الأربعاء، 28 نوفمبر، 2012

من كتاباتى (10)



1
-طبيعى الحاجة اللى بـ اتنين ونص يبقوا زباينها كتير لكن الماركات مش كل الناس تقدر 


على ثمنها.


---------------


2


و يظل السؤال ..حينما تراودك الفكرة أثناء نومك عن نفسها وتظل فى صراع بين أن

 تستجيب لها.. أم تستسلم للنوم مع المحاولة أن تجعلها تظل فى مخيلتك حتى تستيقظ 

من نومك.

---------------------



ضيقت الخناق على قلمى وحصرته فى مجال معين لفترة ليست بالقصيرة



وحينما تركت له اللجام قليلاً فاجئنى بقدرته على العدو مبتعداً لمسافات لم أكن أتخيلها


عذراً قلمى لكبت طاقتك ولكنى الآن سأطلقها لترمح كيفما تشاء مع ثقتى المطلقة بأنك لن 

تتعدى الحدود الأدبية لمن سيتعامل معك فقد روضتك جيداً.


-------------------
4

جرب تنزل الشارع وأنت مغمض عينيك.




جرب تحس بخوف رجليك وهى مش عارفة الخطوة الجاية هتكون مظبوطة ولا هتنزل فى 

بلاعة مفتوحة.


وقتها هتعرف حرقة قلب أم عينين ابنها ضاع.


ووقتها هتعرف قد إيه أنت فى نعمة كبيرة أوى.. قل الحمدلله.

------------------
5

أتعجب من قدرة المجرمين فى أن يذيلوا حديثهم بالخوف من الله!!!!.


-------------------

6
خصص جزءاً من وقتك للقراءة عموماً وللقرآن خصوصاً.


------------------
7

التنفس من الأنف نعمة غالية.. فقل الحمدلله.


--------------
8
برضه أنا الأصل


وستظل البدايات من عندى مهما قالها غيرى.

------------------
9

التفاهة ليها ناسها برضه.

----------------
10

أتذوق آلام الآخرين بحرفية طاهى ويقدمها قلمى بحرفية سفرجى.


--------------
11

ما هى لو قادرة تطير كانت هتمشى ليه !.

----------------
12

هو أنت لما تضربنى بالنار وأنا أردهالك بالطوب أبقى كده أنا الجانية!!!

----------------
13

إزاى قادر تنام وأنت عارف إن فيه حد زعلان منك!.

-------------
14

كثيرون ينتظرون العام الجديد ليكتبوا أمانيهم وينتظرون تحقيقها على مدار العام.


أما أنا فأنتظر "شهر رمضان" لأدعو ربى بما أريده هذا العام.

-------------
15

يصعب عليا لو عدى يوم من غير ما اعمل فيه حاجة.

-------------

16
سحقاً لمن يقتحمون خصوصيتى.

------------
17

أوحش حاجة فى الشتاء إنك أوقات كتير بتنسى تشرب।


----------------

18
وأنت لما تاخد نور عينيا تفتكر إيه اللى ممكن يعوضنى!!!!

-------------

19
توقف عن التحدث عن الماضى وتحدث كثيراً عن المستقبل.


-----------

20
الكتابة: نعمة من ربنا.. الحمدلله.

------------

21
أنا مُت من بدرى فلا تتعجبوا صمتى
.
فقط دعونى وشأنى ولا تعبثوا بكفنى.

-------------

22
أحترم من يجبرنى قلمه على الاقتباس منه لأشكره على ما أنجب من كلمات.


وأحترم من يجعلنى قلمه أعلق عما كتبه بسيل من الكلمات.


وأحترم من يحترم عقلى ولغتى العربية ويبدع فى اختيار الكلمات.

-------------
23

أسوأ شعور لما تكونى عايزة تخبطى حد بالطوبة فى دماغه وتنظرى حولك

لتجدى على غير العادة الشارع خالى تماما من أى طوب أو أى شئ آخر يؤدى الغرض.



