الأربعاء، 25 نوفمبر 2009

الأنثى فى عيون رجل

يأخذ الرجل انطباع عن المرأة بصفة عامة والأنثى بصفة خاصة من خلال عدة أشياء تقوم بها المرأة .سواء بقصد أو بدون قصد منها.
وفى هذا الموضوع سيتم طرح آراء الرجال ووجهات نظرهم الخاصة بأفعال المرأة وملبسها والتى قد تزيد من رصيدها أو تقلله من نظرة الآخرين لها.
يفتتح الآراء الأستاذ خالد صاحب مدونة همس الاحباب قائلاً:
الحكم على المرأة من اول مقابلة غالبا هيكون من التزامها واخلاقياتها ونوعية تفكيرها وتعبيرها عن نفسها فى حدود الأدب والأخلاق .
الأنوثة تتمثل فى الخجل والالتزام خارج منزلها والاهتمام بأنوثتها داخل منزلها .
اكثر شىء يجذبنى اخلاقها والتزامها.
واختصر صاحب مدونةspiderman ( المدونه الإسلاميه ) كل الإنطباعات فى كلمة واحدة قائلاً:
الدين
فالتدين أهم شئ وأى شئ آخر قابل للتغيير.

والصورة المعبرة عن رأيه تتمثل فى الشجرة

ويفسر هذا الإختيار قائلاً:المرأه الصالحه عندي = شجره مثمره لها جذور قويه في الأرض.

الشجرة = حسن تربيه هذه المرأة .

جذور = البيت الذي سوف تنشؤه.

قوية = انهم صالحون في الدنيا و فائزون في الاخره.
أما عن رأى مستر حازم فقال:
صراحة ان ما يدلل لي على طبيعة المرأه بالبداية هو تعاملها وأسلوبها وأدبها, ومظهرها لانني لن اعرف ثقافتها منذ اول لقاء ..من خلال هذه الامور احكم عليها ,
وأن ما يثير انتباهي واتألم عليه , هو عندما ترين فتاة ذات جمال يتمناها اي رجل , ولكن للأسف تجدينها متبرجه بشكل كبير فأتألم صراحة عليها.
وقال: د/عرفه
أفضل الحكم عليها أثناء سلوكها العادى مع الناس ومع المجتمع حتى يكون الحكم افضل دون تصنع.
اول شىء يلفت نظرى طريقة الملابس طريقة المشية وأكيد طريقة نظراتها فى الشارع لمن حولها.
أكتر شىء يقلل أنوثة المرأة الصوت العالى والبجاحة وفرض كلامها ورأيها على زوجها.
وكان رأى الأستاذ محمد البنا:
-أحكم على المرأة من خلال اول مقابلة من خلال طريقة ملابسها وطريقة تعاملها مع من حولها .
-مفهوم الانوثة يتمثل فى الرقة والتعامل بذوق واحساس عالي وراقي.
-اكثر شيئ يجذب انتباهى في المرأة حيائها ورقه تعاملها.
-اكثر صفة تقلل من انوثة المرأة تقمصها شخصية الرجال ، وعدم حيائها والتحرر في الكلام وفي الملابس والفعل .
وهذا رأى جنون عاقل:

