الأحد، 25 يوليو 2010

النظافة من الإيمان

- يركب سيارة فاخرة وفجأة يفتح الزجاج أثناء سير السيارة بسرعة ويلقى بكيس المهملات فى الطريق.
- تجلس فى سيارة ملاكى وتلقى بالمنديل فى الشارع بعد إستخدامها له.

- تنتهى من كيس الحلوى وتلقى به على الأرض قائلة باستخفاف"حافظوا على نظافة مدينتكم".
- يستمتع يقزقزة اللب فى الشارع ورمى القشر كذلك.
- يأكل فى الجامعة أو على الكورنيش ويترك مكانه- عفواً فى اللفظ- مزبلة.
- يرمى أعقاب السجائر فى كل مكان ولا يبالى.
وغيرها كثير من الأمثلة المشابهة.

إليهم أوجه كلامى فأقول:
ماذا سيكون شعورك إذا أخذت مخالفة نتيجة إلقاء المهملات فى الشارع وعدم المحافظة على نظافة بلدك؟.
ماذا سيكون موقفك إذا رآك النبى عليه الصلاة والسلام وديننا يحث على النظافة. ويجعل إماطة الأذى عن الطريق صدقة نؤجر عليها.
كيف ستقرأ هذا فى صحيفتك يوم القيامة.
أما تعلم بأنك قدوة للآخرين من خلال تصرفاتك مهما كانت بسيطة.
هل مازلت تلوم الشعوب المختلفة من السائحين حين يطلقون على شعبنا أى صفة بذيئة.
أما تعلم بأن لو معك طفل صغير سيتعلم منك بطريق غير مباشر هذا التصرف وبالمقابل لا تلومه إذا ألقى بأى شئ قيم مثلاً من البلكونة فهو تعلم بأن الشارع هو سلة القمامة.
ماذا يضيرك إذا كان معك كيس دائما لتضع فيه مهملاتك مهما كانت ثم بعد ذلك تلقيها فى أقرب سلة قمامة.
ويظهر هذا جلياً فى الشواطئ والحدائق العامة أو أى مكان ترفيهى آخر ولا يقتصر على الشارع فقط.
من تتوقع أن ينظف مكانك؟. فالشخص النظيف بيكون نظيف فى كل شئ حتى فى تصرفاته البسيطة خارج منزله.
هل تقبل أن يزورك أحد فى شقتك أو فى مكتبك ويلقى بالمهملات على الأرض؟ وماذا سيكون إنطباعك وقتها؟.
وهل هذا الشارع ليس من ضمن بلدك التى تهتف من أجلها فى أى مباراة كروية؟.
هل تجرؤ على فعل هذا التصرف المشين فى أى بلد آخر.. لا أظن لأن العقاب وقتها هيكون فورى بالإضافة إلى أن تصرف سكان البلدة لن تستصيغه فهذا تصرف ينافى القوانين والذوق العام.
هل مازلت تلوم بلدنا والمسئولين فيها على عدم الاهتمام بنظافة الشوارع أم من يستحق اللوم هو من ألقى بها من البداية.
دعوة لأن يهتم كل فرد بتصرفاته الشخصية حتى تكون بلدنا من أنظف البلاد.
وأخيراً تعامل مع الأرض بحنان ولا تقسى عليها, لا تقتلع فيها النبات والشجر ولا تلق عليها بما يضرها ويؤذيها.






ملحوظة هامة: على فكرة فيه اختراع جميل اسمه مناديل ورق لمن يبصق على الأرض.