------------
24

قمة الشجاعة إنك تغسلى الأطباق دلؤتى بميه ساقعة.

--------------
25

حينما تصبح الطيبة غباء.. يبقى تستاهلى اللى يجرى لك.

------------------
26

قمة الإيمان أن تزهد فى الدنيا وهى مُقبلة عليك.

--------------
27

كف الشر عن الغير ده فى حد ذاته خير.
-----------
२८

كنت بفكر جدياً أوجهها لعدم استخدام الألفاظ البذيئة
التى دائما ماتستخدمها فى كتابتها
ولكننى اكتشفت أن تربيتها هى من تتحكم فى سلوكها

وهنا حسمت الموقف وقررت ألا أتدخل فى أسلوب تربيتها

إذا كانت هى لاتجد فيها غضاضة
فأكيد ستنعتنى بأى لفظ خارج من ألفاظها المعهودة وأنا فى غنى عن هذ।




-------------
29

ما أصعب أن تتواصل بالكتابة أكثر وتجد من تتعامل معهم يتواصلون بالكلام أكثر.. وهنا تحدث 

أزمة الاتصال بينكم فهم لايريدون القراءة وأنت لا تريد التحدث.

-----------

30
ما أصعب أن تبكى بلا دموع والأصعب ألا تجد سببًا لذلك.

------------
31

ما أصعب أن تجيد فن الكتابة ولا تجد من يجيد فن القراءة.

-------------
32

أخشى الموت لأنى لا أعلم ماذا ينتظرنى بعده ولكنى أرجو أن تكون النهاية رؤية ربى.

-------------
33

لا أجد غضاضة فى التحدث عن الموت باستفاضة.

-------------
34
سحقاً لمن يغتالون هدوئنا النفسى.

--------------
35

مش عايزة اللى يفضل منى بعد موتى مجرد صورة متعلقة على الحيطة أو موجودة فى 

ألبوم.

هناك 6 تعليقات:

مسلم مصرى يقول...

-طبيعى الحاجة اللى بـ اتنين ونص يبقوا زباينها كتير لكن الماركات مش كل الناس تقدر على ثمنها.

أتعجب من قدرة المجرمين فى أن يذيلوا حديثهم بالخوف من الله!!!!.

هو أنت لما تضربنى بالنار وأنا أردهالك بالطوب أبقى كده أنا الجانية!!!

حينما تصبح الطيبة غباء.. يبقى تستاهلى اللى يجرى لك.
مش عايزة اللى يفضل منى بعد موتى مجرد صورة متعلقة على الحيطة أو موجودة فى ألبوم.

كلام جميل واخترت اللى يعبر عنى :)
تسلم ايدك وافكارك
تحياتى المعطرة

ســـــــهــــــــــر يقول...

1- مش كل الناس فعلا تقدر على تمنها فدا خلاهم يرضو بقلة الجودة .. يا ترى كدا يبقى العيب على مين؟؟
--------------------
2- و اسأل مجرب و لا تسأل طبيب ... عادة بتصحي و تنسي الفكرة من اساسها و تبقى هتتجنني و نفسك تنتحري عشان ما قمتيش كتبتيها
----------------------
3- مش اللجام يمكن على اد ما هو في الحقيقة اننا بنحتاج فترة نتأقلم و نتشبع بقراءات جديدة بتضيف لمخزونا فينطلق القلم بعدها ... هنيئاً لك و لقلمك
----------------------
4- الحمد لله دائما وابدا
----------------------
5-

أتعجب من قدرة المجرمين فى أن يذيلوا حديثهم بالخوف من الله!!!!.

اشاركك العجب فكثير هم

-------------------
-------------------------
6
خصص جزءاً من وقتك للقراءة عموماً وللقرآن خصوصاً.

نصيحة غالية

------------------
7

التنفس من الأنف نعمة غالية.. فقل الحمدلله.