* أحكم على المرأة من خلال أول مقابلةعن طريق
أولاً..الملابس..70% من حكمي "الأولي" يكون على لبسها اذا محتشم او لأ.
.بعدها تكون طريقة الكلام...انها تتكلم بأدب..و ف نفس الوقت في حزم ى طريقة كلامها.
..فى النهاية انا راجل غريب عنها مش واحده من صحباتها..
مفهوم الأنوثة بالنسبة لى صراحة..كلمة أنوثة مرتبطة عندي "بالنعومة" و " الحياء"..
أكثر شئ يجذب انتباهى فى المرأة لما يكون عقلها بيوزن بلد..فى الآونة الأخيرة..بدأت أنتبه للشخصيات النسوية ..سواء في مجال قيادي أو تعليمي أو غيره..و انبسط بجد لما اشوفها محتشمة..بتأكد ساعتها أن الحجاب أبداً ماكنش عائق
أكثر فعل يقلل من أنوثة المرأة بالنسة لى انها تتعامل مع الرجال و كأنهم صديقات..فتضحك..و تخوض في مواضيع شرق و غرب خالص خالص..
وهذا رأى الأستاذ فارس عبدالفتاح :
مفهوم الأنوثة لدي هو أن تتحاشى الأنثى التدخل في أمور الرجال أو مخالطتهم وأن تكون محافظة شكلاً وموضوعاً
وأن تكون قليلة الخروج من بيتها .
الشيء الذي يلفت نظري للمرأة هو بُعدها عن مواقع الزلل وتجنبها مخالطة الرجال وزيها المحتشم الفضفاض وكلامها الدال القليل والتي تبدي رأيها دون أن تفرضه والتي تتحمل العوز وتشكر عند الزيادة من تصل رحمها وتكرم جارها وتحفظ أهل زوجها
أكثر فعل يقلل من أنوثة وعفة المرأة لدي هو مخالطة الرجال بدون عزر وزيها السافر ووضعها المكياج.
وهذا رأى الأستاذ سكاير:
أحكم على المرأة من خلال أول مقابلة عن طريق بعض الأفعال التي تعطيك انطباعات أولية عنها فمثلاً
الصوت ..
. طريقة التحدث أمام الرجل إذا كانت فيها جرأة أو تحمل معنى الحياء في وقارها وهدوءها.
مفهوم الأنوثة بالنسبة لى
الأنوثة : نعمة أنعم الله بها على بني آدم في شريك له يعمر الأرض ويعينه في طريقه لربه و على أموره الحياتية .
الأنوثة : أشياء كثيرة أولها الوقار والحياء.
الأنوثة : احتواء وحنين ودفء.
الأنوثة : الرحمة.
الأنوثة : أمومة وطفولية وذكاء لماح.
الأنوثة : عاطفة و غيرة .
الأنوثة : ذوق رفيع في التعامل والملبس والتفكير و عقلية متفتحة.
-* أكثر شئ يجذب انتباهى فى المرأة طريقة التفكيروالمظهر والحياء.
أكثر فعل يقلل من أنوثة المرأة بالنسة لى جرأتها على الرجال في التعامل أو ضحكاتها .

أما عن رأى د/ إبراهيم سماحة :

الحكم على المرأة من أول مقابلة لا يمكن إطلاقاً ودا رأيى فقد تكون فى اول مقابلة شىء(مثلا عندها وقار وواقفة على الشجرة ومستنية اللى يقطفها) وعند معاملتها فى ثانى مقابلة تكون شىء أخر لا أتمناه (هبلة مثلاً).

أكثر شىء يجذب انتباهى الهدوء والوقار والطيبة .

وأجاب الفنان خالد على أكثر ما يثير فضوله فى المرأة فقال: الغموض

أما عن ما قاله الشاعر الأستاذ بهاء فكانت فى هذه الكلمات الرقيقة التى تجعله يستحق عن جدارة لقب"شاعر":

المرأة بالنسبة لى كبيتى.. فيه راحتى و امانى.. و بداخله اكون على طبيعتى.. وبين أسواره أبوح بأسرارى.

أشعر فيه بسطوتى ..ولا أهاب أن أبوح بدمعتى.. فزوجتى شريكتى حبيبتى أنيستى.. هى كل الدنيا بيتى و أسرتى .


=====
بما أن هذا الموضوع يعتمد على آراء الرجال فمازال يسعدنا إستقبال تعليقات الرجال وإجابتهم على الأسئلة المطروحة فى الموضوع السابق ليتم نشرها هنا.
وأقدم شكر وتقدير للفنان خالد فرج لتلبيته طلبى ورسم لوحة عبر فيها عن رأيه أحتلت عن جدارة واجهة الموضوع.
ميرسى لذوقك يافنان ودامت ريشتك متألقة.
=========
على الهامش
ـــــــــــــــــــ
كل عام وأنتم بخير بمناسبة عيد الأضحى المبارك أعاده الله علينا بالخير واليُمن والبركات ودعواتى بقضاء عيد سعيد للأمة الإسلامية جميعا.
ماتنسوش نصوم بكرة إن شاء الله(يوم عرفة) وأسألكم الدعاء بأن ينصرنى الله على من ظلمونى.
وأدعوكم لقراءة هذا الموضوع حلم وتحقق ففيه رحلتى لزيارة بيت الله. ربنا يكتبهالنا جميعا مرات ومرات.

