الأربعاء، 29 يوليو 2009

دروس الحياة لى فى شهر واحد

طرأ إلى ذهنى فى بداية هذا الشهر أن أكتب فى كل ليلة ما أستفدته من كل يوم يمُر علىِّ - سواء بمواقف حدثت معى أو حدثت لغيرى - وعلى مدار شهر أقرأ حصيلة ما كتبت. وكانت هذه النتيجة مما علمتنى الحياة إياه فى أيام قليلة.
- لو صبر القاتل على المقتول كان مات لوحده.
- مُكالمة تليفونية لصديقك القديم أو لقريب لك بعد طول غياب , مُحملة بالكلمات الطيبة وتكون فقط لوجه الله قد تفعل الكثير بداخل المستقبل فلا تبخل على أحد.
-البسمة تفتح جميع الأبواب المغلقة. حقاً ما أجمل ديننا الذى جعل الإبتسامة صدقة نؤجرعليها.
- الحُب فعل وليس مجرد كلمة فقط.
- بقدر رغبتك فى شئ ما ستحصل عليه.
- إذا أردت شيئاً ولم يكن معك ثمنه إتنازل عنه بكل بساطة.
- استغنى بما تملك عن ما يملكه غيرك.
- إن بعض الظن إثم.
- ارمى أساس جيد فى تعاملك مع جميع من تعرف حتى تجدهم دائماً حينما تحتاج إليهم مهما بَعُدَ بينكم الزمان والمكان.
- سقوط الجواهر على الأرض لا يفقدها قيمتها.
- التنازل يبدأ بخطوة.
- إمتلاكك للحصان لا يجعلك فارساً.
- إذا رتبت أشيائك دائماً ستختصر وقت كثير فى البحث عنها.
- اللى له ضهر ماينضربش على بطنه.
- أحياناً كثيرة يكون الصمت أفضل إجابة.
- الوحدة خير من جليس السوء.
- الدنيا لا تسير على وتيرة واحدة فقد يحدث شئ فى لحظة يغير كل شئ.
-رحمة ربنا وحدها هى من تحمينا وتنجينا سواء فى اليقظة أو فى المنام.حقاً الحمدلله أنك أنت ربى.
- بعد ما جمعت أشياء كنت تريدها ليكن عندك وقت للإستمتاع بها.
- إذا أردت أن يعرف كل من حولك شئ خاص جداً بك عرفه لشخص واحد فقط.
- إذا كنت عاقل كفاية فهذا يمنعك من أن تلقى أخطائك باللوم على الآخرين.
-ساوى بين أبنائك فى العطية. حتى لا يحقد أحدهما على الآخر.
- حدود حريتك تتوقف على عدم تجاوز حدود حريات الآخرين.
- تحكم فى انفعالاتك ولا تجعلها هى من تتحكم فيك. فغضبك مثلاً ليس مبرراً لإيذاء الآخرين.
- اترك المكان كما تحب أن تجده.
- الطفل صفحة بيضاء فاكتب فوقها ما شئت فلن تقرأ إلا ما كتبت.
- أحترم صمت الآخرين.
- أختار الوقت المناسب للتوجيه والنقد. حتى يتقبل كلامك بصدر رحب.
- لا تبخل على أحد بالنصيحة.
- من رأى منكم منكراً فليغيره بلسانه.
- لو كنت فظاً غليظ القلب لانفضوا من حولك.
-لا تعتمد على غيرك إلا إذا فشلت محاولاتك فى الإعتماد على نفسك.
- إقم الصلاة متى سمعت النداء. حتى لا تنسى .
- الدنيا أخذ وعطاء.
- إن كان حبيبك عسل ما تأكلوش كله.
- لا تسمح للآخرين بإهانتك حتى لا تشترك معهم فى إهانة نفسك.
- ما تحكمش على أى حد إلا بعد معاشرته.
- لاتؤجل عمل اليوم إلى الغد. فإن تأجيل الشئ السهل يجعله صعباً وتأجيل الشئ الصعب يجعله مستحيلاً.
- عرف أهلك دائماً خط سيرك ومهما كان عُمرك.
- لا يوجد شئ اسمه مستحيل.
- الإرادة كنز بداخل كل مِنا والقليل فقط يدركون ذلك.
- نصيبك هيصيبك. والرزق بينادى صاحبه.
- أنا أريد وأنت تريد والله يفعل ما يريد.
- لا تقاطع أحد يتحدث ولا تتدخل فى حوار مع اتنين لمجرد إنك تستمع إلى الحوار بينهما نتيجة تواجدك معهما فى نفس المكان بالصدفة.
- لا تقول كلمة لن تستطيع تنفيذها.
- لا تنه عن خلق وتأتى بمثله.
- عتاب الأحبة يزيد المحبة.
- لا تساعد ظالم ولا حتى تعاشره أو تتعامل معاه حتى لا يصيبك أذى من إثر دعوة المظلوم التى حتماً ستصيبه لأنها حقاً مجابة فالله يمهل ولا يهمل.
- احفظ الله يحفظك.
- ألا بذكر الله تطمئن القلوب.
- إعترافك بخطأك لا يقلل من شأنك واعتذارك لا يهين كرامتك.
- الكبرياء رداء الله فلا تنازعه فيه.
- اعقلها وتوكل.
- حافظ على مواعيدك دائماً.
- أنت من تحدد إنطباعات الآخرين عنك.
- إذا لم تهتم بشئونك الخاصة لا تتوقع أن يهتم بها أحد.
- ممارسة الشئ تجعلك تتقنه جيداً.
- كلمة "لا أعرف" أفضل بكثير من الفتوى دون علم. ومش عيب أنك تسأل على حاجة مش عارفها.
- لا أحد يرى عيوب نفسه. رحم الله رجلاً أهدى إلىَّ عيوبى.
- قد تكون الشِدة أوالمحنة التى يتعرض لها الإنسان أفضل مُعلم.
- نظم حياتك ورتب أولوياتك واحترم رغبات الآخرين ولا تصرف كل ماتملك و لا تناقش السفيه.
- الموت يأتى بغتة ولا تدرى نفس بأى أرض تموت. فلنعمل لهذا اليوم المفاجئ.
- إن الله على كل شئ قدير.
- عامل الوقت مهم جداً سواء فى إختيار الوقت المناسب لفعل شئ ما مثلاً أو للتحدث مع شخص ما أو حتى للدخول فى حياة شخص ما.
- الدعاء سلاح المؤمن.
- من كان آمنا فى بيته ومعافى فى جسده وعنده قوت يومه فقد حيزت له الدنيا.صدقت يا رسول الله
- حِب لأخيك ما تحب لنفسك.
- لا تؤذى نفسك بالتدخين والمخدرات ولا يغرنك صحتك التى لم تتأثر ظاهرياً بالنسبة لك. لأنك تدمر خلاياك العصبية دون أن تشعر والمصيبة أنك هتتأكد من ده بعد فوات الآوان. فالصحة تاج على رؤوس الأصحاء. وستسأل عن هذا التاج يوم الحساب.
- لا تقول شئ كاذب مهما كان بسيطاً من وجهة نظرك وخاصة أمام الأطفال لأن ماتقوله لهم يعتبر شئ من المسلمات فدنيتهم ما زالت بريئة ولا تعرف الكذب.
- لا ترتبط بحبيبة صاحبك أو أخته أوإحدى قريباته دون أن تسمع الموافقة منه لأن هذا يعتبر خيانة.
- لا يجوز أن تغدر بشخص أنت بنفسك أعطيته الأمان.
- مصارحتك لمن أمامك بالحقيقة المؤلمة بالنسبة له أفضل بكثير من أن تعيشه فى الوهم.
- أدفع بالتى هى أحسن فإذ الذى بينك وبينه عداوة كأنه ولى حميم.
- الصُلح خير. فهو يصفى النفوس من الضغائن ويرجع المودة من جديد.
- إذا عرف السبب بطل العجب.
- مهما كانت أسبابك لا تخلع حذائك فى مكان عام أو فى تجمع مع الآخرين.
- إذا كنت مُدخن فهذا لا يعطيك الحق فى أن تلوث هواء يستنشقه غيرك.
أقترح أن يقوم الجميع بكتابة دروسهم المستفادة من الحياة ولو لمدة أسبوع واحد وستتفاجئون مثلى بالنتيجة.
وأرجو أن تكون التعليقات خاصة بالدروس الحياتية الذى استفاد فيها كل منكم على مدار اليومين الماضيين. فنحن لن نعيش حتى نجرب أخطاء الآخرين ولكن بإمكاننا أن نعلمها حتى نتجنبها.






