها بالكتابة ..
2- تخليت عن وليدي 25 سنة ثم رجعت إليه :)
3- دي حجة البخيل لما بعلم على الموبايل وسغلق بسرعة علشان ما نفتحش عليه الخط .. :)
4- أصبحنا اثنان .. وربما هناك الكثيرون ..
5- نسأل الله اللطف والفضل ..
6- ما أعادني للكتابة أن كلماتي الأولى بعد العودة للكتابة أثرت في الكثيرين والبعض بكى منها بحرقة ..
7- بلا تعليق ..
8- بلا تعليق ..
9- بلا تعليق ..
10- بلا تعليق
11- الحق معك فإذا كثرت الأيادي احترقت الطبخة .. :)
12- بلا تعليق ..
13- الفوز في هذه الحياة لمن صدق لا لمن سبق لذلك نعمل بوصية ربنا "وسارعوا إلى مفغرة من ربكم وجنة عرضها السماوات والأرض" .. ولا ننسى الإخلاص والصدق في العمل ..
14- بلا تعليق ..
15- بلا تعليق ..
16- بلا تعليق ..
17- اللهم اغفر لنا تقصيرنا تجاه أبنائنا ..
18- نسأل الله حبه وحب عمل صالح يقربنا إلى حبه ..
19- إلى آخر العمر .
20- معاك ..

نكمل بعدين .. :)

بنت الصالحين يقول...

جمييييييلة كالعااادة ياجميييلة

Om Zaina يقول...

كل مقولة اروع من اللي قبلها .. بس حبيت اعلق على كم وحدة

10
اوفرلك تجيبي بوتاجاز فيه تايمر .. عشان تضمني ان كل الاكل مش حيشيط :)

14 و17
كل ام في الدنيا كوم .. وام لطفلة ذات احتياجات خاصة ده كوم تاني
هو ابتلاء .. هو تكفير .. الله اعلم .. والله المستعان

15
وكاني انا من كتب هذه الجمل

20
الاعمال بالنيات .. يعني مش شرط اكون بنقلها بدافع اني انسبها لنفسي !
ساعات كتير بتعجبني مقالات سواء قريتها في مدونات او وصلتني في ايميلات .. الخ
بحب انشرها للمنفعة .. ودايما بكتب منقول من .. وبذكر اسم المصدر

27
آآآآآآآآآآآآآآآآآآآآآآه

وكل عام وانتي وقرّائك بخير وصحة وسعادة وامن وامان واستقرار
آمين




هبة فاروق يقول...

اجمل شىء ان كتاباتك بتترك آثر جميل فى النفس وكأنك تقرأين ما بداخلنا فتترجميه ببراعه ودقه
شكرا لك استمتعت جدا هنا

وحي القلم يقول...

السلام عليكم
جميلة أوي المقتطفات الرائعة دي
المهم أجيب الكتاب منين ؟!! :)

aya mohamed يقول...

فى اكتر من جملة كنت عايزة اعلق عليهم
بس انتى هتعرفى لوحدك هما ايه
بحب كتاباتك جداااا انا

موناليزا يقول...

ذات النطاقين
ــــــــــــــــــ
أهلا بيكِ يا حبيبتى
أشكرك جداً لرأيك ولتعليقك
نورتينى وأسعدنى وجودك

---------------------------

ظلالى البيضاء
ـــــــــــــــــ
أهلا بيك أستاذ محمد
أولا: وأنت بخير وصحة وسعادة :)
ثانياً : اتفق معك واعتذر كثيراً للإطالة وهحاول آخد بالى فى كتاباتى القادمة بإذن الله :)

1- أوقات من شدة الألم يعصى القلم
2- حمدالله على السلامة :)
3- مابحبش أنا الحركات دى بقى :)
4- أهلاً بيك فى الفريق :)
5- يارب
6- إذن لا تترك القلم مرة أخرى
11- ^_^
13- عندك حق وأشكرك كثيراً للتذكرة
17- آمين
18- آمين
19- اللى يجبرنا أنا عايزة أفهم :(
20- :)
ونحن فى الانتظار

نورتنى ويسعدنا دوام التواصل


------------------------

بنت الصالحين
ـــــــــــــــ
أهلا بيك حبيبتى
تسلميلى يا جميلة :)
فى انتظارك دائما

---------------------------

أم زينة
ـــــــــــ
أهلا بيكِ حبيبتى
علقى زى ما يعجبك فأنا انتظر تعليقاتك :)

10- فكرة برضه :)

14و17
اتفق مغكِ وبشدة وربنا يعينك يارب

15- أسعدنى أن أكتب عما تشعرين به :)

20- ماهو ده قصدى نكتب منقول مش نسكت والناس تدخل تمدح فى اللى احنا ناشرينه على اعتبار انه يقلمنا

27- :)

نورتينى
وفى انتظارك دائماً

-------------------------

هبة فاروق
ــــــــــــــ
أهلا بيكِ يا هبة
وأجمل ما فى تعليقاتك تدعيمى المستمر
ملحوظة :اسمك بداخل كتابى يزينه :)

نورتينى وفى انتظارك دائماً

----------------------

مصعب صلاح
ـــــــــــــ
وعليكم السلام ورحمة الله وبركاته
أهلا بيك أستاذ مصعب
أشكرك جداً لرأيك

ستصلنى خريطة التوزيع هذا الشهر بإذن الله ووقتها سأخبرك بالتفصيل.. معلوماتى الآن ان الكتاب يتوافر فى محافظة الدقهلية

يسعدنا دوام التواصل

------------------------

آية محمد
ــــــــــــ
أهلا بيكِ يا آية
وانا كنت عايزاكى تعلقى علشان ارد عليكى ونعمل حوار لايف مع بعض :)

نورتينى حبيبتى وبحبك أكتر ^_^

فى انتظارك دائما