الأحد، 11 سبتمبر، 2011

رمز المحبة


تعتبر الهدية رمزاً للمحبة وليس هذا فقط، فإن لها تأثير السِحر على الآخرين. فكم من هدايا بسيطة ورخيصة الثمن ولكن لها تأثير عظيم في نفوس مستقبليها.
سأعرض بعض الأمثلة البسيطة والتي يستطيع الغالبية فعلها دون أن يؤثر هذا على الميزانية الشهرية لمصروف البيت.
* يقف بسيارته في إشارة المرور فيمر عليه صبي صغير يبيع ورد وفل يبتاع منه عقد فل ويعطيه لزوجته أو ابنته أو شقيقته التي تجلس جواره مع ابتسامة دون كلام.. لكم أن تتخيلوا رد فعلها وشعورها السعيد وقتذاك.
* أب يأتي من الخارج فيجري ابنه تجاهه ليستقبله فيعطيه الأب بعض الحلوى. وهذ المثال يجوز أن يحدث مع العم وابن شقيقه أو الخال وابن شقيقته أو الصديق وابن صديقه أو حتى الجار وابن جاره إلخ.
* أم تفتح خزانة ملابسها لتجد ابنتها تركت لها شيكولاتة.
وما إلى ذلك من مواقف كثيرة؛ فالهدية لا تحتاج إلى مناسبة ولا تحتاج إلى مبلغ كبير فالحب وحده يكفي .
فلماذا أنتظر حدوث مناسبة مثلاً لأعطي أمي هدية مثلما يحدث فى عيد الأم لماذا لا تكون الهدايا بصفة مستمرة حتى لو كانت قطعة حلوى.. ولماذا انتظرعيد ميلاد صديقتي لأجلب لها هدية رغم حبي لها على مدار العام! ماذا سيضير في جلب هدايا بسيطة من وقت لآخر حتى ولو شيكولاتة من نوعها المفضل..
لا يخفي على أحد بأن الهدايا في المناسبات تعطي انطباع بأنك تريد أن يتم ردها لك في أقرب فرصة، أما الهدايا من غير مناسبة فلايشعر مستقبلها بأنك تريد استردادها ولكنه يشعر بمدى مشاعر الطرف الآخر.
وكما قيل في حديث شريف "تهادوا تحابوا".
فلاتبخلوا على أحبتكم.
يقول أحد الفلاسفة بأن السلام يعتبر من أرخص الهدايا بمعنى أن ترسل السلام مع أحد.
مثال:
" فلان بيسلم عليك" أو "فلان سألني عليك وبيدعيلك".
وأخيراً أوجه نصيحة للزوج بصفة خاصة:
لاتدع مشاغل حياتك تنسيك أن تهادي زوجتك سواء كنت تحبها أو لأ.
فهديتك فى النهاية أنت المستفيد بها فمثلا لو كانت الهدية زجاجة عطر فأنت من ستستمتع برائحتها  الخلابة.. لو كانت آداة من أدوات الزينة فهي ستتجمل من أجلك.. لو قميص نوم ستستمتع بارتدائها له .. لو كتاب للطهي أو لصنع الحلوى أنت من سيأكل أصناف جديدة.. لو قطعة ذهبية سترتديها الزوجة أمام الجميع وستظهر بأنك كريم معها..  فهديتك لزوجتك مكسب لك في جميع الحالات دنيا وآخرة.
سؤال جانبى:
ــــــــــــــــــــــــ
* ما آخر هدية قدمتها ؟ ومن هو هذا الشخص؟.

هناك 17 تعليقًا:

sony2000 يقول...

اخر هديه جبتها لأنتيمتي
قلب نصين هي اخدت نص وانا نص

وفرحت بيها اوي
ربنا يخليهالي يارب

eng_semsem يقول...

فعلا بيبقى للهديه دور كبير في التقارب ما بين الاشخاص وللتقويه العلاقات ما بينا وبين الاخرين
تحياتي

محمود عسكر يقول...