هناك 44 تعليقًا:

Unknown يقول...

كل عام وحضرتك بخير
أشكرك على الزيارة وأتمنى دوام التواصل
رأيى فى المرأة أن الرجل لا يستطيع أن يقيم أى إمرأة فى أول لقاء أو ثانى أو
ثالث أو عاشر لأن المرأة تستطيع أن ترسل
للرجل رسالة على خلاف حقيقتها وذلك على
حسب إختلاف الموقف التى هى فيه
تحياتى
ويبقى التواصل

من غير عنـــوان يقول...

كل عام وأنتم بخير

أبويا كان بيقول لي الراجل عشان يكون راجل... لازم يكون راجل

وأنا أضيف...والمرأه أيضا...

أي :
الست عشان تكون ست لازم تكون ست

المرأه ... أم
المرأه... أنثى
المرأه... رقة وحنيه
المرأه .. ميزان البيت
المرأه.... قلب
المرأه.... أتخيل أكثر من نصف المجتمع

ربنا يبارك للجميع

Mahmoud Ahmed يقول...

كل عام و انتي طيبه و بخير
و جميل ليكي تلخيص كل الاراء
و بعد القراءه لكل الاراء ، فالكل اتفق تقريبا على (( الدين ))

سواء طريقه الكلام او المشي ، او التعبيرات او طريقه اللبس او ... او .... او ...

فجميعها يحكمها الدين ، فاذا كانت متدينه ، فانها امرأه صالحه

فالتدين يجعلها تخاف الله فيك ، و تعامل ربنا في الرجل

اللهم ارزقني الزوجه الصالحه يارب العالمين .

Mahmoud Ahmed يقول...

السلام عليكم
انتي طلبتي المرها لى فاتت صوره تعبر بيها عن رايك

المرأه الصالحه عندي = شجره مثمره
لها جذور قويه في الارض

الشجره = حسن تربيه هذه المرأه
جذور = البيت الذي سوف تنشؤه
قويه = انهم صالحون في الدنيا و فائزون في الاخره


http://img104.imageshack.us/img104/4485/tree1ga.gif

ستيتة يقول...

مش عارفة يا مونا
الموضوع اللي انتي طرحتيه ده استفزني بشكل كبير جدا مع احترامي لكل شخص كتب رأيه سواء اعرفه أو معرفوش

1- لا يمكن الحكم ولو بشكل مبدئي على أمرأة من لقاء
ببساطة النساء شخصيات معقدات التركيب جدا ولا يدعي عاقل الحكم عليهن من خلال مقابلة او طريقة ملبس او حياء طبيعي جدا لزوم عدم المعرفة

2- الرجال شخصيات ابسط كثيرا جدا من اسهل إمرأة ومع هذا لا تدعي امرأة عاقلة ابدا سهولة الحكم عليهم من لقاء واحد أو فرست لوك .. فهل هذا لأن النساء اكثر تواضعا وأقل فزلكتا

3- جميعنا بني البشر نحكم على الناس من خلال الفرست لوك عبر المظهر فقط
استحالة أول نظرة وأول لقاء ها يتعدى المظهر والنظافة الشخصية ونظافة المظهر وترتيبه وهندامه مع ملاحظات طفيفة جدا على الذوق والشياكة في طريقة الحديث ولباقته وربما ذوي الملاحظة الحادة والتجارب العميقة يقدروا يحكموا على ذكاء الطرف الأخر في اللقاء الأول