شكله دور برد محترم ... الحمد لله جدا و طبعا اللي عنده خبره ف الحساسية و الالتهاب الرئوي زيي يقول الحمد لله جدا لان ممكن يختبر شعور عدم البقدره على التنفس لا من الانف و لا الفم
--------------

10

أتذوق آلام الآخرين بحرفية طاهى ويقدمها قلمى بحرفية سفرجى.

عشان كده سفرتك دايما عامره
--------------
11

ما هى لو قادرة تطير كانت هتمشى ليه !.

قوليلهم
---------------- 12

هو أنت لما تضربنى بالنار وأنا أردهالك بالطوب أبقى كده أنا الجانية!!!

تصدقي البجاحه
----------------
13

إزاى قادر تنام وأنت عارف إن فيه حد زعلان منك!.

بصي يا اما فتونه و مش هاممهم حاجه يا اما استهانه بالشخص الزعلان .. يا اما مش عارف يصالحه فنعذره برضو
-------------
14

كثيرون ينتظرون العام الجديد ليكتبوا أمانيهم وينتظرون تحقيقها على مدار العام.

أما أنا فأنتظر "شهر رمضان" لأدعو ربى بما أريده هذا العام.

ربنا ينولنا كل امالنا
-------------
15

يصعب عليا لو عدى يوم من غير ما اعمل فيه حاجة.
دي الناس اللي بتخاف على وقتها و بتحس بقيمته
-------------

16
سحقاً لمن يقتحمون خصوصيتى.
الف مره
------------ 17

أوحش حاجة فى الشتاء إنك أوقات كتير بتنسى تشرب।
فعلاااااااااااااااااا
----------------

18
وأنت لما تاخد نور عينيا تفتكر إيه اللى ممكن يعوضنى!!!!
العوض على الله
-------------

19
توقف عن التحدث عن الماضى وتحدث كثيراً عن المستقبل.

واعمل ف الحاضر
-----------

ســـــــهــــــــــر يقول...


20
الكتابة: نعمة من ربنا.. الحمدلله.

البوح منفذ للروح .. من الاقوال المأثورة للمغفور لها سهر
------------

21
أنا مُت من بدرى فلا تتعجبوا صمتى .
فقط دعونى وشأنى ولا تعبثوا بكفنى.
ياااااااااااااااا وجع
-------------

22
أحترم من يجبرنى قلمه على الاقتباس منه لأشكره على ما أنجب من كلمات.

وأحترم من يجعلنى قلمه أعلق عما كتبه بسيل من الكلمات.


وأحترم من يحترم عقلى ولغتى العربية ويبدع فى اختيار الكلمات.

ونحن نحترم عقلك و قلمك و قلبك
------------- 23

أسوأ شعور لما تكونى عايزة تخبطى حد بالطوبة فى دماغه وتنظرى حولك
لتجدى على غير العادة الشارع خالى تماما من أى طوب أو أى شئ آخر يؤدى الغرض.

قولي حسبي الله و نعم الوكيل اكبر من اي طوب
------------ 24

قمة الشجاعة إنك تغسلى الأطباق دلؤتى بميه ساقعة.

لا دي فتونه غير محمودة العواقب بالنسبة لايديكي و للطباق كمان
--------------
25

حينما تصبح الطيبة غباء.. يبقى تستاهلى اللى يجرى لك.
يوووووووووووه استاهل اوي
------------------
26

قمة الإيمان أن تزهد فى الدنيا وهى مُقبلة عليك.
ربنا يقبلنا و يتقبل منا
--------------
27

كف الشر عن الغير ده فى حد ذاته خير.
مين فاهم
-----------
२८
كنت بفكر جدياً أوجهها لعدم استخدام الألفاظ البذيئة التى دائما ماتستخدمها فى كتابتها ولكننى اكتشفت أن تربيتها هى من تتحكم فى سلوكها
وهنا حسمت الموقف وقررت ألا أتدخل فى أسلوب تربيتها
إذا كانت هى لاتجد فيها غضاضة فأكيد ستنعتنى بأى لفظ خارج من ألفاظها المعهودة وأنا فى غنى عن هذ।