**********
أدعوكم لزيارة هذا الموضوع أنت المسئول.





هناك 48 تعليقًا:

♥نبع الغرام♥♪≈ يقول...

السلام عليكم

جميل قووى حبيبتى ربنا يبارك فيكى يارب ويجعله بميزان حسناتك اللهم امين

تحياتى
ايناس

صيدلانيه طالعه نازله يقول...

ما شاء الله يا مونى كلامك دايما جميل و بيعجبنى
عجبنى ان الطفل صفحه بيضا فاحرص عليها لانك لن تجد الا ما كتبته دى دعوه اننا نحسن تربيه ولادنا و ياريت كلنا نعتبر ولادنا مشروع العمر اكتر من الفلوس و المنظره الكدابه اللى مالهاش لازمهلانهم اساس المجتمع و المستقبل اللى جاى

بنجاواتى يقول...

السلام عليكم

انا عايز اعلق على حاجتين من اللى استفدتيهم وهما:
ان الانسان احيانا يفضل يجمع فى حاجات وفى الاخر ما يلحقش يستمتع بيها ..دى فعلا بتحصلى

الحاجة التانية وهى مخالطة ومصاحبة الظالمين ...(ولا تركنوا الى الذين ظلموا فتمسكم النار)

اما عن اليومين الماضيين بالنسبة لى انا اتعلمت ان ما يوخذ بالشدة يؤخذ باللين وما كان اللين فى شئ الا زانه

تحياتى

موناليزا يقول...