سؤال جانبى:
ـــــــــــــــــــــ
* أذكر موقف لشخص أعجبك نظافته وموقف آخر لشخص نفرت من تصرفه الغير نظيف؟.
==================
على الهامش
ــــــــــــــــــــ
- كنت عايزة أتكلم عن قرارات الحكومة فى كيفية ترشيد الطاقة
ولكن الغالية "سوتيتة" كتبت اللى كنت عايزة أقوله وبأسلوب أجمل بكتير
أدعوكم جميعاً لقراءته. أنا بس هضيف سؤال.. أغلبية الشعب المصرى بيشتغلوا بره البلد وده معناه ان مش 80 مليون اللى قاعدين فى البلد ده اقل من كده بكتير.. هيكون ايه الوضع لو الغايب رجع لارض وطنه وطبيعى له حق فى استخدام الكهربا اللى المفروض السد العالى بيوفرهالنا بزيادة وهذه ميزة نتمتع بها عن بقية الدول المجاورة. مع ملاحظة ان فى البلاد العربية الكهربا ما بتتقطعش مطلقاً رغم استخدامهم لأحدث الأجهزة وبزيادة سواء فى العمل أو فى المنازل..وفيه سؤال كمان أومال لو كانت المصالح الحكومية فيها تكييفات أو الاسانسير يصلح لاستخدام المواطنين بدل ماهو طول الوقت بايظ أو لو كانت العموايد أصلاً مضائة سواء فى الشوارع أو فى الطرق السريعة كنتوا عملتوا فينا إيه؟؟!!.

هناك 22 تعليقًا:

أنا - الريس يقول...

اولا انا بقيت حاسس اني كل لما اخش المدونة أكني داخل امتحان ثانوية وحامل هم السؤال اللي تحت :))

ثانيا تكرمي علي الموضوع اللي هو تذكره ليا خصوصاً إني كنت تعبان النهاردة ويمكن قرفت كل ركاب العربية لما تنخمت ، وصراحة نسيت اخد علبة المناديل مع اني حططها علي المكتب .


ثالثا الإجابة عند دكتور كان بيدرسلي بيقول أول لما سافر امريكا واتجوز امريكية وهيا سايقة العربية كانوا بيكلوا اكل سريع الدكتور خلص وقام رامي الفضلات من العربية مراته وقفت العربية بسرعة توقيفها ساعة الحادثة وقالته بالنص " إنت مجنون إنت إيه اللي عملته دا " هو اتقمص بس بعد كدا عرف إن الناس في أمريكا من زي الناس في مصر في التصرفات .. انا مش بمجد امريكا علي فكرا .. بس هوا فكر شعب .

الموقف اللي عجبني في حلقات برنامج خواطر شاب في اليابان .. مجموعة شباب بيكلوا وقعت منهم بطاطس شيبسي في الحديقة " البطاطس الفرنسية " المهم قام 3 منهم وقعدوا يشيلوا بطاطساية بطاطساية لحد ما لموها كله .. ولما احمد الشقيري سأله إنت ليه مستنتش عامل النضافة يجي ويشيلها أجاب وقاله " إحنا اتربينا علي كدا في البيت ، ولو طفل مااهتمش بالنظافة ابواه يوبخاه " ثانيا " انا جيت الحديقة وهيا نضيفة فليه اسيبها مش نضيفه خصوصا إن فيه واحد هيجي بعدي عايز يستمتع بيها "

وعلي فكرة أنا قريته ويارب ياخد اللي في بالي لو متهداش .قادر ياكريم .

Mahmoud Ahmed يقول...

القاء القمامه بتدل على الحضاره الى احنا فيها للأسف
و تيجي تكلمي حد يقولك هو الشارع ده بتاعك

ده بتاع الحكومه اصرف فيه زي ما انا عايز بقي
ملكش انت دعوه

مصطفى يقول...

السلام عليكم..

موضوع (نظيف)..

أذكر أني كنت وصديق لي كنا نسير في الشارع..وكان في يدي كيس فرماه على الأرض..وكان معي كثله..فظللت أمسكه حتى قابلت صندوق قمامة ووضعته فيه..

فسألني وانت في قريتك..طبعًا مافيش صندوق قمامة في الشارع..بتتصرف إزاي؟!

قلت له..هاخليها معايا لغاية ما أروح..وأضعه في القمامة..


شكر الله جهدك..مدونة طيبة وهادفة جدًا.

د/على خميس يقول...

السلام عليكم و رحمة الله و بكاته
المسئولية ..
إحنا للأسف معندناش احساس بالمسئولية.. كل واحد عايز يعمل اللى يريحه و يرمى تعبه على التانى ... و لو علم الجميع أن الله جميل يحب الجمال لما آذوا الناس بمخلفاتهم..
دايما أنا فاشل فى موضوع المواقف ده فأرجو السماح..
بارك الله فيك و نفع بك
اللهم بلغنا رمضان

كلمات من نور يقول...