4- كل اللي اتكلموا عندك أثنوا على حشمة المظهر وده طبيعي لأننا مجتمع شرقي ولكن يا عزيزتي هناك بنات قمة في الأدب والأخلاق والتدين وحسن الشخصية ومش لاقيين جواز علشان تلات اربع الرجالة عاوزين يعاينوا البطيخة ع السكين وبعدين يبقوا يحشموها بمعرفتهم في الخطوبة
فهل ياترى - وده المرجح عندي - اللي معلقين كلهم من ذوي العقول الفهيمة "القليلة جدا" في مجتمعنا
أم أننا نعاني شيزوفرينيا بين المباديء النظرية والتطبيق الفعلي في الشارع

معلش للإطالة بس لما اقول لك اني الست ذات الأربعين خريفا وقفت من يومين في الشارع استنى قرايبي وخرجت من العربية وفي خلال ثلاث دقائق فقط وقف لي خمس عربيات يركبها رجال بشنبه ومنهم واحد حمار ابص له انه يمشي ابدا
ازغر له كأني شوية برضه وها أركب معاه لحد ما جه قرايبي وعملوا معاه الواجب
هذا مع العلم اني مش رقاصة والله اعلم
يبقى البنات الصغيرة اللي بيمشوا مساكين في الشارع منكمشات على انفسهن لتدني اخلاق الشارع المصري بيعملوا ايه؟
يا سادة يا كرااااااااااااااام نحن المصريين نعاني شيزوفرينا إختلاف الأراء عن التطبيق الفعلي

يا سادة يا كرااااااااااااام احنا عندنا الكلام عن الدين والأخلاق والوعظ عشر اضعاف الستينات والسبعينات وللأسف احنا شخصيا مش احسن اخلاقيا من الفترة السابقة دي
يا سادة يا كرام نفسي حد يقول لي العيب فين
في الكلام الكتير جدا وتكريمنا للأخلاق نظريا
ولا للتطبيق الضعيف جدا

كل سنة وانتي طيبة يا جميلة
مش عارفة انا كتبت كل ده ليه
بس اهو دردشة لست نفسها مجتمعها فعلا يكون مجتمع افعال لا اقوال

تحياتي

كلمات من نور يقول...

إيه داه مافيش أسئلة المرة دي؟
براءة يعني و الا علشان العيد يا قمر؟

كل عام و أنتي إلى الله أقرب ولطاعته أدوم ..كل عام و إنتي موناليزتي الحبيبة و أحلى من الموناليزا بذات نفسها.

موناليزا يقول...

فرسان على مر الزمان
ـــــــــــــــــــ
اهلا بيك يافندم
وحضرتك بخير وبصحة وسعادة
:) نفهم من إجابتك عدم قدرتك على تحديد أى ملامح عن شخصية المرأة مهما تكرر اللقاء؟
أشكرك جدا لتواجدك وفى انتظاركم دائما



*******************************



من غير عنوان
ــــــــــــــ
أهلا بيك يافندم بعد طول غياب
وأنتم بخير وصحة وسعادة
أشكرك جدا لمشاركتك
وكنا نرجو إلقاء نظرة على الموضوع السابق ففى نهايته بعض الأسئلة التى يسعدنا إجابتكم عليها حتى يتم إضافتها لهذا الموضوع
مع التحية




********************************


المدونة الإسلامية سبايدر مان
ـــــــــــــــــــــــــــ
وعليكم السلام ورحمة الله وبركاته
اهلا بيك يافندم
وانت طيب وبالصحة والسعادة وبكل الخير يارب
أشكرك جدا لرأيك
عندكم حق فالدين دائما هو الأصل
ربنا يكرمك يافندم ويرزقك بالزوجة الصالحة اللهم امين

يسعدنى إضافتكم للموضوع
ودام التواصل



********************************


كلمات من نور
ــــــــــــــ
أختى الحبيبة:اهلا اهلا بالغالية
ايوة ياستى براءة:)
:) شوفتى عيد بقى
ماحرمنى الله من كلماتك الرقيقة وتواجدك فى حياتى أختا وصديقة
رزقكِ الله بكل الخير
وكل سنة وانتِ وجميع من تحبين بصحة وخير وسعادة
نورتينى ياجميلة واسعدنى تواجدك