مفيش كلام بعد اللي تقال
الله ينور عليكي
موضوع رائع

وجع البنفسج يقول...

فعلا ما في أجمل من الهدية وخاصة عندما تأتي بدون مناسبة ..

اما لسؤالك متى اخر مرة ..

اممم مش فاكرة من كام سنة .. زمان ما حدا أهداني هدية او انا اهديت حدا هدية بس كويس انك فكرتيني ..ههههه

ع الراتب ان شاء الله راح اشتري هدايا للبعض .. واكيد راح تكون لفتة جميلة ..

تسلم ايديك يا موناليزا على موضوعاتك الجميلة والشيقة ..

ابراهيم رزق يقول...

زمان حسين السيد كتب اغنية بتقول
قال جاى و جايب كم وردة
فاكر ده يرجع ليالينا
لو كان الورد يجيب فايدة
كانوا كل اتنين زرعوا جنينة

بغض النظر عن الاغنية لكن فكرة حلوة و ياريت قبل الهدية الكلمة الحلوة يعنى لو اجتمع الاثنان الكلمة و الهدية يبقى يا سلام
بالنسبة لسؤالك انتى بتحرجينى لانى تقريبا مش بعملها كتير و لانى مش بعملها كتير
لو يوم جبت هدية ينظر لى نظرة شك و ريبة
يعنى لا كده عاجب و لا كده عاجب
ههههههههههه

تحياتى

reemaas يقول...

كانت ساعه
لاقرب الناس ليا

ريــــمــــاس يقول...

صباحك غاردينيا موناليزا
فعلا الهديه بـ الإحساس بيها ومش بثمنها ابسط هدية من قلب يقدمها بحب تعني الكثير ..أعجبتني كثيراً همستكِ للزوج :) "
؛؛
؛
أخر هدية كانت مني لإنسانة غالية جداً
هديتها في العيد وكانت سعيدة فيها
وسعادتها أسعدتني "
؛؛
؛
لروحك عبق الغاردينيا
كانت هنا
reemaas

Noha Saleh يقول...

عجبنى جدا البوست

خصوصا الجزء الاخير:)))

الهدية عموما حاجة جميلة جدا سواء كانت جايالى او كنت جايباها لحد خصوصا لو حد غالى عندى

Bent Men ElZman Da !! يقول...

فى حاجات صغيره فى مظهرها بس بتبقى قيمتها كبيره اوى وبتفرق وبيكون احساسها حلو

اخر هديه جبتها لبنت خالى الصغيره عشان عيد ميلادها
وكانت عباره عن لعبه هى كانت عايزاها

شوكولاتة يقول...

وحشتيني ووحشتني مدونتك اوي يا موني :)

_________________________
I have added cool emoticons to this message.
To see them go to http://x.exps.me?16e3d5f6cef39f54761a8ae5b8bd6e06

عالمى ازرق يقول...

تعرفى انى بهتم بالهدايا جدا وبكل تفاصيلها الصغيرة
يعنى ممكن ابدأ انى اعمل صندوق من وهو كرتون واغلفة لمجرد ان الهدية تحتوى فى كل جزء منها على لمستى
الهدية بحس وانا بهديها لحد انها مش مجرد هدية لها قيمة مادية وبس ، دى جزء من روحى لازم كل مايشوفها يفتكرنى ويبتسم

واحيانا بتكون الهدية وسيلة مساعدة جدا على احتلال الشخص والتسرب لحياتة واسعاده ، ازاى تهدى شيء يخصك ، يميزك انتى عن هدايا الكون كله
تعرفى ان اى هدية منى لازم احط فيها من البرفان بتاعى ربما لان ذاكرة الروائح بتكون قوية جدا
فى مقابل كل ده بيرضينى اوى السعادة اللى بيحسها الشخص اللى بتهادية اعتقد ان دى كمان بتكون هدية الطرف الاخر

وبهتم انى اما اشترى هدية تكون مظابقه للمواصفات الشخصية له ... بمعنى حاجه تدخل فى نطاق اهتمامه وميوله .. حاجه يحبها .. علشان تؤدى وظيفتها فى اسعاده

