أنتي لابسة نقاب ليه؟
- لو علشان ربنا ففيه حاجات ياريت تاخدي بالك منها
منها مثلا: حواجبك ماتكونش باينة وخصوصا لو باين أنك رسماهم
- عيونك ماتكونش مرسومة بالكحل وألوان الطيف
(كده ملفتين أكتر )
- ماينفعش تغطي وجهك وتسيبي كفك وقدمك (مش مقبول للنظر حتى)
- ماتستغليش أن وجهك مش باين وتنزلي صور بأوضاع ميوعة على الفيس مثلا
أنتي كده مش بتسيئي لنفسك بس أنتي بتسيئي لدينك
والقاعدة معروفة "أنت حر مالم تضر"
أنتي اختارتي تقتدي بأمهات المؤمنين
يبقى قبل ما تعملي أي تصرف توزنيه الأول.
عايزة تكوني كول واستايل ومواكبة العصر
أوكي
محدش جبرك تلبسيه
-أنتي محجبة ولا لأ؟
مفيش حاجة اسمها وسط
لو بتعتبري نفسك محجبة يبقى ماينفعش تاخدي أوضاع راقصة
وأنتي بتتصوري مثلا
- وحشة أوي حركة البوز في الصور.
(كأنك واخدة وضع البوس)
عن الغمزات ورفع الإيد و .. و.. و..
كل الصور دي حلوة آه.. بس في بيتك
محدش غيرك يشوفها
ماتتغريش باللي بيدخل يعبر عن جمال الصورة ويتغزل فيكي
لو حد فيهم أنتي تفرقي معاه بجد وبيخاف عليكي هينصحك تحذفيهم
عن موقع الآسك
- هيجيلك أسئلة مستفزة.. غزل صريح.. تحرشات لفظية
إيه اللي جبرك تشتركي فيه؟
بصي.. مش هتقدري تتحكمي في الناس
وتفرضي عليهم يسألوكي في إيه ويبعدوا عن إيه
طالما فتحتي المجال ماتلوميش غير نفسك.
ليست هناك تعليقات:
إرسال تعليق