عاشقة الاحزان
ــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يكرمك ياجميلة ماتحرمش منك ابدا
نورتينى انوسة واشكرك جدا لرايك




*********************************





صيدلانية طالعة نازلة
ــــــــــــــــــــــ
اختى الحبيبة:اهلا اهلا بالقمر
ربنا يكرمك ياجميلة فماتوفيقى الا بالله
ويسعدنى جداً ان كلامى بيعجبك
وفعلا معاكِ حق لنعتبر ابنائنا مشروع العمر
نورتينى ياجميلة واشعدنى تواجدك




***********************************








بنجاواتى
ــــــــــــ
وعليكم السلام ورحمة الله وبركاته
اهلا بيك يافندم
معاك حق جداً فيما تعلمته
اشكرك جدا لمشاركتك ولتواجدك

حاجات جوايا يقول...

ما شاء الله
ما شاء الله
كل ده فى شهر واحد بس

بجد كل موضوعاتك احلى من بعضها يا موناليزا

ربنا يكرمك يارب

عجبتنى اوى
إمتلاكك للحصان لا يجعلك فارساً

بجد كلهم اجمل من بعض وكلهم مهمين جدا فى حياتنا نقدر نسميها كبسولات التعايش

ربنا يبارك فيكى حبيبتى ويرزقك بكل الخير

akeed يقول...

السلام عليكم

ماشاء الله كلام يكتب بماء الذهب دون مبالغة جعله الله هذا الموضوع فى ميزان حسناتك

هكذا علمنى سيدنا محمد( صلى الله عليه وسلم) يقول...

السلام عليكم ورحمة الله وبركاته
حياكم الله وبياكم اخوانى وأخواتى وجعل الجنة مثواى ومثواكم وطبتم وطاب سعيكم وممشاكم وتبوأتم من الجنة منزلا وأسأل الله العظيم الكريم الحليم أن يجمعنا فى الدنيا أخوانا متحابين على طاعته وفى الأخرة فى دار جنته وكرامته مع خاتم النبيين والمرسلين صلى الله عليه وسلم ، إنه ولى ذلك ومولاه والقادر عليه .
أسأل الله العظيم أن يحرم وجوهنا وأبائنا وأمهاتنا على النار ن ربنا وارحمهم كما ربيانا صغارا .
ازيك اختى الكريم أسأل الله العظيم أن يوفقك لما يحب ويرضى وأن يبارك لكى فى ذريتك انتى وجميع المسلمين
ممكن أضيف باه دا بعد إذنك طبعا :
- ربى إنى لما أنزلت إلى من خير فقير .
- اختر الرفيق قبل الطريق .
- إياك ودعوة المظلوم فليس بينها وبين الله حجاب .
- وما كان الله ليعذبهم وهم يستغفرون .
- الدين النصيحة .
- كان صلى الله عليه وسلم خلقه القرآن
- إنما بعثت لأكمل مكارم الأخلاق .
- لتجرين جرى الوحوش فى البرية لا يصيبك منها إلا ما كتبه الله لك .
- لا تنسى أبدا أذكار الصباح والمساء فالله خير حافظا وهو أرحم الراحمين .
- ألا بذكر الله تطمئن القلوب .
- إياك والكذب .
سبحانك اللهم وبحمدك أشهد أن لا إله إلا أنت أستغفرك وأتوب إليك .
السلام عليكم ورحمة الله وبركاته

ماء تشرين يقول...

جميل اوى البوست

بصي انا الدرس الاستفاده اليومين دول

احب حبيبك هون ما عسي انا يكون بغيضك يوما ما وابغض بغيضك هون ما عسي ان يكون حبيبك يوما ما

دى انا حسه بيها اوى

تقبلى مرورى

وردة يقول...

ليس كل ما يتناه المرء يدركه
يمكن ده اكتر حاجة اليومين اللي فاتو اثرت فيا
انا طبعا مش عارفة اقولك ايه علي البوست
انتي لمتي فيه حاجات كتيرة جدااا
ماشاء الله
ربنا يوفقك دايما
سلام

جمعية مفاتيح الفرج يقول...

السلام عليكم و رحمة الله و بركاته:
ما شاء الله .كلماتك نافعة يا موناليزا ، و إحنا فعلا محتاجين نتعلم من تجارب الآخرين، و فعلا حيخرج بمجموعة من العبر و الحكم زي اللي انتي ذكرتيهم.بارك الله فيكي و أهلا بك في مدونتنا.
إخوانك القائمين علي مدونة جمعية مفاتيح الفرج.

MOHAMMED ELBANNA يقول...

موناليزا
الله عليكي
موضوع متميز
وفعلاً دروس تستحق ان نتعلمها جميعاً وفكرتك في تجميع الدروس المستفادة هي فكرة متميزة جداً .
تقبلي تحياتي على كتاباتك
محمـد البنا
طريق النجاح

موناليزا يقول...