على فكرة
انا بهادى نفسي وبلفها ، وبهتم بيها ، وبحطهالى فى اوضتى .. وبفتحها وبتفاجيء وافرح بيها كمان
وبجيب هدايا لقططى لازم فى العيد اجيبلهم حاجه واما تجيلى فلوس مفاجئة كمان بهيصهم معايا

انا بحب احتفظ باغلفة الهدايا .. تقديرا لحد اهتم بيكى وانه يفتكرك ويسعدك ويختار لون وشكل الهدية

اخر هديى كانت هدايا العيد .. بتتميز انها بتكون هدايا رمزية وبتشمل عدة اشخاص متفاوتى الاعمار والميول

ملحوظة اخيرة

انا مفتقدة اشترى لحد هدية بحب واهتم بكل تفاصيلها الصغيرة واحط فيها جزء منى .. بجد مفتقدة ده اوى


نسيتى تسألى
ايه اغلى هدية .. واكتر هدية لمست قلبك؟؟؟

عذرا على الاطالة بس بجد موضوعك حلو اوى وفتحنى فى الكلام

candy يقول...

بوست جميل ورقيق قوى

أنا بهتم بالهدايا جدا
لأنى أنا نفسى بفرح بالهدايا جدااا ومثلا ولو مثلا حد جابلى هدية عندى أجمل وأشيك منها ، بتفضل الهدية عندى أقيم بحبها أكتر لأنها بتحسسنى قد إيه اللى جبهالى بيحبنى.

كمان بحب أهتم بالكروت اللى مع الهدية .. لأن ممكن الهدية لو برفان أو لبس أو احةج هاتستهلك تخلص أو بعد مدة يتنسى تاريخها ومن مين .. لكن الكروت بيتكتب فيها كلام حلو ، وأحيانا لما حد يكون متضايق ويفتح الكروت بيحس احساس جميل قوى..

أنا عاملة البوم للكروت اللى جاتليى فى كل المناسبات وبعتز بيه جدا.

ماجد القاضي يقول...

السلام عليكم أختي موناليزا..

تسلم إيدك على الموضوع الجميل...

كالعادة تذكرينا بمعنى رقيق ومهم وسهل التحقق في حياتنا..

الفكرة بجد جميلة..
جزاك الله خيرا على هذه التذكرة القيمة..

جعلها الله في ميزانك (مع كل هدية سيهديها قارئ لكِ فيها أجر إن شاء الله).

تحياتي.

...............

آخر هدية كانت لبناتي.. وبجد أنا بحب أفاجئهم بالهدايا علشان بطير من الفرح لما بشوف السعادة في عنيهم مع المفاجأة..!!!

Butterfly يقول...

فعلا الهدايا ليها أثر كبير أوى
مش فاكره بالظبط امتى اخر هديه
بس ممكن نحسب انى عملت لبابا تورته فى عيد ميلاده :)

موناليزا يقول...

سونى2000
ــــــــــــ
أهلا بيكِ يا سونى
أشكرك جدا لمشاركتك
نورتينى وفى انتظارك دائما


*************************************

إنج- سمسم
ــــــــــــــ
أهلا بيك يا باشمهندس
ده حقيقى جدا

ولكن أين إجابة السؤال الجانبى :)

أشكرك جدا لتعليقك
ويسعدنا دوام التواصل


**********************************

محمود عسكر
ـــــــــــ
أهلا بيك يا أستاذ محمود
الله يكرمك:)
أشكرك جدا لرأيك ولتعليقك
يسعدنل دوام التواصل


*********************************

وجع البنفسج
ـــــــــــــــ
أهلا بيكِ حبيبتى
ده حقيقى أحلى حاجة انها تكون فى وقت غير متوقع


خلاص ماتنسيش بقى :)