سؤالين مش سؤال لا دول تلاته في الواقع (:

انا بحب جدا الأطفال الصغار اللي بيكونوا بياكلوا وميلاقوش باسكيت يقوموا حاطين اوراق اكلهم وزجاجات المياه في شنطهم بدلا من تركها في اي مكان


ومحبش ابدا اللي يقعد يتهمنا بإننا سبب قذارة البلد و إننا و إننا ويكون منهمك قوي في الحديث ووخداه العزة ومحموق وتلاقيه يقوم رامي السيجاره بعزم ايده او الكلينكس من الشباك


اما بقى لسؤال النور فبجد مش عايزة اعلق ولا اتكلم علشان احنا بنجاهد بجد و مش عارفين التيار واخدنا لفين ( حلوة التيار دي بس مش قصدي التيار الكهربي)

Mona يقول...

كنت عاملة بوست تحت نفس العنوان السنة الى فاتت بس مختلف فى طريقة العرض - تسلم إيدك
بصى الموقف الأول وأقسم لك أنه حقيقى أنا كنت فى باريس فى حديقة من حدائق قصر فرساى فيها ممكن تركبى جولة فى حنطور وفيه وراء الحصان واحدة شابة فى منتهى الجمال تقوم بلم مخلفات الحصان من الأرض بأداة مخصصة لذلك حتى لا يبقى فى الطريق -

أما الموقف الثانى وهو بالطبع فى مصر كان فيه عربية فيها 5 سيدات 2 وراء و3 قدام بيأزأزوا لب وبعد شوية والله لقيت واحدة طلعت ايدها من الشباك ورميت كيس فيه قشر اللب فى الهواء أم الكيس أتفرتك وطار قشر اللب على العربيات وطبعا فى الشارع ولا مزيد من التعليق!!!

ذكرى رحيل قلم يقول...

السلام عليكم

احسنتي في اختيار الموضوع حتي لو صفه غير مستخدمة لدي الاخرين فهي بمثابة تذكرة للمداومة علي فعل الخير دائما واستخدام الصفات الحسنة

تحياتي

زينب علي حبيب يقول...

يمكن لأني ساكنة بدولة أوربية عندي الطبيعة دي ؟

الله أعلم ...

هقولك موقف هو مش شبه طلبك طبعا :)

أنا متعودة إني أرمي كل حاجة بالزبالة و خصوصا انو في البلد اللي موجودة فيه في كتير سلات زبالة بالطريق و إن ملاقيتش باللحظة اللي عايزاها فبالطريق هلاقي فأقل من 5 دقايق ...

مرة بقا كنت مع صاحباتي و بعز الاندماج بالكلام و كدا و كنا بحديقة فكان في إيدي كيس مش فاكرة بالضبط تبع إيه و فايدي عشان أرميه أول ملاقي زبالة ... و سبتهم أروح أرميها و عادي ... و مشينا مشوفش إلا واحد أجنبي عجوز عمال يعيط عليا و يبهدلني و أنا مصدومة كدا و ببص ليه ... بيقولي انتوا مش بتحافظوا على البلد و و و و .... طلعت من اندماجي رميت الكيس جنب الزبالة تماااما ههههههه ... و بقولو طبعا بمنتهى الهدوء والبراءة مانتبهتش و مش قصدي ... و هو مكمل عياط و معصب بيقولي روحي شيليها ... طبعا انا كنت بحالة صدمة موقف غريب ! ... فروحت و رميتها ... و بجد عادي ... بس حضرتو كمل محاضرة و كلام فاضي ... قامت صحبتي مش ساكتالو ... و جاوبتو ... كانت متنرفزة اليوم اياه و طلعت أعصابها بيه ... و أنا والباقيات واقفات على جنب و بنتفرج و كأنو الموضوع ولا يخصني بحاجة ههههههههه ... وقتها متنرفزتش اوي جتني الضحكة بعد مخلصت صاحبتي خناق معو وعدينا ... لأنو موقف تحفة :)

تعرفي هقولك حاجة ملاحظاها ( لازم أرغي كتير ههههههه ) بالبلدان الأجنبية الكل بيمشي على الرصيف ... بيعبر من ممر المشاة ... ولو إضطر يعبر من موقف تاني تلاقي السيارات بتوقفلك و تحترمك ( حصلي كدا أكثر من مرة ) ... و الكل بيرمي الزبالة في مكانها المخصص ...