*******************************



ستيتة حسب الله الحمش
ـــــــــــــــــــ
أختى الحبيبة:اهلا اهلا بنبض الحكمة بعد طول غياب

أحترم وجهة نظرك جدا وخصوصا كثرة وجود ماتكلمتى عنهم ولكن يبقى الأمل غاليتى
حتى ولو كان قليل
فمازال هناك رجال يفضلون ذوات الرداء المحتشم
ومن يفضلون العرى يقولوها صراحة بل ويعيبون فى من تستر نفسها
أما عن الموقف المشين الذى تعرضتى له فأقل وصف لهؤلاء الشباب هو انهم يعانون من حالة الضياع وسوء التربية والأمر عندهم لا يقتصر على ملبس المرأة أو شكلها أو حتى عمرها ولكن على نوعها فكونها أنثى فهذا يعنى أنها فريسة سهلة الصيد
ربنا يهدى شبابنا ورجالنا وبناتنا اللهم امين
وللأسف فى قاعدة عندنا بتقول السيئة بتعم والحسنة بتخص يعنى لو واحد من الشباب اتعرف على بنت لابسة حجاب بس مش كويسة هياخد انطباع سلبى على كل المحجبات وهكذا

وكل سنة وانتى بالف خير ياحبيبتى
نورتينى سوتيتة الجميلة واسعدنى تواجدك

د. ياسر عمر عبد الفتاح يقول...

طبعاً مش هقدر أضيف حاجة على كل ده
بس أنا شايف يعني ,, إني مش لازم أحكم على الأنثى ,, ولا على الرجل كمان

ليه نحكم أصلاً؟
أي حكم بيتم في الأول بيبقى في الغالب خاطىء
لأن الإنطباعات الأولى ,, لا تدوم

العلم نور يقول...

كل عام وانت بخير ..

موضوع جدا جميل وآراء أجمل ..

وأعجبني رأي صاحب المدونة الإسلامية في قوله أن المرأة تتمثل في الشجرة فهو بحق تشبيه كان في الصميم.

بارك الله فيك ونفع الله بك الأمة الإسلامية العربية.

z!zOoOo يقول...

السلام عليكم

ازيك يارب تكوني بخير

كل سنه وانتي طيبه وعيد سعيد عليكي وعلي الاسره وعلي المسلمين جميعا يعود بالخير واليمن والبركات

عذرا علي التقصير

ولي عوده اخري قريبا إن شاء الله للتعليق علي الموضوع

جيت اسئل وأعيد عليكي

كل سنه وانتي طيبه

تحياتي

بنت الصالحين يقول...

عجبني ردودهم


كل عام وانتِ الى الله اقرب يامووون

كل عام وانتِ بخير ياغالية

المعتصم يقول...

بسم الله الرحمن الرحيم
السلام عليكم ورحمة الله وبركاته
اختنا الكريمه موناليزا
تحياتى
وكل عام وانتم بخير
وعيد سعيد ان شاء الله عليكى وعلى كل امتنا الاسلاميه والعربيه
وان شاء الله ربنا ينصرك على كل اللى ظلموكى ويردلك حقك منهم

الموضوع كبير وعاوز قعده تانيه
وعشان كده مش هعلق لانه لو فتحت فى الكلام مش هخلص من قريب
وانا كنت معدى قلت بس اسلم واعيد
وكل سنه وانتى طيبه وبكل خير وسعاده يارب
تقبلى مرورى وتحياتى
ودمتِ بكل خير وود
والسلام عليكم ورحمة الله وبركاته

مدونون من اجل الاقصي يقول...

لسلام عليكم
كل عام وانتم والامة الاسلامية
بخير والفة ووحده
ربنا يتقبل منا جميعا
ويغفر لنا ذنوبنا
واسرافنا في امرنا
وما ظلمنا به انفسنا
'طرح جميل للموضوعات
انا قرات البوست السابق كمان وحعلق
هون لاني ما شاركت المرة الاضية
بخصوص الانطباع الاول احيانا بيكون صواب واحيانا خطا
والمهم للبنت او للمراه بالرجل
هو بدايه دينه وكيف يطبق الدين
فالدين معاملة اولا ثم ينسحب على الشكل واللبس
شخصيا احب المعاملة الراقية للرجل واحترامه ووقاره وكيفية اختياره للباسه وطريقة كلامه
وبيضل انو احنا ما بنعرف الاشخاص الا اذا تعاملنا معهم فترة طويلة لنعرف معادنهم
تحياتي
سما / سمسم

Unknown يقول...