حاجات جوايا
ــــــــــــــ
اختى الحبيبة:اهلا اهلا بالقمر
تعرفى انا كمان اتفاجئت من كمية الحصيلة النهائية:) وخدى بالك كمان ان لسه يومين على ما الشهر يخلص يعنى مين عارف يمكن يكون فيه كمان إضافات:)

ماتحرمش منك ياحبيبتى كلك ذوق ياقمر فماتوفيقى الا بالله

"كبسولات للتعايش" عنوان كان هيبقى جميل اوى ولايق جداً عليه
ربنا يخليكِ ليا ياجميلة ويفرحك دايماً يارب
نورتينى ياسالى واسعدتينى جداً بتواجدك





*********************************



أكيد
ـــــــ
وعليكم السلام ورحمة الله وبركاته
اهلا بيك يافندم
ربنا يكرمك يارب فماتوفيقى الا بالله
والحمدلله الذى هدانى الى هذا
اشكرك جدا لتواجدك





**********************************



هكذا علمنى سيدنا محمد صلى الله عليه وسلم
ـــــــــــــــــــــــــــــ
وعليكم السلام ورحمة الله وبركاته
اهلا بيك يافندم
ربنا يعزك ويتقبل دعائك اللهم امين
انا الحمدلله بخير اشكرك جداً لسؤالك

ونِعم الإضافة أخى الكريم
أجد أن فيهم تشابه كبير بين ماتعلمته أنا أيضاً حقاً ما أجمل ديننا الذى إذا أتبعنا تعاليمه حتى فى أدق الأشياء لكان خيراً كبيراً لنا
اشكرك جدا لمشاركتك




***********************************



ماءتشرين
ـــــــــ
اختى الحبيبة:اهلا اهلا بالقمر
كنت حساها اوى برضه من كام شهر:)
اشكرك جدا لرايك ولمشاركتك
نورتينى حبيبتى وسعيدة بتواجدك





*********************************




وردة
ــــــ
اختى الحبيبة:اهلا اهلا بالقمر
فعلاً والله معاكِ حق
ربنا يكرمك يارب واشكرك جدا لرايك ولمشاركتك
نورتينى وردتى الجميلة وسعيدة بتواجدك




*********************************



جمعية مفاتيح الفرج
ــــــــــــــــ
وعليكم السلام ورحمة الله وبركاته
اهلا بيك يافندم
ربنا يكرمك فماتوفيقى الا بالله
اشكرك جدا لتواجدك



*********************************



محمد البنا
ــــــــــ
اهلا بيك استاذ محمد
ربنا يكرمك اشكرك جدا لرايك فماتوفيقى الا بالله
دمت طيبا ولمدونتى زائراً

د. ياسر عمر عبد الفتاح يقول...

جزاكِ الله خيراً
الحاجات دي بتبقي مفيده جداً جداً
بس ياريت حضرتك كنتي نزلتيها علي شكل حلقات

أنا بكتب حاجات زي دي ,,
في سلسلة ومضات عندي علي المدونة

سمسم/سما يقول...

السلام عليكم
اولا لازم اقالك اني احبك في الله
معرفش دخلتي قلبي ازاي
ويا رب يديم علينا المحبه ويرزقنا محبته
بوست جميل وفكرة جميلة وانشاء الله لينا عودة علشان نكتب الي استفدناه
تحياتي

موناليزا يقول...

د. ياسر عبد الفتاح
ــــــــــــــــــــ
اهلا بيك يادكتور
احترم اقتراحك جداً بس هو الموضوع جه معايا كده مجرد فكرة وطبقتها فى اول الشهر وكانت هذه هى الحصيلة:)

متابعاها يافندم وعاجبانى جداً
اشكرك جدا لتواجدك




**********************************




سمسم
ــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
:) حبتك العافية وانا كمان بحبك فى الله
وأحبك الذى أحببتنى فيه
ربنا يعزك يارب ويتقبل دعائك ويجمعنا فى ظله فى يوم لا ظل فيه الا ظله اللهم امين
اشكرك جدا لرايك
وانا فى انتظارك دائما
نورتينى سمسمة الجميلة واسعدتينى بتعليقك

أمل حمدي يقول...

ما شاء الله رائعة

ربنا يزيدك يارب وينهم عليك بالهداية والحكمة اللهم امين

rovy يقول...

اختى الغاليه موناليزا

بوست رائع بجد بحيكى جدا عليه
كلمات من نور كتبتيها و انا اكيده انها ان شاء الرحمن ستنير طريق الكثيرين
جزاكى الرحمن كل الخير و بارك فيكى غاليتى

خالص تحياتى

ندا منير يقول...

الحياة كلها تجارب والمهم نتعلم منها

وجميل انك خرجتى بكل دا من الحياة

ومازلتُ أتعلم يقول...