و أما كنت فسوريا ... الكل بيمشي بالشارع ... كنت الوحيدة اللي بمشي على الرصيف هههههههههه شكلي تحفة ... بس الموضوع تعود ! ... هي الأرصفة ليه إنوجدت أصلا ؟؟ ... و الأرض مزبلة ! ... وعبور الطريق جهاد !

وفي نقطة أهم ... و بجد بتستفز ... في بلاد الغرب ... نادرا محد يعاكس ... يعني بالسنة مرة أو تنين و ثلاااثة بالكتيييييير ... و بالباصات و المتروات تلاقي الشباب بيقوموا لكل أم معاها طفل و للأطفال و للكبار بالسن .. و أحيانا للشابات يعني :) ... اما بسوريا مثلا .... !! ... بس موضوع الباص محصليش فيها :)

رغيت كتير عارفة ... تحملي بقا موضوعك يشد :)

و موضوع جميل :)

sara draz يقول...

فى مفكر بيقول
لو كل واحد فينا اهتم بتجميل المكان اللى هوه فيه فان كوكبنا سيصبح محط للانظار
..^_^
وكل واحد يبدأ بنفسه بجد حاجة جميلة ان الواحد يعمل حاجة ولو قليلة زى دى وهيه كف الازى
..
موقف ايجابى
كنت داخلة بيتنا فلقيت راجل
ماشى هوه وابنه فلقى فى الشارع
ورق كتير فخلى ابنه يلمه كله
^_^
..موقف سلبى
لما نكون فى مطعم ونخلص اكل
الترابيزة بتبقى وحشة اوى
بتضايق جدا من الحتة دى
فيها ايه يعنى لو نضفنا مكاننا
او ساهمنا حتى!!!!
...^_^

شوكولاتة يقول...

موضوع جميل احييكي عليه يا مونزي شفت موقف رهيب عندي في الجامعة دكتور محترم في جامعة محترمة والمفروض ان التدخين فيها ممنوع وهو خلص السيجارة طفاها في ترابزين السلم ورماها على طول دراعه

طلب صغير
بوست جديد مهم عاوزين كل مدون معانا يساعدنا في مشروع مهم التفاصيل عندي في المدونة

http://chocolatah.blogspot.com/2010/07/blog-post_26.html

معانا ولا.......

Asmaa mahaba يقول...

كنت كاتبه بوست مشابه اسمه الشارع بتاع بابى بس حضرتك اسلوبك نظيف لكن انا كتبته بنف الاسلوب القذ اللى بيحصل هههههههههههههه شغل مجانين بقى
تسلم ايدك

Asmaa mahaba يقول...

مصر ترفع شعار
بيقول كل ما توسخ اكتر كل ما رصيدك فى الزباله يكتر

موناليزا يقول...

مستر بريزيدنت
ــــــــــــــ
أهلا بيك
:) ماتقلقش أسئلتى دايما بتكون من المنهج:)

الف سلامة عليك بس كويس انك بتقول انك نسيت علبة المناديل لان فيه ناس اصلا مابتشتريهاش

أشكرك جدا لمشاركتك
يسعدنا دوام التواصل


***********************************


سبايدرمان
ــــــــــــ
أهلا بيك يادكتور
بس هما ناسيين حاجة مهمة اوى
ان فعل الفرد بيدل عليه والموضوع مالوش علاقة بالملكية ده سلوك

أشكرك جدا لتعليقك
يسعدنا دوام التواصل


**********************************


وحدى
ـــــــ
وعليكم السلام ورحمة الله وبركاته
أهلا بيك ياباشمهندس
:) الله يكرمك

أحييك على تصرفك وأشكرك جدا على مشاركتك ورأيك فى مدونتى
يسعدنا دوام التواصل


*********************************



د. على خميس
ـــــــــــــ
وعليكم السلام ورحمة الله وبركاته
أهلا بيك يادكتور
ده حقيقى للاسف

:) خلاص براءة
أشكرك جدا لتعليقك
يسعدنا دوام التواصل


********************************


كلمات من نور
ــــــــــــــ
أهلا اهلا بالغالية
:)
تصرفهم النظيف ده بيدل على بيئتهم