كل سنة وانت
بألف خير يامونى.

عاشقة القمر يقول...

كل عام انتي بخير دعوداتك لي في هذا يوم
يارب سنه جيه وانا وانتي جميع في في عرفات

ريمان يقول...

الله


جميله اوى الاراء دى يا موناليزا


شكرا ليكى يا قمر


تحياتى

كل سنه وانتى طيبه

عيد اضحى سعيد عليكى

Tamer Nabil Moussa يقول...

كل سنة وانتى طيبة

عيد سعيد

مع خالص تحياتى

أميرة يقول...

السلام عليكم ورحمة الله وبركاته

متأخرة انا دايما كده .. حاجة تكسف:)
كل سنة وانتي طيبة ويارب تكوني بخير ويعوده الله علينا وعالمسلمين دايما بالخير يارب

ليكي معايا سلام و اطيب الاماني ووعد بالدعاء لكي بكل خير من المهندس ابو حازم :) ان شاء الله من حجاج بيت الله وربنا يفكره بينا و يتقبل منه طاعاته ودعائه يارب ويوعدنا ربنا يااااااااااااااااارب

ابقي طمنيني عليكي و خدي بالك من نفسك

عيد سعيد يارب تسعدي وتفرحي وتتهني :)

romansy يقول...

كل عام والمسلمين فى مصر والعالم الاسلامى بكل خير ومحبة وسلام لكل الانام

عيد اضحى سعيد

اعاده الله على الجميع بالامن والاستقرار

والسرور والتسامح

حـــــدوتـــــة يقول...

السلام عليكم

كل عام وانتم الى الله اقرب

وعيد اضحى مبارك

غير معرف يقول...

كل سنة و انت طيبة
الانثى في عين رجل مثل الأم (الخنفسة) التي ترى ابناءها بالضبط فتقول لولي ماشي على الحائط و العكس بالعكس!

غير معرف يقول...

http://shayunbiqalbi.blogspot.com/2009/11/blog-post_24.html

الشعب لابد له من حكومه تشكمه يقول...

كل سنه وانتى طيبه وعيد سعيد عليكى يارب:)

mohra يقول...

هل مسموح بآراء البنات ام لا؟؟
اظن اذا التزمت الفتاه بالدين و الاخلاق
فمهما اختلفت الشخصيه بعد ذلك فان كل واح
ه ستجد الشخص المناسب لها فى النهايه
كل فوله و لها كيال

سمسم/سما يقول...

السلام عليكم
كووووووووووول سنة وانتي طيبة
ويا ربي ينعاد علينا بالخير
جميــــــــــــعا

أبو كريم يقول...

يا أمة الله ثبتك الله

وكل عام وانت بكل الخير والامة العربية والأسلاميه


المرأة بالنسبة لى كبيتى
فيه راحتى و امانى
و بداخله اكون على طبيعتى
وبين أسواره أبوح بأسرارى
أشعر فيه بسطوتى ولا أهاب أن أبوح بدمعتى
فزوجتى شريكتى حبيبتى أنيستى هى كل الدنيا بيتى و أسرتى



عيد سعيد وأسف على عدم التعليق لفترة طويله

الفراشة الصغيرة يقول...

كل سنة وانتم طيبين

عيد أضحى سعيد عليك

وعلى كل الامة الاسلامية

KHALED يقول...

كل عام وأنتم بألف خير و عيد سعيد

------------------

أكثر ما يثير فضولى فى المرأة غموضها

د/عرفه يقول...

