الثلاثاء، 26 فبراير، 2008

مفاجأة


لو الظروف حكمت بأنك تعرف ميعاد حفلة زفاف أعز أصدقائك يومها الصبح وعايزك معاه فى كل حاجة هتعمل إيه؟.


طبعا هتحاول جاهدا تسيب اللى وراك.


طيب لو معرفتش وكان عندك شغل كتير أو كان وقتك مش ملكك لأى سبب من الأسباب وفى نفس الوقت مش هتقدر تتأخر على صديقك وأبسط حاجة إنك على الأقل تجهز ملابسك التى تناسب هذة الحفلة وغيرها من الأشياء البسيطة تفتكر هتلحق؟.


أكيد لسان حالك ساعتها هيقول"لو كان قاللى قبلها بشوية كنت عملت حسابى".


طيب لو عرفت إن حفلة زفافك هتكون خلال سنة أكيد هتحاول جاهدا بأن تصنع حفلة ليس لها مثيل من وجهة نظرك من أول حجز القاعة والفرقة والملابس والمأكولات وحاجات تانية كتير.


وكل ماهترتب للحفلة بنظام اكثر هتكون الحفلة زى ما أنت عاوز.


لو كنت رتبت لحفلة قبل كده أكيد هتعرف قيمة النظام والإهتمام بالحاجات الصغيرة قبل الكبيرة حتى تكون راض عنها.


طيب ياترى جهزت نقسك للقاء الله!.


ومحتاج قد إيه عشان تجهز نفسك مع العلم إنك مش عارف هتقابله إمتى مش أحسن برضه تستعد من دلؤتى.


اللهم اجعل أجمل أيامى يوم لقائك.

اللهم أمتنى وأنت راض عنى.

اللهم اجعل آخر كلامى لاإله إلا الله وصلى اللهم على محمد وعلى آله وصحبه وسلم

هناك 5 تعليقات:

شريف طلال يقول...

اللهم اجعل أجمل أيامى يوم لقائك.اللهم أمتنى وأنت راض عنى.اللهم اجعل آخر كلامى لاإله إلا الله وصلى اللهم على محمد وعلى آله وصحبه وسلم
شكراً على كلامك الجميل و المؤثر ده
تحياتى

monaliza يقول...

نورت مدونتى وشكرا على التعليق وياريت متكونش آخر مرة

modymodak يقول...

فعلا يا موناليزا مين فينا جهز نفسه لمثل هذه المفاجاه ومش اي مفاجاه

فان اليوم عمل بدون حساب وغدا حساب بدون عمل


ارزقنا حسن الخاتمه يارب وامتنا وانت راض عنا

monaliza يقول...

دمت طيبا ولمدونتى زائرا
أسعدنى تعليقك وأرجو التواصل دائما

أم سالم يقول...

اللهم اجعل خير اعمالي خواتمه، وخير ايامي
يوم لقاءك
اللهم اذا ختمت اجلي فاختمه في احب مكان اليك ، في احب زمان اليك علي احب
عمل اليك .