موناليزا
مساء الفل عليكى ياست الكل
كلماتك جميلة
بطلت اسجل اللى بتعلمه على ورق
بكتبه على الموبيل قبل مأنام
بس أكيد
هارجع برده اكمل اللى بتعلمه على المدونة
تسلم ايديكى

تحياااااااااااااااااااتى

تأثير الفراشة يقول...

ما شاء الله ، جميلة جدا جدا ، أحييكى على الفكرة و أحييكى على ما كتبت ، معظمهم عجبنى جدا جدا

دمتى مبدعة

ربنا يبارك فيكى، جزاك الله خيرا

حياتى نغم يقول...

السلام عليكم / فكره جميله جزاك الله خيرا فعلا استفدت منها .

maha zein يقول...

السلام عليكم ورحمة الله وبركاته

الله
ده انتي اختارتي الحكم و المواعظ اللى هي

بجد كل الحكم دي واقع وحقيقة
وفعلا ممكن تعبر عن خبرة يوم واحد فقط
مش شهر كامل


انا قلت اجي اسلم و اعتذر عن غيابي بسبب ان جهازي بايظ ومبقاش عندي جهاز من يجي شهر
ربنا يعيد عليكي الايام بخير

موناليزا يقول...

ماما امولة
ـــــــــــــ
اختى الحبيبة:اهلا اهلا بالقمر
ربنا يكرمك يارب ويتقبل دعائك فماتوفيقى الا بالله
نورتينى حبيبتى وسعيدة بتواجدك




********************************




روفى
ــــــــ
اختى الحبيبة:اهلا اهلا بالغالية
ربنا يعزك يارب فماتوفيقى الا بالله

ربنا يسمع منك ياقادر ياكريم:)
نورتينى ياجميلة وسعيدة جدا بتواجدك





*********************************





ندا منير
ــــــــــ
اختى الحبيبة:وتخيلى فى شهر واحد بس
تعرفى لو الواحد يركز فى حياته شوية هيلاقى دروس كتيرة جدا
المهم نستفيد من كل درس يمر علينا
نورتينى ندا الجميلة وسعيدة بتواجدك




*********************************




ومازلت أتعلم
ــــــــــــــ
اختى الحبيبة:اهلا اهلا بالقمر
مساء الخير والسعادة على السكر الزيادة:)
اشكرك جدا لرايك
عايزينك تنشريلنا حاجة قريب
نورتينى حبيبتى وسعيدة بتواجدك




********************************




تأثير الفراشة
ــــــــــــــ
اختى الحبيبة:ربنا يعزك يارب فما توفيقى الا بالله
نورتينى ياجميلة وسعيدة بتواجدك





********************************




حياتى نغم
ــــــــــــ
وعليكم السلام ورحمة الله وبركاته
اختى الحبيبة:ربنا يكرمك واشكرك جدا لرايك والحمدلله الذى هدانى الى هذا
نورتينى ياجميلة وسعيدة بتواجدك




********************************



مها زين
ــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
الحمدلله الذى هدانى الى هذا فماتوفيقى الا بالله
فعلا لو الانسان ركز فى يومه كويس هيطلع بدروس كتير جداً

كلك ذوق يامها تسلميلى يارب دايماً
وان شاء الله جهازك يتصلح قريب حتى تنورينا دائما
اسعدنى تعليقك وكل عام وانتِ بخير

Dr. Ibrahim يقول...

وإن كان الموضوع عسل متنزليهوش كله :)

TIMMY !! يقول...

السلام عليكم ,

استمتعت جدا بقراءة ما استفدتِهِ طيلة هذا الشهر ,

و فعلا فكرة جميلة إن الواحد يقعد يكتب الحاجات اللي استفادها كل فترة ,
لأنه بيلاقي نفسه بياخد باله من حاجات بدهية مهمة ما كانش بياخد باله منها الأول , و بيستفيد منها كتير لما ياخد باله منها ,

شكرا جزيلا :) :) :)

غير معرف يقول...

السلام عليكم
ما شاء الله
موضوع أكثر من رائع
أتمنى لحضرتك التوفيق
خالص تقديرى

fL0weR-giRL يقول...

السلام عليكم
***********
فعلا موضوع جميل
بارك الله فيكي وجزاكي الله كل خير

**تقبلي مروري **

أميرة يقول...

في ناس بتعيش كام 30 سنة مش 30 يوم متتعلمش درس واحد من دول


احسب ان عندي حاجة هتعجبك .. والله اعلم

اسمعيها :)

(green eyes) يقول...

لا بجد معاكي حق في كل الكلام دا
وحلوة اوي الفكرة دي
ان شاء الله هكتب انا كمان الدروس اللي اتعلمتها من الدنيا

تقبلي مروري

حلم بيعافر يقول...