عين العقل
-------------
29

ما أصعب أن تتواصل بالكتابة أكثر وتجد من تتعامل معهم يتواصلون بالكلام أكثر.. وهنا تحدث

أزمة الاتصال بينكم فهم لايريدون القراءة وأنت لا تريد التحدث.
فعلا ازمه بس خلينا نحس ببعض ونوصل لحل وسط
-----------

30
ما أصعب أن تبكى بلا دموع والأصعب ألا تجد سببًا لذلك.
لا فيه اسباب بس من كثرها ومن كتر ما بترمي ورا ضهرك كإنك نسيتي
------------
31

ما أصعب أن تجيد فن الكتابة ولا تجد من يجيد فن القراءة.

الصبر لسه برضو فيه اللذين يجيدون
-------------
32

أخشى الموت لأنى لا أعلم ماذا ينتظرنى بعده ولكنى أرجو أن تكون النهاية رؤية ربى.
اللهم اسالك خير الخاتمه
-------------
33

لا أجد غضاضة فى التحدث عن الموت باستفاضة.
الحقيقه الوحيده التي ينساها الناس
-------------
34
سحقاً لمن يغتالون هدوئنا النفسى.
ااااااااااااااااااااه
--------------
35

مش عايزة اللى يفضل منى بعد موتى مجرد صورة متعلقة على الحيطة أو موجودة فى البوم

ذكرى حلوه و كلمه باقيه ان شاء الله


سعيده بعودتي و خصوصا لروعة وبساطة وعمق حروفك

Om Zaina يقول...

من روعتهم .. نفسي اعلق عليهم كلهم:)
اكترهم روعة .. 14
دمتي سالمة

Bent Men ElZman Da !! يقول...

مش عارفه ارد على ايه بالظبط
بس اسوء حاجه ان تبقى طريقتك للتعبير عن اللى جواكى هى الكتابة
وماحدش يقدر يستوعب ده
دمتِ مبدعه منى :)

موناليزا يقول...

مسلم مصرى
ــــــــــــــ
أهلا بيك يا باشمهندس

أسعدنى اختيارك لكلمات بعينها
وأشكرك جداً لرأيك ولتعليقك
يسعدنا دوام التواصل


------------------------

سهر
ـــــــ
يا أهلا يا أهلا بعد طول غياب
وحشتييييييينى جدا

1- مش على حد :)
الجملة رمزية بس برضه معروف الأصل من التقليد وفى ناس بسترخص مش أكتر

2- ده حقيقى :) ولو افتكرتيها بيبقى طشاش ومش بنفس الروح ولا الكلمات اللى جت فى دماغك وقتها

3- وجهة نظر تحترم

6- ميرسى :)

10- من ذوقك :)

11- قلت أهو :)

13- فى الغالب بيبقى استعباط :)

14- ياااارب

22- وقلمى يحيا بدعمكم المستمر

29- المهم الرغبة فى ايجاد الحل الوسط تكون من الطرفين مش من طرف واحد.

30- تصدقى صح.. بيكون مخزون ومابيصدق أى فرصة علشان يطلع

أسعدتينى جداً بوجودك وبتعليقك المميز
وأشكرك لمشاركتك ولرأيك

نورتينى حبيبتى وفى انتظارك دائماً

--------------------------

أم زينة
ـــــــــــ
أهلا بيكِ أم زينة

أسعدنى اختيارك :)
وأشكرك لمشاركتك ولرأيك
فى انتظارك دائما

---------------------

بنت من الزمن ده
ـــــــــــــــــــ
أهلا بيكِ يا دينا
فعلاً
تسلميلى يا قلبى
وأسعدنى مرورك
وفى انتظارك دائماً