كل سنة وانتى طيبة

وشكرا على وجود كلامى فى البوست

وانا كنت هستفسر على عدم تعقيبك على كلامى على الرجل فى البوست اللى فات
مش عارف هل ده بسبب المشكلة اللى نوهتى عنها
ولا انتى نسيتى


المهم
عيد اضحى مبارك ان شاء الله

اقصوصه يقول...

عسى كل ايامكم عيد :)

ليس فقيرا من يحب يقول...

كل سنه وانتى طيبه ياحبيبه قلبى

عيد سعيد عليكى وعلى

كل حبايبك يارب

وربنا ينصرك ويسعد قلبك يارب

(المهاجر الى الله) يقول...

السلام عليكم ورحمة الله وبركاته :
كيف حالك اختى الفاضلة امة الله :
عيد سعيد عليكى وعلى كل احبابك والمسلمين جميعا ان شاء الله ، اعاد الله اعيادنا علينا وعلى الامة الاسلامية بالخير واليمن والبركات .

رفقة عمر يقول...

كل عام و أنتِم إلى الله أقرب و على طاعته أدوم تقبل الله منا ومنكم صالح الأعمال و كل عام و أنتم بألف خير و صحة و عافية و سلامة في دين و دنيا......عيد أضحى مبارك....

خواطر شابة يقول...

كل سنة وانت طيبة وبخير ينعاد عليك باليمن والبركات ان شاء الله
مع تحياتي

شيماء زايد يقول...

كل عام وانتم بخير ... اضحي مبارك

هدية العيد علي المدونه برجاء استلامها :)

http://hmasat-elqlm.blogspot.com/

mohamed ghalia يقول...

كل سنة وانتِ طيب
وعيد سعيد عليكى وعلى كل اسرتك

مهرة سالم يقول...

السلام عليكم...
أعجبتني هذه الفكره ..
والتي بالفعل يجب أن تكثر للإستفاده من التدوين بشكل صحيح ...
وأيضا ممكن أن تكون بشكل دوره تدريبيه ..
بطرح قضيه معينه وأخذ الآراء ...
....
وكل عام وأنتِ بخير ...
وعساكم من عواده..

الفراغ يقول...

حبيبتى امة الله
كل سنه وانتى طيبه
لقيتك وحشنينى وجيتى هنيتينى
قلت ارد الزياره واعيد عليكى
والبوست جميل وهادف وياريت الكل يستفيد بيه
لانه بيوضح ان الرجل دائما يبحث عن الوقار مش الهزار

Heba Faruq يقول...

عيد سعيد

وكل عام وانت بخير


بالنسبة للبوست فهو جميل
لكني أرى انه من الصعب الحكم على الانسان من أول لقاء ومن مظهره
فالمظاهر احيانا كما يقال تكون خادعة
لكنها قد تعطي فكرة أولية فقط
أما حقيقة الانسان فتظهرها مواقف الحياة خاصة الصعبة منها

دمتي بكل خير

MOHAMMED ELBANNA يقول...

أمه الله
كل عام وانتى بخير
واشكرك على عرض وجهه نظري في موضوعك .
تقبلي تحياتي
محمد البنا

غير معرف يقول...

كل سنة وانتي طيبة يارب

وعيد سعيد عليكي

ليا عودة وهعلق عالبوست ان شاء الله

بالنسبة للمشكلة حاولي تجربي على متصفح تاني يمكن ينفع معك

دمتي بحفظ الرحمن

أميرة يقول...

شكلها محدش عرفك لسه علي حل للمشكلة

جربي تستعملي متصفح تاني غير الاكسبلورر وان شاء الله تشتغل معاكي كويس

مش هنخسر حاجة

وان شاء الله تكوني بتقضي عيد كويس

جربي
SAFARI وتنزليه من http://www.apple.com/safari/download/

وفي غيره كتير .. ان شاء الله تعرفي

Butterfly يقول...

كل سنه وانتى طيبه

Mahmoud Ahmed يقول...

السلام عليكم
جربي تخلي التعليقات في نفس الموضوع في المدونه
يعني من ولحه التحكم
تعليقات
جعل الرد اسفل الموضوع ( ادناه )
يمكن يظبط معاكي