كل واحد عنده مفكرته الخاصة اللى بيكتب فيها كل حاجة
انت كتبتى وفوجئتى باللى انت كتبتيه لما جمعتيه واعتقد ان كل واحد لو كتب هيفاجىء برضه زيك كده
ممكن اقولك اللى استفدته من اليومين اللى فاتوا
-----------------
محدش ضامن عمره
وقوع البلاء ولا انتظاره
المظاهر غالبا كدابة
الحب مش كلام وبس

ستيتة يقول...

اتعلمت ايه في اليومين اللي فاتوا؟
اتعلمت ان الصيام مش بس بيعلي الدرجات ده بينقي النفس ويشحذ العزيمة ويخلي فعلا الحياة لونها وردي
اتعلمت ان من فرج على مسلم كربة ربنا بيفرج عنه ويسخر له ويجيب الدنيا كلها عند اطراف اصابعه
بوست رائع كالعادة
تحياتي

موناليزا يقول...

د/ إبراهيم
ــــــــــــــ
اهلا بيك يادكتور بعد طول غياب
حاضر يافندم:)
اشكرك جدا لتواجدك





*********************************




تيمى
ـــــــــ
وعليكم السلام ورحمة الله وبركاته
اهلا بيك يافندم
انا اللى بشكرك على تعليقك اللى اسعدنى بجد
دمت طيبا ولمدونتى زائرا




**********************************



العصفورة
ـــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يكرمك واشكرك جدا لرايك
نورتينى يا عصفورة وسعيدة بتواجدك




*********************************




فلور جيرل
ـــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
ربنا يكرمك واشكرك جدا لرايك نورتينى حبيبتى ويسعدنى مرورك دائماً




*********************************



أليس فى بلاد العجائب
ــــــــــــــــــــ
اختى الحبيبة:اهلا اهلا ياجميلة عاملة ايه ياحبيبتى يارب تكونى بخير

ده حقيقى فعلا!
من عينيا هاجيلك حالاً
نورتينى حبيبتى وتسعدينى دايماً بتواجدك




*********************************



جرين آيز
ــــــــــــ
اختى الحبيبة:اهلا اهلا بالقمر بعد طول غياب
مبسوطة ان الفكرة عجبتك وفى انتظار ما يخطه قلمك
نورتينى حبيبتى ويسعدنى مرورك دائماً




*********************************



حلم بيعافر
ـــــــــــــ
اهلا بيك يافندم فى زيارتك الاولى
ده حقيقى
====
اشكرك جدا لمشاركتنا ما استفادته فى الايام الماضية
نورت مدونتى وارجو دوام التواصل






*********************************





ستيتة حسب الله الحمش
ـــــــــــــــــــ
اختى الحبيبة:اهلا اهلا بنبض الحكمة
اشكرك جدا لرايك ولمشاركتك
وعاجبنى اكتر ان اللى ذكرتيه من ضمن حاجات اسلامية بيغفل عن آدائها الكثير
نورتينى ياجميلة وسعيدة جدا بتواجدك

النسر المهاجر يقول...

موناليزا

جميع ما لأنتجته التجربه من حكم بو طبقناها لفرقت فى حياتنا وخاصة التسرع وزى مقلتى لو صبر القاتل على المقتول كان مات لواحده لان عمره كده

شكرا على البوست الرائع والجميل
جزاك الله خيرا

مجداوية يقول...

السلام عليكم

اتعلمت اني افكر شوية قبل ما اتكلم لأن الكلام دون تفكير بالفعل رصاصات طائشة قد تقتل من أمامك حتى وان لم تصوبها عليه



والانسان يتعلم من أخطائه حتى آخر يوم في عمره


وليسامحنا الله جميعا على أخطائنا

Arsenal Way يقول...

يعني بصراحه ما شاء الله عليكي فكره جميله
انا مقتنع بكل اللي قولتيه واستفدت بصراحه

اما عن اللي استفدته في اليومين اللي فاته
1- ارضاء الناس غايه لا تدرك
2- الزواج مسئوليه كبيره تحتاج خبره وصبر

تقبلي مروري

رفقة عمر يقول...

سبحان الله كل اللى قولتيه اتعلمته على مدار سنين عمرى
بس بعد وفاه والدى اتعلمت انى لازم اكون فى اشد لحظات ضعفى قويه وانى استغنى عن كل الناس وانا اللى اطبطب على نفسى بنفسى ولازم اخرج من الحزن بفعل شئ جديد مفيد وياريت يكون شئ يفيد الاخرين ويدخل السرور على قلوبهم

اختلف معكى فى اننا لانعاشر الظالمين ولا نتعامل معهم لان لو هانعاشرهم اننا نجعلهم يكفوا عن ظلمهم نصبر عليهم ولا نبخل عليهم بالنيصيحه الدائمه علا وعسى ان يكفوا عن ظلمهم انما لو هانشاركهم فى ظلمهم بالسكوت يبقى البعد عنهم افضل
لان هناك حديث للرسول صلى الله عليه وسلم قال انصر اخاك ظالما او مظلوما قالوا ننصره مظلوما كيف ننصره ظالما قال تكفه عن ظلمه
يمكن يكون مش عارف انه ظالم وممكن بالنصيحه يتوب وبكدة حمينا الناس من ظلمه