تسلميلى حبيبتى وأشكرك جدا لرأيك ولتعليقك
نورتينى وفى انتظارك دائما


********************************

إبراهيم رزق
ـــــــــــــــ
أهلا بيك أستاذ إبراهيم
متفقة معاك جدا فللكلمة الطيبة وقع السحر فى نفس مستقبلها عن الهدية الصامتة

:)اعملها تانى قريب وخد نية "تهادوا تحابوا" وعلى ضمانتى المرة دى :)

أشكرك جدا لمشاركتك ولتعليقك
ويسعدنا دوام التواصل


**********************************

ريماس
ـــــــــ
أهلا بيكِ يا نور
:)
أشكرك جدا لمشاركتك
نورتينى حبيبت وف انتظارك دائما


***********************************

ريماس
ـــــــــ
أهلا بيكِ يا ريماس
صباحك ورد معطر يا قمر
ده حقيقى جدا المهم الاحساس
أى خدمة يا حبيبتى :)

أشكرك جدا لرأيك ولمشاركتك
نورتينى وأسعدنى وجودك


**********************************

نهى صالح
ــــــــــ
أهلا بيكِ يا نهى
أشكرك جدا لرأيك وسعيدة جدا بأن الجزء الأخير عجبك :)
تسلى على تعليقك
وفى انتظارك دائما


***********************************

بنت من الزمن ده
ـــــــــــــــــ
أهلا بيكِ حبيبتى
المهم قيمتها المعنوية:)
أشكرك جدا لتعليقك ولمشاركتك
نورتينى يا جميلة وأسعدنى وجودك


*********************************

شوكولاتة
ـــــــــــ
أهلا بيكِ يا شكشوكة
وأنتِ كمان يا حبيبتى
وسعيدة جدا بعودتك

نورتينى ياقمر وفى انتظارك دائما


***********************************


عالمى أزرق
ــــــــــــ
أهلا بيكِ حبيبتى
: إيه الجمال والرقة دى ..أنا سرحت فى تعليقك وابتسمت جدا وأنا بقرأه على كل المشاعر الراقية وأحاسيسك الجميلة بالهدية

عجبنى أوى إنك بتهادى نفسك أنا كمان أوقات بعملها:)

بجد أنتِ جميلة أوى
وسعيدة جدا بتعليقك
وفى انتظارك دائما


************************************

كاندى
ـــــــــ
أهلا بيكِ يا كاندى
أشكرك جدا لرأيك فى البوست

عجبنى أوى نظرتك للهدية وللكروت المصاحبة لها

نورتينى وأسعدنى وجودك


*********************************

ماجد القاضى
ــــــــــــ
وعليكم السلام ورحمة الله وبركاته
أهلا بيك أستاذ ماجد
أشكرك :)
الحمدلله يافندم فماتوفيقى إلا بالله

ربنا يكرمك يارب أنا اللى بشكرك بجد على تعليقاتك المشجعة لما أكتب دائما

:) تعرف إن فيه حديث نبوى فيما معناه إن اللى بيدخل السرور على قلب بناته ربنا بينظر ليه نظرة رضا
ربنا يخليك ليهم ويبارك لك فيهم

أشكرك جدا على تعليقك ومشاركتك
ويسعدنا دوام التواصل


***********************************

بيترفلاى
ـــــــــ
أهلا بيكِ حبيبتى
طبعاً هنحسبها هدية وكفاية أنها من عمايل إيدك :)

نورتينى يا جميلة وأسعدنى وجودك

محمد محمود عمارة يقول...

الأستاذة الفاضلة منى
أولاً أبارك لك اختيار موضوع خبايا نسائية لموضوع كتاب المدونين ، و فعلاً هو موضوع يستحق فهو من أجمل المواضيع التي أقرأها لك.
و في موضوع الهدية ذكرتنا بما شغلتنا الأيام عنه

موناليزا يقول...

محمد محمود عمارة
ـــــــــــــــــ
أهلا بيك أستاذ محمد
أشكرك جداً يافندم
وسعيدة برأيك
وربنا يبارك فيك يارب

جعلنا الله ممن يستمعون إلى القول فيتبعون أحسنه

يسعدنا دوام التواصل