فعلا اكتر حاجة بتغيظنى اللى بيقولوا كلام وبيعماوا عكسه وكأنهم خارج نطاق اللى بيقولوه:)

:)

ماتحرمش من تعليقاتك ولا من تواجدك ابدا
نورتينى حبيبتى


*********************************


منى
ـــــ
أهلا بيكِ
هروح ادور عليه عندك عشان اقرأه:)

انا مصدقاكى من غير حلفان وسبحان الله كما قيل انهم مسلمين بلا اسلام

الموقف التانى حدثى ولا حرج فهذا المعتاد:(

نورتينى حبيبتى واسعدنى تواجدك


********************************


ذكرى رحيل قلم
ــــــــــــــــ
وعليكم السلام ورحمة الله وبركاته
أهلا بيكِ
أشكرك جدا لتعليقك
نورتينى حبيبتى واسعدنى تواجدك


*******************************


قطرة وفا
ـــــــــــ
أهلا بيكِ
سعيدة بتعليقك جدا وطولى براحتك ولا يهمك فكلى آذان صاغية
ومن المؤسف حقا ان تكون هذه سلوكيات مجتمعاتنا العربية

نورتينى حبيبتى وفى انتظارك دائما


*********************************


ريحانة الاسلام
ــــــــــــــ
أهلا بيكِ
أحييه على هذه المقوله
فلنترك المكان كما نحب أن نجده

:) ماشاء الله ليت كل الاباء كذلك

ومااكتر المواقف السلبية فى حياتنا

نورتينى حبيبتى واسعدنى تواجدك


**********************************


شوكلاتة
ـــــــــ
أهلا بيكِ بعد طول غياب
وده اللى يغيظ لما القدوة ومربى الاجيال يعمل كده!!

طلباتك اوامر شوكلاتى:)
نورتينى حبيبتى واسعدنى تواجدك


**********************************


سومة مجنونة فى بلد عاقل
ـــــــــــــــــــــــ
أهلا بيكِ بعد طول غياب
:)
تسلمى على تعليقك
نورتينى سومة الجميلة واسعدنى تواجدك

♥ ♥ Amira Samy ♥ ♥ يقول...

موضوع راااائع
و الله مهما بنقول النظافة
من الإيمان و مفيش فيدة
و الله على صور المدرسة
مكتوب النظافة من الإيمان
و تحتها بالظبط ملينا اكياس
شبسى و غيرها كتييييير
رنا يهدى الجميع يا رب
تحياتى لك

z!zOoOo يقول...

السلام عليكم

اختنا موناليزا

كيف احوالك

اسئل الله ان تكوني بكل الخير

موضوع جميل طبعا

وياما بتكلم فيه والله

وياما تصرفات مستفزه بنشوفها

هو انا مش مثالي للدرجه ديه

وساعات برمي بس مش في الاماكن النضيفه

يعني مثلا لو مش عارف احط الحاجه في جيبي

بحطها علي جنب

لو علي المواقف فيه كتييييييييييير

مثلا الشارع الي انا قاعد فيه

كل يوم الساعه 3 بتوقيت جرينتش

اسمع سجال اصوات كياس الزباله

ده غير الي بتنضف بيتها وتمسك الجاروف وترمي التراب من البلكونه

والي بيكبوا الميه الي نضفوا بيها الارض في الشارع

والي بيرموا بقايا العشا او اي وجبه في الشارع بحجه ( خلي القطط تاكل )

والبصق وحاجات تانيه مش عايز اقولها عشان ماقرفكيش

:((

ده غير الزبال الي بيصعب عليا من كم الزباله الرهيب الي بيلاقيه متناثر في الشارع من ورق وحفاضات واشياء أخري لا تقال منعا للإشمئزاز( تحسي الناس بتخلص بالفلوس الي بتدفعها)


بس فعلا انا دايما اقول النضيف نضيف في كل مكان مش بس في بيته

ربنا يهدي الناس

وتعرف إنها بتسيء لنفسها ولبلدها قبل ما تعند في الحكومه

طرح جميل بس يارب الناس تتعلم

عذرا للتقصير في الزياره

تحياتي

حمـــــــــــــــــــــة يقول...