مونى انا عاوزكى تعذرينى انا فعلا مش فاضيه خالص لمتابعه مدونات فلو اتاخرت عليكى لا تزعلى منى

وشكرا على حسن ظنك بى واستغفر الله العظيم والله انا جاهله جدا ومش عندى علم ولا حاجه انا باتكلم عن احساسى بدينى مش اكتر وازاى انا شايفه دينى وبحاول اوصل اللى باحسه للاخرين علشان يحسوا احساسى ويحبوا دينا اكتر ويعرفوا قيمته
لكن والله انا غلبانه جدا وجاهله جدا
جزاكى الله خيرا حبيبتى
ربنا يكرمك يارب ويزيدك من فضله وجعل كل كلمه تقوليها فى ميزان حسناتك اللهم امين

م م يقول...

كل ده في شهر واحد يعني 30 يوم ما
شاء الله واضح انك لا تدعين نفس يمر بدون الاستفاده منه اللهم لا حسد
طيب انا تعلمت في ال 30 سنة السابقة
ان " من جد وجد ومن زرع حصد "
كده انا اعترفت اني عجوز بس ياللا مش مشكلة
ـــــــــ
تحياتي لك

أبو كريم يقول...

أدمنت قراءة مدونتك بوست رائع كالعاده

وأكثر ما علق بزهنى كلمتك الحمد لله أنك أنت ربى وذكرتنى بكلمه لعمرو خالد قال فيها لطفل إيه أحلى حاجه بتحبها فى ربنا قاله ان ربنا هو ربنا

وشكرا

Unknown يقول...

فكرة رائعة جدا اتمنى كلمنا نعملها بس الاهم نستفيد منها

المعتصم يقول...

بسم الله الرحمن الرحيم
السلام عليكم ورحمة الله وبركاته
اختى الكريمه
تحياتى
يارب تكونى بخير وفى احسن الاحوال
اشكر سؤالك الكريم على شخصى
*****
الدروس جميلة جدا وكلها مفيده
انما اسمحيلى هختلف معاكى فى اول درس وده عن تجربه
لو صبر القاتل على المقتول كان بقى هو المقتول مكانه مش كان مات لوحده
ههههههههههههههههههههههههه
يعنى هى جت معايا كده وشوفتها كتير بتحصل بالشكل ده
مش عارف بقى نصبر على المقتول ولا نخلص الليلة بدرى بدرى
هههههههههه
تقبلى مرورى وتحياتى
والسلام عليكم ورحمة الله وبركاته

Unknown يقول...

السلام عليكم
الابتسامة :فعل بسيط
ولكن له مفعول السحر
حين يدخل المريض الى حجرة
الكشف بمجرد ان يراها على
وجه الطبيب بشرط عدم تكلفها
ترى حال المريض انقلب لحال اخر
فى الحال.دروس جميلة ومفيدة.
جزاكِ الله خيراً

ahmed_k يقول...

دي مستحيل تكون خبرة وإستفادة شهر فقط
دي خبرة سنين وتجارب حياه بكاملها
ربنا يزيدك عقلا ورشدا
أنا خلال الفترة الماضيه إستفدت معلومه مهمه قد أكون أعلمها من قبل لكن التجربه خير دليل ,

إذا زاد إهتمامك بشخص قل إهتمامه هو بك

وتقبلي تحياتي

بنت الصالحين يقول...

الله علي كلامك الجميل ياموون

ربي يبارك فيكِ ويتقبل منك رمضان ويتقبل اعمالك

موناليزا يقول...

المهاجر
ــــــــــ
اهلا بيك يافندم
عندك حق فالصبر يجعلك تكسب نصف المعركة
ربنا يكرمك واشكرك جدا لرايك
دمت طيبا ولمدونتى زائرا



********************************



مجداوية
ـــــــــ
وعليكم السلام ورحمة الله وبركاته
اختى الحبيبة:اهلا اهلا بصوت الحق
الله عليكِ بجد صدقتِ غاليتى فكم من الكلمات قد تقتل مُتلقيها دون ان نقصد
نورتينى حبيبتى واسعدتينى بتواجدك





***********************************



مصطفى ابو زيد
ـــــــــــــــــ
اهلا بيك ياباشمهندس
ربنا يكرمك يارب فما توفيقى الا بالله
سعيدة جدا بان كلماتى افادتك واشكرك جدا لمشاركتك
دمت طيبا ولمدونتى زائرا




**********************************




رفقة عمر
ــــــــــ
اختى الحبيبة:اهلا اهلا بالغالية
صدقتى فالازمات خير معلم لنا

:) كده يبقى مااختلفناش وانتِ قلتيها بنفسك لو مش هنجعلهم يمتنعوا عن ظلمهم او هنسكت يبقى نبعد عنهم افضل

ياجميلة انا عمرى ماازعل منك وعذراكِ دايما واعرفى ان دى مدونتك التانية وتنوريها فى اى وقت(k)

