الأربعاء، 13 فبراير، 2008

تقبل التحدى؟



حبيبك يبلعلك الزلط وعدوك يتمنالك الغلط .



لو عرفت إن عدوك قاعد ليك بالمرصاد
ومش كده وبس لأ ده بيزينلك الوقوع فى الغلط
ياترى هتحذر منه ولاهتسيبه يضحك عليك؟؟.

أهو ده حال الشيطان معاك .





فكر كويس وجاوب براحتك.






هناك تعليقان (2):

المعتصم يقول...

بسم الله الرحمن الرحيم
السلام عليكم ورحمة الله وبركاته
اختى الكريمة موناليزا
تحياتى
البوست دا دمه خفيف قوى
حبيبك يبلعلك الزلط بجد الكلام ده صحيح مليون فى الميه تصدقى كنت ببلع كتير لغاية ماجانى حصو على الكليه من كتر البلع هههههههههههههههههههههههه
بس هنا الناس عارفه ان الشيطان عدو يعنى بيتمنى الغلط انما هو بيزين لنا الغلط على انه حبيب وبيدى النصيحه وللاسف مع قلة الوازع الدينى وانهيار الاخلاق بننسى انه مش حبيب وانه عدو وننساق وراه
اه صحيح
ياريت تشوفى اختنا غربتى شالت البوست اللى كانت منزلاه ليه ومين اللى قلب دماغها وخلاها حذفته وبعدين تقوليلها انتى مكنتيش تقصدى حد والكلام كان فى مطلق العموم بس هو اللى على راسه بطحه
بس خلاص واشكرك على كده
تحياتى ودمتى بكل خير وود
والسلام عليكم ورحمة الله وبركاته

موناليزا يقول...

المعتصم
ـــــــــ
وعليكم السلام ورحمة الله وبركاته
اهلا اهلا اخى الكريم
الله يكرمك ده بس من ذوقك:)

ياخبر! بعيد الشر عنك يافندم
بس كده سيادتك بلعت خرصانة بحالها مش مجرد زلطتين كده وخلاص هههههههه

صح جدا ده اللى بيحصل واحنا ولا احنا هنا
رغم انه تحدى ربنا وقاله وعزتك وجلالك لاغوينهم اجمعين إلا عبادك منهم المخلصين
ومع ذلك نقرأ القرآن ولا يتغير شئ!
اللهم انك سلطت علينا عدوا عليما بعيوبنا نراه هو وقبيله من حيث لا نراه
اللهم ايسه منا كما ايسته من رحمتك وباعد بيننا وبينه كما باعدت بينه وبين رحمتك اللهم امين

حاضر يافندم عُلم وينفذ(اى خدمة)
اشكرك جدا لمشاركتك
دمت طيبا ولمدونتى زائرا