السلام عليكم و رحمة الله وبركاته
الأخت الكريمة
النظافة تشمل عديد النواحي بداية من النفس البشرية بجوانبها المعنوي و المادي
الجانبان متلاصقان و فاقد الشيء لا يعطيه
مع الأسف المجتمع كسلة الطماطم ...يكفي حبة او أثنين غير صالحة تؤثر على الباقي إلا من رحم ربك
زد على ذلك تعود الكثير بالأمر في كل شيءا في حياته اليومية:
-نم
-كل
-إقرأ
- قل كذا و لا تقل كذا (بدون تفسيرا)
- تزوج
- طلق
- أنجب كذا ولد و كذا بنت ( و كأنه سوق يشتري ما يريد)
زد على ذلك مخلفات إستعمارية زرعت الشك بكل مكان ..............
في النهاية هو سلوك جماعي عبارة عن تمرد عن الذات و كل شيءا
و لعل أهم دليلا نلاحظه :
أجنبي يفتح مشروعا بلاد المسلمين
العمال أولاد البلد
السلعة أو البظاعة منتوج البلد
كل شيءا من البلد
فقط التصرف وفق برنامج الأجنبي
النتيجة : كل شيءا تماما
يأتي بيديه و فكرة برأسه ينجح
في حين أبناء البلد لا يستطيعون تحقيق نصفه
مع الأسف أمثلة عديدة مرة و قاسية
يتألم في صمت من عنده ذرة معرفة
و يستمر البقية في الرقص على أنغام ما أريد لهم

وجـدان يقول...

اهلا اهلا ,, أمة الله ..
جزاج الله خير ,, والله أكثر ما يتعب هالتناقض اللي في بعض البشر ,,

موقف لشخص اعجبتني نظافته:
كل شخص يكون بالشارع و يوقف بسيارته جنب سلة المهملات -يكرم القارئ- و ينزل الاوساخ ..

و موقف لشخص نفرت منه .:
اشوف فجأه شخص يرمي سجارته بالشارع .. :(
(يحرق الناس+وسخ من قلب:(


شكرا لج ..

ايه رايك يقول...

اااااااااااه
حكاية البصق في الشارع ديه حاجه مقرفه ياشيخه
حاجه معفنه اوي


لو كل الرجاله اللي بيتفوا في الشاره دول يعرفوا قد ايه اي راجل محترم واي واحده محترمه او غير محترم بيشمئز منهم كانوا اتمنوا الارض تنشق وتبلعهم

لكن ظنا منهم ان ده شئ عادي فبيكراروه


قرف والله
يعععععععععععععععع


كتكم الاقرف

زهرة يقول...

بوست جميل يا موناليزا ..

النضافه من الايمان زى ما قلتى .. بس احنا مش معترفين بدة للأسف وعندنا بنتعبر النضافه مسئوليه كبيرة فوق كتافنا .. مهو اسهل انى ارمى زبالتى فى الارض من انى اشيلها لحد اقرب سله

كنا واحنا صغيرين بنعمل القيم دى وكانها عقاب ويوووة لسه هرميها فى الزباله .. ولما نبقى لوحدنا نمارس حريتنا فى رمى الورق والاكياس براحتنا لمجرد انه مفيش رادع

من وقت ما كنت فى اعدادى وعرفت صحبه عمرى اللى لحد دلوقتى اقرب حد ليا
اتعلمنا من بعض حاجات كتير .. كانت اكتر حاجة اتعلمتها منها انى املى شنطتى ورق من اول اليوم لحد ما نرجع من المدرسة والدروس ونرمى الورق فى الزباله ^_^

وعلمناها لكل صحباتنا .. كانت حاجة حلوة اوى لحد دلوقت بنفتكر ونقول حقيقى قيمة لحد دلوقت متخليناش عنها :)

الورقة مش تقيلة .. والمفروض نعتبرها تمن مظهر الشارع والمكان اللى وقتها لما نحافظ كلنا هيكون جميل ..

بحييكى على البوست

موناليزا يقول...