ما شاء الله عليكِ ولان احساسك دايماً عالى وصادق جداً فبيوصلنا بجد بطريقة سلسة وجميلة

ربنا يعزك يارب ويتقبل دعائك ويجازيكِ كل خير على تعليقك الجميل اللى أسعدنى جدا
نورتينى غاليتى ودمتِ بكل الخير




**********************************



مسرور
ــــــــ
اهلا بيك يافندم
الحمدلله الذى هدانى الى هذا
وما الحياة الا مدرسة كبيرة وعلينا ان نتعلم فيها ما تعطينا من دروس
وما تعلمته مِن افضل الدروس ونشكرك لانك شاركتنا فيه
دمت طيبا ولمدونتى زائرا





********************************



ابو كريم
ــــــــــ
اهلا بيك استاذ بهاء
يافندم ده شئ يسعدنى جدا ويارب مدونتى تفضل عند حسن ظنك بيها دايماً
اشكرك جداً لرايك
وفعلا الحمدلله ان ربنا هو ربنا:)
دمت طيبا ولمدونتى زائرا


********************************



ايوية
ــــــــ
اختى الحبيبة:اهلا اهلا بالقمر بعد طول غياب
صح كلامك وكما يقال العِلم فى الراس وليس فى الكراس:)
اشكرك جدا لرايك
نورتينى ايويه الجميلة وسعيدة بتواجدك




*********************************


المعتصم
ــــــــ
وعليكم السلام ورحمة الله وبركاته
اهلا اهلا استاذ مصطفى بعد طول غياب لعل مانع الغياب خير
يافندم لا شكر على واجب
انا الحمدلله بخير اشكرك جدا لسؤالك
***
انا احترم اختلافك معى جداً
لانى مقصدتش المعنى الحرفى للمثل :)
بس كان فيه مواقف كتير ابقى خلاص جبت آخرى وناوية أتصرف فيها والاقيها تيجى لوحدها ومن غير تدخل منى فعشان كده لقيتنى بقول المثل ده:)

بس كلامك معناه ان الموضوع فيه خناقة مثلاً لازم تنتهى بموت احدهما وفى الحالة دى يبقى لازم كل واحد فيهم يدافع عن نفسه لاخر لحظة فى عمره
مش كده برضه؟:)
اشكرك جدا لتواجدك واسعدتنا بمرورك




********************************



نوراهاتى
ــــــــــــــ
وعليكم السلام ورحمة الله وبركاته
اختى الحبيبة:اهلا اهلا بالقمر
الله ينور عليكِ يا ارق طبيبة
وياسلام لو كل الدكاترة يبقوا كده
ربنا يباركلك ياحبيبتى ويسعدك دايما
نورتينى واسعدتينى بتواجدك



*********************************


احمد-ك
ـــــــ
اهلا بيك استاذ احمد
لا وربنا بدأت الكتابة فيها من اول يوم فى شهر يوليو الحالى:)
ربنا يكرمك يارب ويتقبل دعائك فماتوفيقى الا بالله

تصدق انه فعلاً معاك حق
اشكرك جدا لمشاركتك
دمت طيبا ولمدونتى زائرا



********************************



عاشقة الفردوس
ـــــــــــــــ
اختى الحبيبة:اهلا اهلا بالقمر
ربنا يكرمك ويعزك يارب فما توفيقى الا بالله
وتقبل الله منا ومنكم صالح الاعمال
نورتينى ياجميلة وسعيدة بتواجدك

المعتصم يقول...

السلام عليكم ورحمة الله وبركاته
اختى الكريمه
تحياتى
مش لازم تكون خناقه
ممكن ده يحصل فى اى موقف يكون فيه تنافس بين اتنين
وواحد فيهم عمل حاجه مش كويسه علشان يتفوق
والتانى عاوز ياخد حقه منه
يبقى ماينفعش نطبق المثل هنا
ولا ايه ؟؟؟؟
تحياتى
والسلام عليكم ورحمة الله وبركاته

موناليزا يقول...

المعتصم
ـــــــــ
وعليكم السلام ورحمة الله وبركاته
اهلا بيك يافندم
صح جداً طبعا لأنها برضه هتبقى مسألة حياة أو موت
يا هعيش بنجاحى يا هموت قهراً لو سيبته ينتصر عليا
اشكرك جدا لمتابعتك ولاهتمامك
وسعيدة بتواجدك

كلمات من نور يقول...

الله عليكي يا أمة ربي

دروس حياتية موجزة ولكن شاملة للعمر كله ياريتنا كلنا و معانا أولادنا وبناتنا يقروها ويعوا ما بهاويهبك حكمة الحكماء والصالحين

موناليزا يقول...

كلمات من نور
ــــــــــــــ
اختى الحبيبة:اهلا اهلا بالغالية
ربنا يعزك يارب ويتقبل دعائك والحمدلله فماتوفيقى الا به
نورتينى غاليتى وسعيدة بتواجدك