الجمعة، 12 أكتوبر 2012

عندك إنسان


* عنده حل لكل مشكلة تواجهك حتى لو كانت بسيطة مثل"خياطة زر مقطوع أو فعل أى شئ بدلاً منك أو....أو....
* عنده وقت علشانك حتى لو فى عز انشغاله.
* كل ما بتحتاجه بتلاقيه.
* بيشاركك كل أوقاتك مهما كنت مخنوق, زهقان, عايز تخرج,...,...
* هو الإيد اللى بتطبطب عليك أو الحضن اللى بترمى نفسك جواه وتعيط أو الأذن اللى بتسمعك مهما قلت من تفاهات أو حتى كلام مقرر من غير ما يلومك أو يعاتبك.
* حد بيطمنك وبيقولك دايماً إن القادم أجمل.
* حد بيصارحك بعيوبك.
* حد تتسند عليه وأنت مطمئن.

لا يشترط أن يكون من نفس سنك أو حتى يكون شريك حياتك ممكن جداً يكون أبوك أو أمك أو أخوك أو أختك, أو زميلك فى الشغل, أو رئيسك فى العمل أو حتى دادة مربياك أو البقال اللى على أول شارعكم.

مجرد إنسان وجوده فى حياتك كافياً لأن تشعر بالراحة وبأن الدنيا حلوة ولسه فيها خير.

لو كان عندك هذا الإنسان فاحمد ربنا كثيراً واظهر لهذا الإنسان مكانته عندك وحبك وامتنانك لوجوده فى حياتك..
وإذا لم يكن عندك ادعو الله أن يرزقك بهذا الإنسان فالحياة فى وجوده أكيد ستختلف.



هناك 10 تعليقات:

مسلم مصرى يقول...

كلام جميل
أسأل الله أن يرزقنى به

محمود احمد يقول...

الحمد لله ... حتي لو مش موجود لازم تقول برضه الحمد لله :) :)

ظلالي البيضاء يقول...

يوماً ما كنت ذلك الإنسان ...
لكن .... :(
تحيتي لك أستاذة منى ..

رؤى عليوة يقول...

كلنا بندور عليه يا منى
ومش شرط ابدا يكون كل ده فى انسان واحد
ممكن يكونوا فى اكتر من واحد

ربنا يرزقنا بيهم

دمت بخير

موناليزا يقول...

مسلم مصرى
ــــــــــــ
أهلا بيك يا فندم
ربنا يرزقنا جميعاً به
أشكرك لتعليقك ويسعدنا دوام التواصل


---------------

محمود أحمد
ــــــــــ
أهلا بيك يا فندم
أنا بقول كده برضه :)
بس ربنا يبعت :)

أشكرك لتعليقك ويسعدنا دوام التواصل


--------------------

ظلالى البيضاء
ــــــــــــــ
أهلا بيك أستاذ محمد
أود أن أسألك أسئلة كثيرة بخصوص هذا الشأن ولكن سأكتفى بما قلته احتراماً لرغبتك فى عدم البوح

أشكرك لتعليقك ويسعدنا دوام التواصل


----------------

رؤى عليوة
ــــــــــــ
أهلا بيكِ يا رؤى
فعلاً
المهم نلاقيهم حتى لو أكتر من إنسان

نورتينى وفى انتظارك دائماً

ظلالي البيضاء يقول...

سلي ما شئت أختي منى وسأكون بالخيار إن شئتُ أجبتُكِ وإن شئتُ اكتفيت بالابتسامة .. مع التحية الطيبة

Om Zaina يقول...

صحيح ماما وبابا راحو لدار الحق
لكن بفضل الله
عندي اخويا واخواتي البنات
وعندي زوجي الغالي
وبعض الاخوات في الله
كل دول فضل من الله ومنه
الحمد لله

موناليزا يقول...

ظلالى البيضاء
ـــــــــــــــــ
أهلا بيك أستاذ محمد
سؤالى عن ماذا حدث لتكون كلماتك فى الفترة الأخيرة تدل على حزن دفين مع حب صادق .. ترى هل ظلمت من أحببت يوماً؟
ترى هل ظن بك من أحببت ظن السوء؟
أراك تعطى مشاعرك لأهل بيتك وأصدقائك باستفاضة فماذا حدث؟


-------------------------

أم زينة
ـــــــــــــ
أهلا بيكِ حبيبتى
ربنا يبارك لك فيهم ويديمها عليكِ نعمة

أشكرك لمشاركتك وفى انتظارك دائما

ظلالي البيضاء يقول...

امممممم ..
أحساسك بكلماتي عالي المستوى ..
هل ظلمتُ من أحببتُ يوماً ؟؟ أعتقد لا .. لكن أخشى أن تكون نعم بغير قصد ..
هل ظن بي من أحببتُ سوءاً ؟؟ قطعاً لا ..
أما منح المشاعر لأهل البيت والأصدقاء باستفاضة فهو دأب أعكف عليه .. لأنني لا أتقن إخفاءها فالخير أن أصرفها في وجه طيب ..
أما عن ماذا حدث .. ههه
فسأكتفي بابتسمامة طيبة .. :)
جزاكم الله خيراً أستاذة منى على سؤالك واطمئنانك .. وأرجو أنني ومن أحببت وأهل بيتي وأصدقائي بألف خير ..
مع التحبة الطيبة ..

موناليزا يقول...

ظلالى البيضاء
ـــــــــــــــــ
أهلا بيك أستاذ محمد
أشكرك لإجابتك على أسئلتى التمهيدى لسؤالى الأساسى :)
والحمدلله إنكم بخير والعلاقة مازالت طيبة.. ويارب دايما

ولأنى كنت أعلم إجابتك مسبقا قلت أنى أحترم رغبتك فى عدم البوح :)

نورتنى
ويسعدنا دوام التواصل