سلسبيل
ـــــــــ
أهلا بيكِ
أشكرك جدا لرأيك
وفعلا مناظر مؤذية
نورتينى حبيبتى واسعدنى تواجدك



**********************************


زيزو
ــــــــ
وعليكم السلام ورحمة الله وبركاته
أهلا بيك بعد طول غياب

أنا الحمدلله بخير أشكرك لسؤالك

فعلا المواقف المقززة كتير ولكن كما قلت النظيف نظيف فى كل مكان والسلوكيات بتعبر عن شخصية الفرد وبيئته

أشكرك جدا لمشاركتك
يسعدنا دوام التواصل


**********************************


هاما
ــــــ
وعليكم السلام ورحمة الله وبركاته
أهلا بيك

عندك حاجة.. حاجة غريبة فعلا لما الحاجة الوحشة تقدر تستسرى كالنار فى الهشيم بسرعة البرق عكس الافعال الحميدة تحتاج الى صبر وطولة بال حتى تستطيع جذب الافراد لها

أشكرك جدا لمشاركتك
يسعدنا دوام التواصل


**********************************



وجدان
ـــــــ
يا اهلا يا اهلا

ربنا يكرمك واشكرك جدا لمشاركتك
أسعدنى تواجدك وفى انتظارك دائما



*********************************



ايه رأيك
ـــــــــــ
أهلا وسهلا

أشكرك جدا لمشاركتك
يسعدنا دوام التواصل



*********************************

زهرة
ــــــ
أهلا بيكِ
الله عليكِ
أشكرك جدا لمشاركتك
نورتينى حبيبت واسعدنى تواجدك

غير معرف يقول...

موضوع التدوينة قيم ومتفق معك فيه

بالنسبة لموضوع الكهرباء
لي ملاحظة
ما المانع في ترشيد الكهرباء ؟ أفي هذا مشكلة ؟
من قال أن الدول العربية لا تقطع الكهرباء بها .. مثل بسيط
الكويت منذ أكثر من شهر انقطعت الكهرباء حتى عن مجلس الأمة الكويتي ( مجلس الشعب ) في جلسة من الجلسات وكانت فضيحة
والكهرباء هناك تقطع كثيراً
ومش في الكويت بس في كل الدول العربية .. الأردن بتستورد 94 % من احتياجاتها من الطاقة من الخارج ومش مغطيها

ثم ثم من قال أن السد العالي يغطي احتياجات مصر ويفيض ؟
كان هذا زمان وجبر : مقدار الجهد الكهربائي الذي أضيف للشبكة الكهربائية العام المنصرم وحده يتخطي إنتاج السد العالي
عدد العاملين المصريين في الخارج يقدر بحوالي 7 ملايين مواطن

موناليزا يقول...

أحمد شريف
ـــــــــــ
أهلا بيك أستاذ أحمد
أشكرك جدا لرأيك فى التدوينة

أما عن الكهرباء لامانع طبعا فى ترشيد الاستهلاك وأنا أحث على هذا فى تعاملاتى اليومية ولكن لا تفرض علينا الحكومة شئ بالإجبار وخصوصا لو كان فى غير مصلحتنا مثال اطفاء العموايد المضائة بحيث يكون عمود منور والتانى لأ وهكذا
ده بقى يبقى اسمه إيه؟
ده بدل ما تدور على الشوارع والطرق السريعة اللى مافيش فيها ولا عمود مضاء وتعمل على إضائته

وغلق المحلات التجارية من الساعة السابعة مساء ترشيدا للطاقة ده برضه يبقى اسمه ايه
بغض النظر بقى عن مصلحة البائع والمشترى وهل التوقيت ده مناسب ليهم أصلا ولا لأ
وبعدين ايه اللى جد عشان الطاقة اللى عندنا تخلص

و اللى حصل فى الكويت أكاد أجزم أنها غلطة ولن تتكرر مجددا

وزى ما حضرتك قلت 7 مليون أسرة بره مصر وده مش توفير كفاية.. مش للكهرباء وبس لأ ده للمياه وللمواصلات ولاماكن وقوف السيارات وللمدارس...
وعلى فكرة انا اقمت فى بلد عربى فترة.. لم يقطع فيها الكهرباء ولو حتى خمس دقايق رغم انها بلد صناعية وأغلبيتها مصانع وشركات
واهل البلدة يقولون الكهرباء لا تقطع عن احد الا فى حالة عدم سداد فاتورة الكهرباء

أشكرك لتعليقك
يسعدنا دوام التواصل